Номаи Рӯдакӣ дар бораи раиси собиқ ва раиси феълии ноҳия Абдуғаффор Ҳикмаутллозода ва Нусратулло Салимзода ин ду нафар ба гуфтаи муаллиф дуздони ботаҷрибаи ҳукумати Раҳмонов ва фаъолиятҳои ҷиноии онҳо суҳбат мекунад. Салимзода ҳама қарорҳои Ҳикматуллозодаро бекор карда ва аз нав тавассути тендер (роҳи дигари пулканӣ) ба савдо гузоштааст.

Муаллифи мо аз Хуҷанд ҳам дар бораи фурӯши вазифаҳо дар ВКД навиштааст. Вай бо мисолҳои мушаххас ва зикри ному насаби нафароне, ки моҳи январ ба вазифаҳо таъин шуданд, нархи пораи онҳоро ҳам навиштааст.

 Дар номаи омада аз Душанбе баъзе маълумоти ҷолиб оварда шудааст, ки инҷо дар борааш чизе намегӯем. Худатон мутолиа кунед.

Нависандаи нома аз Кулоб бошад Раҳмонов ва масъулину мақомоти вайро аз чанд ҷиҳат шадидан интиқод кардааст. Масалан гуфтааст, ки вақте нарх барои истифодаи қувваи барқ дар тамоми қаламрави собиқ шӯравӣ дар Тоҷикистон аз ҳама боло аст, аммо маош аз ҳама кам аст:

                                         Рӯдакӣ

Ассалому алайкум бародар Муҳаммадиқболи Садриддин. Аз ноҳияи пурмоҷарои Рӯдакӣ менависам.

Нусратулло Салимзода, ки ба тозагӣ раиси ноҳияи мо шуд, даст ба корҳои аҷаибе зада истодааст. Бинобар шунидаи мо Раис аз суми сохтмонҳои бачааш 450 ҳазор доллар ба Азизмои газетхонаки зани Президент додаасту 350 ҳазори дигар ба Озодаи Фиона барои вазифаи раиси ноҳияи Рӯдакӣ. Гуфтааст, ки ин «аванс».

Мунираи котибаи Нусратулло Салимзода дар якҷогуфтааст, ки: «Раис мега аҷоиб, ки Президента надидм. Фарёдм кадану гуфтан бра вазифара гир. Яке Президент мра (мурад) чи мекнем, иқа сума додм, ба фикрм кидат мешам чи». 

Салимзода таъриф кардааст, ки вақте вазири тандурустӣ буд, ду бор ҷони Тахминаи Раҳмонро харид. Як маротиба дар Дубай Тахмина бо кадом кавалераш меравад ва баъди кайфи бисер кавалераш Тахминаро кидат мекунаду мегурезад.

  Тахмина аз тарсе, ки Раҳмонов мефаҳмад ва Тахминаро ҷазо медиҳад Салимзодаро занг зада гуфтааст «сумои ма тамом шид, иқа сумум рои кун. Сумома ҳамаша харид кам». Салимзода ҳазор доллар равонаш кардааст. Салимзода гуфтаст, ки «у вақто Тахмина ай тарсера, ки шуш мефаҳма, дуруға болои дуруғ бофт, марам хап кадм». 

Мунираи котибаи Нусратулло Салимов ба ном шавҳар дораду дар бистари Салимов гаштааст. Вагарна биниаш, ранги як маймун аст.

  Бачаи Мунира аз номи Рустам гап зада гаштааст. Дар ҳама ҷо худашро ҷияни Рустами Эмомалӣ мегирад. Агар ягон ҳуҷҷатро дар ягон ҷо имзо кардан лозим ояд, барои зуд шудан худашро ҷияни Рустам мегирад. Ин нағмаро бачаи Мунираи котибаи Нусратулло Салимзода аз бачаи худи Нусратулло Салимзода ёд гирифтааст, ки вай ҳам дар ҳама ҷо мегӯяд, ки «отаи ма ба зани Ҷаноба бачаи холашай, мода по**яй. Оли Рустам Президент шава бо биҷили мо хартар мехеза».

Хуб рост мегуяд: «отаҳову очаҳошон долятон метанку муттаҳамен ку».

 Омадан баробар Салимзода сӣ қарори Абдуғаффор Ҳикматуллозода, раиси пешини ноҳияи Рӯдакиро отменит кард. Маълум аст ки нафарони ин қарорҳоро гирифта суми зиёд дода гирифта буданд. Бепул гирифтагӣ нестанд. Ҳозир гапгап аст ки Абуғаффор Ҳикматуллозода аз узви Маҷлиси Миллӣ мегиранд ва маҳкамаш мекунанд. Бояд аввал статусашро бекор кунанд.

Салимзода домсозҳо, фирмаҳо ва одамонеро, ки бояд кор мекарданд, садику мактабу дом месохтанд, яъне ҳамаи недостройкаҳоро сур кард.

Ҳозир Салимзод дар ноҳияи Рудакӣ тендер эълон карда истодааст. Дар тендер одами худашро мешинонанд, дигар кадом чизе сохта мешавад-иншоот, через дасти ҳамин мегузарад. Тендери Нусратулло Салимзода. Тендери Салимзода як ҳиллаи нав аст барои гирифтани пул. Баробари нишастан ба курсии раисӣ, сардори Раёсати молияро ҷавоб дод. Вай аз Совесткий буд. Началник милиса, началник амният, суд ва прокурорро фарёд мекунад ва ҷаласа карда мегуяд, ки «ман инҷо се соли дигар мондааст ба пенсияма кор мекунам, ягон корда кор надорам, мара обрума нарезонед. Якҷоя кор мекунем».

Абдуғаффор Ҳикматуллозода ба як фирма иншоотро медоду мегуфт бикун. Албатта, Ҳикматуллозода аввал доляашро мегирифт. Доляҳоро аз фирмаҳо Ҳикматуллозода гирифтагӣ аст, аммо онҳоро Салимзода ҷавоб дод. Ана акнун инҷо хаос ва ҷангу ҷангҷол мешавад. Ин фирма ва домсозҳо ҳатман шикоят мекунанд бар зидди Ҳикмутуллозода Абдуғаффор.

Бинобар маълумотҳо Ҳикмутуллозода Абдуғаффор фақат дар Душанбе 104 хона доштааст. Писари Абдуғаффор Ҳикматуллозода чанд вақт пеш дар 46 қапиданд. Як духтарро износилават ва издиватса мекунад. Дар хона бо камера меқапандаш. Амният меқапад. Мегуяд илтимос дар телевизор набароред 50 000 доллар медиҳам. Меравад 50таро оварда медиҳад, сараш медиҳанд. Ҳикматуллозода мефаҳмад, меравад то пеши СС.Ятимов, аммо қабулаш намекунад. Одами сум надодагӣ чи хел аст? Аз давраи муфаттишиаш аз одамҳо сум гирифта кори онҳоро буд намекард. Кидат мекардааст, то ҳозира ҳамон қарзҳояш мондагӣ. Бубинед,ки ҳамин гуна одам муовини аввали Прокурори генералӣ шуд, рутбаи генералӣ гирифт ва боз раис калонтарин ноҳияи Тоҷикистон ҳам шуд.

Ҳабибулло Воҳидзода Генпрокурори навро мегуфтанд, ки честний аст, сум намегирад. Як хона дорад, ки бари он каҷала аст. Аммо вақте мекованд 44 хонаашро дар Душанбе меёбанд. Дар барномаҳои баъдӣ дар ин бора бештар маълумот медиҳем.

                                           Хуҷанд 

Ассалому алайкум бародар Муҳаммадиқбол! Умедворам хубу хуш бошед. Шумо, ки ин равандҳоро пайгирӣ мекунед, огоҳ ҳастед, ки рӯзи 09.01.2026  дар сохторҳои вазорати корҳои дохилии Тоҷикистон тағйироти кадрии навбатӣ ба амал бароварда шуд. Аммо ин таъинотҳои кадрӣ, маълум аст ки ҳар кадоме нарх, ставкаи худро доранд. Тамоми вазифаҳо дар роҳбарии ШВКД-ҳо бо маблағҳои ҳангуфт хариду фурӯш карда мешаванд. Ва ин ҳолатро тамоми мардуми ҷумҳурӣ медонад. Аҷоибаш ин аст ки боз онҳоро Раҳмонов дар як ҷаласаи махсус даъват мекунад ва ба онҳо гӯё насиҳат мекунад, ки бо дасту дили ҳалол ва барои  ватан кор кунед. Амммо худи Раҳмонов ҳатман дар ин пора шарик аст. Порахури рақами 1, дузди рақами 1 худи Раҳмонов аст. Ёдатон бошад дар як маҷлис ба тарафи кормнадони мақомоти ҳифзи ҳуқуқ, андоз буд ё прокурорҳо чи гуфта буд? Пеш кӣ будӣ, ҳозир кӣ шудӣ, пеш чӣ доштӣ, ҳозир чӣ дорӣ? Шукр намекунӣ?»

