Екатеринбург-Панҷ

   Ассалому алайкум бародар Муҳаммадиқбол! Рости гап мо муҳоҷирони панҷӣ (ман аз деҳаи Чорсу) дар Русия ҳастем ва аз ин ҳама фишору тазъиқу таънаву маломат ва ҳатто таҳдид ба ҷон расидаем. Ҳафтае нест, ки бо як баҳона аз мо пул наситонанд. Мо, муҳоҷирони панҷӣ ҳануз се-чор соли пеш аз ин тарзи муносибат хаставу безор шуда бар ин қарор омада будем, ки бигзор моро дар сол як бор азоб диҳанд. Яъне як бор пул супорему халос шавем. Ва ҳамин қарорро ҳама қабул кард. Аммо нархи ба истилоҳ «солона»-и мо солтосол зиёд шуда истодааст.

Дар Русия мо пулро аз шохи дарахт намечинем. Як тини инҷо ҳам бо дарду ранҷу заҳмат ба даст меояд. Ман гапро ба дарозо намекашам. Ҳоло садои чанде аз масъулини диаспораи панҷиҳоро ба шумо мефиристам, ки чи гуна муҳоҷиронро таҳти таҳдиду фишор қарор дода истодаанд. Бигзор ин бор ному насаби инҳоро зикр намекунам, аммо дар оянда маҷбур хоҳам шуд, ки ошкоро эълон кунам. Ҳоло баъди мутолиаи ин ҳарфҳо худ хоҳед дид, ки мо дар чи вазъу ҳолат қарор дорем:

«Бародаро чиқа  ҳаракат кунед, э бародаро дига намедонум чи бигум. Ин мардум иқа қарор истоданд. Ҳамувора ку як бори дигар ин шо Аллоҳ спискара партоен. 2023ра касе напартофтаст ҳамувора номбар кунем. Э бародар, касе  ҳастӣ ҳамиям, фаъолиятай барои ободии деҳаи Чорсу як шуҷоатай, я номусай чорабиниҳоро дидан даркор. Худованд шумора нигаҳ дора, барори кору баракат дар касбу коратон».

                            *****************

Салому алайкум! Бале акаи Рустамшоҳ, бале. Хай аку намедонум, ки и мардум..неки бовар куне, агар кадоме ҳастӣ, нестӣ бисту сета махкам накардай ҳоле 24ай соли 24ай. 23та махкам накардай! То ҳозира номи тра ҳеҷ касда эълон накарда будем. Неки 100 борам номта мегирам. Ҳамин сад борам номта мегирум, ки э бача 23та махкам ку. Махкам наменӣ, дар ҳамин группа бубро бугу, ки, э бародар  ман намепартом пул, номи мара кур куне! Фаҳмидӣ! Дар ҳамин группа бро бугу, ки номи мара кур, куне намепартом пул. Бигиран номта кур кнан халос шем. Да қатори бо я хел. Да қатори Сабриддин ай ҳиҷчи пичи ҳамута бра қати Сабриддин бо да ҳақут бо дуо мекунем. Худованд ҳидоятут кна.. худо брори кору дар касбу кортон баракат бачаҳо. Узри калон, беҳад зиқ мешам да да ҳамин хелин йигитое , ки 23шон махкам нестан. Масъалаи 23ра спискара бровардем номошон мегирем мегуем бародар номта да списка мегирем бги биё. Намефорад партофтан  ай ҳамуҷа овоз бброр номта кур кунем ҷонмон халос шава, фаҳмидӣ? номта бояд гап намезанӣ, ки номи мна кур кне, гп намезанӣ мо худмон то гап заданта эълонут мекунем, э бача пулта парто

                                *******************

Салому алайкум ва раҳматуллоҳ мардуми шарифи деҳаи хушманзараи Чорсу. Бародароне,ки 2024атонро дар ҳол махкам накардед, медонед, ки соли 2024и мо махкам нокардаяй, имруз ҷумъа, худованд хайратонро қабул кунад, парвардигор барори кору баракат дар касбу коротон бтия. Илтимос ҳамин 2024атона чорашона бине. 2024атона бародарое, ки напартофте списка мебуроя баъд ҳамунҷа номотона мехонанд, списка мебуроя баъд ягон…. ҳамун номта мебинӣ ҳамунҷа хиҷолат мекашӣ. Аку я хел беномусуш, ку парво надорад. Неки 2024тона махкам куне. Аллоҳ баракатон бта. Худованд нигаҳбонтон боша. Барори кору баракат дар касбу коратон. Ҳар касе бо ай руи камдастиву ай руи қарздориву ай руи бекорӣ аку як майдаяк заҳмат мекашад. Неки кушиш куне, ки  солонотона махкам куне. Инам залулай. Я расчети кору ягон беҳбудимона гирем ягон кормон. Худованд шуморо нигаҳдору барори  кор дар касбу кортон.

                               *******************

100% ҳоҷӣ Саймурод,100% барои додари худут тоқа не,барои ҳама, ҳами касе, ки намепартоя ҳами да ҳамун касатса дора ба худуш мекаша, ба кунуш мекаша чи хеле мекаша, бкаша ҳами касе, ки намепатояд да ҳамун дахолат дорад.

