Хонандаи муҳтарами «Ислоҳ», чуноне ваъда карда будем, тадқиқоти худро нисбати ҷиноятҳои Ҳошим Каримов ва пуштибонҳояш давом медиҳем. Баъд аз нашри мақолаи аввал аз тарафи хонандагон, ҷабрдидагон ва ҳақиқатҷуён факту далелҳои нав ба дасти мо омада расид, ки баъзе аз онҳоро дар ин навишта ва боқимонда далелҳоро бори дигар санҷида дар матолиби оянда чоп хоҳем кард. Каримов Ҳошим баъд аз чоп ва пахши видеои барнома худро ба ҳар су то ҳоло  зада истодааст. Боз такрор шавад ҳам мегуем, бовар кунед мақсади асосии навиштани ин мақолаҳо, дар он нест, ки бизнеси вай ба касе лозим шудааст, чуноне, ки худаш фақат дар ин фикр мебошад, ё ин ки ба ӯ бахиливу ҳасудхурӣ мекарда бошад. Не. Мақсад фақат як чиз, дар инсоният каме бояд инсоф, виҷдон бошад, боз ҳоҷӣ ҳам ҳаст. Ба хотири пул шуда, имонро нафурӯхтан ва хиёнат ба мардуми ҷабрдидаи худ  накардан аст. Аз тарафи мо каме ҳушёр намудан, аст ки мардум ҳамаи корҳоро мефаҳмад, фикр накунед, ки шумо аз ҳама доно!

Каримов Ҳошим ба гуфтаи наздиконаш рӯзҳои аввал сахт ба умед буд, ки Ашраф Гулов бо Парвина ба ӯ дасти ёрӣ мерасонанду аз ин вазъияти ногувор тез мебарояд. Вақте ки ба Ашраф Гулов телефон карда кумак хост, гуё ӯ гуфта бошад, ки «ман масъаларо равшантар карда баъд ба ту занг мезанам, илтимос ту ба ман занг назан, мумкин аст телефонҳои туро алакай гуш карда истодаанд». Ҳошим 3-4 руз телефонро аз гуши худ дур накарда интизор шуд, вале аз мурда садо ҳасту аз «кришаҳо» не. Ҳошими содда, ки дар ин хел вазъият бори аввал афтида буд, тамоман худашро гум кард, ки ин чи тавр шуд. Ӯ доимо фикр мекард,  ки бо як телефони онҳо ҳама кор ҳал мешавад ва ҳатто аз ӯ кормандони  «Ислоҳ» ҳам бахшиш мепурсанд. Афсус, ки вазъият бадтар шуду беҳтар не. Боз видео ба мисли як филми Голливудӣ  пахш гардид, ба гуфтаи худаш «кршаҳо» тамоман шикоф  будааст. Чунки баъд аз пахши барнома ҳама якбора руй гардониданд. Ҳаёт нишон дод, касоне, ки бо ҳамроҳии  «оила» кор мекунанд, ё ин ки ҳамчун кришаи худ онҳоро маҷбурӣ ба худ қабул намудаанд, хуб медонанд, ки домодону духтарҳои президент, хусурбачаву бодигардҳояш ва баъдан вазиру раисонаш  «крышаи» боқуввати шумо, то он даме, ки шумо проблемаатонро худатон ҳал мекунед, ё ин ки  надоред  ва дар вақт-вақташ «доля»-ро оварда медиҳед, вақте ки майдатарин проблема пайдо шавад, ҳатман  барои ҳалли  масъала  «доля» якчанд маротиба зиёд мешавад, агар проблема махсусан ба «боло» вобастагӣ дошта бошад, кришахо тамоман худашонро аз шумо дур мегиранд, ба телефонҳо дигар намеёбед, қабул ҳам намекунанд, мабодо  мушкилии ба миён омадаро шумо худатон бо пулҳои калон (бе ин намешавад) ҳал намоед, шарм накарда боз ба шумо мегуянд, ки инро мо ҳал кардем, агар проблема ҳал нашавад, “крышаҳои оила» як гапи хуб доранд, «мо огоҳ карда будем, ӯ охирон вақтҳо аз худ рафта буд, нисбаташ гап зиёд буд, ё пулаш ҳам  зиёд шуда буд, « бо ана ҳамин суханҳо ҷони худашонро халос намуда,бо як  ноҷавонмардӣ  худро таскин медиҳанд. Боз дар охир шумо  миннатдор мешавед, ки ҳамаи амволамро гирифтанду 10-15 сол суд карданд, «агане  агар Ака намебуд, боз зиёдтар ҳам суд мекарданд». Ин қазия бояд дарсу омӯзаи хубе барои онҳое аст,ки ҷор мезананд “Крыша”и ма домоди пешво ё духтари ӯст! Хуб диққат диҳед қабл аз он,ки ҳамсарнавишти Ҳошим Каримов ва амсоли ӯ нашавед!

Ногуфта намонад, мабодо худи президент  мушкили шуморо фаҳмад ба ҳама китобҳои муқаддас қасам мехурад, ки шуморо намешиносад ё ҳамроҳи ягон кас як маротиба дидаанд. Бо ана ҳамин хел «крышагари» мардумро 30 сол шуд аҳмақ карда гашта истодаанд. Бадии кор дар он аст, ки ҳамаи ҳамин крышагариҳоро мардум бо чашмони худ  дида истода, боз дар навбат истодаанд, ки моро ҳам ҳамин тавр пуштибонӣ намоед. Ин гапҳои моро ҳама бо дил тасдиқ мекунад, агар бо забон гуфтан хатарнок ҳам бошад.  Бовари 100% дорам аз ҳамаи ин нағмаҳои атрофиёнаш, пуштибониҳо, ғасб кардани бизнесҳо, ноодилона кашокашу туҳматҳо пешво хабардор аст. Номумкин аст, ки дар як ҷумҳурии майда, бо ин қадар хешу табори зиёд, бо ин қадар органҳои қудратӣ, бо ин қадар хабаркашҳо, пешво бехабар бошад. Пешво мардуми аз синни 15-16 сола болоро мумкин аст ном ба ном, ё ин ки ақалан фарзанди кӣ буданашро донад, шубҳа надорем, барои он ки ӯ кори дигар хам надорад.

«Ҳошим Каримов бояд аз ҷурааш Азизулло Абдуллоев ибрат мегирифт. Ӯ ҳам то охир ва ҳатто баъди дастгир шудан 30 сол ҳукм гирифтан то ҳол дар он фикр аст,ки акаи Зоир Соҳибоваш хабар надорад. Барои он ки ҳамаи ҷумҳурӣ медонад, ки пуштибони Азизи домсоз ин Зоир Соҳибови домоди пешво буд. Вай баъд аз 10-15 сол мефаҳмад, ки «крыша» худаш ӯро супоридааст. Шояд дар маҷлиси оилавӣ ба хулосае омадаанд, ки овозаи Азиз баланд шуд, ӯро бояд  паси панҷара кард, чунки номи Зоир ба наркобаронӣ набарояд, аҷабе нест, ки худи Зоир супориш ҳам дода бошад ба ВКД, ин ҳама рӯзе аён мешавад!! Ба ҳама маълум аст,ки Зоир Соҳибов ВКД, Прокротураро курироват мекунад.»

