Душанбе

Салом, домуллои азиз!

Албатта, бохабар ҳастед, ки шаби пеш (28август) борони сахт заду ба тамоми минтақаҳо зарар расонд. Сел Душанберо хелиду бо гилу лой яксон кард. Бори дигар яқин шуд, ки дар одитарин ҳолати изтирорӣ ягон сохтори давлатӣ омода нест. Девору таҳхонаи тамоми биноҳои баландошёна об гузарониданд. Ҳол он ки давлат сохтмонҳоро назорат мекунаду тафтиш. Аҳолии пойтахт ранги солҳои ҷанги шаҳрвандӣ ҳайрон буданд. Свету об автоматически мурду ҳама ҷо қоқ шуд. Горсвет ва зертобеъҳояш, яъне горсветҳои ноҳияҳо телефонҳояшон банд, мардум саргардон. Водоканал бошад умуман телефонҳояш бе чавоб. Ду рӯз дар пойтахт об набуд. Ягон ноҳия барои мардум об таъмин накард.

 Дар мағозаҳо обҳои простой тамом шуд. Ҳукумати шаҳр пештар рақами телефони навбатдорӣ дошт, ки 2232214 аст ва ин рақам дар сайти ҳукумати Душанбе ҳаст. Умуман ягон кас ҷавоб намедиҳад. Ду рӯз об набуд. Дар тамоми магазинҳои калону майдаи Душанбе об намонд. Агар чанд рӯз давом мекард, чи мешуд? Э, бахудо, айб. Ин қадар корхонаҳои об     ( рекламаи «Сиёма» дар телевизионҳо беист идома мекунад) ин қадар имкониятҳо фақат ду рӯзда натавонистанд пойтахтро таъмин кунанд. Аз тарафи Ҳукумат бояд мошинҳои обкашӣ дар ҳар маҳалла ташкил шаваду мардумро то омадани об таъмин кунанд. Фақат ду се Камаз баромаду як қисми ками аҳолии шаҳрро об доданд. Як чанд соҳибкори дигари Худотарс об хариданду бо водавозҳо тақсим карданд. Дар замони Убайдуллоев Маҳмадсаид ягон бор ин хел намешуд. Об нест, сразу аз ҳар нохия 5-6 водавоз мебаромад мардумро таъмин мекард. Ҳозир ягон сохтори шаҳр кори ҳалол намекунад. Рустам сари вазифаҳо соф ҷураҳояшро мондааст, ки аз дасти онҳо мардум дар азоб аст.  

 Бо ин ҳолу аҳвол боз даъвои президентшавӣ дорад. Вой бар ҳоли мардуми бечораи тоҷик.

                                      Ваҳдат

   Салом бародари муборизи роҳи ҳақ Муҳаммадиқболи Садриддин. Аллоҳ пушту паноҳат бошад, шери нар!  Як худат, яктана ин ҳукумати малъуни Раҳмонови алайҳилаънаро гузинӣ гардонидаӣ!!

 Ҳам тамошо мекунам ва ҳам мехонам. Вақте Раҳмоновро бо лақабҳои воқеияш ном мебарӣ, ба ростӣ тамоми мардуми Тоҷикистон роҳат мекунад. Ҳоло худат сухангӯи халқи Тоҷикистон шудаӣ. Гапи дили халқро ба ин беимони гарданбалонигазии тоғути муртад мерасонӣ. Бародар, солҳост, ки дар хориҷ аз кишвар қарор дорам. Исму насабамро иваз кардаам. Гапи зиёде барои гуфтан дорам.

Аммо ҳоло фақат дар бораи як беваи чоплуси тамаллуқкор мехоҳам гап занам. Намедонам ҳоло ҳам сари кор ҳаст ё не? Вале он сол ин зани шайтонсифат раиси идораи ҷамоат буд. Номи вай Мирзоева Хурсандгул аст. Он вақт Алиев Файзалӣ, раиси деҳаи Гусгев буд, ки ин ҳар ду дар китоби ҷасорати ҷамоат нависонда шудаанд. Медонед барои чӣ ва чӣ ҷасорат нишон додаанд, инҳо ва махсусан Мирзоева Хурсандгул?

Вақти таъқиби ҳоҷӣ Ҳалим (генерал Абдуҳалим Назарзода, собиқ муовини вазири мудофиаи Тоҷикистон) дар куҳҳои Ромит дар сентябри соли 2015ду нафар аз зиндониҳои гуреза, ба гуфтаи худашон, ки собиқ муҷоҳиддин будаанд, пайдо мешаванд. Албатта, инҳо, гурезагии зиндониҳо дар он шабурӯзҳо, маълум буд, ки кори худи ҳукумат аст. Ин фирориҳо то деҳаи мо омада тавонистанд ва ба ин зан паноҳ бурданд. Хиёл карданд, ки ин зан мисли ромитиҳои пешина аст. Гуфтаанд, ки давлат бо кадом нақшае моро аз зиндон берун кард. Вале боз моро кофтуков дорад. Дақиқан моро бо туҳмати фирор аз зиндон мекушанд. Илтимос апа моро як ду рӯз пинҳон кун. Шиносҳое дорем, ки моро аз ин давлат берун мебарорад. Ин зани шайтонсифат, «майлаш,майлаш» гуфта ҷои хоб медиҳад вале ба мақомоти ҳукумат занг зада хабар медиҳад. Ба хотири ҳамин кораш ба вай медал доданд ва қаҳрамонзан эълон намуданд.

Вале он зиндониҳоро ҳам бо ҳоҷӣ Ҳалим ҳамроҳ карда мекушанд.

                                                Исфара

   Салом алайкум бародар Муҳаммадиқбол! Ман ҳамон собиқ корманди мақомоти ҳифзи ҳуқуқ мебошам, ки ба шумо роҷеъ ба бедодгариҳо дар фурудгоҳи Душанбе дар бораи декларатсияи пулакӣ навишта будам.

Баъди нашри он мактуб хостам миннатдории худро баён кунам. Шиносҳоям ба ман хабар доданд, ки баъди нашри барнома дигар навистани декларасияро дар фурудгоҳ манъ карданд. Ташаккур бародар Муҳаммадиқбол! Камтар бошад ҳам бо ёрии шумо ба мардуми муҳоҷир ёрдами мо расид.

   Имрӯз мехоҳам дар бораи ду бузе, ки дар Чоркуҳ зиндагӣ мекунад ва мардуми бечораро ба милисаҳо мефурӯшад маълумоти муфассалтар диҳам.

  Худо кунад, ки ин худобехабарон ҳам тариқи барномаи шумо ислоҳ шаванду камтар бошад ҳам дар назди мардуми Чоркуҳ аз гуноҳҳои кардаам бахшиш пурсам. Қаблан, ки гуфтам, корманди собиқи мақомот ҳастам. Маҳз дар ҳамин диёри худотарсон- Чоркуҳ фаъолият кардаам. Яке аз бузони милисаҳо ҳамсояи собиқ Раиси ҷамоат Шаропов Бадрӣ (Мухтор ҳам мегуянд) ин Ҷалолов Ҳукмӣ мебошад. Бо баҳонаи гирифта додани замини наздиҳавлигӣ аз раиси ҷамоат аз чандин нафар пул гирифта вале онҳоро фиреб кардааст. Ба зами ин чандин касро ваъда кардааст, ки барои мусоидат ба сафари ҳаҷ тариқи раиси ҷамоат ёрдам мекунад. Аммо то ҳоло накарда аст.

