Ба ин тартиб дар ин нашри барнома чор нома дорем, ки ба ҳайси чошнӣ камкам аз ҳар кадомеаш гуфтем. Муҳтавои онҳоро дар номаҳо мутолиа хоҳед кард.

                                             Душанбе

 Ассалому алайкум бародар Муҳаммадиқбол. Аз пойтахти азизи Тоҷикистон, аз Душанбе ин номаро мефиристам. Инҷо зодаву калон шудаам. Ман дар кӯчаҳои шаҳр бисёр мегардам. Бисёр ҳодисаҳоро мебинам. Ба шумо дар бораи милисаҳо, дурусттараш учстковийҳои шаҳр навиштаниам.

Дар ҳамин моҳи рамазон як рӯз дар хиёбони кӯчаи Айнӣ милисаҳо шагат карда истода буданд. Инҷо участковий як бачаи қадбаланди сиёҳ аст. Омаду панҷ дона питса аз Додо-питса гирифт, питсаҳои яксаду чанд сомонӣ ва бо милисаҳои ҳамроҳаш баъд аз шагат нишастанду хӯрданд. Ман, бо кормандони Додо-питса шинос ҳастам. Пурсидам, ки чаро ин участковий питсаро гирифт, вале пул надод?  Корманди питсерия гуфт, ки ин участковийи ҳаминҷо аст ва ҳар моҳ меояд ҳамин хел бепул мегирад. Ва боз гуфт, ки кроме инҳо боз пажар меояд ва вай ҳам ҳамин хел бепул мегирад. Барои ҳамин нархи питса баланд карда мешавад. 

Ман солҳои ахир дар Русия дар муҳоиҷрати корӣ ҳастам ва як меояму меравам.

Як рафиқи солҳои мактабиам дар яке аз мақомот кор мекунад. Бо вай сӯҳбат доштам. Гуфт дар шаҳр ҳоло территория-территория барои худ ҷудо кардаанд. Яъне ҷудо ва муайян карда шудааст, ки ин территорияро кӣ бояд контрол кунад ва ин территория ҳатман доля дорад ва доля медиҳанд. Милисаҳое ҳастанд, ки инҷоҳоро «нигоҳ» мекунанд. Онҳо аз ҳар як фурӯшанда, масалан аз семучкафурӯш, зелену чакафурӯш, шаурмафуруш, ходдогфурӯш, аз мағоза, аз ресторан, аз мойка, аз заправка, хуллас то аз сапожнику парикмахер ҳатман доля мегиранд. Аз ҷое, ки ходдог мефурӯшад сад сомонӣ фақат пажарка мегирад. Аз як ҷои майдаҳаки Душанбе.

Боз ин милисаҳо генерал ва тағаҳо доранд. Ҳар як кадоми ин милисаҳо, асосан участковийҳо хариди хонаи он генерал-тағаро ба кала гирифтагӣ. Ман ин вазъиятро саддарсад медонам.

  Як милиса, ки ҷӯраам аст продуктаи ҳармоҳаи хонаи як генералро таъмин мекунад: гӯшт мағз, мевагӣ дар каллаи ҳамин милисаи рафиқи ман аст

Ҳамон генералҳо, барои ҳар як нафаре, ки тағагӣ мекунанд ҳамон нафар ӯро нигоҳ мекунанд. Як хелаш мевагии хонаашро ба калла гирифтагӣ аст, як хелаш гӯшташ ва дигар чизашро. Бовар кунед, ки чизҳоеро мехаранду мебаранд, ки ба хонаи худашон ва зану фарзандонашон намехаранд, дилашон намешавад. Гарон аст. Вале барои «таға» ё  масалан любовнитсаи таға мехаранду мебаранд.

Агар коркунони бозори Меҳргон ва бозори 9 километр мард бошанд бароянду бигӯянд чи хел ҳамин милисаҳоеро, ки дар ҳамон территория нигоҳ мекунад кормит мекунанд, до того кормиташон мекунанд,ки ….

Лекин маълум аст ки ягонтоаш хеста гап намезанад. Ман дар байни ҳамон кругҳоям. Худашон мегӯянд, яъне милисаҳо байни ҳам мегӯянд, ман мефаҳмам. Серёзна. Лекин ягонтоаш гап намезанад. Ман ҳайрон мешавам.

Як нафари дигарашон гуфт, ки ин як коре нест, ки фақат дар Душанбе бошад. Дар ҳама шаҳру деҳаҳо ҳамин хел, милисаву участковиву дигару дигарашро болои мардум бор кардаанд.

Мисли ҳамон солҳои ҷанг, ки боевикҳо кашидаву ба зӯр мегирифтанд, ҳоло ҳам кашида гирифта истодаанд, аммо бо дигар усул.

                                   Турсунзода

 Ассалому алайкум бародар Муҳамадиқбол! Моҳи рамазон муборак бошад. Ман ба шумо аз Регар (Турсунзода) менависам. Номаи ман дар бораи Раҳим Вализода, судяи шаҳри Турсунзода аст.
Ин cудя нисбати халқи Регар бисёр зулм карда истодааст. Соҳибони хонаҳоро тарсонда тарафи домсозҳоро мегирад. Мо медонем, ки аз домсозҳо пул мегирад.

Вале ин судя бояд тарафи қонун, халқ, ҳақро гирад ва нейтрал бошад. Лекин ин судя кораш фақат сумкоркунӣ. Ин сер намешудааст. Шумо як бор дар нисбаташ дар як барнома гап зада будед.

Як шиносам, ки дар суд кор мекунад, гуфт Раҳим гуфтааст, ки на «Ислоҳ» ва на Муҳаммадиқбол ягон кораш карда наметавонанд ва на амният на коррупсия. Ҳамааш доляашро мегирад.

Бародар Муҳаммадиқбол! Ман як чизро фаҳмидам. Амният,коррупсия, прокуратура   ҳамаш сепочка, ҳалқаҳои як занҷиранд. Ин судя пулро тақсим мекунад. Ҳамааш ҳаромхуранд. Ягон коргари ба номус нест, на дар амният ва на коррупсия.