Ин авлод ҳамаро вақти лозимӣ истифода мебаранд ва баъд ба ягон чуқурӣ тела мекунанд, оиди кидати оила садҳо мисолҳо дорем. Ҳошим ё Азизи домсоз кӣ ҳастанд, ки аз рафтори пуштибонҳо пурсиш кунанд. Фикр кунед, одамоне, ки Раҳмоновро ба сари қудрат оварданд чи шуданду ҳоло куҷоанд, инҳо хуб мефаҳманд, ки ҳеҷ кас дар ин замона то вақти муайян аз онҳо пурсиш карда наметавонад. Албатта, ин рафтору кирдорҳо мерос ва насиҳат аз пешво ба онҳо аст. Аллоҳ бузург аст, албатта, рузе миллати ғамдида бо чашмони худ ин шо Аллоҳ шоҳиди ҷазои онҳо мешавад.

Ҳошим Каримов ба раиси кумитаи андоз 200 ҳазор доллар пора дод

Ҳошим Каримов баъд аз чоп ва пахши видеоӣ, ба гуфтаи наздиконаш зиёда аз 500 ҳазор доллар барои як қисм корҳои худро тинҷ намудан ба баъзе кришаҳои майдааш ва органҳои Тоҷикистон  масраф кардааст. Фақат худи раиси кумитаи андоз Давлатзода Нусратулло 200 ҳазор доллар маблағро гирифта насиҳат карда аст, ки кормандони ман ҳоло ба ширкатҳои ту чаққа намешаванд, «ту бра корҳоятро соз кун, агане гап зиёдай, роҳша биёв нанвисан» боз гуфтааст, ки агар «боло» супориш диҳад ман дигар илоҷ надорам. Аз як тараф  ҳаҷми фурӯши маҳсулоти дорувории Ҳошим Каримов  дар Тоҷикистон хеле коҳиш ёфтааст, аз тарафи дигар тамоми он органҳое, ки ба  бизнесаш мусоидат мекарданд, ставкаро боло карда, илтимос доранд, ки пулро ба дасти каси дигар равон кун, худат наой назди мо,ки мода проблемаи калон мешавад. Ҳошим Каримов  ба дараҷае хасис аст ки ҳатман худаш бояд  пулро диҳад, розӣ нашуда истодааст. Ба гуфтаи хешу табораш ӯ вақти маблағдиҳиро ҳатман сабт ҳам мекунад, барои кадом рузе шояд лозим шавад мегуфтааст ва ин корро “крышачаҳакҳояш” ҳатто медонанд, калоно аз бало ҳазар гуфта шиштаанд.

Домоди «пешво» бо домоди аки «пешво» шарики ҷинояти фаромиллӣ

Тамоми корҳои ғайриқонуни гумрукии ӯро ба гуфтаи наздикони Ҳошим Каримов чанд соли охир бо супориши Ашраф Гулов, ҷонишини сардори  гумруки Тоҷикистон Ҳурматов Ислом домоди акаи президент иҷро мекардааст.

«Ҳошим Каримов вақте, ки ба Ҳурматов Ислом  муроҷиат менамояд, нисбати ба расмият даровардани 2-3 контейнери омада истода»мисли ҳарвақта» Ислом Ҳурматов  ҳатто то охир гӯш ҳам накарда маслиҳат медиҳад, ки ҳоло то нисбати ту ором шудани гапҳо борҳоятро свх (склад временное хранения) карда мон, баъд вазъиятро дида кор мекунем. Ва дигар гушакро қатъ мекунад, ба гуфтаи Ҳошим дигар то ҳозир ба алоқа набаромада аст.»

Аз тарафи дигар партнерҳои дар Москов буда ҳам каме худдорӣ намуда истодаанд аз ҳамкорӣ, гуё ба сари онҳо низ фишор аз тарафи роҳбарияти худ бошад.

Ҳошим Каримов дар чорсӯйи фишорҳо

Ҳошим Каримов ба хешу табор ва баъзе рафиқони худ маслиҳатҳо карда ба хулосае омад, ки об аз боло лой аст. Ба ӯ хабар доданд, ки дар маҷлиси оила ҷангҷол шудааст, ки нафари бегона ин қадар дорувориҳои куҳнаву арзонро дохил намуда даҳҳо миллион долларро аз пеши чашмамон бурда истодааст, бояд ин бизнес дар дасти одами наздиктар ба худамон бошад. Дар натиҷа ин бизнесро пурра ба «Авесто- Групп», ки аз наздикони Рустами Эмомалӣ мебошад гирифта дод. Дар Тоҷикистон 3-4 ширкати доруворӣ ворид мекарда ҳастанд, ки ҳама зери назорат ва наздикони оила мебошанд. Ҳошим Каримов ба гуфтаи худаш то индараҷа номард будани аъзои оиларо дар ақлаш ҷой намекард, ки бизнеси зери нигоҳубини оиларо ҳам боз аз даст бигирад, ҳол он ки солҳои охир ба гуфтаи Ҳошим аз 70% зиёди фоидаро онҳо мегирифтанд. Ҳоло сахт дар ташвиш аст, ки ба даҳҳо миллион доллар дар Тоҷикистон молу амвол дорад, оқибати онҳо чи мешуда бошад, аз ҳама асосаш солҳои дароз  бизнеси «перекидка денег», ки аз шаҳрҳои Русия бо Душанбеву  Истаравшану Хуҷанд хуб ба роҳ монда шуда асту тақрибан 40-50% тамоми пули аз Русия гузаронида мешударо назорат мекунад, ки аз ин бизнес аз 1% то 3% ҳаққи хизмат мегирад. Ин бисёр як миқдор ва ҳаҷми калон аст, чи мешуда бошад?! Инро ҳам ба касе гирифта медода бошанд, ё ин ки андозбандӣ мекарда бошанд, Ҳошим ҳайрон аст. Ин як тарафи масъала, тарафи дигари масъала Ҳошимро » генерали аждаҳори баднафс» Зоиров Ҷурахон зери фишори сахт қарор додааст, ки барои чи ту дар ҳама ҷой нақл кардӣ баъзе сирру асрорамонро. Масалан вагони гугирдчубро. Худат хуб медонӣ, ки ман 15-20 вагони гугирдчубу туалетный бумагаи туро чашм пушида сар додаам, ту бошӣ ба ҳама нақли ҳамон 150 ҳазор долларро кардаӣ.