Мефаҳмед чи мегӯяд? Маънояш ин аст ки шукр намо, ки дар зери сояи давлати ман, ман чунин шароитро додамат, ки чунин пулҳо кор кунӣ, чунин бой шавӣ. Ҳаминки нафарони нав ба мақомҳоро ҷаласа намуда суҳбат мекунад, сабаби асосиаш ҳамин аст, ки ана ман ба шумо ин вазифаҳоро додам, шумо ва вазифаатон ин аст ки аз саг ҳам бештар бояд ману аъзои хонаводаамро посбонӣ кунед. Шумо дар шаҳру ноҳияҳо сардори милиса ҳастед, аммо барои ман саги пеши хонаам, қаровулӣ мекунед, мисли кучук.
Ман барои шумо маълумоти дақиқ дар бораи онки киҳо ва бар ивази чанд ҳазор доллар ба ин ё он вазифа расиданд, медиҳам. Маълум аст ки ин нафарон ин пулҳоро аз ҳаво нагирифтаанд, ё дарахташон барги пул надорад, ки чинда оварда дода бошанд. Ҳоло, марҳамат, мутолиа кунед:
 Сардори ШВКД дар шаҳри Хуҷанд, полковники милитсия Расулзода Раҳматулло Карим ба маблаги 150.000доллари ИМА;
Сардори ШВКД- 1 дар ноҳияи Бобоҷон Ғафуров, подполковники милитсия Сулаймонзода Нурулло Раҳматулло ба маблағи 150.000 доллари ИМА:
Сардори ШВКД Бустон, подполковники милитсия Солизода Умед Баҳриддинхоҷа ба маблаги 80.000доллари ИМА;
Сардори ШВКД дар ноҳияи Ашт, подполковники милитсия Абдуллозода Бахтиёр Абдулло ба маблағи100.000доллари ИМА вазифаҳоро харидорӣ намуданд.
Фозилзода Хурсандмурод, тахминан 15-20 рӯз пеш ба маблағи 70.000 доллари ИМА ба вазифаи муовини сардори ШВКД- 1шаҳри Исфара ба воситаи Ҳасанзода Ибодулло таъин гашт.
Вазифаҳои сардори ШВКД дар шаҳри Хуҷанд ва шаҳри Бустонро сардори шуъбаи кадрҳои вилояти Суғд Ҳасанзода Ибодулло, ки шогирд ва шахси наздики сардори Раёсати кадрҳои вазорати корҳои дохилӣ Халилзода Ҳусейн мебошад бо гирифтани маблағ ҳал кардааст. Худаш як инсони ҳаром ва аз қавми Лут аст. Баъди ба вазифаи сардори шуъбаи кадрҳои вилояти Суғд таъин шуданаш, ки тахминан 1,5 сол пеш буд, системаи милитсияи вилоятро фалаҷ намуд. Ҳозир «ставка»-и  ваколатдори оперативӣ, нозири минтақавӣ (участковий) ва муфаттиш ба 10000доллари ИМА расидааст, ки бисёрии кормандон ҳатто барои вазифа гирифтан аз бонк кредит мегиранд.
Подполковники милитсия Ҳасанзода Ибодулло зодаи шаҳри Исфара аст. Бо кормандони милитсия, мебахшед бо мардхо ….. дорад, ҳатто прямо дар кабинеташ. Се нафар ҳамшаҳриёнашро ба вазифаҳои муовинони ШВКД дар шаҳри Хуҷанд таъин кардааст, ки тибқи дастури кори Вазорат чунин кор мумкин нест. Чунки бояд муовинон як нафарӣ аз вилояти Суғд, Хатлон ва Бадахшон бошанд.
Милитсияи вилояти Суғд, аз сабаби вазифаҳоро ба маблағи калон харидорӣ намудан, ночор аст барои пас гирифтани маблағҳои додааш аз халқ тамаъҷӯӣ кунанд, ки чунин рафти кор оқибати хуб надорад.
Аз Шумо илтимос ва хоҳиш ин номаро нашру пахш намоед. Дар оянда боз маълумотҳои диққатҷалбкунанда манзури шумо мегардад.
                                         Душанбе

 Ассалому алайкум устод Муҳаммадиқбол! Чанд маълумоти ҷолиб дорам, ки барои шумо ва хонандаву тамошобини «Ислоҳ» пешкаш менамоям.

  Муроди телех, (генерал Мурод Саидов), ки солҳост бо Раҳмонов аст, яке аз нафароне мебошад, ки сиру асрори вайро зиёд медонад. Агар чи дар солҳои пеш шабонарузӣ бо Раҳмонов буд, солҳои охир чунин нест. Хавотирии Муроди телех дар он аст ки баъди рафтани Раҳмонов, уро низ гусел мекунанд. Албатта, гусел кардан бо як обуру хуб аст, аммо Муроди телех хуб медонад, ки меравад ва баъди чанде шояд аз дунё ҳам равад, «бо кумаке». Муроди телех солҳои охир зиёд машваратҳо бо собиқ лидерҳои Кулоб мекунад ва ҳатто даъватҳо ҳам кардааст, ки биёед ягон тағирот кунем: «Ман тамоми роҳҳои бе ягон ҷанг аз худ кардани давлатро медонам. Даркор шавад МВД бо КГБ ҳам намеҷунбанд. Ором, як чанд ҷоро мегирем тамом».

  Мақсад аз ҷойҳо ин хонаи Раҳмонов ва Рустам, Шорух, Зоир, Шамсулло, Озода, Ҳасан аст. «Иёра ҳаму замон хонаҳошонда маҳкам карда, аз тамоми алоқа махрум мекнем» гуфтааст Муроди телех. Қувваи бисёр даркор нест, ҳами 250 бачаи собиқ бошан, тамом. Раҳим Рамазон бачаҳоша намемона ҷумбидан. Ҳами фақат бачаҳои қушуни дохилаи Раупов бо чанд части МВД успет накнан, тамом. КГБда по…. Ятимов худш ҷон мега, ки ягон гап шававу бо чан соли дига да вазифа боша»…

Дар ҳақиқат вохуриҳои Муроди телех бо Аҳмади колбаса, Саидшо Шамол,  Ҷумахон Раҳимов, Авази кур, Сафар центр ва дигарон тез тез мегузарад.

  Муродро ҳам фаҳмида мешавад. Рост мегӯяд, ки ин Раҳмонов тамоми одамҳоеро, ки ҳамроҳаш буданд, кушт, ки сиру асрорашро ягон вақт набароранд.

Маълумоти дигар:

  Комили Роҳи оҳан бади барномаҳои Ислоҳ дар борааш гуфтааст, ки «чизе бга нага мада по**яй. Чи ма тоқа бор мебарм? Уҷа аввал бори Рустамай, бад ай Шорух, бад ай Хуршеди Мирзоев, бад ай дигарош, ҳооо ба охирда ай ма. Иё фигр кадан, ки Дулика у хел кадан марам мекнан. Нея, у Дулик дига бд, ма дигаюм. Дар тамоми кору бор Рустам мара мега, ки Комилшора бген бкна. Иқа ма гапои Раиса да замин намонда мекнм, Раис мебина хизматои мара. У масалаи вагонорам Раис медона.

 Ва боз як хабари дигар:

  Холмирзо яке аз шогирдони Ҳасани ишкамбаи Ориёнбонк гуфтаст, ки «Раис барои чи боша, ки фармонмон дод, ки сумора вақтшда ҷам кнен биёрен. Раис сумора ай чанд моҳай, ки ай Тоҷикистон бровардестай. Раис, мегуй полни ай Тоҷикистон рафтанияй.»

 Бади қуда шидан кати Озода камтар Раис ором буд, яке бо чандқа шид, ки дар даво даву таҳлука задай. Ба фикрм ҳами Исмати Дулика қапидан чизе Исмати Дулик фурухтагияй да тафтишот. Барои ки акаи Ҳасан чанд бор Исмати Дулика кофт, Исмати Дулик баҷо шид.

 Я рӯз ма хидм Ориёнбонк рафтм, Раис ду қопча сума гуфт бра ай касса гиру бар дар таксиҳои Ғарм мерафтагӣ да я одам бте. Ма нав бромадеста бдм ай пеши Раис, ки телехи акаи Ҳасан омаду гуфт, ки «Раис наёфтем Исмата». Хай ма бурдм қопои сума дар ҳаму терминали дарвозаи ай Душанбе меброӣ тарафи Вахдат мерай, да як мошини сияҳ додм, бурд тарафи Ғарм. Ҳайрон шидм, ки иқа сума акаи Ҳасан Ғарм чиба рои мекна. Агар суми филиалҳои банк мебуд ба мошинҳои инкассатор роҳӣ мекард. Ҳайрон мондам, гуфтааст Холмирзо.

                                       Кулоб

 Ассалому алейкум бародар Муҳаммадиқболи Садриддин! Барномаҳои шуморо мебинам ва мегӯям, ки худоро шукр, ҳадди ақал ҳамин як ҷойи гуфтан ҳам ҳаст. Гапи мегуфтанӣ зиёд дорам. Аммо мехоҳам суханро аз мушкилиҳои вазнинтар сар кунам. Гап дар бораи як ҷашни бофтаи ин ҳукумати беномусон бо номи ҷашни Сада меравад. Имсол ин ҷашнро, (шояд тавассути шабкаҳои ҷитимоӣ дида бошед) дар рӯзҳои  якум ё дуюми феврал баргузор карданд. Кӯдаконро нишон доданд дар телевизор, ки гирди алов тоб мехуранд, мерақсанд, дар пешониашон аз коғаз тоҷ бо сурати алов. Шахси мусалмон ин манзараро дидан баробар мефаҳмад, ки ин Раҳмонови алайҳилаъна чи мақсад дорад.