  Агар ягон каси пул додаашро талаб кунад, руи рост омада ба милисахона он одамро подстава мекунад.

Ҳамаи курикаҳо, ки Ҳукмӣ аз он маҳалла аст агар дар Русия камтар бизнес дошта бошан вақти ба Чоркуҳ омаданашон ҳамон замон хабарашон ба милисаҳо тариқи Ҳукмӣ мерасад. Агар хато накунам зани Ҳукми кадом хеши раиси ҳозира Лайс мебошад. Ҳукмӣ руи рост мегуяд, ки вай агенти милисаҳо мебошаду касе аз бинӣ боло гап занад подставааш мекунад.

   Як бузи дигаре, ки ҳамроҳи Ҳукмӣ кор мекунад, Шуҳрат аст, ки ӯро чоркуҳиҳо Шурик мегуянд. Ҳамаи соҳибкорони чоркуҳие, ки дар Русия тиҷорат доранду аз маҳаллаҳои Лангар, Халесон ва Гузар мебошанд ба Ҳукмӣ хабарашонро мерасонад.

  Ҳукмӣ ба милисаҳо зуд хабар медиҳад: кадом соҳибкор кай омадаасту дар Русия чи бизнес дорад? Шуҳрат худаш дар Маскав мебошад. Ҳар вақте сардори милисаи Чоркуҳ нав шавад худи ҳамон рӯз туҳфаҳои қиматбаҳо ба монанди телефони последний марка, ноутбук барои зани сардор то либосҳои такпушӣ харида равон мекунад. Бовар дорам ҳадяҳое, ки барои сардори милисаю занаш мефирсонад аз сад як ҳисаашро барои зану фарзанди худаш намекунад.

   Мардуми шарифи Чоркуҳ ман медонам, шумо мардуми худотарс, мусулмонони боимон ҳастед. Агар баъди барномаи Ислоҳ ин ду буз рафтори худро дигар кунанд, ман ҳамчун собиқ корманди ҳифзи ҳуқуқ дар Чоркуҳ камтар бошад ҳам дар назди мардум қарзи худро иҷро карда ҳисоб мешавам.

   Бародар Муҳаммадикбол дар дасти ман 70% руйхати бузҳои Чоркуҳ, ки мардуми бечораро азоб медиҳанду ба милисаҳо мефурушанд мавҷуд аст. Имрӯз дар бораи ду нафараш гуфтам, насиб бошад дар оянда дигаронашро ҳам мегуям. Ба монанди ҳоҷӣ Қобил, Забили муаллим, Исмат, директори мактаб ва дигарҳо. Бояд ҳаминро ҳам гуям, ки Ҳукми худро ҳоҷӣ мегирад. Ман рости гап дар симои Ҳукмӣ, Қобил, Насим, Фурқати рижи ва дигар бузхо ягон нишонаи ҳоҷигиро намебинам. Мардуми Чоркуҳ бо ман розӣ шуда метавонанд. Бузҳои Чоркуҳ ба номи худо бузиро бас кунед вагарна тариқи “Ислоҳ” расвоиҳои шумо бароварда мешавад.

    Дар барнома «Номаҳои№ 42» дар бораи Ҳукмии жук гуфтед. Ин сад дар сад рост.   Фамилияи жук ин Ҷалолов Ҳукмӣ аст. Лақаби жук ин лақаби падараш мебошад. Як вақтҳо падараш дар участкаи бригадаи 13 учаскапо буд. Дар он участка ягон чиз намонд. Ҳама чизро ба хонааш кашонд. Аз ҳамин хотир ба худ лақаби жукро гирифт. Писари ҳамон жук Ҳукмӣ- бузи милисаҳо мебошад.

Бародар Муҳаммадиқболи Садриддин! Худованд аз шумо, розӣ бошад, мо сокинони шаҳри Исфара, аз шумо хоҳиш менамоем, ки ин дарди моро нашр намоед. Аз дасти бузҳову чоплусҳо мо шаҳрвандони оддӣ ҷонамон ба лаб расид.

Дар аввал ба шумо ҳодисаи руйдода дар ресторани «Райҳона»-ро мегуем.

Он қорибачаро нафаре бо номи …фарёд карда подставит карда, худаш гурехта рафт Русия. Баъди нашри барномаатон ҳозир Барно ном нафаре дом ком ҳаст-пулчинаки бозор, хоҳари Қаҳҳори раҳматӣ овозхон, писараш дар коррупция кор мекунад. Шавҳараш дар Душанбе генерал будааст. Писараш дар киса расми ӯро гирифта мегардад. Барно як ифлос одам. Маҷбурӣ пул меканад. Агар надиҳед, справка намедиҳад. Дар дасти мо навори Барно ҳаст, ки чи хел духтарҳоро дар тарабхонаи Одилон бурда дискотека ташкил кардааст.

Ҳоҷӣ Абдурасул ном шахсе ҳаст, ки номаш дар барномаҳои шумо чанд бор садо дод. Ин одам ҳама чизу чораи колхози Ленинро фурӯхт: гараж, идора, ҳатто ба замини президентӣ даст дароз кард.

 Як нафар колхозчӣ бар зидди вай ариза ҷамъ кард. Барои онки ӯро хомуш бидоранд аз ҳамон заминҳо 6 сотих доданд.

Бародари Расул Ваққоси наркоман  аст ва бузҳои инҳо Умед ва Ҳасн чанд тан бачаҳои боимонро бузӣ ва маҳкам карданд.

 Барно домкоми маҳалла шуда кор мекунад. Як зани сабукпо, одамҳоро подставит карда пул мегирад. Навор дар ресторани “Одилон” гирифта шудааст. Он духтар номаш Маҳина аст. Вай ҳануз дар вақти мактабхониаш иффаташро бохта буд. Ин ҳам бузи ментҳо аст, дугонаи Барно.

 Нафари дигар Мулло аст. Соли таваллудаш 1995. Дар ресторани «Райҳона» кор мекард, бо мошинҳои гаронқимат мегашт. Баъди подстава кардани қорибача гурехт ва ҳоло дар Санкт-Петербурги Русия аст, ҳамин тавр шунидем. Шояд дигар шаҳри Русия бошад.

 Умед пеш бо Абдурасул мегашт. Героин толкат мекард. Чанд бачаҳоро бузӣ карда шинонд. Инҳоро ҳозир ҳеҷ кас ҳурмат намекунад. Абдурасул “как резинка” корашро карда сар дод.

 Пеши Бовохон рафт. Бобохони борец мегуяд пеши чойхонаи боғ биё. Бобохон бо Абдурасул гапаш намепазад. Баъд, дар стадиони Химки ҷамъ мешавад: 1+1 мезанем гуфта  Бобохон Абдурасулу Ҳасанро мезанад. Расули номард Вакқосро фарёд мекунад. Ҷанги калон мешавад. Расул ва Ҳасан ду моҳ дар реаниматсия мехобанд.

