Роҳбарони «Тоҷиксодиротбонк» ва пуштибонҳои онҳо, то имрӯз шиками мардуми бечораи тоҷикро бо ваъдаҳои бардуруғ- гуё ҳамаи маблағҳоятонро рӯзҳои наздик бармегардонем, «сер» карда истодаанд. Чуноне, ки мо дар аввал ваъда карда будем, доимо аз паси гунаҳгорони асосии муфлисшавӣ яке аз бонкҳои азими ҷумҳурӣ, “Тоҷиксодиротбонк” пайгирӣ менамоем.  

Мо мусоҳибаҳои Пиров Тоҷиддин ва намояндагони Бонки Миллиро аз аввалин рӯзҳои муфлисшавии “Тоҷиксодиротбонк” мутолиа менамоем ва то имрӯз натиҷоҳояшро мебинем. Дар ҳама мусоҳибаҳояш ба журналистон Пиров Тоҷиддин  ваъда медиҳад, ки то охирон сомонӣ маблағҳои мардум гардонида дода мешавад. Лекин якбор намегуяд, ки охирҳои соли 2016 бо ахбороти доштаи мо 3 миллиарду 250 миллион сомонӣ ҳукумати Тоҷикистон пул ҷудо намуда буд. Ва ин пулҳо бояд аввалин дараҷа барои руйпуш кардани қарзҳои мардум мерафту баъдан ба маҳкам кардани қарзҳои дигар. Маблағи ҷудо шуда аз 400 миллион доллар зиёдтар буд, ки ин пули кам нест барои Тоҷикистон. Ҳатман то охирон муштарии маблағсупорида пулҳои худро мегирифтанд. Ҳол он ки Пиров ва Хушаков тасдиқ мекунанд, ки ин пулҳоро ба суратҳисоби бонк вазорати молия равон карда буд. Боз гап сари он кураторҳо бо мисли Давлаталӣ Саидов, Нуралиев Ҷамолиддин ва роҳбарони Тоҷиксодиротбонк Пиров Тоҷиддин ва Хушаков Қурбон меравад, ки онҳо «гур сузаду дег ҷушад» гуфта сараввал тамоми проблемаҳои худашон, наздикони «Оила»— и гушначашм ва баъзе аз ёру дустони занҳояшону фарзандонашонро ҳал намуданд. Як қисми дигари пулҳоро ба ягон рӯзи «сиёҳ»  ба хориҷа гуё аз фалон ширкати хоричӣ қарздорем, ҷангҷоли «дипломатӣ» мешавад гуфта равон карданд. Зиёда аз 150 миллион долларашро фақат Давлатӣ Саидов, Ҷамолиддин Нуралиев, Гулов Шералӣ, Ашраф Гулов ва Таҳминаи духтари Раҳмонов маблағҳои гузоштаи худро бо фоизҳои «африқоӣ», яъне ниҳоят баланд гирифтаанд.

«Тоза  ба мо маълум мешавад, ки барои чи Давлаталӣ Саидов ба ҳамаи запретҳои оила нигоҳ накарда, парикҳои сарро тез- тез иваз намуда ба назди Пирову Хушаков ба вохурӣ мерафтааст. Давлаталӣ Саидов ба занҳои дуюм ва «арусак»-ҳои худ мошинҳои нави «Лексус» ва мерседесҳои люкс туҳфа мекардаст. Ба гуфтаи худаш, мо бояд «ҷавононро тарбия намоем — ҷавонон ба мо лозим мешаванд, онҳо бояд зиндагии хуб дошта бошанд». Албатта ин хел даромадҳо бошанд ҳар кас метавонад ба «тарбияи ҷавонон» машғул шаванд. Давлаталӣ Саидов бо писараш Фаромуз, ки дар садама як духтари ҷавон ва як марди миёнасолро ба ҳалокат расонида мисли дигарон беҷазо монда буд, шухӣ карда мегуфтааст, ки арусаки нав ёфтаи ман аз ту ҳам хеле ҷавонтар аст. Дар навбати худ  Фаромузи писараш ҳам таъриф мекардаст, ки арусакаш ҳоло мактабхон аст. Ана тарбия ва суҳбати падару писар дар назди мехмонҳо. Ин ҳама худобехабарӣ, пулмастӣ ва беҷазо мондан аст!»

Давом медиҳем, боқимонда пулҳо агар ба мардум дастрас шуда бошанд, барои чӣ имрӯзҳо ҳазорҳо одамон ному насаб, рақамҳои телефони худро ба мо гузошта аз «Ислоҳ» илтимос доранд онҳоро рӯйи чоп оранд. Ба наздикӣ дар кадом маҷаллае чоп карданд, ки гуё “Тоҷиксодиротбонк” маблағҳои мардумро дода истодааст. Лекин ҳеҷ нафароне, ки ба мо муроҷиат намудаанд, пули гирифтаи касеро нашунидаанд ва тасдиқ ҳам накарданд. Мумкин аст, он мансабдороне, ки миллионҳои худро гузошта буданд, кисме аз онхо гирифта бошанд, ба мисли Нусратулло Абдуллоев, Шерхон Салимзода, Қурбон Шариф, Тиллоев Ҳокимшо, Абдураҳим Раҳимов ва дигарон.

Гилояи Шерхон Салимзода аз “Пешво” ва ген Прокурори бизнесмен

Аз рӯйи гуфтаи Хушаков Қурбон Раҳматович якчанд рӯз пештар Шерхон Салимзода дар як нишасти байни худиашон хеле аз ҳукумат, аз оилаву пешво ва сохти давлатдорӣ нисбати бизнесҳо ва даромадҳои калони Прокурори генералӣ Юсуф Раҳмон ва чи тавр қудо шудани Юсуф Раҳмон бо пешво, ба гуфтаи худаш дарди дил кардааст. Гуфтааст, ки бо супориши пешвову оилааш садҳо парвандаи фармоишӣ (заказное дело) ноҳақро сохта ҳукмашро бо воситаи судҳо бароварда будам. Дар ҳоле, ки судяҳо бисёр вақт норозигӣ ҳам мекарданд. Агар ман нисбати фаъолияти худ аз рӯзи пайдо шудани Агентии коррупция то охирон рӯзи кориам ҳамчун Прокурори генералӣ, яьне аз 2006 то 2015 китобе нисбати супоришҳои ғайриконунӣ ба ман додаи пешво, Ҳасан ва хешу таборони пешво нависам, бовар кунед, фақат аз ҳисоби фурӯши он миллионер мешавам.

» Лекин каме вақт ҳоло ҳам ҳаст. Ин корҳоро ман ба хотири ваъдаи пешво карда будам, ки маро ду   панҷсола Прокурори генералӣ пешниҳод менамояд. Аммо дар ваъдааш наистод. Ҳоло бошад як бизнесменро ба ду муҳлат Прокурори генералӣ монд, ки ӯ ҳама вазифаҳоро рӯйи рост фурӯхта истодааст. Прокуратураи генералиро ба вазорати савдою сохтумон табдил дода аст. Ҳатто сохтумон ва фурӯши хонаҳоро дар кабинети кориаш бо мутахассисони сохтумонӣ машварату маҷлисҳо мегузаронида аст, ки зиёде аз шогирдони ман ва баъзе аз собиқадорон ба ғазаб омада ба пешво ариза карда буданд. Аризаи онҳо бенатиҷа монд. Ва акси ҳолат худашонро ҷазо доданд ва боз боварӣ дорам, пешво сеюм муҳлат ҳам дар ин вазифа ӯро пешниҳод менамояд. Мардак қудо шуд дигар, кор тамом аст.Дар хотир дошта бошед, ман ӯро аз вазифаи прокурори вилояти Суғд барои фасодкорӣ, робитаҳои зич доштан бо соҳибкорони хуҷандӣ, сохтани парвандаҳои фармоишӣ  дар ду соли кор карданаш ё 22 моҳ аз кор озод ва умуман аз системаи прокуратура ронда будам. Ҳоло канӣ ҳақиқат, канӣ иҷроиши қонунҳо ва қонуният?!»

Давраи сардори Агентии коррупция ва Прокурори генералӣ будан Шерхон Салимзода тамоми хешу табор, ҳамкурсону фарзандони онҳо, аз занҳои сеюм ва чорум фарзандони бо худ овардаи онҳоро ба вазифаҳои сердаромади ин ниҳодҳо таъин намуд. Даҳҳо фасодзадатарин шогирдони худро ба рутбаҳои баланд пешниҳод намуд, ҳоло бошад мисли девона ҳар рӯз дар ғайбати пешво ва Прокурори генералӣ мебошад. Яке аз шогирди наздиктаринаш Раҳимов Абдурахим, ки вақти роҳбарии Фаттоҳ Саидов дар Агентии коррупция қариб 200 адад амволи гаронарзишашро пайдо карда буданд, ки як қисми вилояти Суғдро бо ҳар роҳҳо азони худ карда буд, боз дере нагузашта ба ӯ рутбаи генералӣ дода ва ба мақоми ҷонишини Прокурори генералӣ пешниҳод карданд. Ҳоло тибқи маълумотҳо прокурори Хатлон аст. Даҳҳо ин тавр мисолҳо дорем. Савол ба миён меояд, ки Шерхон Салимзода ин қадар донову босавод ва қонундон бошад, барои чи ба супоришҳои ҷинояткоронаи пешвояш «есть» гуфта даст задааст ? Албатта, аз тарси он ки вазифа аз даст наравад. Бале инчунин гуфта будааст,ки ман фикр мекардам,ки мисли Бобоҷон Бобохонов маро мегузорад дар мақомам. Аммо як давраро пурра нокарда маро сабукдуш ва ба ҷоям ин бизнесменро гузошт. Аммо ончи бо Бобоҷон Бобохонов ва оилаи ӯ кард инаш бароям хело дарднок буд. Гоҳо шукрона ҳам мекунам,ки тезтар маро гирифт, ҳеҷ чиз бе ҳикмат нест.

Тақдири шуму сиёҳи Ҷамолиддин Нуралиев ё аз оила ва ё аз миллат ? 

Ростӣ моро хабарҳои охир дар мавриди  Нуралиев Ҷамолиддин аз як тараф шод карда бошад аз тарафи дигар ғамгин намуд. Барои чи ғамгин намуд, каме дар поён мегуем. Ҷамолиддин Нуралиев дар давоми 10-15 соли кориаш дар вазорати молияву Бонки миллӣ, дар вазифаи бонкдори хеле таҷрибаҳои калон гирифтаасту худ, ки дар Амрико каме зиндагӣ ва он ҷо таҳсил намудааст, аз сиёсатҳои давлатҳои ғарб бохабар аст, системаи онҳоро хуб мефаҳмад.Боварии комил дорем,пешво ва тамоми аъзои Оила ба воситаи Ҷамолиддин Нуралиев дар бонкҳои хориҷӣ суратҳисобҳои худро кушодаанд. Даҳҳо компанияҳои оффшориро низ ӯ ба томоми авлод ва хешу таборон кушода додаасту  то охир контрол  менамуд. Дар замони ҳозира садҳо миллону миллиардро дар як дақиқа бо воситаи телефон аз як суратҳисоб ба дигар суратҳисоб гузаронидан мушкил нест. Авлоди бесавод тамоми миллиардҳои ба даст овардаи худро маҳз дар дасти ҳамин одам нигоҳ медоранд.  Нуралиев метавонад, масалан пешворо дар як дақиқа «Гадо» созад. Аз суратҳисобҳо тамоми пулҳоро ба ширкатҳои худ ва хешу табори худ бе иҷозати пешво гузаронаду дар суратҳисоб ягон сад доллар боқӣ гузорад, то ин ки 30 соли дигар пешво ва авлодаш ин суратҳисобро пур кунанд.