Салому алейкум як бори дига мардуми Чорсу созен, тинҷен, саломатитон хубай. Хай худованд ҳама соз боше, тинҷ боше. Э бачаҳо, касе, ки ҳамин 2023 насупоридаст хай ина ҳамин барои 24 ҳоле вахтай. Ина мо худомон насупоридем, майлу. Некӣ ҳамин касе барои 2023 насупоридасу мақсадаш супоридан нест, намехоҳад, ки партоя, мардак боре буброя ба ҳамин деҳаи Чорсу бга, ки э бачаҳо ман флонӣ намепартом. Мақсад, ки мо ура ждат накунем дар у надежда ҳам накунем, 2024а ҷамъ кунем да 2025 мақсад худмон расчети худмона бигирем. Ягон ҷои хафагӣ нест. Касе, ки мардакай, мисол касе, ки ҳамин мардакай, ҳаминтарине, ки мисол ман бромада гап задам, буброяд ана ҳамин хел мардак боре гап занад, ки мн флониев флонӣ, мақсад ҳамин сума мн намепартом, да ман даркор нест, ҳамин корда мо да уво надежда накунем чан касе, ки мемонем ҳамиё расчета бигирем. Мисол мардонавор да итари к…гӣ неву мисол мардонавор буброяд мақсад баромад кунад. Бисёр не. Ё ки бинависад ё ки галасавой кунад. Беҳтаринуш галасавойяй. Галасавой кунад, ки ака мн флониюв флонӣ намесупорум ҳамин сума мисол, да мн даркор нест. Тамом. Мисол мо да уво надежда накунем. Ҳамин мардак боре бине я ришени канкретна ҳамин ду-се рӯза касе, ки ҳаст касе, ки мешунава ҳамин гапи мана касе, ки нашнавидаст одамои шунавидагӣ увора бшнавонен, мисол бгешон ҳамин галасавоя мана моненда гуш куна. Ҳамин се-чор рӯза мисол решинира бброран бганда мо буфаҳмем, ки чанд одам да ҳамин дарун кора пеш мебара.

                       **************

Ҳамин бегаҳ якҷо меҳмон будем дар деҳаи Калли макс. (Карл Маркс) Худованд барактшон бта, худо ай умршон баракат ёбанд. Бовар кун я одамое,  я одамое, ки вақте ҳамин чойхона соз кардан  20 ҳазор партофтаст, 30 ҳазор партофтаст. Илоҳӣ тоба. Мардуми мо ҳамиқа миллион миллион ҷамъ менан я рафтагишун  корошон хуб мешан ҳар моҳ 300 ҳазор сум меёва, дар раҳи худо барои ободии деҳаи Чорсу ҳиҷчи. Меёра ҳамура расход мена 2 миллион кор мена 3 миллион кор мена, ихелӣ ақл нест, ки барои ободӣ я майда ба арзера ёрдам кна. Итари одам надорем мо. Дар соли оянда ё ҳамин сол  павароди Калли макс то хонаи ҳамин ҷойи акаи Файзулора ҷои раҳмати акаи Иззат, иёра полни асфалт мекунан. Занакошон гуфтан мн 10 ҳазор сомон дорум, иш  гуфтас мн 20 ҳазор сомон дорум …занакошун занакошун гуфтан ман биста дорему ман сита дорему…  мардакошон ҳама биста биступанҷта ҳамира асфалт кнем мо сум дорем. Э хушо бар ҳолшон, хушо бар ҳолшон. И мардуми моро чи офате расидаст, ки бовар кун ҳамин солонаша мегуӣ махкам намекунан. Илоҳӣ тоба. Худованд худуш шуҷоата зиёд куна. Барори кору баракат да касбу кортон бта. Парвардигор  хайратона аз и да зиёдтар кна

                              *******************

Худованд нангу номуса меҳмон букуна. Парвардигор шуҷоати бародарора аз ин дида зиёд куна. Беҳади беҳад суст, бовар кун. Қишлоқои дигая мебинӣ ,зану мардуш дар ҳамаи камбудиҳои деҳа чухт мекнан, зану мардуш. Иқа одамо, иқа одамои крахт. Э бачаҳо бхезе. Ихелӣ хов наше бачаҳо, дамтона ҳот кне. Сад ҷамъ кне, сад ҷамъ кне мийоре. Бо ҳар як одамера дидам, ки бовар кун ҳами хел хонагиҳошону оилашон ҳамин хел катахуре ҳастан, ҳамин як пуху прахшон мекнан меран, чум чи харидшон мекнан. Неки барои ободӣ ҳиҷчӣ. Ҳамура мебинӣ фарзандои мо истифода мебаран ҳамура.Ҳамура мебинӣ барои пешравии деҳаи мо истифода кӣ барои деҳаи моҳай. Бовар ку пури бад пури бад изо мекашем да. У мардума мебинӣ чи коро карда истодаанд субҳоналлоҳ. Худованд мора ҳам баробари ҳамин мардуми шуҷоъатманд шуҷоъатмона зиёд куна. Худованд барори кор дар касбу корамон баракат бита. Парвардигор раисамоя худуш нигаҳдор боша. Аллоҳи меҳрубон бо руи сурх барои ба сари бланд, ба киссаи пур ба пеши аҳли байтмн бирасонад. Омин ва рабулоламин

Исфара

Ассалому алайкум устод! Ман аз Найман. Муҳоҷирҳо бо заҳмат пул кор мекунад, инҳо на танҳо пули муҳоҷирро барои ин, барои он, барои мактаб, барои роҳ гуфта мехуранд, худи муҳоҷирҳоро низ мехуранд. Ин маълумоте, ки дар зер мутолиа мекунед ба пуррагӣ аз группаи Найман аст ва онро ман беягон таҳрир тағйир пешкаши шумо мекунам:

«Ассалому алейкум найманиҳои азиз! Отчёти Группаи Найман. Як бародар 1500 сомон ойи Шаълоя латокашонба дода будан, писарои Ойи Шаъло орият карда худошон пул партофт, манъ кунондам. 1500 сомона. Усуни латоки туғри холи Ранохона стяжка карем. 

Расход:

 Цемент 14×60=840 с 

Шағал  1×250=250 с

 Каммасраф стадионба 2×30=60 с

Қулф дарашба 20с

Кучабам  2×30=60 с

Пешеходба 150 с 

Сурати муйсафедои худойинда будагиҳо

120 сомон

Итого1500 сомон 

  Пешеходба як бародар аз Россия краска исел каран, мондагиша аз Аюбҷон гирифтам.

Як бародар1080 сомон пафтан, одамои шароиташ танга аз дафтаратон хат занед гуфтан, хат задам. 

Як бародар1080 сомон пафтан, шкафи ноловойоба, 700 сомон устоба додам 380 сомон монд. Ойнаки стадиона ремонт мекунам шикастаст.

