Инчунин дар ин барномаи номаҳо дар мавриди зулмҳои мақомоти корҳои дохилӣ ба қориҳои Қуръон дар Панҷ меравад. Воқиан хело даҳшат аст амалкарди мақомот дар ин ноҳияи назди марзӣ. Умедворем Фотимаи ҳамсари Рустам ақалан дар ин қазия дахолат мекунанд. Барои чӣ маҳз Фотима? Онро дар номаи Панҷ мехонеду мефаҳмед.

Номаи зер яке аз аввалин хабарҳо дар масъалаи баҳси таъйини хухути марз бо қирғизҳо аст ки далолат бар заминфурӯшии Раҳмонов мекунад. Мо ҳатман ин масъаларо дар барномаҳои баъдӣ пайгирӣ хоҳем кард, аммо ҳоло ин навиштаро пешкашатон мекунем:

                                Ҷаббор Расулов

Ассалому алейкум бародар Муҳаммадиқбол Ман як сокини вилояти Суғд, ноҳияи  Ҷаббор Расулов ҳастам. Ба маълумоти шумо мерасонам, ки дар деҳаи Маданият ноҳияи Ҷаббор Расулов зиёда аз 300 гектор заминро барои қирғизҳо ин ҳукумати золим бо сардории Эмомалии кисафи ватанфурӯши предатели хоин фурӯхт.

Ин заминҳо аз канал боло ҳастанд. Деҳаи Маданият бо ноҳияи Лайлаки Қирғизистон ҳамсарҳад мебошад. Соли гузашта аз канал боло ҳукумати золим бо ёрии мардум як застава барои 100 нафар аскар сохта буданд. Аммо мутаассифона ин заставаро бо 300 гектор заминаш ин ҳукумати золим барои қирғизҳо ҳадя кард. Бе ин ҳам Қирғизистон 1000 гектар заминҳои ноҳияи Ҷаббор Расуловро ишғол карда буд. Мардуми ин минтақа зиндагиашоро аз рӯи ин заминҳо пеш мебурданд. Аммо ҳоло мардум намедонад акнун чи кор кунанд. Дар инҷо на кор ҳасту на даромад, барқ нест. Ҳамаҷо қиматӣ. Мутаассифона дар тақсимоти сарҳад Тоҷикистон бо Қирғизистон 100 % бар фоидаи Қирғизистон ҳал карда шуд. Ин ҳукумат чи қадар зулм болои мардум овардааст, ки ҳатто аз даъво кардан метарсанд. Мо сокинони ин минтақа аз он метарсем, ки оянда бе ватан намонем. Ман дилам барои ватанам месӯзад.

  Ин нома аз як гурӯҳ шермардони ин минтақа барои шумо навишта шудааст. Мо истиқоматкунандагони ноҳияи Ҷаббор Расулов аз ин ҳукумати золим бо сардории Эмомалии касифи ватанфурӯш безор ҳастем. Нест бод Эмомалии касиф, ватанфурӯшу хоин. Дар таърихи тоҷикон ягон инсон мисли Эмомалӣ ванфурушӣ ва хоинӣ накардааст.

  Ман аз шумо эҳтиромона хоҳиш мекунам, ки ин номаи моро дар барномаи «Номаҳо аз ноҳияҳо» пахш яъне ҷой диҳед. Мо мардуми ноҳияи Ҷаббор Расулов бо шумоем ва ба шумо муваффақият мехоҳем..

                             Кулоб

Ассалому алайкум бародари гиромӣ Муҳаммадиқбол! Ман аз шаҳри Кулоб бароятон ин номаро мефиристам. Ин номаи аввалини ман нест. Номаҳои пешинаи маро аз Кулоб чоп намудед, ки барои ин ба шумо раҳмат мегуям.

    Дар шаҳри Кулоб ҳамаи сохторҳои давлаатӣ мегуянд, ки резултат   надорем. Ман барои шумо резултат нишон медиҳам. Ку бубинем, ягон кор мекунед ё не?

Камишов Самандар Юсуфович, муовини директори генералии фурудгоҳи шаҳри Кулоб амборҳои ин фурудгоҳро ғорат карда  истодааст. Дигар дар фурудгоҳ чизе   намондааст. Ба амборҳои фурудгоҳ даромада  моторҳои  самолёти  кукурузникҳоро, ки  аз  давраи Союз мондагианд ва инҳо чизҳое ҳастанд, ки  списат  намешаванд, крану мошин оварда бор карда бурда бо нархи арзон  мефурушад. Касе чизе намегуядаш, ки ту чи кор  мекунӣ? Ҳатто ин моторҳо ҳоло дар упаковка, муҳру печат ва знак  качествои СССР доранд ва Госкомимушество барои списат иҷозат намедиҳад.

Аммо кормандони фурудгоҳ панҷ моҳ мешавад, ки ранги маошро намебинанд. Аз дасти ин касофат бошад дар фурудгоҳ чизе намонд. Боз дар фурудгоҳ ҳар рӯз ташкиливу зиёфатхурӣ карда гаштааст. Аз корхона ҳар рӯз маст мебарояду меравад. Ҳар руз 5грамм таблеткаи наркотически истеъмол менамояд, ки 1 граммаш 1000 сомонӣ аст. Маст мешаваду мардумро храп мезанад. Мегуяд: «Мара акаи Зоир мега, ки бза бгард, то вақте ма бошм». Дар телефонаш як сурати Зоирро дорад, ҳамароҳ мегуяд, ки «ами сурати акамай, мара  мега буху  бза  бгард додар, туда ҳама кор иҷозатаи».

Ана барои шумо кормандони мақомоти ҳифзу ҳуқуқ, факти тайёр, ана резултат.

Пеш вақт, раиси пешинаи фурудгоҳ 20 сол бо хуни ҷигар фурудгоҳро обод кард. Аммо ин наркоман дар 2-3 сол ҳамаро титу тор кард. Боз натиҷаашро мебинем мекунед коре ва ё ҳаминхел фаромӯш мекунед!

                                                   Панҷ

 Салом бародар Муҳаммадиқбол.Устоди гиромӣ, умедворам хубу хуш бошед. Ман аз хоҷагии Правда, ҷамоати Кабуд  Сайфуддини ноҳияи Панҷ ин номаро ирсол менамоям. Хоҳиш мекунам, ки зудтар чоп кунед. Чанд рӯзи пеш, аниқтараш рӯзи 6 январ қорӣ Маҳмадсаидро маҳкам карданд. Барои аз Қуръон дарс додааст. Ба раиси ноҳияамон хошокгираш карданд. Як нафарро аз Ғозималик овардан, ҷияни Таваккалзода, раиси пешинаамон буд. Ҳозир неожиданно монданд Зариф Шоҳиёнро.

  Кадоме қорӣ Маҳммадсаидро бузӣ кардааст, хабар кашидааст, қапиданаш дар отдел маҳкам аст.

 Вазъияти қорӣ Маҳммадсаидро хеле бад кардаанд. 15рӯза маҳкамаш карда буданд, даҳ рӯзашро кадоме бо сум кам кард. Мо шомро хонда пеши бухорӣ ё печкаи даруни масҷид шиштагӣ будем, намози зуфтанро интизорӣ мекашидем . Яке мулоимомамон омад. Баъд қорӣ Маҳмадсаидро пурсидем. Гуфт ҳозир аз отдел омадам. Вазъияти қорӣ Маҳмадсаид сахт безеб.

Бо даҳ нафар қапиданаш, ришашро полний тарошидаанд. Мардуми қишлоқашон онҷо хеле буданд. Дар ду тарафи ҳамон зал, дар пеши мардум, на занаш монанд на хоҳару модараш. Ҳақоратҳои безеб кард, сардори милиса.

Дар телевизор бояд нишонаш бидиҳанд.

Устоди гиромӣ, ба назарам аз ин зиёдашро набояд ждат кард. Спичка мегуфтанд, ки ана ҳамин ҳамон спичка аст. Дигар чиро бояд бинем?

Қорӣ беҳад инсони ботақво ва нотарс буд.

Мардуми Панҷ бояд бархезем, вақти амал сар шуд.

   Боз як ҳодисаи дигар шуд. Военкоми ноҳия як коргарашро чи гапеашон мешавад, ки як мушт ё шаппотӣ мезанад, ки дар ҷояш меафтаду беҳуш мешавад. Рост скорий мебаранд. Дар реаниматсионний хоб.