Давлаталӣ Саидов ҳоло дар як ҳолати бисёр ногувор мондааст.Аз як тараф шарики бизнесиаш Ҷамолиддин Нуралиев «антипартийный» шуд, аз тарафи дигар Озода барои духтарбозиаш сахт чап гирифтааст, боз аз ҳама безебтараш, ӯро Рустами Эмомалӣ дар бустонсарои ҳукуматӣ дар як маърака дида, назди одамони зиёде нафақат ба саломаш ҷавоб нагирифтааст. Ҳатто дашномҳои қабеҳ  намуда аз маърака рондааст. Ҳоло ҳайрон аст, ки барои ин қадар гуноҳҳои кардааш чи ҷазо мегирифта бошад? Бовар дорем то охирон сомониашро мегиранду боз мебахшанд, барои он ки ӯ хешу табор аст.

Гилояҳои Қурбон Хушаков аз мо

Хушаков Қурбон доимо аз мо хафагӣ менамудааст, ки ман ҳеҷ гоҳ роҳбари “Тоҷиксодиротбонк” набудам, мумкин аст нависанда маро бо Пиров Тоҷиддин «перепутать» мекарда бошад. Албатта не, мо хуб медонем, ки раиси “Тоҷиксодиротбонк” Пиров Тоҷиддин буд, лекин шумо Хушаков Қурбон Раҳматович  муовин ва шахси боэътимоду наздики Пиров Тоҷиддин будед ва бисёре аз муштариҳои бонк маҳз бо шумо ҳамсуҳбат шуда, баъд аз амри маъруф, насиҳату васиятҳо ва меҳмоннавозиҳои шумо маблағҳои охирини худро месупоридаанду вақти баргардонидани маблағҳои худ ба қабули шумо дигар даромада наметавонистанд. Албатта Пиров Тоҷиддин  ҳамчун роҳбари аввал ҷавобгар мебошад. Лекин аз рӯйи  зиндагии шумо ва фарзандонатон, муқоиса ба зиндагии Пиров Тоҷиддин  шубҳае намондааст, ки шумо «бегуноҳ» ва худотарс бошед.

Хонасалот кардани Раҳматшо тавассути Пиров ва Хушаков

Ин қиссаро ба он хотир мекунем,ки ҳам Пиров ва ҳам Хушаков нагӯянд,ки мо намедонем шуморо ва ё туҳматашон дорем ва то имрӯз дар матолибамон туҳматашон  намудаем. Пиров Тоҷиддин ва Хушаков Қурбон бо як соҳибкоре аз шаҳри Қурғонтеппа бо номи Раҳматшо шиносоӣ ва гуё дустӣ пайдо карданд. Раҳматшо зиндагии оромона дошт. Соҳиби 5000 гусфанд, як ширкати сохтумонӣ, бустонсарои хуб дар болои дарёи Вахш, хонаву дари хуб, якчанд мошин дошт. Ҳар вақте ин ду академики пиёз ба ватанашон Кули Суфиён ё Фархор мерафтанд, ҳатман ба Раҳматшо як рӯз пештар хабар медоданд, ки мо омада истодаем, «тайёриат»-ро бубин. Раҳматшо марди оддии куҳистонӣ, мисли хамаи халки точик мехмоннавозу мехмон дӯст, хатман як гусфанро кушта, пухту паз менамуду ду гусфанди дигарро кушта вақти рафтан бо мевагиҳои бисёр ба пушти мошини академикҳо мегузошт. Ин кор хеле вақт давом кард. Пиров ва Хушаков меҳмонҳои хориҷии худро ҳатман ба як ё ду рӯз ба бустонсарои Раҳматшо равон мекарданд.

Бисёр вақт бо аҳлу оилаи худ низ онҷо рафта, дар болои дарё, асабҳои худро ором намуда як -ду гусфанд мехурданду боз ҳамроҳ мебурданд. Ба Раҳматшо ваъда мекарданд, ки ба ягон шохаи бизнеси “Тоҷиксодиротбонк” ҳатман туро ворид месозем. Ва ба хулосае омада ба Раҳматшо пешниҳод карданд, ки ту ширкати сохтумонӣ дориву шиносҳои зиёд дар бозорҳои масолеҳи сохтумонӣ низ дорӣ. Биё барои ҳамин ба Тоҷиксодиротбонк биноҳои филиалҳояшро дар ноҳияҳои вилояти Хатлон аз рӯйи  лоиҳаи тасдиқ кардаи мо бисоз.

Раҳматшо, албатта рози шуд. Минатдорӣ намуда каме пас шуруъ кард ба сохтумони бинои филиалҳо. Якчанд биноҳоро сохт. Аввалҳо маблағҳои сохтумонии якчанд биноҳоро қисм ба қисм доданду баъд маблағгузорӣ тамоман қатъ  шуд. Раҳматшо, ки зиёде аз масолеҳи сохтумониро аз яклухт фурӯшон ба тарзи насия мегирифт ба ӯ бовар мекарданд. Баъд аз напардохтани маблағҳо муносибатҳояш бо фурӯшандагон вайрон шудан гирифт. Раҳматшо чи пасандозе дошт ва боқимонда гусфандҳои худро фурӯхта қарзҳои худро кам менамуд. Аммо ба якчанд миллион сомонӣ масолеҳи сохтумонӣ гирифта буду ин пасандозҳояш қарзҳои гирифтаашро маҳкам накарданд. Ӯ дар як хафта 3-4 маротиба ба “Тоҷиксодиротбонк” назди академикҳо меомаду мерафт.

Вақтҳои охир қариб, ки ӯро қабул ҳам намекарданд. Ва рӯзе Хушаков бо Пиров ӯро қабул намуда гуфтанд, ки ҳоло аз тарафи пешво супоришҳо хеле зиёданд, маблағ тамоман надорем. Як роҳи ҳалли мушкилот ҳаст. Ту бояд бустонсарой ва ҳавлиатро ба гарав (залог) монда аз бонки мо қарз бигирӣ ва қарзҳои худро дар назди фурӯшандагон руйпуш намо. Баъд вақте ки комиссия аз тарафи мо иншоотҳои туро қабул менамояд, пас мо метавонем оҳиста-оҳиста мутобиқи акти имзошудаи дутарафа пулҳои туро баргардонем ва ту қарзҳои гирифтаат аз бонкро бо фоизҳояш руйпуш менамоӣ, агар нахоҳӣ худат фикр кун: «мумкин аст сифати корҳои сохтумониат паст бошаду комиссияи мо иншоотҳоро қабул накунад, баъд дарди сарат мешавад».

Баъд аз ин фишору шантажҳо Раҳматшо розӣ шуд ва қарз аз “Тоҷиксодиротбонк” бо % баланд имзо карда гирифт, чун,ки  дигар илоҷе надошт. Ин қиссаи дуру дароз аст, хулоса;  бустонсарой ва ҳамаи гусфандҳо, ширкати сохтумонӣ, обруй дар назди мардум, ҳама аз Раҳматшо рафт. Дигар гусфандхуриву бародарӣ низ ба охир расид. Ҳоло Раҳматшо боз корро аз парвариши 5-6 дона гусфанд шуруъ намуда, дигар тавбаи аз пушти миллионерҳо давидан ё шинос шуданро кардааст. Ин яке аз садҳо мисолҳое,ки ин ду академик соҳибкоронро миёншикан намуда ба ҳолати варшикастагӣ ва хонасалотӣ расонидаанд. Метавонед ҷанобон ин ҳодисаро такзиб кунед? Агар дурӯғ ва туҳмат бошад марҳамат нависед ва метавонед аз худи Раҳматшо интервию гирифта нашр кунед!

Хушаков эрониҳоро тавассути “Тоҷиксодиротбонк” чихел  ғорат кард?

Як мисоли дигар: Дар Эрон авиакомпанияи «Тоҷик Эйр» намояндае дошт ҷавоне бо номи Фирӯз.»Тоҷик Эйр» пеш аз COVID парвозҳо дошт. Хушаков Қурбон Раҳматович доимо ба Эрон сафар мекарду бо Фирӯз, ки нав шинос шуда буд  дар Эрон ӯро бо VIP — зал пешвоз мегирифт ва вақти рафтан гусел мекард. Вақте ки парвозҳои Тоҷик- Эйр баста шуданд, Хушаков Қурбон Раҳматович  аз ӯ хоҳиш кард, ки ду тайёраи Боинги «Тоҷиксодиротбонк»-ро ба Эрон оварда ба иҷора супорад. Фирӯз роҳҳояшро пайдо карда тайёраҳои ‘Тоҷиксодиротбонк»-ро аз Душанбе ба Эрон бурд ва чархонду хуб кору фоида ҳам мекард. Хушаков Қурбон самолетҳоро ҳамроҳи Фирӯз ба иҷора доду ба Фирӯз «Босс» шуд. Пулҳои арендаи ду «Боинг»-ро Фирӯз дар вақт — вақташ аз Эрон ба Тоҷикистон нақд бо роҳи қочоқ, тахминан ҳар моҳе аз 700 ҳазор, то 800 ҳазор доллар равон мекард. Бизнесҳо хуб рафта истода буданд, ки Хушаков Қурбон ба Фирӯз супориш дод, ки ба мардумони соҳибкору пулдор кортҳои “Тоҷиксодиротбонк”-ро пешниҳод намояд, то ки пулҳои худро дар “Тоҷиксодиротбонк” гузоранду бемалол сафарҳои хориҷа кунанд. Фирғз хеле муштариҳои зиёде пайдо намуда ба онҳо кортҳои «Тоҷиксодиротбонк»-ро «тақдим» намуд ва гуфт, ки ба суратҳисобхояшон пул резанд. Яке 10 ҳазор,дигаре 50-60 ҳазор доллар ва боз як қисм 80-100 ҳазор доллари ба дасти Фирӯз маблағҳо супориданд, то ин ки Фирӯз дар суратҳисоби кортҳо бирезад. Фирӯз ҳамаи пулҳоро бо роҳи қочоқ ба Душанбе ба дасти Қурбон Хушаков мефиристод. Барои он мардуми Эрон аз “Тоҷиксодиротбонк”  корт мегирифтанд, ки ҳама бонкҳои Эрон дар зери санкция қарор доранду пулҳо ҳеҷ куҷое намегузаранд ба воситаи суратҳисобҳои бонкӣ.Баъд аз сафарҳо эрониҳо баргашта ба офисии Фирӯз омада ҷангҷолҳо карданд, ҳатто чанд маротиба ӯро сахт латукуб ҳам намуданд, ки дар хориҷа, асосан дар Аврупо аз ин кортҳо як доллар пул кашида намешаванд. Охир, эронии содда аз таърифу тавсифҳои ҷаннати сохтаи пешво бовар кардааст, ки бонкҳояш дар тамоми дунё ба ӯ бидуни лимит маблағ медиҳад. Корсчетҳои бонкҳои Тоҷикистон доимо холӣ асту бисёр бо мушкилӣ ягон сум медиҳад, аксар вақт ҳеҷ чиз намедиҳад. Охир,овозаҳои фиреби “Тоҷиксодиротбонк” дар Эрон ба органҳои қудратииаш расиду Фирӯзро дастгир намуданд ва баъд аз 2-3 рӯз зиндони Фирӯзро аз Эрон депортатсия намуданд. Вақте ки Фирӯз ба Душанбе омад, ба назди Хушаков Қурбон Раҳматовичи боссаш рафта, саволи аввалаш ҳамин буд, ки барои чи пулҳои эрониҳоро ман ба дасти шумо расонидаму кортҳои ба эрониҳо додаи “Тоҷиксодиротбонк” кор намекунад?