Таҳдидҳои генерал Ҷурахон Зоиров ба Ҳошим ва баъзе дороиҳо ва корнамоиҳои ӯ

Ба гуфтаи Ҳошим генерал Зоиров Ҷурахон аз ӯ талаб  дорад аввал номашро аз «Ислоҳ» тоза кунад ва баъдан як суммаи калон гуё «за моральный ущерб» ба ӯ  пул диҳад. Зоир Ҷурахон ё “Шайтан генерал”  даъво дорад, ки вай яке аз намояндагони элитаи Тоҷикистон асту генерали ҳақиқӣ, доктори илмҳои ҳуқуқшиносӣ ва ҳоло корманди Академияи милли илмҳои Тоҷикистон мебошаду номи ӯ доимо то имрӯз ба некӣ гирифта шуда аст ва ӯро ҳамчун фарзанди бономус, дасти пок ва пушти тоза дошта, авлоди шоҳони Дарвоз ва содиқона ба давлату миллат хизматкарда мешиносанд. Дар ҳақиқат агар дар Сағирдашту Дарвоз нафаре вазифа гирад, ё ин ки каме бой шавад, масалан як Москвич ё Жигулии нав харад, албатта решаи худро ба решаи ягон шоҳони гузашта пайваст мекунаду дар охири номаш ҳатман ду -се ҳарфи дигар ба мисоли Шералӣ вақтҳои аввал, вале баъдан  Шералишо, Одилшо, Кишваршо ҳатман-шо ё шоҳро изофа менамояд. Онҳо то ҳозир ба фикрам хоб ҳастанд, ки 30 соли охир шоҳу шаҳзода ҳама дар Данғара асту онҷо таваллуд мешавад. Зоир Ҷурахон фикр мекунад, ки ӯ ягона генерал дар Тоҷикистон ҳасту ӯро бояд ҳама гуш кунад. Маслиҳати мо ҳамин аст ки бисёр дур наравад, биравад то қишлоқи Пушинги ноҳияи Данғара, ки тахминан 8-9 ҳазор аҳолӣ дорад, онҷо70 генерали ҳоло дар сари вазифа буда ҳастанд, ки бисёре аз онҳо баъд аз гирифтани рутбаи генералӣ, дар фикри ягон дипломи мактаби олӣ мешаванд. Зиёда аз онҳо то 35 солагӣ ин рутбаро мегирад, “худодод” ё “Раҳмондод” ҳастанд.

Зоиров Ҷурахон баъд аз ин мақола мисли девона шуда ба тамоми бизнесменҳову каме обруй дошта тоҷикони Русия занг зада таҳдиду фишорҳо ва ба разборҳои кучагӣ онҳоро тарсонида истодааст. Ва ваъда кардааст, ки кормандони МВД ва ФСБ-ро ба сарашон равон мекунад. Зиёде аз онҳо аз истеъдодҳои генерали баднафс хабардор ҳастанд, ки метавонад  барои пул шуда ягон «подстава» кунад, розӣ шуданд, ки маблағгузорӣ мекунанд,то ин  ки  «заказчик’-и мақоларо пайдо кунанд. Солҳое, ки Генерал шайтан Зоиров Ҷурахон намояндаи вазорати корҳои дохилӣ дар Русия буд, гирди худ як бандаи ҷинояткоронро гӯем ҳам хато намекунем, аз намояндагони бизнесу криминал ҷамъ карда буд, ки ҳар яке вазифаҳои худро доштанд,2-3 нафари онҳо бо насиҳату супоришҳои Зоиров Ҷурахон амал карда оқибат кушта шуданд, якчанд нафар зиндонӣ барои куштори 3-4 нафар солҳои дароз ба мисли Лутфулло Муҳаммадиев,  ва баъзе хушбахтараш просто банкрот шуданд. Яке аз дӯстони наздиктарини генерал Зоиров,ки намояндагони олами ҷиноӣ Яхшимуродов Шуҳрат (по кличке Шуха) ва дигаре Аҳмадов  Мустафо (по кличке Ахмед) пасу пеш дар назди хонаҳояшон бо 15-20 тири  аз автомат кушта щуданд, сеюмиро аз пешонааш парониданд. Ин аст натиҷаҳои ҳамкорӣ ва дӯстии онҳо бо генерал Зоиров Ҷурахон,баъзеашонро бо ҳамкорӣ бо генерал набахшиданд, дигаронашонро ба гуфтаи шоҳидон худи Зоиров Ҷурахон фурӯхта аст. Ин гапу корҳоро бисёре аз бизнесменҳо ва намояндагони олами ҷиноӣ хуб медонанд, ки генерал дар як вақти муайян  одамро мефурӯшад. Нисбати ин нафарони кушташуда ва чи гуна муносибатҳо бо генерал-академик доштаашон равшантар дар мақолаҳои оянда нақл мекунем. Аз ҳамин лиҳоз хавфи Ҳошим Каримов ҳам беасос нест. Худи Ҳошим Каримов  ҳаёти ҳамсинфи худро бо дасти ин генерали баднафс шикаста аст хуб мефаҳмад, ки ӯ ба хотири пул ба кадом роҳ тайёр аст, биравад ба ҳамаи ҳамин нигоҳ накарда, Ҳошим Каримов маҷбур шуд баъзе аз секретҳои байни худ ва шайтан генералро ба наздиконаш нақл кунад. Масалан ба гуфтаи Ҳошим таърихи 26/03 барои ӯ як рӯзи бадтарини сол аст. Чунки ин зодрӯзи шайтан генерали баднафс мебошад, ки аз соли 2008 то ҳозир, қариб 15 сол мешавад, ки зодрӯзи худро дар ресторанҳои беҳтарин, қимматтарин ва дар рейтинги топ-10 буда, ба 40-50 нафар одам мегузаронад ва худ ҳамчун меҳмони олиқадр 10-15 дақиқа пештар меояду албатта ягон камбудӣ пайдо намуда моро ҷангҷол мекунад ва то бастани шудани ресторан рақсу бозӣ, шаробнушӣ ва боз аз ҳисоби мо ягон шишагӣ нушокиҳои спиртии қиммат ба меҳмонҳои худ туҳфа мекунад, фикр мекунӣ хонаи падараш бошад ва дар охир миннатдорӣ ҳам накарда баромада меравад. Ҳар як зодрӯзи ин аждаҳор генерал барои мо аз 15 то 30 ҳазор доллар зарар меорад. Ҳамин сол 65 солагиашро  боз омада дар яке аз  ресторанҳои қимати Москва ба номи «Белуга» бо ҳамроҳии нафақахурони зиёди вазорати корҳои дохилӣ ва намояндагони СНГ қайд намуд. Ҳама ҳайрон, ки барои чи дар Тоҷикистон, дар назди аҳлу оилаат ҷашн намегирӣ, баҳона ин аст ки дар Тоҷикистон ин хел ҷашну маросимҳо манъ аст. Ғайр аз Ҳошим Каримов  боз даҳҳо нафар тоҷикони бо обруй омада дар назди дари ресторан табрик намуда туҳфаву конвертҳои худро супорида мераванд. Ғайр аз зодрӯзҳо доимо бо меҳмонҳояш дар ресторанҳои кавказиву шарқӣ вохуриҳо мегузаронад, ин ҳам аз ҳисоби тоҷикони Москва. Умуман аз ин каме беҳтар Девонаев Сафиалло буд, ки ӯ фақат пули нақд мегирифту баъди аз Русия баргаштан ба Тоҷикистон дигар ғам намедод.

Аз рӯйи нақлҳои баъзе дигарон генерали аждаҳор дар минтақаи «Бутоваи Москав» дар як Жилой Комплекси нав ду квартира ба масоҳати 320 кв метрро дар як площадка харида, евроремонт карда ба иҷора додааст. Ин хонаҳоро Ҳошим Каримов бо як бизнесмени дигар харида додаанд. Боз як ҳавлӣ- коттедж дар минтақаи Минский шоссе дар 25 км бо ёрии тоҷикони Русия сохта ҳоло якчанд сол мешавад ба ичора додааст.