Фарзанди ман дар синфи панҷум мехонад. Мегуяд: «дада дини Зардуштиям дини зур бдай, вайо ҳам панҷ вақт намоз мехондаанд».

Бешак, таълими фарзандони мо аз мо бисёртар вобастагӣ дорад. Лекин шумо хуб мефаҳмед, ки ин ҷашни навбаромади ин алайҳилаъна, ки мегӯяд чанд ҳазорсола таърих дорад, аз дигар ҷашнҳое, ки пеш придумат мекард: иди харбуза, иди асал, иди бодирингу каду ва амсоли инҳо фарқи калон дорад ва ба дини мо зарба мезанад.

Гуё, ки мардум ҳеҷ мушкилӣ надошта бошад, фақат рақс карда бигарданд, дар назди ин алайҳилаъна.

Ҳамсояи наздикам хонаашро аз номи падараш дар номи худаш кард. Падараш шаҳрванди Русия аст. Чил ҳазор сомонӣ сарф кардааст, аммо ҳеҷ не, ки ҳуҷҷатҳои хонара ба пуррагӣ гирад. Дар чил ҳазор сомонӣ дар бисёр областҳои Русия хона харидан мумкин аст. Шаҳрванди Тоҷикистон дар се ҳазор рубли русӣ хонаро дар нотариус дар номаш мекард, ман худам шоҳиди зинда. Аммо дар ватани худамон як коғази лаънатиро барои мо даҳҳо ҳазор сомонӣ мефурӯшанд, аз куҷо ёбанд ин мардуми бечора, то куҷо бошад, сарҳади ин зулм?

Баъзе аз диктаторҳо конститутсияи давлаташонро ба фоидаи худ тағир медиҳанд. Диктатор то кадом андоза беақл бошад,ки конститутсияи давлатро ба фоидаи худ ва оилааш се маротиба таъғир диҳад, магар як бораш бас набуд?

Наход, ки ба хотири фурӯши хонаҳое, ки духтарҳову бачаи ту месозанду мефурӯшанд, додани қитъаи замин барои сохтани хонаро манъ кунӣ? Мардум аз куҷо шаст, ҳафтод –ҳаштод ҳазор доллар ёбанду аз бачаву духтари ту хона бихаранд.

Замини Тоҷикистон аз они мардуми Тоҷикистон аст на аз они оилаву хешу табори Эмомчақур. 

Дар Узбекистон солҳои сол аст шаст ҳазор сарбоз ҳамагӣ як сол хизмат мекунанд. Шахсоне, ки намехоҳанд хизмат кунанд, ҳамагӣ панҷсад доллар медиҳанд ва як моҳ хизмати ҳарбӣ мекунанд.

  Ҳукумати Эмомчақур понздаҳ ҳазор сарбозро ба хубӣ ҷамъ карда наметавонад. Сарбозони Ӯзбекистон панҷсад доллар диҳанд, аз мо бояд панҷ ҳазор доллар, даҳ маротиба зиёд бояд супоранд. Дар сиву панҷ сол ин беномус як чизи одиро ҳал карда наметавонад, ҳол он ки дар ҷумҳурӣ дар як сол аз сад ҳазор то яксаду бист ҳазор хонанда синфи ёздаҳро тамом мекунанд, тахминан панҷоҳ фоиз писаронанд. Агар хизмати ҳарбӣ яксола ва таълими дуруст дода шавад, бовар кунед худи ҳукумат писарҳоро пеш мекунад, ки навбат ба ҳама намерасад. Наход хизмати ҳарбиро ҳам дар ватани худат бизнес кунӣ? Паспорт тайёр кардан ҳам бизнес, коғазҳои нав ба нав, сертификату қарори сохтмон ҳам бизнес.

 Масҷидҳоро ӯҳдадор карданд дар Душанбе, ки ҳар моҳе се ҳазор сомонӣ ҷамъ карда супоранд барои обуна. Агар насупоранд угрожат мекунанд, ки маҳкам мекунем масҷидро.

 Як доверенност барои ронандагӣ додан шашсаду панҷоҳ сомонӣ шудааст, ҳол он ки дар Русия тахминан сесад сомонӣ мешавад. Барои чи нархи чунин коғазҳои оддӣ дар Тоҷикистон бояд ду баробар зиёд бошад? Барои чи дар Қирғизистон нархи қувваи барқ 17-20 дирам бошаду дар кишвари мо 40 дирам то 1 сомонӣ бошад? Магар маоши мо ду баробар зиёд аст? Бовар кунед, бовар кардан душвор аст ки чунин махлуқ ба монанди Раҳмонов аз одам таввалуд шуда бошад. 

Ин мардуми моро чи хел фаҳмонем, ки дар рӯи замин агар шахсе ҳар рӯз миллиону миллиард ба мардум ёрдам кунад ва агар як занро сатрашро гирад , риши касеро тарошад ё масҷидеро махкам кунад, натанҳо аз чунин шахс бояд дур шавем, балки….чунин шахс воҷиб мегардад.

Бародар Муҳаммадиқбол! Агар ман хато нависта бошам ислоҳ кунед, ислоҳ шуданро дуст медорам,

Ба фикрам як мушкилии мардуми мо ҳамин аст ки баъзе аз қонунҳои дин, ки ҳама бояд бидонанд масалан донистани Тоғут дар замони мо ва ҳукми ӯ ва ҳукми ба Тоғут хизмат кардан чист?

Ҳозир мулло дар масҷидҳои мо фақат ( пешвои мо зур подшоҳи мо зур) гуфта мегарданд, барои ҳамин баъзе аз масъалаҳои муҳим ногуфта мемонад.

 Бародар Муҳаммадиқбол! Агар вақт меёфтед дар баробари барномаҳои  «Минбари муҳоҷир», «Номаҳо аз ноҳияҳо» ва «Номаи маро алоҳида нашр кунед», дар бораи баъзе масъалаҳое, ки муллоҳо дар Тоҷикистон гуфта наметавонанд   суҳбат мекардед, бисёр хуб мешуд.

Сообщение Номаҳо аз ноҳияҳо ба «Ислоҳ.нет»№ 332 появились сначала на ISLOH.net.

Нависандаи нома аз Рӯдакӣ аз набуди оби ошомиданӣ ва амалҳои ғайриахлоқии раиси ин ноҳия Ҳикматуллозода Абдуғаффор гуфтааст.

 Нигорандаи нома аз Турсунзода аз адами шароити қабулу гусели сайёҳони хориҷӣ дар Тоҷикистон, бахусус дар Ҳисор ба шиддат интиқод кардааст. Вай лаҳзаҳоеро бо иштироки сайёҳони хориҷӣ дар Қалъаи Ҳисор ба қалам додааст, ки воқиан ҷойи шарму хиҷолат дорад.

 Сокини шаҳри бостонии Кулоб мустақиман ба Раҳмонов хитоб карда гуфтааст, ки беш аз ин мардумро азият надиҳад. Ин қадар ҷамъу ғун кардӣ бас аст, ту натавонистӣ, бирав, гуфтааст:

                                        Ваҳдат

  Ассалому алайкум домулло Муҳаммадиқбол. Ман ҳамон ваҳдатӣ, ки дар Санкт-Петербург ҳастам. Дар «Номаҳо аз ноҳияҳо №296» дар бораи Ваҳдат мактубе чоп шуд. Дар он нома дар бораи Карими ДЭУ, Неъмати голубой ва раиси собиқ Раҳмоналӣ Амирзода навишта шуда буд. Дар онҷо гапҳои ҳақиқат буд, ки боварнакарданӣ. Бинобар хабарҳое, ки ба ман расониданд Раҳмоналӣ Амирзода ҳар рӯз дар Ваҳдат аз қафои ҳамин кор гашта истодааст, ки ин номаро кадом одам равон карда бошад. Ин нома кормандони ҳукумати Ваҳдатро ба ларза даровардааст. Субҳоналлоҳ

Ин Неъмат дар ҳамсоягии як бародар зиндагӣ мекунад ва бисёр инсони пасти фурумояи разил. Амирзода Раҳмоналӣ Неъматро дар домуправления раис монда буд. Аммо Неъмат корхонаро банкрот кард. Бо статя аз кор дар домуправления сураш карданд. Ҳозир Неъмат домсоз шудааст. Хона месозаду мефурӯшад. Аммо домҳои месохтааш ягон майда качество надорад. Домҳои вайро бояд мақомот сахт бисанҷанд.

                                        Рӯдакӣ  

Салом хонанда ва бинандагони «Ислоҳ» ва бародар домулло Муҳаммадиқбол!

