Дар ҳоле, ки чоплусону косалесон ва хушомадгуёну тамаллуқкорон аз Рустами Эмомалӣ як роҳбари корсозу муваффақ сохтаниву тарошиданӣ мешаванд, вале воқеият чизи комилан баръаксро нишон медиҳад.
Хабарҳое, ки ба мо мерасанд, ҳикоят аз он мекунанд, ки Душанбе на танҳо аз неруи барқ танқисӣ кашида истодаасту аз лулаҳои оби он дигарбора лою гил мерезад, ҳамчунин аз буи бади партовгоҳҳои он ки ҳафтаҳо ғундоштаву тоза карда намешавад, сокинони пойтахт ба ҷон расидаанд. Инҷо номаи як нафар аз мухлисони «Ислоҳ»-ро аз Волгоград ба мо ирсол намудааст, ҷой додем, то гуфтаи мо собит шуда бошад.
Волгоград
Ассалому алайкум бародар Муҳаммадиқбол! Баъд аз онки номаҳои пешинаи маро нашр намудед, ман дигар ҳама нашрияҳои Душанберо, ки дар шабакаи ҷаҳонӣ сафҳа доранд, мурур мекунам. Ман чи гуфтаниам? Ман гуфтаниам, ки дар шаҳри Душанбе Рустам, ҳеҷ коре карда натавониста истодааст. Новобаста аз таърифу ситоишҳои ноҷову номуносиб ҳатто нашрияи ҳукумати Тоҷикистон ноилоҷ мондааст, ки масъалаи «буй»-и Душанберо матраҳ кунад ва СССР, ки он ҳам як газетаи «придворний» асту ҳамвора аз Рустам ва корномаҳои вай лофу газоф мезанад, зиндагӣ дар пойтахти даврони Рустамро зиндагӣ дар Африқо номидааст. Барои онки шумо мутмаин бошед, ду матлабро, ки аввалиаш аз «Ҷумҳурият» ва дуввумиаш аз СССР ва ба қалами С.Достиев тааллуқ дорад, айнан пешкашатон менамоем ва аз шумо бародар Муҳаммадиқбол хоҳиш мекунам, ки айнан чоп намоед:
«Фарҳанги шаҳрнишинӣ. Аз ҳоли табоҳи партовгоҳҳо»
05 ноябр 2024, Сешанбе
« Душанбе имрӯз ба туфайли раиси ободкораш куллан дигаргун шудаву ҳар гӯшаи он зеби тамошост. Ман, ки сокини шаҳрам, навгониҳои рӯзафзуни он чашмам мебарад, чи ҳоҷат ба онҳое, ки даҳ-понздаҳ сол шаҳрро надида якбора бинанд. Эътироф бояд кард, ки имрӯз Душанбе макони писандидаи на танҳо мо – тоҷикон, балки меҳмонони берунӣ низ ҳаст. Вале бо вуҷуди ҳама пешравиҳо, мутаассифона, баъзан, бо айби шаҳрвандон ва гоҳе бо бемасъулиятии ниҳоде, камбудиҳои кӯчаке чун доғ намудор гаштаву ҳусни шаҳрро коста мегардонанд.
Сухан аз партовгоҳҳо ва вазъи ногувори онҳо меравад, ки солҳост мегӯему ҳеҷ ҳалли худро намеёбад. Аз кор ба хона меравам. Ногаҳон бӯйи ғализе ба машом мерасад. Мебинам, ки аксар вақт қуттиҳои партов пур, чанд тӯдаи калони дигар дар замин…
Кӯдакамро ба боғча мебарам. Дар роҳ партов, боз бо ҳамон шакли боло. Ӯро ба кӯдакистон монда, сад-дусад қадам дуртар меравам, ин бор қуттиҳо холиву партов дар замин паҳну парешон, бӯи ғализаш нафасгир… Аҷибаш, ин ки акнун одати наве ҷорӣ шуда, партовро алоб мемонанд, месӯзонанд, дар дохили шаҳр, ки садҳо нафар хоҳу нохоҳ ин дуди ғализро бояд нафас бикашанд. Ғайр аз ин, мавсими тирамоҳ, ки сар шуд, дарди наве рӯ мезанад: хазонсӯзонӣ. Ҷо-ҷо чи дар партовгоҳу чи саҳни биноҳо мардум хазонро дар медиҳад… Бовар дорам, хонандаи гиромӣ, ки шумо низ борҳо чунин ҳолро дидаед.