Нисбати ба бизнеси «перекидка»- «ҳавола»-и пулҳои Ҳошим Каримов алоқамандӣ доштани Зоиров Ҷурахон ба воситаи домодаш Суҳроб, писари Маҳмадӣ Пиров  бо тахаллуси «тоқикалон», бародари Тоҷиддин Пиров ва чи қадар дар ин бизнес маблағи  гузоштааш нақл мекунем. Генерали баднафсро хотир расон намуданӣ хастем оиди 600 ҳазор доллари худро аз бонки «Тоҷиксодиротбонк»  гирифта ба бонки «Соҳибкорбонк»- ки раисаш Кабиров Одилшо, бародари Шералӣ Кабиров мебошад, гузоштааст. Зоиров Ҷурахон фаҳмид, ки вазъи «Тоҷиксодиротбонк» на онқадар хуб аст, бо тезӣ зиёда аз як миллион доллари худро гирифта қисми онро ба «Соҳибкорбонк» гузошт, баъд аз чанд вақт фаҳмиданд, ки «Соҳибкорбонк» ҳам ба  Оила, аниқтараш ба дасти Ҳасан Асадуллозода гузашта истодааст аз он ҷой низ ба тезӣ пули худро баровард. Мо аз ин гуфтаҳо чи мақсад дорем? Мақсади мо ҳамин аст, ки генерал Зоиров Ҷурахон худро ин қадар поку покиза ва ҳоҷиву доктори илмҳое, ки фақат ба халқ хизмат карда метарошад, савол ба миён меояд, ки ин қадар маблағҳоро аз куҷо ба даст овардааст, бо ин хел маошҳои хандааовар.

Дар бораи се квартираи дар Душанбе ба иҷора додаашу ба зани дуввуми худ ҳавлии калони сохтааш ҳоло гап намезанем.

Дар бораи 300 га замини дар Муминобод ва 100 га замини дар Сағирдашт гирифтаи Зоиров Ҷурахон ба воситаи Шералӣ Кабиров нақл менамоем. Фикр кунед, ки одами аз хама пок ва содиқона ба халқ хизмат карда, соҳиби чи қадар дороист.

Генерал Ҷурахон Зоиров пас аз нашри матлаби аввал ба бемории васвос мубтало шудааст

Мақолаи пештара чунон ба генерали баднафс таъсир намудааст, ки ду -се маротиба соатҳои ҳафти саҳари сару либоси генералии худро пушида то назди дарвоза рафтааст, ки   ба ВКД ба кор меравад. Бечора ҳамсараш гуфтааст «мардак худат 7-8 сол шуд дар нафақа ҳастӣ» шайтан генерал Зоировро ба хона бар гардонидааст. Бовар дорем фарзанде, ки имрӯзҳо дар ВКД кор мекунад аз хатоиҳои падар дарс меомузад.

Зоиров Ҷурахон  назар ба дигар генералҳои ин режим бо ин қадар камбудиҳояш боз тозатар аст. Мисолҳо хеле зиёданд, нисбати генералҳои  ин ҳукумат. Чи хеле худи Раҳмонов мегуяд  «фаромӯш накунед, ки ман шуморо аз оғилу замини саҳро оварда лампас пушонидаам»,дар ҳақиқат ҳамин тавр ҳам ҳастанд.

Ҳошим Каримов кидат шудааст

Аммо, ҳоло вазъияти Ҳошим Каримови наркобиотик -партнери бизнеси доруи Ашраф Гулов -шавҳари Парвинаи духтари Эмомалӣ Раҳмонов, сафири Тоҷикистон дар Туркия хеле бад шудааст. Ашраф ӯро дигар барои идомаи тиҷорат ба Туркия даъват намекунад ва дар дорухонаҳои Тоҷикистон ҳам сару садоҳову овозоҳо бо суръати бод паҳн шудааст,ки доруҳои аптекаҳои уротеппагӣ «фалшивий» будааст ва барои ҳамин як бора фурӯши онҳо ба замин задааст. Қабл аз омода намудани ин матлаб як назарсанҷӣ дар чанд минтақаҳои кишвар, ки онҷо доруфурӯшиҳои Ҳошим Каримов буданд ё баста шудаанд. Пурсидем чихел баста шудаанд, оё касе болояшон фишор овард,ки баста кунанд? Дар посух гуфтанд,ки на мардум фаҳмиданд,ки доруҳои муҳлатгузашта фурӯхта мешаванд касе харидани намеояд ва дигар худашон маҷбур ба бастани онҳо шудаанд. Яъне матолибу барномаҳои “Ислоҳ” мисли соиқа нашру паҳн мешаванд ва мардум хубро аз бад ва зарарро аз фоидаашон ташхис мекунанд.

Поёни бахши дуввум, идома дорад ва то шаш матлаб тақрибан омода ба нашр аст.

Ps: Феълан чанд маълумоти ҷонибӣ аз амалҳои Ҳошим Каримов ба “Ислоҳ” расидааст. Маълумотҳои ҷолиби дигаре аз Ашраф Гулови додмод пошо ва ваҳшату изтиробҳои ин сафири Кабир,ки хело ҷолибанд.Инчунин аз генерал Ҷурахон Зоиров вале онҳоро бояд тасдиқ намоем,ки то чи андоза сиҳат доранд. Барои мисол як маълумоташ чунин аст: “Доруҳое аз Русия ба Тоҷикистон ворид мешаванд қисме аз он дар дорухонаҳои худи Ҳошим Каримов тақсим ва фурӯхта мешаванд ва қисми дигараш ба дорухонаҳои “Сифат-Фарма»и Парвина ва Ашраф Гулов ворид мешаванду фурӯхта мешаванд. Агар ин ҷиноят тасдиқ шавад хело мудҳиш аст. Доруҳои муҳлатгузаштаро духтар ва домоди “Пешво” ба мардум мефурӯшанд,то пул кор кунанд” Ҳатман пас аз тасдиқ шудан онҳоро низ дар шумораҳои баъдӣ тақдим хоҳем намуд. “Ислоҳ”, то имрӯз ҳеҷ касеро туҳмат накардааст ва ҳама ончи нашр менамоем ҳатман месанҷем ва таъкид мекунем, пас аз он нашр менамоем. Дақиқан ин матлаб ва матолиби баъдӣ ин шо Аллоҳ бо шаклу омодасозии чуноне гуфтаанд “Голевудӣ” тақдими бинандагон хоҳад шуд. Бо “Ислоҳ” бошед, то ҳамаи ин моҷароҳои ҷолибу ҷиноятӣ бештар огоҳ гардед!

Сообщение Ҳошим Каримови «НАРКОБИОТИК «-ро“крышаҳо”яш кидат карданд появились сначала на ISLOH.net.