 Ва дар охир боз Исфара инро ҳам ба дасти чоп бисупорем, ки бисёр ҳам ҳодисаи дардовар аст. Чанд соли соли пеш Насимов Кароматуллоҳ сардори милиса дар шуъбачаи Чоркуҳ буд. Вай як инсони худозада ва сахт беномус буд. Вай зиндонӣ шуд. Зиёда аз 7 сол. Баъд баромад. Аммо ҳозир бошад дар Ворух дар ҳайати ОМОН кор карда истодаст. Ин чи тавр ҳукумату давлат аст ки як нафар бо собиқаи зиндон дар милиса ба кор медарояд. Як нафар ба ҳукумат кор дароям гуяд, 7 пушташро, хешу таборонашро, тафтиш мекунанд, судимий дорад ё надорад, таҳқиқ мекунанд. Аммо ҳоло судимий доштаро боз кор мегиранд. Агар ин беномусро ба милисаи Ворух ё Чоркуҳ перевод кунанд мондагии халқро зиндон мекунад. Ин ҳамон булдог-Насимзода Қосим Наими сардори милисаи Чоркуҳ буд. Аммо ин ҳукуматро фаҳмида намешавад. Ин Рамазон Раҳимзодаи даюс чи кор карда истодааст. Ин ҳама сабзибадастҳоро ба кор гирифта истодааст. Маълум аст ки инҷо барои ба кор даромадани Насимзода Қосим пулу пора роли асосӣ бозидааст, вагарна  коргар қаҳт задааст, ки як нафари «зек» милиса бишавад?

                                          Ёвон

    Ассалому алейкум устоди азиз! Мо як гурӯҳ бачаҳои ноҳияи Ёвон мебошем, ки айни ҳол да муҳочирати меҳнатӣ қарор дорем.

 Чанд рӯз пеш ба ман аз деҳа занг зада илтимос карданд, ки ин номаро ба шумо фиристам. Дар деҳаи мо 3 — 4 то буз пайдо шудааст.

Номи онҳо Азимов Абдуҷамил, Идрисов Маъдихуҷа (бо лақаби Маъди буз шинохта мешавад) ва дигараш бошад муаллими Шариф мебошад. Вай раиси маҳалла шуда кор кардааст.

Айни замон Азимов Абдуҷамил ҳамчун раиси маҳалла кор мекунад. 3 писар ва 4 духтар дорад. Абдуҷамил он қадар беномус аст ки духтари 16 солаи охиронашро  ба ҳоҷӣ 60 ҳазор сомонӣ фурӯхт. Духтар солаш намерасид. Никоҳ кард ба як марди 40 сола. Зани 2юм гирифт ин духтарашро. Ба кадом шаҳри Русия бурданд.  

  Идрисов Маъдӣ бузи амният аст. Бинад, ки камтар ришат баланд аст, тамом, худо зад. Саҳар ба хонаат амният меояд. Маъдӣ соҳиби 2 зан ва 3 писару 3 духтар мебошад.

  Гуфтам дар деҳа боз чи гап аст? Як бузи дигар ҳам пайдо шудааст.

Фатҳиев Муқим (бо лақаби кури Муқим мешиносанаш) Ин бошад ҳамаи заминҳои подачароро гирифтааст. Ин сумдор буд. Карер дошт, дар камазҳо санг бор мекард. Ҳозир бошад ҳамаро фурухт. Писаронашро Русия равон кард.

 Аз замоне, ки прокурори ноҳияи Ёвон нав шуд ягон карер кор намекунад.

  Дар мактаби № 33 ба номи А.Рудакӣ Обидова Давлатпочо директор мебошад. Аз солҳое, ки худро ёд дорам ин одам директор аст. Дар мактаб синфхона намерасад. Соли 2013 барои шаш синфхона таҳкурсӣ рехтанд. Аммо то ҳол ин синфхонаҳо дар ҳамон ҳолат истодаанд. Ҳар сол аз талабаҳо ва аз масҷидҳо барои таъмири мактаб 20 сомонӣ ҷамъ мекунанд. Ман худам ҳамин мактабро хатм кардам. Ин директор 3 писар дорад. 1 писараш донишгоҳи тиббӣ, 2-аш дар донишгоҳи миллӣ ва 3юмаш донишгоҳи славянии Душанберо хатм кардаанд. Барои синфҳои 1 то 3 дар мактаб хурок медиҳанд. Ҳар моҳ талабаҳо ҳар як кадомаш барои ғизои худ 5 сомонӣ ҷамъ мекунанд. Ин директор аз ҳисоби ҳамин хурока ба хонааш мекашонад.

                                               Ҳисор

  Ассалому алайкум ман аз Ҳисор, ҷамоати Деҳқонобод, деҳаи Гачак. Дар деҳаи Гачак беҳад, дуздиву номардӣ рафта истодааст. Дар Гачак раиси маҳалла Абдулло Раҳимов аст.

   Вақте замин тақсим карданд, ман гуфтам ба мо ҳам замин деҳ. Мо дар як ҳавлӣ чанд оила зиндаги дорем, камбизоатем. Аммо ин Абдулло заминҳоро ба бойбачаҳо дод. Як хелаш 3 заминӣ ҳам гирифтанд. Мардуми камбағал бе замин монд. Дар Гачак Пиров Нуралӣ, ки ҳоҷӣ Нуралии кал мегуяндаш, (ин Нуралӣ намоз ҳам намехонад бе тавфиқ )

 Дар Гачак мулло буд ба номи мулло Бобоҷон, беҳад инсони босавод буд, аммо камбағал буд ва фақат бою камбағал мегуфт марҳамат ба масҷид равем. Ва ин ҳоҷи Нуралӣ аз паси мулло навис-навис карда коре кард, ки ӯра аз тарафи ҷамоат гирифтанаш  ва ҳозир як мулло дорем Аъзам ном дорад, сум дорад. Лекин беҳад криса ва мурда аст. Бо ҳич кас гап намезанад. Хонаат биёяд пул талаб мекунад. Дар Гачак қариб 5 ҳазор аҳолӣ зиндагӣ мекунад. Аммо беморхона надорем. Якто буд, духтур Гулбаҳор кор мекунад. Оҳиста-оҳиста онҷоро гирифту аз худаш кард. Ҳозир дар ҳамонҷо зиндагӣ мекунад.  

 Дар Гачак соли 2011 мактаби нав сохтанд ва мактаби куҳнаро Ёров Ҷамолиддин, ки раиси маҳалла шуд гирифт шахсӣ кард.

  Ҳамин ҳоҷӣ Нуралии кал шипангро гирифт. Аввал гуфтанд, ки мо заводи хишт месозем. Як сол гузашт, гирдашро девор бардоштанд ва шахсӣ карданд. Дар болои қишлоқ замини президентӣ ҳаст ва ин ҳоҷӣ Нуралии кал гуфт, садик месозем ва заминро гирифтанд. 20 сотихашро шахсӣ карданд. Дар деҳаи Гачак сквяжни ҷо ҳаст. Ҳоҷӣ Ёрмаҳмад гирифт шахсӣ кард. 20 сотик замин ҳам дорад. Бовар кунед ягон ҷоро намонданд. Ҳамаро гирифтанд: на садик, на беморхона на мактаб. Раиси ҷамоат омад масҷидро қулф зад. Гуфтанд, ки пул диҳед солдат мехарем, баъд масҷиди панҷвақтаатонро ҳуй мекунем бовар кунед.

