Дар номаи Душанбе сухан дар бораи марги мармузи Алишер Мирзонабот, раиси собиқи ВМКБ меравад. Муаллиф мутмаин аст ки садамаи нақлиётии Алишер Мирзонабот тибқи нақша ва бо ҳадафи аз байн бурдани ӯ сурат гирифтааст. Муаллифи мо аз Конибодом ба «Ислоҳ» изҳори ташаккур кардааст, ки номаҳои қаблии ӯро нашр кардем ва ба маҳзи нашри номаҳои вай як нафар ГАИшники порахӯрро аз кор дур кардаанд.

 Хабарнигори ҷамъиятии «Ислоҳ»  аз шаҳри Волгогради Русия ин бор зимни мурури сомонаҳои нашрияҳои чопи Душанбе як матлаберо роҷеъ ба вазъияти вахими ба истилоҳ «домсозӣ» дар Душанбе интихоб ва барои мо ирсол кардааст

             Конибодом

Ассалому алейкум бародар Муҳаммадиқболи Садриддин! Умедворам, сиҳату саломат ҳастед. Илтимос ин номаи маро нашр кунед.
Пеш аз ҳама ба шумо ташаккури зиёд мегӯям ва бисёр хурсанд шудам, ки номаи маро дар нашри 357-и «Номаҳо аз ноҳияҳо» нашр кардед ва ҳозир дидам видеояшро дар Ютуб. Бо шарофати ин барномаи шумо ва нашри номаи ман Фирӯзи Сиёҳ аз кор дафъ, яъне озод карда шуд. Вай як кӯдакро бо мошин пахш кардааст ва аз кор гирифтанд. Ҳоло мунтазир мешавем, ки боз ба кор барнагардад чунки дар Тоҷикистон вазифаро ба пул гирифтан осон аст.
Бародар Муҳаммадиқбол як савол дорам. Магар корманди ГАИ ҳақ дорад, ки ронандаро ту –ту гӯяд? Бисёрии ГАИҳо ва милисаҳои имрӯза ронандаҳоро ту гуфта муроҷиат мекунад. Баъзан мо умуман лафзшонро намефаҳмем. Пеш ГАиҳо ҳам бо эҳтиром ва шумо гуфта муроҷиат мекарданд.
Дар Конибодом 4 ГАИ буд:- 2 нафараш нест шуд- якеаш Фирӯзи Сиёҳ, дуюмаш Акрами Кал
Ҳозир 2 ГАИ ҳаст. Ин ГАИҳо бо инсоф ҳастанд, пора намегиранд, протокол менависанд, албатта баъзан пул мегиранд, агарки худамон маҷбур кунем. Боз як ГАИшники нав пайдо шудааст, мошинаш Лексуси сафед, рақами қайди давлатиаш 0006, сиёҳшиша, ин ҳам порахури ҳаром аст.
Ҳозир боз региони 10 падо шудааст, региони 10 ин нав аст. Ин региони Душанбе 10, боз 01. Региони Вилояти Суғд 20 ва 02 мебошад. Боз региони 30 баромад, аз вилояти Хатлон. Ин регионҳо нав мебошанд. Ба фикрам дар соли 2025 баромаданд.

 Ман боз гуфтаниам, ки Ҷеки Ҷан-Рамазон Раҳимзода ва СС. Ятимов ГАИҳои Конибодомро назорат кунанд, то порагирӣ кам шавад.
Ташаккур, ки номаи маро нашр мекунед. Худованд ба шумо қувват ва дар корҳоятон барор диҳад.

           Душанбе

Ассалому алайкум бародар Муҳаммадиқболи Садриддин!

Системае, ки аз давраҳои СССР, ки Лаврентый Берия дар КГБ сохта буд, то ҳол дар баъзе давлатҳои пасошуравӣ боқӣ мондааст. Хусусан дар Тоҷикистон. Алишер Мирзонабот, раис собиқи ВМКБ ҳам қурбонии ҳамин система шуд. Албатта, то Алишер ҳазорҳоро чунин карданд, ки ин навигарие нест.

 Алишер Мирзонабот моҳҳои охир дарк кард, ки чи қадар хатоиҳо ва номардиҳоро таҳти дастури СС Ятимов иҷро кард.

Алишер Мирзонабот бо чанд нафар аз собиқ кормандони замони КГБ вохуриҳо гузаронида буд ва мехост фаҳмад, ки дар ҳақиқат маълумотҳои КДАМ метавонанд сохта бошанд чун дар МВД? Чунки дар мактаби КДАМ тарбия мекунанд, ки дар КДАМ маълумотҳо дақиқ ва бебаҳсанд.

 Мирзонабот оиди он ҳолатҳо, ки метавонист дар дохили нафароне, ки шоҳроҳро бастанду талабҳои бо роҳбарияти давлат вохуриро карданд, кормандон, резидентҳо ё инки агентҳои хобидаи КДАМ буд, ки специално мардумро аз қафои худ ба бетартибиҳо бурданд? Умуман Алишер Мирзонабот ҳафтаҳои охир саволҳои зиёдро ҷавобҷӯӣ мекард.

Бояд Алишерро як хафта пештар якнима мекарданд, аммо аз сарчашмаҳои КДАМ хабар расид, ки Алишер Мирзонабот як хислат дошт, ки ҳамаи гапу корашро бо ҳамсараш мегуфт:- дар хона, сари дастархону танҳоӣ. Барои ҳамин интизори якҷо будани онҳо шуданд. Алишер Мирзонабот хеле зиёд маълумотҳои вазнин барои шикасти ин режимро дошт ва медонист. Барои ҳамин команда сразу дода шуд, ки тезтар аз байн бурда шавад..