Хушаков Қурбон Раҳматович  бо як оромӣ гуфт: » тамоман ту зиқ нашав, ин бизнес аст, пастӣ ва баландиҳо дорад, ғами худатро хур, ту чи ғами эрониҳоро мехурӣ? Эрон давлати бой, мардумаш низ бой аст, хай фиреб кардем савоб гирифтем», Фирӯз аз ҳамкорӣ бо Хушаков Қурбон  даст кашиду ҳоло бошад дар як кунҷи Душанбе ба бизнеси майдаи худ оромона машғул аст. Шукр мегуяд, ки дар Эрон ба 20-30 сол барои ин қаллобияш зиндонияш накарданд, вагарна ба умеди Хушаков Қурбон дар кунҷи зиндони Эрон мемурд. Зеро Хушаков Қурбон  мақсади як сомонӣ баргардонидани пулҳои эрониҳоро надошта будааст. Метавонанд ин ҳолатро ҳам такзиб намоянду гӯянд, на чунин нашуда буд? Мо чандин Эронии зарардида бо санадҳое аз онҳо дар худ дорем,ки ҳама як дарду ранҷ доранд ва он ҳам “кидат разбор надорад”.

Мисолҳои қаллобии зиёде аз ин ду дар даст дорем

Мисолҳо хеле зиёданд. Боз чи тавр хонаҳои истиқоматӣ вакили мардумӣ ва раиси ҲДТ Саидҷаъфар Усмонзода, ба гуфтаи худаш фосиқи шайтонсират Мавлавӣ Абдураҳим Каримов, писари собиқ раиси шаҳри Кулоб Абдуҷаббор Зардиев- Абдунабӣ ва собиқ ректори Университети аграрии Тоҷикистон —- нафаронро ҳамчун гарав «залог» гирифта бо қарзҳои % дандоншикан онҳоро миёншикан намудани ин ду академики пиёз нақлҳо мекунем. Аҷоибии кор дар он аст, ки ҳамаи ин одамони боло номбаршуда бо Пирову Хушаков бародару дӯст ҳастанд. Академикҳо аввал аз рӯйи  гуфтаҳои

 » Худиҳоро бизан, то ки бегонагон битарсанд» амал мекардаанд, баъд тактикаро дигар карданд «касе ба дом афтод ҳамашро бизан,фарқ надорад худи ё бегона». Офарин!!! Метавонем барои ҳар яки ин афроди дар боло зикр намуда матолиби ҷудогона нависем ва ҳолатҳои онҳоро ба мардум бозгӯй намоем. Агар инаш ҳам дурӯғ ва туҳмат бошад марҳамат инашро ҳам такзиб намоянд. Раванд интервию гиранд ва худро пок эълон намоянд.

Масорифи  “ЕВРОТУР”и  Хушаков Қурбон ва Раиса Махсумовна 40% коҳиш ёфта будааст аз солҳои пешин 

Хушаков Қурбон баъд аз бозгашт аз «евротур» бо янгамулло Раиса Махсумовна ҳисобу китоби харҷҳои дар хориҷа кардаашонро ҳисоб намуданд, ки худоро шукр на он қадар зиёд харҷ шуда будааст, ҳамагӣ 73 ҳазор евро, сафарҳои пештара доимо аз 100-120 ҳазор евро болотар будааст. Харҷ камтар ҳам мешуд, лекин Раиса Махсумовна агар ба як ду мағозаҳои дустдоштаашон намедаромаданд, дар оила ҷангҷол калон мешуд. Шумо бовар мекунед ё не, бечора янгамулло ду сол шуд аз коллекцияхои нави ин ду фирма харид накардаанд. Вақтҳои пеш ҳар соле ду маротиба хабар мегирифтанд, қариб абонемент ё “картаи узвият”и  харидори доимиашонро «анулировать» кунад ин ширкатҳои беинсофи «Hermes» ва  » Coco Chanel». Як сумкаи занонаи «Hermes» ба маблағи 46 ҳазор евро ва як туфлии занона аз ширкати «Coco Chanel» ба маблағи 8 ҳазор евро будааст. Боз як камарбанди бисёр хуб на он қадар қимат-4500 евро ба Раиса Махсумовна маъқул шуд, харидорӣ намуданд. Лекин афсус, каме кутоҳӣ карда будааст. Фикри бисёр накарда ба Қурбон Хушаков туҳфа карданд. Ана дасткушодиву шавҳардустӣ, офарин янгамулло! Раиса Махсумовна як салони косметикии машҳури дунявӣ бо номи «Loreal Paris» рафта, онҷо ду амалиёти тиббӣ низ гузаронид, албатта ҳамаро бо номҳояшон мушаххас намегӯем. Яке барои чеҳраро хушруй ва зебо намудан аст, дигаре «липосакция» — ин каме равғанҳои аз мантуву самбуса ва шашлык ҷамъ шударо бо роҳи ҷарроҳии ҳозирзамон кашида гирифтан аст.

Нафарони зиндагии хуб дошта, проблемаҳои моливу пулӣ надошта ва бо мақсади доимо дар назари мардум ҷавон худро нишон додан, ин ду амалиёти тиббиро ҳар соле як ё ду маротиба мекунанд. Раиса Махсумовна доимо мегунд, ки

» масрафи пул чанде набошад ба ӯ нигоҳ накарда, одам аввал аз паси саломатии худ бояд шавад».

 Идиев Ҳусейн аз ҷавонияш ҳам «бизнесмен» буд

 Мо агар бе Идиев Ҳусейн ин матлабамонро ба охир расонем ва фарҷом диҳем, боварамон кунед ӯ аз мо ҷудо ҳам хафа мешавад. Ӯ кам-кам одами қаҳркун  ҳам ҳаст. Аз навиштаи гузашта норозигӣ кардааст, ки бизнесҳои калонтар ҳам дар ҷавониҳоям  доштам, онро аслан қайд накарданд. Дар ҳақиқат Идиев Ҳусайн рост мегуяд. Солҳои 1982-1983  видеомагнитофон  камчин буд. Идиев  Ҳусейн видео магнитофони Электроника ВМ-12 доштааст. Мувофиқи нақли ҳамдеҳагонаш, Идиев Ҳусейн бо участковый милиционер лейтенанти калон Лутфулло Мирзоалиев, ки се деҳро назорат мебурда аст, дӯст будаасту ба ӯ аз бизнесаш «доля» медодааст. Вай нигоҳубин мекардааст, ки касе халал нарасонад. Ҳар шаб Идиев Ҳусейн дар ҳавлии Баҳром бо тахаллуси «Брус Ли» тахминан 20-25 нафарро ҷамъ карда бо нархи 50 тинӣ то соати 12- шаб филмҳои «Брус Ли»-ро нишон медодаст. Баъд аз 12- шаб то 06- саҳар, ҷавонони аз 17 сола болоро ҷамъ намуда бо 2 сумӣ филмҳои порнографии хориҷиро тоб медодааст. Ҳамин тавр дар як моҳ аз 500 то 1000 рубл пул кор мекардааст. Аз ин пулҳо участковый Лутфулло Мирзоалиев ва Баҳроми Брюс Ли барои ҳавлиаш доляи худашонро мегирифтаанду боқимондааш азони Идиев  Ҳусейн будааст. Дар дигар қишлоқҳо овоза   шуд, ки Ҳусейн Идиев  миллионер шудааст.

Як нафар аз  деҳаи ҳамсоя бо номи Сафари «тухм» хост ҳамин тавр бизнес шуруь кунад. Видеомагнитофону 10-12 кассета харида шаби аввал мардумро ҷамъ кардааст, ки Лутфулло Мирзоалиевро Идиев Ҳусейн пеш- пеш карда ба хонаи Сафари «тухм» оварда дар вақти тамошои филмҳои порнографӣ ба даст афтонидааст. Оқибати кор, видеомагнитофон ба ҳисоби давлат бо кассетаҳояш мусодира карда шуд. Тамошобинҳо ҳама 300 сумӣ ҷарима супорид, худи Сафари тухм 1000 сум ҷарима ва 2 сол ҳукми шартӣ ( условный срок) гирифтааст. Лутфулло бошад, аз вазорат раҳматнома ва каме пас рутбаи капитаниро ҳам гирифта, боз то охир ба Идиев Ҳусейн  «содиқона» хизмат кардааст. Ана инро мегуянд, ки «Арбоб мезанад ба ҳар боб» . Дар ҳақиқат аз ҷавонӣ Идиев Ҳусейн истеъдоди калон доштааст. Бизнеси худашро аз конкурентҳо ҳимоят кардааст, фарқаш чи бо кадом роҳ? То ҳозир ҳамон таҷрибахояш ба ӯ лозим шуда истодааст. Ин хел роҳбарон ба ҷамъияти сохтаи “пешво” намунаи ибрат ва кадрҳои ноёфтанд.  Офарин!!! Давоми нақлҳои хеле хубу ҷолиб дар пеш аст.

Поёни бахши нуҳуми вижаматолиби қаҳрамонони “Тоҷиксодиротбонк” ,идома дорад бо “Ислоҳ” бошед,то аз ҷолибтарин ҳодисот бе хабар намонед…

Сообщение Шиори пайравони пешво : “бизнес пастӣ ва баландиҳо дорад вале…гур сузаду дег ҷушад» появились сначала на ISLOH.net.

  Зиёиёни муҳтарами тоҷик!