Қариб даҳ сол судя Раҳим Вализода дар Регар кор мекунад. Бояд дар ҳар панҷ сол иваз шаванд. Ман ба Суди олӣ савол доданиам, ки чаро ин Раҳим Вализодаро аз кор намегиред?

Боз ба падару модари судя Раҳим гуфтаниам, ки чи хел инро тарбия кардед. Ба бачаатон магар шири хар дода будед?

Эй, Раҳим Вализода ту ва падарат ба мо ҳавливу хонаву дар накараед. Чи ҳақ дорӣ, ки ба ҳавлии мо, хонаи моро аз пеши худат нарх мемонӣ ва тарафи домсозҳоро мегирӣ.

Инҳо мехоҳанд хонаи моро бе пул гиранд. Бо зулму тарсонидан, моро аз хонаҳоямон бароврда як нархи ночиз пешниҳод карда истодаанд. Аллоҳ туро лаънат кунад Раҳим Вализода.

Ман ба Сулаймонзода Султон, раиси Агентии мубориза бо коррупсия гуфтаниам, ки бигзор як комиссияи махсус ташкил карда бисанҷанд, ки ин судя худаш дар ин муддат чанд хона кор кард ва ҳоло соҳиби чанд хона шуд?

  Қариб 20 хона зиёд кор кард. Аз ҳар як домсоз як хона ришва мегирад.

Дигар инки нисбати ӯзбекзабонҳои Регар бисёр ҷабру зулм карда ва бо тарсу воҳима хонаҳои онҳоро гирифта истодааст.

Ин ҳукумати золим, ин шо Аллоҳ аз байн меравад. Он гоҳ мо мардуми Регар нисбати Раҳим Вализода медонем чи кор кунем.

  Дар ин моҳи шарифи Рамазон дуъо мекунем, ки Аллоҳ туро ҳам бехона кунад, отаву очаи туро ҳам бе хона кунад. Баъд мефаҳмӣ, ки чи қадар бехонаву дар мондан азоб дорад. 

 Раҳим Вализода агар ин золимиатро бас накунӣ корҳои дигаратро менависем. Тарафи домсозҳоро нагир. Ту судя бояд, дар тарафи халқ ва ҳақ бошӣ, холис ва беғараз бошӣ. То ба кай ин коратро давом медиҳӣ?

Бародар Муҳаммадиқбол! Илтимос,номаи маро чоп кунед.

                                    Исфара

  Ассалому алейкум Муҳаммадиқболи Садриддин. Ман аз шаҳри Исфара ба шумо саргузашти як зани сарсахти исфарагиро менависам. Ин зани сарсахтро ман чандин солҳо боз мешиносам ва аз саргузашти талхаш огоҳӣ дорам.

  Соли 2018 ин занро бо як тонна биринҷ, ки аз Ҷумҳурии Қирғизистон ба Тоҷикистон барои пешбурди зиндагӣ оварда буд дар роҳ кормандони милитсияи Исфара бо сардории Шоҳ Искандар боздошт ва ҳабс кардабуданд ва ба СИЗО бурданд.

Ман он вақт ҳайрон шудам, ки барои як тонна биринҷ маҳкам кунанд. Ман бисёр шахсҳоро медонам, ки тонна -тонна биринҷ медароранд, лекин онҳоро чизе намегуфтанд.

   Бармегардем боз ба ҳикояи тақдири зани сарсахт. Вайро дар СИЗО якчанд муддат нигоҳ дошта девона гуфта девонахона бурданд ва баъд делояшро қатъ карданд. Намедонам ин зан дар ҳақиқат девона аст ё бо пул ин ҳуҷҷҷатҳоро сохтанд. Чунки баъди баромадан аз СИЗО кори худро давом медод.

Вақти аз шаҳри Исфара ба самти Хуҷанд бурдани биринҷ аз тарафи корманди гумрук бо номи Наҷибулло Шарифзода боз биринҷашро дошт ва ӯро латукӯб кард, ки зани бечора осеби мағзӣ (сотресения мозг) гирифт ва дар беморхонаи шаҳри Хуҷанд бистарӣ шуд. Баъди баромадан аз беморхона ин зани бечора ба радиои Озодӣ ва ба тамоми мақомот оиди латукуб шуданаш навишт. Лекин нисбати он гумрукчӣ ягон чорае надиданд. Аммо дар нисбати ин зан, ки чанде пеш номукаллаф гуфта делои ҷиноятиашро маҳкам карда буданд «солим, ба кирдорҳои худ ҷавоб гуфта метавонад» гуфта протоколи ҳуқуқвайронкунии маъмурӣ тартиб доданд. Ва маводро суди ноҳияи Бобоҷон Ғафуров қатъ кард.

  Вале кормандони гумрук ӯро бисёр ғам доданд. Гарчанде, ки дело қатъ шуда бошад ҳам борашро надоданд. Вай маҷбур шуд дар назди бинои гумрук «дод аз дасти кормандони гумрук, ки ақалан бори маҳаллиро аз Исфара то Хуҷанд бурда натавонем» гуфта ба нишони эътироз худро ба дор кашид. Вайро баъди чанде беҳушӣ аз дор гирифтанду беморхонаи касалиҳои руҳӣ бурданд. Аҷоиботи корро бинед, ки як чан рӯз пеш солим аст гуфта буданд вале барои рӯйпушии ҷинояташон, ки ин занро то ҳолати худкушӣ оварда расониданд бурда ба беморхонаи касалиҳои руҳӣ хобониданд.

Ман дар ин кори мақомот ҳайрон шудам, ки нафари солиму сиҳат ташхисдодаро  баъди ду рӯз бемор гуфта бемористон бурданд. Инро намефаҳмам.

Баъди аз беморхона баромаданд ин зани сарсахт боз бо хариду фурӯш машғул буд. Аҳсанту офарин ба ин зан, ки имрӯз мебинӣ милиса мошинашро доштааст, пагоҳ мебинӣ амнияту прокуратура нисбаташ протокол мекунанд, вале боз кор карда истодааст.