Бародари азиз Муҳаммадиқбол!! Илтимоси мо ин аст ки ба мо бовар кунед ва напурсед, ки мо кӣ ҳастему кӣ нестем. Агар хоҳед ахбори дақиқ ва ҳақиқати воқеъаҳоро ба шумо менависем, равон мекунем. Мо қасам мехурам, ки дар навиштаҳои мо барои дурӯғ ҷой нест. Ва, бовар дорем, ки онҳоро фақат шумо нашр мекунед. Инро ҳам бояд бигӯям, ки ҳоло барномаҳои шуморо аксарият мебинанд, чи мардум, чи мақомот ва чи дар муассиса ва корхонаҳо. Бароятон барор мехоҳем:

«Дар Тоҷикистон бисёр ҷинояткорони асосиро пуштибононашон аз ҷавобгарӣ дар назди қонун ҳимоя карда, гуноҳро ба сари ягон бечора бор мекунанду хонаи ӯро месӯзонанд.»

Дар хотир дошта бошед соли гузашта як гурӯҳи муташаккили наркобаронҳоро бо сардории  Азизулло Абдуллоев бо тахаллуси Азизи домсоз ва 5-6 нафари шарикаш дастгир карданд. Аз онҳо 500 кг героин ошкор ва мусодира намуданд.  Баъд аз дастгир кардан байни мақомоти қудратӣ хеле ҷангҷолу кашокаш ба амал омад. Ҳама бо як овоз мегуфтанд, ки сағираи хизматиро набояд меқапидем, хизмати ҳамаро мекард. Хостанд ба ивази маблағи калон ӯро дар суд озод кунанд, лекин овозаҳо зиёд паҳн шуда буданд. КДАМ муқобили дастгир кардан буду ВКД муқобили дар ТВ намоиш додан. Як гуруҳ сахт мехостанд, ки дар ТВ нишон дода шавад, то ки ҷомеъа фаҳмад, ки ҷинояткорон беҷазо намемонанд. Лекин то ҳозир мо -кормандони мақомоти қудратиро як ноадолатӣ сахт азоб медиҳад. Сардори асосии ин гурӯҳи муташаккили наркобизнесон, ки дар Маскав зиндагӣ мекунад бори чандум аст, ки аз об хушк мебарояд. Ин одам Диловар Муҳиддинов аз Фархор, хеши наздиктарини генерал Мансур Умаров, сардори Сарраёсати иҷрои ҷазои ҷиноятии вазорати адлия ва дар гузашта ҷонишини аввали раиси КДАМ мебошад. Диловар солҳои зиёд дар Русия зиндагӣ ва худро бизнесмени калон муаррифӣ мекунад. Аммо солҳои дароз кору бори асосиаш фақат наркобизнес аст. Дигар фирмаву бизнесҳояш ба ҳукми «перекрытия» асту бас. Диловар тамоми шарикони худро то як вақти муайян истифода мебарад, баъдан ҳатман ба шиносхои худ, ки ба воситаи Умаров Мансур пайдо кардааст, ба кормандони мақомоти ФСБ- и Русия месупорад. Мансур Умаровро вақте Русия меояд, барои кор ва ё истироҳат фақат ҳамин шахс ҳамроҳӣ мекард. Аз ҳамонҷо ва аз он вақтҳо бо кормандони ФСБ шинос шудааст. Диловар сари зиёде аз тоҷикони муваффақ ва шарикони асосии худашро хурдааст. Ба хотири пулу чизи онҳо, беҳтарин ҷавонмардонро ба фоизҳои калон маблағ дода онҳоро банкрот ва чизҳояшонро гирифтааст. Ӯ фикр мекунад ин рафтору мақсадашро ҳеҷ кас намефаҳмад, лекин вақту соат меояд ва ба ҳама маълум мешавад. Ба сари ҳаммиллатони  худаш ба хотири пули ҳаром шуда, гурӯҳ- гурӯҳ мардуми Кавказро пул дода ба сарашон равон мекунад, лекин худро боз «аристократ» ва «честный» мегирад.

 «Як намуна меоварем. Азизи домсоз солҳои 2000 ҳамроҳи Диловар дар Москва гуё дар соҳаи роҳи оҳан кор мекарданд. Лекин кори асосиашон фурӯши героин буд. Вақте пулҳояшон ба 7-8 миллион доллар расид, Диловар Азизро дар соли 2005 ба мақомоти Русия супорид. Азиз бошад, гуё мардонавор гуноҳро ба гардан гирифту Диловарро нафурӯхт. Лекин Диловар мисли ҳамеша пулҳои муштаракашонро пурра азони худ намуда Азиз ва аҳлу оилаашро фаромӯш кард.»

Баъди 8 соли пушти панҷара, Азиз баргашту омад ва байнашон барои пул ҷангҷолҳои калон рух дод. Боз Диловар Азизро мисли мор ором кард ва ба ҳамкорӣ даъват намуд. Ва ин бор низ бизнеси наркотикаро хуб ба роҳ монданд ва 10- ҳо миллион доллар кор карданд. Ин бор ҳам боз пулҳо дар дасти Диловар монд ва Азиз бошад 30 сол ё ин ки якумра рафт ба маҳбас. Азиз ин маротиба хеле доду вой кард. Нисбати Диловар нишондод дод, лекин СИЗОву зиндонҳо зери назорати кӣ аст, худатон мефаҳмед. Ҳоло дар дохили ҳавлии Диловар ба маблағи даҳҳо миллион доллар мошинҳои Роллс-ройс, Бентли, Мерседесу БМВ-ҳо истодаанд. Корхонаву тарабхонаҳо, ки ҳама бо пули ҳамин бизнес ҳамроҳи Азиз харидаанд. Наркотика ба ҳеҷ кас хурсандӣ наоварда аст ва намеорад.

Чанд соли пеш бародари хурдии Диловар- Баҳромро дар боми «Гостевой дом»-и Москва овехта пайдо карданд. Ин ҷавони 35-36 сола аз тарафи ҳукумати Тоҷикистон директори

«Гостевой дом» таъин шуда буд. Марги ӯ сад дар сад ба бизнеси акааш алоқаманд буд.

Бародари дигараш Ёқубҷон Муҳиддинов, ки сардори пости ноҳияи Спитамени вилояти Суғд буд, баъд аз ба даст афтоданаш бо героин оҳиста аз қисми ҳарбии марзбонон озод карда шуд. Ба гуфтаи наздикони Диловар, роҳбарони мақомоти қудратӣ аз ӯ доимо пулу хонаву мошинҳо тӯҳфа мегиранд, барои ҳамин уро сахт ҳимоят мекунанд. Ин яке аз беадолатиҳоест, ки мо садҳо ин тавр бедодгариҳоро ҳар рӯз

мебинем. Бо 100 грамм меқапанд ё ин ки ба киссааш монда ба 10-15 сол бечора мардуми бесоҳибу бепулро зиндонӣ мекунанд. Аммо касе тонна мефурӯшад ҳаматарафа ҳимояташ  мекунанд. Дар ВКД ҳама медонанд, ки наркобарони асосӣ Диловар аст, лекин то вазири дохилӣ Рамазон Раҳимзода намегузорад, ки кормандони вазорат пайгирӣ кунанд, ин ҳам бошад аз тарси Мансур Умаров аст.

  «Диловар Муҳиддинов 01.04.1970 дар оилаи колхозчии колхози ба номи Карл Маркси ноҳияи Фархор таваллуд шуда, мактаби ҳамин колхозро соли 1987 хатм намудааст. Баъди хатми мактаб дар синни 18 солагӣ ба артиш рафт. Дар шаҳри Владивостоки Русия хизмат намуда баъди ба итмом расидани муҳлати хизмат онҷо монд.»

