Аммо Абдураҳмон Аламшозода-Бузмаков ин нишастро гузаронд. Вале дар суолҳои рузноманигорон посухҳои мушаххас ва қонеъкунанд надод. Масалан ҳамин ҳодисаи куштори занҷираии дар соли ҷорӣ дар Конибодом рухдодаро тавре посух дод, ки мардуми одиро қаноат дода натавонист. Номаи аввали ин нашри барнома бо ҳамин масъла марбут аст:

                                             Конибодом
Ассалому алайкум бародар Муҳаммадиқбол! Зиёд гапро кашол намедиҳам, мағзи гапро мегуям. Гуфтаниам, ки Абдураҳмон Аламшозодаи муовини вазири дохилӣ руяшро сиёҳ мекунад. Гуфт, ки ду оилаи аз 7 оилаи кушташуда дар Конибодом аз муноқишаҳои оилавӣ кушта шуданд. Вай ин ҳодисаҳоро «қатлҳои муқаррарӣ» гуфт. Ин муовини вазир 100% дуруғ мегуяд.

 Юсуф Раҳмон, Прокурори генералӣ ва СС.Ятимов, раиси КДАМ ҳам инҷо омада буданд. Ду ҳафта зиёд дар ҷои мо интернет набуд. Агар ин муноқишаҳо ва ин кушторҳо муноқишаҳои дохилӣ мебуд, ҳама гапро руирост мегуфтанд. Онҳо чизеро аз мардум пинҳон карда истодаанд. Ягон вақт чунин ҳодисаҳо дар Конибодом  руй надода буд, ки тамоми аъзои хонаводаҳо кушта шаванд. Ин қатлҳои муқаррарӣ нестанд.

Худи Абдусалом Тухтасуноғлу, раиси Конибодом гапи Юсуф Раҳмонро такрор кард ва охирон номаи чопкардаи шуморо  истифода бурд.

  Палатаи ҳисоб дар нишасти охири матбуотиаш ҳамин чанд рузи пеш эълон кард, ки дар Конибодом маблағҳои зиёди буҷҷавиро аз онҳое, ки дуздидаанд,ошкоро ва қисми зиёди онҳоро ба давлат баргардонд. Аммо чаро ном нагирифт, ки ин кадом корхонаву муассиса аст ва оё Тухтасуноғлу ҳам дар ин ҷиноят шарик аст ё не? Чунки Тухтасуноғлу худро Пешвои муаззами Конибодом муаррифӣ мекунад.

 Дар бораи номаҳои аз Конибодом ирсолшуда чи бигуям? Дар бораи Ҷалиловҳо   бекор нанавишта будем. Бояд менавиштем. Як нома дар бораи кланашон равон карда будам 5 руз пеш.  

Ман боз такрор мекунам, ки бовар накунед ба Аламшозода. Ин Раҳмонов барои ошкор кардани номанависҳои конибодомӣ, ки ба isloh.net менависанд $10,000 доллар ҷоиза муқаррар кардааст, боз рутбаи нав, то ин ки милисаҳо ҳавасманд шаванду онҳоро биқапанд.

 Чизи дигар, ки фаҳмидам ин аст, ки ба Ҷалилов номаҳо сахт таъсир мерасонад.Вале вай мардумро задагӣ.Бояд дар борааш боз ҳам бинвисем. Ман шахсан маълумот ҷамъоварӣ карда истодаам.

 Вақте дар мақолаи «Раҳмонов наё Ғарм» як ҷумла дар бораи Ҷаббор Расулов хондам гирям омад. Онҳоро бо Эмомалӣ Раҳмонов муқоиса кардан мумкин нест. 

Ман дар ҳукумати Конибодом кор мекунам. Метавонам дар бораи мансабдорони порахури ин ноҳия навишта фиристонам. Ин корро дар оянда хоҳам кард.

Ако ин номая нашр кнен ҳамаги маълумот буд. Саломат бошед. 

Дар алоқа ҳастем бародар. Бег Сабур интернет дод

Охирин хабар ин аст, ки Раҳмонов ба наздикӣ Конибодом меомадааст. Барои мавриди истифода қарор додани роҳ. Аммо таърихаш маълум нест. Вале аз ҳамин ҳоло Тухтасуноғлую Қофлонбой дар тапартапар даромадаанд.

    Душанбе

 Ассалому алайкум бародар Муҳаммадиқболи Садриддин! Ман дар шаҳри Душанбе зиндагӣ мекунам. Ончи, ки ман мегуям, шояд барои бисёриҳо қобили қабул набошад. Худамро муаррифӣ намекунам. Аммо он чиро, ки тавассути сайти шумо гуфтаниям, мегуям. Нашр мекунед ё не ин ҳам ихтиёри шумо аст.

 Раҳмонов ва оилааш ба ин умеданд, ки агар ягон хезохези мардуми шавад, мақомот пеши роҳашро мегирад. Ё, ки армияро мехезонанд. Ҳозир дар қисмҳои ҳарбӣ ягон захира нест. Ҳама сумҳо барои захира ба зимистонро ҳам оилаи Раҳмонов медуздад. Боз вазир ва командирҳои қисмҳои ҳарбӣ муваззафанд, ки таъмин кунанд. Дар қисмҳои ҳарбӣ қашшоқӣ ва гушнагӣ ҳукмфармо аст.

Маоши корманди КГБ зури зур 3000 сомонӣ, ки ҳеҷ чиз намешавад. Мақомот дар вазорати мудофаи 123 миллион сомонӣ зиёд камбуд ёфтанд. Фикр мекунед, ки ин пулҳоро кӣ медуздад? Гуфтанд, ки 52 кас барои ин пулҳо дастгир шудаанд. Ман бовар дорам, ки сад каси дигарро ҳам дастгир намоянд, аммо дуздони асосӣ дар озодӣ мемонанд. Чунки дуздҳои асосӣ хешу табор ва одамҳои наздики худи Раҳмонованд.

Аз руи баъзе аз маълумотҳо бояд Юсуф Раҳмон раиси КДАМ ё раиси Дастгоҳи иҷроияи Президент равад. Сулаймон Султонзода, ки ҳоло раиси Оҷонси мубориза бо коррупсия мебошад дар ҷойи Юсуф Раҳмон, Прокурори генералӣ мешавад. Султонзода аз Данғара аст ва дигар инки шогирди худи Юсуф Раҳмон мебошад

  Баъди ҳодисаи Саидҷаъфар Усмонзода клани фархориҳо аз боварӣ баромад ва Раҳмонов ба СС.Ятимов гуфтааст, ки масъалаи марзро тезтар ҷамъбаст кунад. С.С медонад, ки ҷамъбаст кунад, «лингош ай ҳаво миёя». Юсуф Раҳмон бошад, кушиш дорад, ки тезтар мафияи СС-ро ғалтонад.