Ронандаи ӯро масмум карданд. Саме, ки баъди муддати муайян фалаҷ ва ҷисмро корношоям мекунад.

Дар аввал ин фикрро доштанд, ки болои худи ҷавонҳои бадхшӣ кунанд. Аммо ин нақша боварбахш набуд, аз баҳраш гузаштанд.

Ҳоло маълум нест, ки курсии муовини раиси Маҷлиси миллӣ ба дӯши раиси ВМКБ вогузор мешавад ё хайр. Инҷо бояд бадахшӣ бошад.

Хуллас, бо вуҷуди ин ҳама хизматҳо ба режим ва хиёнатҳо ба мардуми худ (ин вилоят худмухтор аст ва аз ҳар лиҳоз аз Суғд ва Хатлон фарқ дорад)  мавриди шак ва гумон қарор гирифт.

Нақшаҳое дигар барои Помир дар сар доранд, нақшаҳое хатарбор. Гуё мехоҳанд, ки бори дигар дар Помир як хунрезӣ барпо кунанд. Аммо ин навбат Алишер Мирзонабот розӣ нашдудааст.

Овардани Шарифхон Сафарзода, ки помирӣ нест дар ҷойи Алишер  Мирзонабот ба хеле аз шаку шубҳаҳо, ки Алишер Мирзонабот тасодуф кард ё ин як кори сохта ва нақшаи қаблан тарҳрезишуда буд, равшанӣ андохт.

Як нафари бисёр ҳам шинос бо ронандаи Мирзонабот гуфтааст, ки вай профессионал буд ва дар он ҷо, ки гуё мошинаш авария кардааст, имкони пеш омадани чунин ҳолат кам аст. Ронанда дар онҷо на ба он суръате меронад, ки дигар натавонад аз уҳдаи идораи рули мошин набарояд.

Фосилаи ҳошияи роҳ ва ҷарӣ, ки мошин сарозер шудааст, низ кам нест ва то ҷар шудан саддарсад имкони бо тормоз нигоҳ доштани мошин вуҷуд дошт. Аммо чаро ин тавр нашуд. Чунки ронанда, ки заҳр хӯрда буд, то садама дигар аз ҳуш рафта ва пояш, ки дар газ буд, дар ҳамон ҳолат мошинро то ҷарӣ ронд. Зеро аз ҳуш рафта ва дар дами марг ва ё ҳатто то сарозер шудан мурда буд.

Чи хеле ҳам набуд ҳодисаи садамаи Алишер Мирзонабот як автоаварияи оддӣ набуд ва он таҳти таъсири омили беруна сурат гирифтааст.

           Волгоград

Ассалому алайкум бародар Муҳаммадиқболи Садриддин! Масъала ва мушкилоти домсозҳо ва сокинони пойтахтро «Ислоҳ» низ чанд маротиба дар миён гузошт. Ин бор ман аз «СССР» як матлаби хуберо дар ин бора интихоб намудам. Муаллифони ин навишта Ҷамила Ҳусейнова ва Омирона Достиева мебошанд ва ин матлаб таҳти унвони «Ширкатҳо ва домсозҳои фиребгар киҳоанд» рӯзи 24.07.2026 дар сайти ин нашрия мунташир шудааст.

Ин матлаб васеъ аст ва ман мухтасари онро пешкаш карда ва сипас фикру ақидаи худро баён медорам.

Инро бояд бигӯям, ки худи кормандони ин нашрия, чуноне аз ин матлаб бармеояд аз дасти яке аз чунин ширкатҳо фиреб хӯрдаанд. Дар матлаб дар ин бор чунин гуфт мешавад: «Бояд гуфт, ки ширкати машҳури «Тибби Суҳайб», ки чанде аз кормандони редаксияи газетаи СССР муттаассифона аз он хона харида, фиреб хӯрдаанд, ба рӯйхати сурхи Сарраёсати меъморӣ ва сохтмони шаҳри Душанбе шомил аст ва Худо медонад, ки мушкилашро бо мардум кай ҳал мекунад».

Ин нашрия аз қавли мақомоти меъмории Душанбе феҳристи ширкатҳои домсозро, ки шаҳрвандонро фиреб карданд, овардааст, ки аз ин қарор аст:

Рӯйхати сурх (сиёҳ)-и ширкатҳо ва домсозони мушкилдор дар шаҳри Душанбе

Негматова 3.У. № Қарор: 683-2013

Самизода Ҳ. № Қарор: 371-2014

Ҳабибов Ф.М. № Қарор: 160-2017

Садулоев М.А.№ Қарор: 617-2018

ҶДММ «Аюб-2010» № Қарор: 107-2020

ҶДММ «АСМ Сохтмон» № Қарор: 131-2020

ҶДММ «Тибби Суҳайб» № Қарор: 134-2020

ҶДММ «Муҳандис-2014» № Қарор: 214-2020

ҶДММ «Захира-2004» № Қарор: 220-2020

ҶДММ «Шерозӣ Плаза» № Қарор: 620-2020

ҶДММ «Зарҳам» № Қарор: 669-2020

ҶДММ «Нахустманзил» № Қарор: 691-2020

ҶДММ «АБР-Текстил» № Қарор: 692-2020

ҶДММ «Раҳмон-2016» № Қарор: 693-2020

ҶДММ «Бинокор 2016» № Қарор: 59-2021

ҶДММ «Ҷамол ва Басир» № Қарор: 79-2021

ҶДММ «Соҳиб Дуст» № Қарор: 310-2021

ҶДММ «Тоҷ Экспорт ЛТД» № Қарор: 480-2021

ҶДММ «Оби Ҳаёт» № Қарор: 645-2021

ҶДММ «Маҷро» (ҶДММ «Сад Нур») № Қарор: 153-2022

ҶДММ «Пойтахти Диёрам» № Қарор: 169-2022

ҶДММ «Абдураҳмонстрой-2014» № Қарор: 170-2022

ҶСП «Холдинги Осиё гурӯҳ Тоҷикистон» № Қарор: 171-2022

ҶДММ «Бохтар Созанда» № Қарор: 415-2022

ҶДММ «Шаҳри зебои мо» № Қарор: 423-2023

ҶДММ «Қудрат 2010» № Қарор: 432-2023

ҶСК «Ориёнбонк» № Қарор: 654-2023

ҶДММ «Азизи сохтмон» № Қарор: 69-2024

ҶДММ «Васли Моғиён» № Қарор: 265-2024

ҶДММ «Бурҷи Пойтахт» № Қарор: 402-2024

ҶДММ «Сохтмон-2017» № Қарор: 524-2024

ҶДММ «Акбар-сохтмон» № Қарор: 593-2024

ҶДММ «Саноати Кухкорӣ» № Қарор: 594-2024

ҶДММ «Баракат 2013» № Қарор: 718-2024

ҶДММ «Душанбе Хуррамшаҳр» № Қарор: 804-2024

ҶДММ «Ромис Гурӯҳ» № Қарор: 8-2025

ҶДММ «Муосирсоз» № Қарор: 9-2025

ҶДММ «Дурахшон иншоот» № Қарор: 10-2025

ҶДММ «Мероссохтмон» № Қарор: 127-2025

ҶДММ «Капитал АА-2014» № Қарор: 129-2025

ҶДММ «Ҷилои Душанбе» № Қарор: 131-2025

ҶДММ «Басит» № Қарор: 132-2025

ҶДММ «Ободкори диёр» № Қарор: 182-2025

ҶДММ «Болошаҳр З» № Қарор: 183-2025

ҶДММ «Строй Центр» № Қарор: 228-2025

ҶДММ «Насли Дурахшон» № Қарор: 262-2025

ҶСП ТАҚХ «Ҳумо» № Қарор: 263-2025

ҶДММ «Иқбол 2006» № Қарор: 302-2025

ҶДММ «Рангинкамон» № Қарор: 303-2025

ҶДММ «Бахт 2005» № Қарор: 304-2025

ҶДММ «Тоҷик муосир сохтмон» № Қарор: 351-2025

ҶДММ «Агро Россия Тоҷикистон» № Қарор: 352-2025

ҶДММ «Фируз Маҳмад Иншоот» № Қарор: 353-2025

ҶДММ «Байтулло сохтмон» № Қарор: 426-2025

ҶДММ «Калипсо» № Қарор: 427-2025

ҶДММ «Тоҷ Манор» № Қарор: 428-2025

ҶДММ «Қудрат 2010» № Қарор: 429-2025

ҶДММ «Қудрат 2010» № Қарор: 430-2025

ҶДММ «Қудрат 2010» № Қарор: 431-2025

ҶДММ «Сохтмони Бародарон» № Қарор: 679-2025

Дар ин матлаб тазаккур дода мешавад, ки чанде аз ширкатҳои домсоз ҷарима кард шудаанд: «Бино ба маълумоти Кумитаи мазкур, дар нимсолаи аввали соли 2026 дар Тоҷикистон 3 770 ҳолати риоя нашудани қонун дар сохтмони 1 178 иншоот, ки ба 455 ширкати бинокор мансубанд, ба қайд гирифта шудааст. Аз рӯи натиҷаҳои санҷиш 90 нафар роҳбарони ширкатҳои бинокор ба ҷавобгарии маъмурӣ ҷалб шуда, ба маблағи умумии 300 254 сомонӣ ҷарима шудаанд.

 Воқеан ҳам 300 ҳазор сомоние, ки 90 нафар роҳбари ҳатулкор пардохтаанд, сари ҳар «халтуршик» 3 ҳазору 336 сомониву 15 дирам рост меояд. Аҷаб ҷабре сари «домсозони камбағал», ки дар 1 «ужин» шояд чанд ҳазор доллар харҷ кунанд!!! Оҳ, роҳбарони ширкатҳо аз ин ҷазои сангини Низом Мирзозода, раиси Кумитаи меъморӣ ва сохтмони назди Ҳукумати Ҷумҳурии Тоҷикистон, тарсидаандеее, ки дигар касеро фиребу макр нахоҳанд кард!

Ғайр аз ин, 80 ширкати сохтмонӣ бидуни дарёфи хулосаи мусбати ташхиси давлатӣ сохтмонро оғоз кардаанд, ки нақзи талаботи амалкунанда маҳсуб меёбад».

