Аз Екатеринбург ду нома дорем, ки ҳардуяш ҳам дар бораи як нафар навишта шудааст. Ин нафар, мисле, ки бо консулгарии Тоҷикистон дар ин шаҳр ҳамкорӣ ё кор мекунад.

Аз Рарзи шарифи Айнӣ як сипоснома ба унвони мо расидааст. Муаллиф мегӯяд, ки туфайли навиштаҳои мукаррари «Ислоҳ» мақомот ночор шуданд, ки таъмри роҳи Айнӣ то Масчоҳи куҳиро эълон намоянд. Аммо навиштааст муаллиф, яқинан дуланҳои ангишткашони Фароз ин роҳҳоро боз хароб мекунанд.

Зимнан, номаи омада аз Рашт низ аз он шикоят кардааст, ки роҳҳои ин ноҳияи куҳистониро дуланҳои кони ангишти ҳоҷӣ Обид харобу вайрон кардаанд, аммо касе эрод намегирад, ки чаро барзиёд бор мекунад.

                                       Панҷ

Ассалому алайкум бародар Муҳаммадиқбол. Номаро аз вазъу ҳоли ноҳияи Панҷ мефиристам. Аз деҳаи Шахмати ҷамоати Озодагон имрӯз ин хабарро доданд, ки то тавасути Ислоҳ расонаӣ кунем. Раиси маҳалла, раиси ҷамоат ва раиси ноҳия рафта заминҳои фермерии мардумро аз пеши худ шудгор кардаанд. Дар сари замин як дег ош ташкил карда ва ҳамаи замини мардумро чапагардон карданд.

 Аллоҳ занад ин раиси ноҳияро, ки аз кали Шоҳиён Зарифхӯҷа Фақер (раиси пешина) гузаронд. Порсол мардум худашон  заминҳояшонро шудгор карданд, ки сотихи он 7 сомонӣ буд.  Имсол раис худаш 5-6 трактор оварду 11 сомонӣ сотихашро шудгор кард. Як тракторчӣ дилаш сухта гуфт ҳеҷ кас пул намедиҳад, чунки нархро баланд мондед. Аммо раиси ҷамоат ба раиси ноҳия гуфт, ки ман худам ҷамъ мекунаму медиҳам. Пули инҳоро аз соҳибони замин ман гирифта медиҳам.

Раиси ноҳия  Иброҳимиён Акмал Комилзода чанд дақиқаи дигар маҷлис гузаронду ба Тоҷиддин раиси маҳалла бо лақаби Тоҷи сиёҳ ва чанд нафари дигар тӯҳфа доду рафт. Бадбахти беинсоф.

Ин чи ҳол аст? Аз дасти ин раисони ноҳия барои шудгор кардан 1 баробари дигар дар болояш барои худаш монд. Э, худозада, ту инсоф надорӣ, ҳаромхур. Мо фикр кардем ту аз кали Зариф бо имонтарӣ, лек ту ҳам як ҳароми дигар будаӣ!

 Мо аз Давлаталӣ Саид, раиси вилоят хоҳиш мекунем ин масъаларо ба таври ҷиддӣ пайгирӣ кунад. Наход Иброҳимиён Акмал Комилзода 1сотих заминро 11 сомонӣ шудгор кунӣ? Соли гузашта нарх 7 сомонӣ буд. Нархи сӯзишворӣ мисли соли гузашта аст, аммо шудгорро қимат кард.

                            Екатеринбург (номаи 1 )

 Салому дуруд бар Шумо бародар Муҳаммадиқбол барои ба гӯши кари мақомот расонидани мушкилот ва дарду доғи мардум.

  Ман бояд аз таъсири ҳар як барнома ба Шумо бинависам. Мардуми шарифи тоҷик аз Шумо хоҳишмандам, ки дар бораи ҳар як корманде, ки зулм мекунад, ҳақи  мардумро мехурад, дар бораи порахурҳо, дар бораи чоплусу лаганбардор ва дар бораи бузичаҳо нависед, таъсири хуб дорад.

Мо, навиштем ва таъсири навиштаҳои худро дидем. Дар барномаҳои гузашта  мо нисбат ба Қурбони амниятӣ, ки намояндаи КДАМ-и Тоҷикистон дар шаҳри Екатеринбурги Россия аст, ҳозир хело ҳам «мардаки хуб» ва ислоҳ шудааст ва ба доди мардум расидагӣ дорад ва боз Зафари сарконсули муваққат дар Екатеринбург низ хеле ислоҳ шуда рафтору кирдорашон бо мардуми Екатеринбург, бо муҳоҷирони тоҷик, ки барои ягон мушкилашон муроҷиат мекарданд ба консулгари дар Екатеринбург, хуб шудааст.

Ман чи хеле гуфтам ба онҳо ягон ғарази шахсӣ надорам. Бигзор инҳо фикр кунанд, ки касе бо мо душманӣ дораду аз руи хусумати шахсияш менависад, не, ба Аллоҳ қасам ин тавр нест. Рӯзҳои наздик бо ҳамроҳии як бародар рафтем консулгарӣ. Барои он бародар як справка дар бораи шаҳодатномаи таваллуд лозим буд, нигоҳ кардам ва назорат кардам, ки не, алҳамдулиллоҳ хуб шудааст муомилаашон. Пули зиёдатӣ нагирифтанд. Чи тавре нархномаи давлатӣ буд ҳамон қадар гирифтанд ва дар кассаи консулгарӣ супориданд маблағро. Ман шахсан чандин нафарро пурсидам, хурсанд баромаданд. Шукри худо, мешудааст, ку. Натарседу ҳар як кори инҳоро, ки дидед, по аз доираи қонун мебарорад, нависед, то ки мардуми тоҷик бишиносанд онҳоро, миллат шиносад.   