 Ёдатон бошад мо дар соли гузашта баъзе аз маълумотҳоро аз компютери КДАМ чоп карда гуфта будем, ки соли 2024 соли ҳалшаванда аст ва СС.Ятимов дар коркарди як кудато ва бори души Юсуфу Раҳмон кардани онро машғул буд. Ҳамаи ин корҳоеро, ки ҳозир карда истодаанд, мо соли пеш гуфта будем ва шумо ошкор карда будед. Хусусан оиди он ки писари Мансур Умаров дар бари Исмоили Пингвин аст ва маълумотҳоро ба падараш медиҳад. Оиди оне, ки С.С.Ятимов, Мансур Умаров,  Музаффар Ашуриён, Мурод Саидов ва боз чандин нафарҳо ба саҳнаи сиёсат ба кумаки Убайдуллоев омадаанд.

Аммо ҳоло кор чапа шуду Юсуф Раҳмон, Прокурори генералии Тоҷикистон нақшаҳои СС.Ятимовро тоб доду ба пойи худаш баст. Қазияи Саидҷаъфар Усмонзодаро бояд то сентябр ҷамъбаст кунанд. Аммо ҳоло боз чанд нафари дигарро кашиданианд ба ин моҷаро. Шояд боз қапоқап мекунанд. Ҳатмани ҳатман Убайдуллоевро ҳам мебаранд. Чунки Раҳмонов аз вай сахт хавф дорад. Иҷозат намедиҳад, ки ором бимонад.

  Ман ростӣ, намедонам ин гапи шунидаам дуруст аст ё не, аммо писари Убайдуллоев дар Париж, ки сафир аст эҳтимол дорад дар онҷо даъвои паноҳандагӣ кунад. Чунки вазъияти падараш соз нест.

 Дар МВД ҳам одамони як замон наздики худи Раҳмонов масалан Хуршеди ОМОНу Суҳроб Раупов, ки ҳарду генерал буданд, дур андохта шуданд. Худи ҳаминҳо, ки одамони преданний буданд, гуфтаанд, ки мо бас мекунем. Як хелаш сабабашро ин тавр мегуянд, ки моро ҳам мекушанд. Дар вақташ Суҳроб Қосимро кушта буданд. Рустам меравад дар ҷаласаи Федератсия дар гостиница бо қундоқи пистолет дар пушти сараш мезанад ва мегуяд, ки «ҷоя холӣ кун бте, ма одамои худма мемонем». Ҳамин Суҳроб Раупову онҳоро ҳам гап –гап аст, ки мекушанд. Чунки инҳо ҳам бисёр сиру асрорро медонанд. Хуршеди Амону аҷабе нест, ки ҳамин СС.Ятимовро ягон кор кунанд. Як чиз бояд бикунанд. Барои онки Раҳмонов ба ҳеҷ кас бовар надорад. Дастгоҳ ҷойи муҳим аст ва раиси Маҷлиси миллӣ ҳам. Маълум аст, ки Рустам бо муаллима –Озода дар Раёсати ҷумҳурӣ якҷо кор намекунанд. Аммо Сулаймон Султонзода ин шогирди Юсуф Раҳмон аст. Юсуф Раҳмон дар Дастгоҳ як вақт муовин  буд.

                             Кулоб

Ассалому алайкум бародар Муҳаммадиқбол. Ман мухлиси доимии «isloh.net» ҳастам. Ҳамеша сайтро мехонам. Дар Кулоб зиндагӣ мекунам. Ҳоло мехоҳам аз газетаи СССР як навиштаашро бароятон мефиристам. «СССР»-ро ба назарам хумори солҳои пешинааш гирифтаасту дар шумораи ахири  худ як матлаби солҳои пеш чоп кардаашро ба нашр додааст. Ин матлаби он соли 2008 аст. Ман бовар дорам, ки ҳоло ин қабил маводҳоро чоп намекунад. Он солҳо боҷуръат буд. Ҳоло тамоман дигар шудааст, нашрияи ҳукуматӣ барин. Аммо ин матлабаш мушкилотро бозгу мекард, мушкилоте, ки ҳамин ҳоло ҳам идома дорад. Матлаби мазкур таҳти унвони «Ҳасан – аробакашҳои даврони мо: Гап назанен, ки ҳамамона аскарӣ мебаран!» дар таърихи 7 августи соли ҷорӣ чоп шудааст:

 «Ҳасани аробакаш» қаҳрамони асари устод Турсунзода аст, ки дар авоили ҳукумати СССР ба cap бурдаву то ахир намехост тағйири касби пуршарафи аробакашӣ кунад. Ҳасанҳои муосир аз касби худ шарм медоранд, вале барои дарёфти қути лоямут дастаи аробаро аз даст раҳо карданӣ нестанд. Чаро? Барои посух ба ин суол ва ошноӣ бо зиндагонии ҳамсолони аробакаши худ мо вориди бозори Шоҳмансури пойтахт шудем.

Дар нуқтае, ки истгоҳи аробаҳост, ҷавонони зиёде ҷамъ омадаанд. Аксарияти аробакашҳо гуфтанд, ки аз «касби барои Ҳасан пуршараф» шарм медоранд. Aммo зиндагонӣ онҳоро маҷбур кардааст, ки партаи мактабу Донишгоҳро ба дастаи ароба бадал кунанд. Саид ном ҷавоне гуфт, ки «акнун шумо менависеду мо аз ҳамин ҷои кор низ маҳрум мешавем». Саид аслан бовар надошт, ки барои онҳо ҳукумат ҷои кор таҳия кунад. Ӯ бовар танҳо ба «клиент», чархи ароба ва зӯри бозӯ дораду бас. Насим, аробакаши дигар изҳор дошт, ки танҳо бо нияти ҷамъ овардани пули билети ҳавопаймо кор мекунад, то ба Русия ба муздурӣ равад. Дар ин маврид, яке аз ҷавонон ба шарикон гуфт, ки «гап назанен, ки ҳамата хизмат мебаран!»

Маълум шуд, ки ҳамаи мусоҳибони ман нияти тағйири касб доранд. Суоле матраҳ аст, ки чаро ишон аз касбе, ки онҳоро мехӯронаду мепӯшонад ор доранд? Шояд ин ҳавову ҳаваси ҷавонист ва ё онҳо дарк кардаанд, ки ин касб ба онҳо равшание дар пеш нахоҳад афрухт?

