Муаллифи номаи омада аз Масчо устоди фанни ҳуқуқ будааст ва дар бораи Қонуни авфи чанд рӯзи пеш эълоншуда назари комилан мутафовит, балки зид бо онҳое дорад, ки ин қонунро бисёр ҳам тамҷиду тавсиф карданд:

«  Ин чи гуна авф аст?

 Бори ахир қонуни авф дар соли 2021 қабул шуда буд. Панҷ сол пеш. Гиреду қонунҳоро муқоиса кунед, фарқ кам аст.

Барои ҳамин ман ин авфро авфи тиллоӣ намеҳисобам.

Аз ин пеш  Раҳмонов дар чанд авфи ахир фосиларо се сол нигоҳ медошт. Яъне ҳар се сол қонуни авф қабул мешуд. Манзурам аз қабули қонуни авфи соли 2021 пеш дар ҳар се сол санади авф қабул мешуд. Акнун, ки баъди панҷ сол қонуни авф қабул кард, воқеъист, ки зиндонҳо пур шуда буданд».

Номаи омада аз Душанбе дар бораи як ҳолати ғайриоддӣ суҳбат мекунад. Муаллиф мегӯяд, ки баъди ҳабс ва кашида гирифтани мошинҳои Исмати дулик хелеҳо мошинҳои гаронбаҳои худро фурухтанд. Дар бораи ду нафаре мегӯяд, ки порки шахсии мошинҳои гаронбаҳо доштанд.

 Нависандаи нома аз Қубодиён, як корафтодаи бемористони ин ноҳия будааст, ки ҳодисаи ба сари худаш омадаро нақл кардааст. Кассаи бемористони ноҳия пули нақд қабул намекардааст, аммо ин патсиент, корт надоштааст. Тафсилоти ҳодиса дар номаи Қубодиён аст ки бо он нашри он барнома ба анҷом расидааст:

                     Масчо

Ассалому алайкум бародар Муҳаммадиқболи Садриддин. Бо як ҷумла худро шинос мекунам. Муаллими яке аз омӯзишгоҳҳо будам ва аз ҳуқуқ дарс медодам.

 Ман дар бораи авфи ахири Раҳмонов чанд фикру мулоҳизаҳои худро баён карданиам. Ҳозир воҳима карда истоданд, ки «золотой амнистия» кард. Шумораи зиёди маҳбусу муттаҳаму гумонбарҳо озод мешаванд. Аммо ин ҳама як воҳимаи хушку холӣ аст. Чи тавр?

Гап дар бораи он меравад, ки хеле аз моддаҳо, ки моҳият ва мазмуни қонуни авфро ифода мекунад, ин бор низ дар ин санади ҳуқуқӣ ҷой наёфтанд. Мисли авфҳои пешина.

Авф як иқдоми ҷавонмардона аз тарафи ҳукумат ва роҳбарияти он аст. Бубинед, ки Президентҳои  дигари Осиёи Миёна ба муносибати Иди Қурбону Рамазон авфу бахшиш мекунанд, аммо 34 сол аст ки раиси ҳукумати мо ягон бор ба муносибати ин ду иди мусалмонҳо, ки раҳо ва озод кардани бандиҳо аҷру савоби зиёд дорад авф накардааст.

 Дар ин қонуни авф нафароне мисли нависандаи тавоно Қодири Рустам  ё Абдухалил Холиқзода, мудири бемористони байналмилалии Ибни Синои Душанбе меафтод, журналистон Абдусатор Пирмуҳаммад, Аҳмади Иброҳим, Хуршед Фозил ва ё Ҳамрохон Зарифӣ, Акбаршо Искандаров, Шокироҷон Ҳаким, Улфатхоним Мамадшоева, Рухшона Ҳакимов ва масалан Ҳикматулло Сайфуллозода, Саидумар Ҳусайнӣ, Муҳаммадалӣ Ҳайит, Суҳроби Зафар меафтоданд ва ё амсоли инҳо мегуфтем, ки дар ҳақиқат ҳукумат бахшишу авф кард. Аммо ҳама наркобизнесу дузду  қаллоб афтоданд. Яъне ҳукумат ҷинояткоронро аз зиндон, аз муҳокима, тафтиш, таъқиб озод кард на авф қабул кард.

Ин чи гуна авф аст.

 Бори ахир қонуни авф дар соли 2021 қабул шуда буд. Панҷ сол пеш. Гиреду қонунҳоро муқоиса кунед, фарқ кам аст.

Барои ҳамин ман ин авфро авфи тиллоӣ намеҳисобам.

Аз ин пеш  Раҳмонов дар чнд авфи ахир фосиларо се сол нигоҳ медошт. Яъне ҳар се сол қонуни авф қабул мешуд. Манзурам аз қабули қонуни авфи соли 2021 пеш дар ҳар се сол санади авф қабул мешуд. Акнун, ки баъди панҷ сол қонуни авф қабул кард, воқеъист, ки зиндонҳо пур шуда буданд.

Авф, чи моҳияту мазмун дорад? Авф мазмунаш ин аст ки ҳукумат ва роҳбарият аз гуноҳи нафари мазнун ва муҷрим мегузарад, мебахшад, чун бо ин роҳ мехоҳад, бигӯяд, ки хусумат ва танаффур дигар боқӣ намонд, авфат кардем.

Масалан Зайд Саид, масалан Ғаффор седой,масалан ҳамин нафарон, ки дар боло зикрашон намудем, ки гуё муртакиби ҷазо шуданду солҳост (Ғаффор 22 сол мешавад) бахшида шуданд.

 Акбаршо Искандаров, Ҳамрохон Зарифӣ, Ҳикматулло Сайфуллозода, Аҳмадшои Комилро, ки аз 70 болоанд, дошта меистӣ, ки мисли Зубайдулоҳи Розиқ дар зиндон бимиранд?

 Ин санади авф ҳам бо нияти холису бидуни ғараз ва хусумат таҳия ва татбиқ нашуд, як навъ бозӣ спектакл бо авф аст. Инсоф, раҳм, шафқат ин бор ҳам аз тарафи Раҳмонов ба кор бурда нашуд.

Аз муҳлати ҳабси Рухшона Ҳакимова се сол кам мешудаст. Вой бар ҳоли ту барин раиси ҷумҳур, ки Исмати дулик якуниммилиарди давлатро дузид озод шуд аммо Рухшона, модари тифли ширхора аз ҳукмаш се сол кам мешавад ва ҳатто 230 ҳазор сомонии бо азоб ҷамъовардаи Рухшона конфисковат шуд. Дар ҳоле, ки қасри 60 миллионаи Исмати Дулик чизеаш нашуд. Рухшона дар манзили иҷора мешишт, ва кӯдаки ширхора дошт.

Хиёл мекунӣ чи кардӣ? Авф крдӣ, кори хубе кардӣ? Баракс, ин қадар дучори лаънату нафрати мардум шудӣ, ки ҳазорҳо нафар дуъои бадат карданд.

Халқ дида истодааст, ҳукумат кори давлатро не кори гурӯҳро карда истодааст, ҳукумати халқ не ҳукумати гурӯҳ аст барои гурӯҳ аст.

Авфаш ҳам чунин аст.

Хулосаи гап ин ки ин 18 ҳазор, ки мегӯяд, бори аввал аст ин қадар ба озодӣ мебароянд аз он ҷиҳат аст ки ин бор дер қонуни авф қабул кард. Дер, ҳади ақал ду сол дер, зиндонҳо пур шуда буд. Вагарна ҳиҷ фарқе барои мисол аз қонуни авфи соли 2021 ё 2019 ва ё пеш аз он надорад.

                   Душанбе

Ассалому алайкум бародар Муҳаммадиқболи Садриддин! Хуб аст ки ҳамин расонаи шумо ҳасту баъзе гапу хабари Раҳмонову режимаш, ки ҳоло тамоми Тоҷикистонро забт карда гирифтааст ба мардум расонида мешавад. Ман инҷо дар бораи ду нафар аз чунин нафарҳо гуфтаниам.Яке дар гузашта аз мушояаткунандаҳо-сопровождаюший (телех)-ҳои пешини Раҳмонов аст ва дигари милиса аз Данғара.

Ин ду нафар беҳад сумдоранд.

Инҳо аз наздикони хонаводаи Эмомалӣ Раҳмонованд. Аммо аз ҳодисаи ба сари Исмати дулик омада беҳад тарсиданд. Яке аз онҳо Алӣ-бурут аст. Алӣ-бурут ба Исмат ягон робита надошт. Вале Алӣ-бурут тарсид, ки Исмат дар даруни худашон буд, ин ҳама ба оила хубӣ кард, бурданд маҳкамаш карданд, моро чи раҳм мекунанд. Ин тарсид, бурд мошинҳояшро фурухт, ки нафаҳманд. Яке ягон гап шуд пула наличий қуян мекунанду мегурезанд, баъд дилаш пур аст. Бигурезанд мошинҳо мемонад ку.

Алӣ-бурут то ҳозир бо мошини давлатӣ мегардад.

Баъди чанд вақте ки Исмати дуликро маҳкам карданд аз кор гирифта буданаш. Алӣ-бурут 6 моҳ зиёд бекор буд. Намедонам барои чӣ? Ҳозир дар тарафҳои Қурғонтеппа кор мекунад.