Мақолаи шумоёнро бо диққат хонда ба хулосае омадам, ки шумоён, як гурӯҳ аҳли илму дониш ва намояндагони фарҳанги тоҷик мехоҳед боз як пешвои дигар бо номи «пешвои иқтисодӣ»  мисли Мао Цзэдун ё “Mao Tse-Tung;”, ки ҳокими низомии Чин Ҷёнк Кой Шикро бо роҳи инқилоб шикаст дода буд ва худаш ҳоким гашт. Бингаред ба китоби “ПУТИ ПОДНЕБЕСНОЙ” ,то бештар огоҳ гардед. Шумо мехоҳед ба сари ин халқи сарсахту ғулом пешниҳод ё ин ки чунин ақидаро таҳмил намоед?.Ба худо айб аст, ки кур- курона, надидаву насанҷида як нафарро ин қадар баҳогузорӣ намоем.

Албатта, аввал нафар бояд сари ягон мансабу вазифа як муддати муайян кор кунад, баъдан таърих ва халқ баҳои худро нисбати ӯ мегузорад. Президентҳоро пас аз анҷоми муҳлати якуми худ баъд аз 4 ё 5 соли сари давлат буданашон халқ баҳо дода даъвати дуюми муҳлатро бовар мекунад ё ин ки бовар намекунанд. Ман дар назар дорам давлатҳои демократӣ, ҳуқуқбунёд ва ҳар як овози мардум қадру қиммат доштаро, на он давлатҳои ба мисли мо диктатуриву ғайридемократиро. Дар Тоҷикистон ҳоло вақте расидааст,ки баъд аз 30 соли ҳукмронии Раҳмонов, нисбати фаъолияти ӯ ва ҳукумати сохтаи ӯ, ҳар як нафари синнаш аз 18 боло баҳодиҳӣ карда метавонад. Охири соли 1992 зиёде аз мову шумо бо як орзу, бо як боварӣ, бо як хурсандӣ ба қасамҳову ба суханҳои додааш ба халқ , мардуми соддафаҳми мо ба  Раҳмонов бовар карда ӯро ҳар кас бо роҳи худ дастгирӣ намудем. Ҳамаи он қасамҳояш, ки бо шири модару бо Қуръони карим хурда буд, ки ман ғайр аз як акаи тракторист касе надораму даъвои вазифаталошӣ хам надорам, фақат ваъдаи сулҳ оварданро мекард, агар каме назар ба таърих афканем диламон на фақат аз Раҳмонов, балки аз ҳамаи сиёсатмадорону тарафдоронаш сард мешавад. Ҳазорҳо нафар мардуми Тоҷикистон бо ҳар баҳона кушта шуд ва то ҳозир давом дорад. Ҳазорҳо- ҳазор нафар то ҳозир дар зиндонҳо бо парвандаҳои бофтаву сохта, беҳуқуқӣ дар ватани худ, миллионҳо нафар одамон дар муҳоҷирати меҳнатии маҷбурӣ, ҳазорҳо нафар бе ному нишон дар ҷангалҳои Русия куштаву гум шуда, ягон заводу фабрикаҳои аз даврони шуравӣ монда кор намекунад, нархҳои махсулоти хурокворӣ ва сузишворӣ рӯз аз рӯз ба боло рафта истода, коррупсия то охирон мактабу боғчаҳои бачагонаи деҳоти дурдаст фаро гирифтааст, дар ягон соҳа бепуштибону бепул гапатро ҳеҷ кас гуш намекарда, тамоми бизнесҳову ҷойҳои

сердаромади мамлакатро як авлод, як оила забт карда гирифта ва ғайраву ғайраҳо, магар мо бо шумоён ҳамин тавр давлат сохтанӣ будем? Магар мову шумо барои ҳамин ба Раҳмонов овоз дода будем? Баъд аз 5-6 соли роҳбариаш Рахмонов, баъд аз нафарони асосие, ки ӯро ба қудрат оварданд бо ҳар роҳу ҳила аз байн бурда, оҳиста-оҳиста ба вазифаҳои калидии ҳукумат хешу табор ва ҳамдеҳагони худро аз Данғараву, Колхозобод аз Бохтару Фархор, ба гуфтаи худашон мардуми Балҷувонро кашида ба Душанбе ҷамь намуд. Қариб ки 50-60% онҳо бидуни дипломи мактаби олӣ ё ки тамоман аз ихтисоси худ дур буданд, фарқе набуд барои Раҳмонов. Асосаш ба ӯ содиқ бошанд. Ба зиёиён гуфтаниам, ки дар  Тоҷикистони Раҳмонов сохта  барои соҳиби мансаб шудан 5-10% дониш доштан кифоя аст. Онҷо аз рангу рӯйи одами боақлу бохирад, донишманду сухандон безоранд ва 80-90% наздикӣ ба Оила ё ин ки ба хешу табори онҳо муносибат доштан аст. Дар Тоҷикистон ба ҳамаи кор, сиёсатмадор, ҳуқуқшинос, академики тамоми илмҳо, табиби тамоми дардҳо, гинекологи хуб, мулло, шоир, артист, шеъру сурудфаҳм, раққос, инжинер, ошпазу нонпаз ва ғайра фақат як одами «худодод» аст бо номи Раҳмонов Эмомалӣ. Дигар Тоҷикистон ниёз ба касе надорад. Дар ана ҳамин солҳои бедодгарӣ дар гирди ин оила бисёр нафарони «случайный» пайдо шуданд, ки яке аз онҳо Кабиров Шералӣ мебошад. Бек Сабуров ҳам вазир аст, бояд фаромӯш накунем, агар қудо бо пешво набошад, ӯро ба «пивнушка» роҳ намедиҳанд. Ӯ ҳам “доктор наук” асту дар Москва рисолаи худро гуё ҳимоя кардааст.

Мисолҳо як чанд китобанд, лекин аз мавзуи асосӣ дур намешавем. Нисбати Кабиров Шералӣ, ки мо ӯро бо ҳамин ном мешиносем, ба маълумоти муҳтарам зиёиён расониданиам, ки ӯ дипломи институти кооперативиро ғоибона, баъд аз таъин гардидан ба вазифаи роҳбари «Талко» гирифтааст. Имрӯз ҳама дар дасти худашон аст. Ӯ метавонад дипломе нишон диҳад, ки соли 1980 МГУ-и Москваро тамом кардааст, ҳол он ки соли 1972 ба дунё омадааст, ё ин ки мисли ҳимояи мавзуъи докториаш, ки ин мавзуъро олимони рус таи даҳсолаҳо сараш кор мекарданд, лекин олими бузурги тоҷик дар як моҳ навишта ҳимоя кардааст, шумо як маротиба пурсед, на танҳо маънии мавзуи гуё ҳимоя кардаашро, балки бовар дорам, номи мавзуьро дуруст ва бо пуррагӣ гуфта наметавонад.

«Эмомалӣ Раҳмонов «пешво»и миллат худаш ҳам гуё донишгоҳи миллиро ғоибона хонда диплом гирифтааст, ки ҳамин ҳам зери савол мебошад.»

Шералӣ дар гирди Ҳасан Асадуллозода пайдо шуд ва баъд мардум фаҳмид, ки ҳамин тавр ҷавон ҳам вуҷуд дорад.То он вақт ҳеҷ кас номи ӯро нашунида буд. Шералӣ агар дар зиндагӣ соҳиби як куртаи нав шуда бошад, ё чи муваффақият ва шуҳрат пайдо карда бошад, ҳама аз ҳисоби Ҳасан Асадуллозода аст. Ҳама мардуми хурду калони Тоҷикистон медонад, ки Шералӣ кӣ аст. Ҳасан Асадуллозода дар тамоми гуфтугузорҳои тиҷоратӣ бо хориҷиён, вохуриҳо бо раисону вазирон, қариб, ки дар тамоми сафарҳои пешво ва дигар корҳои шахсии худ ҳамчун ёрдамчӣ Шералиро мебурд ва бовар мекард. Мардум ин ҳолатро дида зиёде корҳои худро ба воситаи Шералӣ ба Ҳасану дигар раисон ҳал менамуданд. Ҳамин тавр Ҳасан, ки худ як одами тамоман бесавод ва маишатпараст мебошад ба Шералӣ пурра бовар намуда, каме барвақт худро Ҷаноби Оли-2 тасаввур кард. Дар охир албатта шаттаи сахт ҳам хурд, сахт пушаймон ҳам ҳаст. Аммо як вақти муайян фоида надорад ва ҳеҷ кор ҳам карда наметавонад. Ҳасан Шералиро ворид ба Оила сохт ва бо Раҳмонов аз наздик шинос намуд. Ҳасан мисли худ як одами кучагӣ ва бемаълумотро бо диплому унвонҳои фальшивый то вазири саноати Тоҷикистон оварда расонид. Ин болоравиҳо дар карера ва олими бузург шудан ин фақат ва фақат хизмати Ҳасан Асадуллозода аст, ки ӯ имрӯз худро ҳамчун «асосгузори иқтисодиети Тоҷикистон» номидааст. Ҳатман ин мақоларо худи Кабиров Шералӣ ба 3-4 нафар ба ном «зиёиён» пул дода навиштааст ва онро мақсаднок ба “Ислоҳ” ирсол намудаанд. Дар давоми чопи як чанд мақаола аз рӯзи таваллуди Шералӣ Кабиров то имрӯза ҳаёт ва фаъолияти ӯро, мисли оина ба шумоён пешкаш менамоем. Зарар ва фоидаи ӯро ба чамъият, чи тавр донишмандӣ ва ободкории ӯро, ҷиноятҳои махсусан калони ӯро, ки 80% аъзои оилаи Раҳмонов ин қадар ҷиноятҳои иқтисодӣ содир накардаанд, нақл менамоем.

«Ҳасан Асадуллозода умуман мехост ӯро сарвазир ё ақаллан муовини аввали сарвазир монад, лекин Раҳмонов президенти солхои 1995-1996 нест. Сарвазир хатман бояд «кукла» ё “Арусак” аз вилояти Суғд бошад, боз дар оила машварат карда ба хулосае омаданд, ки Давлаталӣ Саидов хешутабори наздиктар аст, бояд ӯро таъин намуд.Боз ӯ бояд аз Суғд бошад.»