Барои он ки зиндагӣ дар Фархор хеле вазнин буд. Онҳо оилаи калон доштанд: панҷ писар ва ду духтар. Солҳои пошхӯрии шуравӣ дар Русия низ қариб ҳама бекору бемаош, ҳама соҳаҳо ба ҳазорҳо мушкилот гирифтор буд. Диловар дар як автостоянка ба ҳайси посбон кор мекард. Байни муштариҳои ҳамон стоянка шахсони криминал ҳам зиёд буданд. Бо онҳо шиносоӣ пайдо намуда ба онҳо аз Тоҷикистон кам -кам чарсу ханкаву героин оварда мефурӯхт. Бо яке аз духтарони ҳамин гуруҳ шинос шуд. Духтар ҳомила шуда гиребони Диловарро гирифт, ки бояд ЗАГС кунад. Ёин ки ариза ба милитсия медиҳад. Диловар аз тарс зуд рафта ЗАГС кард ва хамин тавр бо пуррагӣ дар хонаи хусураш зиндагӣ ва фаъолияти худро ҳамчун барига- нашъаҷаллоб давом дод. Охирҳои соли 90 баъд аз конфликти сахт бо муштариҳояш (клиент)10-12 корд дар шикаму думбаву гардан хурдан ба бахши реаниматсияи беморхонаи Владивосток бистарӣ мешавад.

Онҷо тахминан ду моҳ хоб меравад. Сипас оҳиста, аз ҳамаи клиенту партнерҳо пинҳонӣ ба Тоҷикистон меояд. Клиентҳои  дар Владивосток будааш хабардор мешаванд, шабона ба хонаи хусури Диловар омада ӯро мепаронанд,ӯ мемурад. Диловар дигар аз тарс хеле вақт ба Русия барнамегардад. Лекин занаш зурӣ мекунад, ки намехоҳам инҷо зиндагӣ кунам. Аз пушти корҳои ҳароми ту падарамро куштанд.

 «Дар Тоҷикистон баъд аз ҷанги шаҳрвандӣ сатҳи зиндагии мардум бисёр ҳам поин рафт. Тамоми зиндагӣ ба Русия вобаста шуд. Бо бародараш Ёқуб Муҳиддинов маслиҳат мекунад, то ки бизнеси наркотикаро дуруст ба роҳ гузоранду худи вай боз ба Русия баргардад. Аммо ин бор ба Владивосток неву ба Москва. Ҳамин тавр Ёқубро ба воситаи Умаров Мансур, ки он вақт дар ҳайати муҳофизони Эмомалӣ Раҳмонов кор мекард, дар кадом масъулияти Кумитаи марзбонӣ дар ноҳияи Спитамени вилояти Суғд ба кор таъин мекунанд. Инҷо ягона роҳи кушода ба воситаи Узбекистан ба Русия буд.»

Шиносоии Мансур Умаровро бо Диловар, Хушаков (Раҳматов) Қурбон Раҳматович ташкил мекунад. Онҳо ҳама зодаи Фархор мебошанд. Ҳамин тавр тахминан баъди солхои 2003-2005 бизнеси Диловар бо ҳамроҳии Хушаков Қурбон, Умаров Мансур, бародараш, Умаров Фаридун ва Рустам Ҳайитов (Хаммер) то солҳои 2010-2011 хеле пеш рафт. Ин пешравӣ то ба даст афтидани Фаридун ( мулаққаб ба «Пантера)-и бародари Мансур Умаров ва партнёри наркобизнесаш Рустами Хаммер идома кард. Тибқи маълумоти як манбаъи мувассақ дар ин кор Диловар Муҳиддинов даст дорад. Гуё  Путин ба Раҳмонов телефон карда гуфта бошад, ки мақомоти шумо наметавонад як Рустами Хаммерро дастгир кунанд. Ин одам Русияро бо наркотика пур кард. Баъди ин Раҳмонов супоришро шахсан ба Фаттоҳ Саидов медихад, киУмаров ва бародараш шариканд, бояд як коре кунад. Фаттоҳ Саидов давоми ду рӯз Фаридуни бародари Мансур Умаров ва Рустами Хаммерро бо миқдори калони героин дастгир мекунад. Рустами Хаммер зиёда аз 20 сол ҳабс мешавад. Мансур Умаров баъди 2 сол бародарашро аз зиндон мебарорад.

Аммо гап дар инҷост, ки аз Диловар ҳеҷ кас гумонбар нест. Аммо, чуноне гуфтем дар ин кор Диловар Муҳиддинов  даст дорад. Ба гуфтаи худи Диловар вақтҳои охир Хушаков Қурбон  бисёртар аз норозигиҳои Умаров Мансур нисбати «доля» нақл мекарда аст. Диловар, ки аллакай аждаҳои калон шуда буд, намехост ба ягон кас зиёдтар «доля» диҳад. Нақша кашид, ки бародари Умаровро ба воситаи ФСБ ба дасти Раҳмонов супорад ва шояд бо ин восита  Раҳмонов Мансур Умаровро аз тамоми вазифаҳо бигирад. Лекин Раҳмонов ба дасти Фаттоҳ Саидов,-директори Агентии мубориза бокоррупсия, ки умуман ба наркотик сару кор надошт, Фаридуни бародари Умаровро дастгир карда ӯро назди худ забонкутоҳ кард ва ҳалқа  ба гушаш зад. Фаридун Умаров, он вақт капитани милитсия ва ҷонишини сардори бахши ОБНОН-мубориза бо гардиши ғайриқонунии маводди мухаддири Фархор буд. Фаридун Умаров ҳоло ҳам ба қочоқи героин машғул аст. Ҳозир раиси шабакаи барқи ноҳияи Фархор мебошад. Вай бо Ҷамшед Ятимови бародари СС.Ятимов партнери сахт дар бизнеси героинанд. Дар вақташ хеле аз духтарони ҳамдеҳаашро сақо зада буд. Ҳоло бошад духтари калониаш Сабринаро, ки хеле зебо мебошад ҷавонҳои район дастбадаст мегардонанд. Як мошинаи Инвайдери сиёҳи рақамҳояш 1010 дорад. Диловар инҷо тираш хок хурд. Лекин ба гуфтаи худаш репаратсияи (товон) -ҷангро ба воситаи хонаву мошинҳо бо миёнаравии Хушаков Қурбон Раҳматович  супорид ва қасами  зиёд хурд, ки ӯ даст ба ин кор надорад.  Умаров Мансур Диловарро ҳамчун одами наздики худ ба чанде аз кормандони  баландрутбаи ФСБ шинос карда буд. Диловар бошад ин генералҳоро доимо барои нест кардани партнерҳои нолозими худ , то имрӯз истифода мебарад. Мисолҳои зиёд дорем, ки Диловар доимо шарикони  бизнеси худро дар як вақти муайян (вақте ё онҳо дигар пулдор мешаванд ва ё инки ба ҳама маълум мешаванд) ба дасти мақомоти  қудратии Русия месупорад. Баъзеашонро ба ивази маблағҳои калон боз гуё халос ҳам мекунад.