Як бародар 1069 сомон пафтан, пули асфалтьба гузарондам.

Як бародар 319 сомон пафтан директорба додам. 

1099 сомон пули таъзияи амаки Латифхон истодас, Худо хоҳад бардюр мекунем

Қарзамо асфалтьба121ҳазору 400с буд,

 10ҳазору189 сомон пул ҷамъ шуд,111ҳазору211 сомонӣ дигар қарздор. 

Ҳамотонба раҳмат. Худованд кушоиши коротона тияд ва аз балоҳош нигоҳ дорад

Хайр дар паноҳи Худо бошетон.

                  Спитамен

Ассалому алайкум устод Муҳаммадиқбол! Номаи ман ба падару модарони ин миллат аст! Ман 21 сола ҳастам. Миллатам узбек. Ҳама зулми ин давлат ва системаи палиди расво ва дуруғгуи Раҳмоновро асосан аз «Ислоҳ» фаҳмидам. Ман аз калонҳои оилаамон ва хешу таборонам норозӣ ҳастам, ки барои чи ман инро аз Ютуб фаҳмидам, ягон кас нагуфт, ягон кас нафаҳмонд! Барои чи? Барои он ки ҳама дар тарс аст! Эй, миллати ман, ҳамватанони ман бас! Бас! Бас! Шумо калонҳо хап будед зиндагӣ соз шуд? Мард шавед ва гуед зиндагӣ нағз шуд? Шумо беномусирову чоплусиро интихоб кардед ягон кас бар шумо раҳм кард? Барои чи писару духтарони худро ранги худатон мурғу чоплусу беномус карданиед? 

-хап кь буз бисерай, хап кь ягон проблема нашавад, хап кь трмат накунанд! 

Шумо чи карданиед? Мақсадатон чи аст? Эй беномусҳо шумо мигранту, террористу, чуркаву, мурғ шудед, магар мехоҳед ки бачаҳоятон ҳам ҳамин хел шавад? 30 сол шуд соз нашуда истодааст?

  Шумо хап карден ва мо бачаҳои шумо дар ҳамин система зиндагӣ кардестем! Шумо хап карден имрӯз писаротон аз кудакиш дар Русия аст! Шумо хап карден имрӯз моро аблава саг барин сарсон кардестай! Шумо хап карден мо имрӯз дар Русия дар бадтарин ҳолат чуркаву террорист ҳастем! Эй номардҳо я бор дар хонат шишта фикр кь, натарс Раҳмонов наметона фикрота хонда! Проста барои хдт фикр кь!

Шумо тарсиден, шумо хап карден чи шуд? Мард шав, чи шуд? Я сукин сын дхтарта ҳиҷобша кашид, занта ҳиҷобша кашид, модарта ҳиҷобша кашид! Что дальше? Бо чи мехоҳен? Ай пушти ришт бачата трма кард, кушт, бо бадтарин дашном дар милисахонаҳо ришашро тарошид! Ҳаминай натиҷаи хап кардан! Аз ман сар карда барои хомуш шиштан аз падару модари хдам ва ҳамаи ин калоное, ки ин беномусию ғуломиро интихоб кардан норозӣ ман! Эй ҷавоно бас! Мо ҷанг надидем, ки моро бо ҷанг тарсонанд! Бас, вақташ омад! Аз калоно ягон гапи талковый интизор нашавед! Ҳақиқати  талх бошад ҳам мегуям инҳо беномусиро интихоб кардан, лекин мо не! Шердил бошед! Бовар кунед и милисаю амнияту армияш аз шумо бадтар тарсончак ҳастанд! Пирузӣ наздик! Инқилоб наздик, валлоҳи қасам наздик! Вақте ки инқилоб сар шуд, как говорится «до конса» мерем. Ин ҳукумат ба мо раҳм накард, моям раҳмш намекунем!

Бародар Муҳаммадиқбол! «И 1 % аст аз чизе, ки навистан хостам, бовар кунед ин миллат, ин калонҳо ранги худашон я авлоди мурғ тарбия кардестиян!»

Ман фикр дорам, ки ҳама тайёр аст! Шуд сар кунем! Имрӯзина видео беҳтарин премйера шуд! Надо готовит!

                                     Кулоб  

Ассалому алайкум бародар Муҳаммадиқбол! Ҳодисае, ки нақл мекунам, дар соли 2010 руй додагӣ аст. Худамро муаррифӣ намекунам. Рости гап, ман чандин маротиба ба маҳбаси Кулоб даромадаам. Сардори маҳбас он солҳо Қаюм Умар буд. Дар ҳақиқат вай кадом зани маҳбусро зино мекард. Маҳбусҳо ин кори вайро фаҳмиданд. Як бачаи дигар Ғайрат ном дошт. Устои сартарош-парикмахер кор мекард дар маҳбас. Началник як коргарашро дастур медиҳад, ки раву Ғайрати  парикмахерро биёвар муи сарамро паст кунад.

Мераваду меоварад. Сипас сардори маҳбас бо парикмахер тоқа мемонанд. Чи гапе байни ин ду мешавад. Ғайрати сартарош бо қайчӣ ба сари началник мезанад. Сардори тюрмаи Кулоб мемурад. Ин сардори тюрмаи ошнои наздики Абдураҳмон Бузмаков буд. Кормандони маҳбас ба Бузмаков занг мезананд .Бузмаков Кулоб меояд. Коняк задагӣ, дозааш баланд, маҳбаси Кулоб медарояд. Ғайрати парикмахерро марданивор таги шатта мегирад ва як гуши ӯро мебурад. Бо ҳамон қайчие, ки парикмахер Қаюм Умари срадори зиндонро кушта буд, Бузмаков як гуши Ғайратро мебурад. Бузмаков ба кормандони тюрма дастур медиҳад, ки парикмахерро бисёр зананд. Ва кормандони тюрма ҳам ин усторо ҳамчунон мезананд, ки дар давоми панҷ моҳ ҷон ба ҳақ таслим мекунад.

