«И кор шухӣ нест-ай, э мардум. Ҳукумат меёя иҷо, амният меёя, раёсатуш меёя, прокуроруш меёя. Ин ҷо маъракаи чорабинии вазнин мегузара. И кори шухӣ нест-ай, э бародаро. Ба сиёсати давлат бозӣ карда намешава».

Истиқболи гарми мардум аз шумораҳои қаблӣ

Чӣ гуна матолиби «Ледии Ғарм» дар байни сокинони Рашт паҳн гардид

Шумораҳои қаблии «Ледӣ аз Ғарм», ки ба кору фаъолият ва зиндагии Зарина Идизода, раиси ноҳияи Рашт ихтисос дода шуда буд, ҳамчуноне аз куҳистони Ғарм ба мо маълумотҳо расид, дар байни мардум бо истиқболи хеле ҳам гарм рӯ ба рӯ шудааст.

Вокуниши Зарина Идизода: дастури ҷустуҷӯи муаллифон

Амният, милиса ва кормандони муассисаҳо таҳти бозпурсӣ

То ҳамин имрӯз дар ҳама гуна маҳфилу маҷлисҳо сухан ва суҳбат аз «Ледии Ғарм» меравад. Худи «Ледии Ғарм» ҳам, сахт таҳти таъсири ин навишта монда ва ба тамоми мақомот дастур додааст, ки муаллифони ин номаҳоро пайдо кунанд. Даҳҳо нафар аз сокинон, ба шумули омӯзгорон, табибҳо, ҳатто кормандони военкомат ва бемористонҳоро ба амният ва отдели милиса бурдаанд. Чандин нафар аз кормандони худи ҳукумати ноҳияро ҳам таҳти шубҳа қарор додаанд.

Нақшаи нав: такрори «сафарҳои корӣ»-и Ҷаноби Олӣ

Сафар ба деҳаҳо, буридани лента, сурудхонӣ ва рақси иҷборӣ

Баъди нашри ин мақолаҳо Зарина Идизода барои худ «нақша-чорабинӣ» кашида ва бо баъзе аз раисони ҷамоатҳо маслиҳат ва ба ин хулоса расидааст, ки корҳои Ҷаноби Олиро такрор кунад. Яъне ба деҳаҳои гуногуни ноҳия «сафарҳои корӣ» анҷом диҳад ва «иншоотҳои ҷашнӣ»-ро бикушояд ва барои ин ӯро айнан, мисли Ҷаноби Олӣ пешвоз гиранд ва дар пешаш рақсу бозӣ ташкил намоянд, кудакҳову талабаҳо суруд хонанд, мусафедҳо дуъои ҷондарозиашро кунанд. Ва ӯро (махсус таъкид кардааст, ки ҳамин тавр гӯянд: «ободкор, пайи қадамаш бобаракат, Ҷаноби олии Ғарм»).

Иштироки мардуми Навдию Ҳалқарф дар «Рӯзи Президенти Ғарм»

Чӣ тавр истиқбол ба намоиши расмии Кулобу Рӯдакӣ монанд шуд

Ва як чунин вохӯрӣ ва ифтитоҳи иншоотҳои ҷашниро дар рӯзи 16 ноябр-Рӯзи Президенти Тоҷикистон (ба гуфтаи Зарина Идизода-«Рӯзи Президенти Ғарм») дар ҷамоати Навдӣ, деҳаи Ҳалқарф баргузор кард. Чуноне аз наворҳо бармеояд, дар ин мулоқот вайро пирони ришсафеду кудакҳо айнан мисли истиқболи Раҳмонов пешвоз мегиранд ва ӯ курта-курта гӯшт гирифта истодааст.

Аммо, дар ин номае, ки дар поён мутолиа мекунед, сояҳову пасманзарҳои ин вохӯрӣ хеле ҳам ошкоро рӯшан мешавад, ки барои пешвози ин Ледӣ мардуми дар куҳистони сард ва зимистонӣ ва торики ҷамоати Навдӣ чӣ харҷу масраф ва азобҳо кашидаанд. Ҳоло ин номаро мутолиа кунед.

       Нома аз Ҳалқарф: овози мардуми азобкашида

Эътироз бар зидди маҷбуркуниҳо ва қаллобии раиси деҳа Тоҳиров Файзиддин

Ассалому алайкум, устод ва муборизи роҳи ҳақ Муҳаммадиқболи Садриддин. Ин номаи ман аз Ғарм-ноҳияи Рашт, ҷамоати Навдӣ, деҳаи Ҳалқарф дар бораи раиси ин деҳа Тоҳиров Файзиддин бо лақаби «флис» мебошад. Ин раис чоплуси №1 аст. Мегуфта бошӣ, «Заринаи Ледӣ очаи роднойаш бошад».
Рӯзи 16 ноябр, ба гуфтаи ҳамин Файзиддин Тоҳиров, «Рӯзи пешвои муаззами миллат», Заринаи Ледӣ ба қишлоқи мо омада буд. Як моҳ пешакӣ тайёрӣ диданд барои ин «меҳмони олиқадр». Аз 29 кас 200 сомонӣ ва боз аз чандин нафарони дигар 100 сомонӣ ҷамъ карданд. Як одамро ош фармуданд, якеро себ, якеашро каду, якеро мурғ, хулоса мевагиҳо, аз ҳамаи чиз, ранги Эмомалиро мекунанд, барои ин Ледии Ғарм ҳам ҳамон тавр карданд. Ба Худо, бародар, мардум безор шудаанд аз ин раиси қишлоқ. Ҳамчунон буз аст, ки то «бас» гуфтан. Ягон гапро агар ба соатҳои шом ё бегоҳ шунид, то рӯз бедор меистад, ки чӣ тавр зуд раваду бузӣ кунад.
Як гап мегӯӣ, номи амниятро мегирад ё таҳдид мекунад, ки «ба назди участковый медарорам, ҳамаатонро ҷарима мекунад: ба сиёсат кордор нашавед». Ё ҳозир мардум худашон мактаб рост карда истодаанд, меояду мегӯяд, ки «тезта ростуш кнен, бо ай боло фармон нашава, ҳар гапмон бган». Мардум худашон 2-ошёна мактаб месозанд. (Ҳамаи аксу наворҳоро бароятон мефиристем, ҳамааш бо «факту доказателство».) Ман ба ин раис хитоб дорам: аз омадани Заринаи Ледӣ чӣ беҳбудиҳо шуд? Барои чӣ аз шӯъбаи маориф ва ҳукумати ноҳия барои сохтмони мактаб ёрдам намекунанд? Мо шароит надорем, ки мактаб бисозем, бо ин маош. 1100 сомонӣ чӣ маош аст? Панҷ фарзанд дорам. Барои чӣ мардуми камбағалро маҷбур мекунед, сум супоранд? Як бор пешниҳод намекунӣ, ки аз тарафи давлат ёрдам кунанд. Боз воҳима мекуниву лоф мезанӣ, ки «номи Ҳалқарфро мебардорам». Туро раиси ҷамоат ва амният истифода бурда истодаанд: «Мега, бояд мо яхеле райисара пешвоз бгирем, ки хурсанд биёя, хурсанд брава. Ягон проблематон шид, тезтар райиса ҳалш мена, барои и бояд номи деҳара боло бардорем дар райён».

Ба Худо, бародари мубориз, ягон қишлоқ ранги қишлоқи мо тарсу нест. Дигар қишлоқҳо задагианд и Ледиро. Вале дар мо бошад раис маҷбурӣ номҳои мардумро менависад: «ту и чиза меёрӣ, ваяш дига чиз». Мардум безор шидагиян. Ҳами бина, камтар шароитат 50 фоизаҳай да группа номта мегира, мега: «1 камаз рег ё 100 халта семент биёр ва як дуъо ранги Раҳмонов метия» ба ҳамин халос.
Дар 1 моҳ 2 бор маҷлис баргузор мекунанд ва гап фақат «пешвои миллат»: «меган, мардма чанқаи тонистейсан, ба ҳар намуд кор тарсондейсан, оқибаташ ба хайр боша».

Ва акнун дар ин қисмат, ба унвони далел ва мадорики мувассақ, феҳристи афроди барои ҷашни пешвози Идизода Заринаи Ледӣ аз Ғарм спонсорӣ карда ва корҳои анҷомдодаи раиси ҷамоат ва бархе аз чоплусонро пешкаш менамоем. Супориши сахт ин будааст, ки то расидани пойи Заринаи Ледӣ ба Ҳалқарф ҷуқуриҳои роҳ ҳатман ҳамвор ва муҳимтар аз ҳама маъракаи обунаи маҷбурӣ, бо чӣ қимате бошад, барои «Оинаи Рашт» ба анҷом бирасад. Ин ҷо эълони обунаи маҷбуриро дар ин ҷамоат барои ин нашрия пешниҳод менамоем:

Ҳамаи номи «хайрхоҳон»: рӯйхати маблағу туҳфаҳои иҷборӣ

Аз телевизор то 2 пачка пиёла -хароҷоти боркардашуда бар дӯши мардум

Эълон:
120 с супоред
35 с «Оинаи Рашт»
100 с мактаби №84
500 с мактаби №84
ҷамъбасти соли 2025-12-03 қарздор нашавед.
аз деҳа Ҳалқарф

Муҳр. Тасдиқ мекунам, раиси ҷамоати д. Навдӣ (имзои раис) Тоҳиров Файзиддин:

Рӯйхати Обунаи «Оинаи Рашт» барои соли 2026 дар ҷамоати деҳоти Навдӣ

номгӯи деҳа      шумора     маблағ         шахси масъул

1.Навдӣ               162              11340            Хидирова Ф

2 Қалъаи шайх   51               3570               Бегов К

3 Қалъаи махсуд 28               1960              Хидирова Ф

4 Кулло                 68               4760               Бегов К

5 Кочон                 125             8750               Убайдулоев Г

6 Ниширён           50              3500                Гулов С

7 Бедак                   126            8820                Убайдулоев Г

8 Ҳалқарф             98              6860                 Мирзоев Х

9 Ғарми боло        80              5600                 Алимова Д

10 Навбунёд         10                700                  Барфакова П

Ҳамагӣ                  796              55720

Ва, ана, акнун феҳристи афродеро, ки барои маъракаи пешвозгирии раиси ноҳия Зарина Идизода сум партофтаанд. Ин сумҳоро (ҳоло поинтар мехонед) барои дастурхон ва низ туҳфаҳо ба баъзе аз нафарон, ки аз номи раис тақдим карда шуд, аз аҳолӣ базӯрӣ гирифтаанд:

Бекмуродов Муродбег +200 с

Асов Наҳибулло +200 с

Ғиёсов Аҳсан +200 с

Асоев Мирзо +200 с

Азизов Далер +200 с

Аминов Ҳабибҷон +100 с

Муродов Иззатулло +100 с

Латипов Ҳандулло +100 с

Содиқов Иброим +300 с

Қандаков Нодир +400 с

Фаёзов Собирҷон +200 с

Маҳмадонов Сунатулло – хона бо хурок, гулҳо

Мирқурбонов Абдуқадим – телевизор

Қадриддинов Нажмӣ – 2 комплект набор чойпиёла

Қадриддинов Аскар – 4 пачка шарик ранга

Сангинов Ҷамшед – 1 пачка набор чойпиёла

Ғиёсов Хайридин –

Аҳмадов Муминшо –

Аҳмадов Мирзошо +100 с

Мирзоев Сабоҳидин –

Сангинов Атохуҷа –

Муборо Ҷиёдулло –

Маҳмадонов Хисрав Ҳ. –

Аюбов Ҷовидон –

Нозилшоев Хисрав –

Нозилшоев Қурбон –

Насирдинов Диловар –

Аҳмадов Мирзомурод –

Мирзоев Иҳромидин +2 пачка набор чойпиёла

Аминов Сахиҷон –

Ва, акнун, ба ҷолибтарин қисмати ин навиштаамон омадем. Ин ҷо навори суҳбати се нафар аз масъулони ҷамоати Навдӣ пешкашатон мешавад.

Се навори фошкунанда: чӣ тавр масъулон мардумро дастур медиҳанд

Фош шудани суханони раиси ҷамоат ва гурӯҳҳои ҷавонмардон

Навори аввали суҳбат, ки матнашро мутолиа мефармоед, чунин аст:

«Салом алейкум, раисои муҳтарам. Ина ситод баргузор гашт вайда, зали мақомотда оиди Рӯзи президента ҷашнгириш. Ҳамаи мову шумора лозим меояд, ки мо дар ҳудуди ҷамоат иншоотҳои ҷашнӣ дорем барои Рӯзи пешвои муаззами миллат. Дар деҳаи Ҳалқарф се иншооти ёрирасонай, мағоза, сартарошхона, баъд чупаки одамгузар. Ҳаминора мо бояд кушодакунӣ кнем.

Мардуми деҳаи Ҳалқарф як иқдоми бениҳоят хуб гирифтагианд пешвози муҳтарам раиса қати роҳбарои ташкилоту муассисаҳо, ана рӯзи понздҳум (ноябр) ҳамунҷа ҳамзамон ай баъд мегем, ки вақту ҳамачии муайян рӯзи чимонам мо баргузор мегардонем ҳунарманди беҳтарину хуштомани беҳтарину ҳамин хели ҳолатҳо мешава. Ҳамира илтимос, хоҳиш ана фаъол бошен, мардуми ҷамоати Навдӣ, шахсан деҳаи Ғарми боло, Ҳалқарф. Акаи Файзиддин, ҳами саломи мора ба мардуми деҳадоритон брасоне. Хоҳиш, илтимос мекунем, ки да ҳамин хел рӯзои ҷашнӣ дар бари худут, шахсан дар бари мо истодагарӣ кунад, ки меҳмоно меёян, айб нашавад, ки бениҳоят ҳамин баъзе масалаҳое ҳаст, ки то имрӯза ҳалли худшона ёфтагӣ нестан дар мо. Деҳаи Ҳалқарф ҳаминора бартараф кунем, ки баъде, ки омадан, хай меҳмонои олиқадр ягон камбудӣ набошад. Ай сафеду тоза кардани биноҳои ҳамин назди иншоотҳои ҷашнӣ.

Баъд ай рафти қабулам мардум меган, ку дарку масъулияти баланд дошта бошанд. Илтимосу хоҳиш, ҳамин чии мора, талаботи мора ба деҳадориҳо шахсан, ба акаи Файзиддин, ба акаи Беҳрӯз ана ба чи брасонед, ба мардуми деҳадоритон, ба гурӯҳи деҳадорӣ ҳаст. Илтимос, як коре кунан, ки да як сатҳи хуб бгзаронан.

Баъд мақсад, бо ба ҷои ифтитоҳамон бо камбудиҳо дарди сар накнем ба худмонам, барои ки баъзе ҳаст. Мегум, ки чизое то ҳозира ваё ба талаботи меҳмонои олиқадр ҷавоб намекунанд. Ай қабили кумрову баъд дига рафтагӣ, уна у иншоотои гуфти гапо, ки ана масалаҳои сохтмониву ҳаминора, хай вай охи раҳай. Роҳ роҳи давлатай, да бари вай ту масолеҳи сохтмонита рехта, ҳишки намегуяд, ки наёр, биёр, бмону, неки бо бар. Вая, аку ба даруни ҳавлита меорӣ, баъд ёки намерезиш, гуфти гапо биги, ай ҳаму роҳ бераҳааш кун, охи. Сад меҳмон мегзара, сад камбудиву сад вай меша, да ҳамун роҳ монеа эҷод шуда истодаанду ҳамиё, ба талабот ҷавобгӯ нестан ина ҳамиё. Мардум бе ягон зӯраворӣ мо ягон чи вай надорем. Бояд ҳамин рушди деҳот дар маҳал боша.

17 моҳи март буд дар Данғара майлис гузарондан пешвои муаззами миллат деҳаи беҳтарин. Хушбахтона ҳазорон мартаба шукр, ки имсолам манам раис рафтам, сазовори ҷои дуюм шудам ба ёрдаму дастгирии ҳамин мардум, ҷамоатҳои шаҳраку деҳотӣ буд, ки ноҳияи Рашт бозам ина соли дуюм аст, ки сазовори ҷои дуюм гашт дар ана ҷумҳурӣ. Ҳамин коре кунем, ки хай ҳар як ҳисоботу ҳар як суратгузоришу ҳар як чорабиние, ки мешавад, ҳамаи ҳамин ино наворои телевизионӣ мешаван, баъд иттилоот бисёр меравад, дар сомонаҳо мепартоян, ҳами бояд чии хумон нашавад. Ҳама бояд да ҳамин равад.

Барори кор мехоҳем. Ҳозир ба ғайре аз бигирем масъалаи обунара. Ина, аку ду руз шуд мо нигаҳ дорем, ягон кас ягон корам накарда истодай, ҳамин рӯз бояд як натиҷаи хуб ба даст биёрем. Мо то абити руз нига мекунем, наомаде маҷбур мешем, ки соъати се ҳамаи шумора даъват кнем, ай вазъияти обуна оиди газетаи «Оинаи Рашт» пурсем, ки дар чи вазъият қарор дорем, чи корҳо рафта истодааст. Ҳамада барои кор».