 Ман дидам, ки боз ӯро бо нушобаи энержии Горилла, ки аз шаҳрвандони Ӯзбекистон, аз бозори Исфара харидорӣ намуда буд, қапиданд ва протоколи маъмурӣ тартиб доданд ва ба суди шаҳри Конибодом фиристоданд ва ӯро суд ҷарима кард. Ин нушокӣ моли монополияи ҷаноб будааст ва горилларо танҳо онҳо меовардаанд. Агар монополияи ҷаноб бошад пас чи тавр узбекҳо бемалол оварда мефурушанду нозири минтақавӣ ва дигар кормандони бозор ба онҳо иҷозат медиҳанд? Магар монополияи ҷаноб танҳо ба тоҷикон дахл дорад?

 Баъди суд ин зан нозири минтақавии бозорро ҷеғ зада «мана узбекҳо бемалол борҳои қочоқиашонро фурӯхта истодаанд,ку» мегӯяд ва мегӯяд, ки «агар фурӯши бори қочоқ манъ бошад инҳоро низ намон, то мисли ман як шахси бечора насӯзад». Аммо участковий  ба ҷои онки узбекҳоро ягон гап занад, ин зани бечораро боз ба беморхонаи касалиҳои руҳӣ мебаранд.

 Моҳи сентябри 2025 як шиноси ӯзбеки ин занро амнияти Конибодом дастгир кардааст ва аз сабаби онки он шахс забони тоҷикиро намедонад ин зан назди онҳо рафтааст. Корманди амнияти Конибодом ӯро мезанад ва пойи вай лат хурда қариб ду моҳ бо пои ланг мегашт. Касе пурсад корманди амният зад мегуфт. Оиди ин ҳолат ба чандин мақомот муроҷиат кард. Аммо гарчанде шоҳидон бошанд ҳам қонуншиканиҳои хизматчиҳои давлатӣ исботи худро намеёбад. Вале агар як бечора баландтар гап занад бурда маҳкам мекунанд.

 Тирамоҳи соли гузашта вақте ин зан дар беморхона буд писараш ба дидани вай меравад. Як шиноси ӯзбеки модараш аз вай хоҳиш кардааст, ки борашро ба Хуҷанд барад, вай розӣ мешавад. Дар роҳ милисаҳо мошинро медоранд ва бор ҳуҷҷат надорад гуфта пул талаб мекунанд ва ин писар, ки дар  бараш пул надошт дода наметавонад. Вайро ба прокуратура мебаранд ва нисбати соҳиби бор нею нисбати ин писар протокол тартиб дода ҷарима мекунанд.

Вақти дастгир кардани бор писари ин зан мошини зани тағояш дар дасташ буд. Яъне бо мошини зани тағояш он борро интиқол медод. Суди ноҳияи Бобоҷон Ғафуров ин мошинро ба гарав гирифта гуфтааст, ки баъди супоридани ҷарима мошинро ба соҳиби аслиаш баргардонед. Писари ин зан мегӯяд, ки имконияти супурдани ҷаримаро надорам, чунки дар ҳеҷ  куҷо кор намекунам.

Суди ноҳияи Бобоҷон Ғафуров медонист, ки ин писар ҷаримаро супорида наметавонад. Барои ҳамин мошинро гарав гирифт. Бармеояд, ки дар ноҳияи Бобоҷон Ғафуров барои ҷинояти дигар кас шахси дигарро гунаҳгор мекунанд. Зеро барои ҷаримаи писари зан мошини шахси дигар ҳабс аст ки ба ин оила алоқамандие надорад.

  Ин занро боз моҳи январ кормандони милисаи Бобоҷон Ғафуров боздошт   ва мошинашро бо бораш ба милисахона бурда маҳкам карданд. Ман ҳайронам, ки ин занро фақат меқапанду халос ва протокол мекунанд. Аммо чаро намепурсанд, ки чи тавр бори беҳуҷҷат вориди Тоҷикистон шуд ва дар ин ҳолат, ки бояд гунаҳгор бошад: ин зан ё гумрукчиҳо?

 Кормандони амният, прокуратура вақти қапидани бор чи тавр омадани борро санҷидӣ, баъд хулоса баровардӣ, ки як зании бечораро хонсалот ва суд карданд ва ҷарима шуд. Ман он вақт фаҳмидам, ки ин зан бемор нест. Ӯро бо пул бемор гузаронидаанд то маҳкам нашавад. Ин духтурон бар ивази пул одами солимро бемору беморро солим мегуянд.

 Қунғуротов ба маблағи чанд пул ин занро номукаллаф кардӣ? Агар ин зан номукаллаф бошад, чаро вақти қапидани гориллаҳояш ӯро солим гуфтӣ.

  Ман дертар фаҳмидам, ки ҳеҷ як коргари мақомот аз ин зан пул намегирифтааст, аммо намедонам аз чи сабаб дар роҳ ин рӯзҳо садҳо бори қочоқ меравад  доляашро медиҳад меравад. Ин зани бечора доля намедиҳад ва ҳадафи тири мақомдорон мешавад, вагарна вақти қапидани бор на танҳо ба соҳиби бор балки ба гумрукчиҳоям бояд чора дида мешуд мегуяд ин зан ва якчанд маротиба то Дастгоҳи президент муроҷиат кард лекин чорае наандешиданд. То ҳол мошинҳояш дар отдел дар гараванд.Ин буд кисаи зани сарсахт бо ҷаримаҳои  зиёд.

                                      Рӯдакӣ

 Ассалому алайкум! Намедонам бародарат хонам ё писари роҳдури ба дил наздик. Худованд шуморо умри дароз диҳад ва аз тамоми балоҳои заминию осмонӣ ва тӯҳматҳои номардони зансифати ин режими касиф нигаҳбон бошад. Сипосгузорам, ки номаи мани кампири пураламро чоп намудӣ, ки каме ҳам бошад сабаби оромиши қалбам шуд.