                                              Душанбе

    Ассалому алайкум бародар Муҳаммадиқбол. Айни замон миш- мишҳо дар Прокуратураи Генералӣ баъди гуфтаҳои шумо дар барномаҳо роҷеъ ба ҷудо шудани бачаи Юсуф Раҳмон аз духтари Президент зиёд шудааст. Баъзе сардорони раёсатҳои Прокуратураи Генералӣ мегуянд, ки Юсуф Раҳмонро дуои кадоме гирифт. Кадом коргар ё коргарони Прокуратураи Генералӣ дуо кардааст. Бисёриҳо дар туйи бачаи Юсуф Раҳмон қарз карданду расхҳодои бешеный кардан, ки ба Юсуфи Раҳмон вазифаҳои созашон мета гуфта.

 Аммо надод. Баракс як хелашро ба мақомҳои поинтар фаровард. Миш -мишҳо ҳаст, ки чанд нафар аз кормандони Прокуратураи Генералӣ ҷои Юсуф Раҳмонро чен карда истодаанд. Хусусан сардорони баъзе раёсатҳо. Мегуянд, ки акнун тамом, сағераашро агар духтари Президент талоқ дода бошад, Юсуф Раҳмон дигар «ҳиҷ касай». Мо гуфта будем, ки ҳоло боз мегардаду мераваду мояҳои Зоирро мелесад. Хело ба Зоир подножкаҳои сахт дод Юсуф Раҳмон. Борҳои калони Зоирро фурӯхт, берун аз Тоҷикистон қапиданд. Боз маълумотҳо дод, ки гуё КДАМ фурухтагӣ аст маълумотҳоро. Ана акнун Юсуфҷон тайёр бош.

То онҷо, ки маълумот дорам баъзе нафарҳо аз Прокуратураи Генералӣ ба Зоир баромада истодаанд. Кушиши гирифтани ҷои Юсуф Раҳмонро доранд: «Любой суммада розиан». Ҳар як сардори сарраёсат ба худаш кошелёкҳои хуб дорад. Чандтоӣ бизнесменҳои хубро крышават мекунад. Вақти зарурат барои ягон расход шуд, сразу кошелёкҳо «сума метан, ки шефшон вазифара бигира». Дар умум вазъият дар Прокуратураи Генералӣ хуб нест. Барқасд ва дидаю дониста аризаҳои мардумро намебинанду корҳоро кашол медиҳанд, ки мардум ба Президент нависанду камбудиҳо дар кори Прокуратураи Генералӣ дида шавад.

 Ва боз як маълумоти дигар, ки ҳамин пештарак ба дасти ман расид.

 Як источник аз Прокуратураи Генералӣ расонд, ки нисбати Юсуф Раҳмон ва Шоҳрух фитнае карда истодаанд

 Маҳмадализода Аминҷон, полковник, началник уголовный розыски РВКД- и Душанбе аст, ки яке аз нафароне аст ки худро саги вафодори Шоҳрух нишон медиҳад. Сағераи бузбалаи сияҳи бераҳм аст. Вақте Шоҳрух дар УУР буд, Маҳмадализода Аминҷон, ки ҳоҷӣ асту ҳоҷӣ мегуяндаш, сардори яке аз шуъбаҳои вазнини УУР буд. Шоҳрух Саидзода, ки УВД –и Душанбе рафт, уро ҳам бурд. 

Хуб, ҳамин ҳоҷӣ Аминҷонро гуё аз номи Юсуф Раҳмон бо чи ҷурме қапанд. Ин корро як ду сардори раёсати Прокуратураи Генералӣ, ки сари Юсуф Раҳмонро хурданианд, карда истодаанд. Вақте «И кора, кардан, Шорух аз Юсуф Раҳмон мебинад. Аҷоиб, ки и коро баъди гап- гапҳое, ки духтари Президент ай бачаи Юсуф Раҳмон ҷудо шудааст, бромадан, нисбати Юсуф Раҳмон шидестан». 

Хулосаи ин гапҳо ин аст ки Юсуф Раҳмон рӯзбарӯз никто шуда истодааст ва худаш ҳам инро хуб фаҳмида истодааст. Хуб фаҳмида истодааст, ки «алакай ай қафош одамои худуш корчаш задестан».

Сообщение Номаҳо аз ноҳияҳо ба«Ислоҳ.нет» №197 появились сначала на ISLOH.net.

                                                  Хоруғ

       Ассалому алейкум бародар Муҳаммадиқбол. Ман барои аввалин бор ба шумо нома менависам. Феълан дар Санкт-Петербург қарор дорам. Аммо хабарам аз Бадахшон аст. Мутаассифона хабари хуб нест. Ба ман хабар доданд, ки дар вилояти Бадахшон як гурӯҳ ғоратгарону порахурони ҳукумати худкомаи фасодзадаи Раҳмон аз Палатаи ҳисоби назди президент рафта ҳама муассисаҳои давлатиро  проверка гуён азият карда истодаанд. Хусусан аз мактабҳо ба маблағи 5000 сомонӣ, ки аз маблағи тафтиши маориф ҳам бештару  гаронтар аст талаб карда истодаанд. Аз шумо хоҳиш дорам, ки дар барномаҳоятон ин фактро бигуед. Аз ҳама аламовараш ин аст ва инро ман ногуфта наметавонам, ин комиссияи омадагӣ ҳамагӣ намояндагони  вилояти Хатлон ҳастанд, аниқтараш аз Кулоб.