2. Матни навор: Фишор ба ҷавонон барои «обрӯи деҳа»

Барои пешвози раис ҳатто ҷӯйбор бояд «аз телевизор намоишпазир» бошад

«Саломалайкум, ҷавонони деҳаи Ҳалқарфи бостонӣ. Созен, хубен, тенҷен… Хайр, як шарти эълонкунӣ гапзаниям нестай. Рӯзи шанбе соати 8 фароғатгоҳи байнда ҷамъ шудан даркорай. 9 да муҳтарам раиси ноҳияра қабул мнем да дураҳагӣ. Да унҷа меоя магазини акаи Ҳоҷӣ Сафарбег, баъд маркази деҳа, сартарошхона илтимос. Наворо, сиёмка, сурат. Як чиза гуфтаниюм, ки илтимос, илтимоси бародаронаву хешутаборона, ки ҳами хафагиё нашава ба ягон хоҷагӣ. Тозагия бқапе, бқапе, бачаҳо, наворо мешаван, салютои болоиҳо мешаван, наворо гапу чап зиёд нашавад, ки даруни деҳа, а у бландиёи куҳо навор мешава деҳа, ҳамаи и дар сиёмкаву наворӣ мешава, да телевизор пешниҳод мешава.
Ай ҳамат хоҳиш, илтимос, тозагира якумдараҷа бқапе.
Баъд ҳами ҷавонои деҳаи Ҳалқарфи бостонӣ, на самом деле як кор бале намеге. Хай, мора ҳамин як сиёсатмо кардан, як рӯзи маъракаи ҳамин деҳада, раиси ноҳия шавошав рафтем, ай бачаҳои Бедак гардани каҷ кардем, мисол ҳамин Амирхуҷа бачаи фаъолай, дастгиримон кардай овардем, чиба ҳамин да барам намехезе гап занед, ки ҳамон камерчиски Шервон да мондагия, мондагия, уш қарибии хонаи акаи Холмаҳмаддаҳай… ҳамун чуқуриҳо ҳастан, кур нестан, дида истодаан ҳамун мардуми чи кайф мекардагие, ки истифода мебарад деҳа, накарда истодан ҳамуна дастӣ. Чико кунем ина. Погрузчик наёран, ки агане брам, дастш кунам, э, и обрӯи ҳамин деҳаяй, барои ободии ҳамин деҳа гап задестем. Охи, ба хонаи Шарифбега нагуфта истодему ба хонаи як каси дигара. И ҷо ҷаъмиятияй. Намеган, ки хай биё, ҳамин камбудиҳоя ҷобаҷо кунем, ки ҳамин деҳамона меҳмон мешава, у руз даҳ қишлоқ меёя, иқа талабаи беруна миёя.
И кор шухӣ нестай, э мардум. Ҳукумат меяё иҷа, амният меёя, раёсатуш меёя, прокуроруш меёя. Ин ҷо маъракаи чорабинии вазнин мегузара. И кори шухӣ нестай, э бародаро.
Ба сиёсати давлат бозӣ карда намешава. Касе мора туғрӣ бфаҳма, дар барам бхезе, ки имрӯз ма ин худм тоқа, қати Шарифбег бачам шубонӣ дорам, набераҳои акаи Маҳмагадо дар латок пушти масҷидан, дига ҳишки надида истодаам. Акаи Меъроҷидин ай пушти плакатову расмо, ки ваёра пага бо ҷобаҷокунешон. Акаи Мустафошам ҳамита хизмат дора. Кияй дига да бари ман. Илтимос, хоҳиш, ҷавонмардита ншон бте, ака.
Мо бояд ногуфта шумо биёе, мна ёрдам кнен, ки обрӯи деҳа ҳамиқа пеш брава».

3.Матни навор: Омодагии маҷбурӣ, ҷалби омма ва ҷамъ кардани туҳфаҳо

Дастурхони маҷбурӣ, тозагии ҳатмӣ ва иштироки умумии кӯдакону пирон

«Ассалому алайкум, ҷавонони деҳаи Ҳалқарфи бостонӣ, созен, тинҷен, хубен.
Як эълона ба сари ҳамаи мардуми деҳаи Ҳалқарфи бостонӣ брасонум, ки имрӯз ҷамоатда маҷлис буд, ай маҷлис бо ҳукумат фарёдмон кардан қати раиси ҷамоат рафтем, бо да ҳузури муовинони раиси ноҳия будем, ина бегаҳ бо да алоҳидагӣ раиси ҷамоата, раиси ноҳия бо фарёд кадай барои чорабинии кори деҳаи Ҳалқарфи бостонӣ.
Бачаҳо, эълон ҳамияй, ки рӯзи шанбе раиси калони ноҳияи Рашт муҳтарам Идизода ана чи мешава, меҳмон мешава да деҳа, рӯзи откритийи ҳавай мешава. Маърака, чорабинӣ бақувват мегзара то ҳамуруза, бо ина хатчаям равон кадан да телефон, ки якум масала ай тозагишон сар шава, баъд тарафи ободониҳошову ҷаъму гири халқи мардумшо. Илтимос, да хоки потон, ҷонум, падвадит накунен ҳамун рӯзи раиси ноҳия омаданда. Ай ҳамат хоҳиш, илтимос, ки ҳами дару деволо тоза бошан, зану мард ҳама рӯзи омадани раиси ноҳия дар фароғатгоҳи байн маъракаи калон мегзара, ҳамиҷада ҳама иштироки ҳамаи пиру калон ҳатмияй да иштирокшон, бачаҳо. Иҷа туҳфаҳо мешававу фаъолои диёру деҳа туҳфа менему, мақсад, ки чорабинӣ хушрӯ мегузара, фаъолона иштирок куне. Ҳама, ҳама, ҳар як хоҷагӣ, илтимос, ҳама бояд биёян. Кудаку зану мард ҳама бояд биёян. Илтимос, хоҳиш. Касе, ки да самти ана ҷавонон нестай, илтимос, ҳамду ҳамсояҳотона, илтимос, хоҳиш, ки хабардор кне, ки аввал тозагии ҳаду маҳалҳошона бинан, ки сиёмкаи наворӣ мешава, раҳу рӯй тозагиҳо. Баъд ана чорабиниҳора кушода менан.
Маслиҳат ҳаминай, ки мактаби 84 медроян, ай мактаби 84 магазини тғои Сафарбега кушода мена, ай уҷа меёя, сартарошхонара кушода мена, бачаҳо, мости талабагузара кушода мекна, баъд пеши трибунаш меоя, вохӯрӣ ба халқ мешававу баъд туҳфатививу, мақсад, кору бору дига. Хай, ваёша акаи Абдуқадимӯ акаи Сунатуло чизои вазбинии кора ана ба уҳда гирифтиян у чизои вазбин. Бо хела сабуктарем, бачаҳо. Хоҳиш, илтимос, касе хайрхоҳ бошад, ина пеши пояш (сарша поин мекна) яг комплекти чойнику пиёла мегирад, я тефал мегира, ина ай магазини Сунатулояй, а магазини Абдуқадимай. Марҳамат, касе, ки хайр мена, биёра. У руз Рӯзи падаркатийияй. Хайр кнен, брава. Касе, ки хайрхо боша, да бармон бхеза.
Ош барои талабаҳо мешавад ай ҳисоби акаи Ғайратшо. Даҳ кило бринҷа ош менем. Ҳамина мо да нақша, да гузориш да ҳукумат пешниҳод кардагием, бачаҳо. Рӯзи иди деҳаи Ҳалқарф ҳастай. Илтимос, ай ҳама илтимос, ай ҳама, ҳами, ки фаъолона иштирок кунед. Касе, ки да группа нестай, хотиррасон кунед. Ай ҳаматон хоҳиш, илтимос, ҷавоби ура бгардоне».

Ана ин буд омодагиҳо ба истиқболи Зарина Идизода, раиси калон: туҳфаҳо аз ҳисоби хайрхоҳҳо, деги оши палав ва кудакону мусафедони ришсафеди ҷамоати Навдӣ, деҳаи Ҳалқарф ва ташвишу сарсониву саргардониҳо, ки дар рӯзи 16 ноябр Зарина ба ин деҳа «ташриф» фармуда буд.
Вай худаш махсус супориш додааст, ки «пешвозгирии маро камтар аз Ҷаноби Олӣ накунед, ки душманҳо сӯзану муран. Нишон тийед, ки мара мардуми Ғарм дӯст медоран. Дар ҳақи ма мусафедо дуъо кнан, духтаро рақс ва суруд хонанд. Растаи ҳунармандо ташкил кунед…» Аммо ин Ледӣ андеша накард, ки харҷи ин сафари кории вай барои кушодани иншоотҳои ҷашнӣ, ба шумули сартарошхона, чаро бояд ба дӯши мардуми камбағал бошад?

Хулоса: Ледие, ки хароҷоташро мардум медиҳад

Сафарҳои зоҳирии идона, аммо бо азобу хароҷоти мардуми деҳаҳои камбизоат

Ҳикояи «Ледии Ғарм» ва як мулоқоти зоҳиран «идона» дар деҳаи Ҳалқарф, дар асл муодилаи дақиқи тамоми низоми зулму ғорат дар Тоҷикистон аст. Ҳама чиз бо номи «пешво», ва таъбирҳои «ид», «таҳаммулпазирӣ», «рушди деҳот» ва «ободонӣ» оғоз мешавад, аммо поёнаш ба ҳамон ҷо мерасад, ки мардуми камбағал маҷбур мешаванд аз маоши 1100-сомониаш  барои гӯшт, барои ош, барои телевизор, барои нашрияи ноҳиявӣ ва барои «обруи деҳа» пул диҳад. Пешво ва «ледӣ»-ҳои ӯ механданду мегарданд, мардум қарздор, таҳқиршуда ва тарсу мемонад.

Ин нома садои як деҳаи дурдаст нест, садои тамоми Рашт, тамоми Ғарм ва дар асл, тамоми Тоҷикистон аст. Он чӣ дар Ҳалқарф рух дод, имрӯз бо шаклу чеҳраҳои дигар дар даҳҳо ҷамоат ва ноҳия такрор мешавад: чоплусӣ, обунаи маҷбурӣ, «сафарҳои корӣ», сафҳо барои пешвозгирӣ, гиряҳои   кӯдакон дар сармо барои қарсакҳои ҷонбдорӣ задан, дуъоҳои сунъии пиронсолон барои умри тӯлони «пешво». Ҳама чиз ба хотири он ки чанд нафар дар район ва ҳукумат сабти навор дошта бошанд ва дар назди болоиҳо ҳисобот диҳанд: мардум «шукргузор» аст.

Лек, ҳамин нома нишон дод, ки тарсу хомӯшӣ абадӣ нест. Деҳқон, омӯзгор, табиб, муҳоҷир ва корманди оддии идора вақте мебинад, ки барои як «сафари корӣ»-и раис хонааш ғорат мешавад, дигар дар вай суол пайдо мешавад: ин кадом давлат аст, ки ба ҷои муҳофизати шаҳрвандон аз ҳисобашон хӯроки «ледӣ»-ҳоро мепазанд? Ин кадом «пешво» аст, ки ободиро аз ҳисоби ба гардани мардум бор кардани обуна, семент, рег ва телевизор месозад?

Мо ин номаҳоро нашр мекунем, на барои он ки ягон раиси ҷамоат ё як «ледӣ»-ро танҳо бадном кунем. Онҳо танҳо пайкари хурд аз як дастгоҳи бузурги зулманд. Аммо ҳар боре, ки як деҳаи дурдаст тавре ки Ҳалқарф ин нописандиҳоро номбар мекунад, ин девори тарсу сукут як хишт заифтар мешавад. Ҳар нафаре, ки ҷуръат мекунад ва номи худро, номи деҳаашро, номҳои чоплусон ва ғоратгаронро менависад, як қадам ба сӯи ҳамон рӯзи озодӣ мегузорад, ки дар он на «Ледии Ғарм» ва на «Ҷаноби олӣ», балки ХАЛҚ соҳиби аслии мулк ва сарзамин хоҳад буд.

То он рӯз, мо садои ин деҳқонон, омӯзгорон ва мардумони оддиро боз ҳам баландтар мерасонем. Чунки тавре яке аз қаҳрамонони ин нома навиштааст: «Ба Худо, бародар, дигар қишлоқҳо задагианд и Ледиро…» навбат ба тамоми кишвар мерасад, ки ин «ледӣ»-ҳо ва «ҷаноб»-ҳоро аз бори гардани худ бизанад, пеш аз он ки онҳо пурра нафаси мардумро бигиранд.

Поёни бахши чаҳоруми Ledy from Ғарм №4, бахши панҷумро ҳам интизор бошед!

Сообщение Ledy from Ғарм №4 появились сначала на ISLOH.net.

Ин сеюмин шумораи силсилаи «Ledy from Ғарм» аст-силсилае, ки ба назар мерасад доманадор мешавад ва ҳар бор парда аз рӯйи маълумоти нав аз дохили ноҳия, аз равобит, кадргузорӣ, фасод, лоббиҳои хешутаборӣ ва зулме, ки мардум мебинанд, хулосаи худро мебардорад.

Матлаби ҷорӣ ишораҳои тоза ба равандҳои пинҳонӣ, муносибатҳои қудратӣ, тасмимҳои пуштипарда ва ҳолати воқеии идора шудани ноҳияро дар бар мегирад. Чизҳое, ки то имрӯз на гуфта мешуданд ва на иҷозаи баён доштанд.

Ин силсилаи матолиби «Ledy from Ғарм» то тантанаи ҳақиқат идома хоҳад ёфт.

Матлаб чунон ки расидааст-бидуни таҳрир-ба шумо пешниҳод мешавад. Ором хонед…

         Ҳукумати ноҳия дар муҳосираи фасод

   Ассалому алайкум бародари азизам Муҳаммадиқболи Садриддин. Аз Рашт менависам. Қаблан ҳам навишта будам, ҳамон мӯсафедеам, ки дар ҳукумати минтақа чандин сол фаъолият кардаам. Албатта, аз рафти қироати нома пай хоҳед бурд, ки ман кӣ ҳастам ва то куҷо маълумотҳои мефиристодаи ман воқеӣ мебошанд.

Ба ростӣ, бо он ду мақолае, ки дар бораи Зарина Идизода бо номи «Ledy from Ғарм» нашр ва навор намудед хело мардуми ноҳия кӣ будани ин зани, намедонам чи номаш бигирам, шаттоҳи мағзупосабукро фаҳмиданд. Аммо аз ҳазорон айбу нуқсонаш танҳо нол як фисадашро гуфтаед. Ман талош кардам, ки навиштаи шуморо идома бидиҳам.

Баъди ба сари вазифа омадани Идизода Зарина Фузайлшоевна тамоми соҳаҳои фаъолияти мақомоти иҷроияи ҳокимияти давлатии ноҳияи Рашт рӯ ба таназзул ва  нобудшавӣ ниҳодааст.
Зарина Идизода дар ҳақиқат як зани гандагашт, сахт булҳавас ва айшу ишратдӯст мебошад. Метавонанд дар бораи ин бонуи сарсари зонуҳо аз Нуралӣ Муродов, собиқ сардори КДАМ дар минтақа ва ноҳияи Рашт, Аббосзода собиқ мудири маориф ва айни замон роҳбари почтаи ноҳияи Рашт, аз ҳамсари дуюми додараш Фируз, бо номи Ганҷинаи Соҳибназар, ки аз додараш як духтарча дорад, аз Муслим, аз Ориф аз Ҳоҷӣ Обид директори кони ангишти Камароб пурсанд ва инҳо ҳам ҳақиқатро беистиҳола баён медоранд, як майда ҳам намепӯшонанд, буду шудашро мегӯянд.  

Бигзарем аз ин ҳама «дил бурдану дил доданҳояш», ки ҷойи ободиаш намонд-моли худаш, кори худаш.

     Зарина Идизода дарунсиёҳ ва кинагир аст

Падари Зарина Фузайлшо, ки гураш дар гирад, худ як одами дуруя буд ва ин шо Аллоҳ, ки ҳаром мурд. Фарзандонашро бо таги тавақи мардум калон кардааст.  
Дурӯя барои чи мегуямаш? Барои онки дар он вақтҳо ҳам тарафи давлат гап мезад ва ҳам тарафи мухолифин. Кӣ будани ӯро аз дилхоҳ одам пурсед мегӯяд.  Насиҳати Фузайлшо ба фарзандонаш ҳамин буд, ки дарси зиндагиро ҳама вақт аз ман омӯзед. Фақат ва фақат таърифу тавсифи бардуруғ роҳбарияти давлату атрофиёнашро кунед. Чунки роҳбарияти давлатро ҳар чи дуруғ таърифаш кунед, ҳамон қадар хушаш меояд.
Баъди ба сари вазифа омадани Зарина Идизода тамоми шахсоне, ки каме донишу таҷрибаву маҳорати корӣ доштанд аз вазифа маҷбуран суршон карду ба ҷояшон шахсони наздик ба худаш, ки тамоман дониш ку як тараф, одоби инсониро надоранд ба вазифаҳо таъин намуд.
Барои мисол раиси молияи Раштро, ки инсони хоксор буд аз вазифа гирифту ба ҷояш Алишери ҳамсинфи додараш Фирӯзро монд.

Сардухтурро гирифту ба ҷояш ҳеварашро, ки на таҷриба дораду на дониш таъин намуд. Раиси Идораи андози ноҳияро гирифту ба ҷои вай нафари худаш бо номи Маҳмадиев Оятуллоро таъин намуд.

  Директори медколлеҷро гирифт, ба ҷояш хешованди хадашро таъин намуд, ки як ҷавони бетаҷриба аст

Хулоса ҳамаи  кадрҳоро иваз намуду ба ҷояшон хешовандон ва наздикони бе таҷрибаи худашро оварда монд.
Дар худи ҳукумат, ки ҷои кори худаш аст ҳамаи одамони созро сур карда ба ҷояшон нафаронеро овардааст,ки бемаълумотанд. Барои мисол дар кумитаи занон ва оила як духтари дузандаи бе маълумотро оварда раис мондааст. Ҳукумати ноҳияро  духтарборон кардааст, ки мегуӣ инҷо Идораи занҳо бошад.
Агар шахс бе маълумот ҳуқуқи кор кардан дар муассисаҳои давлатиро дошта бошад, чи даркор буд ин қадар сол нафарони бечора сарашонро гаранг карда донишгоҳу донишкадаҳоро хонда диплом мегиранд. Нахонанд, бе диплом ҳам кор карда мешудааст, ку. Мақомот, марҳамат, тафтиш карда бароед. Аксарият аз кормандони ҳозира, ки бо Заринаи Идизода кор мекунанд, маълумотнома пешниҳод кардаанд, ки гуё мехонанд.

Як нафар аз онҳо мегӯяд, ки дар донишгоҳи омӯзгорӣ дар курси ду батаври ғоибона мехонад. Вай мегӯяд, ки бо тавсия ва ёрдами Зарина Идизода ба Донишгоҳ ворид шудааст. Зарина Идизода гуфтааст, ки худи Ҷаноби олӣ, Пешвои муаззами миллат ғоибона хондагӣ. Шумо ҳам як бало карда дипломро бигиред.

Вале, мо мегӯем, ки хуб агар мехонанд бигзор хонанд, вале магар кадрҳои дигарро қаҳт задааст, дигар кадри дорои таҳсилоти олӣ дар Ғарм боқӣ наомндаст. Бигзор ҳоло соҳибони диплом, онҳо, ки хонда тамом карданд, ба кор қабул шаванд, онҳо, ки феълан мехонаннад, баъди анҷоми таҳсил ба кор қабул шаванд.

 Мақсади ин хонум дар инҷо дигар аст. Яъне онҳоеро оварад, ки мурданивор дар итоати вай муттаҳам ва забонкутоҳи вай бошанд.

Аз ин ҷо аст сиёсати кадрии Зарина тамоман сифр аст.