Байни ишон ҷавонони донишмандро низ дучор метавон шуд. Ба гунаи мисол Манучеҳр Шарипов, сокини ноҳияи Восеъ 2 сол дар Донишгоҳи исломии пойтахт таҳсил кардааст. Бо сабаби сангинии рӯзгор донишгоҳро тарк кардаву аробакаш шудааст. Манучеҳр умед дорад, ки боз донишҷӯ шавад. Ҳадафи нави аробакаши ҷавон Донишгоҳи Тиҷорати Тоҷикистон аст. Нафари дигар, ки номашро нахост бигӯяд, афзуд, сабаби усулии тарки Донишгоҳ кардану аробакаш шудани ӯ устодони ришвагир будаанд. Ин нафар гуфт, устодон аз ӯ ришва талаб кардаанд ва чун пул надошт «аз донишгоҳ хориҷ шудааст». Ӯ мегӯяд, «галстукҳои фасонро устодон аз ҳисоби пули мо мебанданд» …

Воқеан ҳам ҳини суҳбат бо аробакашҳо ва дар муҳити ишон будан ҳис менамоӣ, ки ҳар яке аз ин ҷавонон умеде, орзуе дар дил доранд, ки дар бисёри маврид аз ифшои он худдорӣ мекунанд. Ва аммо дақиқан ягон нафари онҳо орзӯи идомаи касби пуршарафи Ҳасани Турсунзодаро надошт. Пас чи орзуе доранд, Ҳасанҳои муосир??? Сиррест, ки мо натавонистем онро бикшоем. Аммо дилсардие амиқ ва ноумедие қавӣ дар ҳар сухани ишон ба гӯш мерасид, ки рӯи қоғаз овардани он барои мо гаронӣ дорад.

ФАРЗОНАИ ШАЪБОН, «СССР»,  №6  Панҷшанбе  16 октябри  соли  2008  СССР.

             Абдураҳмони Ҷомӣ

Ассалому алейкум бародар Муҳаммадиқбол! Ман сокин ноҳияи Абдураҳмони  Ҷомӣ ва яке аз мухлисони шумо ҳастам.

Ман шуморо тули 3 сол аст, ки тамошо мекунам. Мехостам дар бораи вазъияти ноҳияамон ба шумо маълумот диҳам.Яке аз пастарин, ифлостарин, бесоҳибтарин дар байни шаҳру ноҳияҳо ин ноҳияи мо мебошад. Ягон нафар дар инҷо аз ҳамин ноҳия дар вазифаҳои баланд кор намекунад. Ҳамаи одамҳояшро президент аз дигар шаҳру ноҳия махсусан аз Данғара оварда мондааст. Зулм  дар ҷои аввал меистад. Масҷидҳо маҳкам. Рузи ҷумъа дар назди масҷиди ҷумъа  амниятиҳо хеле зиёданд ва талабаҳои мактабу ва донишҷуёнро иҷозат намедиҳанд.

Дар инҷо порахурӣ, дуздӣ, ғоратгарӣ дар авҷи аъло аст. Бозорҳоямонро чапа карданд, ду маротиба оташ заданд. Мо маҷбур  шудем чизу чораҳоямонро ҷамъ кунем ва ба бозори нав кучем. Дар бозори нав ҷой нест. Ҳарруз барои ҷой-точка ҷанг. 1м ²  20 ҳазор сомонӣ. Ба ғайр аз ин боз ҳар саҳар 5 сомонӣ, плюс, барқ, налог, ули участковий ва ғайра. Нарх дар осмони ҳафтум. Таксиҳоро  намемонанд, ки барои ризқу  рузиашон кор  кунанд. Ҳозир Зайнулло барои одамон даже  маршуткаҳои бепул ба муддати 6 моҳ овард, то ин ки халқ аз он бозори куҳна харид накунанд ва ба бозори онҳо оянд. Ҳоҷӣ Зайнулло  ҳавзҳои  моҳии мардумро аз дасташон зада гирифт. Канӣ  демократия, канӣ озодӣ? Боз дар қисми роҳи дарёи Вахш  аз тарафи роҳи Правда (Фрунзе), ки ба мо наздик буд, он роҳро маҳкам карда дар он ҷо шутур  парвариш  дорад.

Дар духтур ҳиҷ кас писандат намекунад. Паспортний стол- ин ҷойро нагуй. Дар инҷо  порахурӣ дар авҷи аъло. Дар ҳар як кор  аз 20 то 200 сомонӣ ғайр аз паспорт  аз ту мегиранд. ГАИшникҳоро  нагуӣ ҳам мешавад. Ҳамааш муфтхур.    

Мардум аз дигар шаҳру навоҳӣ  омада состоянии  худаш ва звеноашро баланд  намуда меравад. Ман одамеро дидам, ки ду бор коррупсия уро дастгир  кард вале вай пул доду баромад. Дар ҷони мардум задагӣ аст. Насеби вай Бобохонов мебошад.

  Дар прокуратура ҳамааш  муфтхур, саводи дуруст надоранд:- «иқа салдате, ки хизмата  бут када да банкҳо охранники кор мекардак оварда корда гирифтиян».

 Дар бораи шуъбаи маориф нагуем ҳам мешавад. Яке аз сардорони ин шуъба, ки номаш дар ёдам нест, тарафи директорон мегуфтааст, ки «худо ризқи манро ба дасти шумо меорад». Вай бо котибааш робита доштааст, утоқи кори даромада дарро аз дарун занҷир мекардаанд, пардаҳои тирезаҳоро мебастаанд ва кори худро пеш мебурдаанд. Ин корро ҳама кормандони маориф медонанд. Ҳатто шавҳари беномуси он духтар ҳам медонистааст. Лекин пеши роҳи ин кори зиштро намегиранд. Дар инҷо духтарҳоро бероҳа карда истодаанд. Аз пушти маршировка садҳо духтар бероҳа шуд. Ман ин корҳоро бо дуто чашми худам мушоҳида кардаам.

 Дар мактабҳо дарс нест. Ҳеҷ кас намехонад. Муаллимаҳоро гуш намекунанд, кадр нест, ҳама гурехта рафтааст ба Русия. Дар се моҳ муаллимҳоро як бор маош медиҳанд. Аз ҳамин сабаб  аз талабагон пул мегиранд.

  Ман харҷи синфи 11-иамро ҳисоб кардам, ки маълум шуд дар ҳаҷми 3780 сомонӣ харҷ  кардаам. Аз ҳамаи чи мо талабагонро пул мепурсанд. Ман медонам, ки айби инҳоям нест. Инҳоро мачбур мекунад зиндагӣ ва одамони боло. Дар фарҳанги мо як чиз  мегуянд «ов аз боло лойяй аст «. Ин мақолро ҳамаи коргарони давлатӣ истифода мебаранд. Халқ ҳама безору ҷон ба лаб шудааст, ҳама гурехта рафта истодааст Русия.