Ин нашрия менависад: « Рӯзе нест, ки нолаву гилояи мардум аз ситами «домсозон» ё худ ширкатҳои сохтмонии кишвар бар фалак напечад. Ва ҳарчанд масъулин мушт бар сина мекӯбанд, ки ҷилави ину он ширакти сохтмониро кашидаанд, вале суфуфи фиребхӯрдаҳо боз ҳам зиёд мешавад. Мушкил дар чист? «Домсозон» беинсофтарак шудаанд, ё медонанд, ки ба даст ҳам уфтанд, аз нӯги хамир фатир дода, халос мехӯранд?

 Дар сомонаи Memor.pro – Сарраёсати меъморӣ ва сохтмони шаҳри Душанбе, ки манбаи ягонаи расмии иттилоот дар бораи ҳамаи иншоотҳои сохтмони биноҳои баландошёнаи истиқоматии дорои иҷозати расмӣ дар ҳудуди шаҳри Душанбе аст, рӯйхати 352 ширкат ва соҳибкороне, ки бо сохтмони биноҳои баландошёнаи истиқоматӣ машғуланд, нашр шудааст.

 Аз ин шумора 241 ширкат ягон мушкил надоранд, 51 ширкат айни замон дар роҳи ҳалли мушкили худ ва ба итмом расондани сохтмон буда, 60 ширкат ва соҳибкорони дигар дар рӯйхати сурх (яъне сиёҳ)-и Сарраёсати меъморӣ ва сохтмони шаҳри Душанбе қарор доранд. Ба шаҳрвандон тавсия дода мешавад, ки бо ин 60 ширкат ва соҳибкороне, ки даст ба қаллобӣ зада, хонахаронро фиреб карда, бархе дар фирору ҷустуҷӯ қарор доранд, ҳеҷ муомилае анҷом надиҳанд ва интизори ҳукму қарор ва хулосаи мақомоти қудратӣ шаванд. Ҳар вақте, ки ширкат проблемаи худ ва харидоронашро ҳаллу фасл намуда, аз рӯйхати сурх ба рӯйхати сабз гузашт, пас танҳо он замон мумкин аст бо ин гуна афрод шартнома кард.  

«То омода шудани ҳуҷҷатҳои иҷозатдиҳанда, бастани шартномаи ҳиссагузорӣ тавсия дода намешавад!

Низом Мирзозода, раиси Кумитаи меъморӣ ва сохтмони назди Ҳукумати Ҷумҳурии Тоҷикистон бар он ақида аст, ки шаҳрвандон барои ҳимоя аз ҳуқуқҳои худ бояд ба додгоҳ муроҷиат намоянд. – Кумитаи меъмориву сохтмон ба ташхис, назорати сифат, додани иҷозатнома барои сохтмон ва риояи меъёрҳои сохтмонӣ масъул аст. Аммо дар муомилоти шахсӣ кумита иштирок намекунад ва шартҳои қарордод ба салоҳияти ниҳоди мо мансуб нестанд. Масъалаи арзиши манзил, муҳлати сохтмон ва иҷрои уҳдадориҳо ба шартнома миёни тарафҳо, ки дар нотариус ба расмият дароварда мешавад, танзим мешаванд».

Раиси Кумитаи меъморӣ дуруст мегӯяд, ки вай масъули қарордоди миёни харидор ва домсоз нест, агарчи  дар масъалаи худи домҳо ҳам камбуд зиёд аст. Аммо дигар ниҳодҳо ва бахусус худи шаҳрдорӣ бояд ин масъаларо таҳти назорат бигирад то домсозҳо аз сари худ нараванд ва бо муштариҳо муомилаи инсонӣ дошта бошанд.

Дар як навиштаи дигар хондам, ки дар кучаи Айнӣ як ширкати домсоз ,ки қарори сохтмони баландошёнаро аз шаҳрдорӣ гирифтааст хонаи сокинонро бо трактор дар болои сарашон чапа кардааст.

Ин чи гуна мудирият ва роҳбарӣ аст? Рустами Эмомалӣ бояд ба ин кори ин домсоз, ки қарорро бо имзои вай гирифтааст ҷавоб диҳад.

Маълум аст ки барои ҳар як қрор Рустами Эмомлӣ садҳо ҳазор доллар аз домсоз мегирад ба унвони пора. Асли мушкилоти домсозҳо дар Душанбе ҳамин порахӯриву ришвагирии Рустами Эмомлӣ аст.

Агарчи кормандони СССР ҳам аз асли кор бохабаранд вале бо сабабу иллатҳое, ки мову шумо медонем гуфта наметавонанд.

Сообщение Номаҳо аз ноҳияҳо ба «Ислоҳ.нет»№384 появились сначала на ISLOH.net.

Муаллифи нома аз Ашт дар бораи мудохилаи мақомот дар умури мардум шикоят кардааст.

Муаллифи номаи Рашт аз бадкирдориҳои сардори милисаи Навобод навиштааст. Ин милиса мардумро доля бастааст. Надиҳед салафиятон мезанам мегуфтааст.

 Аз Конибодом дар бораи муносибати бисёр бади кормандони милиса бо мардум навишта шудааст. Муаллиф аз мақомоти болоӣ даъват кардааст, ки пеши роҳи ин корҳоро бигиранд.

 Номаи омада аз Нуробод боз ҳам дар бори камфаъолиятии раиси ноҳия Солеҳзода Фатҳуддин шикоят кард ва аз ҷангҷоли байни як муаллим бо бародари як толиба мегуяд.