Агар як кори хуби дигар Қурбони амниятӣ мекард, ба арзу доди мардуми мазлуми тоҷик нисбати Гулияи мошеник мерасид боз ҳам хубтар мешуд. То ҷое фаҳмидем ҳоло расидагӣ ба арзу додро шурӯъ кардааст, аммо агар сахттараш мегирифт, то пули мардумро бармегардонд, он вақт гапу кор дигар мешуд.

Ман чандин аризаҳои шифоҳии занҳои тоҷикро дорам, ки аз Гулияи машеник намедонанд ба куҷо муроҷиат кунанд, ҳеҷ кас ба додашон намерасад.

Гулчеҳра яъне номи аслияш ва Гуля кличкааш. Ин як шахсе мебошад, ки дар шаҳри Екатеринбург мошенники рақами 1мебошад. Ин зиёда аз 10 миллион рубли мардумро фиреб карда гирифтагӣ аст. Аз он ҷумла аз мо- як оила 450 ҳазор рубл гирифт ва сеюм сол мешавад пуламонро намедиҳад. Аз як дугонаам 270 ҳазор рубл ва боз аз шиноси дугонаам 150 ҳазор рубл гирифтагӣ аст. Вай чунон «боқувват» аст ки агар дар консулгарӣ шикоят кунӣ аз об қоқ мебарояд. Мо   фаҳмидем, ки кришаҳояш бисёранд. Агар дар МВД шикояташ кунӣ Ёр бо номи Шерка мегӯяндаш ҳимояташ мекунад. Агар ба рекетҳо шикояташ кунӣ Дима ё Хуршед мегӯяндаш ҳимояташ мекунад. Дар консулгарӣ Қамар ва Қурбон  ҳимояташ мекунанд. Ин ҳароми худобехбар тамоми мардумро фиреб карда гаштааст. Намедонем, ки дар куҷо ва ба кӣ арзу додамонро бигӯем.

Мо ҳайронем, ки барои чи ягон мақомот нисбаташ чора намебинанд, хуни мардумро хурда гаштааст. Зангаш мезанӣ, заблокироват мекунад. Ду, се сол мешавад, ки кофта истодаем. Ягон кас ягон кораш карда наметавонад. Маҷбур шудем, ки ба Шумо нависемаш, дигар чора надорем.

Ба маълумоте, ки аз бачаҳои амният ба мо расид ин Ёр бо лақаби Шерка бивший мент  будааст ва байни мардум овоза ҳаст, ки уволиташ карданд. Таксӣ мезанад. Аммо ин овозаҳо ҳамааш дуруғ мебошад, ин ҳоло ҳам кор мекунад, беҳуда мент бивший небивает намегӯянд. Шогирдаш Дима дар байни бачаҳои куча мегардад. Ку бинем, ки кӣ чи мегӯяд гуфта ва дарав ба Ёр хабар мекунад, бузаш аст. Шогирди дигариаш Эраҷ, таксӣ мезанад. Ин ҳам чизеро, ки фаҳмид дарав ба Ёр хабарро мерасонад. Шогирди дигариаш Хусрав аст, ки дар аэропорти Колцова стреч мезанад ва дар ҷои симкарта кор мекунад ва дар байни мардум, ку кӣ нисбати ҳукумат чи мегуяд дарав ба Ёр хабарро мерасонад. Аз бачаҳои амният маълумот гирифтем, ки соли гузаштаи 2025 бо маълумотҳои Ёр ду нафарро аз шаҳри Екатеринбург, ки якеаш 2500 рубл ба мухолифин гузаронда будааст ва дигараш ҷонибдорӣ карда буд, қапида бурданашон, 10-12 солӣ суд шуданд.

Нафари дигар маълумот дод, ки аз рӯи ахбори Ёр соли 2025 ду нафари дигарро аз Москва қапида бурданд, ки якеаш 9 ва дигариаш 13 сол гирифт. Гуфтаниам, ки мардум бидонанд ва боварашон накунанд. Инҳо бузҳои МВД мебошанд.

Дар байни мардум мегарданду информация мегиранд. Дар ҳақиқат кор мекунанд. Ба Ёр, Дима, Хусрав ва Эраҷ  гуфтаниям, ки агар бузиатонро бас накунед, нисбататон бисёр маълумот гирифтем ва ҳоло таҳти санҷиш мебошанд, ку то кадом андоза асос доранд. Дар навиштаҳои оянда гуфта мешаванд, бас кунед ин корҳои разилонатонро.

Ба консулгарӣ муроҷиат мекунанд. Коргарони консулгарӣ мегуянд равед дар мақомоти Русия муроҷиат кунед. Ин мазлумҳое, ки муроҷиат мекунанд, бисёриашон патент надоранд, ё ки ягон ҳуҷҷат, ки ягонҷо муроҷиат кунанд, бечораҳо мемонанд дар нимароҳ.

Ин дар салоҳияти Қурбон аст ки Гуляра кашида сар диҳаду пулҳои мардумро то ҳаддал имкон баргардонад. Чунки ин Гуля аз ин Қурбони амниятӣ сахт метарсад. Мегӯянд одами хуб нест, аз ин тарсидан даркор аст. Боз мегуям, ки акаи Зафар, акаи Қурбон, Ман ба Шумо хусумат надорам, вале шумо вазифаи худатонро хуб иҷро кунед, ба доди мардуми мазлуми тоҷик расидагӣ кунед, ман бас мекунам навиштани нома ба Ислоҳро. Аммо агар боз ҳам ин гуна корҳои пастатонро давом диҳед боз менависам. Ман хабарнигори Ислоҳ мешавам дар Екатеринбург. Хело бузичаҳоятонро медонам, ки агар бас накунед, нисбаташон менависам ба Ислоҳ бо аксҳояшон ва маълумоти бисёр дорам. Гапу ҳарф бисёр ҳаст. Боқӣ ҳамаатонро худо ҳифзатон кунад.