Хиёни бузрги Шералӣ Кабиров ба Ҳасан Асадуллозода

Ҳасан Асадуллозода , бо як зораву нола, бо дастгирии апааш Азизамоҳ Шералиро вазири саноат монд  ва аз байн дере нагузашта Шералӣ тамоми сирру асрори Ҳасан Асадуллозодаро  ба пешвову Рустам нақл намуда аз онҳо хост, ки ӯро аз «мустамликаи Ҳасан» халос намоянд. Тамоми муомилоти пинҳоние,ки Ҳасан Асадуллозода аз оила пинҳон тавассути Шералӣ Кабиров анҷом дода буд ҳамаро як ба як барои наздик шудан ба «пешво» барояш гуфт,то садоқаташро ошкор созад. Баъдан гуё бо супориши пешво ва аъзоёни Оила бо пуррагӣ аз Ҳасан Асадуллозода руй гардонид, дигар ба телефонҳояш ҷавоб намедихад, дар ягон маърака агар рӯ ба руй шавад ғайрат мекунад салом накунад ё ин ки сари як миз бо ӯ нанишинад. Ҳатто гапҳо баромад дар кругҳои дохил оилавии «пешво», ки гӯйё Ҳасан як инсони хело касиф ва мубталои бемориҳои хатарнок ҳам ҳаст. Ҳатто муоиноти тиббиро ҳам ба хонавода тақдим намуда аст. Аз ин ҷо буд, ки модари Муҳиддин апаи Зоир Соҳибов Ҳасанро фоҳиша гуфта ва иқрор намуда аст, ки Ҳасан ӯро ба беморӣ гирифтор намудааст. Ин сару садоҳо дар кругҳо давр мезанад, ки асосашро Шералӣ Кабиров медонанд, ки бо санад докозат карда будааст. (тафсилоти ин ҳодисаро дар раддияи дигар интизор бошед)

Албатта Раҳмонов бисёр актёри калон аст!!  Миссияи Ҳасан Асадуллозода ҳам ба фикрам аллакай ба охир расид. Барои он ки нафақат фарзандони Раҳмонов калону гуё боақл шуданд, балки набераҳо низ аз Бобо алакай вазифа талаб доранд. Барои норозӣ нанамудани Азизмо тавассути Шералӣ Кабиров ин ходҳоро омода намуда бошад. Вой бар ҳоли мардуми тоҷик!!!

«Зиёиён навиштаанд, ки гуё соҳибмулки пештараи “Ориёнбонк”  ба душвориҳо дучор шуда бонкро ба фурӯш мондааст. «Ориенбонк» ин собиқ «Промстройбанк»- и СССР ва баъдан  Тоҷикистон буда, даҳсолаҳо роҳбарии ин банкро марҳум Абдусатторов Абдумуталиб ном одам роҳбарӣ менамуд, ва дар охирҳои соли 1998-1999 Ғаффор Идиев ном соҳибкор, бо ёрӣ ва дастгири командир Суҳроб Қосимов, роҳбари бонк Абдусатторовро аз  кабинети кориаш бо яроқу аслиҳа зада, зери фишор аризаашро гирифтанду Ғаффор Идиевро сардори бонк таъин намуданд. Абдусатторов зуд аз Душанбе кучи худро баста ба вилояти Суғд рафт. Ҳамин тавр тахминан ду сол роҳбарии Ориёнбонкро Ғаффор Идиев дар душ дошт, ки аз тарафи Ҳасан Асадуллозод, ки нав аз Колхозобод ба ҳайси раиси биржа омада буд, фишори забт карда гирифтан шуруъ шуд, ҳатман бо супориш ва дастури худи пешво.»

Ғаффор Идиев ҳам ба хубӣ намехост бонке, ки мисли як филми Голливуд забт карда гирифта буд ба осонӣ аз даст бидиҳад. Лекин дар пушти Ҳасан Асадуллозода  тамоми аппарати давлат истода буд. Дере нагузашта Идиев Ғаффорро мисли модаҳои ҳозира, «финансирование боевиков Раҳмон «Гитлер»» гуфта прокурори ҳарбии онвақта Шариф Қурбон, як фасодзадаи дигар ӯро ба ҳабс гирифт ва ба муддати 6 сол аз озодӣ маҳрум сохтанд. Дар ин вақт Шералӣ Кабиров фақат ронандаи шахсии Ҳасан Асадуллозода буду тамом.

Ҳасан Асадуллозода дар як мошини жигули 2107, рақами давлатиаш 00-77 ХТА. Дигар ягон рол бозӣ намекард. Баръакс барои ғасб намудани Ориёнбонк «ёрӣ ва меҳнат»-и Идиев Ҳусейн зиёд расидааст, ки ӯ ҳамаи хабарҳоро аз назди писар амакаш Ғаффор Идиев меоварду бо пуррагӣ дар хизмати Ҳасан  Асадуллоев буд.  Ҳусайн Идиев подоши хидматҳои кардааш ба Ҳасан Асадуллозодаро то ҷое пас  гирифт. Мо бояд душманро дар дур накобем, душман доимо ҳамроҳамон аст. Гоҳо худамон бо баъзе амалкардҳоямон душманӣ бар худ мекунем, ҳоло куҷо расад ба душмании нафарони заздикамон.

«Ин қисса хеле дароз аст ва мумкин аст онҳое дар мавриди Идиев Ҳусейн ба “Ислоҳ” менависанд дақиқан ин масаларо каме муфассалтар нависанд, то ин ҳолат ҳам ошкор гардад. Аммо агар онҳо нанавиштанд, мо омодаем ончи ба ин масала марбут аст ба “Ислоҳ” нависем.»

Саҳмиядори асосӣ Идиев Ғаффор буд. Бо як фиребу бо як фишор ба сари Ғаффор Идиев рафта, дар дохили зиндон ба ивази озодиаш аз зиндон ва маҳкам кардани парвандаи сохтаи Шариф Қурбон, саҳмияҳои бонкро имзо кунонида ба фоидаи Ҳасан Асадуллозода гирифтанд. Баъд аз он Ҳасан Асадуллоев ғасби яке аз бонкҳои калони Тоҷикистонро ба охир расонида раиси саҳмиядорони Ориёнбонк шуд. Ориёнбонк аввалин ғасби моликияти дигарон бо роҳҳои фишор, парвандаи сохта буд. Баъд аз ин садҳо корхонаву иншоот ва бизнесҳо аз тарафи Ҳасан Асадуллозода ғасб карда шуда, садҳо одамонро бе гуноҳ зиндон ё ин ки аз мамлакат берун карданд. Яъне пас аз захвати “Ориёнбонк” диданд мешудааст ва ҳеҷ кас чизе ҳам намегуфтааст. Чуноне оғози ба ҳукм расидани Эмомалӣ Раҳмонов ин сессияи 16 ум дар Хуҷанд аст. Оғози ғасбҳои рейдерӣ дар Тоҷикистон тавассути оилаи Раҳмонов ин “Ориёнбонк” аст.

Шералӣ Кабиров аз махинация муҳрабизнез 32 миллион доллар ба Ҳасан дод

Мо як ҳолати воқеиро бароятон мегӯем, ки онро аксари мардуми кишвар хуб медонанд. Агар ёдатон бошад «муҳрабизнес» баромада буд. «Ҷамол Компания» ва Ҷамшед Сиёев як ҷавони Дарвозӣ роҳбари ин ширкати махинация буд. Шералӣ Кабиров сармуҳосиби ин ширкат ва дасти рости Ҷамшед Сиёев буд. Ҳама он пулҳое аз мардум ин ширкат ҷамоварӣ карда буд як моҳ пеш аз бастани ширкати «Ҷамол Компания» Шералӣ Кабиров худро бо Ҳасан наздик мекунад ва роҳи ҳама пулҳои ҷамъовардаи ин ширкатро  ба Ҳасан Асадуллоев  мефаҳмонад. Ҳама роҳро дуруст мекунанд ва Шералӣ Кабиров аз он ширкат берун мешавад ва пас аз пурра ба даст гирифтани маблағҳо аз ин ширкат. Шералӣ Кабиров барои чандин миллион доллар овардан ба Ҳасан Асадуллозода ба командаи ӯ мегузарад.

«56 ҳазор нафаре, ки баробар ба 117 миллион сомонӣ (ба ҳисоби онвақта қариб 40 миллион доллар) буд, ба кисаи Ҳасан Асадуллозода 32 млнашро ба «Ориёнбонк» гузаронид.» 

Хуб бо мардуми пул дода чӣ шуд, Ҷамшед Сиёев чӣ шуд дигараш ба ҳама маълум аст ва ҳоҷат ба шарҳу тафсилоти бештар нест. Аммо ҳамин қадар мегӯем Ҷамшед Сиёеро соли 2003 ба 11 сол ҳукм ба зиндон карданд ва боз бо дахолати Шералӣ Кабиров ва Ҳасан Асадуллозода ба Ҷамшед Сиёев 19 соли дигар ҳукм содир намуданд. Яъне 30 сол ҳукм ба зиндони низомаш пурзур ба он хотир,ки  дигар набарояд ва зиндагонии моро талх накунад. Ахиран дар 27 уми октябри соли 2015 дар зиндони  “Кирпичний” дар шаҳри Ваҳдат «безарар» гардонида шуд, яъне куштанд ӯро. (Дар дасти «Ислоҳ» аз прокуратураи генералӣ тафсилоти ин қазия бо санадҳои муҳри махфӣ вуҷуд доранд,ки исми Шералӣ Кабиров дар чанд дело вуҷуд дорад.Агарчи ин ширкат ҳамагӣ  панҷ моҳ фаъолият намудааст яз моҳи март то августи соли 2003 тафсилоти бештари ин қазияро дар раддияи дигар интизор бошед)

Олимони муҳтарам ин аст ҳақиқати аслии чи тавр соҳиби бонк гаштани Ҳасан Асадуллозода, чуноне, ки фаҳмидед, ягон заррае ҳиссаи Шералӣ дар инҷо нест. Ин ҳама корҳо бо сардорӣ ва роҳбарии бевосита ва роҳнамудоти сӯдманди пешво  барои оила сурат мегирад. Ҳасан нав аз қишлоқ ба шаҳр омада буд. Ӯ қудрат надошт бо як милитсионери одӣ гап занад, на он ки ба Суҳроб Қосимов рӯ ба рӯ шавад.

«Оиди корхонаҳои номбар карда шуда «Ориёнбонк», «Сомон-Эйр», «Талко», «Талко Голд», «Талко кабел», «Талко Ресурс», «Талко Кемикал», «Талко Флюорит», «Сомон Суғд», «Сомон-Сохтумон», «Сомон-Суғурта», «Сомон –Лизинг”, мо як ба як ба шумоён маълумот пешкаш менамоем  ва исбот менамоем бо рақамҳо, ки кадом корхонае, ки Шералӣ Кабиров бевосита ба сохтумонаш ҳисса дошта бошад, ҳатман қимати аслии ин корхона аз 5 то 10 маротиба баланд нишон дода шудааст.»

Оиди доно ва забондонии Шералӣ Кабиров фақат кутоҳакак ҳамин қадар мегуем, ки ғайр аз забони тоҷикӣ дигар ҳамаи забонҳоро Шералӣ «озодона» бо «Google translate» гап мезанад. Мо Шералиро аз ҳамшаҳриҳояш беҳтару хубтар мешиносему бо ӯ муомилаҳо ҳам дорем, то ба имрӯз.