 Дар Ҳисор ҳамихел дуздиву ғоратгарӣ рафта истодааст, ки ҳисобаш гум. Ҳукумат дар ҳилла гум шудааст.

Бародар як нафар дар бораи вазъу ҳоли модари Далери Эмомалӣ бароям гуфт. Бовар кунед ҳоли модари ӯро мебинӣ гуфт, гиряат меояд. Худо акнун тезтар тағирот шаваду Далер ба назди бачаҳояш баргардад. Ҳамин Раҳимов Абдулло раиси маҳалла буд. Кличкааш Лелин аст. Аз мардум пули бисёр гирифтагӣ аст. Пулҳоро баргардон. Заминҳоро надодӣ, пули мардумро гардонда деҳ.

                                          Зафаробод

  Бародар Муҳаммадиқбол салом! Ин навиштаи дигари ман ба унвони «Ислоҳ» аст. Ман ҳамон собиқ хизматчии давлатиам, ки гуфта будам 600 сомонӣ маош мегирифтам. Сардори шуъба дар мақомоти иҷроияи ҳокимияти давлатӣ будам ва солҳои дароз фаъолият кардаам.   Донишгоҳро бо дипломи сурх хатм кардам. Чандин забонро баладам. Аммо ҳозир дар Русия “турист”ҳастам. Кор мекунам.

Бо ҳамин ҷумлаҳо навиштаи пешинаи ман дар барномаи «Номаҳо аз ноҳияҳо»-и №  47 чоп шуда буд. Ҳоло давоми ин номаро бароятон фиристодам. Як рӯз, вақте барномаи «Минбари муҳоҷир»-ро тамошо мекардам, дидам, ки Дилафрӯз Ниёзқулова, мудири маорифи ноҳияи Зафаробод бо Шумо суҳбат карда бо овози баланд мегуфт, ки тибқи дастурамал  либоси мактабӣ мехаранд. Эй апаи Дилафруз, садқаи номи падарат шавӣ. Падарат як шахси номдор дар соҳаи маориф буд. Агар ту дуруғ гуӣ ман росташро мегуям, ки ту чи тавр мудири маориф шудӣ, чанд пул ба собиқ раиси ноҳия Арбобзода К.Н ва ба собиқ сардори амнияти ноҳия додӣ, аз ёдат баромад? Либоси ягонаи мактабиро ту бо ҳамроҳи хешат Зафар Авулов ва дугонаат- депутати ноҳия Шаҳло Кенҷаева дастурамал кардед. Агар падару модар аз бозори Истаравшан ё Хуҷанд гирад, шумо қабул намекунед. Бояд аз депутат Шаҳло ё аз Зафар Авулов гирад. Биё, аз руи худо гап зан. Нони додаи Ниёзқулов туро кур мекунад.

Дар масъалаи муаллими фанҳои дақиқ чаро дуруғ гуфтӣ. Дар ноҳия худат як моҳ пеш эълон кард, ки  48 нафар муаллими фанҳои дақиқ лозим. Оилаҳои камбизоат то ҳол аз мағозаи Шаҳло қарздоранд, медони ҳаминро? Ту хуб медонӣ. Соли 2022 китобҳо пулакӣ буд ва он замон ту муаллима будӣ. Худат гуфта будӣ, ки иҷораи китоб 5 сол аст ва баъди панҷ сол ройгон мешавад. То ҳоло падару модар ба як хонанда ба маблаги 100-150 сомонӣ китоб мехарад ва ин китобҳои фарсударо шумо то ҳол мефурӯшед. Дилафруз, муаллима ду бор рафтӣ вазорати маориф, баъд мудир шудӣ. Ёдат ҳаст дар ошхонаи Ирам сархуш шудӣ, ҳамроҳи собиқ муовини раиси ноҳия Абдуллозода Зарина ва баланд гуфтӣ, ки ин вазифа бо маблағи 6000 доллар омад ба ман. Ман бояд дар як сол ин маблағи сарф кардаамро аз мактабҳо пайдо кунам. Хайр муаллима, боқӣ ту донию виҷдонат. Ё қиссаҳои ишқварзиат бо сардори ШВКД дар ноҳия Саломзодаро аз ёдат баровардаӣ. Вай ба гуфти худат, «криша»-и ту буд,ку.

    Низомҷон, котиби ҷамоати Ҷомӣ, ту низ имрӯз баланд гап мезанӣ, ки камбизоат нест. Замоне, ки ту заминсози ҷамоат будӣ, як имзои ту 700 сомонӣ буд. Ёдат ҳаст ту Низомҷони 700 сомона ном доштӣ. Заминҳои обиро ҳамчун участкаи наздиҳавлигӣ фурухтӣ, эй нохалаф! Аз ман пурс,  дар ҷамоати ту масҷид нест, чаро дуруғ мегуӣ? Дуюмаш дар ҷамоати ту соли 2018 1450оилаи камбизоат ба қайд гирифта шуда буд, ки аз тарафи шуъба ҳифзи иҷтимоии аҳолӣ ҷубронпулӣ мегирифт. Ин оилаҳоро як ба як номбар кунам, ту пеши мардум чи хел нигоҳ мекуни? Биё, як се -чор нафарашро номбар мекунам. Оилаи Усмонов Нуъмон, раиси ҷамоат, оилаи Ортиқов Қувватшо, собиқ раиси ҷамоат, ту худат ва ҳама коргарони ҷамоат будед. Ягон нафар камбағал дар ин руйхат набуд. Ин маблағи ҷубронпулиро худ ба ҷайби хеш мезадед. Тибқи қонуни хизмати давлатӣ шаҳрванд агар маълумоти олӣ надошта бошад, котиби ҷамоат ё раиси ҷамоат шуда наметавонад. Ту  маълумоти олӣ надори, аммо халқро ғорат карда бо воситаи Усмонов Нуъмон ва Усмонов Икром соҳиби вазифа шудӣ. Дуруғ нагӯ, ки фардо рӯзи қиёмат месузӣ.

                                                 Муъминобод

  Салом бародари мубориз, домулло Муҳаммадиқбол! Номаи ман аз ноҳияи Муъминобод, ҷамоати Балхови деҳаи Тебалай аст. Ин номаро менависам, мунтазир меистам, ки чоп мекунӣ, ё не? Чунки гапҳои гуфтании зиёд дорад. Агар инро чоп кардӣ давомашро ҳам менависам.

   Ҳамин ҳукумат ва махсусан МЧС-и мо намедонам ба куҷояшон фикр мекунанд. Аввалаш инки бояд пеш аз вуқуи ҳодиса, селу ярчу дигар офатҳо дастбакор шаванд. Барои ин онҳо маош мегиранд, давлат пулаш ҷудо мекунад.

  Аммо, ҳозир инҳо омада сари хона аз мардум 100 сомонӣ ҷамъ карда истодаанд. Барои санговаи деҳаи Тебалай. Мардум худаш ҷойи кор надорад, зиндагиашон вазнин,аз куҷо пул ёфта диҳанд?  Пас, пули аз тарафи давлат ҷудошуда куҷо меравад.