                                  Номаи—2

 Ассалому алайкум бародар Муҳаммадиқбол. Ман як зани тоҷик аз шаҳри Турсунзода, бистуяксола мебошам. Соли 2024 аз шавҳарам ҷудо шудаму ба Россия шаҳри Екатеринбург бо ҳамроҳии дугонаам рафтем. Онҷо як ҳамсояашон аз Душанбе бо номи Сураё пешхизмат- офитсианка дар Таганский ряд кор мекунад.  Дар аэропорти Колцова фаромадем. Бо як бачаи миёнақад номаш Қамар ру ба ру задем. Гуфтем таксӣ даркор аст ки то Таганский ряд барадамон. Гуфт ҳозир ва занг зад. Як мардаки сип- сияҳи бузбала омад- таксӣ. Моро дар 1200 рубл бурд, пеши ҳамон апа. Вай дар хонааш ҷо надошт. Хонаи дугонааш роҳиамон кард. Пагаҳ буд, ки соатҳо 10 руз он апа занг зад, ки як кори халтура аст 4 ҳазориатон медиҳад, меравед? Гуфтем бале, меравем. Гуфт меравед пешхизмат кор мекунед. Яке буд, ки ҳамон таксие, ки аз аэропорт оварда будамон омад ва ҳамроҳи он бача, ки Қамар ном доштааст, бурданамон ба як ҷангал. Онҷо як коттеҷ буд ва чанд марди рус-ташкилӣ. Моро на ҳамчун пешхизмат, ҳамчун фоҳиша бурда будаанд. Мо баъди рафта расидан инро фаҳмидем, ки моро куҷо бурдаанд. Ду духтари дигари узбечкаро ҳам як таксӣ оварад.

Баъд ба мо гуфтанд, ки чи хоҳише, ки ҳамин меҳмонҳо доранд иҷро мекунед. Мо бисёр зораву тавалло кардем, ки мо кори ҳаром намекунем. Қамар гуфт, ки агар ин корҳоро анҷом намедиҳӣ, аз кисааш як чизи сиёҳакро бароварду нишон дод ва таҳдид кард, ки «ҳамира да кисат мемонам, бачаҳако мегиранаш, то мурданта ай турма намебарой». Ва аз телефонаш суратҳоро нишон дод, ки ҳамроҳи милицияҳо дар Тоҷикистон ва дар Русия. Гуфт агар ба гапам намекунӣ, «мара фалонма ягон кас хурда наметона» ва зӯриву таҳдид кард, ранги озодиро намебинӣ.

Қиса кутоҳ маҷбур шудем, ки розӣ шавем. Як вақт омад ба комната даромаду дод зад, ки чи хеле ҳаминҳо хоҳиш доранд, иҷро кунед.

 Гуфтам, ки «ма қанчуқ нестам». Аммо маҷбурамон кард, ки ……Гуфтем «мо ихели корора накардем, надидем, наметонем». Дар сок чизе   чаконду гуфт бихур.

Он тарафашро худатон бифаҳмед. Дигар бо хоҳишашон иҷро кардем. Бовар кун акаҷон ман ин суханҳоро хун гириста нависонда истодаам. Ин Қамар ва ҷурааш мусалмон нестанд. Зани тоҷикро мебарӣ, ки урус дар д… дар… хоб кунад.

Соат1-и шаб буд. Меҳмонҳояш рафтанд. Ду узбечка ҳам рафтанд. Мо ҳамроҳи дугонаам мондем дар коттеҷ.Телефон надорем.

 Қамар бо ҷураҳояш саҳар мерафт, бегаҳ меомаданд. Чунон азобамон доданд, ки ногуфтанӣ. Маҷбурамон мекард, ки …,аз …., ки ду сол мешавад хун меравад, миёнам маъюб шуд. Баъди 4 руз бурданамон 4 ҳазор рубл додамону гуфт агар дар ягон кас мегуй, «не да иҷа не да Ватан фалонма хурда наметоне. Бин чи коратон мекунам». Аз тарс хап кардем. Аз Екатеринбург ҳамон руз гурехтем Челябинск рафтем ва 8 моҳ кор кардему хапу дам Ватан омадам. Барои онки як духтарча дорам, барои ҳамин мондам. Набошад ин оқи падари Қамарро дар ҳамон коттеҷ медонистам чикор кунам.

 Дар Тоҷикистон як милитсияи шинос буд, ки пеши вай рафтам ва ҳолати корро гуфтам ва гуфтам, ки аз болояш ариза бинависам. Аммо милиция гуфт, ки ҷиноят дар Россия шудааст «и кора иҷа ҳиҷка намебина, тем более, ки вай иқа шиносой боқувват доштай, лучше хта ғам натӣ»

Бовар кун акаҷон худам худамро чашми дидан надорам: «бачаҳакой Қамар бимиран, худоҷон, як дарде битияша, ки намура, фақат бисуза, ки зиндагира баром шум кард, ки наход милати худта, ки мо мусулмонем маҷбур кунӣ, ки …..як уруса….. мон чикорет кунан».

Акаҷон «ма барноматона гуш мекунам, дидам, ки да борай Қамари оқипадар гап заден, дилам ором нагирифт, нависондамтон, ки камтарам боша дилам ором бигира, ино кати ҷураш номша намедонам як оқипадаранд».

                                  Айнӣ (Рарз)

Ассалому алейкум ва раҳматулоҳи ва баракотуҳу устод Муҳаммадиқбол!