Бовар кунед, ки мардум ба як ҳолати сахт аст ва ҳозир ба тамоми кор омодаанд, то аз зулми ин ҳукумат наҷот ёбанд.

                                         Панҷ

   Ба номи худованди бахшандаву меҳрубон!Ассалому алайкум ва раҳматуллоҳи ва баракотуҳу устоди азиз Муҳаммадиқболи Садриддин.

Аз Панҷ, аз деҳаи Чорсу ба шумо маълумот мефиристам. Ин номаи ман асосан ба Раҳмонови валадуззино ва мақомоти хунхораш дахл дорад, хусусан ба КДАМ-и  Панҷ.

Эй, кумитаи амният, эй суду прокуратура эй Сардори милисаи Панҷ бас будагист.   Ба худо қасам сукути Раҳмонови ватанфурӯш хело ҳам наздик аст. Шумо ҳамаатон ба хубӣ огоҳ ҳастед аз вазъияти Сурия, ки чи хел Башор Асади диктатор  фирор кард. Ҳатто наздиконашро наҷот дода натавонист. Шумо чи? Фикр доред Раҳмонов шуморо мебарад ҳамроҳаш куҷое гурехт? Не, ҳаргиз не! У падарлаънат ҳамон шикамбаи 180 килоиияшро ба зур бор мекунад ҳамроҳ бо 7 духтари сабукпояш ва 2 бачаи герчикаш. Ва шумо мемонеду ин миллат. Баъд сар мешавад ҳисобу китоб бо шумо.

 Ба худо Устод, ман рӯзи инқилоб якум кори мекардагиам ҳамин аст ки кадоме аз ин мақомоти Раҳмонов, ки уламоҳои моро азобу шиканҷа кардан талаб мекунам ва баъд ба шумо месупорамашон, то ки оянда ҳама шиносанд. Ин рӯзҳо   хело наздик аст, Ин шо Аллоҳ.

Ҳозир дар Панҷ рейд баргузор карда истодаанд кормандони мақомоти Раҳмонов ва чанд муллову қориҳои калонро бурда маҳкам карданд, то дигар ба фарзандони мо таълими қуръон надиҳанд. Ва боз ҳамон шиоре, ки Раҳмонов ба сари қудрат омада буд: «нест бод Ислому қуръон» дар амал татбиқ шуда истодааст. Мисоли мушаххас боздошти қорӣ Муҳаммадсаид аст ки ин қорӣ беш аз ҳазор фарзандони ин миллатро қории кулли қуръон кардагӣ аст.

 Ин қорӣ Муҳаммадсаиди бечораро аз солҳои 2000 то ҳозир барои дарс додан ғамаш медоданд.  Ҳар моҳ сагҳои хапгиру бугири Раҳмонов хонааш медаромаданд, рейд мегузарониданд ва ҳамеша азияташ медоданд. Азбаски ин қорӣ ба гуфти русҳо истинний мусалманин, ки буд он қадар аҳамияташон намедод ва то маҳкамаш накарданд, аз таълиму тадрис бас накард. Соли гузашта бародараш қорӣ Самариддинро қапида маҳкам карда буданд ва чунон бераҳмона шиканҷа карда ришаро тарошида ҷавобаш доданд.

Эй, миллати азизам гуноҳи он бечораҳо ҳамин аст ки фарзандони моро таълими Қуръон медоданд.

  Ва имсол боз сар шуд зулми сагҳои Раҳмонов. Аввал додараш ва сипас худашро маҳкам карданд. Имсол додарашро чунон азобе доданд, ки баъди чанд рӯзи аз отдел баромадан тамоман ҳушаш ба сараш наомада истодааст.

Тибқи маълумоти охире ба «Ислоҳ» расида қори Муҳаммадсаидро ҷавоб доданд ва шарт гузоштанд, ки як бузи калон мети ва қори ҳам қабул кардааст. Як шогирди Қорӣ Муҳаммадсаид алоқа бромадаст ба сардори ШВКД Панҷ ва пурсидааст,ки  Сардор чандсум даркор барои буз кашиятон?  Ин сардори милисаи Панҷ гуфтабудааст, ки дусаду панҷоҳҳазор сомонӣ лозим аст то бузкаширо дар торихи 25 ум баргузор намоем. Гӯйё шогирди Қорӣ Муҳаммадсаид гуфта бошад ба сардори ШВКДи Панҷ,ки бароямон карта ё ҳисоби мушаххас тиед ва ман омодаам 500 ҳазор сомонӣ диҳам вале қорӣ Муҳаммадсаидро озод намоед. Аммо сардори ШВКД Панҷ гуфта будааст озодаш мекунем вале тез аз кишвар берун шавад,ки аз боло фармон аст,то зиндонӣ шавад ва мо мусалмонем вале беимонҳо дар Душанбе ҳастанд,ки ба мо чунин фармон медиҳанд.  

Манбаъ афзуд: Қорӣ Муҳаммадсаид ҳамсари Рустам Фотимаро, ки як вақт мубталои бемории ҷинзадагӣ шуда буд. Ҳарчи табобаташ карданд табобат наёфт ва ҳамин Қорӣ Муҳаммадсаид ӯро хонд ва аз бемории ҷинзадагӣ шифо ёфт. Аммо Рустам аз ин ҷиноятҳои мақомоти корҳои дохилӣ огоҳи дорад? Ё Рустам мисли падараш курнамак асту ба ислому қориҳои қуръон ва олимони дин бадбини дорад ? Мумкин аст ҳамсари Рустам инро ақалан фаҳмад ва дастбакор шаваду қорӣ Муҳаммадсаидро озод кунанд. Наход гапи ӯ ба шавҳараш Рустам нагузарад.

Ва инҷо мегузарем боз ба ҳамон чоплусҳо. Баъди нашри номаи №197 , ки худи ман онро равон кардаам, дар бораи чоплусҳои деҳа гуфта будам, ки он ҳам як огоҳӣ буд, хусусан ба ҳоҷӣ Амрулло.

Ана акнун гуш кун ҳоҷӣ Амрулло! Медонам, ки баъди тамошои навор сахт асабӣ ва касали занона ҳам шудӣ. Фикр кардӣ ин ки бошад? Ва фикр кардӣ «ин касе набоша душманмай». Лекин ба худо қасам ман душмани ту нестам, балки бародари қиёматиат ҳастам, ки ҳақро гуфта истодаам ва хуб медонам ин гапҳо намефорадат, ки дар публика бигуям. Хайр чи кор кунем ҳақиқат талх аст.

Ту ба умеди званиат ҳам нашав ва ба умеди шиносоҳоят ҳам. Бо кӣ ҷураӣ, киро мешиносӣ барои ман тамоман аҳамият надорад. Ту худатро ин қадар гаренний нагир. Одами гаренний дар ватани худаш кор мекунад. Ту омадиву дар Маскав таксӣ зада истодаӣ. Ва, Раҳмоновро падарҷон гуфта истодаӣ. Дар ин Маскав тоҷикони сарвайрон бисёр аст, ки аз зулми Раҳмонов гурехта омадагинад, боз случайно дар пеши ягонтоаш Раҳмоновро падарҷон нагуй, ки «челеста бшкананд».Ту ба ном ҳоҷӣ баъди барномаи №197-ро тамошо карданат чи гапҳои пасту баланд дар ҳақи ман гуфтӣ! Устод Муҳаммадиқболро ҳар хел туҳмат кардӣ. Аммо фаромӯш накун,ки  «ту ягон чи намешай оқибат ранги Эшони Сироҷиддинат мекунанд инҳо. Авал истифодат мебаранд,баъд турмат мекнанд, да група хела храп задӣ, ошкоро гуфтӣ, ки ман бо мақомот ҳамкори дорм, фикр кардӣ, ки метарсам». Агар дар ёдат бошад дар мавриди Эшони Сироҷиддин ва писараш Минҳоҷиддин дар барномаи минбар гап зада буданд. Манзур аз ҳамкории эшон бо мақомот ва мардуми мухолифро бад диданаш гуфтанд,ки сабаби озод шудани эшони Сироҷиддин шуд. Эй кош хомӯш меистоданд то ин эшони чоплусро як ҷазояшро медоданд дарси хуб барои дигар чоплусон мешуд.