 Худоро шукр, ки номаи нашршуда дар «Ислоҳ» ба гӯши кари мақомот расид. Манзурам номаи мо дар шумораи номаҳои 329 буд ва инчунин зери унвони «Рӯдакӣ-ноҳияе, ки қонунро бо нарх мефурӯшанд» дар Номаи маро алоҳида нашр кунед №37 нашр намудед, ки баъди нашри он мо натиҷаи мусбаташро дидем. Дар он нома дар бораи контролёрҳои свети деҳаи мо дар ноҳияи Рӯдакӣ ва вазъияти иваз кардани счетчикҳо сухан мерафт.

 Диловарро ба гуфти ҳамкоронаш сабукдуш кардаанд, ба шарте то охир ҳамаи хурдагиашро барқарор созад. Ҳозир Диловар муваққатӣ кор карда истодааст. Вай бояд ҳамаи счетчикҳоро барқарор кунад ва сипас аз кор равад.

   Дар ҳақиқат пай бурдам Диловар тағаи боқувват доштааст. Ман инро баъди расонаӣ шудани он нома бори дигар пай бурдам. Аммо Диловар ҳозир шикастагию хаставу бемадор мегардад. Раиси ноҳияи Рӯдакӣ фармон додааст, ки хона ба хона гашта ҳамаро ҳисоб кунак насб кунанд ва вақте ҳамаро востанавит кард баъд уволиташ кунед. Вале ман аз чунин натиҷа ва ранг гирифтани кор розӣ ва қонеъ нестам.

Чунки дар номаи навиштаи ман Диловар танҳо набуд бо ҳамроҳии як зарди бадафт буд. Баъдтар аз ҳамкоронаш дар вакти часпондани счетчикҳо фаҳмидам ин зарди бадафт номаш Эҳсон будааст. Ин Эҳсон хусурбачаи раиси Идораи об Сафармат буда ва аз Кангурт будаанд.

 Магар дар ноҳияи Рӯдакӣ дигар ҷавону мард нест, ки мераведу ин гушнаҳоро меоред? Фармони ҷаноби олиатонро чаро итоат намекунед, ки дар вазифае раис бошӣ бояд хешу таборатро наорӣ. Ин Сафармат бошад хусурбачаашро оварда муовини аввал ва ёрдамчии раис оиди оби нушокию полезӣ таъин намудааст. Ана кангуртиро бераҳмаш, ки фармони ҷанобро ҳам задагӣ аст.

 Магар фархорӣ Муҳаммад хӯрду бурд, тамом боз инҳояш сар карданд? Инҳо мегӯянд, ки пули свет аз давраи Муҳаммад қарздор аст. Раиси ноҳия мегӯяд, ки   штраф кунеду қарзҳоро соф кунед.

  Чаро барои як лайк, ки соли 2016 мондааст аз Русия оварда ҷаримааш мекунеду светро, ки Муҳаммад аз Фархор раиси об буд қарздор кард, чаро оварда ҷаримааш намекунеду дар гардани халқ мезанед? Ин раису хусурбачааш Диловарро барои ин истифода бурдаанд, ки тағааш кадом як баландмақоме будааст. Як бор ҳамин тавр сураш карданд. Тамоми насосҳои обкаширо тағааш куштааст боз дар кор гирифтанаш. Аммо бечора вай бародари маъюб доштааст. Аммо раису хирсбачааш ки даже ҳамсинфи ин Диловар будааст инро истифода бурда сумҳои ҷамъкардаро бисёртар онхо хурданду дар гардани Диловару Садбарг заданд. Садбарг ба гуфти ин коргарон, ки бо ман хело сӯҳбат кард гуфт хола гап ҳаминҷо монад Садбарг гурехту рафт Русия. Лекин сум дар гардани Диловару Садбаргу вале асосаш дар ҷеби раису хусурбачааш. Аммо Диловар, ки мард аст, онҳоро гунаҳгор накард. Агар инро баранд ва конкретно пурсанд, ҳамаашро мегӯяд. Хуллас хона ба хона гашта як счетчики 300сомонӣ часпонда истодаанд. Вале ду сол баъд ё лаборатория бурда боз аз 58сомонӣ то 75сомонӣ гузаронӣ ё ивазаш кунӣ боз 300сомонӣ пардохт намоӣ. Писари ман аз соли 2014 дар Русия хона дорад, ки то ҳоло як счетчик дорад. Чаро шумо халқро ин қадар сарсону саргардон месозед? Хок бар саратон бо ҳамин давлатдориатон. Охир худованд сафатонро зиёд гардонад -якта якта мурда истодаед, чаро ибрат намегиред аз вазирҳои мурдагӣ, ки дар ҷанозаҳояшон иштирок кардед. Фардо дар назди Аллоҳ чи ҷавоб медиҳед? 300сомонӣ мегиред лоақал умри ҳамин счетчикро 10сола кунед ба монанди паспортҳои хориҷиатон.

   Дар ин моҳи шарифи рамазон дуъо мекунам, ки бо ин қадар проблемае, ки ба мардум мекунед, худованд шуморо кӯру хору залил гардонад. Фикр намекунед, ки ду сол дар як мижа задан мегузарад. Баъзеҳо дастёр надоранд, аз куҷо мебаранд лаборатория. Боз меоеду ту лаборатория набурдӣ гуфта ҷарима мекунед.

 Ҷаноби Нусратулло, раиси ноҳияи Рӯдакӣ ҳамчун модари шумо ва шаҳрванди ин диёр ба шумо гуфтаниам, ки чи хеле як ҳафта срок додӣ ва инҳо омаданду хонабахона гашта насб карданд, ақалан то сроки раисии худат умри ин счетчикҳоро дароз кун, шояд ягон кас раҳматат гӯяд. Чунки мумкин баъди рамазон марг шуморо интизор бошад. Зеро шумо мақомдорҳо аниқ дар ин моҳ намемуред. Барои онки дар шумо раҳму шафқат нест. Ваъдаи Аллоҳ аст, ки касе бар бандаи ман раҳм намекунад ман ҳам ба вай раҳм намекунам.