Агар рост бошад, ин хама хизматҳои шумо буд, ки барои таъмири роҳ  аз маркази Айни то Масчоҳи куҳӣ шурӯъ карданд. Ин кор натиҷаи ҳамон мақолаҳои мо буд, ки навиштему шумо нашр кардед. Дар чуқуриҳои Гузари бод мошин дарояд дудаш мебарояд. Инро мо навишта будем. Ин қадар дар бораи ин роҳу вазъияту шароити бади он навишта будем, ки оқибат дар дили ҳукумат ба фикрам зад. Барои ҳамин, мо мардуми ҷамоати Рарзи ноҳияи Айнӣ ба шумо миннатдорӣ баён мекунем.

 Муҳтарам Муҳаммадиқбол, бародари ғамхори ватан, зинда бошед. Худованд нигоҳдоратон бошад. Дар ин роҳ, ки асосан оилаи Раҳмонов ва домодҳояш истифода мебаранд, дар як шабонаруз100 дулан ангишти Фароз мегузарад ва ҳамааш чанд баробар перегруз. Мутмаинам, ки баъди аз нав роҳсозӣ ё таъмир роҳ ҳамон дуланҳои ангишти Фароз  роҳҳои Айнӣ ва Мастчоҳи куҳиро ҷазир мекунанд. Барои ҳамин ҳоло мо бовар надорем, ки роҳҳоро обод мекунанд. Агар таъмири роҳро конкретно сар бикунанд, баъд бовар мекунем. 

Боз тарси мардум ин аст ки роҳро таъмир намуда  пулакӣ накунанд. Аз дасти ин гушнаҳо меояд. Чизе бихоҳанд ҳамон шаб, рӯз нокарда фармон мебароранд. Ин гушнаҳо фақат дар шаб ҷамъ мешаван ва нақша мекашанд ва фармон мебароранд.

Офарин, офарин, офарин Муҳаммадиқбол, ки ин қадар дар бораи роҳҳои ноҳияи Айнӣ навиштед ва дар охир ба фикрам ин масъалаи роҳҳо ҳалли худро ёфтанд. Агар таъмиру навсозии ин роҳҳо то ба охир расад шуморо ин мардуми куҳистон  фаромуш намекунанд.

Ногуфта намонад, ки мо тарафдори ҳақем.

Устод, кутоҳ ҳам бошад, хоҳиш мекунем, ки чопаш кунед.

                                              Рашт

Ассалому алайкум ва раҳматуллоҳи ва баракотуҳу бародар Муҳаммадиқбол ва ҳама муборизони роҳи ҳақ. Аз Аллоҳи зулҷалол умедворам, ки ҳамеша шуморо дар раҳмати худ нигаҳ дорад.

 Ман, сокини ноҳияи Рашт, ҷамоати ба номи Боқӣ Раҳимзода ҳастам ва арзу шикоят дорам. Шикояти ман аз он бадбахти русиёҳи носаломати раиси кони ангишти Камароб Обид Шарифов аст.

  Ин Обиди бадбахти русиёҳ тамоман раҳм надорад ва дар фикри ҳеҷ чиз нест. Ҳамаи роҳҳоро харобу валангор кард. Ба дуланҳояш камикам аз 50 то 60 -70 тонна бор мекунад.

Бар асари вазни гарони ин дуланҳои ҳоҷӣ Обид дар деҳаи Шулмак ҳар сол чанд маротиба пули мошингузар мешиканад. Аммо халқ ва магазиндорҳоро маҷбур мекунанд, ки аз нав расташ кунанд. Инҷо тамоман тартибу интизом намондааст. Ва боз як пули дигар дар Дашти Камроб буд, ки бо Краз дар дарё чапа шуд, ки онро ҳам мардум рост карданд, бо тариқи ҳашар. Ин пул ҳоло ҳам ба талабот ҷавоб намедиҳад. Пайи чархи мошин ҳасту халос. Байни пул ва бараш чизе надорад. Ҳар сол аз ин пул чандин сар моли майда ва гов ба дарё меафтанд.

Ронандаҳои кони Камроб, ки ҳоҷӣ Обид аз они худ кардааст тамоман қоидаи роҳро риоят намекунанд. Чандин сар аз говҳои ҳамин деҳаи Даштро аз болои ин пул ҳамин дуланистҳо тела доданд, ки ба дарё рафтанд.

Мо ҷавонҳои ҷамоат ба хулоса омадем, ки ин ҳоҷӣ Обидро худамон ба ҷавобгарӣ бикашем ва ҷазояш диҳем, роҳи дигар нест.

   Ва инчунин хитоби ман ба Раҳмонови куҳнаҷунуб чунин аст:

Эй, Э. Раҳмонов, аз ҳаромхурӣ лунҷҳоят ранги куни бегемот кашол шудаанд, иншоаллоҳ охирон солат аст. Як бор фикри мурдан ва азоби қабрро ҳам кун, ки ин қадар мардуми тоҷикро куштӣ, аз ватан беватан кардӣ, ба тюрмаҳо андохтӣ, ду, се миллионашро муҳоҷиру дарбадар кардӣ. Аллоҳ ту ва хонаводаат ва ҳар кадоме, ки пуштибонӣ аз туро дорад, ҳамаатонро лаънат кунад.

Эй Раҳмонов! Як бор аҳамият намедиҳӣ ин кони ангиштро! Ҳамин сол нархи як тоннаи ангиштро ба 1950 сомонӣ расонд. Ин чи гуна нарх аст? Дар имсол

худи ман ба 9500 сомонӣ ангишт харидам.

Ва як шикоят дорам ба Хадамоти алоқа. Ин Исфандиёри Саъдулло чигуна роҳбар аст ки ду сол мешавад тамоман алоқа нест, ранги лимити барқ кард. Интрнет ку аз сарат бимонад, ақалан ҳамон антенна бошад, ки ягон хабар маргу мурда мешавад аз ҳоли якдигар огоҳ шуда тавонем. Э, лаънат ба ту барин роҳбар.

