КДАМ ба модари Шабнам: Барои сафар аз амнияти Кулоб иҷоза гиред

Намояндаи КДАМ гуфтааст, ки қазияи Шабнам Худойдодова ё мамониати духтар ва модари ӯ ба КДАМ ҳеҷ иртибот надорад.

Дар қазияи имрӯзаи мамониати мақомоти амниятӣ ба сафари духтар ва модари Шабнам Худойдодова ба хориҷ аз кишвар, фарзияҳои аҷибу ғарибе пайдо гаштанд.

 

Тибқи иттилои манбаи мо ҳангоме, ки аз кормандони КДАМ  дар қазияи мамониати имрӯза аз сафари духтар ва модари Шабнам савол карданд, намояндаи  КДАМ гуфтааст, ки қазияи Шабнам Худойдодова ё мамониати духтар ва модари ӯ ба КДАМ ҳеҷ иртибот надорад.

 

“Мақомоти марказии КДАМ ба сафари пайвандони Шабнам Худойдова ҳеҷ мамониате надоранд. Бояд ба шаҳри Кулоб рафта, аз шуъбаи Кумитаи амнияти миллии вилояти Хатлон  иҷозаи сафар бигиранд”. -гуфтааст корманди мақомоти амниятӣ.

 

Оё КДАМ аз шаҳри Кулоб идора мешавад?

Вақте як корманди идораи марказии КДАМ мегӯяд, ки мо ҳеҷ мамониате ба сафари пайвандони Шабнам надорем ва танҳо мушкилӣ дар иҷоза додан ё надодани мақомоти амниятии Кулоб аст, саволе ба миён меояд, ки Кумитаи амнияти миллии Тоҷикистон магар аз шаҳри Кулоб идора мешавад? Ё шахсе дар Кулоб нишаста аст, ки Ятимов лухтаки ӯст?

 

Оё  метавонад зери парда, афроде аз “ОИЛА” қарор дошта бошад, ки ҳама ҷиноёте, ки дар кишвар сурат мегирад, ба номи Саймумин Ятимов ва КДАМ навишта шуда, ӯро “Подстава” кунад?

Total
0
Shares
Related Posts
Read More

Имрӯз авввалин рӯзи моҳи Зулқаъда

Сомонаи Умулқурои давлати Саъудӣ моҳи шавволро 29 рӯз ва рӯзи шанберо 1-уми моҳи Зулқаъда эълон намудааст. Моҳи ҷадидро рӯзи ҷумъа соати 17:48 ба тавқити давлати Саъудӣ диданд. Ҳама давлатҳои араби ҳам рӯзи шанберо аввали моҳи Зулқаъда эълон намудаанд. Дорулифтои давлати Миср ҳам рӯзи ҷумъа пас аз ғуруби офтоб рӯъяти моҳи ҷадиди Зулқаъдаро тасдиқ карданд ва рӯзи шанберо аввалин рӯзи моҳи Зулқаъда эълон намуданд.
Read More

Номаи саркушода

Қонунгузории кишвар барои тавҳин ва барангехтани кинаву адоват миёни мардум ҷазо таъин намудааст. Тавре ки шумо мӯҳтарам мақомоти қудратӣ, ҳар касе, ки бароятон хуш наояд бо он модда онҳоро барои солиёни зиёд равонаи зиндон мекунед.