Хоҳиш мекунам, ҳамин номаи маро чоп кунед.

                                          Шаҳристон

   Салом бародар Муҳаммадиқбол!

  Соли гузашта дар деҳаи Ободӣ мактаби№19 кушода шуд. Ҷаноб омада онро кушод. Дар ҳамин вақт Ғафурзода Мангубердӣ, раиси Идораи ҷангали ноҳияи Шаҳристон ба Ҷаноб як асп туҳфа кард. Дузди дуздони ноҳия ҳамин одам аст. Ҳама чизро таги даст кардагӣ. Ҳамеша бо Акрамзода Баҳодур, раиси ноҳия ҳамроҳ мегардад. Акрамзода куҷо равад ӯро ҳам мебарад, мисли дугона ҳастанд.

   Нархи аспи туҳфа кардаи Мангубердӣ ба Раҳмоновро медонед чандаст? 80.000 доллар!! Ман ҳайронам! Ҷаноб ин аспро чи кор мекунад? Ҷои ин ба мардум ёрдам кунад намешуд? Барои чи ба Ҷаноб аспи 80000 долларӣ туҳфа мекнад? Роҳ созад, пул созад, мактаб, бунгоҳи тиббӣ ва чи хеле худи ҷаноб мегуяд ба мардуми камбизоат, ба ятимон бирасад.

Барои онки Ғафурзода Мангубердӣ тамоми куҳу камару дараву сою куҳу куҳпораҳо, замин ва ҷангалистони ҳазорҳо гектории Шаҳристонро гирифтагӣ ва чи хеле хоҳад, ҳамон тавр истифода мекунад. Замин ва ҷангалҳои Шаҳристонро фурухт. Одамҳои бою сумдори Хуҷанд, Истаравшан, Ҷаббор Расулов аксарияти мутлақашон дар ҷангалу куҳҳои Шаҳристон барои худ замин ва чарогоҳҳо доранд ва бемалол рамаи бузу гуспанд, гову аспи худро мечаронанд.

Акрамзода Баҳодур, раиси ноҳияи Шаҳристон аз узбекҳои ноҳияи Ҷаббор Расулов аст. Тамоми рамаву говҳои бойҳои Ҷаббор Расуловро Акрамзода дар куҳҳои ноҳияи мо ҷой додааст.

 Мардуми худамонро намемонанд, ки чорвояшро чаронад. На гову гусола, на бузу гуспандҳои мардуми мо ба куҳ роҳ надоранд. Мегуяд, касе саркашӣ ва гапнодароӣ мекунад рамаву подааш несту нобуд карда мешавад.

Ана барои чӣ Ғафуров Мангубердӣ ба Ҷаноби Раҳмонов аспи 80 000 долларӣ туҳфа мекунад.

  Бинобар як хабаре, ки ба дасти мо аз идораи молияи ноҳия расид барои сохтмони мактаби №9, ки нархи сохтмони он 1.миллион 800 ҳазор мебошад, аз ҳисоби бюҷети ноҳия 200.000 сомонӣ ҷудо шудааст. Аммо ин пулро сардори молия Маликов Ислом ва раиси ноҳия Акрамзода Баҳодур бо ҳам тақсим карда гирифтаанд. Ман ҳайронам, ки ин Агентии коррупсия, прокуратура ва амнияту милиса куҷоро нигоҳ мекунанд?

Сообщение «Номаҳо аз ноҳияҳо ба «Ислоҳ.нет» №53» появились сначала на ISLOH.net.

               алайҳи «Ислоҳ.ТВ» дар Шаҳристон  

    Қарор аст муаллимони макотиби таҳсилоти миёнаи умумии ноҳияи Шаҳристон бар зидди «Ислоҳ» суҳбат карда ва дар барномаҳои онлайнии мо ширкат кунанд. Онҳо тавре бояд суҳбат намоянд, ки Муҳаммадиқболро ошуфта ва ба ғазаб оваранд. Ҳадафи асосӣ камранг ва беарзишу бетаъсир сохтани мухолифин ва баракс таърифу тавсифи Эмомалӣ Раҳмонов аст. Мақомот аз афзоиши рейтинг-эътибори сиёсиву иҷтимоии масъули Ислоҳ ба шиддат нигарон шуда эҳсоси хавфу хатар карда истодаанд.

Манбаъи “Ислоҳ” аз КДАМи марказӣ : Аз тарафи ҳукумати ноҳияи Шаҳристон супориш шудааст, ки дар санаи 6 сентябр омӯзгорони МТМУ№ 9 дар «Ислоҳ.ТВ» (3 омӯзгор) баромад карда дар бораи ободиву озодии ватан сухани худро баён кунад: «Дар ин мубориза директори муассиса иштирок доранд, бояд, ки дигар муаллимон аз директор омузад. Дирктори муассиса Худоёрова». Албатта номҳои ду нафараш назди мо маҳфӯз аст бо тамоми мушаххасот ва шахсияташон. Ҳангоми баромадашон пардабардорӣ хоҳем кард.

 Хонанда ва бинандаи азизи «Ислоҳ»! Ҳоло иллати ҳуҷуми бархе аз омӯзгорону табибон ва шахсиятҳои алоҳидаи ноҳияи Шаҳристон ба барномаи «Минбари муҳоҷир»-и «Ислоҳ.ТВ» саддарсад дақиқ ва рӯшан шуд. Ҳукумати ин ноҳия як ситод ташкил кардааст.

   Гуфта мешавад, ки ин ситод пилотӣ (пилотний проект) будааст ва агар муваффақ бишавад таҷриба ва кори онро дар навоҳии дигари ҷумҳурӣ ба роҳ мемонанд. Ин барномаи пилотӣ аз бюҷети ҷумҳурӣ хароҷот талаб намекунад. Кормандони он бо маоши вазифавие, ки доранд онро иҷро мекунанд. Дуруст аст ки дар Айнӣ ва Зафаробод ҳам айни ин барнома дар ҳоли иҷро аст аммо Шаҳристон ба унвони улгу ва намуна бояд истифода бишавад. Барои иҷрои ин кор як нафар аз бахши идеологии ҳукумати ноҳия-бахши робита бо ҷомеа ва як нафар аз шуъбаи маориф аз кори рӯзмараашон ҷудо шуда ба ҳамин кори ташили ситоди зидди “Ислоҳ” ва Муҳаммадиқбол масъул ва маъмур шудаанд. Умедашон ин аст ки кори «Фабрика ва ё фермаи ҷавоб»-ро минбаъд ҳамин ситод анҷом медиҳад.

Акнун маълум мешавад, ки чаро нависандаҳои ферма дар ин авохир камфаъолият шудаанд.

Ва, ҳоло дар бораи вазъияти яке аз мактабҳои миёнаи ноҳияи Шаҳристон, матлаберо аз қавли як сокини ин ноҳия пешкашатон мекунем:

   «Ба мактаби №9 мебоист вазири маорифи Тоҷикистон меомад. Моро соати 5-и субҳ фарёд карданд. Муаллим ва муаллимаҳо гирду атроф, дохил, саҳнаи мактабро тозаву озода карданд, рӯфтанд, об зада ташрифи қудуми ҷаноби вазирро мунтазир истоданд.