Ҳамин забонро ҳам вақти маслиҳати «откат» мешавад бе шоҳид, бе тарҷумон, танҳо ба танҳо бо шарикони бизнесии хориҷӣ гап мезанад. Ба ҳамаи гуфтаҳо шоҳид дорем. Агар шумо хохед, ки забондонии Шералиро исбот намоед, марҳамат бо яке аз ин забонҳо, ҳамчун вазир як мусоҳибаи озод ташкил намоянд, мо албатта хурсанд мешавем.

Аз рӯйи мактуби навиштаи зиёиён маълум мешавад, ки зиёда аз 20 сол дар Тоҷикистон ғайр аз Шералӣ дигар ягон нафар аз сарвазиру муовинонаш, вазирону раисони кумитаҳо, раисони вилояту шаҳрҳо ҳама бекор, фақат хурда хоб, бо ду чашм интизор, ки кай Шералӣ Кабиров омада, шаҳру вилоят, ё ин ки корхонаҳои моро обод карда медиҳанд, ё ин ки кай як корхонаи нав сохта медиҳанд?! Биёед пеш аз ҳарф задан аз ободкориву созандагии Шералӣ Кабиров як чизро муайян созем. Кабиров Шералӣ вазифаашон аз чи иборат аст ва маблағҳои масраф мекардаашон аз они кист? Шералӣ як мудири (менеджер) корхона, ки аз ҳисоби маош ва ё ягон бонусҳои иловагӣ зиндагӣ мекунанд. Ин кас соҳибмулки Талко набошанд, ё ин ки ақалан вазири молия набошанд, ки ба ягон лоиҳа маблағ чудо кунанд. Ҳар як коре, ки Шералӣ ба сохтумон ё ободкориаш даст задааст, бюджети давлат ё пулҳои Талко масрафаш даҳҳо маротиба баланд шудааст. Ба ҳар яке аз ин сохтумонҳо маълумоти аниқ ҷамь намудаем, албатта, як ба як бо далел онҳоро пешкаш менамоем. Худоро шукр мекунем, ки мисли Шералӣ «олими иқтисодӣ» дар ин ҳукумат фақат якто, агар ду ё се нафар мебуданд бюджети Тоҷикистон масрафи онҳоро намебардошт.

«Дар вазорати саноат ташкил намудани «центр интелектуалный собственность» тамоман ба Шералӣ дахл надорад. Мо боварӣ дорем, ки Шералӣ тамоман ин мавзуъро намефаҳмад. Ин мавзуъи як ҷавоне, ки беҳтарин мактабҳои олии Амрикоро хатм  карда омада ин программаҳоро дар Тоҷикистон ташкил намуда истодааст.»

Шералӣ Кабиров  гуё доктори илм ва олими ҷавон ҳасту яке аз мавзуъи хеле муҳимеро гуё бо сари баланд навишта ҳимоя кардааст. Дар Шӯрои диссертатсионӣ дар мавзӯи “Ташаккул ва рушди муҳити соҳибкории корпоративии корхонаи воҳид: назария ва методологияи идоракунии зиддибӯҳронӣ (дар мисоли КВД «Талко»-и Ҷумҳурии Тоҷикистон) рисолаи докториро дар Донишгоҳи давлатии тиҷорати Тоҷикистон 19 марти соли 2012 дифоь кардааст.”  Боварии комил дорам, ки Шералӣ Кабиров  номи мавзуъи худро гуфта наметавонад  ва тамоман як варақ худаш нанавишта аст.

Нисбати рисолаи доктории Шералӣ Кабиров, Давлаталӣ Саидов ва Асадулло Раҳмонов дар маҷаллаи «дисернет» ва «Компромат.ру» хеле хуб гуфта шудааст, ки аз куҷо ин рисолаҳоро руйбардор ё дуздӣ ё ин ки «плагиати асарҳои илмӣ» карда шудааст. То ҳатто Раҳмонов дар як вохурӣ бо «олимони ҷавони нав ҳимоят карда» баъди ҷангҷолҳои ин ҷамоат чунон гуфт. Ин ҷамоат 32 донишманди тоҷикро ба асардуздӣ маҳкум кард.  Ахиран Эмомалӣ Раҳмон зимни муроҷиат ба “олимон”-и муттаҳам ба асардуздӣ гуфт: “Агар мустақилона рисолаҳои худро нанависед, чӣ гуна академик, профессор ва номзади илм шудед? Шумо нанги ин миллату давлат ҳастед!». Ана хамин тавр доктори илм шудааст Шералӣ Кабиров. Нисбати фаъолияти заводи калонтарини алюминии тоҷик таҳлилҳои чуқур ва далелҳои раднашавандае дорем, ки ӯ саҳифаи зиёдеро мегирад. Кутоҳӣ гап ҳамин, ки беҳтарин, бузургтарин корхонае, ки зиёда аз 20.000коргар дошту бо пуррагӣ шаҳри Турсунзодаро бо тамоми мактабҳову боғчаҳои бачагона ва спортзалҳову хонаҳои маърифатиро дар баланси худ нигоҳ дошта, масрафҳояшро медод ва зиёда аз 500.000 ҳазор тонна истеҳсоли алюминий дошт, маҳз Шералишо Кабиров пурра онро ба нестӣ расонид.

Суғдро Ҳасан Асадуллозода тавассути «Сомон Суғд»у Шералӣ Кабир захват кард

Дар мактуб гуфта мешавад, ки гуё Шералӣ Кабиров дар вилояти Суғд як ширкати бо номи «Сомон-Суғд» ташкил намуда, корхонаҳои пурра аз кор мондаро ба баланси Сомон-Суғд гирифта ба кор дароварда бошад. Нисбати ҳар як корхонаи бо роҳҳои шантаж,фишор ва қаллобӣ ба даст даровардаи Ҳасан Асадуллозода ва Шералӣ Кабиров маълумоти мухтасар пешниҳод менамоем. Фақат ҳаминро фаромӯш набояд кард, ки мардуми вилояти Суғд беҳтарин олимон, мутахассисон,инжинерҳову роҳбарон доранду ба дастгириву роҳнишондиҳии Шералӣ Кабиров барин мутахассисони фальшивый ниёз надоранд. Он корхонаҳое, ки дар вилояти Суғд гасб намуд, ҳама 100% фаъолият дошт, ҳазорҳо нафар кор мекарданд, миллионхо сомонӣ андоз месупориданд, то ба дасти «Сомон- Суғд» гузаштан, баъд аз он 70% корхонаҳоро, баъд аз тамом шудани ашёи хом ва натавонистани фурӯши маҳсулоти тайёр ба оҳанпора бурда фурӯхтанд, заминхояшро ба мардум ҳамчун ҳавлиҷой тақсим карда фурӯхтанд ва то ҳозир фурӯхта истодаанд. Боварӣ дорем аз ҳамаи ин ҳолатҳо пешво хабар дорад, сиёсаташ ҳамин аст, ки мардум бояд пулдор нашаванд. Масалан беҳтарин соҳибкорони вилоят, ки бе ёрии маблағҳои бонку бе ёрии давлат, бо кушишу дониши худ, бо ёрии дустону рафиқони худ даҳҳо корхонаҳоро обод карда буданд ба мисли ширкати » Нур» терминали аэропорт- Нурулло Усмонов, бозори «Панҷшанбе»- Абдураҳим Исмоилов, соҳибмулки як қатор заводҳои Исфара, ки зиёда аз 3000 нафар коргар дошт Низомхон Ҷураев, ки ҳар се ҳам вакилони якчанд маротибаи маҷлисҳои вилоятиву шаҳрӣ буданд. Бо шантаж, фишор, бо парвандаҳои сохта ҳамаро ғасб карда гирифтанд. Аммо ҳоло 90% аз ин корхонаҳо дар ҳолати нестшавӣ қарор доранду ҳеҷ фоидае на худ диданд ва на мардум.

 «Ҳамаи ин корҳо маҳз аз сусту беирода, тарсончаку беимон будани раисони вилояти Суғд далолат мекунад, ки лозунгашон «ҳамаро гиранду маро аз вазифа нагиранд» мебошад. Таърих баҳои ҳамаи онҳоро медиҳад. Масалан аз ҳама муддати кам раиси вилоят Ҳомидов Абдуҷалил кор карда дар зиндон мурда бошад ҳам, номи ӯро албатта мардум ба хубӣ ёд мекунанд, назар ба Қосим Қосимову Қоҳир Расулзодаву Абдураҳмон Қодириву   Раҷаббой Аҳмадзода. Ин се нафар фақат сандуқи худ ва сандуқи оилаи Раҳмоновро аз ҳисоби фурӯши вилоят пур карданд ва давом дода истодаанд.»

Шералӣ Кабиров бо ягон инвестори хориҷӣ корро то охир хуб ба роҳ намондааст, оқибати кор бо ҳамаи инвесторҳои хориҷӣ бо ҷангҷолу судбозиҳо ба охир расидааст. Дар ёд оред, ҳафтаҳо телевизионҳои тоҷик нишон медоданд, ки инвесторон аз Русияву Хитой, аз Эрону Швейтсария омада гуфтугугузорҳо мекарданду мехостанд миллиардҳо сармоягузорӣ намоянд, вале зиёде аз онҳо корро ҳам шуруъ карда буданд, ва бо сабабҳои номаьлум оҳиста — оҳиста хомӯш шуда бе ному нишон шуда мерафтанд, сабабгори ҳамаи ин гурехтанҳои инвесторҳо маҳз талаби «откат»-ҳо аз онҳост, ки як қисми қарордодҳои онҳо дар назди роҳбарони ду давлат имзо шуда буд ва онҳо намехостанд, ки аз як тараф сармоягузорӣ мекунанд аз тарафи дигар даҳҳо миллион доллар  «откат» медиҳанд. Барои ҳамаи ин инвестороне, ки нияти дар Тоҷикистон сармоягузорӣ кардан доштанду бо ҳар хел сабабҳо сармоягузорӣ накарданд.Мо, албатта бо қадри имкон маълумоти воқеии дақиқ пешниҳод менамоем. Маълумоте, ки мо дар даст дорем  ва рӯйи  коғаз меорем, ҳама бевосита аз мутасаддиёни ин проектҳо, кормандони «Талко», ва шахсони маълумоти мухтасар нисбати ин ҳолатҳо дошта мебошад. Дар охири ин раддияи худамон инро мегӯем,ки агар шумо нашр намоед, ҳатман муфассал ҳамаро як ба як бо далел тақдиматон менамоем, то мардум “асосгузори иқтисодиёти Тоҷикистон”-ро хубтар шиносанд.

Поёни раддияи дуввум ба матлаби “ Шералӣ Кабир- асосгузори иқтисодиёти Тоҷикистон”

 Ps : “Ислоҳ” ҳамеша омодааст матолиби муҳим ва мақолаҳои илмӣ ва пажуҳишию тадқиқотиро нашр намояд. Мо кушиш мекунем навиштаҳои шуморо дар мадди аввал гузорему бе даранг онҳоро нашр намоем.

Сообщение Раддия ба зиёиён «Аз Шералӣ Кабиров «Мао Цзэдун» насозед!» появились сначала на ISLOH.net.