Умедворам сиҳату саломат ҳастед. Аз ноҳияи Рудакӣ менависам ва мехоҳам аз мушкилоти мардуми мазлуми ин ноҳия ва рафторҳои ношоистаи раиси сабзибадасти ноҳия суҳбат кунам. Дар ноҳияи Рудакӣ рузҳои охир зиндагӣ ғайриимкон  шудааст. Дар 5 ё 6 шабонарӯз 1 маротиба ҳамон ҳам 2- 3 соат об медиҳанд. Мо як гурӯҳ сокинони хонаҳои баландошёна дар ноҳия гуфтанием бар падари президент лаънат, худозадаи касиф, барои ин раиси бемасъулиятро таъин карданаш. Дар биноҳои баландошёна ростӣ, як аҳволи ваҳшатноке дорем. Об пайдо намекунем, ки хурем. Ҳоло куҷо расад барои як дасту руй шустан, барои дар ҳоҷатхона истифода бурдан. Ин раиси худозада фикр намекарда бошад, ки мардум аз беобӣ азият мекашад.

 Дар биноҳои баландошёна бе об ва бе барқ зиндагӣ кардан номумкин аст?. Аммо раиси ноҳия  ба дигар корҳо машғул аст.

  Тақрибан 1 моҳ пеш аз тарафи кормандони милицияи шаҳри Душанбе як корманди ҳукумати ноҳияи Рудакиро (бо номи Бегзод Ибронов) дар ҷои ҳодиса-ҷиноят (бо кирдорҳои ғайриахлоқӣ ) боздошт мекунанд

 Дар рафти тафтишот маълум мешавад, ки ғайр аз шахсони боздоштшуда боз раиси ноҳия Ҳикматуллозода Абдуғаффор ҳам ин  амалҳоро пайваста анҷом медодааст.

Домулло мо пайваста барномаҳои Шуморо тамошо мекунем ва Шумо дар чанд барномаатон қайд карда будед, ки раиси ноҳия сабзибадаст аст, он қадар бовар намекардем. Аммо ҳамин гапи Шумо баромад. Шумо дар ҳақиқат рост мегуфтаед ягон туҳмату бухтон набудааст.

 Мо интизори сеюм марҳила мешавем:

1)Марҳилаи якумро қайд кардед- раиси ноҳия амалҳои ғайриахлоқӣ мекунад;

2) Боздошти корманди ҳукумати ноҳия дар вақти анҷоми амалҳо ҷиноӣ;

3) Марҳилаи охирин ин ба фикрам сабти наворҳои амалҳои ҷиноӣ пешкаш мешавад.

                                       Турсунзода

 Ассалому алейкум бародар Муҳаммадиқбол! Аллоҳ ба шумо ва кормандони «Ислоҳ» қувват ва барори кор насиб кунад. Шумо ва мухлисону тарафдоронатонро, ки дар ин роҳи ҳақ пайвастаанд ба мақсадашон бирасонад.
Бародар ман медонистам ва бовар доштам, ки чунин мешавад. Чунки ин маълум буд. Ман аниқ кардам, ки ин ҳама маъсулини ва мақомот-раису вазирони Точикистон аҳмақ ноуҳдабароянд.100 лаънат ба ин бешарафон ва 100 лаънати дигар ба шумо чоплусон. Ин лаънатиҳо изо ва хиҷолат намекашанд.

 Бародар чи гуфтаниям? Вақте ки ҳамин мусобиқаи пойгаи мошин дар Душанбе сар шуда буд, мардум зери навор менавиштанд, ки ин чи ҳол аст? Дар пеши як махлуқи Худо ин қадар чоплусӣ ва ин қадар лесакиву кунбардорӣ чи лозим? Ҷавоби ин чоплусҳои камақл дашному гапҳои дурушт буд.

 Ба гуфтаи ин аҳмақҳову чоплусон Асҳаб Тамаев ду канали Инстаграм ва як канали Ютуб доштааст. Муштариҳо ё  обуначиҳояш чандин миллион будааст. Ин маълумотҳоро худи ҳамин чоплусҳо видео карда дар чандин шабакаҳо монданд. Ба гуфти инҳо сабаби ин ҳама лесакиву кунбардорӣ ба Асҳаб Тамаев омадани туристҳои хориҷӣ будааст? Магар рушди соҳаи сайёҳӣ бо чунин роҳ таъмин мешавад. Ин гап дар ягонҷо туғрӣ намегирад. Хуб, агар чунин бошад, албатта, ба гуфти ин чоплусҳои ба ном блогер баъди омадану рафтани Тамаев оё вуруди ҷаҳонгардҳо ба Тоҷикистон зиёд шуд?
 Мошини Асҳаб дар Тоҷикистон қариб як ҳафта сайру саёҳат кард. Бо тамоми санъат эҳтиромашро ба ҷо овардед, лесакиву хушомад кардед. Ҳоло ду моҳ мегузарад. Канӣ? Нашру навор кард дар канали ютубиаш, ки 4 миллиону 84 ҳазор обуначӣ дорад. Оё як видео дар бораи Тоҷикистон дидед? Не. 4 моҳ пеш дар бораи Узбекистон карда буд.

Дар шабакаи Инстаграм зиёда 15 миллион муштарӣ дорад. Ягон видео ҳаст? Нест Дар дигар шабакаи Инстаграм зиёда аз 3 миллион! Ҳаст? Нест! Канӣ натиҷаи ин қадар хушомадзаниҳоятон? Бас аст дигар.

Пеш аз вай Гусен Гасановро чунон лесида будед, ки онро ҳам ба ҳамин мақсад гуфта оварда будед. Дар шабакааш 30 миллион обуначӣ дорад. Оё дидед, ки  ягон бор Тоҷикистонро дар ягон ҷо муаррифӣ кард?  Ба Аллоҳ қасам беҳад аблаҳи бешарафу бефарҳангед.
Ин ҳама беақлӣ барои чӣ? Худкуши бегонапарвар. 99% мардуми худамон ин гуна ҷойҳо ва зиёфатҳоро надидааст. Ин бешарафон расходи калон карда бегона парварӣ мекунанд. Ақалан ҳамин блогерон як видеои хуб мекарданд, ин қадар алам намекард. Марг ба тарсуҳо, марг ба бешарафон.
Тоҷикистон обу табиат ва манзараҳои хуб дорад. Аммо мардуми мо, мутаассифона,ба дарки ин намерасанд. Туристҳоро ғорат мекунанд. Як нархи як хела надоранд. Худи ман шоҳид будам дар Наврӯзи Ҳисор. Омаданд туристҳо Қалъаи Ҳисор, ҳамаҷо чиркину ғажду мусор. Харҳоро оварда туристҳоро маҷбурӣ савор крада истодаанд. Дар дасти кудакҳо нону дар дарунаш колбаса. Ба туристҳо дода истодаанд. Хандахариши олам мекунанд. Ягон ҷои муносиби хурокхурӣ нест. Шашликпазҳои зиёд дар онҷо кор карда истодаанд, вале тамоман тозагӣ риоят намешавад.

Ду туристи Беларус 4 сих сихкабоб хурданд. Вақти ҳисобӣ фурӯшанда 80 сомонӣ гуфта маҷбурӣ 80 сомонӣ гирифт. Халқи маҳаллӣ 13 сомонӣ пардохт мекунад аммо аз турист 80 сомонӣ гирифт.

 Як  намуд хурок доранд бо номи кузача, ки нархаш 15 сомонӣ аст. Аммо турист пурсид, ба вай 200 сомонӣ гуфт. Фурӯшанда як зани одии бесавод. Ягон забон намедонад.

 Берун аз Қалъаи Ҳисор як дарахти калони куҳани таърихӣ ҳасту назди он дарахт як ҳавзча ҳаст. Як мусафеди бесавод онҷо таърихи ин дарахтро бардурӯғ бурда ба саҳобагон ислом рабт медиҳад. Атрофи дарахти ҳавз пури мусур- баклашка. Ниҳояти шармандагӣ. Барои сайёҳон шароити хуб надоранд. Худо накунаду ин сайёҳон дар ягон тарабхона ягон хуроки хубтар фармоиш диҳанд, онҳоро ғорат мекунанд. Ҳоло Тоҷикистон барои қабули сайёҳон омода нест. Нархҳо яксон нестанд. Як қазоқро дидам дар Маскав. Гуфт бо ҳамсараш даҳрӯза Тоҷикистон ба саёҳат рафтааст. Чор рӯз наистода баргаштам гуфт. Гуфтам чаро?  Гуфт, ки нарху наво бисёр бераҳмона. Меҳмонхона беҳад гарон. Барои мо дар бозору мағозаҳо беҳад нархҳоро бардоштанд. Хулоса, бародар, мо намедонем, ки кай ранги дигар одамони дунё мешуда бошем.

Охир он сайёҳу ҷаҳонгардон ҳами мисли мову шумо одаманд. Бо ҳавас ба ватани мову шумо меоянд. Аммо мардуми мо онҳоро тавре мекунанд, ки аз омадагиашон пушаймон мешаванд ва дигар асло намеоянд ва ба дигарҳо ҳам, ки майли омадан доранд вазъу ҳолро ҳикоят мекунанд ва онҳо ҳам дигар намеоянд. Шумо беҳтараш як кор кунед ҳамин шаҳрвандони худамон аз ватан фирор накунанд, туристҳо ҷойи худашон. Бо ин ҳукумате,ки мо дорем на шаҳрванд розӣ асту на ҷаҳонгардон.