                                     Турсунзода  

Ассалому алайкум бародар Муҳаммадиқболи Садриддин. Худованд шуморо дар пушту паноҳаш нигаҳбон бошад. Ин нома дар бораи ҳаёти худам ва саргузашти худам ҳикоят мекунад. Моҳи апрели соли 2008 як ҷиноят содир кардам. Бо дӯстонам ҷангҷоли гуруҳӣ кардем, яъне занозанӣ. Хуб дигар ҷавонӣ буд. Аз тарси падару модар ва аз тарси милисабозӣ ба хоҳиши худам ба хизмати ҳарбӣ рафтам. Баҳор буд. Ман ва беш аз 30 касро аз комиссариати ҳарбии ноҳияи Турсунзода ба военкомати марказии Душанбе бурданд. Рафтем, моро ба як казармаи майда дароварданд. Дар он казарма аз чил нафар зиёд буданд. Мо сӣ кас будем. Онҷо 14ҷойи хоб дошт. Вақти намози шом буд, ки дар кострюли алюминий пур аз приловкаи ҷушондагӣ оварданд, бе нон, бо як қошуқ бачаҳо дарунашро кофтан, ба Аллоҳ қасам дар дарунаш муш ҳамаашро расво кардааст. Ҳама зиқу пушаймон. Болои ҳамаи ин беэҳтиромӣ, дашному ҳақорат, паст занӣ. На модар монданду на хоҳару на ҳеҷ чӣ. Намедонм чи гуна хоб равем. Нисфи шабӣ буд, ки аз ноҳияи Айнии вилояти Суғд ва аз Помир одамони нав оварданд. Ҳамаҷо ифлосӣ. Дарро маҳкам кардаанд. Барои ҳоҷатхона рафтан соатҳо зорӣ мекунӣ. Баъд дарро мекушоянд. Ба ҳамин қадар одам 30 дақиқа барои қазои ҳоҷат вақт доданд.

  Одамони зиёд буданд, ки ҳафтаҳо дар онҷо нигаҳ дошта шуда буданд. Приловкаро медиданд, дилашон мешурид, аммо маҷбур мехурданд. Падару модарҳо меоварданд, аммо овардагиии онҳо ҳеҷчи намешуд. Даже як луқмагӣ намешуд. Ман дар онҷо 3 рӯз будам. Бовар кунед, ки ҳоли саг аз мо беҳтар буд. Калони ҳамин военкомат як генерал- майёр буд, қадбаланд, ишками калон дошт. Ва боз ду -се полковники мутакаббири фукчухти бераҳми назарбаланд.
Аз Файзобод як даҳмардаи девонаро оварданд, ранги хар бу мекард. Як вақт яке аз ҳуш рафт, приступаш гирифт, аз даҳанаш кафк мерехт, сарашро дар замин сахт- сахт мезад, меларзид. Даромада ба шата зада мегуянд, ки «дуруға мекуна ин фалони оча» ва боз мезадандаш. Ман бо як нафар берун баровардем. Дар берун боз заданаш, сараш кафид. Мо сарашро бастему боз обратно даровардем.

Боз аз ин бадтар як девонаи дигар аз Ҳисор буд. Ҳардуяшро саҳар дар ҳамин қисми ҳарбии Душанбе, ба политехникум бурданд. Маро бошад ба қисми ҳарбии 26-20 риссовхози Ленинский бурданд. Гуё инҷо тамрингоҳи қушунҳои сарҳадии Кумитаи давлатии амнияти миллӣ аст ва инҷо 1500 сарбоз хизмат мекард. 22 апрел буд. Шаб омадем. Азоб сар шуд, шатахурӣ, ҳақоратшунавӣ, хуллас азоби саг. Саҳар хестем, як кружка чойи нимширин, 20 грам маска ва 3 бурида(кусок) хлеб. Сарбозҳо нигоҳ мекунанд, мегуянд, ки «ака нахурӣ манда те». Ба номи Аллоҳи меҳрубон қасам дар обед приловкаи ҷушондагии картошкадор кормае, ки мурғ мехурад, ку ана ҳамон хелӣ ҷушонида додандмон. Ҳаррӯз ҳамин ҳолат буд. Мо ки навоҳии аз тобеъи марказ будем падару бародарони ман омада манро зуд зуд хабар мегирифтанд.Аммо сарбозҳое, ки аз Бадахшону Суғду Хатлон буданд, ҳоли хуб надоштанд. Чунон лоғару нотавон шуда дар вақти сафкашӣ аз ҳуш мерафтанд. Ман аз барои коммисават госпитал хов рафтам, бо пули калон. 2 моҳ хоб будам. Аксари касалиҳо курруда ё аппендитсит ҷарроҳӣ мешуданд ва боз баъзеашон грижа оператсия мекарданд. Як хел сарбоз хоя- моя ҳояшон ба мисли пуфак дам мекард. Мепурсӣ, ки чи кор кард? Мегуфтанд, ки аз ҷабри задан, мояаш дам мекардааст.

Онҳоро ҷарроҳӣ мекарданд, аммо на духтур ва на командири часту дигару дигараш намепурсид, ки чаро ба ин ҳолат афтодаӣ?  Боварам кунед ҷавонписарон бе зурриёт аз онҷо мебароянд. Ба ҷое сарбозӣ хидмати ватан мардшудан равед аз онҷо бар акс бармегардед. Дар бораи вазъу шароити беморхонаи ҳарбии Қушунҳои сарҳадии КДАМ гап занам,гапҳои хело бисёр аст.

Боз сайру гашт мебаромадем. Дидам, ки фермаи хук доранд. Гуфтам, ки инҳоро чи кор мекунед? Гуфтанд, ки бонӣ мекунем. Ҳар як хуку хукбачаи фарбеҳе доштанд, ки бениҳоят калон буданд. Гуфтанд, ки барои хуроки сарбозҳо меандохтаанд. Чунон бу мекард фермаи ин хукҳо дар дохили Душанбе. Онҳоро кушта ба беморхона ва военний частҳо медодаанд.

 Хулосаи гап инки коммисават нашуда боз рафтам части 26- 20. Ҳаво гарм. Сарбозҳо аз ҳуш мераванд дар зери офтоб. Ғам медиҳанд, ишками гурусна бе мадор мегарди.