 Валлоҳӣ қасам то рӯзе нафас мекашам бар зидди Раҳмонови золим муборизаамро мебарам. Ман намедонам, ки ту ба кадом ақлат Раҳмоновро падарҷон гуфтӣ?

  Ҳамон 300 нафаре, ки дар группаи деҳаи Чорсу фаъол ҳастанд, ҳамаи онҳо, чуноне гуфтам аз зулми Раҳмонуф гурехта ба Русия омадаанд.

Ту худатро мулло ҳам мегирӣ ва кам -кам ранги Валии девона  дуо ҳам медиҳӣ. Ана, бубин бо фармони падарҷони Раҳмоноват қориро маҳкам карданд.Ку ягон гап зан зур бошӣ. Ва дар охир ҳаминро бигуямат, ки ин қадар саратро гаранг накун, барои ёфтани ман!

Ман дар ҳамин Маскав ҳастам ва ҳар рӯз мебинам туро ва маро ҳам агар ҳар рӯз ҳам набини тез тез мебинем ҳамдигарро. Аз дастат ягон кор намеояд. Чунки ман чизе гуфта бошам ҳамааш ҳақиқат аст, ҳамаи мардум медонад. Ин шо Аллоҳ рӯзи инқилоб дар ватан худам пешат меоям ва худамро ошкор мекунам, бисёр зиқ нашав, акаи братан.

 Мақсади ман ҳамин аст, ки бояд ҳар кас кори худашро кунад, яъне  роҳро, мактабро бояд давлат обод кунад, на муҳоҷири дарбадару хокбарсар.

Ва дар охир хитоби ман ба бачаҳои ҳамсояқишлоқамон Карлмаркс, Сталин, Ҷамъият шумо ҳам нависед ба Ислоҳ, натарсед, бо тарсидан умри шумо дароз ва азоби болои саратон кам намешавад.

Бо умеди пирузӣ! Ассалому алейкум ва раҳматуллоҳи ва баракотуҳу.

Садоҳои Амрулло дар барнома нашр мешавад, то мардум шунаванд чи гуна таҳдид мекунад!  

Дар охир инро меафзоем,ки раиси ноҳияи Панҷ Зарифхуҷа Шоҳиён корношоям шудааст ва беҳтар аст ӯро барканор намоянду як инсони ватандӯстеро ба ҷой ин корношоям таъин намоянд.

                                        Лахш(Ҷиргатол)

 Ассалому алейкум ва раҳматуллоҳи ва баракотуҳу бародар Муҳаммадиқбол. Ман аз ноҳияи Ҷиргатоли пешина, ҳозира Лахш мебошам.

Мехоҳам ба дар бораи собиқ раиси ноҳияи Ҷиргатол дар солҳои 2008 ва 2009   маълумот диҳам.

Эмомалӣ Раҳмонов дар як баромадаш мегуяд, ки аввалин парчами исломӣ дар ноҳияи Ҷиргатол зада шуда буд. Бубинед, шарм накарда чихел дуруғги калон гуфтааст. Дар вақти ин баромадаш собиқ раиси ноҳияи Ҷиргатол иштирок дошт. Ва ҳамаи мардум инро тавассути оинаи нилгун тамошо карда буданд. Баъд аз суханҳои шайтонии Эмомалӣ Раҳмонов ин раисӣ бо ору номус, ки номуси мусалмонӣ дошт ва Аллоҳи меҳрубон ӯро чи қадар ҷуръаташ дода буд аз ҷояш хесту ба назди баландгуяк рафт, дар навбат истод, навбаташ омад то ки бо ин пиргови аллаи зотӣ гап занад.

  Навбаташ расид ба Раҳмонов гуфт, ки муҳтарам президент шумо мардуми Ҷиргатолро паст назанед. Дар ноҳияи Ҷиргатол парчами исломӣ набардоштаанд, шумо нодуруст гуфтед.

  Аз чунин суханҳои раиси ноҳияи Ҷиргатол Раҳмоновро сахт хашмаш омад, сурх шуд. Бегоҳӣ ӯро аз вазифа озод карданд. Ана шери наре, ки вазифа нагуфт, халқ гуфт номус гуфт. Тарафи тоғут ҷуръат карду гап зад.

Бовар кунед бародарам Муҳаммадиқбол! Мо мардуми Ҷиргатол аз дасти ширкати «Фароз» ҳол надорем. Тамоми заминҳо чарогоҳҳоямонро гирифтааст. Намедонем чорвои худро ба куҷо чаро барем? Аз дасти ин ширкат ҳолу рӯз надорем то заминҳои хоҷагии деҳқониро гирифта истодаанд. Додамонро ба кӣ гуем? Худо ҳарчи зудтар ин авлоди гушнаро аз болои мардум дур созад. Бисёр озор дидаем аз дасти инҳо.

                                         Лахш

  Ассалому алейкум ва раҳматуллоҳи ва баракотуҳу бародар Мууҳаммадиқбол! Ин номаро аз Ҷиргатол, аз Лахши имрӯза менависам. Ба назар мерасад ин модарони хатлонӣ фақат милисаву амният ба дунё овардаанд. Дар ноҳияи мо чунон зулм шуда истодааст, ки бо гап фаҳмонидан мумкин нест.

Кормандони милиса, аз началник сар карда то як участковий ҳама аз ҳамонҷо. Амнияти мо ҳам аз Кулобу прокурорамон ҳам аз Кулоб, раиси ноҳияамон ҳам аз Кулоб. Ин чи гап охир? Ягон ҷиргатолӣ нест? Мутаассифона ин милисаҳо аксарияташон бесаводанд, бахудо бархеаш номашро навишта наметавонад. Аммо дар Ҷиргатол шеф ҳаминҳо. Бе пурсиш любой хона даромада свет проверка мекунанд: иҷа чида ихел уҷа чида унхел гуфта тарсонда ҷарима гуфта пулҳои мардумро мегиранд. Сум надорам гуӣ «отдел биё, тра суд мекунем гуфта тарсонӣ дода маҷбурӣ сум мекананд». Дуконҳо даромада патент мепурсанд. Ин чи аблаҳиву аҳмақӣ аст? Охир милиса ба патенту налог чи кор дорад? .

Соли 2014 началники ГАИ буд бо номи Азам. Ё аз Фархор буд ё аз Кулоб. Уро бо як зани шудор қапиданаш. Шуи он зан қапидаш. Баъд Азамро то як  шпиливилӣ накунам видеора ба ҳама нишон дода шармандагиата набарорам гуфта  Азамро чикоре мекунанд. Баъд мардум фаҳмиданд. Азам аз шармандагиаш корро бас ва ба ноҳияи Файзобод перевод карда рафт.

 Дар ноҳияи Ҷиргатол буз ҳам бисёр. Пеш дар ноҳия фоҳишаҳо набуданд, ҳозир  бисёри духтарҳои шудороҳоро ана ҳамин мақомот фоҳиша карданд. Инҳо шавҳаронашон дар муҳоҷират, инҳо бошанд халқро таҷовуз карда гаштаанд.

  Боз як таҷовузгари дигар бо номи Шерафкан аз кулоб. Чандин оилаҳоро ҷудо кард. Шавҳаронашон дар муҳоҷират ин ҳароми бошад ҳамон занҳои мардумро чи хел дар бовариашон даромада таҷовуз карда охираш шавҳаронашон фаҳмида ҷудо шидагианд, чандин кудак ятим шуданд.

  Боз як бузи ҷиргатолӣ аз деҳаи Карчин Файзиддин бо ду кулобӣ як духтари ҷавонро се каса таҷовуз мекунанд. Падари он духтар ба  мақомот хабар кард. Лекин он се таҷовузгарро ягон чиз нагуфтанд. Адолат дар куҷост охир? Ё мардуми Ҷиргатол барои зулмшудан ва таҳқиру таҷовузшудан ҳастанд? Бовар накунед комиссияи бо салоҳият ташкил кунад прокурори нав омада санҷад ҳама ончи гуфтам.

                                             Душанбе

Ассалому алайкум бародар Муҳаммадиқбол! Ман аз шаҳри Душанбе ҳастам ва дар бораи бозори Корвон менависам. Ман шикоят дорам.