                                       Ваҳдат 
Ассалому алайкум бародар Муҳаммадиқболи Садриддин! Ман аз Ваҳдат ҳастам вале феълан дар яке аз шаҳрҳои Русия қарор дорам. Дар бораи Одиназода Фируз Саттор, сардори милитсияи Ваҳдат гуфтаниам. Сардори милитсияи Ваҳдат рутаби полковникӣ дорад. Ин нафар ҷияни полковник Одинаев Нуралӣ мебошад
Одинаев Нуралӣ аз соли 2004 то 2009 началник милисаи Вахдат буд, ки фақат дуздиду ғорат карду ҷамъ намуд. Полковник Одинаев Нуралӣ дар ҷамоати Чуянгарон дар қишлоқи Тангаӣ як дачаи калон дорад. Замини дачааш аз 60 сотих зиёд аст. Дачаи Одинаев Нуралӣ дар ҳамсоягии муллои даҳмарда ҷойгир аст. Дар Ромит  ҳам як дачаи калон дорад. Ҳоло онро ба фурӯш гузоштааст. Айни замон Одинаев Нуралӣ дар вазорати корҳои дохилӣ кор карда истодааст.

 Ин Фирӯз Сатторовичи ҷиянаш, ки ҳоло началник милитсия мебошад махсус бо  лаҳҷаи кулобӣ гап мезанад. Пештар сардори ШВКД дар Истаравшан буд. Аз 22 апрели 2025 ба Ваҳдат омад.

Ончуноне хабарҳо мерасад ин началники ҷияни началники собиқ аз тағояш фарқ надорад. Баракс бештар ба порагириву ришвахорӣ машғул аст. Парво надорад, ки вазъи риояи ҳуқуқ дар Ваҳдат чи гуна аст. Касе сум дорад, агар ҷиноят ҳам содир кард, пули ӯро гирифта ӯро ҳақ ва бегуноҳ мебарорад.

Дар бораи ин нафар ҳоло ҳамин қадар мегӯям. Вале дар шумораҳои баъдӣ бо факту далелҳо дар бораи вай муфассалтар менависам. Аммо аз ҳозир гуфта бошам, ки инҳо Ваҳдат фақат барои пулкоркунӣ меоянду тамом, на барои тартиботро ҷорӣ кардан.

                                       Кулоб

Ассалому алайкум бародар Муҳаммадиқболи Садриддин. Худову ростӣ, ҳар боре барномаҳои шуморо мебинам хунам ба ҷӯш меояд. Боварам кунед, ки сахт аламам мекунад. Чунин фикру хиёлҳо фақат дар сари ман нест. Шумо дуруст мегӯед, ки мо мардуми тоҷик бояд тарсро бикушем. Ин Раҳмонови оилашумули авлодпараст моро чи кор карда метавонад? Ҳиҷ кор карда наметавонад. Ин як дузди суперпрофӣ шудааст. Ин бойи кулак шуд. Ин ҳеҷ вақт бар муқобили халқ ҷангида наметавонад.Инҳо-Раҳмонову оила ва авлоди яъҷуҷуу маъҷуҷаш пулҳои ғункардашон ба сад пушташон мерсад. Инҳо ин сарвати аз хуни халқ ҷамъоварикардаашонро бояд хуранд. Инҳо аз ҳама чиз зиёдтар хурданро нағз мебинанд. Барои ҳамин ҷанг намекунанд. Пул ҳам намедиҳанд, ки барояшон ҷанг кунанд. Бояд коре кард, ки ҳам пулҳояшонро гирифт ва ҳам худашонро ҳадаф қарор дод. Ҳамон яроқу силоҳҳоро, ки ба дасти сарбозу афсарҳо медиҳанд, то ки бар муқобили халқ бизананд, бояд ба самти худашон баргардонем. Тамом, ҳуй мехуранд, дингуз мезананд.

Ман як пешниҳод дорам. Як рӯз Азизмо, Фарзона, Сомон, бачаҳои Рустаму худи Рустаму занашро биёварему дар хонаи дилхоҳ мардуми Кулоб ва атрофи он маҷбур намоем, ки се рӯз не як рӯз биистанд. Бубинанд, чи аҳвол дорем. Дар ин торикиву бесветӣ, ва хунукӣ, ки мо беш аз 25 сол мешавад тоқат крада истодаем, тоқат мекунанд ё не?

Эй Раҳмонов! Пир шудиву на чашмат сер шуду на дилат. Тӯли ин 35 сол ҷамъ кардаҳоят ба ҳафтсадуҳафтодуҳафт пуштат мерасад. Чи мекунӣ ба афғону қирғизу узбек барқи мардумро фурӯхта. Ҳамон афғон ё қирғиз ё узбак намегӯяд, ки ин гадогушна, ки ба халқи худаш раҳм намекунад барои пул шуда ба любой пастӣ меравад, чи хелӣ инсон бошад?

Биёед як чизро андеша кунем. Раҳмонов курсиро доданӣ нест. Чанд бор Қонунро иваз карду худро то мурдан иҷозати мондан дод. Яъне ин курсӣ аз они худаш аст ва то охир ба дасташу таги кунаш меистад. Аммо чаро свети мардумро солбасол кам мекунад. Курсии худашро меёзонад, ҳатто меросӣ карданӣ аст, аммо свети мардумро кам карда истодааст. Барои халқи худаш лимит ҷорӣ мекунад аммо ба хориҷиҳо фурӯшро зиёд мекунад.

Вақте саҳмия фурӯхт аз афғону узбеку қирғиз пул напурсид, аз камбағалу бенавову нафақахӯру донишҷуҳо пул гирифт. Бо пули саҳмия свет сохта ба хориҷа дода истодааст.

Ин чи Пешво аст?

Мақсади халқи худро дар ин ҳолати вахими ғайринсонӣ нигоҳ доштанаш чӣ аст?

Инсофат хушк шудааст. Хонаат сӯзад, ки  бисту панҷ сол зиёд аст хонаҳои мардумро сарду торик кардаӣ. Ҳазорҳо ҳазор дар ҳасрати барқи доимиро дидан ҷон доданд.

Як ҳамсоя гуфт, ки якҷоя шавему панелҳои боқувваттари офтобӣ харем. Аммо гуфтанд, ки аз барои вай андоз месупоридаӣ, иҷозат мегирифтаӣ.

Э к@зан ин чи қонуну қоида аст. Света ку намедиҳӣ, боз ин душворсозиву монаегузориат чаро?

Ҳамин хел мушоҳида кардам, ки як коре, ки халқ барои сабукиаш мекунад, ҳатман онро гирифта душвор ва мураккаб ва ҳатто то нашуданӣ мерасонад. Ин чи хел одам бошад?.

Ягон чизи зиёд насохтаӣ, ки гӯӣ барқро мегирад.

Бародарҳо! Бовар кунед, ки ин Раҳмонови лаънатӣ тамоман аз худ рафтааст. Як касе нест, ки гиребонашро гираду гӯяд чи кор карда истодаӣ?

Бародарҳо, агар ин аз худ нарафта бошад, рӯған чашму мағзашро нагирифта бошад, дар ҳамин ҳолу рӯзи мардум самолёти 100 миллиондоллара мехарад? Ва, барои духтарону домодҳову бачаҳову олу авлодаш шароити зиндагӣ, бизнеси шику бороҳат фароҳам мекунад.

  Парвина ва Озода тамоми бахшҳои фарматсевтика дар мамлакат, маориф ва идоракуниро ба мерос гирифтанду ҳар як муассиса барои онҳо манбаъи пули шахсӣ шудааст;

  Қудоҳо ва домодҳояш, Шарифбек Давлатов, Зайнулло Соҳибов, Ашраф Гулов, Бег Сабур ва даҳҳои дигар ҳар кадоме як соҳаи давлатиро ишғол карда ва ба бизнес табдил дода, мардумро аз ҳаққи зиндагии шоиста маҳрум кардаанд. Аммо инҳоро Раҳмонов «шарикони рушд» ном мондааст.

 Доруву даво на барои табобат, барои сарватандӯзӣ истифода шуда истодааст. Ширкати «Сифатфарма»-и Парвина воридоти доруҳоро идора мекунад. Як дору, ки аз хориҷа ворид ва 5 сомонӣ арзиш дорад, бо иҷозати Сифатфарма ба дорухонаҳо бо нархи 25–30 сомонӣ бардошта мешавад. Доруҳои сохта ва муҳлати масрафашон гузашта ба фурӯш меравад, касе чизе карда наметавонад.

 Ашраф Гулов, сафири Тоҷикистон дар Дубай ва швҳари Парвина пуштибони бизнесу бизнесменҳо аст ва доляҳои калон мегирад. Як чизи дигар. Вақте беморон бо доруҳои қалбакӣ мемиранд, Парвина дар Дубай виллаҳои гаронарзиш мехарад бо пули ин кушташудаҳо аз дорӯҳояш.

Душанбе ба майдони сохтмон табдил ёфтааст, аммо соҳибаш кӣ? Ҳама иҷозатномаҳо дар дасти Рустами Эмомалӣ ва гурӯҳи наздики ӯ. Сохтмончиён барои ҳар як иҷозат барои дом садҳо ҳазор доллар медиҳанд; Ба ғайр аз маблағ, ҳатман чанд квартира ҳам ба номи Раҳмонов меравад.