 Билети  ҳарбӣ  51,000 шудааст. Аммо ин маблағро дар банк месупорӣ. Ба ғайр аз ин ба миқдори 35-40 ҳазор сомонии дигар харҷ мекунӣ. Ман гирифтанӣ будам.  Аммо ин нархро дидам ва зури ман нараси. Дар ин ноҳия агар таға дошта бошӣ  тамом, «тда зелёный светафорай, любой кор мефорат мекни, тағадоро гаштиян, бе ягон военний  билет, мо гаштем хору зор дар Русия». Дар мавриди риш ва сатр нагуем ҳам мешавад, ин ба ҳамагон маълум аст. Дар бозор, қишлоқ, боғҳо умуман дар ҷойҳои ҷамъиятӣ амниятиҳо мегарданд ва одамеро, ки диданд ришаш  аз 1 см дароз, тамом капаш  дуд кард. Агар тағадор бошад, ҳеҷ гапе не, агар таға надошта бошад, мебаранд дар отдел мурданак мезананд ва ришашро хушк ба лезва мегиранд, агар муқобилият нишондиҳӣ ҷарима ва маҳкамат мекунанд,

Сардори шуъбаи маорифро дар аввалҳои соли 2023 аз вазифа барканор карданд. Вале вай сум дода боз ҷои худашро гириф. Ҷои руғаниашро. Дар охирҳои моҳи июн як қонуне баромад, ки 27 нафар директорон аз вазифа барканор ва дар ҷои онҳо занҳоро гузоштанд. Аз ин нафарон боз чор кас ҷояшро харид. Дар ноҳия ҳатто як завод ё фабрика  нест. Аз боло тамоман аҳамият дода намешавад. Ҳамааш пул. Аз вилоят меоянд сумашон медиҳанду дар ошхонаи нав, ки дар тарафи рости бозори ҳоҷӣ Зайнулло ҷойгир аст, мехуронанд,

Ман дар деҳаи Мирзообод, ки бо номи деҳаи террористон дар тамоми ҷумҳурӣ машҳур аст, зиндагӣ мекунам. Дар мактаби ҳамон деҳа мехонадам, ҳамон мактабе, ки дар соли 2017- 17 августи соли 2017 Эмомпиён омада онро ба истифода дод ва гуфт «чи барои як ҳами оғил (говхона) маро ба иҷа даъват кардед?»

Ҳозир бошад бо аҳли оилаамон  дар Русия кор ва фаъолият карда истодаам.  Ҳамон солҳои 2016-17 буд, ки омада чор масҷидеро, ки фаъолият мекард, бо ҳар баҳона маҳкам карданд. Ба Аллоҳ қасам аз тарафи амният ва бо ёрии ҷамоат ҳофиз ва раққоса оварда дар назди бинои масҷид консерт баргузор карданд ва подстава карда масҷидҳоро маҳкам карданд. Кудакҳоро аз ҳамон аввал   ба намози боҷамоъат ва таробеҳ намемонданд. Ман аз хурдсолӣ шавқу завқ доштам ва ҳангоме 12 сола будам ба масҷид рафтам. Дар намози пешин маро қариб ҳеҷ кас аҳамият надод ва дар намози аср бошад маро аз пасам бузҳои маҳалла ба тиёқаш зад ва дар вақти намоз аз пасам бо овози баланд аз модарам ҳақорат кард. Аз руйи ман шуда як мард бо он ҷанг  кард. Зеро он мард имонаш мустаҳкам буд ва уро мардуми онҷо қапиданд. Пас уро гуфт «тамошо ку ма тра алов мезанм». Баъди ин кор уро бурда бо статияи салафӣ маҳкам карданд. Баҳори имсол аз маҳбас озод шуд. Ман дар панҷсолагӣ Қуръонро хатм намуда будам. Ман хеле шавқ доштам. Баъди ин кор дилам хеле сиёҳ шуд, то ба балоғат расиданам ба масҷид намерафтам. Он масҷидҳо ҳам дар ҳамон ду ё се сол маҳкам шуд.

Ман ҳақиқатро мегуям. Ҳозир дар Русия кору фаъолият карда истодаам, дур аз падару модар. Директори мактаб ҳоло Шамсия Худойбердиева аст. Пештар директори мактаб Давлатов Додарбек ва муовинаш Худойдодов Дилшод буд.

Давлатов Додарбек пешина директори мактаб пенсия баромад. Лек бо муаллимаҳо алокаи зич дошт. Ман худам бо чашмони худам дидам, ки муаллима нимлухт дар бағалаш буд. Номи ин муаллима Худойбердиева Шамсия директори ҳозира, ки пеш муовини Давлатов буд.

Дар солҳои кушодашавии мактаб, соли 2017 ба дили Давлатов даромада уро ба ҳаҷ равон кард. Давлатов ба вай гуфт, ки то омаданам дар ҷои ман кор кун. «Вақте , ки ма омадьм ҷома мегирм» ва билет  гирифт. Вале ҳангоми регистратсия дар назди даромади самолёт муаллима Худойбердиева Шамсия бо ҳамроҳи коргарони амният ҷамъ шуда бечораи Давлатовро маҷбур карданд, ки ба аризаи аз кор баромадан имзо кунад. Вай ҳеҷ чора надошт ва имзо карда ба самолёт савор шуда рафт. Пас аз он ғоратгарӣ, дуздӣ, авбошӣ, ғуломсозиву бероҳакунии духтарону муаллимон сар шуд. Муаллима Шамсия моро тарсонда мегуяд «агар сум натиен ма шуморо да ноболиғон метим».

   Участковийи ноҳия оид ба ноболиғон Чиноров Шоҳрух, бачаи ҷавон бо у ҳамкорӣ дорад. Бардуруғ уро дар назди талабагон занг мезанад ва даъват мекунад ва мегуяд, ки «ҳамиқа сум те ҷонт халос». Мо аз маҷбурӣ медодем. Вай моро таҳдид карда мегуфт, ки «ма ай ягонтат наметарсм, ягон кас мара ай вазифа гирифта наметона, бра то президента шикоят кн, ай дастшон ҳичи намия, ма задагиюм любойша».