 Якеи дигар милисаи шаҳри Душанбе Шарипов Миралӣ аз Данғара аст. Аз 300000 ё 400000 $ зиёд дар парковкааш мошин дошт. Як ГАИишники лаби раҳ буд, бачааш беправа мошинҳои отаашро ҳай мекард. Ягон- ягон манъ мекарданаш, ба ГАИҳо намеистад. Миралӣ ҳам мошинҳояшро фурухт. Бисёрии коргарони давлатӣ мошинҳояшонро фурухта буданд. Пулҳояшонро наличий карданд. Яке ягон гап шавад пул нақд аст қуян мекунанд. Вақте аз кор гирифтанд бисёрии вақт пиён мегашт. Инҳо ҳатто духтарҳои мардумро куштагӣ ҳастанд, аммо ягон чораашонро намебинанд.

 Ман дар мединститут омӯзгорам. Як бор гуфтам ин кудак кӣ аст, ки беправа ҳай мекунад? Аз афташ маълум буд, ки кӯдак аст. Баъд фаҳмидем, ки аз Данғара асту  отааш милиса будааст.

Ин қонунҳои ҳукумати имрӯза фақат барои мардуми камбағал татбиқ мешавад.

 Худи Шарипов Миралӣ бо Тойота- короллаи 3 мегардад, рангаш сафед рақами қайди давлатӣ-номераш чунин аст:- 1115ЕЕ10

  Дар парковка тез-тез мошин иваз мешуд, дар ҳамон ҷо медидем, ки Миралӣ ҳай мекард, вале бисёрии вақт бачааш сари рули мошинҳо менишаст.
Номҳои мошинҳояш GMC, Ранҷровер, Ландкрузер 200, Лексус ,Кадилак, Экскалед. Ҳамаи мошинҳояш барориши солҳои нав аст. Аз 2019 ё  2020 боло. Як короллаи 3-ро худаш постояний ҳай мекунад. Вай мошинҳояшр кам ҳай мекунад. Аммо зуд-зуд иваз мекунад. Парковка медаромадӣ пури мошинҳои ӯ буд.

Вақте Исмати дуликро қапиданд ҳамаи мошинҳои гаронбаҳояшро фурухт.   
Алӣ- бурут аз Дарвоз аст, хело одами бад. Ин ҳам дар парковка тақрибан 10 мошин дошт. Мошини арзонаш Кемри -6 буд, 25000$.Мошини гаронбаҳояш   Ранҷровер  буд, ки 150000$ арзиш дошт.

Ин ҳам, вақте Исматро қапиданду маҳкам карданд мошинҳояшро фурӯхт. Ва дигар, аз вақте Исматро қапиданд мошинҳои қимат намехарад, ки мабодо « иёра вазиятшон ай ура бад нашава».
Алӣ -бурут хело одами пасти бадрафтор аст. Як духтари хушрӯро бинанд резка гапаш мепартояд. Инро сину солаш тақрибан ба 60 аст вале фақат пиён аст. Ин боз сопровождаюшийи Ҷанобашон буд. Ҳозир ин бурут дар Қурғонтеппа аст. Мегӯянд дар кадом як вазифаи баланд аст. Инҷо чи қадар ҳаромгардӣ мекард. Дар онҷо худо медонад ба чӣ корҳо машғул бошад.    

 Алӣ -бурут ба фикрам 3 бача дорад, якеаш майда- инвалид. Инро дуъои мардум гирифт. Мегӯянд, ки Алӣ -бурут дар Дарвоз ягон касро гап заданӣ намемонад.
Ин бурути номард хуни чандин студенткаи бегуноҳро хурдагӣ аст. 
 Ин Алӣ -бурут боз шофёр дорад. Бо як БМВ сафед меоранаш. Як бачааш милиса аст. Ин ҳам ранги отааш одами ҳаром аст. Дигариаш переводчик. Аммо инаш   бачаи зур аст. Мегӯянд, ки хонааш дар Қараболо дар бари посолстваи Русия мобайни сафорат ва Донишгоҳи тиббӣ.

  Бачаи милисаш барои як компютерхона, ки дар таги домашон азони як бача буд, ду сол шуд кор мекард, бо соҳиби он ҷанг шуд. Чун фаҳмид, ки дар он компютерхона пули нағз мешавад кор кард. Хулоса он компютерхонаро мегирад маҳкам мекунад. Аз ҳар мақомот одам роҳӣ мекунад, ки ин компютерхонаро маҳкам кунанд. Он бача ҳам тағадор буд, ҳуй мекунанд. Он бача дар ин беномус   компютерхона- ашро намефурухт. Инҳо сершавӣ надоштанд. Ахир ҳамон компютерхонаро чапа карданд. Он бача ба фикрам хело расход карда буд. Номи бачаи Алӣ, ки милиса аст Анӯш мебошад. Ба номи ҳамин бачаи милисаашд-L9 дорад, мошини сиёҳи хитоӣ.
Инҳо, то вақте дар вазифаанд, хуни мардумро мехуранд. Бародари Алӣ-бурут дар Колхозобод милиса аст. 

                  Қубодиён

Ассалому алайкум устод Муҳаммадиқболи Садриддин. Бароятон аз ноҳияи Қубодиён менависам. Ман борҳо аз зулму ноадолатии ин ноҳия номаи шикоятӣ навиштам, аммо баракс ин зулм ноадолатӣ ҳамоно идома дорад ва ду-се баробар зиёд шудааст. Аз камбудҳои бемористон бигуям, аз фишору зӯроварии роҳбарони маҳалла бигуям, аз бебарқӣ бигуям (дар тобистон ҳаррӯз светҳои моро мекушанд), аз бонкҳое, ки ҳамеша меравӣ пул надоранд бигӯям, аз кадоминаш бигуям, намедонам.
Дирӯз боз оилаам – занамро бемористон бурдам, ба  бемористони Узбекистан сохтагӣ аст. Аҳсан ба Узбекистан, ки ана ҳамин хел бемористон сохта аст -хело зебо бо сифати хуб,замонавӣ. Аммо ин ҷо гап дар бораи муносибати табибон бо беморҳо, балки зулми бемористон меравад. Оилаамро овардам болнитса, анализ супоридем. Духтур гуфт рафта дар касса пулро супоред, баъди соати 16 ҷавоби анализ мебарояд. Мо омадем касса пулсупорӣ. Касса мегуяд пулро танҳо бо карта месупорӣ, наличий намешавад, наличий намегиранд. Ман гуфтам наличий сум дорам вале карта надорам.

Гуфт намешавад, бирав карта биёр. Онҷо бо карта мардум як намуд ҷамъ шуда буданд, хеле зиёд, боз ин картаҳо соз кор намекунанд, интернет нест, свет нест, мардум дар гармии 40 градуса, бӯву таф болницаро фаро гирифтааст.

 Ман гуфтам охир ин чи аҳвол аст. Бигзор  касе карта дошта бошад бо карта биспорад касе нақд месупорад, нақд бисупорад.

Дар Русия мо меравем болнитса дорухатро менависанд. Меравем ба пеши касса -нақд ё ғайринақдӣ месупорем, ягон проблема нест. Инҷо бемористон аст, бояд барои мардум удобний бошад.

  Ман ҳамроҳаш ҷанг кардам. Мегӯяд, ки «бра ҳаму Расияда бест, мефорат, куҷо омаҳаи Тоҷикистон?». Ин гапро ба тарафи ман гуфта истодаст. Охир на свет доред, ки интернет кор кунад, на картаҳои ҳалол доред, на банкоматҳои соз, ки биравиву сум снимат кунӣ. Боз ба ҳамин аҳволаш карта суроғ мекунад.

  Як одам, корафтодаро дар як соат базӯр ҷавоб медиҳад, ранги сангпушт, карахт кор мекунад. Охир як коре кунед, ки ба мардум ва ба худатон осон шавад.  Пулро супоридем, ба як азоб. Як одамро қапида зора карда гуфтам «акаҷон ма наличи шумоя метим ва наличи вай одама додам бад супоридем квитанся дод. Бо мега 10 сомонии дигар наличи метӣ, ба давленит баланд намешава?» 
 Ман гуфтам ҳозир наличий нагирифтед, боз чи хели наличий 10 сомонӣ? Мегӯяд, ки «иҷа ҳамихелияй».

Кас ҳайрон мешавад. Ин давлат куҷоро нигоҳ мекарда бошад? Лаънат кунад Раҳмоновро, ки намедонам чаро ин Қубодиён руз то руз дар бадтарин ҳолат рафта истодааст.
Қубодиён, ки аз ҳама минтақаи гармтарини Тоҷикистон аст, то 45-50 градус гарм мешавад, светҳоро мекушанд: аз соати 8 ё 9 рӯз то 5-и бегоҳӣ. Мардум дар ин гармӣ  чи кор мекунад? Ҳой Раҳмонов! ту дар хонаи кондиционери хунук мардум дар + 40у 45 градус гармӣ, свет нест, ки мардум лоақал вентилятор бимонад. Борҳо гуфтаму аввал ҳамин мардуми худатро бо свет таъмин кун, баъд ба дигарҷоҳо фуруш. Зимистон мегӯӣ, ки об кам шудааст дар обанборҳо баҳор шава шохҳои   дарахтҳои дарозро бурида истодаем, ана ҳоло тобистон шудаст, об фаровон, охир дигар кай свет медиҳӣ ба ин миллат? Вақти мурданат?