Як офитсер омад, ротаи моро бор карду бурд сари замини ангур ва фармуд, ки токҳои ин заминро, ки аз офтисери дигар будааст, хомток кунем. Бовар кунед, ки аз гушнагӣ сарбозҳо баргҳои дарахтони ангрурро мисли чукрӣ ба намак зада хурдем, ки дар дарахтҳо як дона барг намонд, лублучи урён шуданд дарахтҳо. Ҳамон вақт аз хонаи мо ҳеҷ кас хабаргирӣ намомад. Се рӯз аз гушнагӣ барги ангур хурдем. Офитсерҳо омаданду диданд ва то соати 12 -и шаб 150 нафари моро ангурҳоро хурдагед гуфта ғам доданд. Ин части 26- 20 тамрингоҳ набуд. Ҷойи нигоднийҳо буд.

Аз приловкаи чиркину кармаи мурғхурӣ аксари аскарон курруда мешуданд, грижа мешуданд. Онҳоро зада ахта мекарданд, маъюб мекарданд, ҳоли зор доштанд сарбозҳо. Вақти омадан ба хизмат фарбеҳу солим меоамданд аммо дар хизмат касалу лоғар мешуданд.

 Моҳи июн моро отправка карданд ба чор тарафи Тоҷикистон. Ман ба Суғд, ба отряди сарҳадии Истаравшан рафтам. Ду рӯз дар отряд будам. Баъд ба дидбонгоҳи сарҳади 8 ба номи Бобо Тағо роҳӣ карданд. Сардори дидбонгоҳ Раҳмон ном дошт. Фамилияаш дар ёдам нест. Рутбаи ҳарбиаш лейтенанти калон буд. Сардори дидбонгоҳ парвои сарбозҳо надошт. Ҳаррӯз дембилҳоро мезаданд. Хонаи хобаш назди казарма буд. Назди тиреза хоб мерафт. Овози задани моро мефаҳмид, аммо парво надошт. Аз шаллоқи зиёд дил беҷо мешудем. Тарафи дембилҳо мегуфт, ки «эй паҳато бо ягонташа накуше, бо да рӯшон назанен, сиёҳу кабуд нашава». Баъд аз чанд рӯз ду сарбоз шикоят кард, ки моро азоб медиҳанд. Пагоҳаш баромада дембилҳоро гуфт, ки «ин ду буза назанен, неки аз задана батар кунен» ва боз гуфт, ки «бо устав ғам тиен орзуи задан кунан».  
Ҳамон вақт фармондеҳи қушунҳои сарҳадӣ генерал маёор Шералӣ Мирзо ба дидбонгоҳ коммисия омад.

  Эй Шералӣ Мирзо! Омадӣ дидбонгоҳ, класс даромада будӣ, нон ёфта будӣ. Ана ҳамон нон, нони ман буд, баҷоӣ хурда истода будам. Ту ин нонро дида хандида будӣ. Чаро ҷиддӣ тафтиш накардӣ, чаро продуктаҳоро аҳамият надодӣ. Гуште, ки аз тарафи давлат медиҳанд, напурсидӣ, чаро бо сарҳадбонон суҳбат накардӣ, чаро ба мошини ҳарбии ГАЗ-66 аҳамият надодӣ? Вақте ту омада будӣ, се сарбоз дар дидбонгоҳ набуд:-як истаравшанӣ ва ду исфарагӣ. Ҳар сеи онҳо донишҷу буданд. Аммо номашон дар хизмат буду худашон набуданд, яроқҳояшон дар боло-яъне дар криша пинҳон буд. Онҳо се кас гуё наряди сарҳади тарафи чап, тарафи Ниҷони аслӣ буданд. Ҳар вақт комиссия меомад ҳар сеи онҳоро наряди сарҳадӣ менавистанд

   Яктоашро пурсидам ҳар моҳ 1500 сомонӣ ба Раҳмон медодааст.

Дидбонгоҳи мо як пост дар Шаҳристон дошт. Ҳар шаб 5  ё ки 7 мошини калони   боркаш меояд. Аз тарафи Тоҷикистон мо сарҳадбонон ҳақи тафтиш надорем. Мо мепурсидем, ки ин чи аст? Мегуфтанд, ки корат набошад. Ё ки мегуфтанд, гушти мурғ ё ки собун. Мегуфтанд, ки мо ҳақи даст задан надорем. Аз тарафи Узбекистон солярка, селитра, мочевин, тарбуз, харбуза ва ҳаргуна чизҳои дигар медароварданд.

   Як шаб, нисфи шаб шаш хари болояш пури борро қапидем. Аз даруни сой қапидем. Ду зан ва ду мард меоварданд. Ин ду зан аз Узбекистон буданд. Пурсидем, ки ин чи аст? Гуфтанд, ки дору, доруҳои бисёр қимат. Гуфтем, ки рафтем пост. Он ду зан сраза ба Раҳмон занг заданд. Раҳмон ба онҳо нарасед, гуфт. Даже моро дашном кард ва гуфт, ки ба як сарбоз доруи сардард деҳ. Аммо он ду мард гуфтанд, ки нагиред: «ино доруи соз не. Афзуданд, ки «доданба метием доруву илоҷаш бошад нагир, фоида надорад».