 Муаллима шавҳар надошт. Аз соле ман ёд дорам, кавалерҳои у бисёранд, аз ҷумла сардухтури поликлиникаи ноҳия. Вай бо як мошини ЛАНД КРУЗЕР ПРАДО номер 1111 мегардад. Аз ягон кас ҳомила нашуд. Лекин дар сини 43 солагӣ чи кораеш кард, ки соҳиби як духтарча шуд. Дар солхои 2021-22 кавалери дигариаш Илҳом, муовини прокурор, кавалери дигариаш Абдурауф, сардори уголовний розиск. Вай, кутоҳи гап бо коргарони боломақом  робитаи наздик дорад.

Муовинаш Худойдодов Дилшод, ки ин дигар хел мегуяд ва он дигар чиз мегуяд, Дар ҳаёташ ягон бор рост гуфтагӣ нест. Гапаш ҳамеша дуруғ аст. Порахури №1.  Талабагонро таҳдид мекунад, ки рафта ришқа ( юнучқа ) ва гандуми манро даравед, вагарна аз имтиҳон меафторонам. Директор ҳам ҳамчунин. Наход муаллим талабаро бурда дар вақти дарсӣ ва берун аз дарс кор фармояд. Кани назорати ниҳодҳои давлатӣ?   Ман якумин одаме ҳастам, ки аз ин деҳа барои шумо менависам. Шояд пас аз ин боз дигарҳо ҳам ҷуръат пайдо карда менависанд.

Дилшод бо лақаби кал (лисий) ноболиғонро дар таробеҳҳо безеб нигоҳ карда дар вақти дарсӣ онҳоро ҷангу ҳақорат мекунад. Ин бадбахт духтарон ва писаронро аз роҳ мезанад.

Дар соли 2023, ки ба Тоҷикистон сафар карда будам, барои дамгирӣ, рузи 7 март буд, рузе, ки дар мактаб духтарон ид доранд, ман бо ду чашми худам дидам, ки ин кали бадбахт калиди кабинеташро ба ду писар дод ва онҳо 2 духтарро гирифта ба кабинет даромаданд. Он тарафашро худатон фаҳмед. Ман инҳоро хуб мешиносам, вале номҳояшонро намегирам. Эй мардум ҳушёр шавед, ин чи бадбахтист? Аз сабабе, ки ман камтар кори зарур доштам рафта муаллимаамро табрик карда ба аэропорт рафтам. Соат тақрибан 14:00 буд. Ҳама ба кори худ машғул буданд. Аз байни 3 сол гузашт. Вай соҳиби 4 замин ва 8-9 чорвои калоншуд, директорамон ҳамчунин, хонааш пур аз чорво. Кутоҳи гап соҳиби ҳамаи чиз шуданд. Худойдодов моро таҳдид карда мегуфт: «ман аз ҳеч кас наметарсам, рафиқи ман дар дастгоҳ кор мекунад, ҳеҷ кас маро аз кор гирифта наметавонад»

Як дигареро инҷо мехоҳам қайд кунам. Дар вақти ифтитоҳи бинои мактаб, ки лентаи онро Эмомалӣ Раҳмонов бурида буд, дар он ҳолат ҳамаи корхонаҳоро маҳкам карданд. Дар паси ҳар хона ду одам бо силоҳ, бо газел ОМОН-ҳоро оварданд. Ҳамаи онҳоро дар хонаҳо ва дар масҷидҳо ҷой кардем. Ба онҳо хурок аз ҳама тараф таъмин намудем. Чуноне дар боло қайд кардем Эмомтапак гуфт: «мара барои ҳами оғил барои чи даъват каден?» Бо ин гап ҳамаро шарманда кард ва роҷеъ ба деҳаи мо гапҳои безеб гуфт ва танқид кард. Моро дар ҳамаҷо террорист гуфта мешиносанд, именно деҳаи моро.

Якчизи дигаро хостам кайд кунам , аз тарафи давлат помощ меояд, орд ва кумур,  ман «Ба АЛЛОХ қасам мехурам» бо ду чашми худам дидам, ки Ин ХУДОЙБЕРДИЕВА бо ароба  ба хонааш гирифта бурд! Магар ин харом нест? Моли садхо кудаки дигарро мехури: дар авалҳои моҳи ноябр буд ба фикрам аз тарафи давлат проверка омаданд барои кумур,  дар ҳамонҷоҳам машеники карда  20 кг 25 кг шумурда худашонро озод карданд, хангоми бараси хар як синф муалим даромад ва пеш аз комиссия ба талабагон гуфт: агар пурсиданд алов мекунанд, чоятон гарм аст гуед ҳо ҳама сад фоиз аст,  дар вокеь ягон чиз соз нест,  ҳамаи рафиқонам аз хунукии мактаб шикоят мекунанд , то кай ОХИР?.

АКАИ Муҳаммадиқбол ман худи имрӯз аз рафиқонам фаҳмидам, ки як писар  бо номи Шералӣ ки соли тавалудаш 2002 мебошад ва дар ҳамсоягии мо зиндагӣ мекунад , дақиқ дар деҳаи мо ,тақрибан як сол шуд дар қисмати ҳарбӣ хизмат мекунад ва 4 рӯз пеш чашми онро камандирхо бо чизе намедонам зада кафонданд,  хозир  чанд рӯз мешавад дар балниса мебошад, писар дар ҷавони аз як чашм маҳрум монд, духтурҳо гуфтанд: «агар шумо камтар дер мекардед шояд он чашми дигараш  кур мешуд» ин дар вокеъ ҳақиқат дорад, агар бовар намекунед рафта бинед , дар хонаи ин сарбози ҷавон мотам аст, магар ҳамин аст хизмати ҳарбӣ? Одамҳоро инвалид карда ба дасти падару модарҳо медихед? то ҷон дар бадан дорам бар алайҳи шумо мубориза хоҳам бурд , ИСТЕЪФО ЭМОМАЛӢ РАҲМОНОВ!

Сообщение Номаҳо аз ноҳияҳо ба «Ислоҳ.нет» №164 появились сначала на ISLOH.net.

Алишер Мирзонабот, ин генерали амниятӣ,ки режим раёсати вилоятро барои ҳамин рӯзҳо ба душаш гузоштааст,мисли як саги бовафо ва содиқ ба Раҳмонов ба саркуб ва сарзанишу таънаву мазаммати пиру барно ва зану марди махсусан ноҳияи Рушон гузаштааст. Тайи чанд рӯзи ахир Алишер Мирзонабот бо сокинони деҳоти ноҳияи Рушон ба гуфтаи ТВ «Бадахшон» силсиламулоқотҳо доир ва тавре вонамуд мекунад,ки бо ин мардум аслан ҳеҷ ҳодиса ва иттифоқе рух надодааст ва онҳо шоҳиди кадом фоҷиаи мудҳиши инсонӣ набудаанд,онҳо тирборон нашудаанд,онҳо куштаву захмиву зиндон нашудаанд,балки бадтар ва бештар аз ин ҳама, ҳар ончи дар инҷо рух дод,муқассир ва муҷрим худи сокинони ҳамин деҳоту ҳамин ноҳия ҳастанд. Чунки онҳо ба гуфтаи Мирзонабот «ба қадри некиҳои Асосгузори Сулҳу ваҳдат нарасиданд,куронамакӣ карданд».

