Номаҳои баъдӣ аз Душанбе, Маскав ва Турсунзода аст. Номаи Душанбе чи гуна аз куштори Саидаъзам мутаассир шудани як муллоеро, ки ба хонаи Раҳмонов равуо доштааст ва фарзандони Раҳмонов муридҳои нобуриди ӯ будаанд, ҳикоят мекунад.

Хоҳаре аз Маскав мегӯяд, ки бо вуҷуди онки дар Маскав азоб дорад, аммо омодааст, ки дар роҳи мубориза дар канори мардон қарор бигирад.

Номаи аз Турсунзода аз онки чи гуна раиси ин шаҳр замини маркази шаҳрро бар ивази 1.000.000 доллар ба домсозҳо фурӯхтааст, нақл мекунад.

                    Хуҷанд

Ассалому алайкум бародар Муҳаммадиқболи Садриддин! Аллоҳ аз шумо розӣ бошад, ки бо роҳандозии барномаи «Номаҳо аз ноҳияҳо» ба хеле аз мушкилоти мардум расидагӣ кардаед. Номаҳои мардум чоп мешаванд ва мақомот маҷбур аст барои таҳқиқи онҳо дастбакор шаванд. Ин нома аз шаҳри Хуҷанд фиристода мешавад. Бигзор ному насаби ман пеши худи шумо маҳфуз бимонад. Номаамро чоп вале номамро пинҳон доред.

Дар шаҳри Хуҷанд ҳодисае рух дод, ки агар онро сабт мекарданд, метавонист беҳтарин саҳнаи як филми траги-комедӣ шавад, филми воқеие дар бораи адолати гумшуда. Мард ҳатто агар кор надошта бошад ва зани ҷудо шудааш шавҳар карда бошад ҳам алимент месупорад. Ҳамон 700-800 сомониро насупоред ҳукми зиндон мегиред.

  Ин хел қонун дар ягон гӯшаи дунё нест. Чаро, ки зан шавҳари дигар кардааст ва шавҳари пешинааш бекор ва расман дар шумори бекорон аст, ҳуҷҷат дорад.  Мантиқ дар куҷо? Ин чи гуна қонун ва қонунбароӣ ва ин чи гуна адолат аст? Мардонро ҳама тарафа чмо кардаанд! Россия коркунӣ меравам гӯяд, судя мегӯяд, ки «не, мо туро розыск медиҳем. Ту бояд пули алиментатро супорӣ, баъд меравӣ». Дар ғайри сурат мегуяд судя мо ҳабс мекунем, дар маҳбас кор карда месупорӣ. Ва ҳамин тавр ӯро таҳдид мекунад. Ин тамоман девонагӣ аст. Аламовар боз ин аст ки ин зани ҷудошуда ва шавҳари ҳозира рашк мекунанд ва кудакро нишон намедиҳанд. Вақте вазъиятро ба судя мефаҳмонад, судя ягон чи намегуяд.

Бовар кунед, ки Тоҷикистон ба як ботлоқзор бадал шудааст.

Ин марди бекор ва аз зиндагии душвор хасташуд бо умеди дарёфти адолат назди судя меояд ва бо самимият мегӯяд:

— «Ҷаноби судя, ман кор надорам. Алиментро аз куҷо диҳам? Ман худам нон ёфта наметавонам.»

Судя, ки бояд рамзи адолат ва инсоф бошад, ба ҷои тафтиш ва ҳамдардӣ мегӯяд:

-«Аз додарону хоҳаронат гир, аз онҳо талаб кун ва ё қарз бигир аз шиносҳоят, вале пул бояд диҳӣ!»

Ин ҷавоб на танҳо ғайриинсонӣ аст, балки мухолифи қонун ва ахлоқи судӣ мебошад. Қонунҳои амалкунандаи Тоҷикистон равшан менависанд, ки аҳолии бекор, бемор ё дар шароити вазнин қарордошта набояд бо ҷазои зиндон барои алимент таъқиб шаванд. Дар чунин ҳолат суд вазифадор аст имкони кори ӯро таҳқиқ кунад, ё ба мақомоти ҳифзи иҷтимоӣ муроҷиат намояд, то барои таъмини кӯдак роҳи дигар ёбад.

Аммо судя, ки бояд ҳимоятгари ҳақ бошад, ба як «қасосгиранда» табдил ёфтааст. Вақте ки мегӯяд «агар супорида натавонӣ, ба маҳбас меравӣ-онҷо кор карда месупорӣ», вай қонунро мисли шохаи чӯбӣ мешиканад.

Оё ин аст адолат? Оё суд барои кӯмак ба мардум аст ё барои пур кардани зиндонҳо? Суди беинсоф, модари беинсоф, қонуни беинсоф

Ҳатто вақте ки зани ҷудошуда шавҳари дигар мегирад, боз судя ҳамон шавҳари пешинаро маҷбур мекунад, ки алимент диҳад. Ин дигар на адолат аст, на дин, на виҷдон, на қонун. Дар ҳеҷ кишвари мутамаддин чунин муносибат вуҷуд надорад. Дар Аврупо ва Амрико пас аз издивоҷи нав — масъулияти таъмини кӯдак ба оилаи нав мегузарад. Вале дар Тоҷикистон мард гӯё «банди якумраи алимент» мешавад. Боз такрор ҳам шавад мегӯям, ки банда расман дар қайди ҳифзи иҷтимоӣ ҳамчун бекор сабти ном шудаам.

Бадтар аз ҳама-вақте ки зани ҷудошуда аз рашк кӯдакро ба падари ҳақиқияш намедиҳад, суд хомӯш аст. Дар ҳоле ки моддаи 63-и Қонуни оила равшан мегӯяд:

«Кӯдак ҳуқуқ дорад бо ҳар ду волидон, новобаста аз ҷудоӣ, робита дошта бошад ва падар ҳақ дорад кӯдакашро бубинад.»

Аммо судя, ки бояд татбиқкунандаи қонун бошад, гӯё қонунро фаромӯш кардааст.

Чаро вақте зан қонунро вайрон мекунад, суд хомӯш аст?

Ва вақте мард аз нотавонӣ менолад, ӯро таҳқир ва маҳкум мекунанд ва ҳатто ба зиндон мефиристад?

Ин на қонун аст ин беадолатии расмии ҷомеаи мо аст. Судяҳое, ки қонунро зери по мегузоранд, бояд худ ҷавоб диҳанд, на марди бечора.

Мо мардоне дорем, ки дар зери фишори чунин судҳо аз Ватан гурехтанд, ба ҳайси муҳоҷири меҳнатӣ ба Русия рафтанд ва боз онҳоро бо баҳонаи «розыск» таъқиб мекунанд. Чаро? Барои он ки пул надоранд? Барои он ки муҳтоҷи кӯмаканд, на ҷазо?

То вақте ки чунин судяҳо дар курсӣ нишастаанд, на адолат мемонад, на оила, на виҷдон.

Бародари азиз! Агар имкон ва илоҷ доред ин навиштаи маро дар гӯшаи «Номаҳо аз ноҳияҳо» ҷой диҳед. Чунки ин садо бояд ба гӯшҳои ҳамон судяҳо расад, ба гӯши ҳукумат ва ба гӯши қонунбарорҳои ҳукумат ҳам расад, то бидонанд, ки мардум дигар хомӯш нестанд. Ин садо садои танҳо як ман нест. Ман бовар дорам, ки мисли ман садҳову ҳазорҳо мардони тоҷиканд, ки бо чунин тақдири талх рӯбарӯянд ва ба маҳзи надодани алимент ҳатто мардикории Русия рафта наметавонанд. Дар ҳоле, ки дар ватан ҷойи кор пайдо карда наметавонанд. Ин чи хел зиндагӣ аст. Шумо шароит диҳед, ки ман тавонам, ки Русия биравам ва аз онҷо ҳамин пули алименти сабилмондаро месупорам.

Қонун бояд адолат кунад, на қасос!

                               Душанбе

Ассалому алайкум бародар Муҳаммадиқболи Садриддин! Ман намегӯям, ки кӣ ҳастам. Чанд сол пеш падару модарам аз Кулоб кучиданду Душанбе омаданд. Падарам милиса буд. Дар солҳои ҷанг ба Фронти халқӣ аъзо шуд. Аз одамони наздики Саидшо Шамол аст.

Хулоса, ки мо дигар шаҳрӣ шудем. Падарам бо муллоҳову муллобачаҳо таваҷҷуҳ ва ихлос дошт ва онҳоро ёрдам мекард. Шогирди яке аз муллоҳои шиноси падарам, ҳоло муллои калоншавандаҳо, аз ҷумла оилаи президент Раҳмонов шудааст ва бо ман равуо дорад. Вай Ислоҳро мехонад ва барномаҳои шуморо тамошо мекунад. Барномаи шуморо дар бораи марҳум Саидаъзам Раҳмонов тамошо кардааст. Баъди гуфтани вай дар бораи он барнома ва худи Саидаъзам, ки бо ин муллои шиноси ман ҳам шинос будааст, ман ҳам он барномаро тамошо кардам. Бовар кунед, ки ин барномаи шумо ончунон нафрати ин шиноси муллои маро овардааст, ки то бас гуфтан.