«Гури Майрам бсуза, ғраб-ғрап дар бигира ба и хутики тарбия кардагиш, ки намедонм бо дигар чиш бгум»?

 Охир, мисли гадоҳо ҳар рӯз аз Арабистон, аз Хитой, аз Америка пул қарз мегирӣ, ку як кори ҳалолат? Чаро мо дар тобистон свет надорем? Ин қадар пулҳоро дар сари қабрат мезанӣ? Охир як зарра виҷдонат туро азоб намедиҳад? Як бор шаб дар алоҳидагӣ биисту фикр кун, ки ба ҳамин миллат чи кор кардӣ?

Аз соли 1992, ки ба сари қудрат омадӣ, то ҳозира 35 сол шуд, фақат ҳамин як гапро мегӯӣ- шукрона кунед, ман шуморо  сарҷамъ кардам. Охир ҳар каси дигар ҳам мебуд барои ин миллат ва ин мардум кор мекард. То ҳозира ҳамин як гап. Ягон бор намегӯӣ, ки Фронти халқӣ ва армияи Русия ҳукуматро аз дасти халқи асил ва миллати Тоҷкистон гирифта ба ман дод. Шарм чизи хуб аст, агар надошта бошӣ, ки маълум аст надорӣ, вой бар ҳолат.

Биноҳои баландошёнаро соҳибкорҳо бисозанд, роҳҳоро мардум, мактабҳоро мардум ту дар чи кор миеоӣ? Шарм намедорӣ? Бо худатро пешвои миллат мегӯӣ. Охир ба куштани одамҳо гузаштӣ. Аввал пинҳонӣ буд.

Ҳоло мисли филми Ҳомиён одамҳоро прямой мекушӣ, как будто авария шудааст, мисли Алишер Мирзонабот— бечора бо зану духтарчаи майдаш ва боз ду нафари дигар дар Панҷ ғарқ шуданд.
Дар райони мо соли гузашта сари ҳар писари зандор 50 ҳазор рублӣ барои ободии қишлоқ, барои роҳҳоро асфалт кардан гирифтанд. Бовар кун як сол нашудааст асфалт хобониданашонро вале аллакай асфалтҳо рехту аз кор баромад, сангу регаш намоён шуд ва сифати кор тамоман ба 0 фаромадагӣ.

 Наход 50 ҳазор рублӣ бигириву ҳамин хел кунӣ? Ҳадди ақл асфалти хуб бо сифати нағз намекунӣ, ки солҳо хизмат кунад. То ҳол аз асфалти харидаашон зиёдатӣ мондааст, намедонан чи кор кунанд? Охир аввал бояд ҳисобу китоб мекарданд, кучаҳоро мешумориданд, чен мекарданд, баъд асфалт мерехтанд ё ки ғафсии асфалтро зиёдтар мекарданд.Б еҳад тунук рехтагианд, сангҳо мехезанд,

тамоман безеб, пули зиёд боқӣ мондааст, мегуянд.

  Гуфтанд, ки синфхона месозем. Аммо як сол шуд ягон кор накарднд. Соли гузашта вақти сум ҷамъ кардан роҳҳоро асфалт карда ҳар моҳ аз ҳамин пули ҷамъ кардагӣ 2 ҳазор сомониӣ маош гирифтанд, аммо ҳоло мебинем, ки натиҷа ва самараи кор нол.

Мо ҳам дар деҳаамон як Олими буз дорем. Дар барномаҳои баъдӣ аксашро мефиристам.

Дигар қишлоқҳо 30-35 ҳазор рублӣ ҷамъ карданд вале ин козёлҳои мо 50 ҳазор рублӣ.

Рости гап устод, намедонам аз кадом камбуди Қубодиён бигӯям. Як одами боинсофу дилсӯз нест дар ин ноҳия. Дар куҷое як гушна аст, як ташна аст вазифаро дар Қубодиён мегирад ва меояд сумкоркунӣ. Кадрҳои худи Қубодиён чаро нестанд, намеоянд?  

Сообщение Номаҳо аз ноҳияҳо ба «Ислоҳ.нет»№ 372 появились сначала на ISLOH.net.

 Аз суҳбати расонаии Ҳамрохон Зарифӣ

 Талаби сӣ соли зиндон ба Ҳамрохон Зарифӣ, бознишастае, ки 77 сол син дорад, далолат бар он дорад, ки Раҳмонов ба ҷуз аз худ ва аҳли хонаводаи худ, ки яксара ба мақому мансабҳои давлатӣ нишондааст, ба ҳиҷ каси дигар, такрор мекунам, ба ҳиҷ касе дигар, ҳатто агар ин шахс аз тану ҷонаш барои бақои курсии вай моя гузошта бошад ҳам, тараҳҳуму шафқат ва муруввату инсоф намекунад. 

Беш аз ин, ин навъу шеваи муомила ва муносибат бақия руасову вузарои пешину ҳозири ҳукумати вайро дар ҳолати шадиди руҳиву равонӣ қарор дода, рубъу ваҳшат ва тарсу ҳаросро дар даруни онҳо ҷой хоҳад кард.

 Ҳамрохон Зарифӣ, нафаре, ки тули наздик ба 7 сол сиёсатҳои Раҳмоновро дар ҷаҳони берун  матраҳ ва муаррифӣ мекард, дар сангинтарин баҳсу даъвоҳо дар канори Раҳмонов қарор дошт ва иттифоқан сангинтарин ва печидатарин масоили сиёсӣ, назири баҳси замин бо Чин, пойгоҳи 201-и Русия, ҳамкорӣ бо Созмони амният ва ҳамкорӣ дар Аврупо маҳз дар замони раҳбари Идораи сиёсати хориҷии Тоҷикистон будани ӯ ҳал ва файсала шудааст, акнун мардуди вафо, кудетогар, табаддулотчӣ ва хиёнаткорӣ давлатӣ эълон мешавад.

Ин ҳукм, ки амалан ба ҳукми қатл аст баробар аст ва агарки татбиқ шуд, на амнистия мешавад ва на срезка ва хулосааш ин аст ки Ҳамрохон Зарифӣ, собиқ вазири хориҷии Тоҷикистон дар солҳои 2006-2013 зиндон манзили қабл аз хонаи охирати ӯ хоҳад буд.

Ҳамин тавр Акбаршо Искандаров, раиси собиқи Шурои Олии Тоҷикистон, ки 73 сол син дорад ва барояш айбдоркунандаи давлати Раҳмонов 23 соли ҳукм пурсидааст, дигар, то замоне Раҳмонов дар курсӣ аст руи озодиро нахоҳад дид ва дар кунҷи зиндон ҷон хоҳад бохт. А.Искандаров бар зидди Раҳмонов чи тавр кудето мекунад, ки ҳукуматро «без бой» бурду дар Хуҷанд ба вай супурд. Вай оппозитсион ва Ҳукумати Мурои Миллиро фурухт. Бар ивази ин хидмат вай сафири ҳукумати Раҳмонов дар Туркманистон шуд ва аз онҷо, замоне, ки ҷанги миёни ҲНИТ ва Раҳмонов идома дошт барои тонку чархболҳои Раҳмонов, ки Ғарму Дарвозу Бадахшонро бомбит кардан маводи сухт таҳия ва ирсол мекард.

Дар ҳоле, ки зиди дигар аъзои Ҳукумати Муросои Миллӣ парванда боз шуд ва онҳо  овораву дарбадару гуреза шуданд, Искандаров, раиси Ҳукумати Муросои Миллӣ дар ҳукумати Раҳмонов мансаб гирифт. Агар вай кудетогару мансаби Раҳмоновро мехост он вақт Хуҷанд намерафт ва ҳукуматро намедод, дар ҳоле, ки ҷавону пурэнержӣ буд. Ҳоло, ки пир ва бознишаста аст ва табъан, ки орзуву ҳавасҳояш ҳам пиру фартут шудаанд, чи гуна кудетогар мешавад? Боқии персонажҳои парвандаи табаддулот ҳам, ки синнашон аз 60 боло аст, ки баъид ба назар мерасад иқдомоти носанҷида ва норушанро дар ин синну сол руи даст бигиранд.

  Шокирҷони Ҳаким, як нафар аз мухолифини беозор ва шахсияте, ки тамоми тули умр ба ҷуз аз сухан кардан, изҳори назар додан, коре накардааст, баъид аст ки табаддулот кунад. Инсонҳое ранги доктор Ҳаким бо хушунат ва қулдурӣ кор надоранд.

 Як далел меоварам. Соли 2010 дар округи интихоботии Конибодом Шокирҷони Ҳаким, ҳамчун номзади худпешбар аз Ҳизби оппозитсионии сосиал-демократи Тоҷикистон бар ҳарифи худ прокурор Насрулло Маҳмуд аз ҲХДТдар интихоботи вакилони Маҷлис ғалаба кард. Аммо ин пирузиро бо садуяк талбису ғиромӣ Раҳмонов тағйир дод. Раъйи ба даст овардаи Шокироҷни Ҳаким он қадар боло буд, ки аз тарси онки ин мардум шуриш ва қиём накунанд, натавонистанд, ки дар ҳамон давраи аввал бар манфиати намояндаи ҲХДТ-ҳизби Раҳмонов ҷамъбаст кунанд ва ночор ба давраи дуввум гузарониданд. Албатта, натиҷаи давраи дуввум маълум буд, вале як чунин интихобот дар он сол дар Тоҷикистон, як кишвари баставу худкома танҳо дар Конибодом руй дод. Яъне Шокирҷони Ҳаким ончунон бо дастгирӣ ва пуштибонии оммаҳо рубару шуд, ки барои номзади дигар ва ҳизби дигар муяссар нашуд.