Ин матлаб идомаи силсиламатолиби «Ислоҳ.нет» дар робита ба «Тоҷиксодиротбонк», Тоҷиддин Пиров ва муовини вай Қурбон Хушаков ва ҳамчунин Ҳасан Асадуллозода, раиси «Ориёнбонк» ва додарарӯси Эмомалӣ Раҳмонов аст.  Қаҳрамони ин вижаматлаб Идиев Ҳусейн, раиси «Тоҷикматлубот»-и Тоҷикистон аст. Беҳтараш бихонеду огоҳ бишавед, ки дар кишвари мо чи гуна ҳукуматдорӣ карда истодаанд.

«Чанд рӯз пештар як гурӯҳи 40-50 нафарӣ бо сардории як зодаи Тоҷикистон, ҳоло яке аз сарватмандони Русия Коган Валерий Михайлович аз Русия ҷиҳати иштирок дар ҷашни 100 солагии «Тоҷикматлубот»  ба Душанбе омаданд.»

Аксарияти онҳо дар Тоҷикистони даврони шуравӣ таваллуд шуда ва бештарашон то аввалҳои соли 90-ум дар ниҳодҳои «Тоҷикматлубот « кор кардаанд. Онҳо бо расму одатҳои тоҷикӣ то ҳозир эҳтиром доранд ва Тоҷикистонро ватани дуввуми худ мешуморанд. Баъзе аз онҳо дар хонаҳояшон бо тоҷикӣ суҳбат мекунанд. Албатта ин боиси ифтихор ва таҳсини мо-тоҷикҳо аст. Онҳо бо барномаҳои тартибдодаи худ омада, аввал дар Душанбе ва баъдан ба Хуҷанду Ҳисор ва Бохтар рафта бо собиқадорони «Тоҷикматлубот»-и давраи шуравӣ вохуриҳо ва ба онҳо туҳфаҳо тақдим намуданд, ҳатто сари манзили баъзе аз онҳо рафта дуову фотиҳа карданд. Дар ҳақиқат як инсонигарӣ, як меҳру муҳаббати беҳамто аз тарафи ҳар яке  аз он меҳмонҳо ҳис карда мешуд. Аммо аз тарафи роҳбарияти «Тоҷикматлубот» махсусан роҳбари он Идиев Ҳусейн ягон ташаббус ё меҳмоннавозӣ дида нашуд, ғайр аз нолишу шикоят аз бепулӣ. Идиев Ҳусейн, ки худ аз ин соҳа нест, ба ӯ душвор аст ин хел одаму одамгариҳоро фаҳмидан. Вай ин кучаҳоро нагузаштааст, фикри вай фақат бо пул банд аст. Бубинед, ки меҳмонҳо як моҳ пеш аз омадан ба ҷашни 100-солагии  «Тоҷикматлубот», ҳамчун роҳбари ин идора ба вай таклифу дархостҳо пешниҳод ва даҳҳо маротиба такрор мекунанд, ки ҳамаи хароҷотҳояш аз тарафи мо, шумо фақат дар сатҳи ҳукумат гапзанон кунед. Ҷавоби ин бесаводи Идиев Ҳусейни як замон мошиншӯяки Ҳасан Асадуллоев ба онҳо ҳамин аст:

» агар мо ҷашни  «Тоҷикматлубот»-ро қайд карданӣ бошем, фақат дар он ҳолат, ки 30 -солагии ҷашни «Тоҷикматлубот» мегуем.

Онҳо мегуянд, ки тамоми мардум хуб медонад, ки «Тоҷикматлубот»  аз рӯзи аввали ташкилшавии Тоҷикистон вуҷуд дораду ҳазорҳо иншооташ  имрӯзҳо 70-80 сола шуданд, ин нодуруст аст, мо худамон 35-40 сол пештар дар ин соҳа кор  кардаем. Идиев Ҳусейн бошад дар як гап истодааст, ки ба ман супориши роҳбари дастгоҳ Озода Раҳмон аст ки дар Тоҷикистон ҷашну идҳое қайд карда мешавад, ки ҳатман пайвастагӣ ба фаъолияти кории Пешво дошта бошад. Яьне кору боре, ки дар давоми 30 сол шудааст. Дигар идҳоро ҳам қайд кардан ё ҷашн гирифтан мумкин, агар шумо гуед, ки ҳисаи Пешво дар он ниҳоят калон аст. Масалан агар бигуед, ки «Алюминий  завод»-и Регарро 30 сол пеш пешво сохта буд, ин ҷашн қабул карда мешавад ва иҷозати гузаронидани ҷашн дода мешавад, фарқ надорад, ки «Алюминий  завод» вақте сохта шуд пешво ҳоло худаш мустақилона пешоб карда наметавонист. Ана ҳамин тавр як  хушомадгуиҳои тамоман дар ақл  ҷой намегирифтаро  ёфта мебароранд.

Меҳмонҳо маҷбур шуданд ҳамчун як зодаи ҳамин кишвар, аз рӯйи программаи сохтаи худашон амал намоянду қафо баргарданд. Ба ҳар ҳол вақти рафтани онҳо Ҳасан Асадуллозода албатта бо иҷозати «боло» омада назди меҳмонҳо аз ҳисоби меҳмонҳо хурок хурда рафт. Ҳасан Асадуллозодаи шаст фарзанда вобастагии сахт ба Коган дорад. Самолётҳои «Сомон Эйр» ҳама бо ёрии ӯ харида ва иҷозати ба Русия парвозҳоро дода шудааст. Идиев Ҳусейн бошад мисли Табаки аз мултфилми «Маугли»пушт-пушти Коган Валерий Михайлович шароити гап заданро пайдо мекард ва дар охир шарм накарда барои гуё дастгирии соҳаи «Тоҷикматлубот» аз ӯ 4-5 миллион доллар кумак хостаст. Бо баҳонаи корҳо тамоман суст, супоришҳо аз боло зиёд, меҳмонҳо бисёр, масраф калон. Ногуфта намонад, ин меҳмонҳо пурра, то охир харҷи худашонро худашон пардохт намуда рафтанд. Ин як шармандагист! Маълумотҳо аниқ ва аз нафарони иштирок намуда дар ин маърака ба “Ислоҳ” расидааст..

Дар мақолаҳои қаблӣ нисбати Идиев Ҳусейн як каме гуфта будем. Ҳоло мехоҳем нисбати фаъолияти дар вилояти Суғд кардааш каме нақл намоем. Вакте ки Идиев Ҳусейн раиси филиали «Ориёнбонк» дар вилояти Суғд шуда кор мекард, ҳамроҳи у Вадудов Мадиёр — раиси ширкати Сомон Суғд буд. Ҳар ду дар зери итоати ба гуфтаи худи Вадудов Ҳасани «даҳмарда» буданд. Бо супориши Ҳасани «даҳмарда» Вадудов Мадиёр бояд дар  вилояти Суғд як корпоратсия бо номи Сомон -Суғд ташкил намуда, максимум корхонаҳои вазъи молиявиашон хуб ва фоидаоварро, бо ҳар роҳе набошад, бо зуриву фиреб бо дастгирии раиси пештараи вилоят Қосимов Қосим зери итоати худ медаровард. Ҳамаи ин нақшаҳоро Шералӣ Кабиров аз аввал кураторӣ менамуд. Ҳафтае як маротиба ба Хуҷанд рафта нисбати корҳои кардаи онҳо ҳисобот мегирифту нақшаҳои нави ҷиноятиро дастур дода бармегашт.

Барои амалӣ намудани ин нақшаҳои ҷинояткорона, аз як тараф бо супориши Ҳасан Асадуллозода аз тарафи дигар бо супориши раиси онвақтаи вилоят Қосимов Қосим тамоми кормандони мақомоти қудратӣ: КГБ, ВКД, прокуратура, кумитаи андоз ва баъдан агентии зидди коррупсия ҳама дар хизмати ин ду намояндаи «даҳмарда» буданд, то ин ки супориши Пешво ва нақшаи ба Ҳасан Асадуллозода додашудаи ӯ то охир ҷомаи амал пушад. Мардум бояд ҳаминро бифаҳмад, ки бе супориш ва иҷозати пешво Ҳасан ҷуръати як киоскро  аз мардум  гирифтан надорад. Ҳамаашро пешво пешакӣ дастур медиҳад ва роҳнамоӣ мекунад. Барои ҳамин аз раисони вилоят  сар карда то тамоми раҳбарони идораҳои қудратӣ ин ҷиноятҳоро дастгирӣ менамоянд. Идиев Ҳусейн ва Вадудов Мадиёр  дар давоми 3-4 сол, дар вилоят зиёда аз 200 корхонаҳои беҳтарин, бозорҳову амборҳо, автозаправкаҳову мағозаҳоро аз соҳибкорон бо шантажу зуроварӣ ва ё бо пулҳои ночиз ё тамоман бепул кашида гирифтанд, нисбати садҳо одамон парвандаҳои сохтаву бофта ташкил намуда, як қисм одамонро бегуноҳ ба солҳои зиёд паси панҷара равон кардаанд. Солҳои аввал ба ҳамаи ҷиноятҳои онҳо раиси вилояти Қосимов Қосим Раҳбарович ва як муйсафеди  қаллоби шантажист, ки худаш зодаи ноҳияи Муминобод асту аз синни 18-19 солагиаш дар ноҳияи Бобоҷон Ғафурови вилояти Суғд зиндагӣ намуда он ҷо соҳиби оила, хонаву дар ва дар як мағозаи майдаи хурокворӣ то солхои 1993 оромона, биниашро ба ягон ҷой нахалонида кору зиндагӣ мекард, бо номи Назар-ака Қосимов, то он рузе, ки бо собиқ роҳбари дастгоҳ марҳум Салехов Маҳмадназар қудо набуд, кумак мекарданд. Баъд аз соли 2006 ба ҳамаи ҷинояткориҳои онҳо раиси нави вилоят Қоҳир Расулзода кумак мерасонид. Ба маълумоти аниқ яке аз сабабҳои раиси вилоят ва дар охир сарвазир шудани Қоҳир Расулзода  ин маҳз дустиаш бо Ҳасан Асадуллозода ва дастгирии ӯ мебошад. Барои ҳамин Қоҳир Расулзода  низ бераҳмона барои ғасби молу мулки соҳибкорон ба Вадудов Мадиёр ва Идиев Ҳусейн ёрии худро дареғ надоштааст.