Ба раиси Корвон Нуршед Машрабов гуфтаниам, ки қавмпарастӣ накунад, бачаҳои хатлониро кам ғам диҳад. Як рӯзе мешавад, ки ҳамин бачаҳо сахт хафаат мекунанд:

 «Ман ҳамеша аҳмият медиҳам шумо бачаҳои хатлониёра магазиношона печать мезанен, суми калоншона меканен, бад иҷозатш метен ҳуйкнан магазиношона. Миллатпарастӣ накнен. Шумо чхели дар маърака мешинен круги хтонда мазоқ мекнен роҳбари давлата. Накнен! Шумо фақат гаптон Гадоев Тапакшо Шарипович меген, ягом одамшона рои кна ягом корда. Агар раиси шаҳр рои кна мазоқ када меген ду каса бо Нурудин Гунгалиев Мрғак Шарипович рои кадай»

 Шумо бозорро бесум тайёр кардед,а ммо бо нархи қимат ба мардум фурӯхтед. Ҳозир бошад барои як справкаи хариду фуруш, агар таги навес бошад, аз ду то панҷ ҳазор доллари камбағалро мегирад. Нуруддин мегуяд ман доляи Гадоева медиҳам аз ин сум.

Агар ягом кас магазин савдо кунад ставкаашро ҳозир аз 5 то 10- 12 ҳазор доллар маҷбурӣ мегиред, раҳм намекунед. Ҳамон мард хонаашро фурӯхта ин магазинро харидааст: «чантаҳошда ман худам шоҳид будам. Нуруддин мегуяд доляи ман амиқадарай, куҷои мефоратон брен жалб кнен, давида давида миян хавар мекашан, гадоҳо ягом ҷома хурда наметонан. Ай сари мғлш саркада то Гадоевша задагием».

Нуруддин ман як одами наздики шумоям. Ман ҳамаи корҳоятро нуқта бу нуқта   медонам- «кадом давлатода чантагӣ магазин дорӣ, чантаги хона, дар кадом банкҳо сум дорӣ. Ҳамаша неку 80 фоизша медонм. Мара виҷдонм ғам мета, амихел коротона мебинм. Бачаҳои камбағала сумошона мегирен, накнен ами коротона». Нуруддин ту фикр накун, ки сум дорам гап мезадагиашро фалон мекунам. Онҷо мардони ҳалолу покиза кор мекрадагӣ зиёданд. Ҳамроҳ бо сумҳоят «юзт» мемонанд

Бародар Муҳаммадиқбол! Агар ҳаминашро чоп кардеду ислоҳ нашаванд запсҳову видеоҳояшонро роҳӣ мекунам. Он гоҳ сад дар сад бовар мекунанд.

Нуршед ва Нуридин нафсҳоятон крокодил барин шудааст. Аз Худо битарсед!

                         Рудакӣ

Ассалому алайкум бародар Муҳаммадиқбол! Як вақте буд, ки ноҳияи Рудакӣ. Ленини пешини калонтарин ва номдортарин ноҳияи Тоҷикистон ба шумор мерафт.

 Бисёре аз заминҳои мо тобистонҳо ташнаи об мешаванд, ҳатто агар дар зери канал бошанд ҳам. Об ба ин заминҳо намерасад вале налогро ҳамчун замини обӣ мебанданд. Бечора деҳқон аз ҳисоби коркарду кишту ҳосили замин налог супорида наметавонанд. Фарзандошон ба Русия аз барои супоридани налоги замин мераванд. Яке  аз ҳамон бародароне, ки дар дар Крокус-сити туҳмат шудаанд аз деҳаи Гулистони ноҳияи мо мебошад. Аз мо он қадар дур нест. Бо падараш салому алейк будем. Дар линияи Лоҳур танген меронд. Ин ҳамоне бачае аст, ки бо тарҷумон суҳбат мекард.

  Истгоҳи барқи дар шафати деҳаи мо аст. Дар замони советӣ инҷойҳо боғи туту шафтолу буд. Ва аз сабаби аз болои он гузаштан симчубҳои пуршиддати неруи барқ мардум онҷо зиндагӣ намекарданд. Имрӯз заминфурӯшҳо заминро фурухтанд ба ҳама. Он заминфурӯшҳо як қисмаш мурду як қисмашон ва аз кор хориҷ шудаанд. Дар айни замон зиёда аз ҳаштод хоҷагӣ бе ҳуҷҷати истиқомати зиндагӣ доранд

    Ба ҳукумат муроҷиат мекунем мегуянд, ҳозир раис имзо гузорад баъд метавонед документ кунед.

  Бародар ман дар ҳамин ватсап менависам, дар зери ҳамин наворҳои фиристодаам. Ва шумо ин наворҳоро дар барномаи «Номаҳо аз ноҳияҳо» гузоред, вале наворе, ки овоз дорад беовоз карда дар барномаатон гузоред ва ман кушиш мекунам, ки хуб нависам.

  Дуо мекунам, ки Аллоҳ Раҳмоновро тезтар аз сари мо мардуми мазлум нест кунад. Омин.

Ман аз ноҳияи Рудакӣ наворе роҳӣ мекунам ва аз каналҳои обёрикунии маҳаллаам ҳарф мезанам вале намехоҳам маҳаллаамро ном гирам. Лекин номбар мекунам ҳамон ҷойҳоеро, ки ин канал аз он маҳаллаҳо мегузарад.

Ин канал саршавиаш аз куҷост намедонам, лекин аз онҷое, ки номбар мекунам аз он ҷойҳо пои пиёда ҳам гузаштаам. 

Ин канал бо поёни беморхонаи марказии ноҳияи Рудакӣ мегузарад. Беморхона номаш МИС мебошад. Ҳамон мосте, ки ба болои канал мегузарад, тагаш пури лойоба аст ва ҳамин тавр канал мегузарад ба болои маҳаллаи геологҳо, стадиони марказии Куктош ва ба болои ноҳия ва инчунин ба болои ШВКД-и ноҳия ва ҳамин хел бо байни деҳаи пештара Карл Маркс ва ба болои посёлкаи панҷум микрорайон. Ва мактаби пешинаи № 203 ҳозира гимназия. Гимназияро низ трубаҳои обигармидиҳиро бо котелниаш канда фурӯхтагианд. Ҳудуди котелнийи мактабро замин карда фурӯхтанд.

  Канал давом медиҳад бо байни маҳаллаи Кирпичний, деҳаи Заркамар, пештара Ттюбек, Лоҳур, Гулистон, ҷамоати Лоҳур, то маҳаллаи Қосимобод.

  Раҳмонов! Туро бо роҳи калон як мегузаронанд ва дарунтари деҳаҳо намедароранд, ки аҳволи маҳаллаҳоро бубинӣ. Дар ин гузарҳо дар ҷавониамон мо аз барои чорвоҳои хонагиамон алаф даравида мебурдем. Як вақтҳо дар давраи советӣ аз ҳамин канал то ба тани куҳ, ки деҳаи Пахолсой аст бо лулаҳо об бурда буданд ва дар болои канал то деҳаҳои Заркамар замини юнучқа буд, ин заминҳои юнучқа обёрӣ карда мешуд ва дар байни деҳаи Пахолсойю ҳамин заминҳои юнучқа боғи ангур буд. Марҳамат худат бубин. Дар ин боғи ангур ягон стойкаашро намебинӣ ҳамаашро канда бурдаанд. Ин чи ҳукуматдорист? Стойкаҳои ангур ба монанди лулаҳои гармидиҳии мактаби пешина 203 ба номи Муқим Султонов ғорат карда шудаанд.

   Ин аст навори заминҳои юнучқа ва то замини ангурҳоро нарафтам.

Худи мақомот бояд ин ҷойҳоро бинанд. Аммо баракс ин мақомот имруз худашон дастонашон олудаи ҳамин ғоратгариҳо мебошад. Раҳмонов он мошинҳое, ки дар таги пой доранд мақомотат ва хонаҳои дакаданг аз рӯи ҳамин заминҳои валангору аз рӯи ҳамин каналҳои пур аз лойю хок мебошад.

  Раҳмонов мумкин аз моликияти давлат барои ҳамин каналҳо пул ҷудо кунанд вале то канал норасида пул тамом мешавад ва мақомот соҳиби мошину хонаҳои дакаданг мебошанд.