Номаи омада аз Панҷ дар бораи ҳодисаи сели рӯзи 5 июн гуфтааст, ки аз навиштаҳои расонаҳо фарқ дорад. Ин нафарони зери сел монда коргарони кироя будаанд.

                Ашт

Ассалому алайкум домулло Муҳаммадиқбол! Аз ноҳияи Ашт менависам. Бовар кунед, ки дар ин ватан зиндагӣ кардан рӯзбарӯз душвор шуда истодааст. Ин мақомот ба тамоми кори мардум мудохила карда истодаанд.

Намедонам, ки аз кадом масъалааш сар кунам? Масалан аз дахолати давлат ба номгузорӣ ба навзодон сар кунам ё аз порагирии ГАИшникҳо?

Инро фаҳмидем,ки Эмомалӣ Раҳмонов бо ришу ҳиҷоб, намоз, ҳаҷ,масҷиду мадраса ва мулло, умуман ислом мушкил дорад. Аммо наход давлат ба тамоми корҳои мардум фук  халонад. Тую мотамро ҳам бояд аз давлат иҷозат гирем. Бародар Муҳаммадиқбод ин Эмомалӣ  Раҳмонов худаш ҳеҷ чизе нест. Аллакай тарсидагӣ дида истодаем дар расонаҳо, ки аз хати ниёгон гап задааст. Ба хати форсӣ мегузарем гуфта истодааст. Чун дида истодааст, ки Эрон давлати боқувват аст, вазъияти ҷаҳон чи хел аст худаш дида истодааст. Худаш хуб медонад, ки ин корҳое, ки муқобили Ислом карда истодааст, оқибаташ вой.

Ҳамеша чанд нафар амниятӣ дар намозҳои ҷумъа иштирок мекунанд. Барои чӣ? Чанд нафарро аз масҷид бурда зиндон карда буданд.

Ду- се рӯз шуд, ки ба мошин рафта истода будем. ГАИ дошт. Мошинат неисправно гуфт. Гуфтем куҷояш неисправно. Гуфт подфарник, подстпоники қафо дар нагирифта истодааст. Ронанда мошинро завадит карда боклажкаро дар педали тормоз маҳкам карда монд. ГАИшникро ҷеғ зад, чунки каме дуртар рафта буд. Стопкаи қафо фурӯзон шуд, ба ГАИ нишон дод. ГАИ ноилоҷ ва бо дили нохоҳам, ки сум канда натавонист, ҷавоб дод.

Як нафар аз рафиқонам, ки дар Русия буд соҳиби фарзанд шуд. Хост ба фарзандаш номи дилхоҳашро гузорад. Аммо гуфтанд, ки номи навзод бояд дар китоби номҳо бошад. Хулоса, пул ҳам предлагат карда буд, розӣ нашуданд дар ҷамоат.

 Ин рафиқам чанд рӯзи пеш омад. Гуфтанд, ки номи фарзандатро дигар кун, вагарна шаҳодатнома гирифта наметавонӣ. Ночор шуд, номашро иваз кард.

Ман мехоҳам бо роҳи қонунӣ, бо навиштани шикоят ба Прокуратури генералӣ муқобилияти худро ба ин гуна дахолатҳои комилан ғайриқонунӣ баён созам. Бе ягон ҷангу ҷангҷол, аз роҳи қонун, ки чаро мудохила ба ҳуқуқ ва ҳарими хусусии мардум мешавад?

                      Рашт

Асслому алайкум бародар Муҳаммадиқболи Садриддин. Ин нома кутоҳ ҳам бошад, аммо мушаххас аст. Гап дар бораи сардори милитсияи Навободи Ғарм, ки чанде пеш дар ин вазифа таъин гашт, меравад. Ин сардор мардумро доля бастааст. Мегӯяд, ки «мара раиса, яъне Заррина Идиева дастур додааст. У пеш буд зиндагитон вазбин, ҳозир ҳамат қариб дар Россия ва Қазоқистон магазин дорену бизнесотон зуран. Касе доля намета гузориш метм, ки гурӯҳҳои ифроти кати ҳамкорӣ дорен». Ин началники милиса як мусафедро, ки Холиқ ном дорад ба дараҷае зери фишору таҳдид қарор дода ғам медиҳад, ки давлений зад, бемористон бурданд.

Мусафеди Холиқ ё аз Шуле ё аз Шулмак аст. Камтар молу гов дорад.

Умуман ин милиса мардуми қишлоқҳоро ба дод овардааст.

 Боз гуфтааст, ки «фигр накнен, ки и ҳамара ма тоқа мехрум. Иҷад доляи асосӣ аз раиса аст».

                Конибодом      

 Ассалому алейкум бародар Муҳаммадиқболи Садриддин. Номаи ман аз Конибодом меравад.
Пеш аз ҳама ба шумо ташаккури зиёд мегӯям барои чоп кардани номаи ман дар нашри 357-уми «Номаҳо аз ноҳияҳо». Баъди нашри он Фирӯз мошинашро иваз карда дигар мошин гирифтааст: мерси хокистарранг ойинаҳояш сиёҳ рақамҳояш 0009. Албатта, инро ҳам  аз пули мардум гирифтагӣ. Аз порахурӣ шикамаш дам кардааст. Ин порахурро аз Конибодом дафъ накарданд.

Ба шаҳри худаш дафъ мекарданд, бисёр кори хуб мешуд.