Вай аз қавли устодаш, ки ба хонаи Раҳмонов равуо дорад гуфт, ки бисёр ҳам зиқ ва хафа буд. Гуфтааст, ки инҳо бениҳоят беимонанд. Инҳо гуфта он мулло СС.Ятимов ва кормандони амниятро дар назар дорад. «Наход барои риш як нафар ҷавонро зада кушӣ» гуфтааст.

Ин мулло гуфтааст, ки ҳиҷ пояш намекашад, ки ба хонаи бачаҳои Раҳмонов равад. Ӯро мебурдаанд, ки фалониро бихон, ё кадом масъалаи диниро, ки пеш меомадааст, ҳал мекардааст. Ин мулло гуфтааст, ки Азизмову Фируза намоз мехонанд вале худи Раҳмонов, агарчи чанд бор зиёрати хонаи худо кард, ягон бор саҷда накардааст. Мулло гуфтааст, ки натиҷаи сиёсати душманонаи худи Раҳмонов аст ки амниятиҳо Саидаъзами ҷавонро куштанд.

«Вақте Раҳмонов мегӯяд, ки рӯзаатонро хуреду зардолу чинед, вақте Раҳмонов мегӯяд, ки ҳаҷ нарав, пули ҳаҷро барои роҳ, мактаб ва Роғун гузарон, вақте Раҳмонов ришу ҳиҷобро манъ мекунад, вақте Раҳмонов омӯзиши динӣ барои кудаконро ҷиноят медонад, ҷавони то 18 сола масҷид рафтанаш манъ аст, мавъизаи муллоҳоро манъ  кард, оқибаташ ҳамин мешавад. Ин таҳқирро дар ҳақи мардуми мусалмони тоҷик ҳеҷ роҳбаре накардааст. Раҳмонов ба дараҷае таҳқир кард, ки имомҳои масҷид аз пайғамбари худо намегӯянд, аз чорёри босафо намегуянд, аз саҳобаҳо  намегӯянд ва наузу биллоҳ дар хонаи Худо аз Раҳмонов, аз Паёми Раҳмонов, аз китобҳои Раҳмонов мегуянд. Имомҳои масҷидҳои мардум ҳамаро фаромуш карданд, магар инки фақат Раҳмонов гӯянд».

Ин мулло, ки баъди ҳодисаи куштори Саидаъзам сахт хашмгину оташин шудааст, ба шогирдаш, ки дӯсти хонаводагии мост гуфтааст, ки ҳарчизе Муҳаммадиқбол мегӯяд ҳамааш рост аст. Вай гуфтааст, ки Раҳмонов гуё ба хотири Рустам ҷавонҳоро ба ҳукумат ҷалб карда истодааст. Аммо ин ҷавонҳо, ки меоянд аз дину оин тамоман бехабаранд. Фақат барои он оварда истодааст, ки ба сину соли Рустам мувофиқ кунад. Онҳо на донишманд ва на огоҳанд. Аз тарафи дигар он ҷавонҳоро аз худаш миннатдор мекунад ва талош мекунад, ки то омадани Рустам онҳо корро ёд гиранд. Мехоҳад онҳоро ботаҷриба кунад.

Аммо ин Рустам бештар ба кайфу сафо машғул аст. Барои ҳамин Раҳмонов нисбати вай дилпур нест.

Ин хабарҳо, ки Рустам синаи кадом духтарро кадом вақте пепелнитса кардааст, ба худи Раҳмонов ҳам расидааст. Кадом вақте ин гап дар хонаашон баҳс мешавад.

 Хулоса, гуфт, он мулло, ки устодаш аз куштори Саидаъзам сахт нороҳату андӯҳгин буд ва мегуфт, ки дар ҳар намозаш дуъо мекунад, ки ҳарчи зудтар Раҳмонов ва ҳукуматаш несту нобуд шавад.

                           Маскав

Ассалому алайкум бародари азиз Муҳаммадиқбол. Ман як хоҳари ғариби шумо дар мулки муҳоҷират ҳастам. Ҷони ман фидои ватанам ва мисли шумо мардони ғаюр бишавад. Барномаатонро дидам. Дар охири барномаатон худамро дошта натавонистам, гиря кардам.

Хитоб ба мардум кардед. Гуфтед вақти амал аст. Ҳамаи гапҳоятон рост аст.

«Ма чикор кунам барой ватанм ба гуфти шумо? Ма метонум ҳаму занҷири ғуломира бшканм, насиб, ин шо Аллоҳ, пирӯзӣ насиби шумо ва халқи тоҷик мешавад».

Муҳоҷириву ғуломӣ азоб аст. Аммо дар ватан моро иҷозаи сатр намедиҳанд, мардони моро намегузоранд, ки риш бимонанд, сунати пайғамбарро иҷро кунанд, балки барои риш одамҳоро мекушанд, инҳо талош карда истодаанд, ки моро аз дин ва аз Аллоҳ дур кунанд.

Ман як хоҳари кучаки шумо дар шаҳри ғарибӣ дар обшежит бо ду кудак зиндагӣ дорам. Шавҳарам ҳам ҳаминҷост.

 Тоҷикистон азобу проблема инҷо ҳам азобу проблема. Хуб, ин насибу тақдири ман будааст. Амм сад бор шукри Худо, ки инҷо шиками худамону кудаконамон сер аст. Дар Тоҷикистон зиндагӣ кардан беҳад душвор бо кудакҳо. Инҷо ҳам дар аввал кудакҳо тезтез касал мешуданд, то ба ҳавои инҷо мутобиқ шудани онҳо сахт азоб кашидем.

Дар Тоҷикистон ҳам хона надоштем, дар онҷо ҳам иҷора мешиштем дар инҷо ҳам..

Як бародари наздикам дар Германия аст. Гуфтам барои кори мубориази Ислоҳ 50 доллар гузаронад. Гуфтам ту онҷо гузарон, ман аз инҷо ба наздикони ту мефиристам. Гуфт газаронидам ва ман ҳам ба наздикони вай фиристодам. Бародар чи хизмате, ки аз дастам меояд омадаам, ки барои шумо ва барои наҷоти миллату ватанам иҷро мекунам. Шумо бигӯед, ки «ма чикор кунем барои шумо ва ватанм»?

 Хизматҳое, ки фикр мекунед, онро мардҳо боял кунанд, бифармоед, ман иҷро мекунам. Чи хизмате бошад бо ҷону дил омодаам.

Турсунзода  

Ассалому алайкум бародар Муҳаммадиқболи Садриддин. Ман аз шаҳри Турсунзода ҳастам ва дар бораи раиси ин шаҳр Акрамзода Парвиз Акрам ва ҷиноятҳои вай гап дорам. Дар бораи бозори ин шаҳр, ки дар гузашта аз дасти бозоркоми пешина, ки Мелиқул ном дошта як нафар шахсияти дар ҷумҳурӣ маълум харида буд. Он вақт ин бозор ба 500 ҳазор доллар савдо шуда буд.

Баъд чи гапеву ҳодисае шуд, ки ҳукумати шаҳри Турсунзода ин бозорро пас гирифт. Аз ин бозор давлат фоидаи калон мегирифт. Онҷо чандин магазину дигар нуқтаҳои савдо амал мекард. Вале дертар дар микрорайони 5ум бозори нав кушоданд.

Бозори пешинаро, ки бозори стадион мегуфтанд, чунки онҷо пештар стадион буд Ҳасани хусурбачаи президент чапа кард.

   Парвиз Акрамзода раиси шаҳри  Турсунзада ин бозорро ба домсозҳо -акаву додар Суҳроб ва Соиб ба маблағи 1.000.000 миллион доллар фурухт. Акнун дар ҷойи ин бозор ин домсоҳо биноҳои баландошёна сохта истодаанд. Ин як ҷинояти нобахшидании Парвизи раис и шаҳр аст.

Ҷинояти дигари Парвиз Акрамзода ин аст як хеши наздик дорад бо номи Шокири домсоз. Парвиз ба ин одам аввал ҷои бини Госстандартро фурухт. Шокир дом сохту фурухт ба мардум. Баъди ҷойи Госстандарт ҷойи типографияро, ки дар назди бинои налог буд сипас бино ва замини садикро фурухт. Дар ҷойи типография ва сдик-боғчаи кудакон Шокир бом бардошту фурухт.

Бигзор, агар ин гапҳои ман дуруст набошад, Ҳабибулло Воҳидов, Прокурори генералӣ ва Сулаймон Султонзода, раиси Агентии зиддикоррупсия гурӯҳ ташкил намуда тафтиш кунанд ва бисанҷанд. Оё Парвиз Акрамзода ҳақ дошт, ки ин ҳама иншооти давлатиро чапаву валангор ва ба замин яксон намуда замини онҳоро, ки дар маркази ноҳия аст ва чандин гектарро ташкил медиҳад фурушад?