 Аммо маълум гардид, киЗарина дар як кор бисёр маҳорати хуб дорад: дар туҳмат, фишор ва шантаж тавассути мақомоти болоӣ, болои мардум ва кормандонаш. Бисёриҳоро бо роҳи фишор ба воситаи мақомотҳо аз вазифа озод намуд. Барои мисол вақте ки раиси молияи ноҳияро аз кор озод кард, талабгорҳо барои ин мансаб бисёр буданд. Ҳамаи онҳоро даъват карда бо бародаронаш таҳдидҳо намуд, ки агар аз фикратон барнагардед Шуморо туҳмат зада ҷаҳаннамро дар ин дунё бароятон нишон медиҳам.

Яке аз номзадҳо ба вазифаи раиси молия Абдулхайр Мирзоев, роҳбари ДЕУи  минтақа буд. Зарина ва бародаронаш Фаррух, Файзалӣ, Фируз даъваташ карда  гуфтанд, ки агар даъвои ҳамин вазифаро дорӣ, даст бардор, вале даст набардориву рад накунӣ, додаратро бо ҳамроҳи худат туҳмат карда маҳкаматон мекунем, ки дигар озодиро намебинед. Додари Абдулхайр раиси Шабакаҳои тақсимоти барқи ноҳия аст.
Дар бораи бародарони Зарина Идизода дар навиштаҳои пешина ҳам гуфта шуда буд, ки киҳо ҳастанд ва дар куҷоҳо кор мекунанд. Аммо бори дигар хотиррасон мекунам, то инки мардум бидонанд.
1) Идиев Фаррух: Раиси нозироти ноҳияи Нуробод, ки тамоми мардумро ба ҷон расонидааст.Аз соҳибкорон пурсед, ки чи азобҳо аз дасти ин ҳаромхури дузд доранд. Фаррух Идиев миллионҳо сомонӣ аз сохтмони шоҳроҳи Оби гарм, Нуробод кор карда ва аз ин пулҳо чанд хона дар Душанбе харидааст ва дар деҳаашон хонае сохта истодааст, ки ҳеҷ ба ақли солим рост намеояд, ки агар одам дузд набошад  чунин хонаву дороиву соҳиби се зану чанд фарзанд шавад? Фаррух се зан дорад: зани аввалааш, дар деҳаашон зиндагӣ дорад, дуюмаш, дар нозироти андози ноҳияи Рашт кор мекунад, сеюмаш дар Нуробод ҳамроҳи худаш мебошад.
2) Идизода Файзалӣ: Раиси Маҷлиси намояндагон аст. Ин як муаллим буд, муаллими бесавод, на ақл дораду на дониш. Ман ҳайронам, ки инро кӣ ва барои чӣ ба ин мақоми муҳимми давлатӣ пешбарӣ карда бошад? Ва кадри ба вазифа лоиқ ҳисобида бошад? Рости ин оби даҳони худашро пок карда наметавонад. Ҳар ки ӯро бардурӯғ пешниҳоди ин мансаб кардааст, хиёнат ба давлату ба Ҷаноб кардааст. Дар ин вазифа то омадани ин нафар шахсоне буданд, ки ба ватан хизмат карда буданд. Барои мисол Хайруллоев Сайдулло нафари намоён ва хизматнишондода буд, Шукурҷон Зуҳуров ҳамчунин. Ба ҳар ҳол Маҳмадтоир Зокирзода ҳам гарчанде одами намоён ҳам набуд, лекин дар вазифаҳои баланди давлатӣкор карда буд. Файзалӣ як муаллим буду халос.  
3) Идизода Фируз: Сардори Идораи фурӯши барқи ноҳияи Рашт, ки кораш фақат дуздиву ҳаромхӯрӣ аст.
4) Идизода Зарина: Раиси ноҳияи Рашт. Зарина, бо омаданаш ба ин мақом обрӯ ва иззати раисии ноҳияро аз байн бурд. Аксарият медонанд, ки Зарина ин курсиро чи тавр ва бар ивази чӣ гирифтааст. Ман бо тамоми масъулият эълон мекунам,ки  ҳар нафаре, ки ӯро ба ин вазифа пешниҳод ва дар назди Ҷаноб кадри лаёқатманд муаррифӣ намудааст ба давлат ва роҳбарияти кишвар хиёнат кардааст. Чунки ин зан лоиқу сазовори ин вазифа нест.  
 Қасам мехурам, ки кори Зарина иншабурӯзҳо иборат аст аз дуздӣ, ғорату фасод  мебошаду халос.  Дар куҷое, ки як ваҷаб замин аст онро фурӯхта истодааст. Ба ҷони ҳамаи кормандони ба соҳаи замин вобаста расидааст. Ҳар рӯз супоришашон медиҳад, ки «ку бинед ба мана замин кобед». Агар бовар надоред рафта пурсед аз шахсони муттасадӣ.
Ноҳияро расво карда истодааст, алалхусус маркази ноҳияро. Дар куҷое як ваҷаб замин барои роҳ гаштан аст ҳамаро ё фурӯхтаасту фурӯхта истодааст ё ба номи хешону наздиконашон карда истодааст.

Дар маркази ноҳия сохтмони биноҳои баландошёна рафта истодааст, ки аз ҳар нафар домсоз маблағҳои ҳангуфтро гирифтааст. Барои мисол аз Ҳоҷӣ Обиди фиръавни замон, ки дар замини худаш хонаи баландошёна сохта истодааст барои иҷозат сад ҳазор долллари ИМА гирифтааст.

Дар маркази ноҳия як нуқтаи истгоҳи мошинҳо буд, ки ҳамонро ҳам фурӯхта дар ҷояш бинои баландошёна сохта истодаанд, ки аз домсозҳои онҷо  ҳам ҳафтод ҳазор доллари ИМА барои иҷозати сохтмон гирифтааст. Насаби ин соҳибкор Киёев мебошад. Хулоса, аз ҳар соҳибкоре, ки ба ин кор машғул аст чунин маблағҳои ҳангуфтро гирифтааст. Ягон майда на дар фикри ободӣ асту на дар фикри мардуми камбағал. Кораш фақат дуздиву ғорат асту халос. Чи аз соҳибкорон ва чи аз маблағҳои буҷа. Барои мисол айни замон бинои сохтмони ҷамоати деҳоти Нусратулло Махсум, ки дар деҳаи Қазноқ сохта шуда истодаст (инҷо деҳаи худи Зарина Идизода  аст) бо пули мардум ва соҳибкорон сохта шуда истодааст. Айни чунин аҳвол бинои Идораи ҷаавнон, бинои меҳмонхона дар пушти бинои ҳукумат, бинои боғчаи кудакона, ки ҳамааш бо пули мардум ва соҳибкорони бонангу номус. Вале мо ҳатман пайгирӣ мекунем ва дар охир мебинем, ки маблағҳо аз буҷа ҷудо шуда ба ҷайби Зарина рафтанд.

  Як чизи дигаро аз суҳбатҳои «Ledy from Ғарм» инҷо мехоҳам бигӯям. Зарина гуфтааст: «33 фоизи идораи давлат дар Тоҷикистон ҳозир дасти мо аст. Чи коре хоҳем мекунем. Чунки акаам раиси Маҷлиси намояндагон аст. Бо имзои акаи ман метавонанд президентро аз вазифа гиранд. Барои ҳамин мо ҳар кореро хоҳем метавонем бикунем».

  Аз роҳбарияти кишвар муҳтарам Пешвои миллат ҳамчун як шаҳрванди одӣ хоҳиш менамоям, ки ҳар чи зудтар ин зани бадахлоқи сабукпоро, ки  дар вазифа ба таърифу тавсифи шояд Асадулло Қимматович таъин намудедаш барканораш намояд. Ин зан лоиқи ин вазифа нест, ҳамаро расво кардааст, боз расвотараш мекунад.
 Мардуми одӣ аз рӯзи ба сари вазифа омадани ин зан ба танг омадааст.
Зимистон омадаасту мардум на свет, на ҳезуму на ангишт доранду намедонанд чи гуна сармои куҳистонро  гузаронанд.

Мегузарем ба масъалаҳои асосӣ
Нозироти андози ноҳияи Рашт, ки роҳбариашро Маҳмадиев Оятулло ном шахс ба дӯш дорад якҷо бо кормандонаш ба ҷони мардуми андозсупоранда задаанд. Ин нафар  ягон мақомот ва ягон масъули ҳукумати ноҳияро сари сӯзан писанд намекунад. Ягон нафар ба вай зураш намерасидааст, ки гап занад. Аз ҳамаи соҳибкорон пора мегирад аз 2500 сомонӣ боло. Барои мисол аптекаҳо, мағозаҳои хурокворӣ ва молҳои рузгор, заправкаҳо ва дилхоҳ нафаре, ки ба соҳибкорӣ машғул аст метавонад дар мавриди зулму ситами роҳбари нозироти андоз гап занад. Ҷаноби Маҳмадиев агар ришва ва порагир набошад аз куҷо  ва аз кадом пул дар ҳар бинои сохтмонҳои рафтаистода хона мегираду дар Душанбе ҳам. Барои мисол ман соҳибкор ҳастам омада мегуяд, ки ту бояд нуҳ ҳазор сомонӣ андоз супорӣ, лекин роҳеш ҳаст, ки 6 ҳазор месупориву халос. Вақте мегуӣ чи хел? Мегуяд се ҳазор ҳақи ман, се ҳазор андози давлат ва корат ҳал, аз андоз озод мешавӣ. Аз дилхоҳ соҳибкор пурсед ҳақиқати корро пинҳон намекунанд. Аксарияти кормандони Идораи  андози ноҳияи Рашт даст ба пораву ришвахорӣ мезананд. Раис, муовинаш Нуралӣ, мутахассиси идора Ҷовид, Рустам, ки хусурбурдаи Файзалӣ Идизода мебошад, хулоса, аксарият коррупсиянери гузаро ҳастанд ва ба давлату буҷа зарарҳои калон мерасонанд.  

Ҳозир бурути раиси нозироти андози ноҳияро табар намебурад, чунки одами Зарина аст. Ҳар кореро хоҳад дар ноҳия ба қавли худаш мекардаасту ягон касро намепурсидааст, танҳо супориш медодааст.

  Зани дуюми Фаррух, ки дар нозироти ноҳия кор мекунад мегуфтааст: «ин занғари ҳароми Фаррух ин беваша барои тулгирӣ роӣ карда бошад назди ман. Зан гирифтӣ ҳамроҳи худат кораш гир». 

  Дилхоҳ корманди ҳукуматро кор мефармояд. Ягон касро аз мақомоти иҷроия гуш намекунад. Як вақт аз мақомот саҳари барвақт интизоми меҳнатро тафтиш мераванд, ки аз тирезаи утоқи кориаш тафтишгаронро дида калаашро бароварда мегуядашон, ки «гашта равед, ки фалонту мекунам». Ин назоратчиён тарсида гашта мераванд ва ба«Ledy from Ғарм»и раиса мегуянд, ки раиси нозироти андоз ҳамин гуна муносибат кард. Бева бошад (шояд истифодааш мебарад) мегуяд «майлӣ, ҳеҷ гап не зиқ нашавед».

 Агар суханашро ҷавоби рад додӣ, тамом, ҳамон рӯз рӯзи охири кориат мешавад. Чунки ин нафар аввалаш шояд фоҳишаро истифода мебарад, дуюм онки ҷодугарбоз аст. Набошад як вақтҳо дар вақте Фаррух раиси нозироти ноҳия буд, аз кор сураш карда буд. Лекин боз бо кадом як воситаи ҷодугарӣ дилашро ёфту кор даромад. Ҳозир, ки раис шудааст фикр мекунад, ки дунё таги пояш аст, намедонад  ки аз пушти ҳамин бева катагӣ дорад. Кораш фақат ғорат асту халос. Ба ғайри дуздиву ғорати мардум ва давлат кори дигар надорад. Чанд ҷойҳоро ғасб карда гирифтагиаст. Ба маълумоте, ки дорам ҳатто дар мудати кутоҳ соҳиби хона дар Душанбе ва соҳиби мағозаҳо дар маркази ноҳия шудааст, агар дузд набошад аз куҷо ба он маоше, ки мегирад ин ҳама дову даҳанаро харидорӣ мекунад? Дуздӣ мекунад аммо соҳибкорҳоро мегуяд «ман болода метиям долия, ин мақомотҳои гушнаи гирду атрофа мехуронум, хай магарам дуздӣ кунем». Пулро ба худаш ҷамъ мекунад аммо «болову поён» дар бало задагӣ.

Раёсати молияи ноҳия ҳам аз давраи Хурсанд бадтар шудааст. Одами худаш аст, ки Раёсати молия мисли киссаи шахсии Зарина шудааст.  

Беморхонаи маркази ҳам расво. Ҳеварашро сардухтур мондааст, ки зеби подабони дорад.  

Дар коллеҷи тиббӣ ҳам хеши худашро мондааст, ки ҳама корҳо расвотар аз давраҳои пешин.

Кони ангишти Камароб кони шахсии Ҳоҷи Обид -фиръавни замон шудааст.  Як тона ангиштро ду ҳазор ва ду ҳазору сесад сомонӣ кардааст. Аз куҳ меканад ба мардум хокашро 1300 сомонӣ ва ангишти ғайри хокаашро 1550 сомонӣ мефурӯшад, ки бечора ронандаҳо роҳкиро сарф карда мераванд меоранд.

Агар қиммат нафурӯшанд хароҷоти кардаро намебароранд. Аз тарозу барои як мошин бор 500 кг тахфиф мекунад, ки ронанда оварда мефурӯшад, як тонна, то ду тона кам мезанад, як тон то дутонааш санг мебарояд, ки бар зиёни ронандаҳо мешаванд. Кони ангиштро хонаводагӣ кардааст.

«Ledy from Ғарм» дар як маҷлисаш Ҳоҷӣ Обидро даъват кардаву гуфт, ки набояд як тонна ангишт аз 1300 сомонӣ боло фурӯхта шавад. Аммо ин як спектакл аст. Модоме, ки дар ҷои истихроҷаш ба ронандаҳо 1550 сомонӣ мефурӯшад чи гуна метавонанд 1300 оварда мардумро таъмин кунад. Бовар кунед хуни мардумро Заринаи бодпо ва Обиди фиръавн макида истодаанд. Дар инҳо на имону на виҷдону на инсонгарӣ мондааст.
Мехоҳам каме маълумот дар бораи Ҳоҷӣ Обиди раиси кони ангишт диҳам. Ин шахс   зода ва истиқоматкунандаи ноҳияи Рашт, деҳаи Шаҳринав мебошад. Ягон маълумот надорад, агар солҳои охир нагирифта бошад. Боз ба ҳамин бе маълумотияш раиси ҷамоати Қалъанак ҳам кор кардааст.

  Баъди ба вазифаи раиси кони ангишти Камароб таъин шуданаш як нафар ҳамдеҳааш бо номи Мансурро дар ҷойи худаш овард, ки як шахси дузду ҳаромхур ва зинокор буд. Нав шунидам, ки аз вазифа гирифтаанд. Ин шахси ҳаромхур чандин духтарони хонаро суистфода аз мансаб карда духтариашонро гирифтааст. Ман ҳайронам, ки ин шахси ҷинояткор ҳоло ҳам дар озодӣ аст. Инро бояд 70 сол дохили маҳбасаш мекарданд. Ҳаёти чандин духтарро сузондааст. Ҳамин зинокорро Обид дастгириаш мекарду мекунад.
Обид якчанд бародар дорад, ки дар вақти ҷанги шаҳрвандӣ тарафдори мухолифин буд ва дар минтақа намояндагӣ мекард. Худашонро яке аз сарсахттарин мухолифин нишон медоданд. Аммо ман ҳайрон ҳастам, ки чаро ҳукумати кунунӣ чунин нафаронро то ҳозир дар вазифаҳои калидӣ мемонад. Ин золиминро ҷояшон ба солҳои тулонӣ маҳбас аст. Ногуфта намонад, ки падари Зарина Фузайл ҳам дар вақташ дуруягӣ мекард: гоҳ дар наълу гоҳ дар мех мезад. Боз фарзандонашро насиҳат мекардааст, ки бояд чунин бошед, дар кадоме паллаи тарозу вазнин аст ҳамон тараф равед. Ин гуна одамон бисёр хатарнок ҳастанд, ҳам барои ҷомеъа ва ҳам барои давлат.

 Як бародари Ҳоҷӣ Обид  дар вазорати алоқа кор мекунад, ки домоди Бег Сабур  аст. Гуфтанд, ки зани дуввуми вай  духтар ё хоҳари Бег Сабур аст. Такаббуру катагиашон аз пушти ҳамон додарашон аст. Номи додарашонро намедонам. Лекин ҳамин қадар мегуям, ки ин нафарон дуруяанд, бисёр хатар доранд. Ҳар вақте сари қудрат дигар одам ояд инҳо боз тарафи ҳамон мегарданду дар танқиди ҳукумати кунунӣ мегузаранд.

  Аз муҳтарам ҷаноби Президент бо арзи адабу эҳтиром хоҳиш менамоям, ки дар ин фасли сармо ба доди мардуми бечораи мазлум, ки зери зулми Зарина ва Обид қарор гирифтаанд бирасед ва супоришашон диҳед то бо нархи дастрас мардумро бо ангишти хуб таъмин кунанд. Набояд, ки як тона ангишт аз 700 сомонӣ зиёд бошад. Аз куҳ мекананд бор мекунанд. Инҷо дигар коре нест, санги Худованд халқ карда аст.
  Ногуфта намонад, ки инҳо:-Зарина ва Обид робитаи хешутаборӣ ҳам доранд.  
Чизи дигарро бояд инҷо қайд кунам. Номаҳое, ки дар вақташ дар бораи Лоиқзода Қаноатшо ба Ислоҳ фиристода мешуданд, ман сад дар сад бо боварии том гуфта метавонам, ки кори  дасти Зарина ва бародаронаш буд. Хостанд ба ҳамин восита Лоиқзода аз кор равад ва ҷояшро гиранд, ки инҷо гурӯҳи дуюм- Зокирзода бо ҳамроҳии Муқимӣ Раҳимҷон Набизода халал расониданд, барои ҳамин он вақт раиси ноҳия шуда натавонист. Баъди гирифтани Лоиқзода, Муқимӣ Раҳимҷон Набизода ба вазифаи раиси ноҳия таъин гардид.

Лоиқзодаро бисёриҳо медонанд,ки Зарина Идизода сиёҳ мекард.

Бародар ман як ҳолати дигарро ба шумо гуфтаниам, то ки симои воқеии ин Зарина «Ledy from Ғарм»  ошкортар гардад.