Ва ин дар маҳуддаи Тоҷикистон он замон воқиан ҳам як сенсатсия буд. Тарафдорони Шокирҷони Ҳаким хеле зиёд буд, ки роҳи чораро ба даври дуввум кашондан диданд. Агар дарсадии ками тарафдорон медошт ҳатман дар ҳамон даври аввал рақиби Шокирҷонро дастболо ва баранда эълон мекарданд.

Ин нишонаи нуфуз, маҳбубият ва эътимоду эътиқоди мардум ба Шокирҷони Ҳаким ва ин нишнаи танаффур ва эътирози Конибодом ба Раҳмонов ва сиёсатҳои вай буд. Яъне Раҳмонов ҳануз аз ҳамон солҳо дар нисбати

Шокирҷони Ҳаким кина ва кудурат дошт. Агар Шокирҷони Ҳаким як сиёсатмадори радикал ва госпереворотчӣ дар ҳамон интихобот талоше ва иқдоме бар алайҳи режим мекард. Аммо вай режимро хуб мешинохт ва имкон надошту надорад, ки доктор Ҳаким бо ин ҳама фаҳмиш ва шинохт аз Раҳмонов ва мақомоти саркубгари вай ҳамроҳи кудетогарон бишавад.

Мо, қаблан ҳам дар чандин навиштаҳои худ гуфта будем, ки кобуси Раҳмонов табаддулот аст. Вай аз ҳеҷ чизе баробари табаддулот наметарсад.

 Барои ҷурме, ки содир нашудааст, барои ҷинояте, ки муртакиб нашудаанд, ҳатто агар ин нақша буда бошад ҳам, ин ҳукм, ҳукме нест, ки як давлати устувору мутмаину побарҷо ва дорои иззати нафсу муътақид ба қудрату қувват онро содир кунад.

Ин ҳукм нишонаи он аст ки курсӣ ва қудрат барояш ҳама чиз аст ва қудрати беҳаду ҳисоб ақлашро зоил карда ба дараҷаи васвос расондааст. Вагарна барои ҷинояте, ки содир нашудааст, чунин аҳкоми сангинро намебурид.

  Ҳоло, кӣ бовар мекунад, ки Сайидҷаъфар Усмонзода, ки зода ва парвардаи худи ин режим аст ва ҳамвора аз Раҳмонов пуштибонӣ кардааст ва агар Раҳмонов раиси давлат набуд, дар қади сад сол ҳатто вакили маҷлис дар як ноҳия намешуд ва тамоми дору мадораш аз ҳисоби ҳукумати Раҳмонов аст даст ба табаддулот бизанад ва ҳамин тавр Аҳмадшо Комилзода, ки ҳиҷ иқдоме, ҳиҷ ҳарфу ҳиҷое бар зидди сиёсатҳои Раҳмонов назадааст. Балки баракс, вақте роҳбарияти ҲНИТро дар соли 2015 Раҳмонов дастгир  кард ба манзили як нафар аз шиносҳои муштаракамон, ки ҳоло дар зиндон аст рафтаву гуфтааст, ки чи зарурат буд бо ин муллоҳои… ҳамроҳ бишавад? Агарчи ҷаноби Комилзода дар солҳои ҷанги дохилӣ  зиндонӣ ва сипас бо усарои ҳукуматӣ бо миёнҷигии намояндаи СММ табодул шуд ва чандин вақт дар суфуфи оппозитсион буд, аммо ҳаводору тарафдори ҲНИТ набуд. Ин нафар, шуморо саддарсад итминон медиҳам, ки бо ҲНИТ бар зидди Раҳмонов канор намеомад, чи расад ба онки даст ба табаддулот бар алайҳи Раҳмонов бизанад.

Бигирем мисли Акбаршо Искандаров ва ё Ҳамрохон Зарифӣ ҳам набуд, ки гуфта бишавад аз «номенклатураи Маскав» буд ва то ҳамин ҳоло ҳам «агент влияний»-и русҳост.

Акбаршо Искандарову Ансоруллоҳу Маҳдӣ Арсалон Ҳамрохон Зарифиву Кабириву ҲНИТ, Шокирҷон Ҳаким ва ё Саидҷаъфар Усмонову 10 миллион доллару ваъдаи дастгирии кадом давлати хориҷӣ ва ҷазбу ҷалби муҷоҳидин?   

Ин иттиҳоду иттиҳодияи бар фарзи мисол шеру гургу палангу гуспандро кӣ бовар мекунад? Ин кадом Ансоруллоҳ аст ки бо як нафаре, ки як бор намоз нахондааст, ин кадом ҲНИТ аст ки бо нафаре, ки тули тамоми умр бар зидди исломи сиёсӣ мубориза кардааст якҷо мешавад? Барои Ансоруллоҳ фарқи миёни Зарифиву Раҳмонов дар чист? Магар Зарифӣ давлати исломӣ месохт, ки Ансоруллоҳро шефта ва моили ин табаддулоташ кардааст? Кӣ бовар мекунад бар ин ҳама иттиҳомоти бебунёд? Магар Зарифӣ Донкихот шудааст, ки бо Ансоруллоҳ як мешавад? Аҷиб нест магар? Раҳмонов ба ин параи масъала фикр мекарда бошад, ки ҷиҳати сарнагунии вай киҳо бо ҳам омадаанд? Ё киҳоро ночор ва водор крадааст, ки даври ҳам оянд? Зарифӣ ва Кабирӣ, Искандаров ва Ансоруллоҳ? Дар воқеъ аҷиб нест? Магар ин васвосу ханнос шудани Раҳмоновро нишон намедиҳад?

 Магар ҳамин Зарифӣ набуд, ки мегуфт додани замин ба Чин бурди дипломатияи тоҷик, яъне сиёсати Раҳмонов аст? Зишти Раҳмонворо зевар ярмарка мекард. Аммо ҳоло чӣ?

Аммо ин ҳукм аз тарс аст, аз тарси эҳтимоли хезишу қиёми мардумӣ, ин аз нобоварӣ ба худ ва ҳукумати худ аст ки дар ҳақиқат пуштвонаи халқӣ ва такягоҳи мардумӣ надорад. Тарсаш аз он аст ки дар чунин вазъияту дар чунин шароите, ки халқро нигоҳ доштааст камтарин ҷарақа метавонад боиси алангагирӣ ва ба оташ кашидани пояи зулму истибдод бишавад. Раҳмонов дар ҳақиқат медонад, ки аҳволи мардумро то ҳадди охир бад кардааст ва медонад, ки мардум то пойи ҷон, то мағзи устухон аз вай ва оилаи палиди вай ва ҳукумати ғосибу дузду порхуру саркубгари вай безор шудааст. Тарсаш аз он аст ки барои ҳимояти вай, барои ҳифозати вай касе намехезад, дар пушташ касеро надорад. Тарсаш аз он аст ки камтарин бод ва шамол капаи хасии вайро ба хоки хунук яксон мекунад. Тарсаш аз он аст ки медонад мардум мунтазири як чунин гуруҳанд, ки бархезаду пеш дарояд ва дигар он тарафаш дар ихтиёри мардум хоҳад буд.

Агарчи медонад ҳеҷ кадоме аз онҳо чеҳраи шинохта нестанд, нуфуз ва ҷойгоҳи болои мардумӣ надоранд, лидер нестанд, касе ҷиддиашон ҳам намегирад, аммо аз онки авзоъ обастани дигаргунӣ ва таҳаввул аст, шароит, муҳит, фазо ва иқлими сиёсиву иҷтимоӣ ба тавре шакл гирифтааст, ки як ҳаё ҳуй, як доирахабар метавонад ин ҳама давлату курсӣ, ҷоҳу ҷалол, айшу ишратро кунфаякун кунад, ҳамин гуна ҳукми сангин медиҳад, то дигарҳо битарсанд ва дар сар чунин фикрҳоро напарваранд.

Аммо, магар онҳое, ки роҳу равишашон мушаххас ва рушан аст, масалан ҳамин ҲНИТ, масалан ҳамин Сайфиддин Тоҷибоев, масалан ҳамин Маҳдӣ Арсалон метрасанд?

Маълум нест, ки он сӣ нафар аз шербачаҳои язгуломӣ, ки дар шарикӣ бо Ансоруллоҳ дар соли гузашта боздошт шудаанд, дар парвандаи Акбаршо Искандарову Зарифӣ ҳамроҳ карда шудаанд ё хайр? Чун дар парвандаи онҳо муҳрӣ махфӣ задааст ва ҳам наметавонем чизе бигуем. Аммо инки ҳатто вакилони мудофи ин нафарон, ки ахиран бо ирсоли як номаи дастаҷамъӣ хостори раҳоии онҳо ва бегуноҳ эълон кардани онҳо шудаанд, аз суҳбат бо хабарнигорон парҳез мекунанд ва тарс онҳоро низ ончунон лагад кардааст, ки аз ифшои исму насаби худ низ худдорӣ мекунанд.