  Антенаҳое, ки ки дар деҳаи Шулмак , деҳаи Шуле  ва Варзигон ҳастанд ва дуруст кор намекунанд. Сардори ин антеннаҳо ҳоҷӣ Киромуддин мебошад. Хулосаи гап ин аст ки ин Киромуддини соляркаҳоро мефурушад ва ягон майда ба антеннаҳо аҳамият намедиҳад. Мардум аз барқ ва аз алоқа маҳруманд. Ва тамоман дар як ҳолати душвор қарор дорем.

 Аммо муллову домуллоҳоямон бошанд дар намозҳои ҷумъа фақат гапи пешоби миллат ва аз обуна ба газетаву сарбоз ва ҳифзи пиряхҳо мавъиза мегӯянд.

 Эй, Раҳмонови гумроҳ, пиряхҳоро дар тори куҳ чи хел ҳифз мекунӣ? Дар обшавии пиряхҳо, хушксолӣ, наборидани барфу борон гунаҳкор худи ту ҳастӣ.

 Як бор қарор биисту бо худ фикр кун чи кор карда истодаӣ?

Масҷидҳоямонро руст кардӣ, сатрҳоямонро гирифтӣ, ришҳоямонро тарошидӣ. Барои ана ҳамин корҳои зиддиисломиат барфу борон нест. Боз шарм накарда дар рӯят чарми фил кашида Саидмукарраму дигар муллоҳоро дастур додӣ, ки барои борон намоз гузоранд.11 январ аст тамоман барф нест дар Ғарм.

Бародар Муҳаммадиқбол!

  Худованд ҳамеша Шуморо нигаҳбон бошад. Саломи худ ва саломи тамоми мардуми Раштро ба шумо мерасонам. Мардуми Раштонзамин, сокинони ҷамоати Боқӣ Раҳимзода шуморо дӯст медорем.

  Модарамро ба зиёрати хонаи Аллоҳ равон кардам ва ба модарам гуфтам, ки дар ҳақи шумо дар он макони муқаддас дуъо кунад, ки ҳарчи зудтар мо ба мақсади худ бирасем. Ин бадбахтро бо оилааш дастгир карда зиндонӣ кунем ва ҳамаи сарватҳои дуздидаи онҳоро гирифта барои ободии Ватан истифода намоем.

Сообщение Номаҳо аз ноҳияҳо ба «Ислоҳ.нет» №325 появились сначала на ISLOH.net.

 Муроҷиати сокинони водии Рашт ба бародари муборизи роҳи озодӣ Муҳаммадиқболи Садриддин
  Дуруд ба бародари  муборизи роҳи озодӣ ва адолат, шиканандаи тилисми порахурону дуздони Тоҷикистон, Муҳаммадиқболи Садриддин!

   Мо, сокинони заҳматкашу меҳнатқарини водии Рашт, бо дарду изтироби бузург ба Шумо муроҷиат менамоем. Сабаби асосӣ кони ангишти Камароб аст, ки ифтихори меҳнати мардум ва манбаи ҳаётбахши сӯзишвории минтақа буд, аммо имрӯз зери дасти шахсе бо номи Обид Шарипов ба василаи андӯхти сарват, ғаразҳои шахсӣ ва манфиатҷӯии бераҳмона табдил ёфтааст.
  Ин кон бо заҳмати беш аз 20-солаи падару писар Роҳат ва Мурод Хушвахтов ба кор даромад. Барои расидан ба он зиёда аз 100 километр роҳ аз миёни кӯҳҳои хатарнок бо заҳмати мардум сохта шуд ва соли 2009 мавриди истифода қарор гирифт. Он вақт ангишти Камароб сабаб гардида буд, ки тамоми деҳаҳои навоҳии водии Рашт, инчунин мактабҳо,тбемористонҳо, биноҳои сохторҳои мақомоти иҷрорияи ҳокимияти маҳаллӣ бо нархи арзон бо ангишт таъмин гарданд.
  Аммо соли 2016 бо роҳи шиносбозӣ ва пуштибонии гурӯҳҳои хешутаборӣ, ин кон  аз соҳибони асосиаш бо зӯрӣ ва шантаж гирифта шуда ба ихтиёри Обид Шарипов гузашт (ӯ қудои Бег Сабур будааст). Бародари вай Абубакр Шарипов язнаи Бег Сабур будаасту ӯро кришават мекардаст. Аз он замон то имрӯз мо шоҳиди амалҳои зерин ҳастем:

1. Вайрон кардани инфрасохтор: роҳҳои ҳаётии маҳаллӣ, ки бо меҳнату сармояи Раҳими ғармӣ ва бародаронаш сохта шуда буданд,аз ҷониби мошинҳои пурбор хароб ва пулҳои мошингузар шикаста бидуни таъмир мондаанд.

2. Фиреб ва напардохтани андоз: бо вуҷуди он ки нархи давлатӣ барои як тонна ангишт 350 сомонӣ муқаррар шудааст, ӯ онро бо нархи 1200 сомонӣ мефурӯшад. Аз ҳаҷми воқеӣ- 1,6 миллион тонна ангишти истихроҷшуда, танҳо 600 ҳазор тонна расман ҳуҷҷатгузорӣ мегардад.

3. Маҳрум сохтани муассисаҳои иҷтимоӣ: мактабҳо, бемористонҳо ва дигар ниҳодҳои ҳаётан муҳим аз ангишти Камароб. Ин муассисаҳои бюҷетӣ комилан маҳрум шудаанд.