Раиси фурудгоҳи Хуҷанд Қурбони Алимардон қудои Озода ва Шарифзода Зайнулло, раиси фурудгоҳи Душанбе додари ду домоди Раҳмонов- Шамсулло ва Зоир аст. 

 Озода Раҳмон дар паси ҳар қарори муҳим сару калааш намудор аст. Аз таъини кадрҳо то идоракунии ниҳодҳои давлатӣ ҳама таҳти назорати ӯст. Бидуни «о,кей»-и  Озода ягон нафар на директори мактаб мешавад, на вазир. 

 Дар воқеъ Тоҷикистонро ба як кооператив ва корпоратсияи хонаводаӣ мубаддал намудаанд. Давлат ба ширкати хусусии хонаводагӣ ва халқ ба муштарии маҷбурӣ ва  миллат ба ғуломи иқтисодӣ табдил шуд.

Бародар Муҳаммадиқбол! Илтимос, ин навиштаи манро дар барномаи «Номаҳо аз ноҳияҳо» ҷой диҳед. Вақте шумо чоп мекунед ман илҳом мегирам. Ва боз навишта мефиристам. Бовар кунед, ки дар Кулоб мардум аз Раҳмонов ва оилаи вай сахт безор шудаанд ва ҳамаи мардуми Кулоб барномаҳои Ислоҳро тамошо мекунанд ва мегӯянд, ки ҳама чизе, ки мегӯяд рост аст.

Тарафдорони шумо инҷо хеле зиёданд, қариб ҳама сокинони Кулоб ҳам гуем хато намешавад.

Саломат бошед.

Сообщение Номаҳо аз ноҳияҳо ба «Ислоҳ.нет»№304 появились сначала на ISLOH.net.

Нафари дигаре аз ҳолу рӯзи яке аз хоҳарони Нурсултон Назарбоев, раиси ҷумҳурии собиқи Қазоқистон навишта ва ба Раҳмонову оилаи ва ҳушдор додааст, ки ин сарнавишт ба сари шумо ҳам омаданист.

Нависандаи нома аз Турсунзода бо онки аз фаъолияти иддае аз мухолифин изҳори норозигӣ мекунад як масъалаи дигарро ҳам аз ин ноҳия манзури хонанда ва бинандаи мо кардааст. Ин чи масъалаест, аз навиштаи вай огоҳ мешавед.

Муаллиф ва метавон гуфт, хабарнигори ғайриштатии мо аз Волгоград ин бор низ баъди мурури сомонаҳои нашрияҳои тоҷикӣ як матлаберо, ки муносиб дидааст бо хонандаи «Ислоҳ» дар миён бигзорад барои чоп омода ва фиристодааст, ки мо низ дар барнома ҷой додем. Ва ҳоло шумораро ба номае аз Кулоб оғоз мекунем:

                                   Кулоб

Ассалому алайкум бародар Муҳаммадиқболи Садриддин! Ман як нафар аз собиқ ҷанговарони Фронти халқӣ аз Кулоб ҳастам. Ман мехоҳам баъзе фикру андешаҳоямро дар бораи давлатдории Эмомалӣ Раҳмон нависам. Ин гапҳоро чандин вақт аст ки мехостам бигӯям. Вале хиёл мекардам, ки як рӯз не як рӯз ақлаш ба сараш меояду андешаи хизматҳои мо кулобиҳоро, ки вайро ба сари қудрат расонидем, мекунад. Вале накард, ки накард. Мо, кулобиҳо-бобои Сангак,бобои Салмону бачаҳояш, Саидшо Шамолу бародарон Лангариевҳо, Ғаффор Седой. Ёқуб Салим ва даҳҳо нафари дигар қумандонҳо ва ҳазорон ҷанговари кулобӣ будем, ки Раҳмоновро сари кор овардем.

Аммо Эмомалӣ чи кор кард? Ба бачаҳои кулобӣ чи хел ҷавоб дод, ба шаҳри Кулоб чи ҷавоб дод? Ҳозир бачаҳои бобои Сангак ва як домодаш, ки бачаи бобои Салмон мебошад, дар зиндон қарор доранд. Пожизнений гирифтагианд. Ғаффор Седой зиндонии якумра. Ёқуб Салим вақти суиқасд ба Эмомалӣ бо баданаш ҷисми ӯро пинҳон кард, аммо ба вай ҳам раҳм накарду 15 сол шинонд, шишту баромад. Барои чӣ? Вақте мебинӣ, ки инҳо дар зиндон ҳастанду аммо хешу табор ва ҳаммаҳалҳои худаш, бачаҳову духтарҳои худаш дар мансабу кайфу сафоянд, ба мо ҷанговарони Фронти халқӣ, ки садҳо кушта додем, ҳоло ҳиҷ имтиёзу нафақаи дурусте надорем алам мекунад. Мо Раҳмоновро ба сари қудрат овардем, ки фақат барои худаш, барои бачаҳои худаш ва барои Данғара кор кунад?

 Данғараро бинед, ки чи хел обод карда истодааст. Дар ҳақиқат ин Эмомалӣ маҳалчии гузаро будааст. Дар вақти 2700 солагии Кулоби бостон он қадар ободиву навигарӣ накард. Кулоберо, ки шаҳри қадимӣ аст ва дар давраи шӯравӣ ҳам маркази вилоят буд дар баробари Данғара ба як ноҳияи музофотӣ табдил кард. Дар Данғара ду донишгоҳи давлатӣ, коллеҷҳо ва даҳҳо иншооти дигарро  аз ҳисоби бюҷет сохт. Аммо ин корро дар вақти ҷашнгирии 2700 солагии Кулоб накарда буд. Ин савол ба Эмомалӣ буд.

Дар солҳои ҷанг дасту пои бобои Сангак ва бобои Салмонро мебусид. Вақте бачаҳои бобои Салмонро зиндон кард, бобои Салмон зора кард, ки қабулаш кунад, вале накард.

Дар вақти ҷашни 2700 солагӣ чанд иншоотеро, ки дар Кулоб сохт бо пули дигар шаҳру ноҳияҳо сохт, на аз пули бюҷет. Ва бо ин кораш ҳам тавре бозӣ кард, ки мардум Кулобро шум бинад, чаро, ки Кулобро аз ҳисоби мардуми дигар ноҳияҳо ҷашн гирифт. Мардум ба хотири Эмомалӣ кулобиҳоро шум мебинад.

Мо, кулобиҳое, ки барои ба қудрат овардани Эмомалӣ ҷангидем сахт пушаймон ҳастем. Афсус, ки ин номардро мо ба сари кор овардем. Беҳад пушаймонем. Умеди онро дорам,ки боз мо ӯро аз қудрат дур мекунем!

                                    Турсунзода  

Ассалому алейкум бародар Муҳаммадиқбол! Аллоҳ ба Шумо ва тамоми кормандони «Ислоҳ» барору тавфиқ насиб гардонад, омин! Нияти хушомаду чоплусӣ ва таблиғро надорам. Монед, чизе, ки дар дилам дорам, бигуям. Медонам ҳадафи шумо хизмат ба мардуму ватан ва барқарории адолат аст, на чизи дигар, на мисли дигар ба ном мухолифине, ки на муборизаи аниқ доранду на ҳаракати дуруст. Зеро, ки нияташон номаълум. Мардум мебинаду дида истодаанд, ки як хелаш амал надорад. Як хелашон дар як моҳ як- ду барнома доранд, ки не маънӣ дорад, не мантиқ. Ба мисли як кассета, ҳама гапҳои пешина, на фикри ҷадид, на маслиҳати ҷадид, чизе дида намешавад. Рӯзе мешавад, ки шумо ба ном мухолиф мегӯед «моям мубориза бурда будем». Не, халқу милат дида истода аст.

Азоби ин миллат, ки аз дасти шайтони Раҳмонов  кашида истодааст, барои мо бас аст. Дигар дурӯғу ҳамдигарсиёҳкунӣ бас аст. Барои мардум шахсони дурӯғгӯ лозим нест. Инсонҳои содиқ дар мубориза ва дар дарки дарди мардум бояд якҷо бошанд.  

  Медонам,шояд ин навиштаи ман ба шумо хуш наояд. Вале илтимос нашру навор кунед ин номаи манро.
Акнун ба мавӯъи аслӣ мегузарем. Бародар, шумо дар чандин барномаи «Номаҳо…» дар бораи Қурбонов Илҳом кам -кам гуфта будед. Илҳоми қассоб ҷои зисташ ҷамоати Қаратоғ, деҳаи Аҳорун аст. Вай назди мактаби рақами 34 дукони гуштфурушӣ дорад. Дар бораи Илҳом Қурбонов шумо дар барномаи номаҳои № 125 аз 17 майи 2024 дар видео гап зада будед. Худи ман ин Қурбонов Илҳомро хело вақт зери назорат гирифта будам, аммо ҳеҷ чиз нашуд. Ҳамон корҳояшро давом дода истодааст. Кадоме аз Илхом Қурбонов пурсидааст, ки баъд аз видеои «Ислоҳ» чи шуд? Илҳом ба ханда гуфтааст: «чи кор мекарданд, ҳичи, тинҷ, ин корой ман зери назорати Ойла. Ин ҳама доруву маводи мухаддири ин ойла аст ва мо бо вайҳо кор мекунем». Ба гуфти ин Илҳом Қурбонов  тамоми узви оилаи Раҳмонов то домоду духтаронаш, то тифли дар даст доштаашон дар ин кори маводи мухаддир даст доштаанд. Ин Илҳом хело эҳтиёткор аст. Аз руи ин кораш хело соҳиби пулу моли зиёд шуд. Бародари Илҳом Қурбонов Қутбиддин пеш аз руй ин кораш тюрма шуда буд. Боз 25 октябри имсол ба даст афтид.
Бародар ана кору ана аҳвол. Ин Қурбонов Илҳом қассоб аст. Аксари корҳояшро дар Россия иҷро мекунад. Ин беинсоф чандин одамҳоро дар ғам гирифтор кард. Ба номи Аллоҳ қасам ягон кори ин давлати мо аз руи қонун нест. Ақалан як бор ҳам надидам. Ҳама ҷо ноҳаққӣ. Кадом соҳаро набинӣ фасоду ноҳақӣ. Дар ин ватани мо фасоду ришва дар ҷойи аввал аст. Пулро диҳӣ ҳама кори ҳатто ғайриқонуниро мекунӣ. Чизҳое, ки ман медонаму дидам гап занам хеле зиёданд.