 Агар дар ин парванда найрангу талбису риёву реб вуҷуд надошта бошад ва агар ин парванда фақт барои ҳамвору ружд кардани саҳна барои Рустам набошад, чаро онро ҳам пушида доир кард? Чаро номи он давлат бурда намешавад, ки кумаки 10 миллиондолларӣ ба ин гуруҳ кардааст? Оё дар ҳақиқат 10 миллион пуле аст ки мешавад курсиро аз зери пойи Раҳмонов берун овард? Чи қадар арзону беарзиш будааст ин курсӣ?

Аммо Раҳмонов барои худаш ва хонаводааш Тоҷикистонро ба оташ мекашад, ними халқро мекушаду нимашро зиндон мекунад. Осону роҳат намеравад.  Раҳмонов ҳеҷ нафаре содиқ ва вафодор дошта наметавонад. Ҳозир ҳар касе бо вай ва дар бари вай ҳаст, эҳсоси биму тарс дорад, ки рӯзе бо тақдири Зарифӣ дучор нашавад. Ҳатто СС.Ятимов ҳатто Рамазон Раҳими Ҷеки Чан. Сарнавишти Зарифӣ онҳоро водор кардааст, ки ҳамин гуна биандешанд.

 Раҳмонов ва сиёсати вай бар мабнои манфиати худаш, хонаводааш ва хешутаборонаш аст. Тамом. Боқии мардум бояд дастопеши бар, боқии мардум абдуллораҳнамоҳо, боқии мардум чоплусу лаганбардору шайтону хушомадгуву ҳамин турҳо бояд бошад. Гап аз даҳонаш афтид, бавл аз пушташ афид дурдона ва…нишон диҳанд. Масалан бо Эрон чап шуд, ҳамакаса Эронро заданд, бо Толибон чап шуд, ҳамакса Толибонро заданд, аз ҷумла ҳамин Аҳмадшо Комилзода ва Саидҷаъфар Усмонзода, бо Қирғизистон чап шуд, ҳамакса Қирғизистонро заданд, маслан ҳамин Абулло Раҳнамо ва Саломиддин Мирзораҳматов, бо Наҳзат чап шуд, ҳамакаса наҳзатро заданд, ҳамин тавр бо Узбакистон. Ҳоло акнун баракс шуд, ҳама аз бародариву ҳамдилӣ бо Эрон, бо Узбакистон ва бо Қирғизистон дӯсту рафиқ шуду дигарҳо ҳам чакчак мезананд.

Кӣ кафолат медиҳад, ки фардо исломиҳо ба шумули наҳзатиҳо аз Шому Ироқу Идлибу Кобулу Панҷшеру Дарвозу сар барнамедоранд ва дар пайраҳаи Мирзо Зиё, Мулло Абдулло, Қорӣ Муҳаммадҷони шаҳид, Муҳаммадрузиву Салам, Мансуру дигару дигар барнамегарданд? Ин Давлат Сафари хамбаи ахлоту ин Асад Раҳмони Сумбулоғову ин Шорухи гейнералу ин Абдулло Раҳнамои лектор болничний мегиранду аз мобилизатсия мегурезанд.

Ҳеҷ гоҳ Озодаву Парвинаву Тахминаву Фирузаву …Заринаву Рухшонаву Фарзонаву  Азизмоҳу дигару дигараш АКМ намегиранд. Ана баъд …муҷоҳидҳо яке яке ғаноими ҷангӣ мегиранд.

 Солҳост, ки додгоҳу додситону додсаро ҳамааш худи Раҳмонов аст.  Инҳо барои амали анҷомнашуда ба чунин муҷозоти гушношунид гирифтор мешаванд. Барои як умр зиндонӣ мешаванд, то инки Раҳмонов умрбод дар курсӣ бимонад. Тамоми беш аз сӣ соли ҳукумати Раҳмонов баёнгар ва таъйиди он аст ки аз вай шафқат ва раҳм  умедвор будан монанди аз гови нар бача ва аз така шир интизор шудан аст. Ёдатон бошад судяи Зайд гуфта буд, ки Зайд Шерович тақозои замон сиёсат ҳамин будааст. Ин як нидои қаър ва умқи ҷигар буд. Судя иқрор ва тасдиқ мекард, ки вай ҳукми ҳуқуқӣ ва қонунӣ набаровардааст. Вай сиёсатро иҷро кардааст.

 Ҳоло кӣ бовар мекунад, ки Зарифӣ бо Муҳиддин Кабирӣ противи Раҳмонов заговор кардааст? Кӣ?

Ps: Дар охир инро меафзоям,ки онҳое дар радаҳои болоии ин режим дар курсиҳо такя задаед хуб огоҳ бошед! Ин рӯзе бар сари Зарифӣ ва Искандаров омада метавонад шуморо ҳам интизор бошад. Имрӯз имкони анҷом коре, наҷоти худу оила ва давлату миллатро доред. Аммо рӯзе равонаи зиндон шудед дигар после пажар…

Ман дар ин миёни зиндоншудаҳо мазлумтаринашон Шокирҷон Ҳакимро мешуморам ва воқеан ба ӯ зулм шуд. Аммо ба Зарифӣ ва Искандаров «им так надо» ва онҳое феълан дар хидмати ин режимед агар пас аз ин ҳама воқеъиятҳо боз ҳам «моя хата с краю» гуфта гардед. Рӯзе ин сарнавишт ба саратон омад яқин дошта бошед дар зиндон кардану маҳви ҳар яки шумо чашми чапи Раҳмонов ку аниқ намепарад. Инчунин чашми росту чапи ин миллату мардум ҳам барои шумо нахоҳад парид!

Сообщение Зарифӣ сӣ сол мешинад,то Раҳмонов сӣ соли дигар дар курсӣ шинад появились сначала на ISLOH.net.

Ассалому алайкум бародар Муҳаммадиқболи Садриддин! Ман яке аз мухлисони ҳамешагии шумо мебошам ва сайти «Ислоҳ»-ро ҳамеша мехонам. Аслан зодгоҳи ман Фархор аст. Аммо мо дар Данғара калон шудаем. Ҳозир бошад ман дар хориҷа ҳастам. Навиштаҳои шуморо дар бораи СС.Ятимов мехонам ва махсусан навиштаи охирини шумо, ки гуфтааст пир шудаму нафақа мебароям хондам ва хеле писандам омад.

Шумо метавонед СС.Ятимов, яъне Саймумин Сатторовичро бемалол Берияи тоҷикӣ ном баред. Ин одам як умр дар КГБ кор кардааст, аммо тарҷумаи ҳолашро тавре навиштааст,ки гуё вай баъди солҳои зиёди кор ба ин идора рафта бошад. Ҳоло тарҷумаи ҳоли ӯро нигоҳ кунед, ки чи тавр сохта шудааст. Бале, бале, ин тарҷумаи ҳол сохта, ҷаълӣ ва дуруғӣ аст:

Ятимов C.C. (таваллудаш 23 июли 1955, ноҳияи Фархори вилояти Кӯлоб, ҶШС Тоҷикистон) — сиёсатмадор ва дипломати тоҷик. Раиси КДАМ Ҷумҳурии Тоҷикистон (аз соли 2010). Доктори илмҳои сиёсӣ дар соҳаи «Масъалаҳои сиёсати байналмилалӣ ва рушди глобалӣ». Профессор. Узви вобастаи АИ Ҷумҳурии Тоҷикистон. 5-ум Раиси КДАМ Ҷумҳурии Тоҷикистон.

1972 — 1976 сол — донишҷӯи Донишкадаи давлатии педагогии Кӯлоб;

1976 — 1977 сол — омӯзгори забон ва адабиёти тоҷик дар мактабҳои миёнаи №15 ва №10 ноҳияи Фархори вилояти Хатлон;

1977 — 1979 сол — хизмати ҳарбӣ дар Қувваҳои Мусаллаҳи ИҶШС, ш. Каунас, Литва;

1979 — 1980 сол — омӯзгори забон ва адабиёти тоҷик дар мактаби миёнаи №10 ноҳияи Фархори вилояти Хатлон;

1980 — 1992 сол — мудири шӯъбаи Кумитаи иҷроияи ноҳияи Фархори вилояти Хатлон;

1992 — 1996 сол — мудири шӯъбаи Ҳукумати вилояти Хатлон; 1996 — 1997 сол — сафир оид ба вазифаҳои махсуси Вазорати корҳои хориҷии Ҷумҳурии Тоҷикистон;

1997 — 2000 сол — мушовир-сафири Сафорати Ҷумҳурии Тоҷикистон дар Ҷумҳурии Исломии Эрон;

2000 — 2005 сол — Муовини вазири амнияти Ҷумҳурии Тоҷикистон; 2005 — 2 майи 2007 — муовини аввали вазири корҳои хориҷии Ҷумҳурии Тоҷикистон;

         Аз 2 майи 2007 — 2010 — Сафири Фавқулода ва Мухтори ҶТ дар Подшоҳии Белгия ва ҳамзамон Сарвари Намояндагии Ҷумҳурии Тоҷикистон дар Ҷомеаҳои Аврупо (Комиссияи Аврупо, Иттиҳоди Аврупо оид ба саноати ангишт ва пӯлод, ва Иттиҳоди Аврупо оид ба энергияи атомӣ).