Ин лейтенанти калон Раҳмон аз тарафи Узбекистон як марди шинос дошт. Ин марди узбекистонӣ говҳои Раҳмонро нигоҳ мекард. Хонаи ин мард дар лаби сарҳад воқеъ буд. Ҳар вақт, ки мо сарбозҳоро медид, нону чака медод. Аз гушнагӣ мехурдему хурсанд мешудем. Бисёр вақт мо мепурсидем, ки ба мо нону чака диҳад. Ҳар саҳар Раҳмон шир мехурд. Ҳар саҳар соати 5 мо 2 кас бе яроқ барои шир хонаи ҳамин мард мерафтем. Се бор сарбозҳои узбек сурониданд, аз қафоямон мепаронданд, мо мегурехтем. Ду маротибаи дигар сагҳои он мард суронда як сарбозро газиданд. Аммо вақте бе шир мерафтем Раҳмон боз роҳӣ мекард, шир биёр мегуфт. Қариб як сарбози моро меқапиданд. Мегуфтем биё бо яроқ равем, Ҷаббор не мегуфт. Ҷаббор бо мо ба сарҳад рафта буд. Ин Раҳмон соати 3 шаб аз тарафи Узбекистон гуспанду буз оварда буд, ки онҳоро харидорони истаравшанӣ мехариданд. Чандин бор соатҳои 22 -23-и шаб аз тарафи Узбекистон бо мардҳои шубҳанок   дар лаби марз вохурӣ мекард. Мо ин ҳолатро чандин бор шоҳид будем. Дар як вақту соат ин мардҳо баъди суҳбат дар дасти Раҳмон як сеткаи сиёҳи калонро медоданд. Фақат дар болои сетка нонҳои бозории калон- калон 5 ё ки 6 адад, маълум буд. Аммо сеткаро дар дасти ҳеҷки намедод, то дидбонгоҳ худаш бардошта меомад
Ҳамон вақтҳое ки Раҳмон сардори дидбонгох буд, он вақтҳо зану фарзандҳояш дар Зафаробод зиндагӣ мекарданд. Дузди тапа-тайёр буд. Лекин одами намозхон. Вақте корҳояш соз бошад ва дар дасташ пул омадан гирад, намозҳояшро мехонад. Аммо вақте камтар корҳояш суст бошад, арақ мехурад, намозҳояшро намехонад. Ин хислаташро сарбозҳо медонанд. Раҳмон аз Ховалинг аст. Аз рутбаи прапоршикӣ то лейтенанти калон расидагӣ. Донишгоҳи ҳарбиро нахондааст, аммо «таға» дошт. Раҳмон аз соли 2004 хато накунам то соли 2010 сардори дидбонгоҳи 8-и сарҳадӣ бо номи Боотағо буд. Ба гуфти одамони Душанбе перевод карданд. Ин агар хато накунам фамилияаш Мудинов аст. Шояд хато карда бошаму фамилияаш Мудинов набошад. Баъд аз дидбонгоҳи 8 маро перевод карданд ба тарафи Зафаробод, шаҳраки Меҳнатобод ба дидбонгоҳи рақами 2. Як соли мондагии хизмати аскариро дар назди капитан Тоҷиддин гузаронидам.

                                           Ҳисор 

Ассалому алайкум бародар Муҳаммадиқболи Садриддин! Ман аз Гачаки Ҳисор менависам. Ман мехоҳам барои номаи № 183 илова кунам. Ин бародари дар ҳукумат кор карда, ки аз Гачаки Ҳисор бароятон дар барномаи 183 навиштааст, ҳамаи гапҳояш рост аст, вале дар бораи мактаби байни деҳа чизе  нагуфтааст. Чаро?

 Дар деҳаамон як мактаби нимколасохт буд, ки онро пеш аз солҳои 2000 ҷойи он ки соз кунанд ба 500доллар ба Расулов фурӯхтанд. Ин оила плитаҳои мактабро фурӯхт. То он вақте ки ҳукумат сохтанашро шуруъ кард дар соли 2010  натавонистанд кор кунанд. Барои онки ин мактаби куҳнаро фурӯхтагӣ буданд ва барои корро сар кардан бояд Расуловҳоро розӣ мекарданд. Баъдан мактаби куҳнаро  бо мактаби нав иваз карданд, ки дар маркази деҳа қарор дошт. Як сотих замини ин мактабро ба Ҷонибек фурухтанд, ҷои амбори ангиштро. 4 сотихашро ба муаллима Назарова Сурайё доданд. Боқимондаашро ҳамин Расуловҳо- Комил ва  Умед хона карданд. Ин ҳолатро бояд мегуфтед, ки дар 500 доллар соҳиби 40 — 50 сотик замин шуданд. Дар ҳоле, ки дар маркази деҳа як сотих замин 5000доллар меистад. Ҳоло бубинем, ки амният зур аст ё Ҷамол,  Гулбаҳор, Нуралӣ,  Баҳодур Ёрмаҳмад ё Расуловҳо. Ман аз номи халқи Гачак гуфтаниам, ки замини мардумро холӣ кунед.

Ногуфта намонад Расулов Ҷамолиддин, ки дар хариди бинои мактаб даст дорад, бо бародаронаш як сол пеш бо гумони одамфурӯшӣ дастгир шуд. Бародараш Иззат бо тахаллуси муломошеник дар адлия кор мекунад. Ва гап-гап аст ки бояд бародарашро дар авф барорад. Ҳоло чӣ шуд намедонам.

        Қубодиён  

Ассалому алейкум бародар Муҳаммадиқбол! Аз Қубодиён менависам. Дар бораи Абдураҳмон, вақтҳое ки дар Қубодиён буд ва дар бораи Лутфуллои гаишники Шаҳритуз менависам

Биёед аввал дар бораи Лутфулло гап занем. Ин ҳаромхур солҳои 1998 дар ноҳияи Шаҳритуз дар қисми ҳарбии Бобоҷон гуфтанӣ як командири ҳаромхури дигар, ки мардуми Шаҳритуз, Бешкент, ва Қубодиёнро ба дод оварда буд, хизмат мекард.
Баъди хизмат ба милисаи ноҳия ба кор даромад. Барои он ки дар онҷо язнааш Нуъмонов Раҳматулло началники милитсия буд, рутбааш полковник, инсони хуб буд, бо ҳама муомилаи хуб дошт. Пешаш мерафтӣ нағз қабул мекард.