 Дигар масъала. Дар масҷиди Тезгузар бо чашмонам дидам рӯзи ҷумъа 3 ҷавон ба масҷид равон буданд барои намози ҷумъахонӣ. Як нафар милиса бо номи Бахтиёр онҳоро боздошта саволу ҷавоб карда аз роҳашон баргардонд. Чунки онҳо ба синни 18 даромадагӣ набуданд.

   Чанд рӯзи ахир дар Конибодом дар масъалаи риш дар ҷои аввал қарор гирифтааст. Дар сартарошхонаҳо риш гирифтанро манъ кардаанд. Мардум ришашро дар хона мегирад.

Дар парки Истиқлол бисёри бо риш гаштанд. Ба фикрам ё тағашон дар мақомот ё худашон бузанд. Чунки одами одии камбағалро дар кӯча бинанд сраза ришашро метарошанд.

 Як милиса ҳаст номашро намедонам. Мошинаш Нексияи сафеди 3900 ҳаст, региони Душанбе бо 01 мегардад. Худам шоҳид будам,ки як ҷавон сигор мекашид, сарбоз буд. Омад ӯро пурсуҷӯ кард ва баъд отдел буд. Маълум аст ки  дар отдел ягон сум пора мегирад баъд сарашон медиҳад. Ин сумканӣ дигар як кори муқаррарӣ шудааст дар Конибодом.

Дар Конибодом аксарияти учасиковийҳо, милисаҳо аз тарафҳои ҷанубанд. Ягон конибодомиро намебинӣ, ки дар Конибодом  милиса ё учаскавой бошад.

Ин  кормандони милитсия бояд бо мардум ранги одам рафтор кунанд. Аз пушти ранги ҳайвон рафтор карданашон як милисаро дар Хуҷанд бо кордча заданд. Бисёриҳояшон бо занону кӯдакон, пиронсолон муоимилаи безеб мекунанд. Бигзор Фирӯзро аз Конибодом дафъ кунанд, ба шаҳри худаш ба Ашт фиристанд. Аз пули мардум чандин бор мошинашро иваз кард. Боз ба чашми мардум нанамоям гуфта ойинаи мошинашро сиёҳ кардааст. Фирӯз мошинатро иваз мекунӣ, намекунӣ ба ман фарқ надорад- ту дар зери назорати ман ҳастӣ. Аз ҳарому ифлосхӯрӣ  шикамат дам кардааст.
Ба шумо бародар Муҳаммадиқбол ҳазорон ташаккур, ки дар бораи ин лаънатиҳо навиштаҳои мардумро нашр мекунед. Бигзор тафтиш кунанд ин гуна порахӯрҳои ҳаромхурро.

Рамазон Раҳимзодаи Ҷеки Чан куҷоро нигоҳ мекунад ё СС. Ятимов, ё Саидзода Шоҳрухи сабзибадаст, ё Қофлонбой, ё Рустами гунг. Шумо бояд ин лаънатиҳоро тафтиш кунед. Чунки инҳо на барои амният, хубии мардум ва оромии халқ ҳастанд. Фирӯз бо Тойота авенсус 5600, бо 9000 Ҷалилов А. Инҳо мардумро фақат ҳамчун манбаъи сумкоркунӣ истифода мебаранд. Ба давлат ва ба қонун тамоман кор надоранд. Мебароянд аз ронандагон сум мегиранд.

Дар гирду атрофи бозори Конибодом ягон роҳи соз нест. Дар шаҳри Конибодом агар аз Душанбе ё вилоят меҳмон биёяд онҳоро бо роҳи соз мебаранд, аз онҳо пинҳон мекунанд роҳҳои безебро.  
Бародар Муҳаммадиқбол. Дар ин қисмати номаам мехоҳам як қиссаи кӯтоҳи воқеъиро нақл кунам. Инро низ дар барномаи «Номаҳо аз ноҳияҳо» нашр кунед.
Дар шаҳри Конибодом бисёр соҳибкорҳо ҳастанд, ки яке аз онҳо Акмал ном дорад ва бо лақаби Акмали Мерос мешиносанд. Ин шахс бисёр як шахси бе имон аст. Аз даҳонаш ҳақорат канда намешавад. Ба занҳои шавҳардор гап зада онҳоро аз шавҳарашон ҷудо кардагӣ ҳаст бисёриҳояшонро. Бо кормандони худаш низ ба мисли ҳайвон гап мезанад. Дар вақташ ин шахс бо як нафари шинохта бо номи Мансури рэкет ҷураи ҷонӣ будааст, инро ман шунидам. Баъд ӯро подстава карда ба зиндон мефирсонад. Ин молу мулке, ки дорад ҳамааш аз они Мансури рэкет будааст.

 Баъд, вақте замони озод шудани Мансури Рекет наздик мешавад фармон   ва пули калон медиҳад, ки Мансурро дар зиндон кушед ва Мансури рэкетро бо фармони Акмали Мерос мекушанд. Ин номарди Акмал бо Мансури рэкет дар як миз мешишт чой мехӯрд, хӯрок мехӯрд, ҷураи ҷонӣ буд. Вале имрӯз аз пушти молу мулки дунё шуда, медонем, ки арзиш надорад ва ба он дунё бурда намешавад, рафиқи наздикашро кушт. Ҳозир бошад худаш кайфу сафову зинокорӣ карда гаштааст. Чанд бор ба Ҳаҷ рафт -ба хонаи Худо. Аммо Худо медонад ин ҳаҷаш қабул шудааст ё не. Ман боз шунидам, ки шабҳо Акмал соз хоб намекардааст. Ранги маркаб аз Конибодом ба Исфара ва аз Исфара ба Хуҷанд мерафтааст.