  Як вақт Рустами писарат дар шабакаи Вайбер рақамашро гузошта буд ва ба мардум муроҷиат карда буд, ки ҳамин хел камбудиҳоро сёмка карда дар Вайбер  партоянд ва якҷоя кор кунем ва ватанро обод кунем. Аммо ӯ симкартаҳои телефонҳоро чи кор кард? Мардум медонад, мақсади мақомотро то худат бо ҳамин роҳ мехостед мардуми жалоб навистагиро яктачин кунед? Не, мурғе, ки туву писару хонаводаат пуст мекунад, ман барвақт хурда ҳал кардам. Ман давно мехостам ин каналҳоро дар вайбери писарат партоям, аммо вақте ӯ симкартҳоро документалний кард, аз навор карда фиристодан даст кашидам.  

Имруз на як барномае ҳаст, ки мардум суханашро озод гап мезанад. Ту Раҳмонов мардуми озодфикрро яктачин карда истодаӣ. Ин зулмат то ба кай? Далери Эмомалӣ чи гуноҳ дошт? Ё Абдусатор Пирмуҳаммадзода, Абдуллоҳ Ғурбатӣ ва дигар рӯзноманигорон? Акбаршоҳи Искандар чӣ? Ва он Шокирҷон Ҳакимов чӣ, ки модараш ин ғами боздошти писарашро таҳаммул накарда фавтид, натавонист дар марсими ҷаноза ва видоъ бо модараш иштирок кунад.

  Боз ту бо кадом рӯ ва обруят мегуӣ моро модар таваллуд кардааст.

  Аз мавзуи канал берун шудам. Чунки ман як марди ватандӯст, миллатамро дӯст медорам. Дар ҳақиқат имрӯз нест расонае, ки мардум камбудиашро озод гап занад ва мо маҷбурем ба шабакаи «Ислоҳ» дардамонро гап занем.

  Раҳмонов истеъфо те! Баромада рав ва бо писару авлодат аз сари ҳукумат нест шав! Як бор мард шав. Дар умрат як бор мардӣ кун.

  Эй бародар Муҳаммадиқбол ҳамаи ҳамин видеоҳоро мон, нашр кун. Мон мардум бинанд. Хайр, қапиданд, маҳкам кардан гиранд. Манам қурбони ҳамин миллату хоки ватанам. Одам чи қадар ба як кас алам кунад то чанде оташ аз дарун аланга мезадааст. Агар зиндон мекунанд боз ҳамин мақомоте, ки вобаста ба ҳамин заминҳову каналҳо ҳаст ҳамоно зиндонӣ мекунанд. Лаънат ба он касе, ки хиёнат бар ин хоки сарзамин мекунад. Лаънати Аллоҳ ба он мақомотҳову бар он ҳукуматиҳо.

Сообщение Номаҳо аз ноҳияҳо ба «Ислоҳ.нет» №210 появились сначала на ISLOH.net.

Аз шумо хоҳиш мекунем, ки ин навиштаро як видео карда ба мақомдорон расонед, то Эмомал Раҳмонов пешвои оила бохабар шавад, ки дар асл дар кишвар чиҳо мегузарад. Аз мактаб шурӯъ мекунем. Ҷамоати Озодагон, деҳаи Шахмат.    Директори мактаби №11Давлатшоҳи Раҷабалӣ, соли таваллудаш 2.02.1991. Беш аз як сол мешавад, ки ба ин мактаб директор таъин шуд. Баъд аз омадани вай талабаҳо на рӯз доранду на ҳол. Касеро хоҳад пеш мекунад, касеро хоҳад мемонад.

Талабаҳои синфи10 ва11-ро мегӯяд «аз тарафи маориф хизмат равед вагарна аттестати хатми синфи11-ро намедиҳам, куҷое мерен, брен шикоят кунен. Агар хизмат равӣ, мактаб нахон, рав хизмат, биё аттестат медиҳам».

Талабаҳо мегуянд:  «хизмат намерам, хонданӣ мерам». Мегӯяд «пул биёр, барои дохил шудан, ман худам туро бурда тести экзамен мегузаронам».

«Боз духтарҳоро таҳдид мекунад, ки «духтарҳо агар хонданӣ нарен, мактаб нахонен». Дар деҳа касе пишаки ӯро пишт гуфта наметавонад. Барои онки боз ҳамкори амният ҳам ҳаст. Ҳама аз вай ибо мекунанд. Тағояш Шарофиддин Асомиддинзода мудири шӯъбаи маорифи ноҳия мебошад.»

Давлатшоҳи Раҷабалӣ як маҷлис доир намуда мактабро хеле таъриф кард, ки барояш ин кардему он кардем. Аммо дар асл тамоми корҳои навсозиву таъмиру тармими мактабро мо худамон-муаллимҳо, талабаҳо ва мардуми деҳа анҷом додаем ва то ҳоло ҳам худамон ин корҳоро карда истодаем. Ҳоҷатхонаи мактабро аз Русия пул мефиристем, то мошин омада тоза кунад.

 «Ба худо қасам акаи Муҳаммадиқбол худамон 3 моҳ пеш ҳоҷатхона сохтем. Беш аз 30.000 сомонӣ аз Русия ҷамъ карда роҳӣ карданд.Тахминан таги 40.000 сомонии дигар барои тамоми мактаб ва синфхонаҳо камера харидем ва барои як чанд телевизори дигар пул фиристоданд аз Русия бачаҳои муҳоҷирмон. Ҳамаи ин чизҳоро харида соз кардем.Сипас директори мактаб Шарофиддин Асомиддинзодаро даъват кард, ки бубин, ман хело пешравӣ кардам. Аслан вазифаи директориро ба Давлатшоҳи Раҷабалӣ барои бузӣ карданаш додаанд.Ӯ як одами бесавод аст. Панҷ моҳ дар компютер хонд, аммо то ҳол ақлаш намегирад. Давоми чанд соли кораш фақат хабаркашӣ кард:- ба маориф ва амният. Сипас ин вазифаро соҳиб шуд. «Ма зурм мега, дар ин ноҳия маро касе ягон кор карда наметона».

Вақте чанде аз талабаҳоро пеш карду онҳо хостанд, ки раванду ба мактаби рақами 1 таҳсилро идома диҳанд, аммо дар онҷо онҳоро қабул намекунанд ва мегӯянд, ки директори мактабатон иҷозат намедиҳад, то шуморо қабул кунанд.

Аммо ин Давлатшоҳи Раҷабалӣ танҳо нафаре дар Панҷ нест, ки бузи амниятиҳо шуда бошад.

Боз як бузи дигар ҳам ҳаст. Иззатов Тоҷиддин, бо лақаби Тоҷи сиёҳ. Як тағои ӯ дар шаҳри Кӯлоб прокурор аст. Аз пушти ҳамон ҳамаи милисаҳоро метарсонад. Мошинаш ягон намуд ҳуҷҷат надорад. Вақте мошини ӯро қарор медиҳанд, ин Тоҷи сиёҳ як сигнал дода меравад, намеистад. Феълан дар Қараболои ноҳия дар «Ёрии таъҷилӣ» кор мекунад, то бинад, ки дар хонаҳои мардум чи мегузарад, чунки бузи амниятиҳо аст. Касе як табақ ош карду як нон дод ин буз ба танзим хабар мекашад.

» Бовар кунед, ки директори мактаби рақами 23  бошад як даҳмардаи тайёр аст. Як чизи дигарро бигӯям, ки дар ҳамин моҳи Рамазон ҳам дар баъзе минтақаҳои ноҳия светкуширо сар кардаанд. Ин беимонҳо бояд дар ҳамин моҳи муборак ҳам мардумро ғам диҳанд. Бояд намонанд барои ифторашон аз қувваи барқ истифода бурда бароҳат хурокашонро пазанд. Чанд руз аст ки ҳамин аҳвол аст. Айни ҳол таъмири ҳамаи мактабҳои ноҳия ба таври маҷбурӣ аз ҳисоби халқ ҷараён дорад. Синфҳои 11ро ҳам маҷбурӣ ба сафи артиш бурда истодаанд.»