Ин Лутфулло оҳиста ба ГАИ гузашт ва баъд сар кард ҳаромхуриро. Уро боз як ҳамраҳаш буд номаш Умед. Вайро ҳама Умеди сиёҳ мегуфтанд. Ягон 45 кг вазн дошт. Умеди сиёҳро шербачаҳои Қубодиён зада нимкуштааш карданд ва он қадар издеватсия карданд, ки беҳисоб. Ин Умеди сиёҳ ду нафари онҳоро ба муҳлати 5 солӣ шинонд. Вақте Лутфуллои ҳаромхур ба кор омад либоси пушиданӣ надошт. Якбора нодида диду сар кард ва ҳамин хел то ҳозир мардумро ғорат карда гаштааст.
Мегуянд, ки дар милиция 25 сол кор кунӣ ба нафақа мебароӣ. Инҳо қариб, ки 30 сол шуд дар милисаанд, аммо нафақа намераванд, ё инки сини нафақа ба инҳо дахл надорад?

 
Акнун меравем ба Қубодиён.  Дар вақти Союз як бародари Абдураҳмон Бузмаков-Аламшозода, муовини якуми вазири корҳои дохилии Тоҷикистон дар банки ноҳия кор мекард.
Ин бародари Абдураҳмон, ки вай ҳам фамилияаш Бузмаков буд барои ҳама намуд сейфҳои оҳанин калид мекард, сейфи бе калидро мекушод. Худи Абдураҳмон дар мактаби рақами 1ноҳия мехонд. Мактабро хатм кард, баъд ба фирмаи акаи Фозил Насимов ба кор даромад ба ҳайси нармировшик. Дар он вақт бародари акаи Фозил дар ноҳияи Шаҳритуз прокурор буд, номаш Фаррух Насимов- хело одами босаводу ба маънӣ буд. Ҳозир дар қайди ҳайёт нест. Ин Насимовҳо ҳамаашон хондагӣ. Дар оила 5 нафаранд, ки ҳамаашон маълумоти олӣ доранд.

Генерал ҳаминҷо кор карда мегашт. Як ҷавони спокойнии бо ҳама хушмуомила буд. Акаи Фозил генералро ба мактаби МВД дохил кард. Мактабро хатм кард ва ба ноҳия ба кор омад. Агар хато накунам соли 1995 буд. Уро помошники уголовного розыска монданд ва аллакай дар соли 1996 начальник уголовного розыск шуд.
Соли 96 бачаҳои Қубодиён муқобили бачаҳои марказ митеж карданд. Дар як шаб отдели милисаи ноҳияро бо постҳояш гирифтанд. Ҳамаро заложник гирифтанд. Онҷо генерал ҳам буд. Акаи Фозил он вақт дар хонааш қариб 50 нафар армияи худашро дошт. Миёндаро шуда генералро то ноҳияи Ҷилликул бурда гурезондан ва генерал рафт халос шуда буд.
Бародарони қубодиёнӣ бачаҳои ғаюр буданд. Ҳоло ҳам ғаюранд. Дар он вақт командир бо номи Бахтиер бо Маҳмуд Худойбердиев якҷоя шуда миёни бачаҳоро шикаст, вагарна Қубодиён шермардони бо нангу номус бисёр дошт ва дорад.
Бародар Муҳаммадиқбол, ман бо шумо ҳамкорӣ доштам ва ҳоло ҳам дорам. Дар номаҳои оянда мушаххас кунам дар бораи ҳоҷӣ Равшан менависам, ҳоҷӣ Равшан бародари Шоҳзамон, командири Фронти халқӣ. Дар бораи инҳо ман навишта будам. Боз бо фактҳои нав ва ногуфта менависам.  
                                            Исфара

  Ассалому алайкум устод Муҳаммадиқболи Садриддин! Ман аз Найман ду нома фиристода будам, ки худоро шукр ҳардуяш ҳам барнома шуд. Инҳо он қадар пул ҷамъ карданд, аммо боз камӣ кардааст. Ҳоло бошад аз бизнесменҳо ва аз халқ боз пул мегузарад. Дар гурӯҳи Найман партофтан, ки ҳар хоҷагӣ 300 сомонӣ ҷамъ кунад. Чи магар ин мардум заводи пул дорад чи? Ё ба мисли Раҳмонов гови пул мезойидагӣ дорад? Ин мухоҷир обедашро эконом карда ба фарзандаш дорую таблетка мехарад. Барои хонаашро гарм кардан ангишт надорад. Аммо ин чоплуси Аҳмадов Сарвар боз пул мегуяд ва боз аз призивникҳо пул меситонад. Ҳар як призивник ба маблағи аз 3 ҳазор сар мешавад. То 15 ҳазор ҷамъ доранд, ки мо аз дигар район салдат мехарем гуфта гирифта истодаанд. Нашавад дар Найман як  заводи пул мекушоем ва аз ҳамон ба чопикҳои Раҳмонов медиҳем. Халқ ба ҳамин нимча муллоҳо бовар карда пул мепартояд. Яке аз ин нимчамуллоҳо қорӣ Ином.  Дар видео ҳаст дар группаи Найман. Ба ҷои насиҳат гап фақат аз садақа мепурсад, муред садақа наталбида.

Эй, халқи Тоҷикистон ва асосан ба Найманиҳо! Шумо худатонро худатон аз дасти ин хел навкару чоплусҳои Раҳмонов халос накунед ҳолатон ҳамин хел мемонад, ҳар рӯз пул мегирад ва масҷидатонро то рузи қиёмат намекушояд ва то рӯзи қиёмат пул ҷамъ мекунанд.

   Бубинед, ки дар группаи Найман чи навиштаанд:

  «Найманиҳои азиз, бародарон салом. Ин отчёти пурраи асфалт. Ин саҳар дар намози бомдод маслиҳат карда ба ҳама фаҳмондем, ҳама тасдиқ карданд. Одамҳои пул додагиро ҷудо кардем, одамҳои пул надодагиро пагоҳ списка мекунем. Ба ҳар як сари хоҷагӣ 300 сомонӣ қарор кардем. Худо хоҳад қарзи мондагиро аз одамҳои пул надода ҷамъ мекунем. Бародарҳо ба дастгириатон раҳмат. Худованд кушоиши корҳоятонро диҳад. Дар паноҳи Худо бошед.»

Сообщение Номаҳо аз ноҳияҳо ба «Ислоҳ.нет» №195 появились сначала на ISLOH.net.