  Ман ба ин навиштахом ягон касро таҳқиру паст заданӣ нестам.

Гуфтаниам, ки муҳтарам раис!  Роҳи сумкоркунӣ бисёр аст. Халқро дастгирӣ кун, ягон кас ба шумо ҳарфи баде наменависад. Як бор дар ҳафта ташкил ва шикояти мардумро гуш кун, туро дар ягон ҷо наменависанд. Шояд гӯӣ, ки менависанд, чи корам мекунанд? Ояндаатро фикр кун. Ин дунё ин хел намеистад.

 Хоманаиро бин мурданӣ набуд. Аммо марг, ки ба суроғат омад, дигар ягон мақомотат сари роҳ шуда наметавонад. Ояндаи писарону набераҳоятро фикр кун ки инхо мемонанд ба халқ.

Фикр мекунӣ мардум ва махсусан давлати оянда агар инҳо ҳам ранги шумо набошанд ба фарзандони шумо чи хел муносибат мекунад. Шояд фарзандонатон то дами мурдан гадо гарданд?

Боқӣ, писарам дар амони худо бошӣ. Бо эҳтиром як модари ҷабрдида аз ноҳияи Рӯдакӣ. 

Сообщение Номаҳо аз ноҳияҳо ба «Ислоҳ.нет» №343 появились сначала на ISLOH.net.

 Турсунзода

  Ассалому алайкум бародар Муҳаммадиқболи Садриддин. Ҳамеша саломату сарбаланд бошед. Ва, дар роҳи ҳақ устувор.
 Ман аз Турсунзода менависам ба шумо. Нисбати судя Раҳим Вализода. Ин судя аз домсозҳо пул гирифта тарафи домсозҳоро мегирад. Ҳама медонад, ки бо хоҳиши домсоз судя соҳиби хонаро ҳалнома бароварда зулм карда истодааст. Судя умуман тарафи соҳиби хонаро намегирад. Дар Турсунзода тамоман ноадолатӣ рафта истодааст.
Ин судя 6 хона аз домсозҳо пора дар Турсунзода гирифту аз Душанбе ду адад. Кораш ҳозир фақат пулкоркунӣ. Қонун умуман дар ин масъала аслан на амал мекунад ва на вуҷуд дорад.
Президент ба соҳибкорҳои домсоз гуфта буд, ки соҳиби хонаро розӣ кунеду баъд қарорро гирифта дом созед. Аммо домсозҳо бо судя гапзанон ва гапро як карда болои мардум зулм карда истодаанд ва ба зӯрӣ хонаҳояшонро гирифта истодаанд. Боз болои мо узбекзабонҳо бештар ситам мекунанд. Гуфта истодаанд, ки ин замини давлати тоҷикон аст, шумо монеа нашавед барои ҳар коре,ки мо мехоҳем анҷом диҳем. Охир, бароар, мо дар ин хонаву ҳавлӣ калон шудем, падару модарамон инҷо солҳои сол зиндагонӣ кардаву мо инҷо ба дунё омадем,ин хонаҳоро онҳо сохта буданд. Мо гунаҳгор шудем, ки узбезабонем? Инҷо ватани мо ҳам ҳаст.

Аммо инҳо намефаҳманд. Корашон фақат зӯрӣ аст.
  Ман ба амният, ба милиса ва ба прокурор савол дорам. Чаро барои ин амалҳои ғайриқонунии домсозҳо чора намебинед?

Турсунзодаро инҳо расво карданд, шаҳрро тамоман хароб карданд. Ин Парвиз Акрамзодаи раиси шаҳр тамоман маълум нест, ки ба чи кор банд аст?

 Ҷойи замини мусорпатоиро ба домсоз фурӯхтааст. Ҳама халқи Регар (Турсунзода)дуъои бад карда истодаанд. Ҳам Парвизи раиси шаҳр ва ҳам домсозҳоро.
 Домсозҳо хуб гӯш кунед! Бо ин хел зӯрӣ ва тарсонидани мардум шумо баракат намеёбед. Вақту соатш меояд шумо дар назди ҳам қонун ва сипас назди Аллоҳ ҷавоб медиҳед.

Парвиз Акрамзодаи ҳоким қарорро ба як домсоз мефурушад, домсоз қарорро харида ба домсози дигар мефурӯшад ва ана ҳамин хел бизнес карда истодаанд.
Ва, инҳо специално маҳаллаҳои узбекҳоро чапа карда дом сохта истодаанд, бо зулм ва бо зӯрӣ. Аммо бехабаранд, ки ин корҳояшонро Аллоҳ дида истодааст.

Мо, мехоҳем, чи хеле раиси Конибодомро маҳкам карданд, раиси Турсунзодаро низ маҳкам кунанд. Барои тамоми амалҳои ғайриқонунӣ ва зидидавлатиаш ҷавоб диҳад. Нисбати судя Раҳим Вализода ҳам мақомот бояд чора бинад. То ба кай ин судяи номард ба халқи узбеки Турсунзода зулм мекунад?

 Ташаккур ба шумо, бароар Муҳаммадиқболи Садриддин, барои нашри номаи ман. Мехостам ҳамин гапро ба шумо бирасонам.

  Ваҳдат

Ассалому алайкум домулло Муҳаммадиқболи Садриддин! Ман дар муҳоҷирати корӣ дар Маскав ҳастам.
Имрӯз хона занг задам. Гуфтанд, ки аз амнияти шаҳр паспортҳоро ноаён ва хеле ҳам муғамбирона тафтиш карда истодаанд. Домовойи хонаҳоро ҳам ҳамин хел. Пурсидам, ки чаро, чи сабаб шудааст?

Гуфтанд, ки Путин Тоҷикистон мерафтааст ва хонаҳои касони ваҳдатиро, ки дар бари шоҳроҳ воқеъ аст ҳамаро ба қайд мегирифтанд. 