Агар ҳамин ҳолат давом диҳад дар муддати кутоҳ миллат ба ҳалокат мерасад. Ноҳақ, руирост ноҳақӣ карда боз зурӣ мекунад. Дузд руирост дуздӣ карда бо таҳдид мекунад. Иштиҳои ин давлат ва мақомот рӯз ба рӯз зиёд шуда зулм руирост шуд. Духтур, ГАИ, милиса, муаллим натарсида ошкоро ришва мепурсанд.  Умуман ҳарос надоранд. Ин чи ҳол аст? Мо фақат як роҳ дорем. Фақат як роҳ ин аст ки Раҳмонов аз қудрат дур шаваду  як фарзанди ҳақиқи Ватан сари қудрат омада ин наҳсие, ки аз ин касофати Раҳмонов монда аст фасоду ришва ноҳақӣ зургуиҳо, ноадолатиҳо аз решааш канда нест кунад. Ва ин  бешараф  20 сол зиндон шавад он вақт ин Ватан ва ин миллат обод мешавад, мисли Хитой. Ришва фасод бе номуси нест шавад.
Барои ин гуна шудан Ватанамон меҳнат ва ҳаракат кардан даркор, бо миллат шудан даркор, миллатро фаҳмидӣ миллат туро мефаҳмад.  
Бародар Муҳаммадиқбол. Ба мардуми Турсунзода бирасонед, ки чаро хап ва тарсу шудаанд. Нависанд, сокит набошанд. Гуё инҷо ҳама хуб бошад.

                                      Душанбе

  Ассалому алайкум бародар Муҳаммадиқболи Садриддин! Бовар дорам шумо ҳам аз расонаҳо хондед, ки Анипа (шояд Ҳанифа бошад) Назарбоева, хоҳари Нурсултон Назарбоев, раиси ҷумҳури пешинаи Қазоқистон, ки дар вақти президентиаш худро Элбасии тамоми қазоқҳо эълон карда ҳатто ҳайкалашро ҳам гузошта буд аз тарафи суди Алма-ато барои дуздии чандин миллиард тенге гунаҳкор эълон шуд ва ӯро якҷо бо ҳамроҳонаш аз 14 то 16 сол ба зиндон ҳукм карданд. Худи Назарбоевро ҳам аз тамоми рутбаву унвонҳо, аз ҷумла Элбаси маҳрум карда буданд.

Ин хабарро барои чӣ овардам? Барои он овардам, ки Раҳмонов ва духтарону бачаҳо, домодҳову бародарзанҳояш бидонанд, ки онҳоро ин шо Аллоҳ, ин сарнавишт интизор аст. Чунки онҳо ҳам айни ҳамин хоҳару духтарҳову домодҳои Назарбоев ҳам дар мансабҳои калон ҳастанд ва ҳам аз пули давлат ва мардум бисёр дуздӣ карда истодаанд. Ин хоҳари Назарбоев дар як навбат дар сад контейнер бору коло аз Хитой дароварда аммо ягон хел боҷи гумрукӣ напардохтааст. Кореро, ки имрӯз Ҳасани ишкамба, Зоир, Шамсулло, Рустам, Озода, Парвина, Ашраф ва Муҳибу дигару дигараш карда истодаанд.

Анипаи хоҳари Назарбоев ширкатеро бо номи «Group Of The Companies Tda» ташкил карда даст ба ғорати мардуми қазоқ мезад, чуноне, ки Озодаи духтари Раҳмон ҳам бо IRS-аш пули халқро барои убури роҳи Душанбе-Хуҷанд кашида гирифта истодааст.

Вале фарқи Назарбоев аз Раҳмон ин аст ки қавми вай камтар буд ва дар Қазоқистон боз соҳибкорону тоҷирон метавонистанд фаъолият баранд. Раҳмонову олу авлодаш бошанд ҳам тиҷорат ва ҳам пулҳои соҳибкоронро рӯирост тасарруф ва ғорат карда истодаанд ва бо ду дасту даҳ ангуштон дороиҳои мардум ва миллатро ғасбу тасарруф карда истодаанд.

Ман умед ва бовар дорам, ки ҳар ончи ки имрӯз ба сари хонаводаи Назарбоев омадааст, ба сари оилаи Раҳмонов ҳам меояд ва мардум аз дасти ин дуздҳо моликияти худро пас мегирад ва инҳо дар кунҷи зиндон хоҳанд рафт.

Илтимос, бародар, ман ба шумо бори аввал менависам. Ин навиштаи маро чоп кунед.

Ба шумо барори кор мехоҳаму ба Раҳмонову оилаи дуздаш шикасту нобудӣ ва кунҷи зиндон.

                            Волгоград

 Ассалому алайкум бародар Муҳаммадиқболи Садриддин! Ба шумо ташаккур ва хеле ҳам миннатдорам, ки навиштаҳои маро дар барномаи «Номаҳо аз ноҳияҳо», ки мо муҳоҷирону мусофирону ғарибони дур аз Ватан ҳар шумораашро бесаброна мунтазир мешавем ва тавассути он  аз вазъу ҳоли ватанамон огоҳ мешавем, ҷой медиҳед. Ин бор ҳам ман як матлаберо аз сайти газетаи СССР барои хонандаҳои «Ислоҳ» пешкаш мекунам, ки дар гӯшаи  Сардабир чоп шудааст. Ин навишта ба ман писанд омад. Ҳоло аввал онро яклухт пешниҳод мекунам ва сипас дар борааш фикрҳоямро мегуям. Ин навишта дар таърихи 31 октябр чоп шудааст ва чунин унвон дорад:

«Тақ-тақу тап-тапу лақ-лақу тик-ток ва журналистика»…

• 31.10.2025

Ман хеле мутаассифам, ки дар давроне ахиран қарор дорам, ки журналистика мефавтад. Дақиқтараш онро, журналистикаи профессиоанлиро мекушанд. Агар накуштаанд!!!

Агар аҳамият додаӣ, хонанда, дар Тоҷикистони азиз, маҳз кишвари мо, дигар ба сайру тамошову сафару командировкаҳои расмӣ, масъулин тик-токерҳоро мебаранду блогеронро меоранд. Зидд нестам. Раванд. Оянд. Вале пурсида мешавад, аз масъулин, ки дар кадом кишваре дидаву шунавидаед, ки зимоми таблиғу ташвиқи ватану ватандориро ба тик-токеру блогерони, маъзарат, вале дар аксари маворид, бесавод бовар кунанд?

Дар олам ҳастанд блогероне, ки воқеан ҳам муаррифигари давлату миллати хешанд. Вале аксарияти ишон аз «остинчаи журналистика» гузаштаанд. Блогерону тик-токерони мо фазосоз нестанд. Рӯиҳамрафта, аксарият, шояд 95% бештар хатти саводи оддии кофии навишту талаффузи 1 ҷумлаи саҳеҳ надоранд. Усулан зидд нестам, ки онҳо фаъол бошанд. Бошанд! Вале маро чизи дигар ба ташвиш овардаааст, ки масъулин замони ахир тик-токпарасту блогермуҳаббат шудан доранд.

Худое накарда, имрӯз сари давлати мо боди тунди хатаре вазад (сари дилхоҳ давлат он мевазад!), кӣ бояд аз манофеи давлатии мо ҳифз кунад? Оё мо дорем, журналисте дар пояи Владимир Соловёв, Брилёв, Познер, Дмитрий Гордон, Таккер Карлсон? Инҳо имрӯз мунодиву муаррифгар ва муҳофизи фазои иттилоотии кишварҳои хешанд.

 Дур намеравем, 1 Павел Зарубини рус, бо 1 телефон ва асои селфисоз-худнаворгир, аз Тоҷикистон, барномаҳое аз сафари Путин В.В. таҳия кард, ки тамомии олами журанлистикаи мо, дар дохили кишвари худамон, натавонист кардан! Ҳол он ки мо дар Тоҷикистон, шукри Худо, техникаву технологияи пешрафтатар аз русу англису амрикоӣ ҳам дорем. Аммо кадр надорем! Кадрро кӣ, кто, ким месозад? Суол риторикист.