Як нафар гуфт, ки Ҷамшеди архитектори шаҳр гуфтааст, ки ман дастури раиси шаҳрро иҷро кардаам ва инро ҳама медонад. Вале ҳама медонад, ки Ҷамшед дар ҷиноятҳои заминфурушӣ ва додани қарори домсозӣ бо раиси шаҳр шарик аст. Ин Парвиз ва архитектор он қадар дар Турсунзода ҷиноят содир кардаанд, ки онҳоро 20 соли тюрма кардан ҳам кам аст.

Ман ба халқи Турсунзода ҳушдор медиҳам, ки аз новостройка хона нахаранд, чунки ягонтои онҳо сифат надоранд. Агар замин 5 ё 6 бал ларзад ҳамаи ин домҳо чапа мешаванд, ранги Туркия. Ба ман ин гапро прораби домсоз гуфт

  Парвиз Акрамзода вақту соаташ меояд, барои ин ҳама ҷҷиноятҳоят ҷавоб медиҳӣ. Ҳама сокинони Турсунзода туро дуъои бад карда истодаанд. Худо хоҳад дуъои мардум туро мегирад.

Сообщение  Номаҳо аз ноҳияҳо ба «Ислоҳ.нет» №291 появились сначала на ISLOH.net.

Барои мисол Раҳмонов аз ин пеш ҳам чанд бор дастур дод, ки ханандаҳои мактабҳоро барои пешвозу гусели мансабдорон, аз ҷумла худи вай ба қади кӯча ё маҳалли баргузории ҷаласа ва ё фурудгоҳ набароранд. Ин суханҳоро Раҳмонов рӯзи 30 август, ки дар Донишгоҳи байналмилалии сайёҳӣ ва соҳибкории Душанбе бахшида ба рӯзи дониш суханронӣ кард, боз ҳам такрор намуд.

Дар ин мулоқоташ бо аҳли маориф Раҳмонов ба ин кору амали муаллимҳо, яъне форма, сарулибоси мактабӣ фуршӣ эроди сахт гирифт. Аммо чуноне мову шумо медонем имсол низ ин кор сурат гирифт.

  Агар ин муаллим ва махсусан директорони мактабҳо ба фурӯши сарулибос манфиат надошта бошанд ин корро намекунанд. Мактаб ҷои савдогарӣ ва бизнес нест. Вале  дузанда шиносашон аст, ё нафаре, ки ин формаро меоварад ва ё инки ҳатман ҳақи худро болои сарулибос мегузоранд ва моли пастсифатро маҷбурӣ ба хонандаҳои мактаб бо нархи гаронтар аз бозор мефурӯшанд.

Дар номаҳои зиёди падару модарҳо, ки дар «Ислоҳ» чоп шуданд ин масъала матраҳ шудааст ва онҳо бисёр ҳам ташвишу нигаронӣ изҳор кардаанд.

Дар ду номаи ин нашри барнома ин масъала аз тарафи муаллифон боз ҳам матраҳ шудааст, ки яке он аз нашрияи СССР аст:

 Панҷакент

Ассалом алейкум бародар Муҳаммадиқбол!

Ман зодаи шаҳри Панҷакент ҳастам. Дар Панҷакент бисёр ҳам зиндагӣ мушкил аст. Дар деҳаи Шӯрчаи ҷамоати Халифа Ҳасан зиндагӣ мекунам. Қишлоқ тамоман ҷазирбод. Худам дар муҳоҷирати корӣ қарор дорам. Муаллима ва муаллимҳои мактаби миёнаи таҳсилоти умумии рақами 74моро тамоман безор кардаанд.

Солҳои пеш барои китоб, барои журнал, барои парда, ремонт ва ҳоказоҳо пул мепурсиданд, имсол ба бачаҳо гуфтааст, ки «очетон қати кортҳояшон (корти бонкӣ) мактаб биён корти маҳонба маблағ гузорад барои журналу китобу ҳоказоҳо». Ин чи тавр зулм аст бародар? 

Ҷамоат ва раиси ҷамоатро тамоман гап назанед. Раиси ҷамоат Ахмедов Шавкат одами беҳад ҳаромхур. Ҳар вақте сизони облава шуд ба вай худо дод.

Сар мекунад аввал аз муллоҳо: «агар аскар надиҳед масҷида маҳкам мекунам». Мавсими туйҳо расад ҳам ба вай худо медиҳад. Туйҳо ставка дорад. Агар домод хизмат кардагӣ ё ки яккаписар бошад аз 12 ҳазор сомонӣ сар мекунад, агар домод хизмат накардагӣ бошад то 30 ҳазор сомонӣ. Ва  рӯзи тӯй барои ҷамоат боз ҳатман дастархон бурдан даркор. Масалан аз тӯй ош, шӯрбо, нон, мевагӣ, обҳои ташнашикан ва ғайра

 Боз ҳамин хел ҳам пулро гирифта барои танзим роҳӣ мекунад. Боз як ягон чиз ба табъаш нафорад бечораи туйгарро ҷарима мекунонад. Худи вай аз қишлоқи

 Куктош мебошад. Барои ҳамин аз Куктош ягон касро ҷарима намекунад ва ягон бача ҳам хизмат намеравад, аммо чашмаш фақат Шурча ва Қуштеппаро мебинад, медонистагиаш фақат Шурча ва Қуштеппа аст.

Бародар Муҳаммадиқбол, агар бинависам гап бисёр. Боз камбудиҳоро менависам. Аз шумо илтимос номаи маро зудтар дар «Номаҳо аз ноҳияҳо» нашр кунед.

Ман ҳамаи «Номаҳоро…» мебинам. Аз Панҷакент тақрибан ягон кас наменависад, панҷакентиҳо нависед. Чаро хомӯш ҳастед?

                                 Волгоград

Ассалому алайкум бародар Муҳаммадиқбол! Чанд вақт шуд, ки банд будам, ташвишҳоям зиёд шуд ва натавонистам, ки рӯзномаҳоро мурур карда ба шумо матолиберо аз онҳо ҷудо намуда бифиристам, чуноне пештар ин корро мекардам. Дар ин мусофират, мутаассифона ҳазоруяк мушкил моро домангир аст.

Вале боз як бало карда вақт ёфтам. Ва ҳоло як матлабро аз СССР бароятон менависам.

Мақолаи СССР таҳти унвони «Редаксия супориш дод: либоси мактаби хар»… аз 27 августи соли ҷорӣ, ба қалами Нуриддин Қосимзода, яъне се рӯз пеш аз мулоқоти Раҳмонов, ки рӯзи 30 август дар Донишгоҳи байналмилалии сайёҳӣ ва соҳибкории Тоҷикистон бо аҳли маориф сурат гирифт, нашр шудааст. Ин мақола таассуроти сафари муаллиф ба чанд мактаб дар навоҳии вилояти Хатлон аст, ки маҳз масъалаи доғ ва пурбаҳси фурӯши формаи мактабӣ тавассути муаллимҳоро дар макотиб санҷидааст. Барои онки суханро ба дарозо накашем аз ин мақола чанд иқтибос меоварем, ки исбот мекунад новобаст аз манъи фурӯши формаи мактабӣ дар мактабҳо ин кор ҷараён доштааст:

«Манбаъҳо бар он ишора доранд, ки имсол низ тибқи дастури Вазири маориф ва илми Ҷумҳурии Тоҷикистон ҳамаи намуди фурӯши либосҳои мактабӣ дар муассисаҳои таълимӣ қатъиян манъ мебошад. Масъалаи хариду фурӯши либосҳои ягонаи мактабӣ тибқи тартибот танҳо тавассути шартномаи Кумитаи падару модар бо соҳибкорони ватанӣ сурат гирифта, ба муассисаи таълимӣ ва омӯзгорон рабте надорад…..

Дар ноҳияи Шаҳритус мо бо мудири шӯъбаи маориф Нуриддин Ғафуров оиди ҳамин масъала сӯҳбат анҷом додем.