Дар урфият мегуянд, ки гург ҳамааш бӯр аст. Инаш аз онаш ҳеҷ фарқе надорад. Ҳар кадоме бо услуби худ мардумро зулм карданд. Аммо бадтаринаш ҳамин Зарина аст. Барои мисол Лоиқзода одами бепарво буд. Кадом кореро мардум дархост мекарданд ё бе пора ё бо маблаги ночиз кори мардумро ҳал мекард. Заъфаш дар он буд, ки ҳаромгашт ва зинокор буд. Олими Набӣ раиси пеш аз Зарина Идизода одами зинокорро бад медид, зинокор набуд, аммо порахур буд. Барои мисол агар коре 5 ҳазор ставка дошт чоруним ҳазор мебурдӣ ва зора мекардӣ, ки дигар надорам, не намешавад мегуфт. 

Аммо Заринаро ба хотири фоҳиша буданаш ганда бад медид. Аммо Зарина ҳам зинокор, ҳам фоҳиша, ҳам порахур, ҳам дузд ва ҳам, мутаассифона, айни ҳамон Муҳаррами ғарч аст ки духтарони мардумро пешкаш мекунад.
 То онҷо ки ҳамон вақтҳо дар кор будам, вақте охирон досйеи сиёҳи Лоиқзодаро нашр намудед-инҳо як фермаи ҷавоб доштанд, ки дар зери наворҳои Шумо коментҳо менавистанд ва яке аз роҳбари ҳамин гуна гурӯҳҳои коментнавис дар давраи Лоиқзода, Зарина Идизода буд, омада ба гурӯҳ гуфт акнун бас аст комент навистан, Лоиқзода тамом шуд, дигар фоидааш надорад ва Ислоҳ корашро кард. 

Маҳмадтоир Зокирзода, ки он вақтҳо дар мақоми муовини сарвазир кор мекард пешравии Лоиқзодаро дида ҳасадашон омад. Барои ҳамин онҳо бо ҳамроҳи  Олим Набӣ ба сиёҳ кардани Лоиқзода гузаштанд. Сабаб чӣ буд? Сабаб дар он буд, ки Маҳмадтоир Зокирзода талаби курсии раёсати Маҷлиси Намояндагонро дошт ва баъди худаш Олим Набиро пешбарӣ карданӣ буд, ки Зарина боз корашро ҳамроҳи бародаронаш нисбати Олими Набӣ оғоз намуду ба «Ислоҳ» мактубҳои танқидӣ фиристоданро шурӯъ кард. Коре карда Олим Набиро аз вазифа озод ва дар ҷояш Заринаро таъин намуданд. Боз Олими Набиро дар кадом як вазифа таъин карда буданд, ки дар омадани Ҷаноб дар назди Асадулло Қиматович (Сумбулоғо) сиёҳ ва коре карда ба Асадулло муносибаташонро безеб кард. Вақте Асадулло Раҳмон баргашт ба Душанбе Олим Набиро аз вазифа озод карданд. Ҳолати корро муҳтарама Озода Раҳмон аз Асадулло пурсад ҳатман чунин шарҳаш медиҳад.

 Дар мавриди  сиёҳ кардани Лоиқзода агар аз Муродов Нуралӣ пурсанд он кас ҳатман тасдиқ мекунад, ки ҳолати кор чунин буд. Чунки Заринаро Нурали Муродов ба ҳамин ҷойгоҳу мақом расонида буд, бар ивази дилбозиву дилдорӣ.
Боварии комил дорам, ки ин суханон ба гуши роҳбари кишвар муҳтарам Президент мерасад ва бовар дорам, ки чораи кори Зарина Идизодаро мебинад.
 
 Дар бораи интихоботи Файзалӣ Идизодаи бародари Зарина Идизода ба маснади раиси Маҷлиси намояндагон ҳаминро гуфтанӣ ҳастам, ки ин кор ҳамааш як спектакл беш набуд. Агар дилхоҳ одами қади куча дар бари Файзалӣ номзадиашро барои мансаби раиси Маҷлиси намояндагон мемонд, боварии  комил дорам, ки ин нафар мегузашт. Аммо инҳо дар бари Файзалӣ одам тарошиданд, аз ҷумла раиси бахши кишоварзии ҳамон вақтаро, ки номаш дар ёдам нест. Рафтанду костюму брюки 5 ҳазор сомона хариданд, пизишконро фармуданд дандонҳояшро дуруст карданд.

 Ин номзад гуфтааст:  « хай соз, ба ин баҳона соҳиби костюм брюки 5ҳазорӣ шудаму соҳиби дандонҳо. Аз ман чи рафт? Ҳеҷ! Ҳамаро худашон карданд».
Зарина бисёр гурусначашм аст. Вақте дар ҳукумат ягон меҳмон ояду меҳмондориаш кунад, баъди рафтани меҳмонҳо омада ҳамаи тагмондаҳои меҳмонҳоро ҷамъ мекунаду хонаш мебарад, мегуяд шавҳараму фарзандом мехуранд.
Ҳар маҷлис бе таърифу тавсифи худаш намегузарад. Мегуфтааст: «ман зани зебои дилрабо ҳастам, ҳар марде маро бинад мехоҳад бо ман расад, лекин камтар дар ҳамин сурато чашму биниам нохуб меоянд, рафта ҷарроҳии пластикӣ мекунам худамро, боз ҳам зеботар шавам».  

Аммо бисёр ҳам шумқадам будааст. Аз паи қадами Зарина имсол дар ноҳия бебаракатӣ омад. Заминларза шуд. Ҳама дар майдони марказии ноҳия дар тараддуди ҷашн гирифтан буданд, заминларза шуд. Беваи бешарм муяш наҷумбида маъракаи консертиашро давом додан гирифт. Хулоса, ба супориши роҳбарияти кишвар соҳиби хона шудаанд, аммо Зарина ҳам бо аҳлу авлодаш соҳиби хонаву хеле чизҳо шуд.

 Мардуми шарафманди тоҷик аз манотиқи ҷумҳурӣ кумак зиёд фиристонданд, ки ба онҳо як шаҳр месохтиву як сол, ду сол ин мардуми ҷабрдидаро хурока бепул мешуд. Аммо ҳаминҳоро ҳам хурду бурду дуздид бо наздиконаш. Мардумро бисёр азоб доданд, ки равед хонаҳоятонро таъмир кунед. Дар ҳоле, ки маблағи устопулиҳоро ҳам дода буданд, Зарина Идизода мардумро бе пул кор фармуда пулҳоро худаш хурд.
Дар нашрҳо ва наворҳои пешин қайд намудед, ки Раҳими Ғармӣ кашелоки Зарина шудааст, дуруст аст. Ман ҳайронам, ба ин Раҳими Ғармӣ. Ба ҷойи онки маблағи ҳалолатро ба ин сабукпову сабумағз сарф мекунӣ, ба ягон беваи бенавову бе кас ё ягон камбағал диҳӣ хубтар нест?
Дар ҳар маҷлисаш  шинад хезад «мана Раҳими ғармӣ дар Душанбе хона бо тамоми шароитҳояш дод, кайе чи қадар пуле гуям уф нагуфта бароварда метияд» мегӯяд.

 Раҳими Ғармӣ гуноҳу бад аст, ки барои як дузду ҳаромхуру сабукпо пулатро ҳаром кунӣ.
Дар дохили ҳукумат ҳама духтарони бе саводро ҷамъ кардааст, гуё коргаранду кордон. Инҳо танҳо барои пешпарон кардан барои сохторҳо ва меҳмонҳои шаб меистодагӣ дар ҒАРМ мебошанд. 
  Саидов Мубориз, раиси ҲХДТ дар ноҳияи Рашт, ки дар нашрҳои пешина роҷеъ ба   корҳои бади анҷом медодааш гуфта будед, дар воқеъ дуруст аст. Аввалин кори бадашро ӯ бо худи ҳамин Зарина анҷом додагӣ аст. Он вақтҳо Зарина раиси ҳизб буду ин кас корманди ҳизб. Аммо бо мурури вақт «аз лесидана бача ба ҷон омад». Муносибатҳояшон гурехт ва дарав ба туҳмату подстава ва таҳдид гузашт, ки аз кор гирадаш, аммо натавонист. Ҳамон мактубе, ки дар яке аз «Номаҳо аз   ноҳияҳо»-дар ин бора, ки кадом як гуруҳро дар Файзобод қапиданд, рафта буд ва дар он гуфта мешуд, ки корҳои бадро анҷом медодаанд, сад дар сад боварӣ дорам, ки ин мактуб аз ҷониби Зарина ба «Ислоҳ» рафтааст. Чунки бо дигар роҳ ин бачаро аз кор гирифта натавонист ва расонаияш кард, ки бигирандаш. Лекин то ҳозир кор ва фаъолият намуда истодааст.

 Ростӣ, ман тарафдори ин бача нестам. Аммо ҳилаву макру бадбиниву қасдгирии Заринаро мегуям, ки як одами чатоқ аст. Набошад, ин бача, ростӣ, арзандаи чунин вазифаҳо нест, ҷавон аст, шояд дониши кофӣ надошта бошад, агар дониш ҳам дошта бошад, таҷриба надорад.

Муовинони раиси ноҳия ранги мурғи дар обзадагӣ дар пеши ин беваи шаттоҳ мебошанд.
Ба ҷуз аз муовини аввал Шарифзода Ҳандулло, ки таҷрибаи калони корӣ дорад, боқимонда муовинон одамони бе таҷриба мебошанд.
Аз ҷумла Баллазода Саидбек, муовини кишоварзӣ кораш фақат дуздӣ, заминфурӯшӣ ва кораш замини холӣ кобӣ ба Зарина аст. Ягон савод надорад. Вазифаи хонагиаш кормандонро сиёҳ кардан дар назди Зарина мебошад. Ногуфта намонад, ки ин одам язнаи Хурсанд, раиси собиқи молия мебошад. Ва як вақтҳо одами Шоҳ Искандаров, яке аз мухолифини онвақтаи ҳукумат буд. Ман боз ҳам ҳайрон мешавам, ки афроди  он вақта ҳозир ҳам дар ҳукумат кор ва фаъолият доранд. Ба монанди Шоҳ Искандаров, Маҳмадҷонов Сайдаҳмад. Ин ду нафар душмани ашадии ҳукумати кунунӣ буданд, аммо айни замон дар сохторҳои қудратӣ кор карда истодаанд.
Саъдуллозода Баҳром муовини раис дар соҳаи сохтмон. Одами бесаводи бе таҷрибаву бе дониш. Аммо одами Маҳмадҷонов Сайдаҳмад яке аз мухолифини сарсахттарини Пешво.

 Ба наздикӣ мағозаи бо пули ҳаром сохтаи ин нафар ба коми оташ рафт. Тоза фаҳмидам, ки таъмираш карданӣ ҳастанд ё таъмираш карда истодаанд.  

 Дар бораи Сайдаҳмад маълумотҳо бисёранд, чунки ҳамон вақтҳои ҷанги шаҳрвандӣ мо дар ҳукумат кор мекардем. Ин бошад,ба қавли худашон муҷоҳид буд. Баъдан Толибови раҳматӣ, ки ҳамдеҳааш буд ба муҳофизӣ қабулаш кард, Худо раҳматаш кунад Толибовро гуфтамаш, ки инро бояд кор намегирифтӣ. Гуфтанд кори худатро кун. Гуфтамаш, ки сагбача калон мекунӣ, почаки худатро мегазад, боварам накард. Аммо дар ҳақиқат чунин ҳам шуд.Чунки духтари ягонаи Толибовро хонавайрон кард. Ростӣ, дигар намедонам ин духтар чи ҳол дораду чи аҳвол.   

 Айни замон Сайдаҳмад дар ВКД кор мекардааст,одами бо қувват будааст, аммо кӣ буданашро ҳоло омухта истодаам, ки чӣ кора аст дар ВКД.

 Вақтҳои дар ноҳияи Ленин дар мақоми сардори шуъбаи милитсия кор карданашро фаҳмидам, ки чи қадар мардуми ноҳияи Ленинро ғорату тороҷ кардааст. Аз инҷо буд, ки баъдан бо шикояти мардуми ноҳия аз кор ронда будаанд. Боз бо кадом як воситае дар вазорат ба кор даромадааст. Аммо маълумотҳои давраи Толибову давраи ҷанги шаҳрвандиашро дорам, пурра омухта баъд пешкаши хонанда ва бинандагони Ислоҳ мегардонам,то бидоданд ин нафар кӣ асту чаро то ҳозир дар маҳбас неву дар вазифаҳои калидӣ кор намуда истодааст. Бояд қайд намоям, ки Толибов раиси онвақтаи ноҳия буд.
Муовини дигараш Маҳмадисо номаш, ки як одами бе таҷриба аммо инсони на онқадар бадаш мегуянд.
Муовини дигараш як духтар, муаллимаи синфҳои ибтидоӣ асту як зарра дониш   ва  ягон таҷриба надорад.
Ронандааш Оятулло холабачаи Зарина мебошад. Ба ҳамаи корҳои ҳукумат дахолат мекунад, кошелёк- пулҷамъкунаки Зарина мебошад. Як ронандаро ҳатто   муовини аввал наметавонад дуршттар ҳамроҳаш суҳбат кунад.  

Хулоса, вақте ин ҳама корҳои нодурустро мебинем, бовар кунед, хело ҳам зиқ мешавем. Мо ҳам дар вақташ кор мекардем:- аз даврони шуравӣ то сини нафақа ва дар даврони истиқлолият. Чунин беадолатиро ҳеҷ гоҳ надида будем.
Боварии комил дорам, ки суханони мани нафақахур ба муҳтарам Ҷаноби Олӣ мерасанд ва чораи корро ҳам мебинанд.

Охирсухан

Силсилаи «Ledi from Ғарм» акнун аз доираи як матлаб гузашта, ба рӯйкард ва барномаи доманадор табдил меёбад. Ҳар ҳарфе, ки то имрӯз бо садои паст гуфта мешуд, акнун ба навиштаи ошкор табдил ёфта истодааст. Ҳақиқат роҳи худашро мекушояд-ҳатто агар дар байни санги фишор ва девори тарс бошад.

«Ислоҳ» аз ин пас ҳар иттилоъ, ҳар ишора ва ҳар далели навро, ки аз дохили ҒАРМ мерасад, боз ҳам пуртаваҷҷӯҳтар пайгирӣ хоҳад кард. То замоне ки ҳақиқат пурра рӯи об мебарояд ва номҳои гунаҳкорон-аз хурд то калон-дар назди мардум ва таърих қарор мегиранд.

Ин садо хомӯш намешавад.
Ин силсила қатъ намегардад.
То тантанаи пурраи ҳақиқат.

Поёни бахши севвум , бахши чаҳоруми Ledy from Ғарм №3 пурра омода аст ҳафтаи оянда тақдими хонандаи Ислоҳ мегардад, бо Ислоҳ бошед!

Сообщение Ledy from Ғарм №3 появились сначала на ISLOH.net.

«О,омадани Ҷанобда будан ку, байни худмон. Вай (манзураш Ҷаноб) хай, ку ҳамин хел омад рафту бо да дачаи ҳоҷӣ Обид вай кардан ку, о занакора файрод кардан бурдан ҳамеша барои ҳукумата бегаҳӣ вазирову ҳамунҷа будан. Раиси Маҷлиси намояндагону ҳамино. Ростӣ маро я рӯз пеш гуфтан, ки биё, ман нарафтум. Ҳамун рӯзам занг задан, ай зано, ростӣ ман тилфонма куштум. Бароики уҷа хай аку мардако мешинан, хай аку бегаҳӣ вазирам боша, кабирам боша касе бошад вай менуша. Бароики ҷои хурданшонай, шиштаншонай, истироҳат мекунан. Бегаҳ  лави дарёяй. Баъд рафтан духтарову занакои ҳукумат музика мондан, рақс кне гуфтиян. Фаҳмидӣ ҳамин гапа? Баъд ин гапа мана, ки гуфт бо…Ростӣ ман аҳамият надодуму ҳамин чиза, чи хелай, ман уже пешбинӣ кардум. Одам мефаҳма ку. Баъд гуфтум, ки хай, мора барои чи файрод каден уҷа? Ина вазирмон, мора да ҳамиқта вақтай надидай, 

Баъд унҷа мардо бган, ки биё рақс ку иш бикаша, уш бкаша …шарманда шавем.

Вазири мо дар ҳамин гостнитсаи худмон буд, бегаҳ брафт. Аз унҷа мара се -чор бор раиси занҳо одам монд, мн нарафтам. Ростӣ телфоноша куштам. Баъд карочики рафтиян, вай кардиян.. уна ҳаминхелӣ кор шудай. Бо шиносои ман ҳастанд, ку, бо я шиноси тоҷирум ҳамихели гав зад, гуфт ту нарафтӣ дача?. Гуфтум не, ман нарафтум. Гуфт нағз кардӣ нарафтӣ, ҳамин чиза қайд кардиян да мақомото.

Баъд И. Д.як муаллимаамон духтарша файрод кадиян,у Ф. муовини раисай ку. Баъд гап зад қатим. Гуфт, ки духтарам бас каданияй, институтдай ёрдамуш кун. Гуфтум майлӣ. Пурсидум чува бас мекунад.

Баъд гуфт, ки ҳамурӯз бурдай да ҳамуна мардако, да пеши мардако,хай мардакан мешинан менушан, ҷои истироҳатай. Фармидайшон, ки хезед ита кне, хезед рақс кне, духтар биёве иноя хизмт кне. Ина ҳамихелӣ ким чи намедонум. Ту ҳамин кора хабар дорӣ.

 Баъди ин пагаҳи дига рӯзи дониш буд ки раиса иҷои мо омад 30 август ростӣ камтар…буд ба ман …. ку. ита хай вай карду маънеш ки чи кард ки дар корои ҷамъиятӣ худта дур мекашиву намериву.

Баъд хайр ман гуфтум хафа наша бо я туҳфаш гирифтум бурдум роҳиш кардум. Гуфтум бина хурсанд мешавад. Ба истиқлолияту ,гуфтум мазаи ма набуд ба итари коро ма рафта наметонам. Р.рогуфтум, ки раисара салом брасону хафа нашавӣ. Ба гуфтум, ки и ҳукумат кори худтона куне. Ай мо ҷумҳурияивияй, ай мо ҷудоҳай,мо муллимем. Бо ба корои худмон саргардонем ихели короя мора набарӣ. Хулоса ина ҳаминхели чиву кор шид. И гапа И… гуфт, ачаи ҳамон муовиншон, ачаи Ф.вай иҷа кор мекна, бегона нест мисол ҳамихелияй бисёр мерад. Занаки калонсолай. Ба гуфт Ф. файрод кадай гуфтай брав 5-6 духтр бков биёр, ки биёян иёра хизмат кнан. аку намедонум чи хели хизмат мекардан. Хай Шавам боша. Шаб чи хизмат мекунад духтар? Хай аку бахшишу охир ҳаминхел. Ин як.Дуюмаш, ки вай гуфта, раиса ҳиҷки духтараша намеомад намеояд дар ин шабӣ ба иёра хизмат кна.