Дар мактаби деҳаи «Коммунизм» низ аҳвол ҳамин хел аст. Бачаҳо аз Русия пул фиристоданд, майдончаи варзишӣ рост карданду барои мактаб замини ҷудошударо Сертификат   карданд. Барои сертификат 3000 сомонӣ доданд. Ҳоло директори мактаб як бачаи соли таваллудаш 94 ва даҳмарда аст. Ҳамагӣ чил руз курс хондагӣ аст. Духтаре ба номи Оиша як сол хонда омад. Ҳамин директори мактабро 3000сомонӣ дод, баъд ба кор қабул кард. Ҳар касе бихоҳад муаллим ва ё муаллима шавад аз 1500 то 3000 сомонӣ пора медиҳад, сипас ба кор қабул мекунад. Директор мегуяд, ки ин пулро ба маориф медиҳад.

» Шарипов Саъдулло, яке аз кормандони шуъбаи маориф вақтҳои пеш муаллими бонуфузи ноҳия буд. Гоҳо бо ӯ ҳамсуҳбат мешавам, мегуяд, ки ҳамаи коргарони маориф шахсони порахури бесаводанд, фақат корашон аз директорҳои мактаб пора гирифтан аст. Онҳо парво надоранд, ки савод дорӣ ё надорӣ. Гуспанд ё пул гирифта ба кор қабул мекунанд. Ҳамин Шарофиддин Асомиддинзода ва Саймиддин «отделкадр»-и шуъбаи маориф аз қишлоқи Ёзганд мебошанд. Саймидинро Набӣ Искандаров, як мақоми масъули  Суди олӣ «кришават» мекунад. Набӣ ҳам аз Ёзганд аст.»

Асомиддинзода Шарофиддин айни ҳол мудири маорифи Панҷ аст. Ӯ яке аз порахуртарин нафарони Панҷ мебошад. Вай аз ҳисоби порахурӣ дар маориф соҳиби чанд хона дар шаҳр, чанд ресторану марказҳои савдо ва мошинҳои қиматбаҳо шуд. Мошинаш “Prado”и сиёҳ, номерҳояш 0008 03 мебошад. Бензини ин мошини серрасход ба навбат аз ҳисоби директорони мактабҳо таъмин карда мешавад.

Вай ҳамаи ободкориҳоеро, ки дар мактабҳо аз тарафи халқ ва пули халқ анҷом дода мешуд, санадҳои қалбакӣ тартиб дода аз буҷаи маориф «списат» карда дар кисааш мезанад. Директорони мактабҳо аз хонандаҳо пул ҷамъ карда ҳар моҳ ба ӯ доля медиҳанд. Ӯ аз ҳар директори мактаб 5 то 10 ҳазор сомонӣ гирифта ба вазифа таъин менамояд. Дар ноҳия 54 мактаб мавҷуд мебошад. Мудири маориф ҳаргоҳе дар хонааш ягон тую маърака барпо кунад, бояд ҳар як директори мактаб аз муаллимҳо1000 то 2000сомонӣ ҷамъ намуда ба ӯ ҳамчун туёна бурда диҳед. Доимо директорон дар мактабҳо бо баҳонаи обуна пул ҷамъ карда ба ӯ бурда медиҳанд. Ӯ ҳар сол то7 ё 8 ҳазор сомонӣ ба ҳар мактаб вобаста ба шумораи хонанда ва муалимонаш пули обуна мефармояд ва ин пул аз ҳисоби муаллимони бечора дар чанд моҳи маошашон ҷамъ ва супорида мешавад.

Даъват ва ҷалби ҷавонҳо ба хидмати сарбозӣ ба вай дахл надорад. Аммо вай ба зиммаи ҳар директор овардани як нафари сарбозро маҷбурӣ вогузор мекунад. Агар аз уҳдааш набароянд онҳоро мутаҳҳам мекунад. Директори мактаб ё 5000 сомонӣ дода гиребони худро халос мекунад ё ки бояд як ҷавонро ба сарбозӣ ҷалб кунад.

Вай хело чоплуси зирак аст. Вақте ки ягон гуфти худашон (калон) ба ноҳия меояд, ӯ дар пешаш чоплусӣ карда худашро ширин мекунад ва ӯро дар ресторанаш зиёфат дода кисаашро пур карда аз худаш розӣ мекунонад,то дар боло дар бори ӯ рекомендатсияи мусбат диҳад. Ӯ соли 2009 ба ин вазифа таъин шуда буд. Дар мудати 5 -6 сол аз ҳисоби порагирӣ хело пулдор шуд.Сипас чанд сол дар вазифаи муовини раиси ноҳия кор кард. Аммо номзадиаш ба вазифаи раиси ноҳия нагузашт. Баъди муовинии раиси ноҳия ӯро дар ҳукумати вилоят мудири бахши экспорт ва импорт таъин карданд. Дар ноҳияи Панҷ на экспорт аст , на импорт ва ҳамааш дар идораи оилаи пешво қарор дорад ва аз онҷо ягон чи начакид. Аз ин сабаб дар онҷо онқадар порахуриӣ карда натавонист. Дар вилоят «ходаш» надоданд ва дид, ки аз ҳама ҷои фароху даромаддор барои ӯ шӯъбаи маориф аст. Боз пора дода ба вазифай пештарааш -мудири шӯъбаи маориф таъин шуд. Ҳоло бошад боз мисли пештара мисли кана хуни муаллимҳои бечораро хурда истодааст.

Мудири собиқи шуъбаи маориф Матлуба Чутова буд. Вай ҳам умуман савод надошт вале 5000доллар дода вазифаро гирифта буд Бо Маҳмадюнуси бачаи Кабуд Сайфидин, раиси пешини ноҳия алоқаи маҳрамона дошт. Ба ҳамн сабаб буд, ки то замоне Маҳмадюнус раиси ноҳия буд вай ҳам ҳамчун мудири маориф кор мекард. Ин Чутова Матлуба баъди давраи аввали мудири маориф будани Шарифиддин Асомиддинзода ба ҷои вай омад. Вале чуноне гуфтем Шарофиддин боз дуюмбора пора дода вазифаро гирифт. Вақте вай ба ҳайси мудири маорифи ноҳия кор мекард, тамоми квотаҳоро ба пул мефурӯхт. Аз ҷумҳурӣ ва вилоят барои ҳар як ноҳия квота барои донишгоҳҳо ҷудо карда шудааст. Вай, барои мисол квотаи Донишгоҳи миллӣ ва ё тиббиро аз 3 то 5.000 доллар мефурӯхт. Шахсан, як нафарро Шарипов Саъдулло пеши ӯ равон кард, то ки духтарашро квотаи Донишгоҳи тиббӣ бидиҳад. Ӯ рӯирост мегӯяд, ки танҳо ба хотири Шарипов Саъдулло 1500 доллар медиҳӣ, дохилаш мекунам. Аммо вай розӣ намешавад. Он духтар худаш мустақилона ва бо дониши худаш дар донишгоҳи ба номи Носири Хусрави Бохтар дохил мешавад. Ин Матлуба бо ҳамдастии раиси ноҳия Маҳмадюнуси Сайфиддин дар Мирзоянс чандин заминҳоро гирифта ва хона сохта фурухт. Бачаи Кабуд Сайфиддин ҳам ҷинояткор аст ва ҳам зинокорӣ ва низ мамарозагӣ карда ба одамони пулдор духтарҳоро мефурӯхт. Ё барои онҳое, ки аз Душанбе ва ё вилоят барои тафтиш оянд, духтарҳоро «туғрӣ» мекард. Вай нафақат бо Маҳмадюнуси Сайфиддин, балки бо бисёр нафарон муносибатҳои маҳрамона дошт. Чи хеле гуфтам, ҳангоме аз боло барои тафтиш меомаданд, ӯ ба онҳо баъзе муаллимаҳои сабукпо ва ё духтарҳоро барои … тайёр мекард.

Ин бачаи Кабут Сайфиддин аз ҳар саг як устухон қарздор аст. Юсуф ва Юнус ҳарду бачаҳои Кабуд Сайфиддин инсонҳои касиф ва фосиқе мебошанд. Юсуф бо наркотик ҳам машғул аст. Писари ҳамин Юсуф сардори ОБНОНи вилоят аст. Онҳо бо Шукурҷон Зуҳуров, раиси пешини Маҷлиси намояндагон қудоянд. Духтараш келини Зуҳуров аст. Ойҷони директори бозори Панҷ духтархолааш аст.

