Намояндаи Тоҷикистон аз ширкати ҲНИТ дар нишасти САҲА изҳори нигаронӣ кард

Мо ғайри қобили қабул медонем, баъзе аз гурӯҳҳои ифротгарое, ки бо даст задан ба амалҳои террористӣ айбдор шудаанд ва кишварҳои узви САҲА ҳамчун созмони терористиву экстремистӣ шинохтаанд, дар ин нишаст роҳ ёбанд.

Имрӯз, 10 сентябр дар пойтахти Лаҳистони Аврупо, шаҳри Варшава нишасти САҲА оид ба ҳуқуқи башар ва интихоботи демократӣ ба кори худ шурӯъ кард, ки қарор аст то 21 сентябр идома кунад.

Соати 10:00 ба вақти маҳаллии Варшав маросими ифтитоҳии нишасти машваратии намояндагони кишварҳо  дар бораи ченакҳои ҳуқуқи инсон оғоз шуд.

Дар ин нишаст намояндаи Тоҷикистон Муовини аввали вазири умури хориҷии Тоҷикистон Низомиддин Зоҳидзода, баромад намуда,  пеш аз ҳама аз ҷашни 27 солагии истиқлолияти Тоҷикистон, ки дирӯз 9 сентябр дар саросари Тоҷикистон таҷлил гардид, ёдовар шуд.

“Мо дар давоми ин солҳо ҳамкории худро бо САҲА фаолона ба роҳ мондем. Дар чорчубаи ин ҳамкориҳо, чандин барномаҳо дар Тоҷикистон пиёда шуданд. Яке аз ин ҳамкории муҳими мо бо САҲА,  гузаронидани ҳамоиши Конфронси байналмилалӣ дар масъалаи мубориза бо терроризм ва экстремизм буд, ки моҳи майи соли ҷорӣ дар шаҳри Душанбе шуда гузашт” – таъкид намуд вай.

Ӯ афзуд, ҳамкории Тоҷикистон бо САҲА шаҳодат аз он медиҳад, ки ин кишвар дар уҳдадориҳои худ  пойдор  барои устувории сулҳ, ҳифзи озодӣ ва ҳуқуқи инсон боқӣ мондааст.

Аммо, ба бовари намояндаи Тоҷикистон дар нишасти САҲА муносибати “стандарти дугона”-и кишварҳои алоҳида, нисбати гурӯҳҳои тундгаро шароити кунуниро вахим кардааст.

“Тоҷикистон ҳамеша ҷонибдори ширкат дар ҳамоишҳо оид ба ченакҳои ҳуқуқи инсон ва нишастҳои ҷомеаи шаҳрвандӣ буд, чунин мемонад. Аммо, мо ғайри қобили қабул медонем, баъзе аз гурӯҳҳои ифротгарое, ки бо даст задан ба амалҳои террористӣ айбдор шудаанд ва кишварҳои узви САҲА ҳамчун созмони терористиву экстремистӣ шинохтаанд, дар ин нишаст роҳ ёбанд. Ба ин даъво метавонад ҳизби экстремистӣ ва терористии Наҳзати исломӣ мисоли равшан бошад, ки дар амалҳои терористиву экстремистии  дар Тоҷикистон рухдода даст дорад. Даст доштани ин ҳизб бо далелҳои зиёди радношаванда, тасдиқи худро ёфтааст”. – гуфт Низомиддин Зоҳидзода.

Маврид ба зикр аст, ки бино ба маълумотҳо дар нишасти имсолаи  САҲА дар Варшав бо намояндагӣ аз Тоҷикистон, муовини аввали вазири умури хориҷӣ Низомиддин Зоҳидзода, сардори Департаменти иттилоот, матбуот, таҳлил ва тарҳрезии Вазорати корҳои хориҷӣ Вафо Ниятбеков, муовини раиси Маркази исломшиносӣ Рустам Азизӣ, устоди Донишкадаи исломӣ Абураҳим Каримов, Сафири Тоҷикистон дар Олмон  ва Лаҳистон Маликшо Неъматов , муовини маркази тадқиқоти стратегии назди президенти ҶТ Сайфулло Сафаров иштирок доранд.

 

 

Total
0
Shares
Related Posts
Идома

“Домоди Муроди телех марзи Исфараро ноором дорад”

Беҳрӯз соҳибкорон ва тоҷирони Исфара ва вилоятро бо талаби пораҳои калон ба дод овардааст. Беҳрӯз бо тавсияи Маҳмадзоири домоди Президент ба ин вазифа таъин карда шудааст. Тамоми борҳои дуздии домоду духтарҳои президент аз ҳамин сарҳад мегузаранд.
Идома

Раҳмоналӣ.A заминҳоро фурӯхту “кидат” кард

Гӯё, ки модарони исфарагӣ фақат писару духтари террорист таваллуд мекарда бошанд. Мо- мардуми Исфара тӯли ин 29 соли истиқлолият инхел милисаҳои бераҳмро бисёр дидем монанди Насимов Каромат..Тошов Ғулом. Айни замон дар ВКД кор карда истодааст бо рутбаи полковник.
Идома

Раҳмонов ба узбекҳо пул намедиҳад

Чи хеле ки гуфтам дар шаҳри Конибодом дар даврони Истиқлолият ягон навигарӣ нашудааст. Ҳоло агар вазъиятро ҳикоят кунам, шояд боваратон намеояд.
Идома

Лимити барқ дар тобистон бало аст ва ё наҳсиву корношоямии Раҳмонов?

Ҷорӣ кардани лимити барқ дар тобистон,ки барои аввалин бор дар Тоҷикистон иттифоқ меафтад, баробари рехтани оби хунук ба сари мардуми бе ин ҳам дар як ҳолати вазнини иҷтимоиву иқтисодӣ қароргирифтаи тоҷик аст. Дар урфият мегӯянд, ки балои аз осмон омадаро замин мебардорад