Хай намедонум гуфтааст раиса, дстрхон куна чой кна. Хай дастрхону чой ҳамаш ҳаст духтар чи кор мекунад. Агар ин мақсад ҳам боша. Гуфтай ҳиҷҷка наметия, ки ман духтарша иҷа биёрум да ино хизмат кнан, рақс кнану да пеши ваё. Аку намедонум ҳамин хели чи ваё,чи гузштай, ки аку ун духтар баскун будай. Ҳамин вай қатӣ баъди ҳамин чиз гуфтай бас мекунум модараш гуфт. Ина ин гапе, ки духтарора гардондану унҷада нону об фармудан.

Ростӣ вақте да ҳамин Зарангак шид гуфтанд, ки мора, ки дегдон биёред ина ҳамин институтда равен дегдон кневу кулчаву нон бандеву омадаву да раставу ҳунарҳои мардумӣ биёред. Баъд зангуш задум. Гуфтум раиса як чи бигум хафа нашав. Ҳамунҷа мумкин нестай ҳамин чиз. Хай унҷа мусибат буд, аку шид ҳамихелӣ. Ваям я мебина мерай, ҳамин чизои шумо даркор нестай накунен ҳами чизора. Гуфт, ки э… Маънеш, ки э, аку ман намефаҳмам чени шумо? Хайр, аку нагуфту …неки маънеш, ки ҳамин хел, я -ду вай кадак. Ростӣ, мна эҳтиром мена, зиёд гап намега

Ҳамун гапа гуш накад, гапи ман шид. Омадан ҳамаша полни барҳам додан. Баъд нашуд, ҳо меган ку аз зин фуромада бошадам ай узанги не, бо раиси заноша фармид. Бо раиса мега, ки М-ро бгу ғун кнаву брава. Растаи нонои мардумӣ мекунем, дар пеши ҷойи ҳоҷӣ Обид, брава. Бегаҳӣ мераванд истироҳат, нони мардумӣ нишон метем, худуш биёя.

Аку ту медонӣ, ки ма да руи одам гап мезанам. Баъд гуфтум, ки гуш ку. Ту гуфтаниӣ, ки ма бигирам чор нонаву брам дар пушти растаи ноно бестам? Карочи зангум задан, як одами бо вай ростиш муҳим буд. Хуллас, ки мн гуфтум намерам.

Гуфт, ки раиса мега, ки именно худуш биёя, барои уҷа неву қати худмон бишина. Баъд хай майлӣ гуфтуму ростӣ ҳамун чизои гуфтагишона мн тйор кардаму бо пагаша шуд фармидум, даже набурдум ба ҳавуёра. Фармидум барои ҳамиҷада. Ҳамин гастнитсада меҳмонони худмон, ҳаминҷа хай бтен. Хулоса нарафтум. Ба ҳамин хулоса омадум, фикр кардум фикр кардум, рафтан лозим нест уҷа.

 Баъд вақте бегаҳ мешавад, нигаҳ кадам, ки пагоҳӣ охӣ нагуфтан, ман хиёл кардум ягон намоиш мешавад. Баъд бегаҳ мешавад, дер мешавад занг мезанум барои зано.

 М. да гҷоӣ, биё брем. Биё Буни сафиён брем. Хулоса, ки связ безебай гуфтум ва остаҳак куштум телфонма, дига гап назадум қатишо тамоман. Се -чор бори дига занг зад телфонма куштам. Баъд гирён кардам, ки се- чор бори дига занг задагиян. Хулоса, ҳамин қатӣ баъд камтар димоғ шудану баъд ин воқеаҳоро ман баъдтар ай модари ҳамон муовинаш фаҳмидум,ки ҳамин  хелӣ гуфтай. Некӣ духтари… гуфт, ки барои растаи ноно мора гуфтанд, ки дхта биёрен хай нобуд, ки духтарша меёра дар пеши растаи ноно меистад. Ин як. Дуюмуш, ки ман гуфтум, ки Р-ро занг задум, вақте ки ҳамин гапа гуфт, хай раиси зано я гов, беақл, як дузанда буд оварде раиси занош монде. Ин ҳамин ҷои моро заочний тиёр кард, ҳила. Э,гуфтум як масъала. Ҳамин ҳоҷӣ Обид як хуг надорад гуфтум халос. Даҳ сол шуд ҳамин куҳи  Ғарма ҳавай хурд, тамоми ҳамин минтақара, о мемурад, ки я занака, ага да шумо нон даркор мебуд, гап да вай несту, и санитаркара мефармоӣ, иҷара и учрежденияра мефармоӣ. Ҳамин роҳбар мефармоя, у роҳбарай у коргарша мефармоя,у коргар бо ҳамин санитаркаша, полшуша бечора банд бигӣ биё ройӣ кнем. Ҳамин хелай кор, гуфтум. Ай ҷабр кардани мардуми бечора ҳами беҳтар нестай? Якташ ҳалол мекуна, яташ хушру мепаза, яташ безеб мепаза, мемурде ҳамин ҳоҷӣ Обида мегуфтед, ҳамин якуним ҳазор мерафт. Ута нонатон мефорид нони тоҷикӣ як занака мефармидед мепухт ҳалол. Се занак мебастан меовардан. Шарт нест, ки шумо бред. Унҷа ҷои растаи нон ҳам нест, да лави дарё, бегоҳ-шав шумо ҳамин кора кунед. Ман намедонум чи мақсад буду.. хулоса як шармандагӣ каран ва ина ҳамин хелин занакора бурдан. Баъд, ки ҳамун ачаи ҳавай гуфт, ки хай Г. бурдакшон шармандагӣ, хезед да пеши ҳамино рақс куне, духтар биёре инора хизмат кнану. Баъд духтарм гуфтай, ки наметонум раиса. Охи и гапма ҳиҷ ки намегирад, кӣ духтароша меора да иҷа метия, иҷоза метия духтар меояд иҷа рақс мекуна, охи маънеш,ки да иҷа меиста. Гуфтай, ки ита кӣ боша вазифара биспоре, ана и хел. Аку туғрӣ нафаҳмидам  чи хел мега ита вазнинтар боша, ки бас карданияй кора.

Боби сеюм, Нома ба Ислоҳ

Ассалому алайкум бародари азиз ва ҳақталош Муҳаммадиқболи Садриддин! Ман аз кормандони пешини мақомоти иҷроияи ҳокимияти давлатии ноҳияи Рашт мебошам. Навиштаи шуморо дар бораи Зарина Идизода хондам. Ҳар ончи навиштаву чоп намудед 100% дуруст аст.

Дар асл ин хонум ягон характери роҳбарӣ надорад. Ин зан дар вақташ муаллима буд. Ӯро ҳамон Набизода Раҳимҷон Муқимӣ раиси пешина овард. То соли 2019 дар ҳукумат набуд. Вай муаллимаи мактаби миёна буд, баъд ба Донишгоҳи омузгории Рашт кор мекард ва баъд дар соли 2017 сардори шуъбаи маорифи ноҳия таъин шуд. Муқимӣ соли 2000 оварду муовинаш дертар муовини аввал монд. Вале ин зан дар сиришташ мисли ақраб аст. Муқимиро подстава кард. Зарина, ин курсиро аз зери пои вай кашида гирифт. Шумо дар ин бора навишта будед. Вақте роҳбари Дастгоҳи Муқимиро бо пора барои додани вазифаи сардори шӯъбаи маориф дастгир карда буданд.

Ин зан чи гуна тавонист, ки бидуни кадом таҷрибаву собиқаи кор дар мақоми роҳбарӣ дар муддати хеле ҳам кутоҳ, раиси ноҳия шавад?

Ин зан  бисёр корҳои бад кард. Ҳоло як сол мешавад ё не, Аммо ҳамин як сол хеле кадрҳои  ноҳияро аз кор гирифт. Гуё ҳукумати ноҳия корхонаи хусусиаш бошад. На ба собиқаи корӣ нигоҳ мекунад на ба мутахассис будани шахс.

 Бародараш раиси Маҷлиси намояндагон аст. Ӯро пушту паноҳ карда корҳои зишт карда истодааст. Ҳатто аз замини бинои ҳукумат фурухт. Ҳама чизро бо пул чену андоза мекунад.

Ин зан, ҳамаи корҳояшро аз номи Ҷаноби Олӣ карда истодааст ва нафрату хашми мардумро нисбати ҳукумат ва Ҷаноби олӣ садчанд боло бурда истодааст.

Ҳоло Заринаро баъзе касҳо Ледӣ мегуянду баъзеҳо Мамароза. Ҳатто ин гуна овозаҳо ҳам паҳн шуд, ки Зарина «пастаянка»-и Сайдализода Муродалӣ, сардори КДАМ-и Рашт аст. Ва тавассути ин нафар бар алайҳи рақибон ё саркашҳову калашахҳо пирӯз меомадааст. Як тиру ду фохта.

Бародари азиз! Ҳасрати дилам ва орзуям ҳамин аст ки барои ҳамин зани золими шаттоҳ биравам як бор ба Ҷаноби олӣ ҳама хату хабарҳоро бирасонам. Гуфти гапҳо ғамхору меҳрубон аст. Ин қадар солҳо дар хизмати халқу ватан аст. Аз соли 1992 ба он присягаи қабулкардааш гуфти гапҳо, ки 1000% ва ҳатто зиёдтар хизмати халқу ватанро кард. Ин муроҷиати ман аст. Чунки ман имконият надорам, ки бо Ҷаноб рӯбарӯ сӯҳбат кунам.Тавассути Шумо, худованд ризо шаваду бирасонад, хеле хуб мешавад. Ҳамин қадар ҳасрат дорам, ки боз ҳамон бачаҳое, ки нону намакашонро мехурду подставиташон кард, беқадрашон кард, онҳо биёянд дар ҷояшон востановит шаванд, боз кор кунанду боз дунё тинҷтар шавад.

Талош мекунад, ки ҳамаро таҳти таъсир ва сиёсати худ қарор бидиҳад. Беҳад кинагир аст, хусумати шахсӣ мекунад. Набизода Раҳимҷон Муқимӣ  хеле инсони хоксор ва хуб буд. Мардумро насиҳат, эҳтиром ва дастгирӣ мекард. Камбудиҳои мардумро талош мекард бартараф кунад вазифа медод бачаҳоро ёрдам мекард.

Аслан Муқимиро бо таъсиррасониҳои ҳамин ледӣ гирифтанд. Ҳар замон через кадоме ба боло ӯро сиёҳ мекард. Ман саддарсад бовар дорам, ки маълумотҳо бар зиди Муқимиро ба Ислоҳ ҳамин Зарина Идизода расонидааст.

 Бе ҳамон ҷои кор рӯзи ман ҳам гузашта истодааст. Ман гушнаю бепушок намондам. Просто, бе ҳеҷ сабаб, бе ягон камбуду кутаҳӣ шарманда кардан дар байни мардум, одамро бо дурӯғу туҳмат забонкутаҳ кардан, аз рӯи инсоф аст? Магар занҳоро ҳамин хел дастгирӣ мекунӣ? Ба ҳар роҳи бад рафтан, ба ҳар як кори бад даст задан, магар кори раиси ноҳия, намояндаи Президент ҳамин аст?

 Мумкин аст баъди паст задани вай, баъди ин кор ҳамин хел набошӣ ҳам ҳаминхелӣ шавиву равӣ. Хайр ин насиби худо аст.

Баъди онки фармони раисиаш баромаду дар курсии раисӣ шишт як бачаро, ки босавод ва бомаънӣ буд -аз ҷамоати Ҳиҷборак-сардори бахши сайёҳӣ буд, ӯро гирифту роҳбари дастгоҳ монд. Вай се моҳ кор кард, накард, ки чи проблемае, чи чизеро баҳона карда бечораро аз вазифа гирифт ва шармандааш кард. Вай Маскав ё куҷое дигар рафт. Ҳам беобрӯ кард ва ҳам аз нолаи даҳонаш маҳрум сохт. Ҳоло, дар ин муҳит ва фазое, ки Зарина дар ҳукумати Рашт сохтааст бачаҳо дар идораҳо  кор карда метавонанд, наметавонанд, номаълум.

 Баъд маҷбур мешаванд, ки Русия раванд. Делои коррупсиониашон, мекунанд мақомоҳоро подключат мекунад вале боз худашро дур мегирад. Баъд забонкутаҳ мекунад коргарҳорову бутун сум пуми он бечораҳоро бо мақомот якҷошуда меканад ва попалам мекунад.

 Ҳоло акнун мегузарам ба асли матлаб ва достони ин занро бо далелу ҳуҷҷат бароятон ривоят мекунам.

Раиси бахши ноҳиявии ҳизбамон Маҳмадов Раҳматҷон буд. Беш аз бист сол собиқа дошт. Вай кори ҳизбро пеш мебурд яъне ҲХДТ-ро аз уҳдаи кораш мебаромад. Ӯро дар «боло»-ҳо -Душанбе сиёҳ ва туҳмат кард. Ба пенсияаш ками дигар монда буд. Уро «на принсип» аз ҷояш беҷо карда ҷояшро гирифта, ду сол кор кард. Як вақт фаҳмидем, ки бечора дар ҷонаш задааст, ҳаяш кардаст. Э,ту натавонистӣ гуфта на принсип чи коре кард через кадомҳое ҷои ӯро гирифт. Дар давоме, ки муовин буд, Муқимиро он қадар ғаме дод, ки касе он тавр азияташ накарда буд. Яке омад фармонаш баромад, раис шуду ана ҳамин хел корҳо кард. Ман бидонам,ки як манро тоқа таъсиррасонӣ ва аз корам дур кард, гапи дигар буд. Хелеҳо, мутахассисҳоро аз кор берун кард.

 Дар ин байн раисони ҷамоатҳоро иваз кард. Раисони ҷамоатҳо, ҳамон се -чор нафареаш, ки собиқадору як майда бамаъниву аз уҳдаи кору борашон мебаромада буданд, корро пеш мебурданд онҳоро аз кор гирифт ва ҷойи онҳо одамони худашро монд.Ҳамон одамоне, ки гапаш ба онҳо мегузарад, пулу порааш меоранду боз хушомадаш мезананд, онҳоро дар гирдаш ҷамъ кард.

  Як мисол биоварам. Пиров Фаридун раиси ҷамоати Қалъаи сурх инсони хуб аст ва ҷамоати вай 20 қишлоқ дошт, худо курам кунад, агар нодуруст бигӯям, коргар буд, ҳатто шабҳо медидӣ, ки дар бари роҳҳои қишлоқҳо арча мешинонд, фақат дар пайи супоришу аз қафои кору ободӣ буд, ӯро аз кор гирифт.

Бо вай барои чи чизе душман шуд. Бо информатсияи даҳани мардуму занҳо, бо овозаҳо ӯро аз кор барканор кард. Бачаҳои Раёсатро супориш дод, муфаттишҳоро,   ки «равен  биёрен маҳкамаш кунед». Панҷ рӯз маҳкамаш кард. Ана ҳамин  тавр беҳиҷчӣ ба вай туҳмати заминфурушӣ кард. Кишварзода, прокурори ноҳия гирифт, санҷид, чизе набаромад, делояшро қатъ кард.Г уфт мо санҷида баромадем, туҳмат будааст. Бобои вай пулдор аст гуфта бутун бегӯру кафанаш кард. Пул ва моли зиёди ӯро гирифта оварда  доданд ва бачаи бечораро хариданд. Бачаи ҷавон аст, мазааш нест, дилаш дард мекунад.

Бобояш, ки сумдор буд, доду наҷоташ дод. Падараш дар Раёсат хабаргириаш меомад, иҷозат намедоданд, намемонданд, ки бидарояду бубинад. Дар СИЗО барояш чиз роҳӣ мекарданд, «супориши раис, мумкин нест» мегуфтанд ва намегирифтанд. Ба дари кабинеташ  печат зада буд.

Зарина Идизода гуфтааст, ки «ин бачаи эркаҳай, ба мо эрка лозим нест». Хуб, ту чи кор дорӣ, ки эрка аст ё нест. Ту коратро талаб кун, ту ба отношенияву муносибати мардум чи кор дорӣ? «И,ихели мена, ухелӣ мена» гуфта баҳона оварду бачаро сахт ғам дод. Хулоса, бо як делои коррупсионӣ аз вазифа гирифт вале тасдиқ нашуд.  

Налоги Рашт дар дасти додари худаш буд. Вай касали дил шуд, дилашро ҷарроҳӣ карда стенд монданд. Вайро аз вазифа гирифтанд. Як бача ба ҳайси иҷрокунандаи вазифа кор мекард. Вайро ҳам ҳамин тавр таъсиррасонӣ кард. Ҳар замон дар маҷлисҳо дар байни мардум сиёсаташ кард, пасташ заду ғамаш дод, безораш кард ва ниҳоят аз вазифа гирифт. Ҳозир боз як бачаи дигарро монд. Ин ҳам шогирди ҳамон аст.

Як бача Мубориз ном дорад, аз кадом ҷамоат аст намедонам. Дар ҳизб( ҲХДТ) худаш, худи ҳамин Зарина Идизода оварду монд. Вагарна вай барои раисии ҳизб намешуд, чун практикаи корӣ  надошт, омода набуд. Хуб дунё дар дасти Заринаи бесавод афтодааст дигар. Ин ледӣ ҳушу ёдаш фақат ба порахурӣ, подставит куниву ҳамин, «фоида кунум»-у ва одамҳоро паст задан аст.

Он бачаяки бечораро чи проблемае кард, ки навор созонд, ташкил кард, дар интернету ютуб партофт, через кадоме. Ҳоло он бача дар куҷо аст намедонам. Дигар дар идораҳо кор карда наметавонад ба фикрам. Ҳоло боз чи кореаш кардааст, ки на дигар Русия рафта метавонаду на кор дар ягон идора.

Чанд сол пеш роҳбари Дастгоҳ як одами босаводу сиёсатдор буд. Он вақт ҳукумат ҳам ранги ҳукумат буд, ӯро подставит кард. Овоза ва гапгапҳо буд, аз баъзе бачаҳо фаҳмидам, ки қопчаи сиёҳ ба сараш кашиданд. Бечораро доғдораш кард. То замони нафақааш кам монда буд. Ӯро бутун шармандаю беобрӯ кард. Ҳамаи бачаҳо гуфтанд, ки кори ҳамин ва супориши ҳамин Зарина Идизода аст.