«ТВ «Бадахшон» аз ҷараёни ин силсиламулоқотҳои Мирзонабот бо мардум гузоришҳоеро такрор ба такрор нишон дода истодааст. Маълум ва дақиқ аст ки ин ҳама мулоқоту барномаҳои такрории ТВ «Бадахшон» бар тибқи нақшаи махсус сурат гирифта истодааст.Ин шабака дар шабурӯзҳои ҳаводиси нангину мудҳиши нимаи дуввуми моҳи гузашта фақат ва фақат аз гурӯҳҳои муташаккили ҷиноӣ ва террористон гуфту талош кард куштор ва қатли омми аҳолии осоиштаи Бадахшон аз тарафи мақомоти қудратии режими Душанберо чораи ноилоҷӣ ва амали ҷавобӣ-яъне «амалиёти зиддитеррористӣ» ба қалам диҳад.Баъди ин чанд рӯи дигар пайваста аз хидматҳову дастгириҳову гузаштҳову одамигариҳои Эмомалӣ Раҳмонов нисбат ин вилоят ва мардуми он барномаҳо мунташир кард.»

Аммо ҳоло дар ин чанд рӯзи ахир қаҳрамони ТВ «Бадахшон»  Алишери Мирзонабот аст.

Мирзонабот саҳна ва пойгаро аз шерони бадахшӣ Мамадбоқиру Гулбиддину Ёдгор ва ёрони онҳо холӣ дида ва худро дар баробари мардуми дар ҳолати «шок» қароргирифта марди танҳои майдон рост кардааст.Вай дигар ошкоро ва бидуни кадом андешае ба мардум худаш таҳдид карда истодааст:

«Минбаъд низ кадом хатаре аз ҷониби кадом неруе ба амнияти давлату миллат таҳдид мекунад,дар манбаи худ аз байн бурда хоҳад шуд».

Ҳеҷ ҳарфе ва ҳеҷ сухане аз онки чаро куштори Гулбиддин Зиёбеков,таҳқиқ нашуд ва намешавад намегӯяд,кушторе,ки тамоми ҳаводиси баъдӣ ба маҳзи он сурат гирифтааст.

  «Аммо гаштаву баргашта мардумро муттаҳам карда истодааст,ки натавонистанд пеши роҳи «ҷавонони ноогоҳу гумроҳшуда ва дар доми хоҷаҳои хориҷӣ» афтодаро бигиранд,то онҳо даст ба амали террористӣ -«бастани шоҳроҳи Хоруғ-Душанбе» назананд.Бастани роҳ ва ҷилавгирӣ аз вуруди ҳарбиён,ки маълум аст ба куштори ин мардум омада буданд, ҳамчун далели амали террористӣ баҳо дода шуда истодааст. Далеле,ки ҳеҷ поя ва асос дошта наметавонад.»

Мирзонабот бо овардани оморҳое,ки маълум нест манбаъаш куҷост падару модарони дар толор нишастаро таъна ва таҳдид карда мегуяд,ки дар тазоҳуроти соли 2020 аз ин деҳа 20 кас иштирок карда буд аммо дар ҳодисаи охир шумораи онҳо то 80 нафар расидааст.80 нафар сокини гумроҳшуда ва фиребхурда будаанд.Вале ин саволро ба худ намедиҳад,ки магар 80 нафар чаро гумроҳ шудаанд?Аз он намегуяд,ки гумроҳии онҳоро сабаб куштори ноҷавонмардона ва гузашта аз ин бетафтишу бетаҳқиқ мондани қазияи Гулбиддин  шудааст.Агар мақомот куштори Гулбиддинро тафтиш карда омилини онро муҷозот мекард,ҳодисаҳои ахир рух медод? Яқинан рух намедод,чун мардум эҳсос мекард ва медид,ки ҳукумат дар фикри онҳо ҳам ҳаст.Аммо вақте мардум дид,ки ҳукумат,аз ҷумла ҳамин Мирзонаботи гумоштаи Раҳмонов аслан ба онҳо эътибор намедиҳад,одам намеҳисобад,мекушад ва таҳқиру таҳдид мекунад,ночор эътироз мекунад.Вале ин эътироз ва ин норозигӣ ҳаргиз маънои амали террористиро надорад.

 «Раҳмонов ва мақомоти қудратии вай дар Бадахшон мардумро куштанд, руирост тирборон карданд. Ҳукумат сокинони осоишта ва аҳолии бесилоҳи худро парронду кушт.Дигар ҳамаи ончики имрӯз гуфта истодаанд,танҳо барои худро сафед кардан ва ҷинояти анҷомдодаи худро тавҷеҳ кардан асту бас.»

Бубинед,вақте як пиразани рушонӣ мехезаду мегуяд,ки «Ман худамро гунаҳкор меҳисобам.Мо иқрорем, гуноҳ кардем.Ман гунаҳгорам,ман, ки фарзандамро фаҳмонида натавонистам» ин чи маъно метавонад дошта бошад? На танҳо ин пирзан,балки ҳар касе,ки дар толори суҳбат бо Мирзонабот баланд мешавад, мегуяд, ки мо «худамон гунаҳкорем», мо ин ҳама пешравиҳои барои мо анҷомдодаи Ҷаноби олиро надидем,мо бахшиш мепурсем».

Гумонатон ин аст ки ин мардум ин ҳарфҳои дуруғиро,ки ҳоло шумо бо истифода аз ин ҳолат маҷбур аз зери забони онҳо кашида бароварда истодаед,беҷавоб мемонад?

Шумо, талош карда истодаед, ки он куштору он тирборонро ба гунаи дигар -ба террори равонӣ давом бидиҳед ва тарсу ваҳшатро то пойи ҷони ин мардум ҷо кунед?

Як нафари дигар аз иштирокчиёни мулоқот бо Мирзонабот хесту чунин гуфт: «Аз содагии мо истифода карда бисёр хоҷагони хориҷӣ ва маҳаллӣ ҷавонони ноогоҳи моро ба ҳамин варта дохил карданд. Ман шахсан худро, ҳамаи дар ҳаминҷо истодагонро дар ҳамин чиз айбдор медонам». Маълум аст ки ин ҳама баромадҳову ин ҳама суханҳо ёддоди худи шумо Алишер Мирзонаботи хоини мардуми Бадахшон ва дигар барномарезони қатли омми мардуми сарбаланди Бадахшон аст.