Бародар Муҳаммадиқбол, ин номаи маро дар барномаи «Номаҳо аз ноҳияҳо» нашр кунед. Бигзор мардум фаҳманд ва шиносанд, ки Акмали Мерос дар ҳақиқат як қотил аст.

                  Панҷ

Ассалому алайкум бародар Муҳаммадиқболи Садриддин. Дар бораи як ҳодисам ваҳшатнок аз ин минтақа бароятон мегӯям. Навори ин сели ваҳшатнок, ки ҷони одамро гирифт ва ҳатто мошини Камазро печониду бурд дар Тикток ҳаст. Дар бораи ин ҳодисаи мудҳиш Азия плюс ҳам навишт.

Аввал мехоҳам, ки навиштаи Азия плюсро муштариёни «Ислоҳ» бихонанд:

«Дар пайи боришоти шадид ва омадани сел дар ноҳияи Панҷ як марди 52-сола, ки ба кандани сангу шағал машғул буд, ба ҳалокат расидааст. Ҳамчунин, сел ба манзилу киштзори сокинон ва иншооти ёрирасон хисорот ворид кардааст.

Дар ин бора Ориф Нозимиён, сухангӯйи Кумитаи ҳолатҳои фавқулода (КҲФ) имрӯз, 8-уми июн ба «Азия-Плюс» хабар дода гуфт, ки ҳодисаи зери сел мондани марди 52-сола соати 15:40-и рӯзи 5-уми июн рух додааст.

Манбаъ аз фарди ҷонбохта Файзимаҳмад Раҳимов, сокини ноҳияи Ҷалолиддини Балхӣ ном бурда гуфт, ин мард дар дохили яке аз наҳрҳо ба кандану бор кардани сангу шағал машғул буд.

Навори ин ҳодиса ба шабакаҳои иҷтимоӣ роҳ ёфта, таваҷҷуҳи корбаронро ҷалб кард. Дар навор дида мешавад, ки дастикам 4 мошини боркаш ва як «экскватор» дар сел дармондаанд. Маълум нест, ки дар дохили мошинҳо чанд кас буд, вале ба гуфтаи корбарон, ронандагон талош доранд, ки мошинро аз об берун кунанд.

Ҳамчунин, аз КҲФ гуфтанд, сели рӯзи 5-уми июн ба хонаву киштзори сокинон ва иншоотҳои ёрирасон дар деҳаҳои Ваҳдатобод ва Зарбдори ҷамоати деҳоти Намунаи ноҳияи Панҷ зарар расонидааст. Ҳамчунин, 70 гектар замини кишти пахтаи хоҷагии тухмпарварии ба номи Эмомалӣ Раҳмон зери обу лойқа мондааст».

Ҳоло асли воқеа чӣ аст?

Коргарҳо дар даруни чуқурии наҳре бо номи Ҷаркесган ,ки дар ҳудуди ноҳияи Панҷ аст кор мекарданд. Дар ин вақт аз тарафи деҳаи Бурбулоқ-Чашма сел омад. Инҷо асосан мардуми қалуғи Панҷ зиндагӣ мекунанд. Сел аз ҳамин самт омад. Он мардеро, ки сел бурд шофери Камаз аст. Ин одамон Камаз ва экскваторро кредит гирифтагианд. Соҳиби Камаз мурд.

 Ин одамонро началник милисаи Колхозободу Қумсангир (Ҷалолиддини балхӣ ва Ҷайҳун) киро карда овардагианд ба ин инҷо. Инҷо территорияи Панҷ аст ва ин одамон ҷангалро бояд соз кунанд. Бори дигар мегӯям, ки ин одамҳоро началник милисаи Колхозободу Қумсангир овардагианд. Дар инҷо як опел ҳам дар об рафтагӣ Номаълум, ки одамҳои даруни онро ёфтан ё не.   

Ин территория аз марзи Узбекистон сар мешавад. То инҷоро дар ихтиёри Шаҳритуз ва ҳамин се ноҳия мебошад.

                     Нуробод

Ассалому алайкум домулло Муҳаммадиқбол! Боз ҳам аз ноҳияи пуразобу пурмашаққати Нуробод бароятон нома роҳӣ мекунам.

Аз он рузе, ки Солеҳзода Фатҳуддин дар Нуробод раис таъин шуд дар ноҳия порагирӣ баавҷи аъло расид. Муаллим тамоман беқадру эътибор гардид. Барои онки аҳамият намедиҳад. Бо мототсиклаш аз қафои куҳу пушта гашта истодааст. Мардумро фишор оварда истодааст, ки картошка коранд. Коргарҳои давлатӣ дар ҷойи корашон нестанд. Вақте идораи ҷамоат барои як справка меравӣ мегӯянд, ки коргарҳои ҷамоат дар картошкачобуқанд. Як ҳафта мекобӣ намеёбӣ.

Раиси ҷамоат Эшонов аст Очкиҳои сиёҳ дар чашмонаш задагӣ, бригадир шуда  картошкаву пиёз корида гаштааст. Мардум безор аз ин мундуқчаи Солеҳзода.