 «Инҳо як гуруҳе ҳастанд духтарҳоро бурда дар ҷойҳои махсус тани бараҳна карда дар пешашон рақс мекунанд. Ин Маҳмадюнуси писари Кабути Сайфиддин ҳангоми раиси ноҳия буданаш дар хоҷагии Мирзоянс дар 25 гектар пахта мекорид. Дар онҷо дар таъминоти об танқисӣ ҳаст. Бовар кунед, Алишери писараш соли дароз мардумро намемонд, ки зироатҳояшонро об диҳанд. Мардумро дашномҳои қабеҳ дода лату куб мекард. Бо ёрдамчиҳояш мардумро метарсонд, ки обро касе нагирад, дар ҳоле, ки онҳо андози обро саривақт медиҳанд. Соли дароз фақат заминҳои худашро об медод ва доимо бо мошинаш дар он маҳала гашта фақат зинокорӣ ва ба баъзе занҳои шавҳардор руирост таклиф мекард.Чандин касҳо аз пушташ ва барои корҳои ҳаромаш шикоят мекарданд, вале ӯро ҳеҷ кас ҳеҷ чиз гуфта наметавонист.»

Дар бораи ҷиноятҳои раиси пешини ноҳия Маҳмадюнус Сайфиддин инро гуфтаниам, ки вай пеш аз Шоҳиён Зарифхуҷа раиси ноҳияи Панҷ буд. Ӯзодаи ҷамоати Кабути Сайфиддини ноҳияи Панҷ аст. Барои раиси ноҳия шуданаш 70ҳазор доллар пора дода буд. Ин маблағро аз ҳар кас қарз гирифта буд. Баъди раис шуданаш аз ҳар сагу пишак қарздор шуда ва барои қарзашро адо кардан заминҳои ноҳияро фурухт. Корҳо анҷомдодаи сокинони ноҳияро аз ҳисоби буҷҷаи ноҳияи “списат” карда мегирифт.

Ҳамаи соҳибкорони ноҳияро доля мебаст. Бо ҳар роҳу восита буҷаи ноҳияро медуздид. Заҳбурҳои ноҳияро намеканд ва аз буҷети ноҳия пулашро бо водхоз списат карда дар кисааш зада халқро маҷбур мекард, ки худашон пул ҷамъ карда экскаватор оварда заҳбурҳоро кананд. Уро ҳеҷ кас гап зада наметавонист, чунки уро Шукурҷон  Зуҳуров “кришават” мекард.

«Маҳмадюнуси Сайфиддинро барои онки ба Дастгоҳи иҷроияи Президент роҷеъ ба сели омада дар ноҳия маълумоти бардурӯғ дод аз кор сабукдушаш карданд ва ба ҷояш Шоҳиён Зарифхуҷаро оварданд.»

Ин нуктаро бояд махсус зикр намоем, ки  чарогоҳҳои ноҳияи Панҷро хусурбачаи Эмомалӣ Раҳмонов ҳоҷӣ Раҳматулло ва пистаи куҳҳоро бошад ширкати “Фароз”-иШамсулло Соҳибови домоди Раҳмонов аз мардум шапида гирифтанд. Ҳоло бошад чарогоҳҳои маҳалларо ҳам кашида гирифтанд. Кор ба дараҷае расидааст, ки дар як дашти кушод гову гусфандонамонро аз хона бароварда наметавонем.

Наход инсон то ин дараҷа гурусначашм бошад.

Мардуми маҳаллаи Коммунизми ҷамоати Намуна пул ҷамъ карда дар чарогоҳи деҳаашон барои гову молашон ҳавзи об сохтанд то гову гусфандашон аз онҷо об хуранд, вале 2моҳ мешавад Абдуалими раиси Идораи ҷангал ба порахурони Кумитаи замини ноҳия Маҳмадалӣ ва Сайнуриддин пора дода заминҳои чарогоҳ ва ҳавзи ин маҳалларо ғайриқонунӣ барои рамаи моли ҷиянҳояш забт карда гирифт. Мардуми деҳа бошад ҷамъ шуда рафта эътироз карданд ва уро аз онҷо пеш карданд ва ба прокуратура аризаи шикоятӣ навиштанд. Аммо Абдуалим боз рафта пора дод ва баъди ду руз экскватор оварда гирди чарогоҳро канда маҳкам карда гирифт. Абдуалим аз Данғара буда қудои хусурбачаи президент мебошад. Вай мардумро дашномҳои қабеҳ карда гуфтааст: ”агар то президент ҳам шикоят кунед,ягон кор аз дастатон намеояд”.

«Аламовараш ин аст, ки прокуратура ҷойи онки ҷинояткорро ҷазо дода мушкили мардумро ҳал кунад, ҳамаи нафарони шикояткардагиро аз 5ҳазор то 10ҳазор штраф ва ба онҳо таҳдид кардааст, ки “агар як бори дигар эътироз ва шикоят мекунед, вазъатонр безеб мекунам”. Ҳоло бошад чарогоҳҳои маҳаллаҳои дигарро ҳам гирифтанианд. Ин порахурони кумитаи замини ноҳия аз ҳад гузаронидаанд, бояд нисбати онҳо ҳатман чораҷуӣ карда шавад. Ҳамаи заминҳои обии ноҳияро бо ҳамдастии раиси ноҳия ва дигар мақомот фурӯхта истодаанд.»

Мисол меоварам. Ҳамин Шарипов Сайнуриддин ҳамаи заминҳои Мирзоянси ҷамоати Намунаро бо ҳамроҳии раиси ҷамоати пешини Намуна бо нархи 1800долларӣ фурухтанд ва аз ин пул ҳиссае ба раиси ноҳия ва прокурор дода дигарашро ба кисаи худ заданд.

«Мисоли дигар. Дар деҳаи Сангвори ҷамоати Меҳвар замини як марди камбағали бечораро бо баҳонаи беҳуҷҷат буданаш кормандони кумитаи замин ва раиси ҷамоат Назриев Маҳмадёр бо фармони прокурор кашида гирифтанд ва прокурор бошад он заминро ба ивази 25ҳазор сомонӣ ба ҳоҷӣ Мирзовалӣ фурухт ва гуфт дар он як коргоҳи дузандагӣ месозӣ ва мегуӣ он заминро бепул гирифтааст. Агар пул додам гуфтанатро шунидам маҳкамат мекунам.»

Ҳоҷӣ Мирзовалӣ дид, ки кашмакашаш бисёр фоида надорад ягон иморат насохта аз баҳри пулаш ҳам гузашт. Ин масъулини ноҳия корашон фақат ғорат кардани халқ аст. Деҳаҳои Мирзоянс ва Комунизми ҷамоати Намуна азбаски дар тепаҳо ҷойгир ҳастанд ҳатто оби нушиданӣ надоранд, мардуми бечора обро бо мошину бо хар мекашанд.

Имсол боронгарӣ кам шуд. Ҳама зироатҳо аз беобӣ сухтанд. Дар ҳоле, ки насосҳо аз давраи шуравӣ боқӣ мондаанду вайрону валангоранд касе аз масъулини ноҳия дар фикри таъмини оби он маҳалҳо нест. Баръакс раиси ноҳия Шоҳиён Зарифхуҷа шарм накарда дар маҷлисҳояш раисони маҳалаҳои ин ҷамоатро хезонда сиёсат мекардааст, ки шумо аҷаб мардуми беномус будаед. Қариб 700 хоҷагӣ ҳастед аз уҳда намебароед, ки насоси маҳалатонро таъмир карда обатонро таъмин кунед.

«Ҳозир дар мактаби деҳаи «Коммунизм» ҳисоб кардаанд, ки бояд аз ҳар як хонанда150 сомонӣ ҷамъ кунанд, то ин ки 6 ё 7 синфхонасозанд. Ин хам дуруст аст ки барои муаллимӣ пора дода кор мекунӣ. Бар иловаи ин ҳама директор ҳармоҳа аз 50 то 200 сомонӣ аз маоошашон мегирад ва мегӯяд, ки барои маориф. Бовар кунед, муаллимаҳое кор мекунанд, ки забони давлатиро 20% ҳам намедонанд. Аксари узбекзабонони ноҳияи Панҷ дар соҳаи тандурустӣ ва маориф кор мекунанд. Ин узбекон бо маоши паст кор мекунанд, боз пора медиҳанд. Аммо ҳеҷ гоҳ иқрор намешаванд, ки пора додем. Бисёр вақт шахсан бо кормандони ГАИ баҳс мекунам. Онҳо мегуянд шумо тоҷикон фақат баҳс мекунед. Узбек дар ҳол пора дода рафтан мегирад.»