         Дар солҳои 2000—2001 маълумоти дуюми олии худро дар Донишгоҳи миллии Тоҷикистон бо ихтисоси «ҳуқуқшиносӣ» гирифт. соли 2001 рисолаи номзадиашро дар мавзӯи «Асосҳои идеологии сиёсати хориҷии Ҷумҳурии Исломии Эрон» ҳимоя кард;

соли 2002 — рисолаи докториашро дар мавзӯи «Гуманизм ва идеологияи сиёсати хориҷии Ҷумҳурии Исломии Эрон дар низоми нави муносибатҳои байналмилалӣ» ҳимоя кард;

аз соли 2005 — дарсгӯии курси «Сиёсати байналмилалӣ ва дипломатияи муосир» («International Relationship and Modern Diplomacy») бо забони англисӣ бо даъвати Донишгоҳи славянии Тоҷикистону Русия. Бо ордени «Зарринтоҷ» дараҷаи II (соли 2013) сарфароз шудааст. Оиладор, тибқи баъзе манбаъҳо соҳиби 5 фарзанд аст, вале дар манбаъҳои дигар, шумораи фарзандони «берун аз никоҳ» ё фарзандони ақди дуюм то 13 мерасанд. 

    …..Дар бораи шумораи фарзандони ин «қаҳрамонпадар» бигзор дигарҳо бигуянд. Аммо, чизе, ки инҷо ман мехоҳам бигуям, аз он навиштаи шумо кутоҳӣ нахоҳад кард. Сараввал як ҳодисаро, ки ҳақиқати маҳз аст мегуям, то аз хотирам набарояд. Солҳои 2000 -2001 С. Ятимов  чанд нафар чупонҳои ноҳияи Панҷро дар Фархор кушта рамаи мардумиро аз они худ мекунад. Барои онки аз ин кор мардум бохабар нашаванд, кори кардааш рӯпӯш шавад молҳоро бароараш Абдулмумин Ятимв бо ҳамроҳи писари холааш Исмат мефурӯшанд. Ва аз ҳамон вақт соҳиби молумулки зиёд мешавад. Баъдан солҳои 2005 ва 2006 фермаи колхозиро аз они худ мекунанд. Вале як каме баъд фермаро ба домоди Маҳмадсаид Убайдуллоев мефурушанд. Солҳои 2009-2010 ин фермаро боз аз нав пас мехарад. Ҳоло ин ферм ба Абдулмумин Ятимов, раиси Идораи хоҷагии ҷангали Фархор тааллуқ дорад. Дар Кумитаи андоз ба номи духтари Абдулмумин сабти ном шудааст. 

СС.Ятимов солҳои ҷанги шаҳрвандӣ, онгуна,ки нашрияи СССР навиштааст раиси КГБ дар ноҳияи Масковский буд ва маҳз СС.Ятимов буд,ки ҷони Одина Ҳошимро харида будааст. Солҳои давраи Союз ҳам бинобар навиштаи Сайиданвар Камолов, раиси собиқи КГБ-и Ҷумҳурии Шуравии Сотсиалистии Тоҷикистон СС.Ятимов якҷо бо Султони Ҳамад, Ҳамрохон Зарифӣ, Суфибек Маҳрамов ва худи С.Камолов дар раёсати мубориза бо дин (муллоҳо) фаъолият кардааст. Ҳамчунин вай чандин сол ба ҳайси корманди фаврии КГБ дар Хоруғ кор кардааст. Аммо, онгуна, ки мебинед дар матни ҳасби ҳолаш навишта нашудааст, ки дар КГБ кор кардааст. Яъне ҳатто ҳувият ва шахсияташ машкук ва махфӣ аст. Чизи дигаре, ки дар ин шарҳи ҳол шакангез ва боварнакарданӣ аст дарёфти унвони илмии сиёсатшиносии уст. Вай баъди як соли ҳимояти кори номзадӣ дар соли дигар унвони докториро дарёфт мекунад. Кори илмиаш ҳам марбут ба муллову ислом аст. Зимнан СС.Яттимов ба унвони атташеи низомӣ яъне намоянлаи амният дар сафорати Тоҷикистн дар Ҷумҳурии Исломии Эрон кор кардааст ва мавзуъи корҳои номзадиву докториаш ҳам ба Ҷумҳурии исломӣ алоқаманд аст.

  Аммо бояд як чизро тазаккур дод, ки СС.Ятимов ниҳоят шахси муғамбир, зирак ва ҷоҳу мансабталош аст. СС.Ятимов дар кудетои нофарҷоми Саидҷаъфар Усмонзода, Ҳамрохон Зарифӣ ва Акбаршо Искандаров ҳатмани ҳатман шарик аст. Раҳмонов аз ин тарафи кор пурра дарак ва далел дорад, вале бо чи мулоҳизоте ӯро на аз кор гирифт ва на зиндониаш кард. Ин ҳамин СС.Ятимов аст, ки ин афроди фавқуззикрро ба клуби Валдай-и сохти Путин ҷиҳати таҳияи нақша барои сарнагунии Раҳмонов фиристода аст. Аммо чуноне мебинем ё бисёр ҳам пуштвонаи зур дар Крмелин дорад ва ё дар Пекин, ки Раҳмонов онҳоро шинонд, инро не. Агарчи аз руи баъзе аз маълумотҳо Саидҷаъфар Усмонзода кайҳо ҳама маълумотро дар кафи дасти Юсуф Раҳмонов ва Юсуф Раҳмонов ба самъи Эмомалӣ Раҳмонов гузоштаву равонидаанд. Тибқи маълумоти дигари расида дар ин қазия танҳо Акбаршо Искандаров дар Валдай иштирок намуда ва суҳбатҳояшро анҷом додааст. Аммо ошкоро ба Искандаров гуфтаанд,ки ҳоло мо машғули Украйна ҳастем ва феълан Тоҷикистон бароямон ончунон муҳим ва калидӣ нест. Аммо пас аз баргаштанаш ба Душанбе ӯро мефурӯшанд.

 Муносибати СС.Ятимов на бо ҳама аъзои оилаи президент хуб аст. Масалан, писари президенти Тоҷикистон Рустами Эмомалӣ ба сӯи ӯ тир холӣ кардааст. Расонаҳои интернетӣ  он вақт авишта буданд,ки «Ин хабарро бо истинод ба манбаъҳо дар сохторҳои ҳокимияти Тоҷикистон муовини раиси ПМТ (Паймони миллии Тоҷикистон) Алим Шерзамонов эълон карда буд.  Ба гуфтаи Алими Шерзамонов, шаҳрдори шаҳри Душанбе ва ҳамзамон писари Асосгузори Сулҳ ва Наҷотдиҳандаи Сайёра — Рустами Эмомалӣ аз Саймумин Ятимов талаб кардааст, ки амалиёти низомӣ-полисиро дар Хоруғ оғоз кунад. Тибқи иттилоъи мавҷуда, Ятимов гуфтааст, ки вазъият дар Хоруғ ва атрофи он ба нафъи гузаронидани амалиёти ҷазодиҳанда нест, зеро дар натиҷа шумораи зиёди шаҳрвандони осоишта ҳалок шуда метавонанд. Қайд мешавад, ки аксари низомиён муқобили истифодаи силоҳ алайҳи аҳолии осоишта изҳори назар карда, оқибатҳои манфии ин иқдомро таъкид мекунанд. Тибқи хабарҳои манбаъ, Рустами Эмомалӣ ба сӯи Саймумин Ятимов тир холӣ кардааст ва дар натиҷа1 генерали маҷрӯҳшуда дар беморхона бистарӣ шудааст.   Ҳамзамон, Алим Шерзамонов хабар дод, ки тибқи иттилоъ аз манбаъҳои ҳукуматӣ, дар ҷараёни амалиёти Хоруғ, Саймумин Ятимов бояд ба таври ҷисмонӣ нобуд карда шавад, монанди генерали Назарзода дар соли 2012. Ин вазифа гӯё ба генерали ВКД Аламшозода (Бузмаков) ва одамони ӯ супорида шудааст».

         Дар Тоҷикистон, хусусан дар минтақаи Вилояти Мухтори Кӯҳистони Бадахшон (ВМКБ), аз соли 2012 то майи 2022 таҳти роҳбарии раиси Кумитаи давлатии амнияти миллӣ (КДАМ) Ятимови СС. як қатор амалиётҳо баргузор шуданд, ки вокуниш ва маҳкумияти густурдаи ҷомеаро ба вуҷуд оварданд. Ин амалҳо ба пахши сокинони маҳаллӣ, ки аксарияташон помириён мебошанд, нигаронида шуда, боздоштҳои худсарона, шиканҷа ва зӯровариро дар бар мегирифт, ки метавонанд ҳамчун табъизи системавӣ тавсиф шаванд.

         Рӯйдодҳои ВМКБ дар солҳои 2021-2022 нишон медиҳанд, ки хатари эътирозҳои густурдаи зидди режим вуҷуд дорад, ки ба гуфтаи баъзеҳо, мушкилоти ҷиддии дохилии сиёсиро барои интиқоли пешбинишудаи ҳокимият, ки шароити суботро барои таъмини қонуният талаб мекунад, эҷод мекунад.