Қофлонбой-Раҷаббой Аҳмадзода, раиси вилояти Суғд омад. Ӯ омад, аммо як сомонӣ ёрдам накард. Баракс, барои вай гусфанд куштем.100 сомонӣ аз ҳамаи омӯзгорон пул ҷамъ карданд. Пеши вай дастурхон кушодаву аз кадом ҷойҳое катҳоро оварданд.

  Раҷаббой Аҳмадзода ваъда карда буд, ки доскаи электронӣ туҳфа мекунд. Аммо ҳатто каробкаашро наовард.

 Қофлонбой бо як намуд мошинҳое омад, ки хиёл кардем мошин неву самолёт аст.  Мошинҳое, ки аз хона калон. Бо телехҳояш омад. Фаромаду як ин тарафу он тарафашро нигоҳ карду «ҳа сохтисоден мӣ,сохтан гитон гуфт» ва бо ҳамин тамом, тарафи ҷойи «ташкилӣ» хурданиба рафт.

  Вале дар Фейсбук дидам, ки навишта истодаанд Раҷаббой ба муассисаи таълими № 9 Шаҳристон омад ва барои ин муассиса ин қадар сомонӣ ҷудо кард. Ин навиштаҳо комилан дурӯғ аст ва ин дурӯғгӯҳо дуруғро ба мардум нишон дода истодаанд. Дар сомонаи раиси вилоят гуфта шудааст, ки барои бунёди ин мактаб 1 миллиону 800 ҳазор сомонӣ пешбинӣ шудааст, ки « бо дастгирии мақомоти иҷроияи маҳаллӣ ва саҳмгузории соҳибкорону сокинон бунёди синфхонаҳои иловагӣ ҷараён дошта сохта мешавад.»

  Аммо, ин дурӯғи маҳз аст.

Бинобар маълумоте, ки мо дорем,аз тарафи ҳукумати ноҳия барои сохтмони ин мактаб дар аввал 500 ва дуюмбора 50 ҳазор сомонӣ ҷудо шудааст. Аммо он сумҳо ба мо нарасид. Ба ин суву ба он су мекашанду дар охир дирам карда меоранд. Маълум не, ки ин роҳбар аст ё кадом раҳзану дузд. Муҳосиби мактаб мегуяд, ин қадар хурда истодааст, ки дар гуфтан дуруст намеояд. Инҳо ин қадар мехуранд. Фақат ишкамҳояшон калон шуда истодааст. Ягон рӯз ишкамҳояшон мекафад.

 Акрамзода Баҳодур, раиси ноҳияи Шаҳристон, Маликов, сардори Раёсати молия дуздони асосианд. Мо намедонем ин пулҳо куҷо рафта истодааст.

 Бинои мактаби мо куҳна буд. 20синфхонаро вайрон карда дар ҷои он 10 синфхонаи нав сохта истодаанд. Ин 20 синфхона вақти шуравӣ сохта шуда буд. Сохти тарҳи бино ба шакли ҳарфи «Т» буд. Ин «Т»-ро кала ва як почаашро вайрон кардем. Яъне  20 синфхона бо ҳашари мардум тахриб гардид. Аз даруни ин 20 синфхона масолеҳи сохтмонии зиёд, махсусан тахтаҳои зиёд баромад. Ҳамаи тахтаҳо дар ҳолати корӣ қарор доштанд, чунки тахтаҳои «российский» буданд. Мо гуфтем, ки ин ҳама тахтаҳоро истифода мебарему хеле муассиса харҷаш камтар мешавд. Чунки зарурати хариди тахта барои фарш ва боми мактаб намемонад, чунки бисёр буд. Баҳузур мерасид. Мо мардҳо ҳамаи тахтаҳоро ҷудо кардаем. Тахта шифер, хишт ва хокро ҷудо карда мондем.

Аммо раиси ноҳия, ҷамоат, директори мактаб ин ҳамаро фурӯхта тамом карданд. Мактаби пешина калон буд. Масолеҳи сохтмонии беруномада аз мактаби пешина ки ҳамааш маҳсулоти шуравӣ буд сифати хуб дошт, агарчи  куҳна буд вале истифода бурда мешуд. Тахтаҳои аз СССР монда дар асл  ягон зарра айб надоштанд. Тахтаҳои боқувват ва паҳнбару ғафс буданд. Ҳамаашро фурухтанд. Директор ҳама чизро фурухта тамом кард. Мактабро 100% аз ҳисоби мардум сохта истодааст. Ҳоло боз аз ҳар оила 1000 сомонӣ ҷамъ карданд. Муҳоҷирони кории дар Русия бударо ҳам руихат карда аз зар кадоми онҳо 2000 сомонӣ гирифтанд. 

Як кори дигари дар ин мактаб воқеъафторо бароятон мегуям.

Подвал-таҳхонаи мактабро муаллимаҳо сохтанд. Дар ягон давлати дунё ин кор нашудааст. Занҳо муаллимаҳои мактаб подвалро канда хоку регашро бо занбару ароба бароварда сутунҳои сементиву арматурро ҷо карда сохтанд. Бепул, ройгон.

Албатта занҳо кор мекунанд. Аммо зани омузгор дар куҷо подвали мактаб сохтааст? Ин чи давлат аст? Агар давлат як муассиса сохта натавонад, барои  чи омада мактаби мардумро вайрон кард? Бигзор, куҳна ҳам буд, меистод. Дар Данғара пул ёфта чандин донишгоҳу коллеҷҳоро сохта тавонист, чаро як мактаби одиро ба мо сохта намедиҳад? Бояд мактабро давлат созад. Аммо гуфтанием, ки агар ёрӣ карда натавонистӣ зиён ҳам нарасон.

  Аз ин тараф мебиёянду мехуранд аз он тараф мебиёянду мехуранд. То кай мехуред? То кай мардумро ин қадар азоб медиҳад?

Бародар, ман ин маълумотҳоро фиристодам ки ҳақиқати ҳол ошкор шавад. Ва ин дуруғчиҳо баромада дурӯғ-дурӯғ таъриф накунанд

  Ман дар ҳамин мактаб муаллим ҳастам. Журнал пулакӣ-35 сомонӣ. Аз талабаҳо ҷамъ мекунем. Сари талаба 2 сомонӣ. Пул барои суғурта ҷамъ карда мешавад. Роҳбарони синф аз талабаҳо пул ҷамъ мекунанд: таъмири синф, таъмири мактаб, фалончӣ- 20 сомонӣ фалончӣ 5,10 сомонӣ ва ғайра. Руихат доранд роҳбаони синфҳо. Аз ҳама нороҳаткунанда ва нафратовар ин ҷамъоварии пули китоб аст. Ягон китоб бепул нест. Китобҳоро ба хонанда иҷора медиҳем. Як китоб то се сол ба иҷора дода мешавад. Баъди се сол ройгон аст. Аммо ин хел нест. Китобҳое ҳаст, ки шалақи шалақанд ва аз се сол зиёд истифода шудаанд. Аммо ҳамонҳо ҳам пулакӣ-1 сомонӣ. Боз такрор мекунам, ки ягон китоб бепул нест. Аз хонандаҳо соле нест, ки 25 ё 30 сомонӣ барои обуна нагиранд. Таъмири мактаб мешавад, намешавад, ҳатман пул мегиранд-40 сомонӣ. Ягон нафар аз телевизиони вилоят ояд 5 сомонӣ, аз телевизиони республика ояд 10 сомонӣ, ягон артист меояду консерт мекунад: даҳ сомонӣ. Ҳақонӣ мардум монда шудаанд. Хонандаро мехезонӣ, мегуяд пулам нест. Намедонӣ чи кор кунӣ. Падару модараш надорад. Баъзеҳо чор- панҷ бачаи мактабхон дорад, кор нест. Ё падар ё модар дар муҳоҷират. Пул фиристад медиҳанд, нафиристад додан наметавонад. Боз ятиму нимятим ҳо ҳастанд. Бояд эҳтиёт бошӣ. Аммо ин тавр нест. Барои бӯр пул ҷамъ мекунем. Маҷбур мекунанд: моро директор, директорро мудири маориф, мудирро раиси ноҳия ва расиро аз боло. Аз шуъбаи маориф занг задан мегиранд: канӣ пули китоб, канӣ пули суғурта, канӣ пули ….