То ҳатто ин Солеҳзода низ ҷои кораш намеравад. Мардуми Тегирмиро ҳар рӯз ҳашар фарёд карда безор аз зиндагиашон кардааст. Мардум аз дасти ин ҳашарҳои Солеҳзода нимаш Душанбе рафт.

  Ин бузичаи амният Беҳруз бошад бузӣ карда гаштааст дар Тегирми. Беҳруз дар мактаби Тегирми ва дар райони кӯҳна дар ҷамоат кор мекунад. Аммо на дар ҷамоат ҳаст ва на дар мактаби Тегирмӣ, фиреб карда гаштааст, ин бузи амният.

Беҳруз мегуяд агар ман дар амният кор кунам мусафедҳои Тегирмиро аввал ришҳояшонро метарошам, сипас мардуми Лангар ва баъд мардуми Синчитро. Ин мардумонро Беҳруз шум мебинад. Беҳруз беҳад аз мулло алергия дорад. Мегуяд амният кам мекунад ҳамин муллоҳоро ғам медиҳад. Беҳад беимон аст ин Беҳрузи бузичаи Тегирми.

Фатҳуддин Солеҳзода, раиси ноҳия ба ҷойи онки коргарони давлатро гуяд пора нагиред , ҳалол кор кунед, амниятро,6-ой отделро гуяд мардумро ин қадар фишор наоред, онҳоро пуштибонӣ мекунад. Ин Солеҳзода беҳади бад мутакаббир аст. Ба ҷуз аз Рустами Эмомалӣ, гуфтааст, дигар касро ман задагӣ, дигар касро гуш намекунад.

 Солеҳов Қамар бародари раиси ноҳия ончунон кибрноку ҳавобаланд шудааст, ки худаш муаллим аммо аз ҳама худашро калон мегирад.

Вақте Солеҳзода Фатҳуддин раиси ноҳия шуда омад. Чанд маҳал пас падарашро гуфтем муборак бошад писаратон раиси ноҳия шуд. Падараш дар ҷавоби мо гуфт, ки «ҳами Нурободи клетаро доданша саргардонай писарам. Аз раиси ноҳия дида раиси ҷамоат мешуд хубтар буд».

Падараш ин гапро чандин бор ва дар ҳама ҷо мегуяд.

Ҳоло дар бораи як нафар муаллим суҳбатамро аз Нуробод идома медиҳам.

Ин муаллим Муинҷон Раҳимов аст. Як камбағал.

Як нафари дигар ҳаст бо номи Орзуев Миралӣ, ки як камбағал буд. Ин Миралӣ дар райони куҳнаи Нуробод як аптека кушод. Як сол зиёд мешавад камтар пул пайдо кардааст, аммо катагиаш аз руи миллион. Беҳуда намегӯянд, ки «нодида дид ҷошда р..».

  Дар як дарс Раҳимов Муинҷон хоҳари Орзуев Миралиро танбеҳ карда мегӯяд, ки ту харӣ, ки дарс намехонӣ?

 Ин духтарча талабаи синфи 7 мебошад. Ин гап сахташ мерасад. Баъди дарс ин гапро ба акаш Орзуев Миралӣ мегуяд. Миралӣ муаллимро бо мошини як ҷӯрааш мебаранду дар як ҷойи бе одам ва мурданивор мезанад. Мегуяд «модаратро фалон мекунам, падаратро ҳамчунон» ва дар худи ҳаминҷо мекушамат, боз ҷавобатро медиҳам: « ман пул дорам мегӯяд тарафи муаллим Раҳимов Муинҷон».

Ин гап ба директори мактаб Сайраҳмони бачаи тағои Солеҳзода Фатҳуддин мерсад. Сайраҳмон мегӯяд Муинро «хап кун ҳалаш мекунем».

Аммо ягон ток намешавад. Сипас муаллим Раҳимов Муинҷон видео карда ба радиои Озодӣ мепартояд. Эҳҳе, дигар муаллим Раҳимов Муинҷонро аз тамоми корхонаҳо хабаргирӣ меоянд.

  Баъд мудири маориф, директори мактаб, шикамбаи Сайраҳмон меояд: «инҷо чи гап? Ман дарак надорам гуфта гаштааст».

Вақте мепурсандаш, ки чи гап аст? Мегуяд байни талабаҳо нофаҳмӣ шудаст.

Ҳоло Орзуев Миралӣ пулро дар суд додагӣ. Суди ноҳияи Нуробод хомуш аст. Фикр мекарданд, ки ин муаллим камбағал аст ягон шикоят карда наметвонад. Ҳеҷ кас аҳамият намедод.

 Орзуев Миралиро аз хобаш бедор карданд. Боз изо намекашаду мегуяд «ман ҳичиш нагуфтам». Дар ҳоле, ки  бечораи муаллимро нимкушта кардааст. Боз ба гардан намегирад.

 Ин Орзуев Миралӣ пул дорам гуфта гаштаст. 5 шабонарӯз маҳкам карданду тамом Аммо Раҳимов Муинҷонро 1560 сомонӣ штраф карданд. Бегуноҳро боз гунаҳкор мекунанд.

  Ин ҳама аз беҳмиятӣ ва нотавонии раиси ноҳия Фатҳуддин Солеҳзода аст, ки фақат куҳ ба куҳ гашта коргарони давлат чи коре мекунанд, дар муассисаҳои давлтӣ чи гапу хабар аст парво надорад.

Сообщение Номаҳо аз ноҳияҳо ба «Ислоҳ.нет»№367 появились сначала на ISLOH.net.