Тавре дар суҳбат маълум шуд, мудири шӯъбаи маорифи ноҳия аз дастур ва Низомномаи Вазорати маориф ва илми Ҷумҳурии Тоҷикистон огаҳ аст ва иброз ҳам дошт, ки мо ин дастурро риоя менамоем. Лекин дар муассисаи № 15 воқеият акси инро нишон медиҳад. Дар муассисаи таълимии номбурда бинои махсусе ҷудо карда шудаст, ки омӯзгорон ҳамчун фурӯшанда барои хонандагон либосҳои тавсеавӣ тақсим мекунанд. Бинобар гуфти роҳбари муассиса Валиева Мавзуна ба онҳое, ки ба таблиғи либосҳои мактабӣ машғуланд, дар ҳаҷми 500 сомонӣ аз ҷониби ҶДММ мукофот тақдим мегардад. Яъне ҷониби ҶМММ” Ҷилои рангҳо” бо Кумитаи падару модарони муассиса ҳамкории пайваста дошта, аз ин ҷаъмият либосҳои мактабӣ харидорӣ менамоянд. Лозим ба таъкид аст, ки Мутобиқи моддаи 9 Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», зодмандон уҳдадоранд, ки риояи пӯшидани либосҳои расмии мактабиро аз ҷониби фарзанд дар ҳамаи зинаҳои таҳсилот таъмин ва назорат намоянд…

Дар аснои сафар бо мудири шӯъбаи маорифи ноҳияи Ҷайҳун Эшонзода Умед дар бобати фурӯши сарулибоси мактабӣ ҳамсӯҳбат шуда, маълумот гирифтем, ки дар ноҳия танҳо 1 сехи дӯзандагӣ фаъолият дошта, ин ҷо низ ягон намуд фурӯши иҷборӣ ба роҳ монда нашудааст. Аммо чунончи дохили муассисаи таълимии рақами 1- и ноҳия, ки яке аз муассисаҳои калонтарин ба шумор меравад, равон шудем, бо 2 чашм дидем, ки ин ҷо низ ҳолат нигаронкунанда аст. Тавре аён шуд, бинои махсусе барои таъмини сару либоси ягонаи мактабӣ ҷудо шудааст ва пушти дари ин ҷо волидон дар навбат барои харид даъватӣ буданд.    

Директори муассиса иброз дошт, ки онҳо бо ҶДММ” Амир” ҳамкорӣ карда, аз ш. Хуҷанд (???) дар муассисаи ноҳия намояндаҳо ба хариду фурӯши либосҳо машғуланд (Хатлон надоштааст-мӣ корхонаи либосдӯзӣ?). Тибқи шартномаи тарафайн 1965 адад либос бояд то оғози сол фурӯхта шавад. Ин ҷо аз 300 сомонӣ то 350 сомонӣ сари 1 дона либос рост меояд….

14.08.2025. Соат ба вақти Бохтар 14:17 дақиқа. Худи ҳамон рӯз барои таҳлили пурратар баргаштем ба маркази маъмурии вилоят-шаҳри Бохтар. Ба гуфти директори МТМУ № – 2 и шаҳри Бохтар М. Қаландарова аллакай онҳо аз иҷрои пурраи таъмини либоси ягонаи мактабӣ барои соли хониши 2025- 2026 баромадаанд. Тибқи нақшабандӣ имсол ба 410 хонанда либоси тавсеавӣ тақсим карда шудааст. Ва он муассисаҳое, ки мо будем, амсоли муассисаҳои 3, ЛТТ, чекҳо дастнавис ҷамъоварӣ мешуданд. Ва аҷибии кор дар он аст, ки аксар ҶДММ-ҳо дар дохили муассисаҳо ярмарка ташкил кардаанд. Ва аз волидон «хоҳиш» намудаанд, ки барои гирифтани чекҳои сехҳо ба омӯзгорон мусоидат намоянд. Волидонеро, ки дар муассиса ҳозир шуда наметавонанд, ба худи сехҳо равон мекунанд, то чеки дастнависи сехро барои иҷрои нақша гирифта оранд!!!

Муаллифи матлаб барои таъйиди навиштааш акси чекҳое,ки волидон аз сехҳои фармудаи мактабҳо оварда ба мудир ва муаллимҳо нишон додаанд ва низ аксу тасвири синфхонаҳои бархе аз мактабҳоро, ки дар онҳо сарулибоси мактабӣ ба фуруш гузошта шудаастро низ дар навиштааш нашр намудааст.

Хуб,ҳоло баъд аз онки худи Эмомалӣ Раҳмонов ҳам дар мулоқоташ бо аҳли маориф дар рӯзи 30 август дар Донишгои сайёҳӣ ин кори омӯзгоронро интиқод кард, бубинем, ки маққомоти кишвар ба ин масъала чи посух хоҳанд дод?

                                   Душанбе

 Ассалому алайкум бародар Муҳаммадиқболи Садриддин!Бароятон аз Душанбе менависам. Нагӯям ҳам,аз рӯи навишта маълум мешавад, ки ман корманди мақомотам. Дар додситонии яке аз ноҳияҳои Душанбе кор мекунам.

 Чанд маълумоти нав дорам дар бораи Музаффар Юсуфӣ, ки пешкашатон мекунам.

Музаффар Юсуфӣ, Додситони нақлиёт дар назди яке ҳамшаҳриҳояш, ки аз ноҳияи Ҳамадонӣ аст, гуфтааст,ки мақсади Муҳаммадиқбол пул аст. Мехоҳад, ки «ма алоқаш кнм, сумуш партом. Ма фарзанди фарзонаи миллатм, ма ҳиҷ вақт кати хоино гап намезанм. Через чанд каналҳои агентура бромадестан бачаҳо, Иқбола фаҳмонан, ки мара дига нага ягон гап». 

  Бинобар маълумотҳо Музаффар Юсуфӣ ба номи бачааш Юсуф пули зиёд ҷамъ кардааст. Гуфта мешавад чанд корҳои Юсуф Раҳмонро дар КДАМ фурухтааст. Ҳозир боз камбудиҳои Зайнулло (Зайнулло Шарифзода , мудири фурудгоҳи байналмилалии Душанберо фиристодааст ба боло.  

Як нафар аз шиносҳоям дар Прокуратураи Генералӣ гуфт, ки Музаффар Юсуфӣ яке аз сабабҳои аз вазифа гирифтани Юсуф Раҳмон шуд. Ба гуфтаи ҳамин шиносам Музаффар Юсуфӣ дар замони роҳбарии Юсуф Раҳмон дар Прокуратураи Генералӣ, ки раёсати назорати соҳаи КДАМ-ро дар уҳда дошт, бояд чи маълумоте, ки бар зиди Юсуф Раҳмон ё атрофиёнаш мешуд ба Юсуф Раҳмон мегуфт. Дар аввал ҳамин тавр буд.

  Аммо баъд аз онки Юсуф Раҳмон бо президент қудо шуд, ҳолат тағйир ёфт. Пеш аз туйи писараш Юсуф Раҳмон ниёз ба кумакҳои моливу пулӣ дошт. Чандин бор дастархону майда -чуйдаҳои гарон ба хонаи Президент барои хостгорӣ равон кардан даркор буд ва ин расходҳоро маҳз монанди Музаффар Юсуфӣ чанде аз сардорони раёсатҳои Прокуратураи Генералӣ мекарданд. Ҳамин, ки туйро гузаронд Юсуф Раҳмон, тамом, полний дигар шуд.

Музаффар Юсуфӣ интизор буд, ки баъди туй ӯро муовин ё ақалан Прокурори вилояти Суғд ё Хатлон мемонанд. Аммо чунин нашуд. Баъди ин Музаффар Юсуфӣ хусумату бадбиниро нисбати Юсуф Раҳмон сар кард.

 Музаффар Юсуфӣ зиёд маълумотҳо оиди Юсуф Раҳмон ва писараш Сафарро ҷамъ мекард. Чандин маълумотҳоро оиди Юсуф Раҳмон Музаффар Юсуфӣ ба воситаи баъзе аз шогирдонаш ба Муҳаммадиқболи Садриддин равона кардааст.   Дар баробари ин, Музаффар Юсуфӣ тарики каналҳои махсуси почтаи махфие, ки ба номи Президент гузоришҳои махфӣ меравад нисбати ин ё он нафари мансабдор, ирсол кардааст. Ин шиносам гуфт, ки азбаски Музаффар Юсуфӣ пештар сардори раёсати назорати КДАМ дар Прокуратураи Генералӣ буд ва шогирдони бовафо дар КДАМ дорад, маҳз ҳамин шогирдонаш барои ирсоли маълумотҳо оиди Юсуф Раҳмон ва писараш Сафархон ба Президент кумак карданд.

Баъди зиёд гапу чап шудан атрофи Юсуф Раҳмон Президент гуфтааст, ки «бигирен ягон ҷо монедаш». Аз руи баъзе маълумотҳо ҳамон замон чанд вазифаро ба Президент гуфтанд, ки имконияти мондани Юсуф Раҳмон буд. Аммо Раҳмонов чизеро ба назар гирифта дар вазифаи ҳозирааш –Шӯрои амният Юсуф Раҳмонро монд.

 Музаффар Юсуфӣ контактҳои хуб бо Прокуратураи Генералии Русия, Узбекистон, Белорусия дорад. Чандин бор намояндагони онҳо омада буданд ва Музаффар Юсуфӣ онҳоро меҳмондориҳои вазнин кард. Албатта аз кисаи шогирдонаш.  Музаффар Юсуфӣ шогирдони кошелёк зиёд дорад. Солҳои охир Музаффар Юсуфӣ молу мулки зиёд ҷамъоварӣ кард. То қапидани Исмати Дулик, Музаффар Юсуфӣ дар фурудгоҳи Душанбе Шоҳ буд. Аз замони Прокурори нақлиёт таъин шудан  ва то қапидани Исмати Дулик, Музаффар Юсуфӣ суми калон ҷамъ кард. Контрабандаи сум, тилло, телефонҳои қимат ва дигар чизҳое, ки доляҳои конкретӣ медоданд, наркотик, шуримуриҳои дохилаи фурудгоҳ ба Музаффар Юсуфӣ бойгариҳо калон овард. Вақте ки Исмати Дуликро қапиданд Музаффар Юсуфиро ток зад, талхааш кафид.