   Яке аз омӯзгорони ноҳия аз «Минбари муҳоҷир» мегуфт хуроки хонандаҳо аз тарафи давлат дода мешавад. Аз тарафи давлат ягон чи намедиҳанд. Аз падару модар пул ҷамъ мекунад, пули орд, пули нон, пули картошка, сабзиву пиёз, пули повур. Аз деҳаҳо металабанд. Хонандаҳоро водор месозем, ки10 килоӣ сабзӣ, пиёз, картошка биоваранд. Ана ин аст аст аҳвол, мана ин аст ободӣ.

   Дар деҳаамон мо пул надорем. Пулро вақти шуравӣ сохта буданд, сел гирифту бурд. 30 сол мешавад пул надорем. Ин чи тараққиву ин чи ободӣ аст, ки бархе аз чоплусон баромада гап мезананд.

Ҳоло, мо муаллимҳоро маҷбур карда истодаанд, ки бо дар барномаи «Минбари муҳоҷир» иштирок карда дар бораи ободӣ гап занем, таъриф кунем.

200 адад страпил буд. Ин 200 ададро гирифта бурданд. Мо мактабро бо ҳашар сохта истодаем. 200то тахтаро бурда 63 то гашта оварданд. Боқиашро дуздиданд. Раиси ноҳия тахтаҳоро дуздид. Боз пул ҷамъ карда харидем.

 Раиси КГБ  Кенҷаев Дилшод маҷлис карду гуфт, ки агар бо Муҳаммадиқбол гап мезанетон подвал мефарорам. Чаро подвал мефарорад, подвал чи хел ҷой аст, мо намедонем.

Дар «Минбари муҳоҷир» чанд шаҳристонӣ, асосан муаллимҳо, гап заданд. Бовар кунед, ки  ягонтои онҳо бо хоҳиши худ гап задагӣ нестанд. Маҷбур кардагӣ ҳамаашонро ва боз дар наздашон меистанду гапашон нишон метиянд,ки инхел гу онхел гу. Агар диққат диҳед садоҳоро худатон мешунавед чашмонашон ҳатто ба сӯйи он барашон будагиҳо мегардад борҳо.  

Беш аз бист кас дар барномаҳои «Минбари муҳоҷир» суҳбат кард. Аммо, ба худо қасам ягонтои онҳо ҳарфи ростро нагуфтанд. Ҳақиқатро, воқеиятро пинҳон доштанд. Балки дуруғи рӯирост гуфтанд. Мутаассифона одамҳо то ба ин ҳад тарсончак шудаанд. Одамони калонсол баромада дуруғ гуфта истоданд. Чунки онҳоро маҷбур карда истодаанд. Ҳар касеро ягон ҷойи сустиашро ёфта бо он таҳдид мекунанд. Яке чанд сотих бештар замин дорад, яке як дукон ё чойхона дорад, яке фарзандаш ба сини даъвати аскарӣ расидааст.

Ҳамин ҳодисаи дар деҳаи Лакат рух додаро бинед, ки чи тобишҳое дода истодаанд.

Магар ҳукумат, магар органи давлатӣ, магар мақомоти ҳифзи ҳуқуқ ин гапро мегуяд?

Духтар бо он ҷавон мегаштааст ва барои онки он ҷавонро биқапанд духтарро приманка кардаанд. Ин кор на аз лиҳози қонун ва на аз лиҳози ахлоқ иҷозат аст.

Ин шеваи кори милиса не, ин кори дуздону авбошону дигарҳо ҳаст. Давлат ҳамин хел кор мекунад? Обруву иззат ва эътибору ҳайсияти шаҳрванд ва худи давлат куҷо меравад?

Дар деҳаи мо бист хоҷагӣ аз як крани хурд об мегиранд, таъмин карда наметавонад. Як соат об медиҳад. Мо лалмӣ шудем .Ин куҷояш пешравӣ аст? Об фақат барои хурдан нест, ҷомашуӣ ҳаст, оббозӣ ҳаст. Об надорем. Ин чи ободӣ аст,ин чи пешравӣ, ин чи истиқлол аст. Мо шароити минималии зиндагӣ  надорем. 

    Ман шахсан худам аз вуҷуди шабакаи «Ислоҳ» як моҳ пештар дарак ёфтам. Хурсанд шудам, ки одамони ҳақгӯ ҳоло ҳастанд, дунё холӣ нест. Ман дар бораи шумо ба тамоми шиносҳоям гуфтам. Ҳозир ҳама бо хонаводаҳо тамошо мекунем. Ин муаллимҳои бечораро маҷбур мекунанд, ки таъриф кунанд.

  Моро дуруя карда истодаанд, дуруғгу карда истодаанд. Бо яке аз ин омузгорҳо суҳбат кардам. Гуфт напурс: Ман аз Ислоҳу Муҳаммадиқбол дарак надоштам. Маҷбур карда бурданд. Баъди барнома боз маро дашном карданд, ки гап зада натавонистӣ, чи ба тарафи мо нигоҳ кардӣ, бояд ба камера нигоҳ карда гап мезадӣ. Акнун худам ҳар барномаи Ислоҳро тамошо мекунам, худо умрашро дароз кунад. Ҳамаи гапҳояш рост аст. Ҳаёту ҳақиқатро, кӣ будани ин ҳукумат ва Раҳмоновро мефаҳмед.

Аммо, баъзе аз омузгорон метарсанд, ки бинанд. Мегуянд,ки мабодое нақападамон.

Бародар Муҳаммадиқбол! Ин нафаре, ки дар барномаи «Минбари муҳоҷир» баромада гап зад дар бахши идеологияи ҳукумати Шаҳристон кор мекунад. Ҳар рӯз мисли мушу каламуш аз пайи шумо аст: кӣ мебинад, кӣ даромада аст, кӣ гапҳоро мебарорад. Тамоми баромадҳои омузгорони Шаҳристонро ҳамин бача ташкил карда истодааст. Баъзе аз ин омузгорҳо тамоман интернет ва Ютубро намефаҳманд намедонанд.Ҳамин Авлиёқулов Уктам,ки дар барномаатон гап зад, маълум буд,ки чизеро намефаҳмид. Шумо савол додед, ки ба чи хел Ютуб  дохил мешавӣ, чизе ҷавоб дода натавонист.