Як нафари дигар раиси ҷамоати Ҳоит буд,Аббосзодааш мегуфтанд. Баъд мудири маориф таъинаш карданд. Раиса ҷойи ӯро ба касе дигар ваъда карда ӯро бисёр танг кард, то корро бас кунад. Азбаски бо хоҳиши худаш нарафт ӯро ҳам тавассути амният чи балоеяш карду аз кор сураш кард.

 Муҳсиддин Мирзоқурбонов, директори КАТС-и ноҳия аст. 12 сол мешавад, ки инҷо кор мекунад. Бачаи бообрӯ, босавод вай дар кору бораш ягон проблема нест. Дар хизмати мардум аст. Се моҳ мешавад овоза паҳн карда истодааст, ки вайро гирифтанӣ аст.

Як бачаи дигар Қобилҷон ном дорад, аз ҷамоати Қалъаи сурх. Вай дар Русия буд. Албата, бо телефон ё через ягон шиносҳо ӯро ҳой -ҳой карда овардааст. Чунки вай айни замон пулдор аст гуфта ваъда кардааст, ки Муҳсиддинро мегирам ва дар ҷояш туро мемонам. Ин Муҳсиддини бечора тамоман безнастроений ва сарвайрон: «ҳозир мегиранам, беобрӯм мекарда бошад». 

Дар ҳар сессия бисёр ғамаш медиҳад, мехезонад, ҳар гапаш мезанад, таъна мекунад.

Хулоса, талош мекунад, ки ҳамаро таҳти таъсири худ нигоҳ дорад ва нафаронеро биёрад, ки бесавод бошанд, гушаш кунанд.

Чанд рӯз пеш аз назди Идора мегузаштам. Бачаҳо дигар аз тарси вай бо ман саломуалейк намекунанд, намепурсанд. Ман ҳам намепурсамашон. Яке сардори Идораи кишоварзиамон  фарёд карду пурсид, ки созӣ, хубӣ?

-А,бача гуфтум,и чи хел шуд, шумо ай тарси вая мара намепурсидед.

Э, гуфт акнун дигар наметарсам. Ана бас кардам корро.

Дар ҳақиқат бачаҳоро ғамшон медиҳад. Баъд бечораҳо зӯрашон намерасад, вазифаро бубаранд. Рӯзи сиёҳашон медиҳад, баъд бас мекунанд. Як хелҳояш медонанд, ки охир мубориза кунем зӯрамон намерасад шармандаамон мекунаду подставитамон мекунад, пешпеши милисаҳову мақомотамон мекунад.

Ошкоро тарафам гашту гуфт дигар наметарсум ман. Хайр аҳволпурсӣ карду гуфтум ай тарси вая саломалек намекардед

Э, гуфт, и сардори кишоварзӣ ҳамиқа кор безеб ва ҳамиқа қине ҳай, ки гизала шудам, дига зӯрум намерасад, брам аризама нависам акуну чизпизма ҷамъ кунам документомаву ба ҳамин биспорам, тинҷида баобрӯ брам аку Расия».

Бовар кунед, ки ҳама додгӯ шудаанд. Хуллас, сардори Идораи кишоварзӣ ҳам корро маҷбур супорид.  

Боз як нафари дигар, ки 12 сол сардори Раёсати молия буд, маҷбур карда аз вазифа рондаш. Ин нафар аз тарафҳои Ҳоит буд, инсони хуб ва бомаданияту бомаънӣ. Ӯро ҳам бениҳоят ғам дод. Инро ваъда дод, онро ваъда дод дар ҷойи вай. Дар маҷлисҳо ҳамеша мехезонду росту дурӯғ эрод мегирифт, супориш медод, сиёсаташ мекард ва муносибати бад мекард.

Хеле аз бачаҳоро бо ҳамин роҳи газидану неш задан, муносибати носолим кардан маҷбур ва ночор мекард, ки худашон безор шаванду тарки кор кунанд. Агар худашон нафаҳманду ихтиёран бас накарданд баъд ягон проблема мекунад ба шармандагӣ мегирадшон ҳатто тавассути мақомот.

 Дар даруни район ду бачаи босаводу боақл ва бомаънӣ буданд, ки хизмат мекарданд. Дар ҳамин 14 ҷамоат хизмат мекарданд. Аз соати кориашон боз зиёд кор мекарданд: Ахмедов Вайсиддин директори  КДФ буду Абдонов Акобир раиси Кумитаи замини ноҳия.

Он муовине, ки ман ёрдамчиаш будам фақат ба ҳамон ду шуъба бисёртар ҳамкорӣ мекард.Ҳ урмату эҳтироми шаҳрвандонро ба даст оварда буданд. Фармонҳои корашонро аз Душанбе гирифта буданд, онҳоро рӯз надод, гирифту дар идораҳояшон муовин таъин кард ва дар сессияи ноҳия ду девонаи дигарро оварда дар ҷойи онҳо мондаст. Албатта, курсиҳои онҳоро ба он бачаҳо фурӯхт. Дар ҳар куҷо, ки як одами соз ва мутахассис буд, аз кор гирифт ва ҳукумати ноҳияро ба як фирмаи хусусӣ табдил дод.

                 Пасгуфтор

   Баъзе инсонҳо, ки сари кор оянд, мансабу мақом гиранд куллан иваз мешаванд, дар қолабу тани як шахси тамоман дигар, падид меоянд. Ҳамин Заринаи Ледӣ ҳам аз хайлу зумраи ҳамин гуна инсонҳо будааст. Вай, баъди онки раиса таъин шуд дар идора ва контроли нафсаш бо мушкил мувоҷеҳ шуд. Ин тавр идома биёбад, маълум аст, ки чи хоҳад шуд. Абдусалом Тухтасунзода, раиси собиқи Конибодом ҳам аз худ рафтаву худро  дар пайравӣ аз пешво Пешвои Конибодом эълон карда буд, ки дере нагузашта доштанду 12 солаш доданд. Ислоҳ дар бораи вай навишта буд: «Пешвои муаззами шаҳри Конибодом» кист?» , ки бисту дуюми декабри соли 2023 ба нашр расида буд. Онро метавонед таҳти ин линк пайдо кунед:  https://isloh.net/peshvoi-muazzami-shahri-konibodom-kist. Ва ё Қурбоналӣ Юсупов, Қурбони бех, ки худро императори Вахш меҳисобад. Дар бораи вай ҳам, ки тибқи хабарҳо фаъолияти чандсолааш дар дасти тафтишот қарор дорад бо номи «Императори Вахш-Вахш ноҳия аст ё ҷумҳурии худмухтор? 07.03.2025 https://isloh.net/imperatori-vakhsh-vakhsh-nohiya-ast-yo-ҷumhurii-khudmukhtor,Ислоҳ  навишта буд.

Ба навиштаи муаллифони мо Ледӣ аслан поҷомаро дар танаш роҳ намедиҳад. Дар кучаҳои деҳаҳо ҳам бо линги луч мегардад. Сари лич, лингҳои лич, пешобари лучи фарох. Мегӯй, ки як хонандаи бузбалаи 120 кг дар Афғонистон ё Шабнами Сураё дар Дубай бошад.

Ҳиҷ салобату сиёсати як раисро надорад. Ғафс намебуд мешуд Ҳема Малинӣ аз филми ҳиндии «Алибобо ва чил роҳзан» ҳам гуфт. 

Яке аз дӯстонамон гуфт, ки ба вай атри франсузӣ фармоиш кардаст. «Душанбе маҷлисода брам шакида мерам.

Вале дигар оилавӣ кардани ҳукумат дар таҳсуб ва пайравии Ҷаноби олӣ уро то чи вақте нигоҳ медорад маълум нест. Халқи Ғарм ба вай эҳтиром надорад. Духтар туғрикуниҳояш дар сари забонҳо афтодааст. То вай чунин корҳо тамоман набуд. Ҳозир ҳазоруяк қисса, қиссаҳои мисли Ҳазоруяк шаб.

Баъзеҳо навиштаанд, ки агар ин хонум, ки дар ғоибаш Леди мегуянд панҷ сол истад  ҳоли духтраҳои ғармӣ табоҳ мешавад.

 Зарина Идизода  гуфтааст, ки «мн шогирди мактаби давлатдории Пешвоюм. Чи коре Пешво дар мамлакат кард, мн дар Ғарма мекунум». Ва, дар ҳақиқат карда истодааст. Вазифаҳоро фурӯхта истодааст, одамони худашро, мутахассис аст, метавонад не оварда ҷойгир карда истодааст. Агар шумо ҳам сокини Ғарм ҳастед ва аз ҷиноятҳои Зарина Идизода огоҳ ҳастед ,натарсед ба Ислоҳ нависед.

Поёни бахши дуввум, идома дорад….

Сообщение  Ledi from Ғарм №2 появились сначала на ISLOH.net.

Ҳар боре ки аз водии Рашт номае мерасад, дил ба дард меояд: мардум аз зулму фасод, аз таҳқиру таҷовуз, аз харидуфурӯши вазифа ва ҳатто аз сӯхтани масҷидҳо фарёд мезананд. Ба ҷои амният-тарс, ба ҷои адолат-бозор, ба ҷои раҳбарӣ-шаҳват ва ҳирси шахсӣ дар ин водӣ ҳукумфармост.

Ду номаи зер аз дили мардум баромадааст. Яке аз мардумони оддӣ ва дигараш аз як пири 84-сола, ки тамоми умрашро дар хизмати ватан гузаронда, имрӯз шоҳиди табдил ёфтани ҳукумат ба воситаи истибдод ва фасод аст.

Ин номаҳо шаҳодат медиҳанд, ки ҳукумат дар Рашт дигар на ба мардум, балки ба чанд нафари аъзои як хонавода ва як гурӯҳи манфиатҷӯ тааллуқ дорад. Онҳо вазифаҳоро мефурӯшанд, заминро тақсим мекунанд, масҷидҳоро месӯзонанд, занону духтаронро таҳқир ва маҷбур ба ҳамхобагӣ мекунанд, мардумро бо тӯҳмат «ифротӣ» ва «душмани миллат ва хоин» эълон намуда ба зиндон меандозанд.

Ин садоҳо танҳо як нола нестанд-ин фарёди як водии сарбаланд аст, ки мехоҳад ҷаҳон бишунавад:

«Рашт аз зери зулм ба дод омад!»

Водии Рашт: мардум дар зери зулм, ҳукумат дар айшу нӯш

Гузарам ба Рашт шуд ва бо якчанд нафар аз кормандони мақомоти иҷроияи ҳокимияти давлатӣ ва истиқоматкунандагони ноҳия суҳбати сарироҳӣ доштам. Аз рафтору кирдор ва ҷиноятҳои Идизода Зарина Фузайл ангушти ҳайрат газидам!

Тамоми қишрҳои ноҳияро фасод зер кардааст. Мардуми оддӣ ва ҳатто кормандони ҳукумати ноҳия аз рафторҳо ва чашми носеру нодидаву гуруснаи Зарина Идизода ба дод омадаанд.

Дар аввал, вақте ки президент Идизода Зарина Фузайлро ба вазифаи раиси ноҳия таъин намуд, мо хурсанд шуда гумон доштем, ки мисли дигар занҳои соҳибмансаб ӯ низ барои ободонии минтақа ва маҳал кӯшишҳои зиёде менамояд. Аммо ин гумонҳои мо ҳамааш хаёли хоме будааст. Ӯ ноҳия ва дастгоҳи ҳукуматро, қабеҳ ҳам бошад, ба як фоҳишахона табдил додааст. Касе, ки ба ӯ писанд наояд, аз вазифа сабукдӯш мешавад ва курсиҳоро бо гирифтани маблағи ҳангуфт ба ягон ҳамдеҳааш аз деҳаи Қазноқи ҷамоати Нусратулло Махсум мефурӯшад.

Имрӯзҳо Идизода Зарина ҳукумати ноҳияи Раштро ба як хоҷагии деҳқонӣ табдил додааст. Ҳамсӯҳбатонам қайд намуданд, ки агар мабодо мухолифат намоӣ, ки ин сиёсатҳои пешгирифтаи ту нодуруст ва зидди сиёсатҳои роҳбари давлат ҳастанд, ӯ зуд ба мақомоти қудратии ноҳия, аз ҷумла ба сардори раёсати КДАМ Сайдализода Муродалӣ занг зада, хоҳиш менамояд, ки «ин шахс иғвоангез ва ифротӣ аст, нисбаташ парвандаи маъмурӣ тартиб диҳед ва ӯро ба муҳлати аз 5 то 10 шабонарӯз ба ҳабс гиред».

Яке аз духтароне, ки ҳамчун мутахассиси пешбар дар самти иҷтимоӣ дар ҳукумати ноҳия кор мекард, бо хусумати шахсӣ аз кор сабукдӯш шудааст. Ӯ гуфт:
– Вақте сабаби аз кор ронда шуданамро аз Идизода Зарина пурсидам, ӯ дар ҷавоб ба ман гуфт: «Ту мисли дигар духтарон ба ман хизмат намекуни: ҳангоми ба ҳоҷатхона даромадани ман дар пушти дар қоғази ташноб қапида намеистӣ; ту рӯймол мебандӣ, сари луч намегардӣ. Барои ҳамин ту ба ман маъқул нестӣ. Ту аз кор озод».

Идизода Зарина ғайриқонунӣ ин духтарро «задни число» озод кардааст: гӯё пешакӣ рӯзи 1-ум озод карда бошад, вале дар асл санаи 10-ум озод намудааст.

Ҷинояти дигари ӯ: дар ҷаласаҳои ҳукумат ба ҷои нақша ва чорабиниҳои роҳандозишуда аз замони арӯсияш нақл мекунад, ки «ман духтари зебо ва хушандом будам, бачаи пеши қишлоқро гирифтам, ҳар саҳар барои хушдоманам нонҳои гарм мепухтам ва ҳозирам, ки вақте сари вазифа омадаам, супориш медиҳам нонҳои гарм пухта барои хушдоманам равон кунанд». Хулоса, ҳукумати ноҳияро ба мисли дӯкони харидуфурӯш табдил додааст. Дар маҷлисҳои ҳукумат туяшро нақл мекунад.

Ҳангоми ташрифи меҳмонон ба ноҳияи Рашт ба кормандони ҳукумат, бахусус ба занҳо супориш медодааст, ки дар тарабхонаи сохтаи Ҳоҷи Обид, ки дар болои дарёи Сорбоғи Камароб ҷойгир аст, ба меҳмонон духтарҳои хушрӯй биёранд, то ҳамхоба шаванд ва меҳмонон аз ноҳия розӣ ва хушҳол баргарданд.

Яке аз ҷиноятҳои дигари ӯ-фурӯши тамоми замини ноҳия. Барои худаш дар дараи Камароб, дар мавзеъи Дашти Боғистон бустонсарой сохтааст, ки Гулзода Дилшод, собиқ комиссари ҳарбии ноҳияи Рашт (ҳоло Нуробод), бо ӯ муносибатҳои маҳрамона дорад.

Ҷинояти аз ҳама сангини Идизода Зарина-вақте, ки гуфтанд «шояд туро раиси ноҳия таъин мекунанд», тифли 7-моҳае, ки дар батнаш буд, ба воситаи доруҳои зиддиҳамл исқот кардааст. Дар ин куштор ба ӯ директори маркази репродуктивии ноҳия Давлатова Замира кумак кардааст. Замира, дугонаи наздики Зарина, тамоми доруҳои зиддиҳамлро дастрас менамояд. Азбаски медонад, ки ин амали Зарина тибқи моддаи 105-и Кодекси ҷиноятӣ ҷинояти одамкушӣ аст, бо ҳамин ӯро забонкутоҳ намуда, ҳар амру фармоне диҳад, раисаи ноҳия онро дар ҳол иҷро мекунад.

Ӯ инчунин терминали мусофиркашонии ноҳияро ба маблағи 300 ҳазор доллар фурӯхтааст. Замини назди бинои ҳукумати ноҳияро бошад ба Ҳоҷи Обид ба маблағи 100 ҳазор доллар додааст ва хонаи истиқоматӣ гирифта, сохтмони ошёнаи 12-ум идома дорад.

Идизода Зарина ҳангоми иҷрои вазифа ба нӯшидани машрубот (коняк ва виски) машғул аст. Як рӯз дар ҳолати мастӣ ба дугонааш гуфтааст: «Ин қаду қомати зебо ва пойҳои ғавсаку сафеди ман зеби болини ҷаноби олӣ доранд. Агар ӯ бинад, аз ҳуш меравад». Ҳамсӯҳбатон мегӯянд: наход президент бо чунин амалҳои паст даст занад, ҳоло он ки аз ӯ ҳатто макакаҳои Африқо зеботаранд.

Бародараш Идизода Файзалӣ, як бесавод, раиси Маҷлиси намояндагон аст. Ӯ мардумро метарсонад, ки «бародарам ҳамнишини ҷаноби олӣ аст, маро дастгирӣ мекунад».
Бародараш Идизода Фаррух-собиқ раиси андози ноҳия, ҳоло раиси кумитаи андози Нуробод.
Бародараш Идизода Фирӯз-раиси фурӯши барқи ноҳияи Рашт аст, ки бо маҷбур кардани корхонаҳо бе ҳисобкунак фаъолият кунанд, пул ҷамъ меорад ба нафъи худаш.

Ин хонавода тамоми вазифаҳои калидиро дар ноҳия аз худ карда, мардумро ба дод овардаанд. Идизода Зарина ба тамоми сохторҳои қудратӣ супориш додааст, ки болои мардум фишор биёранд, таҳдид кунанд ва зулм намоянд.

Кор то ҳадде расидааст, ки мардум аз бесаводӣ ва ҷабру зулми ӯ ба дод омадаанд. Мегӯянд, ки раисони пешини Рашт чунин набудаанд. Дар кӯчаҳои шаҳраки Ғарм рӯймолҳоро аз сари занҳо кашида мегирад.

Бародари гиромӣ Муҳаммадиқбол Садриддин! Илтимос, номаи моро нашр кунед, то ҳама аз ҷиноятҳои Идизода Зарина ва дарди дили мардуми Рашт огоҳ шаванд.

ШИКОЯТИ ПИРИ СОЛХУРДА БА РОҲБАРИЯТ

Ман як пири солхурда аз Водии Раштонзамин ҳастам, ки дар тӯли 84 соли ҳаётам чанд маротиба дигаргуниҳои зиёдро дидаам: пош хӯрдани Иттиҳоди Шуравии бузург ва ҷанги шаҳрвандӣ дар Тоҷикистон. Умрамро дар роҳи хизмати Ватан фидо кардам, вале имрӯз ин амалҳоро мебинам ва ҳайрон мешавам.