Музаффар Юсуфӣ гуфтааст, «и Муҳаммадиқбол дар вақти кайфам медидай мара. Манзураш ҳамон аксеаш аст ки дар «Семейка» дар бокс асту дар дасташ нушокии энергетика  

  Музаффар Юсуфӣ дар Ҳамадони канали доимамалкунандаи интиқоли наркотикро дорад. Аз рӯи баъзе маълумотҳо вақтҳои ахир наркотикро якҷо бо Комил Мирзоалиеви раиси Роҳи оҳани Тоҷикистон берун бароварда истодааст. Дар ин бора маълумотҳоро дертар мефиристематон.  

                          Турсунзода
Ассалому алейкум бародар Муҳаммадиқболи Садриддин! Пеш аз ончики броятон менависам гуфтаниам, ки Аллоҳ шоҳид аст, ки нияти бадбинию қасди шахсӣ надорам. Мақсади ман ислоҳи ин вазъияту ҳолат ва ислоҳ шудани он аст. Аммо, аз шумо мехоҳам номаи маро бидуни таҳрир ба нашр расонед.
  Муроҷиати ман ба пешвои миллат муҳтарам Эмомалӣ Шарипович Раҳмонов аст.

Ҷаноби Олӣ, Шумо хубам медонед, ки дар барномаи «Номаҳо аз ноҳияҳо-и» шумораҳои №№ 169 ва 253,ки ҳам катбӣ ва ҳам навораш мунташир шуд,дар бораи ноҳияиТурсунзода ва мушкилоти он сухан мерафт.

  Дар ин номаҳо дар бораи Чупоновҳои ноҳияи Турсунзода гуфтагианд. Аммо ҳоло ҳам ҳамон кору рафтори миллатчигӣ давом дорад: паст задани миллати тоҷик ва бераҳмӣ нисбати мардум. Ин падару писар Чупонов Зариф ва Чупонов Фарҳод чи гунае, ки дар барномаи Номаҳои № 169 гуфта будед, боз бо ҳамон рафтору гуфтор нисбати беморон ва нисбати мардуми тоҷик идома дода истодааст. Намедонам чаро, аммо аз гузашта боз бераҳмтару золимтар шудаанд. «Тоҷикоя зулм кунам роҳат мекунам мегуяд».

  Баъд аз ҷарроҳии геморой барои перевязка беморони тоҷик меоянд, риштаҳои ҷарроҳиро бояд гирад, зери назораташ бошад. Ин баръакс сахт сахт риштаҳоро канда хуншор мекунад ва боз 2 бораву 3 бора пулҳояшонро мегирад. Ман ба ду чашмам дидам. Зани калонсолеро барои кадом табобаташ дар Қараболои Турсунзода Чупонов Зариф барои пул шуда беҳад ноҳурматӣ кард. Ин зан маълум буд шароит хуб надошт. Ин Зариф тарафи он зан мегуфт, ки «ин тоҷико то Президенташон дар миллати ҷугиҳову лулиҳоанд». Он зани калонсолро қариб гирён кард.

 Муҳтарам Ҷаноби Олӣ. Мо дар шумораҳои пешинаи Номаҳо дар бораи вай навишта ва аз мақомот хоста будем, ки пеши ин амалҳои ӯро бигиранд. Дар ду номаи №№169 ва 253 барои ин падару писар нашру видео шуда буд. Мо фикр кардем, ки инҳо ислоҳ ва дар ғами мардум мешаванд. Аммо баракс шуд. Ҳам таҳқирро махсусан нисбати тоҷикҳо сахт карданд ва пулканиро ҳам зиёд намуданд.

 Муҳтарам Ҷаноби Олӣ! Баъди нашри ин ду нома дар Ислоҳ мақомоти амният ва ВКД аз инҳо пулашонро гирифта ҷавоб додаанд. Инҳо боз зулми бештар, таҳқири бештар болои давлату милат карда ва бо бопуштибонии раиси шаҳри Турсунзода Акрамзода Парвиз Акрам ин амалҳояшонро давом дода истодаанд.

Муҳтарам Ҷаноби Олӣ, Пешвои миллат! Пеши роҳи ин корҳоро гиред ва инҳо бояд назди қонун ҷавоб диҳанд. Мақомдороне, ки аз ин пора гирифта ӯро пуштибонӣ мекунанд, бояд назди қонун ҷавоб гуянд.
Ман тафтиши кори он мақомдороне, ки аз инҳо пораву ришва гирифтанд маълум мекунам ва боз ба Ислоҳ менависам. Худи Фарҳод Чупонов гуфтааст, ки «ин қавми ҷӯгӣ барои пулу мол давлаташро мефурушад Боз мегуяд чи хеле,ки Президенти лулияш замини давлатро ба Хитой, ба Қирғизистон ва ба Узбекистон фурухта буд»

Ин гапи доимии Фарҳод Чупонов аст. Худи ман ду бор шунидам.

 Дар охир ба мардуми Тоҷикистон чи гуфтаниам? Чи ҷинояте медонеду мебинед аз тарики Ислоҳ. тв ба Ҷаноби Олӣ арз кунед. Ҷаноби Олӣ Ислоҳ.ТВро мебинад.  Ҷаноби Олӣ ва Ислоҳ дар хизмати мову шумо мардуми Тоҷикистонанд.  

Бо эҳтиром, як сокини шаҳри Турсунзада.  

Сообщение   Номаҳо аз ноҳияҳо ба «Ислоҳ.нет»№278 появились сначала на ISLOH.net.

 Заминфурушӣ барои он дар авҷ аст, ки ҳоло барои раисони навоҳӣ ва ҷамоату кумитаи замин манбаъи осони даромади муфт аст. Аз тарафи дигар баъзе ноҳияҳое ҳастанд, ки барои раисон хурагаҳ надоранд ва ё хурагаҳашон имкон намедиҳад, ки пули пораи додашон барои курсии зери пояшонро бипушонад. Яке фармон мебарояду онҳо холӣ аз курсӣ ба зер меоянд. Барои ҳамин новобаста аз ҳама гуна хавфу таҳдидҳо заминфуруши асосӣ дар Тоҷикистон раисони ноҳияҳо-намояндагони Президент ҳастанд. Чунки маҳз бо имзои онҳо  замин тақсим ва дода мешавад. Номаи аввали ин барнома аз ҳамин боб ҳикоят мекунад.

                                    Қубодиён

   Ассалому алллайкум бародар Муҳаммадиқболи Садриддин! Умедворам, ки сиҳату саломат ҳастед. Ман як сокини ноҳияи Қубодиён, ҷамоати Утақара Назаров деҳаи Бошқалъа ҳастам.

 Умедворам, ки шинохтед маро. Узбекзабон ҳастам. Ному фамилияамро барои шумо навиштам. Ман як чанд маротиба дар бораи мушкилиҳои Қубодиён ва худам ба шумо навишта будам.

 Боз як мушкилии дигар бар сари 5 ҳамдеҳаамон омадааст. Инҳо тарсиданд барои навистан. Вале ҳолати корро ба ман ҳикоя кар. Ва ман ба шумо навишта истодаам.