 Домулло, ин аксро бароятон фиристодам.Ин акси Бобоҷонов Абдусамад аст, аз шаҳри Ваҳдат, ҷамоати Чуянгарон, қишлоқи Чорбоғ. Ин нафар ҳама бачааҳои муборизро фақат дашном медиҳад, аз ҷумла шуморо ҳам. Ин нештатники отдели Ваҳдат аст. Бо началник ИВСи Ваҳдат бачаҳоро мефурӯшад. Як ҳамсояашон адвокат аст бо номи Акрам. Раиси маҳаллаашон акаи Акрам аст, ки инҳо якҷоя кор мекуннад. Ин одам бо моддаи 200.қ.4 зиндон шуда буд.

Баъди зиндон бузи отдел шуда баромад. Самад Акрам адвокат ва акааш раиси маҳалла, ҳамакаса як группа шудагианд. Бачаҳои Ваҳдат аз ин шахсият дур бигарданд, ки миёни чанд касро ин бузҳо шикастанд.
 Самад Бобоҷонов дар Москва кор мекунад, посредник дар болои сари мардикорони Владимировский област. Ин одам данийҳоро аз Маскав ба раиси маҳаллаашон ва Акрами адвокат медиҳад. Худи пагоҳ, субҳи содиқ аз мақомот ба хонаи шербачаҳо аз мақомот зер мекунанд.

Домуло, ташаккур, ки ин хабарро ба мардум мерасонед ва онҳоро аз амалҳои инҳо огоҳ мекунед!

Дӯстӣ (Ҷиликул)

Ассалому алайкум бародар Муҳамадиқболи Садриддин! Аллоҳ аз шумову аҳли оилаатон розӣ бошаду падаратонро раҳмату мағфират кунад.

Ин сеюмин барнома аст ки барои деҳаи Ваҳдат, собиқ Миравойи ноҳияи Ҷиликул ҳозира Дустӣ менависам. Боз ҳам дар бораи ҳамон буз- Ҳайитов Назриддин, Аллоҳ ҷаҳаннамро ҷояш гардонад.

 Бародар Муҳаммадиқбол! Вақте якумин барнома дар бораи ҳамин бузи ҳаромро ба эфир баровардед дар телеграм валлоҳу аълам се рӯз гузашта буд, ки ин гурсухтаро бардошта бурданду хуб канданаш.

Шумо ҳам медонед, ки ҳозир дар Тоҷикистон қотил ҳам бошӣ, пора медиҳӣ мебароӣ.

Ман намедонам, ки ин мақомот, ин коркунони амният куҷоро нигоҳ мекунанд. Ба назар мерсад, ки аз ин Назриддин то ҳукумати ноҳия, то дигар мақомот, ҳатто амният ин қадар сахт метарсидааст.

Хуб, хайр, ана мурд, Аллоҳ ҷаҳаннамаш бурд. Ку як раведу назар кунед, ки роҳи оммаро маҳкам ва замини давлатиро аз худ кардааст. Ин қадар дарахтро ҷафс шинондааст, шураку шамак пахш кардааст, ранги ҷангал.

  Ҷуйбори давраи Союз ба пушти забори мардум меравад. Он ҷуйборо пур карду аз замини давлатӣ ҷуйбор канду мегуфт, ки инҷо банд аст. То ин дараҷа шайтон буд, ки ягон мақомоти болоӣ ва поёнӣ гапе зада наметавонист. Ку ҳамон мақомдор, ку ҳамон, амният ва ку прокурорҳо? Рафта бинед бо ҷашмони худатон. Валлоҳӣ, ягон гапам хато нест. Канӣ он шермардон, ки роҳи оммаро кушоянд? Гирифта баред ягон булдозерро, ки мардум гуянд мо соҳиб дорем ва ана ин аст дар болои зӯр як зӯри дигар!

 Зӯр мурд рафт, аммо ягон лаби заминро бо худ набурд. Метавонед рафта бо роҳи аввалаш баргардонед? Ё ки, агар тарсед, хеста аз Рустам ё Озодаҷон, ё аз Исмоил илтимос кунем. Охир вай мурд, рафт ба дарак. Натарсед, шуморо намебарад ба пешаш. Роҳи оммаро як метр мондааст. Ҳамонро ҳам метр кунед. 70 сантиметр мондааст. Бо велик мегузарӣ, метарсӣ, ки ҳозир рули велик дар девор мезанад. Ку шермарде ки ин корро бисмиллоҳ карда тағйир диҳад?

 Раиси ноҳияи Дӯстӣ ку як бисмиллоҳ бигӯ, ғайрататро нишон деҳ, баъд мо ранги Пешвоятон аҳсан ба ту раиси ноҳия гӯем.

 Бародар Муҳамадиқбол ҳамин Хизмати хусурбачаи Пешво ҳам аз Назриддин метарсид. Заминҳо аз Хизмат буд, ҳамон чен захват карда гирифта буд, ягон чизаш нагуфт.

    «Мумкин ҳамишам трт кадаги буд, манеш талхакаф буд». Мо боз ҳам аз мақомоти болотар талаб дорем, ки роҳи оммаро аз дасти ин хоинҳо гирифта кушоед.

Агар ҳамин роҳро накушоед, мо ба навор гирифтем ҳамаашро доказат мекунем. Эмомалӣ, мард бошӣ, як фармон деҳ роҳи оммаро кушоянд. Агар накушоянд, интизор бош, ки аз они модаратро ҳам мардум мегирад.

 Аввал дарвозааш дар ана ҳамин гранитсаи ҳамсояаш буд. Вақте ки роҳро маҳкам кард дарвозаашро лаби девор бурд, дар роҳи маҳкам кардагӣ дарвоза шинонд.

Дарвозаро оварда дар роҳи омма шинонд. Худатон хулосаатонро бароред мақомдорони ҳаром хур, ки ин ҷинояткорро пуштибонӣ мекардед. Раиси ноҳияи Дӯстӣ мо мунтазир мемонем ягон тағйироте мешавад ва ё не. Пас аз ин мегузарем ба ҷиноятҳои шахсии шумо дар ҳукумати ноҳия!