4.Истифодаи ғайриқонунии маблағҳо: бо фоидаи аз ангишти ғайриқонунӣ бадастомада, заводҳои хишт ва таҷҳизоти гаронбаҳо харида шуда дача ва ҷойҳои фосидкунандаи ахлоқу (аз ҷумла сохтмони фоҳишахона лаби дарёи Сарбоғ дар сари пули Навобод) бунёд карда шабу руз дискатека ва ба кайфу сафо машғул аст. Дар даруни шаҳраки Ғарм бо маблағи фурӯш ва дуздии ангишт 3 дом сохта истодааст. Дар деҳаи Қалъанак дача сохтааст

5.Ришвахорӣ барои идомаи кор: барои гирифтани дубораи литсензияи истихроҷ, ба гуфтаи шоҳидон 15 миллион доллар ҳамчун «доля» пардохт шудааст.

6. Таҳқиру зӯроварӣ нисбат ба мардум: маъюбон ва камбағалон, ки барои миқдори ночизи ангишт меоянд, таҳқир ва азият мешаванд; молашон мусодира гардида, бо ронандагон дағалона рафтор карда мешавад.

Пешниҳод ба Эмомали Раҳмонов!

Имсол хатари воқеӣ вуҷуд дорад, ки ҳазорон оилаи минтақа бе ангишт монанд. Агар чораҳои фаврӣ андешида нашаванд, зимистони сард ва ноумедии бе ниҳоят зиёд мардуми моро фаро хоҳад гирифт.

Мо ба Шумо ҳамчун шахсе, ки масъулияти олӣ дар роҳи мубориза барои адолат доред, муроҷиат менамоем ва аз Эмомали Раҳмонов хоҳиш мекунем:

-кони Камароб аз дасти ғосибон бозпас гирифта шавад;

-нархи давлатӣ ва таъминоти муассисаҳои иҷтимоӣ барқарор гардад;

  -шахсоне, ки бо роҳи фасод ва фиреб ин сарвати миллӣ тороҷ намудаанд, ба ҷавобгарии қонунӣ кашида шаванд.

Бо эҳтироми зиёд,
аз номи гурӯҳи шаҳрвандони водии Рашт

Шарҳи «Ислоҳ»

Хонанда ва бинандаи доимии «Ислоҳ» бояд дар ёд дошта бошад, ки роҷеъ ба масъалаи кони ангишти «Назарайлоқ» мо аз ин пеш ҳам чанд матлаби муфассале навишта будем, ки инҷо нишониҳои як дутои онҳоро пешкашатон менамоем: «Ҷиноятҳои оила дар шарқи кишвар ва тасарруфи сарватҳои миллӣ (02.09.2020) https://isloh.net/inoyat-oi-oila-dar-shar-i-kishvar-va-tasarrufi-sarvat-oi-mill » , «Бег Сабур дар Ғарм боғ бунёд карданист, ки хатари ҷиддӣ ба сокинони се деҳа дорад 24.07.2021 https://isloh.net/beg-sabur-dar-gharm-bogh-bunyod-kardanist-ki-hatari-jiddi-ba-sokinoni-se-deha-dorad »

Ин  матлабҳоро шумо метавонед ба дунболи қироати ин номаи ташвишангези сокинони Рашт мутолиа кунед ва маълумоти мукаммал дар мавриди қазияи матруҳа ба даст оваред.

Ин кон, дар воқеъ, мисли соири коргоҳу корхонаҷоту ширкату заводҳо дар саросари кишвар аз тарафи як идда аз гурӯҳҳое, ки ба афроди алоҳида дар ҳукумати марказӣ қаробат доранд, чанд соли пеш тасарруф гардид.

Ин корхонаро аз Мурод Хушвақтов, ки бо харҷу заҳмати зиёд гардон ва фоидаовар скарда буд, кашида гирифтанд ва гӯё ба моликияти давлатӣ табдил доданд. Чи гуна ва киҳо кони Кафтархона, ки бо номи ангишти Назарайлоқ машҳур астро   кашида гирифтанд дар ду матлаби радиои Озодӣ дар соли 2019 муфассал дарҷ шудааст, ки линки ин ду матлабро ҳам пешкашатон менамоем:- « Оё камари «Камароб» мешиканад? апрел 26, 2019 https://www.ozodi.org/a/29903700.html» ва  «Додгоҳ сарнавишти «Камароб«-ро ҳал кард май 03, 2019

https:// www. ozodi.org/a/29916869.html ».

Лутфан ҳам мақолаҳои «Ислоҳ.нет» ва ҳам гузоришҳои «Озодӣ»-ро,ки нишониҳояшонро мутазаккир шудем бихонед. Ва хоҳед фаҳмид, ки Мурод Хушвақтов конро кушод, ба кор даровард тамоми боҷу хироҷ ва молиёти давлатро саривақт супорид роҳ кушоду харҷу масрафи миллионҳо долларӣ кард, аммо Кумитаи сармоягузори ва назорати амволи давлатӣ даъво кард ва табъан, ки Додгоҳ тарафи онро гирифт, агарчи дар оғоз бархе аз вазоратҳои Тоҷикистон ошкоро аз соҳибкор Мурод Хушвақтов пуштибонӣ намуда буданд.

Аммо дар пушти қазияи даъвои ин кон Бек Сабур раиси онвақтаи Хадамоти алоқа ва қудои Эмомалӣ Раҳмонов меистод, новобаста аз даъвову шикоятҳои қонунии Мурод Хушвақтов кони «Кафтархона»-ро Бег Сабур ба тасарруфи худ даровард ва дар ҳаҷми 50 миллион сомонӣ (бо курси соли 2016 ҳисоб кунед, ки 8 миллион доллар мешавад) техника ва таҷҳизоти кории соҳибкорро ҳам ғасб намуд.  