Соли 2021 як ҳамдеҳаамон номаш Юлдошев Қурбон бо замначалники милисияи Қубодиён Исозода Дилшод гуфтанӣ шахс шинос мешавад. Ин замначалник боз Қурбонро бо раиси кумитаи замини ноҳия Эмомализода Турахон шинос мекунад. Турахон ба Қурбон мегуяд, ки агар замин даркор бошад гуй аз қишлоқатон замин гирифта медиҳам. Қурбон розӣ шуда ба рафиқаш Хушатов Мардон занг мезанаду мегуяд ман бо ду одами боқуввати ноҳия шинос шудам. Бачаҳои Санкт -Петербургро гуй агар замин даркор бошад гирифта медиҳам. Сонӣ Хушатов Мардон ба чанд шиносҳояш занг мезанаду мегуяд, ки як рафиқи ман дар Тоҷикистон аз деҳа замин гирифта медодааст. Ҳамин хел ин гап дар Санкт- Петербург байни ҳамдеҳаҳоямон паҳн мешавад. Баъди як чанд рӯз 4 нафар ба назди Хушатов Мардон меояду мегуяд мо ҳар чорамон тайёр ба замингирӣ. Мардон ба Юлдошев Қурбон занг мезанаду мегуяд 4 нафар ёфтам, худам ҳам мегирам, бо худам 5 нафар. Рав бо шиносҳоят гап зан, пулашро гуй мо равон мекунем, ба мо замин гирифта деҳ. Қурбон майлаш, ман пагоҳ саҳар район мераваму ба шумо аниқ карда мегуям гуфта телефонро мекушад. Пагоҳаш Қурбон ба назди раиси кумитаи замини Қубодиён Эмомализода Турахон мераваду мегуяд, ки ман 5 нафар пайдо кардам, сотихи замин чанд сомонӣ аст, гуед ман ба онҳо гуям. Эмомализода Турахон мегуяд ҳозир якҷоя назди раиси ноҳия Садриддинзода Бадриддин Талбак медароем ва ҳамонҷо маслиҳат мекунем. Чанд дақиқа пас назди раиси ноҳия медарояд Эмомализода Турахон бо Юлдошев Қурбон. Раис инҳоро қабул мекунад.  3 каса маслиҳат мекунанд. Раиси ноҳия ба Қурбон мегуяд, ки 6 сотихӣ ба 5 нафар ҳуҷҷат карда медиҳам 60 ҳазор доллар мешавад: «ҳозирашда 50 ҳазор доллар кати копияи паспортои ҳамон 5 нафарро гирифта биё мегуяд, кор буд шуд боз 10 ҳазор доллари дигара метиӣ мегуяд». Қурбон майлаш ман занг зада гуям раис розӣ шавад оварда медиҳам мегуяду аз кабинети раиси ноҳия баромада ба берун ба Хушатов Мардон занг зада гапҳои раисро мегуяд. Инҳо розӣ мешаванд. Мегуянд, ки мо «тичени як хафтада пулро тайёр карда равон мекунем, ту аз пушти ҳуҷҷатои замин шудан гир. Мо боз ҳақи худатро ҳам отделни мепартоем гуфта маслиҳат мекунанд. Баъди як ҳафта Хушатов Мардон ба Юлдошев Қурбон занг мезанаду мегуяд пулҳо тайёр рафта аз хонаҳоямон бо копияи паспортҳоямон   гир. Қурбон мераваду аз хонаҳои мана ин шахсҳо пулро бо копияи паспорт мегирад:

1.Хушатов Мардон

2.Баротов Элдор

3.Имомназаров Лутфулло

4.Абдуллоев Бурӣ

5.Имомназаров Соҳиб

50 ҳазор долларро гирифта рост назди Эмомализода Турахон меравад ва мегуяд, ки «мана ман пулро овардам» мегуяду ҳисоб карда ба Турахон медиҳад бо копияи паспортҳо. Эмомализода Турахон пулро мегираду ба вай мегуяд ту дар берун баромада исто, ман ҳозир ба раиси ноҳия дода мебиёям, гуфта назди раиси ноҳия Садриддинзода Бадриддин Талбак даромада меравад. Чанд дақиқа пас баромада ба Қурбон мегуяд, ки «тамом корот ҳалай, рав аз пушти зиндагит шудан гир, бачаҳора раис супориш дод, корот тичени 2  моҳ ҳал мешавад.» Қурбон ҳам хуб гуфта меравад. Ба Хушатов Мардон занг мезанаду мегуяд ман ҳама чизҳоро додам, раис гуфт баъди 2 мох корҳоятон хал мешавад. Аз мобайн вақти муқараркарда мегузарад. Қурбон меравад назди Эмомализода Турахон мегуяд, ки «ака чи шуд, кор аз вақти гуфтагитонам гузашт, аз ман одамҳои пулдодагӣ пурсидестай». Эмомализода Турахон мегуяд «боз як моҳи дигар сабр кнен, мекнем, ҳамачиш тайёрай, аз вилоят як иҷозатнома мондагияй», гуфта фиреб карда инро боз обратно пас мегардонад ба хонааш. Ҳамин хел як сол мегузарад. Имруз пагоҳ карда соли 2022 ро ба охир мерасонад аммо намешавад. Нафарони пулдода аз одамони хонаҳояшон ба Қурбон ҳамроҳ карда ба ҳукумат мефиристанд. Инҳо 5-6 кас шуда мераванд. Эмомализода Турахон мегуяд, ки раис ҳозир банд мебошад. Дар ноҳия Президент омада истодааст. «Ҳозир кори ягон касро   ҳал накарда истодаем, проверка сахт рафта истодааст, сабр кунед, президент омада равад коротона ё ҳал мекунем ё ин, ки пулатона гардонда метием» мегуяд. Инҳо ба гапҳои Эмомализода Турахон бовар карда пас мегарданд. Фиръавни замон- бачаи Майрами гурсухта ҳам омада меравад, лекин на кор ҳал мешава на пулро гардонда медиҳад.

 Чанд моҳ пас Садриддинзода Бадриддин Талбакро аз вазифа мегиранд. Инҳо мебинад, ки раис аз вазифа рафт ҳамакаса ҷамъ шуда назди Эмомализода Турахон мераваду ҷанҷол мекунанд: «пулро те гардонда» мегуянд. Эмомализода Турахон мегуяд «ман пулро ба раис Садриддинзода Бадриддин Талбак додагӣ ҳастам равед аз ҳавай гиред ё ин ки гиҷое мехоҳед ариза кунед». Инҳо аз ҳукумат баромада рост ба прокуратураи ноҳия мераванд, ариза мекунанд. Котиби прокурор аризаро қабул мекунад ва ба инҳо мегуяд: «тамом аризатон қабул шуд, мо дида мебароему ба шумо ҷавобашро медиҳем». Баъди 2-3 руз хонагиҳои ин 5 касро бо ҳамроҳи Қурбо ба отдели ноҳия Иброҳимзода Камолиддин  замначалник фарёд карда ба дараҷае доду вой карда инҳоро таҳдид мекунад, ки инхо аз тарс баёнот медиҳад, ки мо ба ягон кас пул надодаем. Ва бо ҳамин ин темаро инҳо аз тарс маҳкам мекунад.

  То ҳол пулро надодааст. Дар охир як касро ёфта ба назди Эмомализода Турахон равон кардем. Вай гапҳои Эмомализода Турахонро ба мо запс карда равон кард ва ман ба шумо фиристодам. Охирон умеди мо аз Ислоҳ аст. Мо шояд натавонем, ки 50 ҳазор долларамонро бигирем. Лекин шумо чоп кунед, марду бидонад ва бинад, ки раиси ноҳия Садриддинзода Бадриддин Талбак ва Эмомализода Турахон дар асл чи гуна одаманд. Албатта, мо ин запси гуфтугуро ба Агентии коррупсия доданӣ ҳастем. Аммо бубинем, ки баъди нашр онҳо чи кор карданианд.

Мо узбекзабонон бо шумо ҳастем. 

                            Айнӣ

Ассалому алайкум бародар Муҳаммадиқболи Садриддин! Бародари арҷманд ман барои аввалин бор ба шумо менависам. Аммо солҳост, ки сайти шуморо мутолиа мекунам. Рости гап барномаҳои Ютубиатонро гоҳ мебинам вале сайтро ҳамеша мехонам. Вақти барои тамошои Ютуб кам дорам.

Шумо дар бораи корхонаи тавлиди алюминиюми Тоҷикитон чандин мақолаҳои хуб ва пур аз факту рақамҳоро навишта чоп кардед. Ҳамаи навиштаҳои шумо дар бораи ин корхона дуруст аст. Ин корхонаро Раҳмонову Ҳасани додарарусаш ва Шералӣ Кабиров асосгузори иқтисодиёти Тоҷикистон ҳарому расво карданд.

 Ман солҳо дар вазроти саноати Тоҷикистон кор кардаам. Ҳоло ҳам дар яке аз муассисаҳои муштараки тавлиди тилло, ки бо Хитоиҳо аст ва ҳисоботашро ба вазорати саноат медиҳад, кор мекунам.

Чанде пеш дар газетаи Ҷумҳурият, ки моҳоро маҷбурӣ обуна мекунанд, чашмам ба як навиштае афтод, ки он таҳти унвони «ТАЛКО. АВЛАВИЯТ БА ИСТЕҲСОЛИ МАҲСУЛОТИ РАҚОБАТПАЗИР» аз 2 майи соли ҷорӣ чоп шудааст. Ин навишта гувоҳи он аст, ки вазъу ҳоли ин корхонаи бузургтарини Тоҷикистон, флагмани саноат, ки 13 ҳазор коргар дар се баст дар он кор мекрад ва солона 450 ҳазор тоннаи арзизи хом тавлид мекард ва 45% асъори хориҷии кишварро таъмин мекард бисёр ҳам бад аст.