Маврид ба зикр ва зарур аст, ки моҳе пеш сафари кории президент ба Водии Раштонзамин шуд ва супориши Сардори Раёсати Амнияти минтақавӣ-Рашт, Сайдализода Муродалӣ-ба зердастонаш чунин буд, ки ҳамаи он шахсоне, ки ҳақиқат мегӯянд, дар минтақаи Рашт то омадани роҳбари давлат нисбаташон ягон камбудӣ ёфта забонро кӯтоҳ кунанд; ки охири моҳ роҳбар меояд, ва агар на-он камбудиҳоеро, ки мо дорем, ҳамаамонро паси панҷара мебаранд. Ҳатман он нафароне, ки менависанд ҳақиқатро, онҳоро душманони мо ва душмани миллат ҳисоб карда, рӯйхат мекунанду маҳкам мекунанд, то садояшон аз ҳеҷ ҷой набарояд; бигиред, тарсонед. Ҳамаш дар дасти худи мо аст-ин суханонро Сардори Раёсати Амният Сайдализода Муродалӣ гуфтааст.

Мардуми минтақаи Рашт:

1. Рашт
2. Нуробод
3. Сангвор
4. Тоҷикобод
5. Ҷиргатол ё Лахш

Тафсилоти муҳим:

1. Бо ҳамин амалҳои таҳдидомезаш пул кор мекунанд.
2. Касе гап мезанад, сухани ҳақ; дар ҳол бе пурсиш ва саволу ҷавоб «иғвогар-хоини миллат» гӯфта, паси панҷарааш кунед; ҳамаш дасти худамон аст.

Ин ҳолат боиси нооромӣ дар минтақаи Рашт шудааст. Аз рӯзҳое, ки Сайдализода Муродалӣ сардори Раёсати Амният таъин шудааст, минтақаро ором намебинам. Ноҳияи Рашт 14 ҷамоат дорад. Ҳар як раиси ҷамоат 80–100 ҳазор сомонӣ гирифта, ба раиси ноҳия супориш додааст, ки Идиева (Идизода) Зарина инҳоро таъин кунад; ва агар на, ба президент мактуб менависам. Ӯ мегӯяд, ки шумо хӯрофотпарастед ва аз вазифа мегиранд; шумо худатон хуб медонед, ки шумо хӯрофотпарастед, мардуми минтақаи Рашт.

Раисаи ноҳия Идизода Зарина сухани Сайдализода Муродалиро ба ҷон ва дил қабул кардааст ва гуфтааст: «Ҳамаро дар ҳукумат, ҷамоат бо супориши шумо қабул мекунам. Ман аз хатти кашидаи шумо берун намеравам; маро мактуб накунед.» То имрӯз таъйин ва ҷобаҷогузории кадрҳо дар Рашт пулро Сайдализода Муродалӣ аз дилхоҳ вазифа мегирад ва ба раиси ноҳия супориш медиҳад, ки таъйин кун.

Хонандаи гиромӣ, бинед, ки сиёсати давлат ва ҳукумат дар Водии Рашт аз дасти як кас, ки манфиати шахсии худро аз ҳама боло мегузорад, ба як бозори хусусӣ табдил ёфтааст. Тасаввур кунед:

1. Доля гирифтан дар қарори раиси ноҳия (қарори замин ва дигар қарорҳо).
2. Доля гирифтан аз сардори сабти ҳолатҳои шаҳрвандӣ.
3. Доля гирифтан аз роҳбари танзими ноҳия барои баргузории тӯйҳо ва маъракаҳо.
4. Долябанди дар заправкаҳои ноҳия.
5. Доля гирифтан аз гурӯҳҳои муташаккили ҷиноятӣ барои пӯшонидани гуноҳҳояшон ва озод намудани онҳо аз ҷавобгарӣ.
6. Ҷамъ намудани маблағ тавассути имомхатибон ва муллоҳо аз мардуми оддӣ.
7. Сайдализода Муродалӣ ба худ як «чодугар» дорад аз ҷамоати деҳоти Тагоба (деҳаи Зарифи), ки пеши ӯ рафта ҷодугарӣ сару забони роҳбариятро мебандад, то барои кабудиҳояшро набинанд.
8. Призви салдат-дар ноҳия бозори Сайдализода Муродалӣ ташкил шудааст.

Вақте ки ин гуна маълумотҳо ба ман ҳамчун як пири барҷомонда мерасад, дигар сохторҳо назорат намекунанд. Бовар кунед, вазъияти имрӯзи мардум аз дасти Сайдализода Муродалӣ бад ва номуносиб шудааст. Фасод ноҳия ва минтақаро зери по кардааст.

Сайдализода Муродалӣ бензинро барои нигаҳдории амниятӣ ба манфиати худ истифода мекунад; дар ҳар ноҳия 5–8 заправка ҳаст. Дар ҳуҷҷат имзо мекунем, ки дар бораи ин масъала гап нашавад, ки сартона мехарем.

Дигараш-канселярия: дафтар, ручка, китоб, компютер. Боз дигар ҷиноятҳояш: таъмири 4 бинои Раёсати Амнияти минтақавӣ (Лахш, Тоҷикобод, Нуробод, Сангвор). Ҳар сол маблағ аз комитет ҷудо мешавад барои таъмир; моро супориш медиҳад, ки дар санадҳои таъмир имзо кунем, пулро Сайдализода Муродалӣ ба ҷайбаш мезанад ва мегӯяд, ки аз ҳисоби салдат таъмир кунед. Боз пул биёред, ки «супориш аз роҳбар аст». Бовар кунед, безор аз кор шудем.

Ин маълумотҳоро борҳо ба СБ (тафтиш?) гуфтем; доля дода шудааст, Сайдализода Муродалӣ худро тоза нишон медиҳад.

Дар 5 ноҳияи минтақаи Рашт ҳуҷҷатҳо ҳар моҳ имзо мешаванд; вале кормандон аз ҳисоби худ сӯзишворӣ мерезанд. Аз Сафаров Файзиддин барои даъвати ҳарбӣ 20 ҳазор сомонӣ пора гирифта шудааст тавассути Шараф Садиров- роҳбари кафедраи таърих ва ҳуқуқи донишгоҳи омӯзгории ноҳияи Рашт. Аз деҳаи Поҷеи Поён тавассути Назаров Сайъали Табарович ёрдамдиҳандаи КДАМ аз 13 нафар ба маблағи 80 ҳазор барои хизмати алтернативӣ гирифтааст; 54 ҳазора маблағи давлатро супорида ва дигарашро ба манфиати шахсӣ истифода бурдааст.

Соли 2021 бо ҳамроҳи Сафаров Баҳром, собиқ корманди КДАМ, аз Қалъаи Сурх як миллион сомонӣ ҷамъ кардаанд тавассути мизи ҳарбӣ Ғуфронов. Сафаров Баҳромро барои фасодкорӣ аз вазифа гирифтанд. Сайдализода, ки он замон муовини роҳбари КДАМ буд, ҳама фасодро роҳандозӣ карда буд.

Аз тамоми ҷамоатҳо, шуъбаҳои маориф, ҳукумати ноҳия- доля мегирад. Масалан, бо номи «лайк мондани шаҳрвандон», ки президент ҷазоро барои лайк манъ карда буд, Сайдализода зиёда аз 100 нафарро даъват намудааст, қалбакӣ таҳдид карда, пора гирифта озод кардааст. Агар шӯъбаи санҷиш санҷиш гузаронад, ҳама чиз рӯшан мешавад.

Ҳамасола барои агентура 900 ҳазор сомонӣ ҷудо мешавад, вале ӯ ин пулро обу лой мекунад ва ба касе намедиҳад.

Тамоми занбӯрпарварон дараи Камароб доляи асал медиҳанд. Масалан, аз Ҳоҷиев Ҷумъабой Додович (занбӯрпарвар) тавассути Ҷумъабой як фалак асал месупоранд. Зиёда аз 100 занбӯрпарвар ҳастанд, ки аз онҳо доля мегирад. Аз тамоми чарогоҳҳои тобистонаи Водии Рашт, аз молдорҳо доля тавассути раиси хоҷагии ҷангал пул мегирад.

Барои аз Хизмати ҳарбӣ озод намудани сокини деҳаи Шингилич 12 ҳазор сомонӣ аз Усмон Худоёров гирифтааст.

Барои таъйини раиси ҷамоат Қурбоналӣ ном шахс аз ӯ 80 ҳазор сомонӣ гирифтааст-Сайдализода Муродалӣ.

Дар Водии Рашт бо сӯзонидани масҷидҳо даст мезананд. Аз ҷумла, масҷиди Поҷеи Поёнро оташ задаанд; сокини деҳаи Поҷеи Поён дидааст, ки шаби сӯхтор ду корманди амният гурехтаанд. Баъдан пули калон талаб карда гирифтаанд, баъд иҷозат доданд, ки аз нав бисозанд. Дар деҳаи Яшми ҷамоати деҳоти Боқи Раҳимзода моҳи июни соли 2025 масҷиди 5 вақтӣ оташ зада шудааст; кормандони Амният ноҳияи Рашт бо фармони полковники амният Сайдализода Муродалӣ онро оташ задаанд. Дар дохили масҷид қисман сӯхта вайрон шудааст ва баъдан барои иҷозаи масҷид дубора пул фармоиш додаанд аз сокинон. Вақте ки пул надодаанд, ба сокинони деҳаи Яшм то ҳол иҷозат намедиҳанд, ки масҷидро таъмир кунанд. Мулло имоми масҷид ба назди Раиси ноҳия Идизода Зарина рафта, ӯ гуфтааст ба раиси деҳа ва имомхатиб, ки агар ман иҷозат диҳам, ки масҷидро таъмир кунед, манро амниятиҳо хӯрофотпараст мегӯянд ва дар боло сиёҳ мекунанд… (мана гапу ана гап).

Хитоби марди солхурда ба шумо: дар як деҳа як масҷид дорад- маргу мир аст шумо, ки ҳастед, ки монеъа мешавед, ки масҷидро таъмир кунанд? Масҷид дорои ҳуҷҷат, сертификат ва ягон мушкили надорад. Оё ин Сайдализода аз Биноямин Натаняҳу супориш мегирифта бошад, барои сӯзонидани масҷидҳо? Кӯҳу пуштаҳо ё аз СС Ятимов?

Ду ҳафта пеш кӯҳҳои Санги Малики, ҷамоати Боқи Раҳимзода ва кӯҳҳои болои ш. Ғарм, баъдан кӯҳи Нурободро ҳамин амниятиҳо бо супориши Сайдализода Муродалӣ оташ задаанд; ҳамаашон сӯхта хокистар шудааст.

Ҳадафи ин кирдорҳо ин аст, ки диққати мардум ба дигар самт раванд ва тарс дар дилашон ҷой гирад-кабудиҳои манро фаромӯш кунанд.

Сайдализода Муродалӣ як наркаман ва бангӣ аст, ки дар дараи Камароб, дараи Ясман, дараи Тагоба, дараи Сиёҳдара, дараи Тутат Ҳайит (ҷамоати Асқалон, деҳаи Кули калон) ҷойҳои истироҳат-бангзани, афиюнхӯрӣ, шаробнушӣ ва бевабозии Сайдализода Муродалӣ дар рӯзҳои кори ва рӯзҳои истироҳат-маишат мекунад.

Аз ноҳияи Ҷиргатол (Лахш) духтарони зеборо оварда дар дараи Тутаки ҷамоати Ҳайит дар лаби дарёи Кабуд ҳаромӣ мекунанд ва мегӯяд ғармиҳора тамом кардем навбати қирзҳо расид ҳамихелишон бояд кунем.

Ҷои истироҳатии дигараш ноҳияи Сангвор-даромадгоҳи ноҳияи Сангвор лаби ҳавзи Кабуд аст, ки занҳоеро, ки дар ҳукумат ва ташкилоту идораҳо кор мекунанд, ба воситаи сарпарастҳо (кураторҳо) бо шантажу иръоб маҷбур мекунанд; барои камбудиҳои онҳо делои ҷиноятӣ таҳия мекунанд ва онҳоро бо шантаж маҷбур ба ҳамхобагӣ мекунанд. Ба ҷои он, ки фармонҳои президентро иҷро кунанд, Сайдализода Муродалӣ аз заифӣ ва бечорагии онҳо истифода мебарад: онҳоро камбудӣ ёфта таҷовуз мекунанд.

Масалан, бо Мадина, корманди САҲШ (ЗАКС), Ноҳияи Рашт камбудияшро ёфта, ӯро шантаж карда таҷовуз мекунанд.

Хонандаи гиромӣ, тасаввур кунед, ки Сардори Раёсати Амният 5 ноҳия-Сайдализода Муродалӣ-як наркаман ва бангӣ ва таҷовузгар аст!!! Аз инҳо мо чи гуна орзуи амонӣ кунем?

Гуфтаанд, ки мо мардуми Кӯлоб омада давраи ҷанги шаҳрвандиро дар ин ҷо азобу азият кашидаем; имрӯз зану духтари мардум Водии Раштро, Сангвору Нурободу Тоҷикободу Лахшро таҷовуз мекунанд… ин супориши бевоситаи роҳбари давлат аст, ки дар паси парда супориш додааст. Сайдализода ҳамаро ба дод овардааст дар Водии Рашт.

Оё ин ҳукумат соҳиби воқеӣ дорад, ки лаҷоми ин ҷинояткоронро бикашад?

Бо эҳтиром, пири солхурда аз Водии Рашт.

Сообщение Рашт: «водие, ки адолатро бо пул мефурӯшанд» появились сначала на ISLOH.net.

 Аслан худи ҳамин интихоботи ахири Маҷлиси намояндагон ва маҷолиси маҳаллӣ чи маъракае буд, кадом наздикӣ ва шабоҳат ба як интихоботи воқеиро дошт? Шуморе аз аъзои тими «Ислоҳ», ки дар бархе аз ҳавзаҳо, аз ҷумла Душанбе, Хуҷанд, Қурғонтеппа ва ҳамин Раштро назора мекарданд, гуфтанд як чунин интихоботи ҷаъливу сохтаро пеш аз ин дар торихи интихоботҳои гузашта ба ин шакл аслан шоҳид нашуда буданд.

Як интихоботи бесарусадо, интихоботи бешавқу шур, интихоботи мурда, интихоботи сурат ё шабаҳи интихобот, интихоботи мазоҳу масхараи интихобот, интихоботи беғавғову бебаҳсу бемубориза, як интихоботи сокиту лол ва бемазаву беранг буд. Гуё чизе рух надода буд, як рӯзи маъракаи бузурги сиёсӣ, як рӯзе, ки биравам ба номазди мавриди назарам раъй бидиҳам, набуд. На рӯзи интихобот ғайримаъмулӣ буд ва на то рӯзи интихобот, кадом корзори пеш аз интихоботӣ ҳам набуд.

 Ин тавр, ки ҷаласаи мулоқот бо интихобкунанда дошта бошад, ин тавр, ки гурӯҳҳои таблиғу ташвиқ бошад, ин тавр, ки шахсони боваринок дошта бошад, ин тавр, ки аҳзоб нозирон дошта бошанд, ин тавр, ки хабарнигорон ҷараёни онро мунъакис кунанд, на аз ин даст ҳарфу ҳадиси интихоботӣ чизе набуд, балки ҳеҷ чизе набуд. Мардум гуё ба мурдахона мерафтанд. Мурдахона барои таслият ва таъзия. Ин тавр, ки номзад барномаи пешазинтихоботӣ дошта бошад, ин тавр, ки аз мардум даъват ба амал оваранд, ки ба ман овоз диҳед, набуд. Мунтаҳо як бозие бо интихобот буд. То ҳамин ҳад интихобот таҳқир ва тавҳин шуда буд.

Як нафар аз мушоҳидони мо, ки аз Душанбе гузориш медод гуфт, ҳатто масъулони қитъаҳои ахзи раъй, ки умдатан аз муаллимон иборатанд, ба ҳоли худу халқи тоҷик механдиданд.

 Ҳамчуноне интихоботи маҷлис беобруву беобуранг буд, раиси Маҷлис ҳам ҳамин тавр як нафари ношинохта номаълум ва нонамоён аст. Кӣ ба ӯ  ҳариф буд ва вай чи миқдор раъй ба даст овард низ на фақат дар масъулияти спикерӣ дар вақти интихоби вакил ҳам номаълум. Барои мисол раисони пешини Маҷлис, ки ғармиҳо мешаванд вақти пешбарӣ аллакай маълум менамояд ки одами боло аст. Ин ҳам одами боло аст аммо маслан на Сайдулло на Шукурҷон ва ҳатто на ҳамин Маҳмадтоир Зокир аст. Маҳмадтоир Зокир хеле вазифаҳоро тай зад. Дар истеҳсолот кор кард.Тартиб дошт.

 Кор ба ҷое кашонда шудааст, ки бархе аз номзадҳо дар маҷолиси барои мисол Шурои ҷамоа, ки исмашон вориди барга шудааст, масалан нафареро, ки барои раиси ҷамоат ё котиби ҷамоат рақиб сохтаанд, аслан хабар надорад, ки исми вай ба унвони номзад дар бюллетен навишта шудааст. Масалан дар як қитъаи Исфара нафаре, ки ба расис рақиб аст, ки  7 сол пеш куч баставу  феълан дар Русия ба сар меарад. Ё он муаллима, ки исмашро дар барга сабт кардаанд, бо шавҳараш дар Файзобод зиндагӣ дорад. Интихоботу Маҷлису вакилро он қадар забуну залилу заифу беманзалату беқадру беарзиш, латтапора, куҳнакола, ҳиҷчи, тамоман ҳиҷчи карданд, ки кас намедонад чи бигуяд?

Дар ҳоле як чунин интихобот баргузор карданду Маҷлиси намояндагон сохтанд, табъан, ки раиси ин Маҷлис ҳам ранги худи ҳамин интихобот хоҳад буд. Аммо, ба ҳар ҳол, ончуноне гуфтем, наздики як моҳ мешавад, ки ин ҷаноб спикери парлумон, нафари якум баъд аз ду намояндаи Оила дар иерархияи ҳокимияти Тоҷикистон ба ҳисоб меравад, на звуке, на ҳарфе, на нишону на аломате.

Парлумон-Маҷлис дар тамоми кишварҳо пурғавғотарин аркони ҳокимият аст. Чун аз намояндаҳо иборат аст, дасти як кас нест, дасти даҳҳо ва дар Тоҷикистон 63 кас аст.