Худи Мурод Хушвақтов дар вақти баҳси додгоҳӣ дар Додгоҳи олии иқтисодии Тоҷикистон он замон гуфта буд, ки  бо қарори додгоҳ розӣ нест ва аз болои он шикоят хоҳад кард:

«Чӣ хел бо молу мулк ва техникаи мо як корхонаи дигар таъсис дода мешавад? 25 сол фаъолияти мо ба зарари кӣ буд? Сустии кори мо чист? Мо андози давлатро саривақт месупоридем. Дар сохтани мактабу роҳҳо саҳм мегузоштем, дар ободии ноҳия ширкат доштем ва корхонаҳои муҳими кишварро бо ангишт таъмин мекардем». https://www.ozodi.org/a/29916869.html

Хулосаи моҷаро маълум буд, киДодгоҳ баҳсро ба тарафи Бек Сабур тамом мекунад ва Кумитаи сармоягузорӣ ҳам муҷаввизи истихроҷи конро ба ширкати «Ангишти Анзоб», ки амалан аз они Бек Сабур аст дод.

 Ба маврид аст инҷо аз як навиштаи пешинаи «Ислоҳ.нет» сархатеро биоварем: «Бег Сабур, вазири алоқаи Тоҷикистон бо мусоидати келинаш Зарина Эмомалӣ Раҳмон, духтари президенти Тоҷикистон кони ангишти Кафтархона, воқеъ дар Камароби ноҳияи Раштро аз дасти саҳмдоронаш бо сӯистифода аз мақому мансаб кашида  гирифтааст. Ин хабарро ба сомонаи Ислоҳ аз деҳаи Камароби ноҳияи Рашт фиристоданд. Гуфта мешавад, соли 1998 ду бародарони соҳибкор Роҳат ва Мурод Хушвақтовҳо бо маблағи шахсии худ то кони Кафтархона роҳ сохта, коркарди ангиштро оғоз намуда будаанд. Ҳамон сол ҳатто литсензияи коркарди ангиштро ба мӯҳлати 10 сол, яъне то охири соли 2017 ба даст меоваранд……

 Мутаассифона, ҳамин, ки замони аз кони ангишт фоидаи назаррас ба даст овардан фаро мерасад, муҳлати литсензияи коркарди ангишти Хушвақтовҳо ҳам ба поён мерасад. Соли 2017 дигар ба Хушвақтовҳо муяссар намешавад, ки мӯҳлати литсензияро тамдид кунанд.

 Айни ҳол литсензияи коркарди ангишт дар дараи Камаробро Бег Сабур ба даст оварда, Хушвақтовҳоро ба тамом аз кон рондааст. «Конҳои ангишти дараи Камароб аз они Бег Сабур шуд» (02.09.2020 https://isloh.net/kon-oi-angishti-darai-kamarob-az-oni-beg-sabur-shud)»

  Бег Сабур ба сари кон одами худашро могд ва урсии роҳбарии онро ба Обид Шарипов дод, яъне ин Обид Шарипов қудои Бек Сабур ва бародари Обид Абубакр шавҳари хоҳари Бек Сабур будааст. Ҳоло дар бораи онки ин Обид ё Обидхӯҷа кӣ аст як маълумоти мухтасаре аз як навиштаи қаблии «Ислоҳ» иқтибос меоварем:

  «Салом домулло Муҳаммадиқбол!

Мехоҳам  дар бораи афроди мунофиқсифат, ки шумо низ ӯро хуб мешиносед ба лақаби Шайхи фонӣ номаш Давлатхоҷаи Мирзохоҷаи Раштӣ ва бародари вай Ҳоҷӣ Обид  маълумот диҳам. Ҳоҷӣ Обид  ҳоло намояндаи Бег Сабур дар Ғарм  аст.

Ман аз ҷамоати Қаланаки Ғарм, аз деҳаи Белгӣ. Инҷо мехоҳам дар бораи шахсе ба ном Ҳоҷӣ Обид, ки раиси кони Камароб аст ва намояндаи Беги Сабур бигӯям. Ҳоҷӣ Обид  кони ангишти Камаробро аз дасти Мурод, ки бисёр заҳмат кашида буд маҷбурӣ кашида гирифт.

Ҳоло гӯр бар сари ин кон. Бо ин ҳама дорандагиву бойигарӣ тамоми чарогоҳи  мардуми деҳаи Шаҳринавро гирифт. Ҷойҳое, ки мардум алаф медаравиданд, онҳоро ҳам тасоҳуб кард.

Ҳоло гӯр бар сари ҷойҳои алафдаравӣ.

Ҳамонҷо кӯҳе аст бо номи Новод. Болои он куҳ дашт дорад. Онҷоро роҳ зада боғе бунёд кардааст. Аммо онҷо об нест. Қариб 10 километр об мебарорад. Аммо ин об барои се деҳаи пойин таҳдиди бузург дорад. Се деҳаи  Шаҳринаву  Каланаку Белгӣ дар маърази хатари нобудӣ қарор мегиранд. Зеро инҷо камтар об ҷаъм шавад, замини инҷо ковок аст ва кӯҳ меканад. Худову ростӣ касе намедонад, ки барои бунёди ин боғ ва овардани 10 километр об дар як тори куҳ чи қадар «расход» мешавад. Боз гуфта истодаанд, ки дар тори он куҳ барои Бег Сабур қаср бунёд мекардаанд». «Ҷиноятҳои оила дар шарқи кишвар ва тасарруфи сарватҳои миллӣ» (02.09.2020) (https://isloh.net/inoyat-oi-oila-dar-shar-i-kishvar-va-tasarrufi-sarvat-oi-mill)

Хуб,ин Обид Шарипов чи кор кард? Обид Шарипов ба тамоми қабоҳат ва ҷиноят даст зад. Зиёд истихроҷ мекард, кам нишон медод, ба мошинҳо кам бор мекард, борхатро зиёд нишон медод, хулоса аз тор мезад, аз пуд мезад. Вале пуштибони дилпур, ки дошт ҳар чи мехост мекард.