Қурбон Раҳматович як тоҷири беҳтаринро, ки номаш Абдуваҳҳоб (Володя) аст бо Диловар шинос намуда буд. Ӯро ҳамчун шарик- партнёр дар бизнеси як ресторане бо номи «Хайям»- дар шаҳри Москва дар нишонии Ул.2-я Тверская -Ямская 40/3 ҳамроҳ кард. Ин  ресторанро тахминан бо 1,5 миллион доллари Абдулваҳҳоб навсозӣ ва таъмири замонавӣ карда ба кор андохтанд. То сар шудани кор ва ин ҳама пулро сарф кардани Диловар доимо такрор мекард, ки фақат мову худат инҷо кор мекунем, дигар ягон хешу табор нест. Аммо вақте серодам ва сердаромад шуд, Диловар ҳамаи хешу табори худро ба кор оварда занашро ба сари Абдуваҳҳоб сардор таъин намуд. Абдуваҳҳоб хеле тоқат кард. Баъд аз 6-7 моҳ гуфт, ки мо бояд аз рӯи маслиҳати аввалаамон рафтор кунем.  Диловар хашмгин шуд ва баъди 3-4 рӯз гӯё ба участковый пора дода бошад, Абдуваҳҳобро ҳабс карданд. Аз ҳама аҷоибаш ин аст ки ҳамин участковый солҳои дароз омада аз Диловару бародараш Баҳром дар назди Абдуваҳҳоб пора гирифта мерафта аст. Чанд маротиба аз дасти Абдуваҳҳоб ҳам гирифтааст. Баъд аз талаби ҳаққи худ ӯро ҳабс кард. Ду моҳ пас бар ивази додани 200 ҳазор доллар ва пурра даст кашидан ва номнавис кардани ресторан ба номи Светлана  ӯро аз ҳабс боз ҳамин «бечора» Диловар Муҳиддинов озод кард.

 «Мисоли дигар. Дар Душанбе бо як нафари дигар бизнеси муштарак доштанд, ки мебелный салони «Сатурн» аз они ӯ буд. Лекин ӯ бо Диловар асосан дар фурӯши героин шарик ва даромади асосиаш ҳам аз ҳамин ҳисоб буд. Ӯро ҳам дар вақт ва соати лозим ба ФСБ супорид.7-8 сол аст ки дар маҳбаси Русия нишастааст. Тамоми амволи ӯро дар Русия бо ваъдаи озод намудан ба номи ҳамон Светлана номнавис кард.»

Ҳамин Азизи Домсоз ҳанӯз аз солхои 2003-2004 партнёри асосии Диловар Муҳиддинов  буд. Он вақт Азизулло Абдуллоев намояндаи Идораи Роҳи оҳани Тоҷикистон дар Русия  буд. Чуноне гуфтем Азиз ва Диловар он солҳо тиҷорати героинро ба авҷи аъло расонида буданд. Аммо доимо шарти асосии Диловар бо бизнесшариконаш ин буд, ки ӯ бояд сари пул ё ин ки ҳатман кассир бошад. Бо дигар шарт розӣ намешавад, худро хеле ҳам «честный» ва «порядочный» нишон медиҳад. Пул бояд доимо пеши ҳамин бошад, барои он ки гуё ба амонат ҳеҷ гоҳ хиёнат намекунад ва ҳатман чи қадар «недвижимость» бошад,  бояд ба номи Муҳиддинова Светлана Константиновна карда шавад. Ба гуфтаи худаш беҳтарин ва «надёжный» одам, ки ҳеҷ гоҳ фиреб намекунад. Аммо мақсад дигар:-«ҳеҷ гоҳ он чизу чораҳоро аз дасти мо намегиранд».Чуноне гуфтем вақте ҳаҷми даромад аз тиҷорати героин ба даҳҳо миллион доллар расид, Диловар бисёр фикр накарда, тахминан дар соли 2005 Азизулло Абдуллоевро ба мақомоти Русия супорид. Баъди якчанд сол Азизулло фаҳмид, лекин дар маҳбас илоҷ надошт овоз баланд кунад. Барои он ки ҳамаи пулҳо то охирон рубл дар дасти Диловар буданд, ӯ метавонад бо 10-15.000 доллар дар дохили маҳбас проблема ба Азизулло созад. Ҳамин тавр тамоми пули Азизуллоро  аз худ карда ба худ хонаву ҳавливу корхонаҳо  харид ва хизмати Мансур Умаровро ба воситаи Қурбон Раҳматович мекард. Вақте ки Азизулло то охири муҳлати худ дар маҳбас нишаста баромаду ба Тоҷикистон омад, кори аввал пулҳои худро пурсон шуд, хеле ҷангҷолҳову кашокашҳо кард. Лекин дар байн фикр мекунам Зоири домоди Раҳмонов даромада фаҳмонд,ки якҷоя кор кунанду Диловар пулҳои Азизуллоро барқарор кунад.

«Диловар ҳамроҳи Қурбон  Раҳматович ба Азизулло ҳамкорӣ пешниҳод кард ва бо худ назди ҳамаи шиносҳояш бурда ҳамчун бародар муаррифӣ мекард. Ҳамин тавр ин се нафар боз ҳамкориашон дар солхои 2015-2016 сар шуд. Дар ин бизнес ролҳо тақсим шуда буданд. Диловар дар Русия ҷавоб медиҳад, Азизулло дар Тоҷикистон ва Афғонистон ба ӯ дар инҷо Ёқуб ва Тоҷиддин-бародарони Диловар ёрӣ мекарданд. Қурбон Раҳматович инвеститсия мекобад, аз Эрону Тоҷикистону дигар давлатҳо ва бо Диловар аз ҳисоби фоидаҳои ба даст омада корхонаву мағозаҳо дар Маскав мехаранд ва ба сохтумон дар Тоҷикистон маблағгузорӣ мекунанд. Мансур Умаров барои амнияти бизнес ҷавоб мегуяд. Онҳо беҳтарин синдикат сохта буданд, метавон гуфт як империяи бузурги тиҷоратиро ташкил намуданд.»

То охирҳои соли 2021 даҳҳо миллион доллар пул ба даст оварда дар Москва яке аз корхонаҳои лоҷистикии калон, як корхонаи бетонбарории ниҳоят калон, хостел, меҳмонхона ва се -чор хонаи ба ҳашамат, даҳҳо мошини гаронбаҳо:-ролс-ройс, Бентли, Мерседес кубик, Мерседесҳои s класс ва ғайраҳо хариданд. Асоси гап ин буд, ки ҳеҷ кас нияти бас кардан ҳам надошту сер шудан ҳам набуд. Диловар ва Қурбон Раҳматович бо Умаров маслиҳат карда ба хулосае омаданд, ки барои номи худро тоза нигоҳ доштан ҳатман Азизуллоро ба мақомот супоранд ва дертар ба воситаи суд, агар шуд, мебароранд, агар нашавад ҳам ҳеҷ гап не, ӯ зери назорати 24 соатаи Мансур Умаров мемонад. Ҳамин тавр ҳам шуд. Азизуллоро дастгир карданд ва бо роҳи фиреб ҷойҳои героинро муайян карданд ва охир ба умеди Диловару Қурбон Раҳматович ва Умаров ба муддати 30 сол ҳабс шуд. Вақти дар маҳбас буданаш то суд, Диловар ҳар рӯз дар алоқа буд, дилашро пур мекард, мисли пештара, ки ҳама хуб мешавад, ту аз сари суд мебароӣ, фақат аз ҳамон «доля»-и ту 3-4 миллион сарф кардан лозим. Бечора Азизулло ба ҳама шартҳои ин се мошенник розӣ буд. Лекин оқибат худаш танҳо ҳоло дар кунҷи маҳбас монд.