 Ҳоло он бачаи бахши идеология санаи баромади муаллимҳоро пешакӣ  таъин карда аст.

«Дар ҳар мактаб бояд се, чор омузгор пешакӣ омода шавад. Фалон мактаб дар фалон рӯз ва фалончиҳо бояд гап зананд. Фалончиҳо бояд пеши ман оянд дар ҳамон рӯз. Ман таъин мекунам, мефаҳмонам, ту даромада Муҳаммадиқбол қатӣ гап мезанӣ. Чизе гуяд ҳам тоқат мекунӣ, ба ғазаб намеоӣ,ҳ ақорат намекунӣ».

Ба муаллимҳо ана ҳамин хел условия монда истодааст: «Агар сарпечӣ кардӣ маошата намегирӣ, маошат гардонида мешад. Ин супориш аз боло. Дар ягон ҷо арзу шикоят карда наметавонӣ. Инро худи Ҷаноб гуфтагӣ».

Он омӯзгорони бечора аз кадом қишлоқ омада ними шаб пеши вай мешинанд, ё дар ҳукумат ё дар маориф. Уктам Авлиёқулов дар бинои маориф бо шумо гап зада буд. Ҳамон банери пушти Авлиёқулов дар бинои маориф аст, ҳама шинохт.

Хулоса, бародар Муҳаммадиқбол вазири маориф ба деҳаи мо наомад. Мо соати панҷуним рафта будем.

 Ҷаноби вазир дар Шаҳристон як истироҳатгоҳе ҳаст, ки дар  миёни мардум бо номи «чехиски» маъурф аст. Онҷо Эмомалӣ Раҳмон, Рустами Эмомалӣ, Озода ва камтар дигар тараф Амонулло Ҳукумов дачаҳо доранд. Ман намедонаму аммо одамҳое, ки сафар кардаву дидаанд гуфтанд, ки вақте онҷо мефароӣ, гумон мекунеӣ, ки Швейцария омада бошӣ. Беҳуда ҷаноб Тоҷикистон биҳишти рӯи замин намегуяд. Вазири маориф ба ҳамон дачаҳо рафтаву истироҳат кардааст. Омадани ӯ ба мактаби мо «отказ» шудааст.

Мардум умедвор буд, ки як бор вазир омада аҳволро бинад, аз тарафи давлат ёрдам расонад. Ягон чизи зарурӣ ба мактаб туҳфа кунд ё инки маблағ ҷудо кунад, хуллас ягон фоидааш расад. Аммо фаҳмидем,ки барои вай «дамгирӣ» аз мактаб муҳимтар будааст.  

P.S

Ду рӯзи пеш мудирони мактаб ва муовинини онҳо оид ба таълим ва тарбияро таъҷилан ба ҳукумати ноҳия барои маҷлис даъват карданд. Мераванд. Масъала ва мавзуъ якто: «Ислоҳ», «Минбари муҳоҷир» ва Муҳаммадиқболи Садриддин.

Акрамзода Баҳодур, раиси ноҳия гап мезанад, дасту пояш меларзад, сухан аз даҳонаш гум мешавад. «Инҳо ҳамааш дуруғ мегуянд. Инҳо душманони Пешвои моянд. Инҳо хоинонанд. Бовар накунед, Инҳо террористанд». Тамоми ду соат зиёд гапи задигаиш ҳамин мазмун дошт.

  Сардори амният Кенҷаев Дилшод гап зад: «Мо, меёбем, ки кӣ бо Муҳаммадиқбол «связ» дорад, гапҳоро ба вай мерасонад. Ягон кас бо шумо связ накунад. Шумо гуед,ки ҳама чиз хуб аст, ҳама чиз олӣ аст. Ҷаноби Олиро таъриф кунед. Ободиҳоро гуед».

 Сардори амният директорҳоро хезонду гуфт, ки шумо бояд талабаҳо, муаллимҳо ва мардумро противи Муҳаммадиқбол кунед, Домкомҳоро фаҳмонед, ки дар маҳалҳо ба мардум фаҳмонанд, ки Муҳаммадиҷбол Ислоҳ инҳо террористанд, тамошо накунанд. Бо мардум суҳбат гузаронед.

Бародар Муҳаммадиқбол! Бахудо қасам рост мегуям. То ҳамин як моҳ, якуним моҳи пеш мардуми деҳаи мо аслан шуморо намедониистанд, намешинохтанд. Касе намедонист, касе намешинохтатон.Аммо имрӯз дар мактаб ҳама мешносад, Талабҳо дар бораи Ислоҳ ва шумо гап мезананд. Дар забони ҳама  Шаҳристониҳо «Ислоҳ.ТВ» ва «Минбари муҳоҷир» ва номи Шумо.

 Ман дар бораи муллоҳо ва имомхатиб Абдувосит баъдтар менависам. Аммо як чизро фаҳмед, ки ин муллоҳоро амният шин гуяд мешинад, рав гуяд мераванд, хоб рав гуяд, дар вақти мавъизаашон бошад ҳам, дар сари минбари масҷид бошанд ҳам, чашмонашонро мепушонанд, «хоб» мераванд. Аммо ҷавонҳо аз дидани «Ислоҳ» чашмашон бедор шуд,

тамошо карда истодаанд. Бовар кунед,соати 8 маҷлис сар шуду соати 13.00 тамом шуд.

Раиси ноҳия гуфт,ки Муҳаммадиқбол айб ва камбудӣ наёфта истодааст дар бораи пули формаи мактабу буру журнал гап зада истодааст. Проблемаи буру журнал проблемаи калон нест. Аммо амният таҳдид кард, ки мо меёбем одамони бо «Ислоҳ» робита ва маълумотҳоро мерасонидаро. Гуфт, ки касе бо Муҳаммадиқбол алоқа дорад ба ҷавобгарии ҷиноятӣ кашида мешавад.

Аз як чети дунё ин қадар тарсонидед инҳоя  пеши ваёба биёен чи?

Сообщение   «Фабрика ва ё ҳамон фермаи ҷавоб» шакл ва равиши кори худро тағйир дода аст. Яке ду моҳи ахир бо ҷалби мақомоти давлатӣ дар навоҳӣ ситодҳои муқовимат бар алайҳи «Ислоҳ»-ро ташкил кардааст. Феълан ин ситодҳо дар дастгоҳҳои ҳукумати ноҳия ва шуъбаи маориф созмондеҳӣ шудаанд. Як бахши бузурге дар «Дастгоҳи иҷрояи президент ва Додситонии кулл ҳам амал мекунанд». Мо, ҳоло роҷеъ ноҳияи Шаҳристон, ки умдатан узбакзабон аст ва чанд гоҳи ахир сокинони он, муаллимҳо ва табибон дар барномаҳои онлайнии мо ширкат мекунанд, матлабе таҳия кардаем. Ин матлаб мебоист дар барномаи «Номаҳо аз ноҳияҳо» мерафт, вале азбаски перомуни муҳтавои он гуфтаҳо зиёд шуданд, лозим донистем, ки бо шарҳу тавзеҳе онро алоҳида мунташир намоем. появились сначала на ISLOH.net.