Ҳоло Шодӣ Ҳафиззода, сардори УБОП-и вазорати дохила дар ин мулоқотҳо дар ҷойи Бузмаков ва Шариф Назарзода ҳузур дорад.Ин Шодӣ Ҳафиззода,ки ҳам ҳамчуноне Бузмакову Назарзода барои мардуми Бадахшон ҳиҷ гоҳ қобили қабул нахоҳад буд ва ба унвони як аҷнабӣ ва ғосиб дониста мешаванд,болои ин мардум дуғу пуписа карда истодааст:

«Инҳо ҷинотяҳои вазнин ва махсусан вазнин содир карданд.Дар натиҷаи корҳои фаҳмондадиҳӣ бо хоҳиши худашон ба мақомоти милиса ҳозир шуданд.Дар асоси қонунгузории Тоҷикистон гуноҳи онҳо сабук карда мешавад.Аз ҷониби суд,вақти таъиноти суд вазнинтарин ҳам ки шуд,ҷазои сабук таъин карда мешавад.Ба маълумоти шумо ман ҳамина мерасонам,гарчанде,ки яке аз асосгузорҳои ҳамин ошубҳои мусаллаҳона буданд».

 Маълум нест,ки Шодӣ Ҳафиззода дар бораи кадом асосгузор гап мезад,ки ихтиёрӣ худро супоридааст. Аммо шумо лаҳн ва шеваи суҳбатҳои уро бинед, ки чи гуна аст? Хеле ҳам бо кибру ғурур ва бо як назарногирӣ ва ҳақир ҳисобидани мардуми Бадахшон. Оре, дигар ин думравону пайравони Сангак ҳоло худро ғолиб ва бадахшониҳоро мағлуб медонанд. Вай боз болои аҳли нишаст дар толор,ки аксарияташон калонсол ва падару модаранд дуғу дағдаға карда истодааст,чаро «ҷавонписарон ришҳои қафқозӣ ва туркӣ,ки ба урфу  одатҳои  мардуми тоҷик хос нестанд гузошта ба ин васила ба ҷавонон таъсири манфӣ мерасонанд ва шумо онҳоро аз ин корҳо бознадоштед»?

Намоиши дидору мулоқотҳои Алишер Мирзонабот бо сокинони деҳоти Рушон тавассути ТВ «Бадахшон» дар ҳақиқат як амали ҳисобшуда ва махсус аст.Мақсад ва ҳадафи он зуру шикастнопазир нишон додани «Асосгузори сулҳу ваҳдат» ва ҷинояткору осӣ хондани на танҳо ҷавонону чанде аз «лидеру лидерча»,балки аксарияти мутлақи аҳолии ин вилоят аст,ки бояд шикаста бишаванд, сарҳояшонро хам кунанд, дигар нафас набароранд,мисли сокинони манотиқу вилоёти дигари кишвар ҳар касеро болои онҳо додситон,милиса, судя бимонанд сокиту хомӯш итоат кунанд,агарчи онҳо даст ба таҷовуз ҳам зананд. Чунки «Тоҷикистон аз онҳост» ва дигарҳо, аз ҷумла ҳамин мардуми Бадахшон бояд ғулому чокару батраку бардаи онҳо бошанд.

Марҳалаи дуввуми террор ва торумору саркуби аҳолии Бадахшон бо дастони Алишер Мирзонабот анҷом дода шуда истодааст.Мирзонабот як даҳан аз қатли омм ва як даҳан аз хонаҳои дар мотамнишаста,ки шуморашон наздик ба сад аст,ҳатто ишора ҳам намекунад.Мегуяд,ки онҳо террористанд,ҷинояткоранд,аз Улфатхонуми ҷосус,аз Алим Шерзамони хоин пул гирифтанд ва бо дастури Холбашу Боқир халқро бар зидди сиёсати давлат шурониданд.Туҳмате беш нест, ин сухан. Ин мардум барои дохоҳӣ омада буданд.Аммо имрӯз бо ин вуҷуд ки куштанду вилоятро ба мурдахона табдил карданд, ҳамоно террору таҳлука ва тарсу ҳаросафканӣ болои мардумро қатъ накарда истодаанд.Ин мулоқотҳои Мирзонабот бо ҳамин ният аст ки ба тамоми мардуми Бадахшон ва ба тамоми Тоҷикистон бигуянд,ки мо ҳам мекушематон,ҳам зиндонатон мекунем ва ҳам шуморо хоину душман эълон мекунем ва дар ниҳоят водор ва бечораву ночоратон мекунем,ки ба поямон биафтед ва аз Асосгузор сулҳу ваҳдат узр пурсед ва худатонро худатон бо даҳони худатон гунаҳкор эълон кунед.

«Сайфулло Сафаров чи гуфт? Гуфт ки Холбаш бо даҳани худаш худашро гунаҳкор гуфт.Такрор ба такрор «крутит» кардани ин наворҳо танҳо бо ҳамин ҳадаф аст ки мардуми Бадахшонро шикаставу торумору сарафканаву бечораву пушаймоншуда нишон бидиҳанд,то ба дигарон ҳам сабақ бишавад.»

Марҳалаи тирборон ва қатлу куштори оммавии сокинони бесилоҳи Рушону Хоруғ ва ҷисман нобуд кардани помириҳои бонуфузу боэътибор акнун ҷойи худро ба террору торумори равонӣ,саркуб ва шикастани пиру барно,зану марди ин вилоят додааст, ки ин барномаи режими Раҳмоновро дар ВМКБ Алишери Мирзонабот ба иҷро гузошта истодааст. Алишери Мирзонабот мағзҳои мардуми Бадахшонро шустушӯ карда ва дар ҷойи ғурур,номус, шараф бешарафӣ,бардагӣ ва беномусиро ҷой карда истодааст.

«Аммо ин мардум шикаста мешавад ва ё ҳаводиси ахири Бадахшон,куштори Боқир ва боздошти Фаромуз Иргашев марҳалаи сарнагунии режими ин пирамарди хирасарро оғоз мебахшад, то чанд вақти наздик маълум хоҳад шуд.Зеро ҳар лаҳза имкони тағйири вазъият вуҷуд дорад ва инро худи Пешво ҳам хуб дарк кардааст ва тарсу ҳароси худро пинҳон карда ҳам наметавонад ва ба каррот зикр мекунад, ки,“Вазъият дар олам пешбининашаванда ва мураккаб аст». Танҳо мехоҳем гушрасатон кунем, ки Тоҷикистони зери идораи шумо пешбининашавандатар аз ҳар кишвари дигарест!»