  Рудакӣ
Ассалому алейкум домулло Муҳаммадиқболи Садриддин. Ман Алӣ аз ноҳияи Рӯдакӣ ҳастам. Қабл аз ҳама шуморо барои таъсиси ҳаракати нави сиёсии «Ислоҳотхоҳон» табрик карда дар роҳи мубориза бароятон тани сиҳату забони бурро ва зиракии сиёсӣ орзу дорам. Мо мардуми ноҳияи Рӯдакӣ бо шумоем.
Бародар, хоҳ бовар мекунед, хоҳ не, ин раиси ноҳияи мо аз ҳамон рӯзи омадагиаш «гарени» баромад. Раисони пешин талу теппаҳои дури ноҳияро тақсим карда ба мардум мефурӯхтанд ин бошад, худам шоҳ, табъам вазир гуфта аз маркази ноҳия сар кард ва ба домсозҳо-сохтмончиҳо ҳамаро фурӯхт.

  Аз рӯзе, ки омад ду тарафи роҳ -аз даромадгоҳи бозори Давлати Зафар, ки ҷаноб ҳар сол ба кушодашавиаш меояд- то гардиши масҷиди ҷомеи Авлиё ҳамаро фурӯхт ва ҳоло дар он ҷойҳо дом бардошта истодаанд. Аммо он домҳо ба ягон стандарт ҷавобгӯ нест. Чун домеро, ки дар 5-6 моҳ месозанд, маълум аст худаш. Канализатсияҳои ин домҳо номаълум. Барқ, ку лимит. Домулло ба шумо як савол дорам. Чаро барои онки раиси як ноҳияро ба зиндон партоянд ҳама сарвати дуздидагиаш баргадонда ва чанд оила куштаву чанд хона вайрону мотамзада шавад? Оё ин нишонаҳои ба поён расидани режим бошад?
Абдуғаффор Ҳикматуллозода ноҳияро дуруст идора карда натавонистӣ. Аз рӯзе, ки омадӣ маркази ноҳияро ба мусоркаи роҳи Султонобод баробар кардӣ. Он мусорка ранги инҷо бӯ надорад.

Ба Худо қасам дар пеши домҳо мусорҳо титу пит, пашаву сагу пишак дар торашон. Экология бошад дар хонаҳои мардум мегардад, инҷоро намебинад. Кормандони ҷамоатҳо ба мардум кору муомила надоранд. Барои як справка саҳар меравӣ то бегаҳ корат кашол меёбад.
Раисои маҳаллаҳо тамоман одамони нолоиқу номуносиб. Ба кадом деҳа меравӣ, бесаводеро раиси маҳалла мондаанд. Ва агар савод дошта бошад ҳам боз аз халқ мегирад, ҳаром мехурад, виҷдон нест. Коррупсия дар ҳама сохторҳои ноҳияи Рудакӣ реша гирифтааст.

  Худи Раис  фақат дар фикри дуздӣ аст. Мардумро аз ватан дилхунук накун. Ту бояд аввал раисони маҳаллаҳора санҷишу тафтиш намоӣ, чунки кори ҳаррӯзаи тамоми мардум вобаста ба раиси маҳалла аст, раиси маҳалла бошад ба ҷамоат, ҷамоат бошад ба ҳукумати ноҳия. Аммо худи раиси ноҳия бадтар аз ҳамаи инҳо аст. Ман бовар дорам, ки ин ҳолат то ба худи пешво рафта мерасад. Наход пешво як кадри нормалний барои Рӯдакӣ ёфта монда натавонад?

 Раис, ту вақте омадӣ, бояд содиқона бо мардум кор мекардӣ, аммо хиёнат ба хоку замини ин ноҳия кардӣ.
Инҷо чанд масъаларо зикр мекунам. Масалан соҳаи тандурустӣ.
Дар ноҳияи Рӯдакӣ ду беморхонаи калон яке Поликлиника ва дуюмин Беморхонаи МИС фаъолият мекунанд. 

 Пеши кадом духтуре равӣ, раву дар каса супор мегӯянд, чек меорӣ, боз ба худашон сум медиҳӣ. Аммо дар беморхонаи МИС, ки калонтарин беморхона аст ҳамааш ба як бизнес табдил дода шудааст. Дар як беморхонаи калон як ё ду кабинети узи ҳаст, ки духтури ҳардуяш ҳам мард. Узии занона нест. Ман чанд вақт пеш ҳамсарамро бурдам. Шанбе ё якшанбе буд, дар хотирам нест. Гуфтанд узи карда биёр. Рафтам як мард шиштааст. Пурсидам, ки узии занона нест? Гуфт не. Гуфтам ягон зан нест, ки узи кунад.Г уфт нест. Медсестрае, ки оилаамро ташхис карда буд, доду вой дорад, ки бояд дар ҳамин бинед. Ман гуфтам рӯзи душанбе дар поликлиника мебинам, баъд хулосаи узиро меорам,чи проблемае шуд худам ҷавобашро медиҳам гуфтам ва рафтам.
Духтурони ин беморхонаи МИС монополия кардаанд ин беморхонаро. Дар гирду атроф дорухонаҳои худашонро ҳуй кардагианд. Рост ҳамонҷо роҳиат мекунанд, ягон тартибу интизом нест, фақат пулканӣ. Дар шӯъбаи ҷарроҳиаш ҳама аждаҳорҳои пулхуранд. Дар шӯъбаи кӯдаконааш ҳам ҳамин хел. Таваллудхонаашро намегӯӣ? То кӯдакро мегирӣ аз онҷо, чи суме дорӣ меҷафанду мегиранд. Дар қабулгоҳ -дежурний шабона меравӣ барои ҳама як ретсептро менависад.

70сомонӣ,100сомонӣ мегирад. Ту дилкасал, зопӣ ё дарунравӣ фарқ надорад, назначеният кард, 70сомонӣ, 100сомониатро мегирад, касалият якбора авҷ мегирад.
Хоҳиш аз мақомоти танобкаш. Назорат аз болои ҳама шӯъбаҳои беморхона сахт карда шавад, санҷиш гузаронед, то ки ба мардум содиқона хизмат кунанд. Мошинҳои «Ёрии таъҷилӣ»-ро зиёд ва ройгон кунед, то ба мардум хизмат кунанд.
Хитоби ман ба мақомот!