«Дар вақти тафтишот шояд каме шиканҷа карда бошанд, ки номи Диловар, ду бародараш ва Қурбон Раҳматовичро якчанд маротиба Азизулло гирифтааст. Аз рӯи нишондодҳои Азиз оперативникҳои ВКД бародарони Диловар – Ёқубв Тоҷиддинро чанд бор кашокаш карданд. Диловар дарҳол ба Мансур Умаров муроҷиат кард. Умаров бо вазири ВКД ҳама корҳоро тинҷ намуд.»

Диловар бо ёрии Қурбон Раҳматович дар Душанбе  2-3 квартираи калон аз сохтумонҳои нав харида ба худ гарем сохта аст. Қурбон Раҳматович ба воситаи директорони мактабу баъзе студенткахо «конкурс красоты» дар Душанбе доир карда,духтарҳои 16-17 соларо  барои гареми Диловар таъмин мекунанд. Диловар бошад ҳар моҳе як маротиба ба муддати 2-3 руз ҳамроҳи русҳову кафказиҳо омада духтарҳои тоҷики Қурбон Раҳматович омода намударо таҷовуз карда мераванд.

  «Қурбон Раҳматович сабабгори асосии банкрот шудани «Тоҷиксодиротбонк» мебошад. Тоҷиддин Пиров ҳамаи корҳоро ба Қурбон Раҳматович бовар намуда, ки корҳои бонк хуб рафта истодааст, бо карру фарру худнишондиҳиву сафарҳои худ овора, то хабардор шуд, ки бонк садҳо миллион доллар қарздор шудааст.»

Диловар ба Қурбон Раҳматович дар Москва аввал хона тӯҳфа кард. Баъд бонкро ба тамоми корҳои ғайриқонунии худ истифода бурд. Масалан, мактабе, ки дар ноҳияи Фархор  гуё ба миллион доллар пули худ сохта буду дар маросими кушодашавиаш Раҳмонов  иштирок намуд, сад фисад аз пули ҷудошудаи минфин (вазорати молия) ба Тоҷиксодиротбонк буд, поликлиникаи сохтааш ҳам аз ҳисоби бонк, заводи шифербарориаш ҳам аз пули Тоҷиксодиротбонк мебошад. Ва вақти маҳкам кардани қарзҳои бонкие, ки пули зинда гирифта буд, ба ҷояш хонаҳои  сохтаи Бек Сабурро ба 8-10 баробар аз нархаш боло ба ҷойи қарз Қурбон Раҳматович барои Тоҷиксодиотбонк қабул мекард. Масалан хонаи як утоқаи Бек Сабур 40 кв.метр12.000доллар арзиш дошта бошад,бонк аз Диловар ба маблағи100.000 доллар қабул мекард. Ҳамин тавр 4-5 миллион доллари бонк тахмин  дар 200-300.000 доллар бо ёрии бевоситаи Қурбон Раҳматович маҳкам менамуд. Ба гуфтаи Диловар, замоне Бек Сабур дар Москва дар магазину мойкаи Диловар бо ҷияну хешу табораш кор мекарданду якумр аз ӯ қарздоранд. Дар ҳақиқат Диловар телефон мекунад, Бек Сабур байни якчанд дақиқа расида мебиёяд. Ҳамин тавр дар муфлис шудани Тоҷиксодиротбонк Қурбон Раҳматович саҳми калон дорад.

Қурбон Раҳматович, Азизи домсоз бо Диловар дар Москва як ширкати лоҷистикии  калонро соли 2019 аз «Юникредитбанк»-и Русия хариданд. Микдори калони пулҳоро Азизи домсоз додааст, қисми камтарашро Қурбон Раҳматович  аз ҳисоби фурӯши ду самолёти Боинге, ки ба Тоҷиксодиротбонк тааллуқ дошту дар Эрон нигоҳ дошта мешуд, пардохт намуд. Диловар ҳамаи шарикони бизнесашро маҷбур мекунад, ки фақат дар Москва  инвеститсия кунанд. Барои он ки ғасбу тасарруфи молашон дар ин ҳолат ба ӯ осон аст. Бо ёрии мақомоту бо ёрии мардуми кавказихо тоҷиконро тарсонда гирифтааст.

Ногуфта намонад,ки  Диловар ва бародараш Тоҷиддин як бозори сердаромад дар ноҳияи Фархор доранд. Ду ё се  сол пеш бо як гурӯҳи сахти наркобизнесҳо конфликт пайдо карданд. Онҳо омада бозорро оташ заданд. Лекин бародарони Диловар сир фош нашавад  гуфта ба ягон мақомот муроҷиат накарда худашон фавран ва аз сари нав таъмиру тармим карданд…

Поёни бахши аввал, идома дорад бо “Ислоҳ” бошед.

Ps: Хонандаи гиромӣ маълумотҳои ҷолибу хело сиррие аз ин афроде,ки дар оғоз навиштаанд шахсияти моро напурсед вале ҳеҷ туҳмату дурӯғе дар ин маълумотҳое мефиристем вуҷуд надорад ба “Ислоҳ” расидааст. То ҷое шахсияти ин афроди ирсол кунандаро пайдо намудем ва ба кадом клан марбут будани онҳоро низ ташхис намудем. Муҳим маълумотҳояшон дақиқ ва туҳмате дар онҳо нест. Танҳо афроде ҳастанд,ки “ранҷида” аз ин круги Мансур Умаров ва  Диловар Муҳиддинов  мебошанд. Дар мақомоти болоии қудратӣ ифои вазифа менамоянд. Фигурантҳое дар ин маводҳои ирсол шуда дида мешавад, ки воқеан хело ҷолибанд. Тамоми ончӣ фиристодаанд бо мадорик ва аксҳои оперативӣ бо акси шиносномаҳояшон ирсол шудаанд.Дар ин маълумотҳои ирсолшуда барало маълум аст,ки ба фурӯши маводи мухаддир тақрибан ҳама мақомдорони раддаи аввали кишвар даст доштаанд. Албатта ончи фиристодаанд хело ваҳшатнок аст. Тавонистем ,то ин андоза таҳқиқ намоем ва тақдиматон кунем. Ҳатман кормандони тими кории “Ислоҳ” дар вақтҳои муносиб мӯшикофона боқиимаълумотҳоро таҳқиқ менамоянду омода ба нашраш менамоянд. Бояд зикр намоем,ки ин силсила ифшокориҳо то 12 матлаби муфассал тақдиматон гарданд ва тавассути навор ҳам дар  «Ислоҳ-тв» пешкашатон мегарданд…

Сообщение Мансур Умаров ҳомӣ ва сарпарасти гурӯҳи муташаккили “наркобарон” дар дохил ва Русия появились сначала на ISLOH.net.