         Вазъият дар марз бо Қирғизистон низ пуртаниш буд ва бисёр ҳодисаҳои марбут ба муноқишаҳои марзӣ мушоҳида шуданд, ки ин вазъи аҳолии маҳаллиро вазнинтар кардааст. Фишорҳои ҳукуматӣ дар сарҳад бо Қирғизистон (ниг.ба ҳуҷҷатҳои 1-42 феҳристи адабиёт) ва низоъҳои дохилӣ дар дохили Тоҷикистон натиҷаи поймол шудани ҳуқуқҳои помириён ва хориҷ кардани онҳо аз идораи давлатӣ буд, ки эътирозҳо ва норозигии аҳолии маҳаллиро ба вуҷуд овард.

         Оқибатҳои иҷтимоию иқтисодӣ ва ахлоқии табъизи ақаллияти «Помирӣ» дар Тоҷикистон Табъизи помириён дар Тоҷикистон натиҷаи баҳсҳои тӯлонӣ оид ба марзҳо буд, ки ба ҳуқуқ ва имкониятҳои онҳо таъсири манфӣ расонд. Манъи истифодаи забони модарӣ дар муассисаҳои давлатӣ, бастани литсейи бахшида ба пешвои рӯҳонии помириён, инчунин маҳдудиятҳо барои чорабиниҳои фарҳангӣ — ҳамаи ин ҷузъи сиёсати васеътари пахшкунӣ шуданд.

         Сокинони маҳаллӣ талабҳои худро дар бораи раъйпурсӣ оид ба масъалаҳои марзҳо ва ҳокимият баён карданд, вале овозҳои онҳо аз ҷониби парлумон нодида гирифта шуданд. Ин боиси бад шудани вазъи иҷтимоӣ ва иқтисодии помириён, норозигӣ ва афзоиши танишҳо байни гурӯҳҳои этникӣ гардид. Бо дарназардошти контексти мураккаби таърихӣ, мушкилоти марбут ба додани қитъаҳои замин ба Чин дар соли 2002-ро нодида гирифтан мумкин нест.

         Ин қарор норозигии мардумро ба вуҷуд овард ва саволҳо дар бораи қонунияти амалҳои ҳукумати Тоҷикистон ба миён овард, ки онҳо на танҳо аз омилҳои сиёсати дохилӣ, балки аз таъсири давлатҳои хориҷӣ низ бармеоянд. Далелҳо дар бораи «фурӯши» ҳудудҳо ба Чин танҳо қисми болоии яхбанди бузург дар заминаи мураккаби муносибатҳо байни ин давлатҳо ва танише, ки дар Тоҷикистон ҳукмфармост, ба ҳисоб мераванд. Вазъият бо сабаби стереотипҳои иҷтимоӣ ва набудани каналҳои ошкоро барои баррасии мушкилоти помириён боз ҳам мушкилтар мешавад, ки ин ба ҷудоии бештар байни гурӯҳҳои гуногуни қавмӣ дар дохили кишвар оварда мерасонад.

         Муноқишаи марзии Қирғизистон ва Тоҷикистон дар соли 2022 — ин низоъ миёни низомиёни Қирғизистон ва Тоҷикистон буд, ки 14 сентябр, дар остонаи саммити СҲШ дар Самарқанд оғоз ёфта, то 19 сентябр идома ёфт. Ин муноқиша аз ҳама бузургтарину хунинтарин дар таърихи муноқишаҳои марзии Қирғизистон ва Тоҷикистон ба ҳисоб меравад. Ҳар ду ҷониб якдигарро дар оғози амалиётҳои ҷангӣ муттаҳам мекарданд. Ба маълумоти мақомоти Қирғизистон, дар ҷараёни муноқиша аз ҷониби қирғизҳо 63 нафар кушта ва тақрибан 140 ҳазор нафар кӯчонида шуданд. Ба маълумоти ВКХ Тоҷикистон, аз ҷониби тоҷикҳо 83 нафар кушта шуданд.

         «Радиои Озодӣ» рӯйхати номии 83 нафар кушташударо аз ҷониби Тоҷикистон нашр кард. Ба гуфтаи мақомоти Қирғизистон, дар задухӯрдҳо зиёда аз 200 низомии тоҷик кушта шуда, тақрибан 400 нафар маҷрӯҳ гардиданд. Ба гуфтаи мақомоти Тоҷикистон, дар 12 соли охир дар марзи тоҷикону қирғизҳо зиёда аз 230 ҳодисаи истифодаи силоҳ рух додааст. 20 сентябри соли 2022 кишварҳо созишномаи сулҳ ба имзо расонданд.

         Идома доштани тағйироти кадрӣ дар Тоҷикистон аз аввали соли ҷорӣ, ҳамчунин дар давраҳои пеш, панҷ мансабдори баландпояи ҷумҳуриро, ки вазифаҳояшонро аз 11 то 14 сол нигоҳ доштаанд, дар канор гузоштааст. Ҷойи аввали миёни куҳансолони дастгоҳи давлатӣ ба раиси КДАМ Тоҷикистон, Саймумин Ятимови 69-сола мерасад, ки аз соли 2010 ин мансабро нигоҳ медорад.

 Дар ин ним-як соли ахир Эмомалӣ Раҳмонов тақрибан ҳамаи роҳбарони шуъба ва ва раёсатҳои амниятро дар марказу навоҳӣ ва вилоёт иваз карда ва дар ҷойи кадрҳои фархорӣ данғарагиҳоро монд. Чунки ба Рааҳмонов дар бораи СС.Ятимов маълумотҳои зидунақиз расида буд. Ин оғози коҳиш ва бе қадршавии СС. Ятимов ба назар мерасад.       

 Маълумот расида буд, ки СС.Ятимов гуё нияти нафареро дар ҷои Раҳмонов оварданро дорад. Баъдии ин маълумот чанд муддат як сукут ва хомушии мутлақ ҳукуматро фаро гирифта буд. Аммо дидору мулоқотҳои Раҳмонов бо Юсуф Раҳмон, Прокурори  генералии Тоҷикистон ва қудои охирини Эмомалӣ Раҳмонов  зуд-зуд сурат мегирифтанд ва сафарҳои Юсуф Раҳмон ба хориҷа ва бахусус Русия афзудан гирифт. Юсуф Раҳмон ба Эрон ҳам сафари корӣ анҷом дод. Ҳамон вақтҳо буд, ки овозаи омадани Юсуф Раҳмон ба ҷои СС.Ятимов, дар мақоми раиси КДАМ дар миёни доираҳои муайян паҳн гардида буд.

  Ҳамин тавр, пас аз чанде, аввал аз наздиктарин дӯсти СС.Ятимов,роҳбари беморхонаи ибни Синоро шуруъ карданд. Ҳолати ва ҳадафи боздошти Абдухалил Холиқзода, мудири бемористони байналмилалии Сино дигар буд. Вале ӯро бо иттиҳоми нашри китоб, ки гуё бар хилофи қонун навишта шуда бошад, дастгир карданд ва ӯро барои 9 сол маҳкум ба зиндон намуданд.

  Аммо пеш аз дастгир кардан, зиёд парешон буданд, ки чиро сабаби боздошт кунем.  Дар ин гуна ҳолатҳо камбудикобиҳо сар мешавад. Се нафарро дар сари китобу фаъолияти роҳбари беморхонаи Ибни Сино монданд, ки таҳлилу тафтиш кунанд. Ҳамин тавр китобро баҳона карданду рол бозиданд. Мақсади асосиро пинҳон нигоҳ доштанд, ки СС.Ятимов пай набарад. Гуё, роҳбари беморхонаи Ибни Сино тасдиқ карда бошад, ки СС чунин ният –табаддулоти давлатӣ дорад. Гуё СС ба воситаи Саидҷаъфар Усмонов, раиси ҲДТкорро шуруъ карда баъдан Убайдуллоевро низ ба бозӣ медароранд. Гуё дар ин кор кадом аз гурӯҳҳои дар Маскав ҳам шарик ва пуштибонанд ва чанд навбат дар нишасти Валдай афроди зикршуда иштирок кардаанд. Валдай ин як бунёде аст ки аз тарафи Путин ва тарафдоронаш дар соли 2004 ташкил шудааст.

Раҳмонов ин гапҳоро, ки мешунавад, қариб ду ҳафта андеша мекунад.  Баъдан ба хулосае омад ,ки бояд бо ин имконият ҳамаи куҳнаавторитетҳоро аз байн барад. Чун вай яқин кард, ки агар ӯро, ки ин қадар сиёсат дорад, мехоҳанд аз байн баранд, пагоҳ Рустамро дар ду ҳаракат меғалтонанд, ҷойро мегиранд. Вай махсусан аз СС.Ятимов бисёр ҳам дар хавфу хатар монд. Барои ҳамин Юсуф Раҳмонро дар ҷойи вай омода кард. Аммо ҳоло ба иллати аз ҳам пошидани ақди никоҳи Фарзонаи духтараш бо Сафари бачаи Юсуф Раҳмон ҳатман ба ин нақшааш таҳрир медароварад. Вале Раҳмонов, чуноне ҳамон бародари масъул дар охранааш гуфт, дигар дар вазоратҳои ҳарбӣ касе ба ҷуз аз данғарагӣ ва одамони содиқи худашро нахоҳад гузошт.