 «Назар Қосимов худро ҳоҷӣ, одами поку покиза меҳисобад. Лекин аз ягон намуди бизнес ё пули ҳаром парҳез надорад. Фақат қочоқи сигаретро зиёда аз 30 сол мешавад дар он вилоят ҳамин одам мекунад. Як фарзандашро раиси андози вилояти Суғд монда буд. Касеро мехост ба воситаи писараш миёншикан карда пулҳояшро гирифта боз миёнарав шуда халос менамуд, гуё боз ёрӣ мерасонид. Ҳамаи ин корҳоро Давлатов Нусратулло, раиси Кумитаи андоз хуб медонад ва шохид аст. Барои он ки он солҳо Давлатов низ дар андози вилоят зердасти Қосимов Хуршед буду доимо аз Назар -ака дуо мегирифт. Идиев Ҳусейн  ва Вадудов Мадиёр низ мисли дигар кормандони ҳифзи ҳуқуқи вилояти Суғд дар хонаи Назар Қосимов дастҳо ба пеш хизмат мекарданд, агар розӣ набошанд, қасам бихуранд дар назди виҷдони надоштаи худ. Нисбати Назар Қосимов ва ҷиноятҳояш бо ду- се мақола сухан тамом навешавад. Албатта дар оянда равшантар маълумот пешниҳод менамоем.»

Бадии кор дар он аст ки ширкати Сомон- Суғд, ки ин қадар корхонаҳоро дар Суғд тасарруф кард, ҳамаи роҳбаронашро аз Колхозободу Қурғонтеппа монданд, ҳоло 75-80% ин корхонаҳо фаъолият намекунанд, роҳбарони корхонаҳо фақат ба фурӯхтани заминҳои дохилу гирди корхонаҳо ва фурӯши таҷҳизоту техникаҳо машғул мебошанд. Мақсад аз ғасби ин корхонаҳо чи буд? Нест кардани ҷойҳои корӣ, нест кардани соҳибкорӣ дар ин вилоят буд.

Дар телевизор 30 сол мешавад пешво даъват мекунад, ки агар шумо ватанатонро дӯст доред ҷойҳои кории нав ташкил кунед ва доимо «қайчии тиллоӣ» дар дасташ  ё феълан арғамчини гов тебала кунии Раҳмони чақыр дар дасташ ноҳия ба ноҳия лентабурӣ мекунад, аммо хешу табораш  корхонаҳои беҳтарине, ки дар вақт- вақташ  андозу маош месупориданд ба нестӣ бурда расонида истодаанд, ин сиёсати пешворо ҳеҷ ақли солим қабул намекунад. Акнун Вадудов Мадиёр гуё ҳақиқатҷуй шудаасту  мегуяд, ки мақсади мо аз кашида гирифтани корхона, онро обод кардан нест, мақсади мо ба гуфтаи «даҳмарда» бояд мардум бой нашаванд, ки баъд дарди сарамон мешавад. Охир хуб набуданд, ки ҳамин корхонаҳо фаъолияти муътадил намуда ҳарчи зиёдтар андоз супоранд, мардумро ҷойи кор диҳанд ва ҳатман доляи авлоди шуморо диҳанд. Ҳоло бе «доля» супорӣ ҳатто газетфурушӣ карда наметавони дар кишварамон, ҳоло бизнес ҷойи худаш.

«Идиев Ҳусейн ва Вадудов Мадиёр дар ҳаёти худ як туалет бо пули худ насохтаанд ва ба  қадри ин меҳнатҳои мардум ақлашон ҳам намерасад.»

Имрӯзҳо зиндагӣ Вадудовро ба як шароите овардааст,ки у розӣ аст барои як пули ночиз тамоми сиру асрор ва супоришҳои ҷинояткоронаи ба қавли худаш «даҳмарда»-ро барои ноҷавонмардиҳояш, бар ивази хизматҳои чандин солаи Вадудов Мадиёр нисбати вай кардааш пурра ошкор созад. Ниҳоят бо як алам  нисбати имрӯза шароиташ ҳарф мезанад, сахт пушаймон аст, ки ба хотири мансабу пулу чизу чора ба ин қадар мардбачаҳо хиёнат кардааст. Намедонад ба кӣ дарди дили худро гуяд. Ҳама ёру ҷураҳо аз наздаш дур шудаанд. Гуё баъд аз қарздор шудан, якчанд хонаву мағозаҳои дар вилояти Суғд будаи худро фурӯхта баъзе аз қарзҳояшро додааст. Имрӯзҳо ба шиносу ношинос мисли девона рози дил мекунаду Ҳасан Асадуллозода ва  Шералӣ Кабировро дашном, дигар коре надорад. Ба ростӣ раҳмамон намеояд. Барои он ки Ҳасанро ҳамин се -чор нафар мутилшику иғвогар боз ба роҳҳои бадтар бурданд, агарчи худаш ҳам ягон фаришта набуд, як касофати зинокор!

Ҳасан Асадуллозода бо духтарбозиву айшу ишрати худ аз дунё хабар надорад.

Куратори асосии ғасб кардани бизнесҳо, одамонро дар назди «даҳмарда» сиёҳ намуда, ҳаёташонро сузонидан ва маслиҳатчии асосии Ҳасан Асадуллозода,  то солҳои ахир Шералӣ Кабиров буд. Вақтхои  охир ба гуфтаи Шералӣ Кабиров ӯро «боло» аз Ҳасан Асадуллозода дур кардааст, яъне «запрет» гузоштааст, ки назди ӯ рафта ҳисобот диҳад. Агар ҳамин тавр гирем  аз як ҷиҳат пешво инҷо дуруст ҳам кардааст. Ҳасан дар Ориёнбонк ҳукумати худро солҳои дароз ташкил намуда буд, ки ҳамаи раисону вазирон бо навбат ба қабули ӯ рафта ҳисобот медоданд. Баръакси кор дар маҷлисҳои назди сарвазир фақат муовинони раисону вазирон иштирок менамуданд, ба ҳама вазирон баҳона назди «Раис» будем, яьне назди Ҳасани даҳмарда. Ҳайрон мемонем, одами мактаби миёнаро базур хатм карда ба ин вазирону раисон чи корҳоро ёд медода бошад?!

Хонандагони муҳтарам! Бовар кунед, мо ба ягон нафари қаҳрамонони ин мақола кинаву адоват ё хусумате надорем, фақат мехоҳем, ки халқ каме бошад ҳам бидонад, бифахмад, ки сардорони идораву корхонаҳо ва наздикони пешво то чи андоза худобехабар ва аз ҷамъият дур шудаанду одамонро ҳамчун мурча меҳисобанд. Аз шумо қаҳрамонони мақола хоҳиш менамоям, пеш аз ҳақорату дашном намудани нависанда, ҳатман як дақиқа оромона фикр кунед, ки куҷояш нодуруст аст….

Вадудов Мадиёр бо марги табии гузашт ё Ҳасан ӯро «бе зарар» гардонид? 

Дар ҳоле, ки ин матлаб ба нашр омода мешуд хабар расид, ки яке аз қаҳрамонони  мақола Вадудов Мадиёр даргузашт. Ин одам ҳазорҳо оиларо сарсон, садҳо корхонаро тасарруф карда боиси аз ҳам пошии никоҳу оилаҳои  даҳҳо хешу табор ва шиносҳои худаш шудааст. Инчунин чунин маълумот ҳам расида аст,ки Ҳасан Асадуллоза дар бе зарар гардонияш саҳм доштааст. Ҷузъиёти ин ҳодисаро ҳатман хоҳем гуфт.

Ба хоҷааш Ҳасан Асадуллозода хабари мурдаашро расониданд. Ӯ заҳрханда карда гуфтааст, ки » и какан нав мурд, ман фикр карда будум, ки 2-3 сол пеш мурдай, хайр ягон нафар бекорчира равонуш кунен бравад, иштирок куна» . Ҳангоме пурсидем пас чаро Ҳасани даҳмарда чунин гуфтааст? Посух чунин буд. Ҳасан хело дар интрига сохтан ва шакле рафтор кардан маҳорати хубе дорад. Мо садҳо далоил дорем, ки ӯ падарро кушта ва ба писараш боз кумак карда, то аслан фикр накунад. Инчунин писарро кушта ва зиндонӣ карда боз ба падараш гуфта ман кушиш мекунам ӯро озод кунам ва пулашро гирифта коре ҳам накарда аст.

Хуб дигар бояд дарси хубе бошад ба дигар чопикҳои ин оила.Ана барои кӣ хизмат кардааст Вадудов Мадиёр. Солҳои охир фишори хун, баландии қанд, бепулӣ, бевазифагӣ ӯро алкоголик  сохта буд. Ба гуфтаи шиносонаш дар вақти мастӣ аз ошёнаи дуввум ба замин афтида дар беморхона бистарӣ шудаасту он ҷо инфаркт гирифтааст, ё чуноне гуфтем ба ин кор кумакаш кардаанд.

Бо як соҳибкори фархорӣ, ки номаш Боймурод Мирзоев бо тахаллуси  бойи фархорӣ аз солхои 1980 ҷурагӣ, дустӣ ва бародарӣ доштанд. Дар охир ҳарду ба  занҳои якдигар чашм ало карда буданд Аъузубиллоҳ аз ин гумроҳӣ ва ….хонавайрон ҳам шуданд.  Вақте ки Вадудов Мадиёр  бо супориши Ҳасан «Сомонсуғд»-ро ташкил намуд, аввалин шуда » Гафуровский винзавод»- ро, ки азони Мирзоев Боймурод  буд бо кумаку ёрии Назар Қосимов, Қосим Қосимов  кашида гирифт. Дар охири ҳаёт Мирзоев Боймурод ҳам сахт бечизу бепул шуда буд. Чанд соли пеш дар як таксии кучаги дар  ағбаи Анзоб ба садама дучор шуда мурд. Сабабгори асосии несту нобуд кардани Мирзоев Боймурод ҳамчун як соҳибкор, ҳамчун як дастархондор  Вадудов  Мадиёр бо Назар Қосимов ҳастанд. Мирзоев Бой ҳам фаришта набуд. Ӯ ҳам аз ҳамин парода буд, аммо воқеияташ ин буд,ки гуфтем. Ин нақлҳои моро мардумоне, ки синнашон аз 50 боло шудааст, хубтару беҳтар мефаҳманд. Барои он ки зиёде аз онҳо ин нафаронро аз ҷавонӣ мешиносанд.

Ps :Ин вижаматолиби шашумро махсус ба ин чанд нафаре исмҳояшон рафт ихтисос додем. Чун,ки ин ҳолатҳо куҳна нашаванд ба ин хотир чунин кардем. Дар мавриди қаҳрамонҳои асосии вижаматолиб,ки Тоҷиддин Пиров ва Қурбон Хушаков хело маълумотҳои зиёде расидаанд. Онҳоро мегузорем ба вижаҳои баъдӣ. Чун,ки ҳоло ҳарфу сухан барои инҳо зиёд аст ва куҳна шави ҳам надоранд.

Поёни бахши шашуми вижаматолиби мо, бо “Ислоҳ” бошед ва аз маълумотҳои дигари мо нисбати ин ғоратгарону тороҷгарон бештар огоҳи пайдо намоед!

Сообщение Идиев.Ҳ : Тоҷикматлуботро 100 сола не 30 сола гӯед, фармони Озода аст, “пешво”-ро қаҳр мекунад! появились сначала на ISLOH.net.