Файзалӣ Идизода амалан ва қонунан роҳбари саввум, раиси яке аз се шохаи ҳокимияти марказӣ шуд ва барои мисол ризои Худо бар ин бошад, ки нафари якуму дуюм дучори сонеҳаи нақлиётӣ, ҳавоӣ, мавриди теракт, хонаашон оташ  гираду успет накунанд ва сухтаву хокистар шаванд, Худо бихоҳаду Рустам чизеш бишаваду Раҳмонов сактаи қалбӣ ва ҳамзамон мағзӣ бигирад, корношоям шаванд, хулоса ҳодисае бишаваду Раҳмонову Рустам несту нобуд шаванд, ҷаноби Идизода тибқи Қонунӣ асосӣ и.в раиси ҷумҳурӣ мешавад. Аммо, сусту фулуст, лолу гунг, карахту шахшуда аст. Баъид аст ки чунин ангеза ва амбитсия дошта бошад. Раҳмонов ӯро ҳатто дар минбари наврузӣ дар бари худаш ва Рустам роҳ надод, ки ҳамроҳ бо Рустам ба арғиштҳои раққосаи рақами 1 каф мекуфт. 

 Ҳоло, биёед бигзарем аз рақибони интихоботии вай дар худи ҳавзаи Рашт ва низ дар курсии спикери парлумон, ки натавонистем пайдояшон кунем, чун аз онҳо дар ҳеҷ ҷое ном бурда намешавад, аммо саволи матраҳ ин аст, ки худи Файзалӣ Идизода кист?

Чунки қаблан на номашро шунида будему на мансабу собиқаи кориаш дар мақомоти давлатиро медонистем. Танҳо  исми хонаводагии вай-Идизода, барои мо «Ислоҳ»-иён ва хонандагони ҳамешагии мо шинос метобаду бас. Дар ҳақиқат дар бораи Идизода қаблан навишта будем, аммо вай Идизода Зарина, раиси Рашт (Ғарми собиқ) мебошад ва ҳоло бароямон рушан шуд ин ду хоҳару бародар будаанд. Акнун Ғарм дар дасти ҳамин хоҳару додар аст. Зарина, раиси Рашт ҳам соли гузашта ба ин мақом даст ёфтааст. Тибқи хабарҳо Файзалӣ Идизода дар парлумони қаблӣ ҳам вакил будааст. Аммо аз куҷо ва кадом ҳавза интихоб шудааст, низ номаълум ва маҷҳул аст.

Нукта ва пурсиши асосӣ ин аст ки иллат ва омили овардани як чунин шахси барои маҳофили сиёсӣ ва ҷамъияти кишвар ба курсии раиси Маҷлиси намояндагон яке аз се шохаи ҳокимияти давлатӣ, шохаи олии қонунгузорӣ чӣ аст ва чӣ буда метавонад? Посухи ин саволро аз сиёсати ба зоҳир «ҷавонгароӣ»-и Раҳмонов вале дар асл ба итоати бечунучарои Рустам, ки то чанд фурсати дигар дар ҷойи худи Раҳмонов хоҳад омад, даровардани тамоми шохаҳои ҳокимияти давлатӣ метавон пайдо кард. Инҷо Раҳмонов ба ҳайси як диктатори пуртаҷриба ва муғамбир саъй дорад, кадрҳоеро дар аркони давлат ҷосозӣ кунад, ки таҳти шуоъ ва сояи Рустам буда бошанд ва Рустам аз ҳар лиҳоз аз онҳо яксару гардан боло ба назар расад. Яъне ҳама таҳаввулу таҷаддуд дар чаҳорчуби пиёдасозии барномаи интиқоли қудрат сурат бигирад.

То кунун ҳеҷ яке аз раисони Маҷлиси намояндагон камтар аз 55 сол син надоштанд ва то инки дар курсии раиси Маҷлис шинонида шаванд, бо онҳо ҷомеаи кишвар ошно буд. Аммо Файзалӣ 48 сол дорад. Як нафари номаълум ва ноошно. Ҷомеаи кишвар аз вай аслан шинохте надорад.

Раҳмонов барои онки Рустамро бисозад ва бисабзонад ва бинамоёнад, бояд дигарҳоро бишканад ва хушконад. Ин дигарҳо метавонад ҳар касе бошад, масалан Фаромуз Иргашев, ки ҳануз дар интихоботи 2020 эълон кард, ки рақиби интихоботии Раҳмонов ва дар интихоботи баъдии раёсати ҷумҳурӣ ҳам муддаии ин курсӣ мешавад. Раҳмонов Фаромузро маҳз барои ҳамин даъвояш зиндони абад кард. Тамоми аъзои ҳукумат ва мансабдорҳо камтар ва поинтар аз Рустам бояд бошанд. Аз ҳар лиҳоз тавре бошанд, ки мардум гумон кунад, боз Рустам аст ки аз онҳо як сару гардан боло аст.

 Аммо Идизода ва афроде амсоли вай дар ягон ҳолат чунин баёниву изҳороте нахоҳанд дод. Тарҷумаи ҳол ва роҳи тайнамудаи вайро дар сарчашмаҳои бози интернетӣ мурур кунед, маълум мешавад, ки болои вай ба унвони ғармии «даркорӣ» барои Маҷлис аз чанд вақт ба ин су ангушт гузошта шуда будааст. Раҳмонов аз солҳо пеш уро «таги чашм» кардааст. Табдили зудзуди вай аз як мақом ба мақоми дигар, агарчи ба ҷуз аз сардори Раёсати маорифи Дастгоҳи иҷроияи Президент, кадом мақоми муҳиммеро ифо накардааст, далолат ба ҳамин андеша мекунад, ки ӯро чанд сол аст тарошида ва арраву ранда  ва « ружду суфта» карда будаанд.              

     Овардани Файзалӣ Идизода, як шахси номаълум ба мақоми раиси Маҷлиси намояндагон ҳақир ва кучаку ночизсозии раҳбарони дигар шохаҳои ҳокимият дар баробари Рустам, президенти ояндаи Тоҷикистон аст. Аслу моҳияти сиёсати ҷавонгароии Раҳмонов ҳамин аст. Раҳмонов мехоҳад тавре намоён кунад, ки фақат вай ва баччаву духтари вай ҳастанд сазовор ва шоиста ва муносиб ба раҳбарӣ.

Шояд дар гушаи хиёли ин Идизода боре ҳам хутур накарда буд, ки замоне мерасад, ки вай дар яке аз се шохаи ҳокимият, ҳокимияти олии қонунгузории қонунбарории Тоҷикистон раис мешавад. Амалан яке аз роҳбарони Ҷумҳурии Тоҷикистон.

  Аммо тавре гуфтем, Идизодаро ба ҳеҷ ҳолат бо пешгузаштагонаш наметавон муқоиса кард. Ҳам Сайдулло Хайруллоев, ҳам Шукурҷон Зуҳуров ва ҳам ҳатто ҳамин Маҳмадтоир Зокирзода шахсиятҳои матраҳу шинохташуда буданд. Раҳмонов бо овардани Файзалӣ Идизода гуфтанӣ ва нишон доданӣ аст, ки дар водии Қаротегин, дар Ғарм беҳтар аз Файзалӣ наёфт. Аммо на аз лиҳози касбият, на аз собиқаву пешина ва таҷриба Файзалиро бо он се нафар намешавад баробар донист ва яқинан дар сатҳи онҳо нест. Гапи он се нафар ба муовинонаш мегузашт, чун таҷрибаву малака доштанд ва салоҳияту ваколатҳои худро, ҷойгоҳи худро медонистанд, вале ҳоло Шоҳиён куҷову Идизода куҷо? Яқинан дар дасти Шермуҳаммади Шоҳиён, ки муовини аввали Маҷлис шуд, Идизода ба як игрушка бадал хоҳад шуд. Чунки балад нест. Бемуҳобо, ин раиси нав наметавонад, барои мисол як вазирро ба чолиш бикашад. Масалан вазири молия ё иқтисодро, ки тарҳи буҷҷаи давлатиро дар парлумон муаррифӣ хоҳанд кард.

Бидуни шакку тардид ин як сиёсати ҳисобшуда ва тарроҳишуда аз суи Раҳмонов ва тими хонаводагиву авлодии вай аст ки ҳамин гуна нафарони гумном, ноошно, номаълум, маҷҳул ва дар сатҳи поинтару пасттарро биоваранду дар баробари Рустам ҳақиру хурду кучак нишон диҳанд. Раҳмонов ҳамин гуна кадрҳоеро ба мақомҳо меоварад, ки онҳо дар асл патаку пайтобаву пайпоқи Рустам хоҳанд буд ва ҷойгоҳу мақоми ҷамъиятиву давлатии онҳо на бештар аз хоҷасароёни дарбори амирону шоҳони қуруни вустоӣ хоҳад буд ва онҳо дар пеши Рустам ҳамеша дастҳо пеши бар ва дузону хоҳанд буд. Рустам шери нар ва онҳо ба масобаи харгушу рубоҳу шағол корашон фақат думликонӣ мешавад.

Мақсад ва ҳадаф камтар аз Рустам нишон додан аст. Рустам давлатмард аст, Рустам давлатсоз аст, Рустам матраҳу шахсият аст, Рустам ин асту он аст. Ин дигарҳо, масалан Файзалӣ Идизодаанд.

Идизода то инки инҷо оварда шуд, чуноне гуфтем, фиргардону гирдгардон шудааст, ҳашт моҳ инҷо, даҳ моҳ онҷо, як сол инҷо ду сол онҷо. Ӯро то инки инҷо оваранд, фаҳмониданд, ки лезит намекунӣ, қуш намешавӣ, ҳеҷ гуна амбитсияе надошта бошӣ, чун барои Раҳмоно дар пеш марҳалаҳои ҳассосеву хатароваре дар роҳ аст ва «набоядам бероҳа бишавӣ».

Раҳмонов аз водии Қаротегин ҳеҷ вақт ва ба ҳеҷ ваҷҳ хотирҷамъ ва дилпур набуд ва нахоҳад шуд. Инҷо ва инҳо бо Раҳмонов ҳамхонӣ ва монандӣ надоранд. Раҳмонов инҳоро зада ҳукуматро гирифт. Раҳмонов барои инҷо-курсии мухтаси ғармиҳо, раиси Маҷлиси намояндагон бояд вафодортар аз саг ва беимонтар аз худашро бимонад. Омода бошад, ки барои вай ҳама дору мадорашро бидиҳад, кафши пову пайтобаашро билесад. Барои ҳамин Файзалӣ Идизодаро давоми чанд сол «инвару он вар» тоб дод, вале дар ягон вазифаи руғанӣ, ҳатто раиси Рашт намонд, ки дар дасташ маблағу буҷҷа дошта бошаду таъми пули калонро бичашад, фақат дар ҷойҳои барои «муаллимҳо» мегузошту мегирифт.

 Масалан ба танҳо ҳамин қисмати тарҷумаи ҳоли Идизода таваҷҷуҳ кунед. «Бо амри Президенти Ҷумҳурии Тоҷикистон аз 6 марти соли 2020 ба вазифаи Сардори раёсати маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон таъин гардида, то 4 майи соли 2021 дар ин вазифа кор кардааст.Аз 6 майи соли 2021 ҳамчун вакили Маҷлиси намояндагони Маҷлиси Олии Ҷумҳурии Тоҷикистон ва аз 14 майи соли 2021 ба ҳайси раиси Кумитаи сохтори давлатӣ ва худидоракунии маҳаллии Маҷлиси намояндагони Маҷлиси Олии Ҷумҳурии Тоҷикистон кор карда истодааст».

Яъне бурданду шогирди Озода монданд. «Муаллима» фаҳмонд, ёд дод, садоқат ва вафодорӣ ба Оиларо бу гушаш кард ва дар иваз зиндагии бекамбуд ва савори мошини давлатӣ ва имтиёзҳои фаровонро фаҳмонд ва фаҳмонд, ки айни хоҷасарой бояд бошад, на кам ва на беш.

Ҳамагӣ дар даҳ моҳ дар вазифаи таҳти идораи Озода кор кард. Аммо боз инҷояш ҳам ҷолиб аст.

 6 майи 2021 вакил интихоб шуд, шояд дар интихоботи миёндавраӣ ва пешниҳоди ҲХДТ ва ҳамагӣ 8 рӯз пас аз вакилӣ раиси яке аз Кумитаҳои муҳими Маҷлиси намояндагон. Яъне ба ин ҳад таъҷилӣ. Нафаре, ки ҳоло моҳият ва масъулияти вакилиро нафаҳмидааст давоми чанд рӯз раиси Кумита мешавад. Ин чи маъно метавонад дошта бошад.

Бубинед, ки Маҷлис дар Қирғизистон Тошиевро даъват карду созиши марзии бо Тоҷикистонро аз вай мубаму суол кард ва ё дар Кунгра ва ё Сенои Амрико чи баҳсу баррасиҳо мешавад, масалан ҳатто дар Маҷлиси Ҷумҳурии Исломӣ (баҳси хонаводаи Қолибоф) ро чи тур пайгирӣ ва таҳқиқ мекарданд. Фикр мекунед, ки Файзалӣ бо ин шаклу шамоилу лабу лунҷи кашолу овезон СС.Ятимовро ба Маҷлис даъват карда суол мепурсад?

Як чиз аз ҳамин ҳоло маълум аст ки Раҳмонов даст ба ҷиноёти сангинтаре дар оянда заданӣ аст ва ин ҳамаро тавассути Маҷлис ҷомаи қонунӣ мепушонад. Масалан, қабули қонуни буҷҷа бо имтиёзҳои ҳарчи бештар аз пештара барои ширкату тиҷоратҳои оилаи Раҳмонов ва ё додани замин барои пойгоҳи низомӣ дар водии Қаротегин ба Хитой, хуб амсоли ин ҷиноятҳои бузург.

Як нафар аз аъзои тими «Ислоҳ» аз Рашт гуфт, иллати таваҷҷуҳи хоси Раҳмонов ба Идизодаҳо ин буда, ки падари онҳо Фузайлшо Идиев аз маъдуд ғармиҳоест, ки бо дину оин миёнаи хуб надоранд. Дар асл як инсоне буда, ки бо мусалмонӣ фосила дорад. Вай то соли 2016 раиси қитъаи интихоботии рақами 12, қитъае, ки тайи 25 соли ахир раисони Маҷлис аз онҷо вакил интихоб шудаанд будааст. Масалан Сайдулло Хайруллоев аз соли 2000 то 2010, Шукурҷон Зуҳуров аз соли 2010 то 2020 ва Маҳмадтоир Зокирзода, ки аз 2020 то 2025, раиси Маҷлиси намояндагон буданд, аз ҳамин ҳавза вакил интихоб шудаанд. Аммо Фузайлшоро соли 2016, баъд аз ҳамапурсии моҳи май барои тағйироти Қонунӣ асосӣ занбур мегазад ва бар асари заҳри ҳамин занбур чанд гоҳе руи ҷо шудаву дигар барнамехезад ва мемурад.

  Ғармиҳои шинос гуфтанд, ки оилаи Идизодаҳо чоплуси висший марка, пеши пешанд. Ба аксу суратҳои Раҳмонов дастҳо пеши бар ва миёни хамида «салют» медиҳанд ва ҳар боре аз утоқҳои корӣ берун мешаванд, портрети дар девор кашоли вайро бо румолчаи киссагиашон поку тамиз мекунанд ва ҳар субҳ ҳам, ки омаданд, баъди назофати полшуяк ҳам румочаро бароварда портрети Ҷанобро гардгирӣ мекунанд. То ҳамин ҳад мутамаллиқ,  хушомадгу ва лаганбардор. Шиори Фузайлшои падари Файзаливу Зарина «бо ҳокими шаҳр созу юртаро тоз» будааст ва ҳамин мақоли хушомадгуёну замонасозонро ҳамчун васият ба фарзандонаш ҳамеша ёдрас ва талқин мекардааст.

 Ин хонаводаи ҳоло акнун пеши Ғарм ду нафар ҳокимият доранд ва яке аз онҳо раиси шохаи олии ҳокимият-қонунгузори кишвар аст.

 Худи Файзалӣ Фузайлшо (дар сайти мақомоти иҷроияи ҳокимияти Рашт аз Идизода ҳамин тавр ном бурдаанд-Фузайлшо) «дар фарҷоми ҷаласа риштаи суханро ба даст гирифта, ба иштирокчиёни маҷлис ҷиҳати дастгирӣ ва боварияшон изҳори сипос кард. Мавсуф, ҳамчунон, иброз дошт, ки бо тамоми ҳастӣ кӯшиш мекунад, то сазовори боварии Пешвои муаззами миллат бошад.

  Зарина Идизода, раиси Рашт, бародари раиси Маҷлиси намояндагон соли гузашта, ҳодисаи 5 гулдухтари мактабӣ ва як муаллим, ки савори спринтер барои маршировка меомаданду дар натиҷаи авария кушта шуданд, пинҳон кард ва дар ҷараёни сафари Раҳмонов ба Рашт ҳам падару модарони онҳоро чанд рӯз дар подвали милисахона зер кард, то боз ягон «номаъқулӣ» накунанду табъи пешворо дар сафараш ба Ғарм малол созанд.

Як бародар дигари онҳо Идиев Фаррух Фузайлшоевич раиси нозироти андози Рашт ва бародари дигариаш, Идиев Фируз Фузайлшоевич сардори фурӯши барқи ноҳияи Раштанд. Дуруст аст ки Идиев Фаррухро ба Нуробод вале дар ҳамин мақоми раиси андоз гузаронидаанд, аммо ин чизеро иваз намекунад.

Худи Зарина дар соли гузашта раиси Рашт таъин шуд. Зарина рӯзи 12 март узви Маҷлиси Миллӣ аз водии Қаротегин интихоб шуду 7 рӯзи пас Файзалӣ, рӯзи 19 март раиси Маҷлиси Намояндагон интихоб гардид.

 Сиёсати ҷавонсозии Раҳмонов ҳамин аст: заифҳо, ночизҳо, забонбарбастаҳо, дамдардарункашидаҳоро ба мақомҳо меоварад, то сари му бо Рустам мухолафат накунанд. Ғармро ба дасти апаву хоҳар супорид. Ва дар онҷо ҳам ҳукуматро хонаводагӣ кард. Иллати аслии ба ин тундӣ паймудани пиллаи нардбони мансаб ва то ба курсии спикери парлумон расидани Файзалӣ Идизода ҳамин аст. Бояд, заиф бошад, бояд, ночиз бошад, бояд забонбарбаста бошад….бояд хоҷасарой бошад.

Сообщение Файзалӣ Идизода кист, раис ё хоҷасарои Маҷлиси намояндагон? появились сначала на ISLOH.net.