Бубинед, ки дар ин мақола чиҳо гуфта мешавад:

 «Дар давоми 12 моҳи соли 2023-юм, 77 адад электролизёр ба маблағи зиёда аз 105,0 миллион сомонӣ ба кор андохта шуда, барои роҳандозии 25 адад электролизёр мавод харида шудааст.
Маҳсулнокии миёнаи электролизёри алоҳида аз 975 кг то ба 1034 кг афзуда, ҳамчунин, сифати алюминийи истеҳсолшаванда беҳтар шудааст. Агар дар соли 2022, алюминийи навъи  АВ97 (97%Al) истеҳсол шуда бошад, пас, дар семоҳаи чоруми соли 2023 ба андозаи 100 фоиз алюминийи  баландсифати навъҳои А7, А5 ва  А0 истеҳсол шудааст, — иброз дошт Игор Сатторов, директори департаменти иттилоот ва робита бо ҷомеаи гурӯҳи ширкатҳои ТАЛКО. 
Дар нақша аст, ки соли 2024 зиёда аз 96 электролизёр ба маблағи 146,2 миллион сомонӣ таҷдид ва мавриди баҳрабардорӣ қарор бигирад. Истеҳсоли алюминийи аввалия дар соли 2023-юм 66 649 тоннаро ташкил дода, нисбат ба соли 2022-юм, 4 606 тонна ё 107,4 дарсад зиёд мебошад. 
ҶСК “Ширкати алюминийи тоҷик” дар соли 2023-юм уҳдадориҳои ҷории андозии худро пурра ба иҷро расондааст. Феълан Ширкат аз андоз қарздор нест. 
Гардиши савдои хориҷии он бошад, дар соли 2023-юм 244,4 миллион доллари ИМА-ро ташкил дод, аз ҷумла: воридот – 113,7 миллион доллар, содирот –130,6 миллион доллар.
Теъдоди умумии электролизёрҳои амалкунанда дар охири марти соли 2024-ум 211 ададро ташкил дод ва дар 3 моҳи аввали соли 2024 дар Ширкат 19 адад электролизёр ба кор андохта шуд. Соли 2024 тармим ва ба кор андохтани 96 электролизёр ба нақша гирифта шудааст.
Истеҳсоли алюминийи аввалия дар семоҳаи якуми соли 2024-ум 19 731, 75 тоннаро ташкил дод, ки нисбат ба семоҳаи якуми соли 2023-юм 4235,8 тонна ё 127,3 фоиз зиёд мебошад. 
ҶСК «Ширкати алюминийи тоҷик» ба нақша гирифтааст, ки то анҷоми соли 2024 ҳаҷми истеҳсолро ба зиёда аз 25 фоиз афзояд. Тибқи нақшаи стратегии ТАЛКО барои соли 2024, бо назардошти корандозии электролизёрҳои нав, истеҳсоли алюминийи аввалияро то охири сол беш аз 84000 тонна, яъне, камаш 25 фоиз нисбат ба соли 2023 биафзояд. 
«Ширкат роҷеъ ба истеҳсоли маҳсулоти воридотивазкунандаи ба содирот нигарондашуда, ки дар бозорҳои дохилию минтақавӣ ва ҷаҳонӣ рақобатнок бошад, самаранок фаъолият бурда, ҳаҷми истеҳсоли онро тадриҷан зиёд мекунад».
  Як корхонаи бузургро Раҳмонов ва Ҳасан Асадуллозода ба хоки сиёҳ яксон карданд. Ҷинояти бисёр ҳам сахту сангин. Миллиардҳо долларро аз ҳисоби ин корхона ба ҷайбашон заданд. Ман тамоми умрам дар ин корхона кор кардам. Ҳама чизашро медонам. Ҳоло ба ин коргоҳи бузург дилам месузад.

Синании яҳуд раиси он буд. 450 ҳазор истеҳсол мекард. Ҳатто дар солҳои ҷанг истеҳсолаш ба ин ҳад наомада буд. Масалан то соли 2005 дар даврае, ки дар дасти Абдуқодир Эрматов  ва Аваз Назаров 420 ҳазор тонна истеҳсол мекард.

Раҳмонову Ҳасан ин корхонаро гирифтанду тамом карданд.

Аммо даҳҳо корхонаро бо номи Талко ва дар дохили завод сохта аз ҳисоби свети арзони он ба манфиати шахсиашон истифода карда истодаанд. Аммо бубинед, ки  дар шарҳи ин дуздии ошкорои пули барқ ва арзону ночиз дастрас кардани арзизи хом ин нашрия дар идомаи мақола чи менависад. Ҳамаи ин корхонаҳо, ки дар зер исмашон оварда мешавад аз они худи Раҳмонов ва Ҳасан аст:

 Ширкат ҳамкории васеъро бо корхонаҳои саноатии ватанӣ идома медиҳад. ҶСК “Ширкати алюминийи тоҷик”дар семоҳаи якуми соли 2024  бо супориши Ҳукумати Ҷумҳурии Тоҷикистон ҶММ «Ноқили ТАЛКО», ҶСП «Ноқили Турсунзода», ҶММ «КМ ТТ ТАЧПРОФ», ҶММ «Алюпроф» ва истеъмолгарони дигари дохилиро бо 2 883,5 тонна алюминий ба маблағи  70,4 миллион сомонӣ таъмин намуд.
Дар навбати худ, маҳсулоти корхонаҳои мазкур, дар баробари интиқол ба бозори дохилӣ, ба хориҷи кишвар, қабл аз ҳама, ба Ӯзбекистон, Қирғизистон,Туркия ва Эрон  содирот мешавад.
Нархи миёнаи алюминий дар Биржаи филизоти Лондон дар семоҳаи якуми соли 2024-ум  2199  $ /тн-ро ташкил дод, ки нисбат ба ҳамин давраи соли гузашта 196 $/тн кам мебошад.
Маблағи маҳсулоти молии ҶСК «Ширкати алюминийи тоҷик» дар семоҳаи якуми соли 2024  ба 149,4 миллион сомонӣ расонда шуд, ки назар ба семоҳаи якуми соли 2023-юм 32,4 миллион сомонӣ зиёд аст. Маблағи фурӯши маҳсулот 143,3 миллион сомониро ташкил дод ва дар қиёс ба  семоҳаи якуми соли 2023-юм 28,6 миллион сомонӣ зиёдтар мебошад.
Гардиши савдои берунии Ширкат дар семоҳаи якуми соли 2024-ум  68,5 миллион доллари ИМА, аз ҷумла воридот 30,9 миллион, содирот 37,6 миллион долларро, ташкил дод.
 Дегҳо ё ҳамон электролизёрҳо дар ин мақола зикр шудааст дар Талко 3000 адад буд. Ҳамаи онҳоро корношоям карда як қисми онҳоро ҳатто барои оҳанпора ҳам супориданд.

Бовар кунед, ки аз кор уфтондани Талко яке аз сангинтарин ҷиноятҳои иқтисодии Раҳмонов аст. Талко муҳкамтарин ва раднашавандатарин далели ҷиноят ва хиёнати Раҳмонов ҳамчун роҳбари давлат аст, ки ба ин давлат кардааст!

Дуруст аст, ки Раҳмонов сартопо ҷиноят аст одамкуш, ғоратгар аст. Аммо зарару зиёне, ки аз вайрон ва нима нисфа кардани корхонаи алюминий ба давлат расонид аз садҳо миллиард доллар ҳам зиёд аст.

Ҷинояти Раҳмонов фақат сиёсӣ нест. Ҷинояти Раҳмонов заминфурушӣ, ҷинояти Раҳмонов роҳи пулакӣ, ҷинояти Раҳмонов тахриби амдии «ТоҷикАйр», ҷинояти Раҳмонов беваҷҳу беҳуда барҳам задани бонкҳо ва расонидани зарар ба халқ ва ғайраву ҳоказоҳои зиёд аст, ки онро бояд сахт ревизия ва аудит кард.

                                               Душанбе

     Ассалому алайкум бародар Муҳаммадиқбол! Дар шумораи пешинаи «Номаҳо аз ноҳияҳо» дар бораи масҷиди Ҷарқишлоқ-Панҷруди Душанбе ва мулло Дилшод,ки навишта фиристода будам, ки чоп кардед. Сипоси фаровон ба шумо. Ва ҳоло боз як номаи дигар.