  Мо метавонем даст ба кори худ бандему коррупсияро решакан кунем. Онҳое, ки ба «Ислоҳ» менависанд накобед, равед санҷиш гузаронед. То адолат барқарор шавад!

  Ман боварии комил дорам, ки ватану миллатро дӯст медоштагӣ инсон дар ғами имрӯз не, дар ғами оянда бояд бошад. Касе, ки коррупсияро мебинаду чашм мепушад ё рафта сумашро мегиранд, меоянд он мақомдор хиёнат ба ватан ва миллат кардааст, чун виҷдони миллиашро фурӯхт, содиқона хизмат накард дар вазифааш. Агар мо аз ин ҷиноят ба «Ислоҳ» навиштем инҷо мо хоини ватанем ва ё шумо мақомот?
Маорифи ноҳия дар ҳолати хело бад қарор дорад. Кормандони Хадамоти назорат фақат обед кардан мераванд ё кисапулӣ кор кардан.
Амнияти ноҳия дигар барои амониву амнияти мардум не, барои тарсу таҳлукаи мардум машғул аст.

  Хоҳиш аз сардори шӯъбаи амнияти ноҳияи Рудакӣ!  Ба домуллоҳои бесавод ва раисони маҳаллаҳои бесавод фаҳмонед, ки идораи шуморо ба мардум ҳамчун як ҷинояткор муаррифӣ накунанд. Агар домуллои маҳалларо дар ягон маърака  фарёд накунӣ, аниқ медонӣ, ки уже мефурӯшад ба амният. Ё раиси маҳаллаҳо, ки 24 соат дар забонашон амният аст. Гуё амният як идораи фақад ҷазодиҳанда ва саркубгар бошад. Бовар кунед айб аст. Агар мову шумо ба ҳамин бесаводон имкони бештар бидиҳем фардо ватанро мефурӯшанд.
Раиси ноҳия аз вақте омадӣ дар ноҳия ҷои мошинмонӣ дигар намонд. Аз гардиши Сафина то бозори ПТУ таксиву маршруту тангену старекс ва мошинҳои корхонаҳову савдогарон ё мошинҳои мардуми одӣ дар роҳ мемонанд. Чунки раис ҳамаро канд ва барои домсозҳо фурӯхт. Бечора мардум мошинро мемонанд, меояд, ки номерҳоро ГАИ кандааст. Бовар кунед, ки ноҳия як бардак шудааст, ягон стоянка надорад.

 Дар охир як хоҳиш аз ҳама мақомотҳои ноҳияи Рудакӣ дорам. Даст аз зулми мардум бардоред. Ҳар як вазифадор ба вазифаи худаш содиқона хизмат кунад. Амниятӣ дар амният, кормандони отдел дар отдел. Ҳама кормандон, бигзор, ҳатто як чекчини бозор дар кори худаш содиқона кор кунад, дар ин сурат ҳама- деҳаҳо, кучаҳои шаҳраки ноҳия обод зиндагии ором мегузаронем. Фақат бо виҷдони пок бояд кор кунед. Фикр кунед, ки як нафарро ба азобу машаққат гирифтор мекунед, ки як рӯз дар ҷои шумо нишаста аст, ҳолатон он вақт чи мешавад? Сарбаланд бошед бародар.

То ин раисро аз кор нагиранд кори мову шумо давом меёбад.

 Иншоаллоҳ умед дорам, ки ягон нафари бовиҷдон бо мардум баромада кор мекунад.

Вақте як раиси маҳалла ба кораш содиқ бошад вақте ӯро иваз карданд ҳама мехезад эътироз мекунад вақте раиси ноҳия дузду ҳаромхӯр дар чашми ҳама хок мезадаги набошад мардуми ҳамон ноҳия мехезанд пуштибониаш мекунанд, лекин туф ба ту Абдуғаффор Ҳикматуллозода ноҳияро ҷазир кардӣ?

Ҷайҳун( Қумсангир)

Ассалому алайкум ва раҳматуллоҳи ва баракотуҳу бародар Муҳаммадиқбол. Ин номаи кутоҳро мефиристам, то ки ба мардум бирасонед. Сухан аз кору амали  милисаҳои ноҳяи Ҷайҳун Қумсангири пешина меравад.

Дар ноҳия як писаре бо номи Шифо дар боғи шаҳр бо бачаҳои дигар ҷанг мекунад. Милисаҳо омада бачаҳоро мебаранд ба милисахона. Дар онҷҷо ҳамаро ҷавоб медиҳанд, аммо Шифоро не. Барои онки Шифо на падару модар, не хоҳару бародар ва не бобову бибӣ дорад, ятими кулл, бекасу кӯ, ҳеҷ кас надорад. Ҳатто як милисаи ҳаром рӯирост мегӯяд, ки «ин ҳеҷ кас надорад, бесоҳиб аст, инро аз ҷомеъа несту нобуд кардан даркор». Худованд тамоми мардуми тоҷикро аз зулми ин палидҳо халос кунад

Ин писарро чанд сол пеш Эмомалӣ Рахҳмон ба сағирахонаи ноҳияи Советский бурда буд. Ин писар на ҷои зист дорад, на соҳибе, ҳатто паспорт надорад.

(бародар писаре, ки дар охири видео гиря дорад Шифо аст)

Дар даруни милисахона температура мекунад, аҳволаш бад мешавад. Скорий меояд укол мекунаду меравад. Ба ягон кас нишонаш намедиҳанд, мумкин нест мегуянд. Чандин рӯз аст ки дар подвали милисахона аст. Намедонем, ки аҳволи вай чӣ мешуда бошад?

Сообщение Номаҳо аз ноҳияҳо ба «Ислоҳ.нет» №284 появились сначала на ISLOH.net.