Ва аммо аз ҳама бештар дар журналистикаи байналхалқӣ англисҳо пешсафанд. Дар феҳристи номдортарин журналистони олам (бовар кунед, ҳаст ин рӯйхат), усулан англисҳо меистанд:

Роберт Фиск (Англия), Кейт Ади (Англия) ва Кристиан Амонпур (Англия). 2-тои ахир бонувонанд. Кейт агар Ордени Импературии Британияро соҳиб шуда бошад, пас Амонпури эронтабор, ки бо 2 забон англисиву форсӣ матлаб таҳия мекунад, ягона нафаре шуд, ки бо ӯ Ҳуснӣ Мубораки мисрӣ ва Муаммар Қаззофии лубнонӣ, дар даврони табаддулоти «Баҳори Араб» суҳбат оростанд. Баъдан ин 2 танро мардуми зерфишори тик-току блогу саҳафоти иҷтимоии Фейсбук қарор дошта, сарнагун сохтанд. Яке зиндонӣ ва дигариро таҷовуз кардаву куштанд. Имрӯз ин миллатҳо аз карда пушаймонанд. Вале дигар ба кӣ мегӯй?

Сабаби ун бадбахтиҳо низ ин ҳам буд, ки дар ун кишварҳо афроде набуд, ки идеология бар шонаҳои онҳо такя занад. Ба шабакаҳои иҷтимоӣ бовар мекарданд…

Баъдан феҳристи рӯзноманигорони беҳтарини оламро амрикоиҳо ҳамел шудаанд:

Роберт Апшур «Боб» Вудворд (ИМА), Андерсон Купер (ИМА), Ширин Бхан (Ҳиндустон) ва Гленн Гринвалд (ИМА).

Дар миён танҳо 1 намояндаи осиёист. Бону Ширин (оре, зан аст), беҳтарин гузоришгари ватани хеш аст ва 1 нюанси аҷиб он ҳам ҳаст, ки аксарияти инҳо бо англисӣ барнома омода мекунанд. Забони байнулмилалӣ.

  Акнун суоле ба миён меояд, ки дар тули 34 соли истиқлолияти давлатӣ, ки хеле ва воқеӣ дар ҳама соҳот пешравӣ кардем, мо чанд журналисти англисзабон тарбият кардаем? Ягон-то!

Онҳое, ки ахборро дар тарҷума мехонанд, журналист нестанд. Журналист БОЯД худаш барнома таҳия кунад, фазосоз бошад ва ахбори ҷаҳонро аз призмаи хеш баҳогузорӣ намояд.

Мо на блогери англисзабон дорему на тик-токеру на «фаъоли шабакаҳои иҷтимоӣ», ки бо англисӣ чӣ, ки ҳатто русӣ ва фаронсавию хитоӣ барнома таҳия намояд.

 Дар бораи блогерони маъруфи таблиғгари мавзеъи дидании ватани хешу барномарезони соҳаи туризм низ бубояд гуфт. Аксарияти ишон журналистони хубеанд, ки ба блогер тағйири касб кардаанд. Фарзи мисол дар кишварҳои пасошуравӣ блогер-сайёҳони укроинӣ маъруфанд, ба мисли Антон Птушкин (сафарнома), Дмитрий Комаров (сафарномаи ҳуҷҷатӣ). Блогерони русу укроинӣ имрӯз ба таърих бештар таваҷҷӯҳ зоҳир мекунанд, ки талаби замон аст. Ҳамзамон, дӯсти питерии ман, шарикдарсам, ки дар 1 гурӯҳ мехондем, Игор Семиков дар барномаи интернетии Машнюс ё худ MASHNEWS. Новости промышленности. НОВИНКИ ВООРУЖЕНИЯ. 

Барномаҳои профессионалии ҳарбие таҳия мекунад, ки ба гуфти бобои Ғулом «ови даҳонат мерава!». Медонед сабаб чист? Инҳо ҳама аз «остинчаи журналистикаи профессионалӣ» бархостаанд.

Чӣ магар русу укроиниву англису амрикоиву ҳиндӣ тик-токеру блогери сакалту надоранд? Миллион – миллион!!! Ва аммо чун манофеи милливу давлатӣ пеш омад, такя бар хирад, касбият, дониш ва…солдидаҳо мезананд.

Шояд оқилаке пайдо шаваду гӯяд, мо чунин журналист надорем. Правильно! Надорем. Зеро таваллуд накардем, тарбият накардем, омода насохтем. Ягон нафар аз батни модар журналист таваллуд намешавад. Ба надоштан ку надорем, вале бо ҷорӯби «ҷавонсозии журналистика» саф-саф рӯзноманигорони касбии солдидаро ба пенсия руфта партофтем. Мактаби устод-шогирдро барҳам рехтем. Журналистикаи тоҷик думбурида шуд, ба таъбири арабони бодияшин, ки пасон дар Қуръон низ сабт ёфт «ҳувал абтар»-уштури думбуррида гардид, яъне наслзо нест дигар ин касб!

 Ҳамин аст, ки имрӯз низ, ба нохост ягон матлаби хубу хондании профессионалие нашр шавад, муаллифаш ё Абдуллои Раҳнамост, ё Шарифи Ҳамдампур, ё Саъдии Маҳдист, ё Раҷаби Мирзо, ё Хуршеди Атовулло, ё Ҳуриннисо Ализода, ё Марям Давлатова…ё ягон собиқадори дигари матбуот.

Муҳимтару аҷибтар кор дар ин моҷаро он аст, ки ҷои ақаллан додан ба ҳамин будаҳо имконияти тарбияти шогирду соҳибмактабӣ, мо бархе аз ишонро маҳдудтар мекунем, даҳонашонро мебандем, газетаашонро мебандем, баъзеро зиндонӣ мекунем, баъзеро ба расонаҳои электронии расмӣ роҳ намедиҳем. Бо ин ҳама ишон боз ҳам дар соати сахт пушти манофеи миллат қомат алам мекунанд. Шахсан ман намедонам, мо журналистикаро куҷо бурданиему бо он чӣ кор карданием…

Ҷавонон имрӯз аз маҳдудаи 1 дақиқа навори Риилс (Reels), 30 сония тик-току 2 дақиқа блог убур карда наметавонанд. Андешаи ояндаи миллат маҳдуд шудааст, дар ана ҳамин 0,5-1-2 дақиқа. Фикр, ки маҳдуд шуд, ҷаҳонбинӣ низ коҳиш меёбад. Гунаҳи ишон нест. Ҷурм аз мост, ки натавонистем, барои ояндаи рахшони журналистикаи тоҷик кадр, шогирд, пасованди хешро тарбият ва ба ҷамъият туҳфа кунем.

Дунё пеш меравад, пир ҷавон намешавад. Мо низ кадом рӯзе меравем ва бо устодони хеш мепайвандем. Ва суоле моро азият медиҳад, ки журналистикаи Тоҷик дар оянда аз марзи тик-току блог унсутар убур мекунад ва ё на?

Шояд соати саъде даррасидааст, ки баъд аз қонун дар бораи «Мақоми омӯзгор» ҳукумат қарору қонуне қабул намояду аз қишри осебпазиртарини ҷомеа-журналистикаи профессоиналӣ  ҳифз кунад?  Бовар кунед, моро низ бисёр ғам медиҳанд…Суол албатта риторикист. Мо Метавонем!»

Бародар Муҳммадиқбол! Ин буд он матлаби СССР, ки дар таҳти рубрикаи «Сардабир» ба нашр расидааст.

Ман чи гуфтаниам? Муаллиф дар ин мақола ба таври пӯшида вале хеле ҳам бо дард аз даъвати блогерҳои хориҷӣ масалан Асҳаб Тамаев ва пештар Гусейн Гусейнов, бидуни онки зикри ном кунад, интиқод намуда ин корро муносиби мардум ва давлати тоҷикон намеҳисобад ва ба назари ман ҳам ин интиқодаш дуруст аст. Масъулин ва мақомот бояд такя ба журналистону блогерҳои ватанӣ, яъне тоҷикон кунанд.

Ва, дигар масъала, ки бардоштааст ин манъу қатъи фаъолияти бархе аз нашрияҳову расонаҳо аст ки дар Тоҷикистон то ҳол идома дорад. Ин кор бар зарари Тоҷикистон ва мардуми Тоҷикистон аст. Давлат набояд ин гуна муносибат бо матбуот кунад.

Аммо, ман ба чанде аз фикрҳои муаллифи ин мақола мувофиқ нестам. Масалан аз онки мегӯяд давлат ба журналистон кумак кунад. Назари ман ин аст ки давлат кумак накунад, давлат халал нарасонад, давлат фишор наоварад, давлат нашрияҳоро набандад, худи матбуот ва журналистон ҳам роҳи худ, ҳам ҷойи худ ва ҳам нони худро меёбанд.

Аммо инки давлату ҳукумати мо як низом ва режими баставу диктаториро барпо кардааст, табиист, ки наметавонад пуштибонии ҷомеаи журналистони асилро касб кунад.

Ин буд фикрҳои ман нисбати ин навишта.

Сообщение Номаҳо аз ноҳияҳо ба «Ислоҳ.нет» №295 появились сначала на ISLOH.net.