Ps: Мутаассифона, хабарҳое, ки ба мо мерасад хеле ҳам ваҳшатнок аст. Имрӯзҳо дар навоҳии Бадахшон ҷонишини аввали вазири дохилӣ Бузмаков -Аламшозода  ва сардори раёсати қӯшунҳои дохилии ин вазорат  Генерал Суҳроб Раупов ҷиноятҳои ниҳоят сангин содир карда истодаанд. Баъд аз ҳаводиси рӯзҳои 14-18 май беш 30-35 нафар ҷавони бономусу гапзанро бе ягон асос фақат бо нишондоди 3-4  бузи худашон ба шаҳодат расониданд. Ба гуфти худашон «очистка»-поксозии қавмиро давом дода истодаанд. Ҳарду ин генерал, ки номи худро ҳатман бо се хатоӣ менависанду гузаштаи сиёҳу торик доранд, ба гуфтаи шоҳидони амалиётҳои дар Помир руй дода аз рафти амалиёт ва «очистка»-ашон ба Рустами Эмомалӣ ё ба Шоҳрух Саидов гузориш дода аз он  ду кас амрҳои иловаги мегиранд. Бадии кор дар ин аст ки бузҳои онҳо дар байни мардум  то ҳадде пинҳонанд, ки мардуми бечораи Помир   намефаҳмад, ки аз байни мардуми худӣ кӣ онҳоро фурӯхта истодааст.

Вале ба ҳар ҳол, манобеи мо ба итминони комил гуфтанд, ки чанде аз ин бузҳои маҳалли мақомоти қудратиро ошкор кардаанд. Аламшозода як нафарро пурра таҳти нуфузи худ даровардааст   ва ба ӯ вазифа ҳам додааст.

Дар мавриди афроди фурӯхта шуда ба режим корро идома дода истодаем ва дар мавриди тасдиқшудани он. номҳои онҳоро тақдим менамоем.

Ҳафт нафре ҳамкории «судманд» бо мақомот доранд ва ҷавононеро, ки аз Канада,ИМА ва Аврупо барои дастгирии гуруҳҳо, ҳамкучагон кумакпулӣ гирифта буданд, фурӯхтаанд. Бародарон, падару модарони онҳоро ҳамчун оппозитсияи давлат ба Бузмаков мефурӯшанд. Аз рӯйи ҳамин маълумоти додаи онҳо буд, ки дар амалиёти «чистка»-и Суҳроб Раупов ва Абдураҳмон Бузмаков бисёре аз онҳо тибқи нақшаи аз қабл омодашуда кушта шуданд.

Рӯзи 11 уми июн тибқи хабаргузории Ховар дар шаҳри Хоруғ Айёмбеков Толиб Абдурамонович, Шанбиев Мунаввар Наврӯзбекович ва Гулобов Ниёзшо Аслишоевичро боз ҳам дар як амалиёти «бе зарар гардонӣ»  дастгир ва ба ҳабс гирифта шуданд.”

Дар рӯзи 12 уми июн бошад дар УПД Хоруғ дар як амалиёти ба гуфти худи мақомот «бе зараргардонӣ» Хурсанд Мазоров ( бо кличкаи Синниглаз) ва Зоир Раҷабовро ба шаҳодат расониданд. Инчунин бародари Алим Шерзамонов , Муслим Шерзамонови 56 соларо  ба ВКД даъват карда ва боздошташ намуданд. Мисли ҳамеша боз ҳам туҳмат карда эълон намуданд,ки аз хонаи Муслим Шерзамонов силоҳи калашников ва тирдон пайдо намудаанд.

Алим Шерзамонов, муовини раиси Паймони милли Тоҷикистон ба РО гуфт: бародараш 56 сол дошт, «вале ба ҳеч гуруҳ ҳамроҳ набуд».

«Гуноҳи аввалаш ин аст, ки дар замони фармондеҳии Мамадбоқир Мамадбоқиров дар қисми сарҳадбонӣ дар Мурғоб раиси ситодаш буд. Гуноҳи дигараш ин аст, ки бародари ман аст. Дигар гуноҳе надорад,» – афзуд ӯ рӯзи 12-уми июн ба РО.

Ба ҳар яки онҳо аз тарафи Суҳроб Раупов ва Бузмаков дар Бадахшону Душанбе дар органҳои қудратӣ вазифаҳо ваъда карда шудааст. Аммо бо боварии комил мегӯем,ки фиреб мехуранд ва ҷуз чанд маблағи ночиз ҳеҷ вазифа ва мақоме ба онҳо дода намешавад. Хиёнаткорӣ, одамфурушӣ аз одатҳои зишти инсонӣ аст ба худ оед, ҳоло ҳам вақт аст , нафурӯшед. Аксарияти  ҷавонони бегуноҳ кушташударо ҳамин ҳафт нафар фурӯхтаанд. Гуфта мешавад, ки раиси КДАМ СС.Ятимов  ва вазири дохилӣ Раҳимзода ва раиси вилояти Бадахшон Алишер Мирзонабот аз амалиётҳои Бузмаков ва Суҳроб Раупов, ки бидуни ҳамоҳангӣ бо онҳо гузаронида шуда истодааст нороҳат ҳастанд. Махсусан, ки ин амалиётҳоро шахсан Рустами Эмомалӣ ва Шоҳрух Саидов роҳбарӣ намуда истодаанд ва  ин гурӯҳакҳои зархариди ҷиноӣ аслан бо сар кардагонашон раиси ин вилоятро аслан ба эътибор намегирифтаанд ва гуш ҳам намекардаанд. Чун,ки фармондеҳ нафарест, ки нафари дуввуми кишвар аст. Бадахшониҳо бояд хуб донанд,ки Раҳмонов ва мақомоти ҷиноятпешаи ӯ ҳеҷ раҳме ба ҳеҷ Бадахшонӣ надоранд. Ҳатто ба худи Алишер Мирзонабот ва шафкаҳое ҳоло дар қатли мардуми Хоруғ ба ӯ кумак доранд. Аммо тибқи маълумоти дигар ташаннуҷ ва мухолфиати шадид миёни КДАМ ва ВКД дар Хоруғ дида мешавад ва дигар низомиён дар Хоруғ ба ҳар хона даромада ҳар ҷинояте хоҳанд анҷом медиҳанд ва ҳеҷ касе монеъи аъмоли онҳо намешавад ва наметавонанд бишаванд.

Сообщение А.Мирзонабот: «Худи помириҳо гунаҳкоранд»Бузҳои Рустам дар Бадахшон шиносоӣ шуданд появились сначала на ISLOH.net.