Ҳоло мардум ин маҳал аз ҳама оилаҳо 600сомонӣ ҷамъ карда истодаанд то насосҳоро таъмир карда ба маҳалҳояшон об кашанд. Мо бошем сокинони дигар маҳалаҳой ҷамоати Намуна авҳоли мардуми маҳалаи Коммунизмро дида ба хулосае омадем, ки шикояти мо ҳам ба мақомот фоида надорад, баракс штраф карда мешавем ва барои ҳамин ба шумо навиштем, ки ба тамоми ҳалқи Тоҷикистон расонед, ки косаи сабрамон лабрез шудааст.

Дар ноҳияи Панҷ китобхонае  вуҷуд дорад, аммо бе китоб. Ҳайратовар ин аст ки коргаронашон дар хона шишта ҳар моҳ маошашонро мегиранд. Заминҳои гирду пеши бино кайхо бо қарори раиси нохия фурӯхта шудаанд  ва одамон дар инҷо хона сохтаанд. Ҳолати биноро бинед гуё, ки бино баъди ҷанг дуюми ҷаҳон боқӣ монда бошад. Оё инро раиси ноҳия Шоҳиён намедида башад? Чаро Шоҳиён барои худ дар шаш моҳи корӣ хонаи боҳашамат сохта метавонаду барои таъмири чунин бино коре намекунад. Инҷо боз як қитъаи замини барои сохтумони мактаби замонавӣ аст ки 4- сол мешавад Президентро фиреб дода лентаашро бурида буданд. Ҳоло бошад ин замин ба чарогоҳи гову моли мардум табдил шудааст. Як бинои боғчаи бачагонаро талаву тороҷ намуда заминашро бо қарори раиси ноҳия ба хешу табори худ фурухтаанд.

Инро ҳам бояд бигӯям, ки махсуми Ҳабибулло бачаи махсуми Ҳандуло мебошад. Вай дар масҷиди ҷамоати Намуна хатиб аст. Аввал эшони Хуршед хатиб буд. Ӯро аз кор гирифтанд. Сабаби гирифтанаш ин буд, ки дар вилоят маҷлиси калон мешавад. Ин эшонҳо ҳам дар онҷо ҳузур доранд. Дар маҷлис ба онҳо мегӯянд, ки шумо имомхатибҳо мардумро насиҳат намекунед. Бачаҳо Сурия рафтанд ва дар Гуруҳи 24 ва Паймони миллӣ шомил шуданд. Эшони Хуршед аз ҷо мехезад ва иҷозаи сухан мегирад ва мегӯяд, ки барои он ба Сурия ва ҳар ҳизбу ҳаракатҳо шомил шуданд, шумо масҷидҳоро бастед, намози то 18солаҳоро манъ намудед ва муллоҳоро нагузоштед, ки сабақ диҳанд. Барои ҳамин ин ҳама айби худи ҳукумат аст, мегуяд эшон. Барои ин суханаш сардори амнияти вилоят фармон медиҳад, ки маҳкамаш кунед. Вале як эшони куҳнасол аз тарафи Куйбеш ё Қизилқалъа мегуяд, ки “истед, ҳамин одам рост мегуяд”. Баъдан эшонро аз кор то хона наомада аз имомхатибӣ ҷавобаш медиҳанд.

Ҳукумати ноҳияи Панҷ корпуси насосро овард.Қисмҳои эҳтиётии он 60 ҳазор сомонӣ арзиш доштааст. Аз ҳар хоҷагии маҳалла аз 400 то 500 сомонӣ маҷбурӣ пул ҷамъ мекунанд. Мегуянд, ки агар хоҳед заминҳоятонро об диҳед бояд ин миқдор пулро супоред. Соли 2019 ин насосҳоро иваз карда буданд. Аз Хитой оварда буданд ва гузориш дода буданд, ки мо ҳамаашро нав кардем. Аммо як сол нагузашта ҳамааш сухту корношоям шуд. 1миллион доллар ҷудо карда аз ҳисоби буҷҷа пулро гирифтанд. Аммо мардум порсол обро хариданд. Аммо зироатҳо аз камобӣ сухт. Вале маҷбур карданд, ки андози обро медиҳед, чунки заминҳои шумо обӣ ҳастанд. Имсол ҳам дар ҳамин моҳ  ҳар як хоҷагии маҳалларо маҷбур карданд, ки 500сомонӣ медиҳед, кадоме надиҳад ба участковий медихемаш то штрафаш кунад. Сайалӣ Маликов, раиси маҳалла мардумро фақат аз нозири минтақа метарсонад. Дар инҷо чанд нассоси калон барои мардум хизмат мекард. Ин насосҳо аз давраи шӯравӣ мондагӣ буданд. Аммо ҳоҷӣ Раҳматулло онҳоро фақат барои заминҳои худаш истифода мекунад. Ҳатто яктои дигараш, ки то порсол барои мардум кор мекард, онро ҳам ин беимон бурд. Гуфтааст, ки ноҳияи Панҷ дар ихтиёри ман аст “форам любои чизашро мебарам ягон кас ҳақ надорад манро гап занад”.

Бачаҳои насосчӣ гуфтанаш, ки насосро мебарӣ мардуми маҳалла беоб мемонанд, ин беимон ҳамин ҷавобро дода боз таҳдид кардааст, ки “ба ман “по..уй”, ки мардум об мегирад ё не?”.

Дар ноҳияи Панҷ чор то буз ҳаст, ки номи яктоашро медонам. Худаш дар пеши ман ва ду се нафари дигар иқрор кард,ки “ҳар моҳ маро даъват мекунанд ба дастгоҳ ва  моро мегуянд, ки мардумро фаҳмонед бо мухолифин ҳамроҳ нашаванд, вайҳо хоинанд,мардумро роҳнамоии хуб кунед”. Номи ин шахс пеши Ислоҳ маҳфӯз аст дар ҳолати идома пайдо кардан онро расонаӣ хоҳем кард. Ин Бузи амният ҳар моҳ барои бузиаш 2500сомонӣ мегирад. Аз ҷамоати Намуна аст. Дигарҳояшро дақиқ намедонем ,вале ин бузи ҳамсоя чунин гуфт,ки яктои дигараш аз ҷамоати Озодагон ва сеюмаш аз ҷамоати Нури ваҳдат мебошад,ки мебинамашон дар идора.

Шахсе бо амният ҳамкории зич дорад пеш раиси мелкомбинати Қурғонтеппа буд. Солҳои 2002-2003 дар вазифаи раиси ҷамоати Намуна ҳам кор кардааст. Нафари дигар бо номи А  аз деҳаи Сангвор, ҷиянаш вазири ….. аст. Вай бачаҳояшро мегуфтааст, ки ба мардум бифаҳмонанд, ки бо мухолифини ҳамроҳ нашаванд, барномаҳои онҳоро тамошо накунанд, онҳо хоинанд.

Аммо бародар Муҳаммадиқбол  мо ба шумо ва мухолифин бовар дорем. Мо,кайҳо фаҳмидаем, ки хоин ҳаминҳо, ҳамин ғоратгароне Эмомалӣ Раҳмонов онҳоро бар сари мо гузоштааст, то моро зулм кунанд.

Умеди онро дорем аз вазири навтаини Маориф ва илми ҷумҳурӣ, то вазири дохилӣ ва прокуратура ва дигар ниҳодҳое шикоятҳои мо ба онҳо марбут аст мехонанду ба додамон мерасанд. Боварамон кунед вазъамон аз бад бадтар аст,  бидуни огоҳи намояндаҳоятонро фиристеду санҷед худатон. Агар боз намояндагоне бошанд, ки порагирӣ оянд лутфан нафиристед,ки ин ғоратгарони мо пул медиҳанду баъд аз мо он пули додаашонро ҷамъкарда мегиранд.   

Поёни бахши севвум, идома дорад

Сообщение Шикояти Панҷиҳо аз вазъи маориф ва дигар соҳаҳо появились сначала на ISLOH.net.