 Дар микрорайони 92-и Душанбе дар маҳалаи Ҷарқишлоқ (Панҷруд )дар масҷид дуюм ҳафта аст, ки дар намози ҷумъа оқи падарҳои » ғамният « ва милисаҳо омада мардумро рӯз намедиҳанд, ки мардум соз намозҳояшонро хонанд!
 Дохили масҷид пур мешавад, мардум маҷбуранд, ки аз дарвоза берун намоз хонанд. Дар бари масҷид як плошадкаи дигар ҳаст, заминаш бетон кардагӣ, примерно ягон 30/30 метр ҷояш.
Онҷо ҳам пур мешавад. Пас, мардум дар куҷое, ки ҷой ёфт намозашро мехонад!
Имрӯз 31.05.24 як оқи падари амниятӣ омад. Ба сари мардум грубий доду-вой карда сур кард, ки «да иҷа намоз нахонен». Мардум мегуянд, ки дар куҷо намоз хонем ҷой набоша?
Мегуяд, ки «мада фарқ надора, да иҷа намоз намехонен». Маҷбур кард мардумро, ки ҳама дар ҳамон плошадка намоз хонанд. Баъд як тараф рафт, мардум ҳама, Аллоҳ шоҳид аст на зан монданд, на очаву хоҳар, ки бисёриаш мегуянд «касиҳо дар бади мардум задан, специально дар назари мардум худшона бад кардестан» .
Мардумро маҷбур кард, ки «да иҷа намехонен», мардум маҷбур ждат кардан, баъд дар вақти фарзро хондан, боло ба боло дар ҳамон плошадка чанд касе ҷо гирифт, хонд. Мондагӣ ҳама дар болои хоку чангу мусор хонданд. Аз он тараф гашт омад, ки як бача ҷойнамозашро партофта суннати пеш аз фарз хонда истодааст. Оқи падар дар болои сараш истод, ждат кард, баъд як петухи милисаи лейтенантро фарёд кард, ки ждат кунад, ки он бача баъди намоз ягон ҷо наравад. Баъд аз намози ҷумъа мо суннати намози фарзро хонда истода будем. Он бача намозашро хонда буд кард, ки гирифтанду бурданаш. Баъди намози ҷумъа, бовар кунед, ки ҳама ҳақорат карданашон.
Бо истифода аз фурсат бародари Муҳаммадиқбол як хабари дигар мефиристаматон.
Ин хабари аз автобазаи парки автобусҳо рақами 1 аст. То ҷое ман фаҳмидм директораш Фирдавс ном доштааст, ва аз бачаҳакои «круг»-и гунгакмоҳи наркомани Рустами Эмомалии бачаи Майрами гурсухта буда аст. Таваллудуш 1992. Савод абсолютно надорад, «ҳоло ақл ку усун беста».
Бо як ду одам гап задам, ки гуфти гапҳо проблемаро аз дарун медонанд. Гуфтан бавар кун дуздо-дузди дар авҷ аст. Мардуми шофёрро рӯз намедиҳанд. Бо карта кардагианд, аммо план дар ҳаво. Бегоҳ, вақти планро супоридан, планро буд намекунанд мардум. Мегуянд, ки «мода фарқ надора,аз кисаи худтон плана супорен».
Вақте аз мардум пули налични мегирӣ, дар линия меоянд ҷанга мекунанд, ки пули налични нагиред. Аммо бегоҳ боз ҳамон «проблемаи плана буд накардани шофиёрҳо». Ҳар рӯз ҷангу ҷанҷол, мардумро рӯз намедиҳанд, ки кор кунанд, на планро ҷамъ кунанд, аммо фақат талаб карданро медонанду тамом. Мардум мегуянд, ки бо ҳамон маоши 1800-2000 сомонии медодагиашон, намедонем, ки зиндагиро пеш барем ё плани ин ҳаромиҳоро супорем. Масалан шофиёри нав меояд, ягон моҳ кор мекунад-намекунад, ки ин проблемаҳоро мебинад, ҳақорат карда мебарояду меравад.  Мардуме, ки чанд 10 сола кор кардагианд, ҳамара аз як лаб, то сур мекунанд, то маҷбурӣ ба пенсия роҳӣ мекунанд, ё ки бо статия пеш мекунанд. Баъд он бечораҳо пенсияи 150-200 сомона ба зӯр аформит мекунанду тамом.

Автобусҳоро мегуянд бояд Т/О дар пробеги 20 ҳазор кунӣ ва  бояд маслаашонро иваз кунанд.
Вале мегуянд, ки Аллоҳ шоҳид аст 50 ҳазор мегарданд автобусҳо, баъд маслаҳояшонро иваз мекунанд. Он масла уже мазут шудагӣ аст. Боз болоӣ дар вақти иваз кардани маслаи мотор, як маслае мерезанд, ки   последний сорт меистад. Аз ҳама пасттарин масла мерезанд, барои ҳамин шофиёрҳо безор шудагӣ, аз дастаи ремонти автобусҳоро.
Ягон автобус агар вайрон шава мебинанд, ки шофиёр нест, касал ё бо ягон проблема кор набуромадааст, мегуянд рав аз автобуси ҳамон запчасти даркориро бикану гир, вайро баъд ҳал мекунем. Ана баъд вақте, ки ӯ бечора кор мебарояд, проблемаи вай сар мешавад, то инаш намерасад, то дигараш. Махинатсия бо картаҳои мардум беҳад сахт мекунанд.
Шофиёрҳо ҳам карта доштанд. Мегуянд, ки бегоҳ дар картаи як хел шофиёрҳо то чанд миллион сомонӣ пул пайдо мешавад, худ аз худ. Дар системаашон ягон сбой мешавад ё ягон чизи дигар, «дига и паро-пара мебинӣ, то ун шафиёра миёван, ки девона мешаван»!
Ба гуфтаи ин бародарҳо, аз картаи мардум ба чи махинатсияҳое пулҳояшонро   медузданд. Вагарна ин қадар миллион сомонӣ дар картаи шофиёрҳо просто так пайдо намешавад!

                         Зафаробод

Салом бародар Муҳаммадиқбол! Худо умри шуморо дароз кунад ва душманонатонро хору залил гардонад. Аз Зафаробод дар бораи лоиҳакаш-архитектор, ки Ислом ном дорад гуфтанӣ ҳастам.

Ҳозир дар Зафаробод замини наздиҳавлигӣ яъне участка тақсим карда истодаанд. Аз тарафи давлат ва бе пул. Аммо руяшонро сиёҳ мекунанд. Ана ҳамин Ислом, ки як узбекзабон мебошад, ман милатчигӣ кардани нестам, то 10 ҳазор сомонӣ нагирад имзо намекунад. Ин ҳам агар шумо бо ягон шиносаш ба вай бароед, боз даҳ ҳазор коратон буд мешавад.

Агар шинос надошта бошед то 12- 15 ҳазор надиҳед имзо намекунад. Мо намедонем доду дардамонро ба, кӣ ва куҷо гуем? касе ба додамон намерсад.

Охир ҳамин корманди ҳукумат чанд сомонӣ маош мегирад, ки дар таги пояш мерседеси оинаҳояш тонировка кардагӣ ва боз бо номерҳои крутойи 92-92. Дар шаҳри Хуҷанд дар баландошёнаҳо чанд квартира дорад. Охир ин ҳукумати Раҳмонов мақомоти ҳифзи ҳуқуқии вай куҷоро нигоҳ мекунанд?

Як коргари архитектура аз як бизнесмен бештар дороиву сарват дорад. Вай худаш дар 40 солагӣ зиндагӣ мекунад. Онҷо як ҳавлии калон доштааст. Мо куҷо равем? Ҳукумат меравем ба қабули раиси ноҳия қабуламон намекунад. Чор сол мешавад, ки дар муҳоҷирӣ гаштаам. Зану фарзандамро бо тилфон мебинам. Ман ҳам мехоҳам, ки дар пеши зану фарзандам бошам. Ҳукумати ин золимҳо то кай идома мекарда бошад?

Охир мо дар Русия сум наруфта истодаем. Дар инҷо низ рӯз то рӯз нархи патенту дигару дигарашро гарон карда истодаанд. Мо пули патент диҳем, пули ҷойи хоб диҳем, зану фарзандамонро нигоҳ кунем, чи кор кунем?

  Мо 4 нафар фарзандем дар оила: 1 духтару 3 писар. Вақте ман хизмат рафтам ба ман гуфтанд, ки ба шумон участка медиҳем. Хизматро тамом карда омадам ягон чи надоданд. Айни ҳол ду додарамро яку якборагӣ хизмат гирифта бурданд. Военкоматаш ҳам як порахури дигар. Аз рӯйи қонун бояд дар як вақт аз як оила ду нафарро набаранд. Аммо дар ин режими Раҳмонов барои азобу азияти халқи камбағалу одӣ ҳама чиз мумкин будааст. Додари калониам чашмаш нағз намебинад, вале бурданд. Прокуратура рафтем ҳеҷ кас ба додамон нарасид. Худи комиссар-военком мегуяд, ки 1.500 доллар биёр мегардонам. Охир мо аз куҷо гирем ин қадар сумро?

  Ислом дар 40 солагӣ як чанд магазини хозтовар ҳам дорад. Охир ин қадар магазину хонаву мошинҳои сиёҳшиша аз куҷо? Коррупсияву прокуратураву амният куҷоро нигох доранд. Ислом боз гоҳ-гоҳ  маст шуда дар байни ҷураҳояш «ман задагӣ ҳамаша» мегуфтааст. Ҷураҳояш мепурсидаанд, ки «Ислом ту магар наметарсӣ, иқа сума мегири аз халқ?» Ин беномус боз мегуфтааст,ки «гап байни худамону кришаи ман аз боло, ман задагӣ Зуфархонашаму амнияташаму прокурорашро ҳам». Ҳамара задагӣ будаст. Дар вилоят гапи ягон кас ба вай намегузаштаст. Чунки кришааш дар республика будаст.

Сообщение Номаҳо аз ноҳияҳо ба «Ислоҳ.нет»№149 появились сначала на ISLOH.net.