 Барои онки қазия фаҳмотар ва манзара бозтар шавад як иқтибоси дигарро аз навиштаи пешинаи «Ислоҳ» ногузирем биоварем, чунки ҷойи ҷояш аст: «Директори кони ангишт Ҳоҷӣ Обид ном шахс аз деҳаи Шаҳринави ҷамоати деҳоти Қалъанак будааст, он ҷо ӯро дидем. Аз ду  писаронаш, ки дар онҷо буданд, якеаш Содиқ ва дигаре Қорӣ ном гирифта мешуданд. Яктояш дар тарозӯ ва дигарияш дар муҳосибот  кор мекардааст. Бо харидорон бениҳоят муносибати бад доштанд.

Мо ба кон раҳсипор шудем. Ҳамин ки аз баландӣ ба дарёи дараи Дидиҳӣ нигаристам, оби дарё аз боло мусаффову зулол омада, дар наздикии кон  чиркину сиёҳ шудааст. Гӯё, ки аввали баҳор бошаду сели баҳорӣ ё ярч ба дарё афтода бошад. Аз ронанда пурсидам, ба ин оби соф чӣ шудааст, ки ба лойобаи сиёҳ табдил ёфтааст. Ронанда сар ҷунбонду оҳи ғамангезе кашида гуфт, ки ин Ҳоҷӣ Обид барои манфиати шахсии худаш, ҳама хоку ангиштҳои корношоями конро ба об мепартояд, то дар ин наздикиҳо хоку ангиштҳои корношоями зиёд ҷамъ шуда, барояш дарди сар нашаванд.  Ба ин гапи ронанда ҳеҷ боварам намеомад. Аммо, вақте мо ба кон расидем, бо чашмони худ дидам, ки ду экскватор ва ба истилоҳ як погрузчик хокаҳои сиёҳи корношоямро ба дарё мепартоянду болои ангиштҳоро холӣ мекунанд». (https://isloh.net/inoyat-oi-oila-dar-shar-i-kishvar-va-tasarrufi-sarvat-oi-mill)

 Ва, аммо ҳамин иқтибоси дигарро ҳам меоварем, ки ин ҳам аз навиштаи пешинаи мост.

«Манбаъ афзудааст, ки вақтҳои охир васиқаи талаву теппа ва дараҳо ба пайвандони президент муд шудааст.

“Ҳар куҷое меравӣ, мегӯянд ин дара истироҳатгоҳи Тахмина, он теппа аз они Озода, ин токзор азони Рустам, он чорбоғ аз они Асадуллоҳ, ваяш азони Муҳибуллоҳ, ин кони тилло аз они Асадулло вай кони ангишт азони Зарина, ин бозор азони ин қудои президент ваяш азони он қудои президент. Магар хеши президент ё фарзанди президент набошӣ ҳақ ба сарвату замини ин миллат надорӣ? Адолат куҷост?»  https://isloh.net/inoyat-oi-oila-dar-shar-i-kishvar-va-tasarrufi-sarvat-oi-mill

Ҳоло, ин Обид, чуноне ба мо маълумот расид, ончунон соҳиби сарвату давлат ва пули ҳангуфт шудааст, ки дар Рашт дар чандин гектар на фақат боғ, ресторан,бардел ва ҳотел сохтаву ҳар шаб ба айшу ишрат машғул аст.

«Шабҳо одамҳоро ҷамъ мекунад ва дискотекаву дамгириву отдих. Ресторан дар сари пули Навободу дар даромади дараи Камароб дискотека рост кардааст, кайфу сафо рақсу бозиву танс. Ҳар бегаҳӣ духтаракои ёшёшқатӣ дамгирӣ аҳволуш. Ҷойи фасодхона рост кардааст. Дар куҷое лоф задааст, ки барои ин ҳама сохтмонҳояш аз се миллион доллар зиёд расход кардагӣ. Гуфтааст, ки Бег Сабуру бачаашу келинаш Зарина инҷо тамошову дамгирӣ омада буданд. Зарина қатӣ хушрӯ дам гирифтам, гуфтааст, гуё зарина гуфта бошад, ки бо бачаи Бег Сабур маҷбурӣ зиндагӣ дорад».

 Сақфу арши ҳамаи биноҳояш хеле ҳам баданд. Се чор гектар заминро тасарруф кардааст». 

Мо, ҳоло чизе наметавонем бигӯем, ки мақомот, аз ҷумла худи Раҳмонов ба ин муроҷиати мардуми Рашт расидагӣ мекунад ё не? Вале, ба як чиз бовар дорем, ки бо онки ин кон,тибқи маълумоти расмӣ 400 миллион тонна захира дорад ва ангишти он барои арсаи саноат ва коргоҳҳои истеҳсолӣ мувофиқ аст ва аз навъи пурхаридори ангишт мебошад, баъид аст ки Обид Шарифов инҷо дер давом биоварад.

Ҳатман як нафари наздик ба аъзои Оилаи Раҳмонов онро тасоҳуб хоҳад кард, ки Обидхӯҷа дар он гурӯҳ шомил намешавад, ҳамчуноне Исмати дуликро бо Зайнуллои ҷияни Зоир дар фурудгоҳ иваз карданд.

Обид, то инки ба мардум ноинсофӣ ва номардӣ кардан, ривоҷдиҳандаи ахлоқи фосид будан дар фикри ояндаи худаш бошад беҳтар аст.

Агар бихоҳанд баъди нашри ин мақола мегиранду мебарандат пеши Исмати дулик.

Сообщение Кони Назарайлоқро кӣ ғорат мекунад? появились сначала на ISLOH.net.