Ҳамин тавр нақшаро явош-явош сар карданд. Мебоист дар вақти тафтишоти парвандаи роҳбари беморхонаи Ибни Сино Усмоновро дастгир карда пойи СС.Ятимовро бо дигар нафарони номдор мепечонданд. Аммо чун ҳар вақта ФСБ чи буеро пай бурд ва ба Путин шифровкаро расшифроват карда дод. Путин Раҳмонро сигнал дод, ки вақти чистка нест. Подожди гуфт. 

ССро ҳам ФСБ огоҳ кард, ки Раҳмонов фаҳмидааст. СС чанд маротиба талоши назди Раҳмонов даромаданро кард, аммо қабул накард. СС. Ятимов ба воситаи Қамчибек Ташиев масъаларо расонд.

   СС Ташиевро гуфт, ки услуга за услугу. Яъне ту Жапаровро гу бо Раҳмонов телефонӣ суҳбат ва аз ман пуштибонӣ кунад, ман бошам дар масъалаи марз тарафи шумо ҳал мекунам. Ҳамин хел ҳам шуд. Жапаров чанд бор бо Раҳмонов   телефонӣ суҳбатҳо оиди марз мекунад, ки дар ахбор намегуянд. Чунки махфист. Раҳмонов ССро қабул ва гуш кард. СС сахт тайёрӣ дида буд. Тавонист ва боз Раҳмоновро тоб дод. Раҳмонов ҳам сахт ҳушёр аст. Медонад, ки тамоми нақшаҳои ӯро СС.Ятимов иҷро кардааст ва маълумотҳои зиёд дорад.

Аммо Раҳмонов барои аз байн бурдани нафарони номдор корро пеш бурд.   Усмонов ва дигаронро дастгир карданд. Аз замоне, ки роҳбари беморхонаи Ибни Сино Абдухалил Холиқзодаро дастгир карданд, аз ҳамон вақт аз қафои Усмонов наблюдение сар шуд.   Дар руйхате, ки гуё дар он номҳои ҳаммаслакони Сайдҷаъфар Усмонзода ҳаст, ғайр аз онҳое, ки дастгир шуданд, боз Оқил Оқилов, Эркин Раҳматуллоев, Ғайбулло Афзалов, Муродалӣ Алимардонов, Убайдуллоев ва боз чанд нафари дигар, ки номҳояшонро мумкин ба наздикӣ фаҳмем, хастанд. Раҳмонов Ятимовро зинда намегузорад. СС.Ятимов ва Рамазон Раҳимзода зиёд сиру асрори Раҳмоновро медонанду ҷиноятҳои зиёдеро бо дастони ин ду анҷом додааст.

  Хусусан амалиётҳое,ки чандин сол дар ВМКБ ва водии Қаротегин, ду минтақаи таҳти нуфузи оппозитсион ва бар зиди ҲНИТ ва дигар нафарони номдор гузаронидаанд, ҳамаашон таркиби ҷиноёти башарии зиёд доранд. СС вақтҳои охир сахт эҳтиёт мекунад. Метарсад, ки ранги Саидамир Зуҳуроваш накунанд.

Ps: Инки СС.Ятимов худро масъули амнияти давлат ва мардуми Тоҷикистон эълон ва муаррифӣ мекунад дуруғи маҳз аст. Инҷо аз рафтору кирдори бародаронаш чанд намунаи мушаххасро бароятон пешкаш мекунем, то бифаҳмед, ки ин оила ба чи корҳои зишту палид қодиранд.

 Ҷамшед Ятимов бародари хурдии СС ҳамсояҳояш бародарон  Абдурозиқ ва Абдухолиқ, писарони бобои Қурбоналиро маҷбур кард, ки хонаашонро ба вай бифурушанд. Аввал Абдурозиқро маҷбур кард, ки хонаашро бифурӯшад. Ин ҳамсояи бечора маҷбур шуд хонаашро, ки дар онҷо як ҳаёт зиндагӣ кардааст, бачаҳояш дар онҷо ба дунё омадаанд, ҳақу ҳамсоя ва хешу табор дорад ба вай фурӯшаду ба дигар ҷо кучбандад. Ҷамшед Ятимов дар деҳаи Аловиддин як хона ба Абдурозиқ харида медиҳад. Як хонаи нообод ва нимасохт. Ӯро мекучонаду хонаи ӯро ба замин ҳамвор карда дар ҷояш фермаи мурғу индуку фазан  месозад. Аз буйи бади фермаи мурғ бародари Абдурозиқ яъне Абдухолиқ маҷбур мешавад, ки аз инҷо бикучад. Моҳи марти соли равон Абдухолиқ ҳам хонаашро ба писари муллои деҳа фурӯхта ба Данғара меравад.

Маълумоти  дигари расида ин аст ки баъди дастгир шудани ронандаи СС. Ятимов ва Синои ҷиянаш барои ҷинояти қочоқи героин ҷияни дигараш Иброҳимзода Сунатулло судяи додгоҳи ноҳияи Фархор дастгир шуда буд. Аммо баъди як сутка озодаш карданд. Мегуянд, ки барои ҳамон «бор»-и Сино дастгираш карданд. Лекин аз кадом ҳисоб бошад, ки озодаш карданд. Ба гуфте Сино гуфта бошад, ки ин «бор» бори худаш аст. Дар он Сунатулло Иброҳимзодаи писари холааш шарик нест. Аз ҳамин ҳисоб судяро озод кардаанд.

Ҷинояти дигари Абдумумин Ятимов, бародари СС. Ятимов ин аст ки анбори деҳаро ба Шарофиддин Кабиров медиҳад. Хонаи падарии Шарофиддин Кабиров дар пушти ҳамин анбор воқеъ аст. Кабиров Шарофиддин дар паҳлуи хонаи СС.Ятимов замини хонагаҳ-участкаи наздиҳавлигӣ дошт. Он солҳо Абдулмумин дар хонаи бародараш СС. Ятимов зиндагӣ мекард. Худаш хона надошт. Ҳоло дар ин замини паҳлуи бародараш хона сохт. Ин хона не як қасри муҳташам аст. Замини анбори деҳаро бошад Шарофиддин Кабиров барои худаш хона сохт. Ин Кабиров Шарофиддин директори мактаб буд. Саги бовафои Абдулмумин мебошад. Ба замми ин бригадири заминҳои Абдулмумин ҳам ҳаст. Азбаски як пояш карахт шуд ба ҷояш писарамаки СС.Ятимов Файзалиро директори мактаби №15, ки ба номи Ятимов Саттор, падари СС мебошад, монданд. Бовар кунед, ки вай як пиёнискаи арақхур аст. Талабаҳоро руирост дашномҳои қабеҳ, ҳатто бар модарашон ҳақорат медиҳад. Ҳеҷ кас муқобилият карда наметавонад. Директориро ба «тағагӣ» гирифтагӣ аст.

 Бо муаллимаҳои шавҳардору бешавҳар амалҳои шаҳвониашро ҳатто дар дохили мактаб анҷом медиҳад. Ҳатто талабаҳо аз ин амалаш огоҳанд ва чанд бор дидаанд. Аммо зури касе намерасад.

  Ҷинояти дигари Абдулмумин  Ятимов  ин аст ки соли 2010 наваду ду участка замини наздиҳавлигӣ дар поёни деҳа, ки онро Навбунаҳо мегуянд ҳар кадоме аз онҳоро бо баҳои аз 2 то 4 ҳазор долларӣ мефурӯшад. Ногуфта намонад, ки 8 таҳҷоӣ дар ҳамин Навбунаҳоро Шарофиддин Кабиров ба аҳлу байти худ мегирад. Ба гуфти мардум онҳо бар ивази 700-800 долларӣ харидаанд. Ҳамин авлои Кабировҳо ними замини Навбунаҳоро гирифтаанд.

Ҷинояти дигари Абдулмумин ва Ҷамшед Ятимовҳо

 Хирманҷои деҳа дар поёни хонаи муаллими Саттор қарор дошт. Ҳоло онҷо хонаи Ҷамшед Ятимов шудааст. Ними хирманҷоро Ҷамшед Ятиимов маҳкам карда гирифтааст. Ва нисфи дигарашро Абдулмумин истифода мебарад. Дар онҷо техникаҳояшро мемонад, яъне гараж кардааст.

Ҷинояти дигари Абдумумин ин аст ки гаражи колхозиро, ки дар чандин гектар масоҳат дошт, замини наздиҳавлигӣ карда фурухт. Аммо нисфи гаражро ба хусури бародари Ҷамшед Ятимов дод.

 Ва боз  дар поёни қишлоқ замини котелний буд.Замини онҷоро ҳам 15 участкаи наздиҳавлигӣ карда фурӯхт. Аз он ҷумла ба қудои худаш Қурбонхон ҳам аз ҳамонҷо замини наздиҳавлигӣ дод. Тақрибан як гектар. Домодаш  дар онҷо қаср  бунёд кард.

Сообщение СС.Ятимов ҳам Раҳмоновро чапа карданӣ буд? появились сначала на ISLOH.net.