Аҷиб аст, ки чаро идораи коммуналии шаҳр ин ҳолатро зери назорат намегирад? Аксари нуқтаҳои партов дар наздикии кӯдакистонҳоянд. Магар намеандешанд, ки дар сурати сари вақт тоза нашудан, бӯйи партов ба саломатии кӯдакон зарар хоҳад расонд? Ҳоло ҳоҷат ба ҳоли зори калонсолону нафарони бемор нест.
Мо – шаҳрвандон, одат кардаем, ки гуноҳро ба сари сохтори марбута бор кунему ба ҳамин ҷони худро халос. Вале бемасъулиятии худамон пушти парда мемонад. Аксар вақт партов, ки овардем, ду-се кадами дигар монда даруни қуттӣ андохтани он магар мушкилӣ мекунад, ки сари роҳ мепартоему меравем. Ҳарчанд ҳамон роҳ гузаргоҳи худи мову атрофиёни мост.
Мушкили дигар сари вақт тоза нашудани партовгоҳҳост. Чаро шаҳрвандон ҳам маблағи партовро пардохт намоянду ҳам бӯйи ғализи онро нафас гиранд? Кӣ бояд пеши роҳи алоб дар партовгоҳҳоро гирад, ки акнун ба ҳукми анъана даромаданист? Имсол бо ёрии шабакаҳои иҷтимоӣ чанд партовгоҳи атрофи кӯдакистонҳо, ки ҳоли ташвишовар доштанд, тоза карда шуданд. Дигар партовгоҳҳоро кӣ бояд назорат кунад? Агар партов бо ҷурми шаҳрвандон берун аз қуттист, чаро идораи сохторҳои дахлдор бо насби камераи назоратӣ чанд нафари онро ҷарима намекунад, то ба дигарон дарс шаваду одоби шаҳрнишиниро риоя кунанд? Масъулонро мебояд сари ин саволҳо андеша кунанд ва дар амал пайрави иқдомҳои созандаи раиси муҳтарами шаҳр бошанд, зеро шоҳидем, ки барои тозаву озода нигоҳ доштани пойтахти кишвар, ки оинаи Тоҷикистон аст, тамоми чораҳо андешида шуда истодаанд. Дар истифодаи мизоҷон қарор додани мошинҳои барқӣ маҳз ба хотири ҳифзи тозагии ҳавост. Дарахтшинониву кабудизоркунӣ аз ташаббусҳои дигареанд, ки Душанберо ба шаҳри сабз табдил додаанд.
Дар радифи он қадар корҳое, ки анҷом меёбанд, ислоҳи ин камбудӣ имконпазир аст, агар масъулият бошад.
Меҳрангез ҚОДИРОВА,«Ҷумҳурият»
«Мо дар Африқо зиндагонӣ намекунем!!!
Муҳтарам раис! Инак ҳафтаи 3-ум аст, ки бе эълони маҳдудияти барқ ва ҷоришавии лимит дар пойтахти кишвари азизамон, ш. Душанбе, идораи зертобеи Шумо ба аҳолии мавзеъи мавсум ба маҳаллаи Балх, собиқ деҳоти Арбобхотун, ки банда дар он ҷо ба сар мебарам, рӯзона куллан барқ намедиҳад!
Барқи ин мавзеъ аз соати 10 қатъ гашта, то соати 16 бебарқӣ давом мекунад. Ва агар Шумо фикр доред, бо ин коратон «барқ сарфа мекунед», нуқтаи назари комилан хатост ва ба масъули барқи пойтахти 1 кишвар зебанда нест. Зеро ин ҷо пойтахти Тоҷикистон асту дар ин мавзеъ ҳазорон нафар зану кӯдак, пиру барҷомонда, касалманду нафақагир ба сар мебаранд. Кори маҳаллаи мо ба ҳаддест, ки модарон ба кӯдакон ғизои гарм омода карда наметавонанд. Пирону барҷомондагон дар торикӣ ва сардӣ ба сар мебаранд. Ва агар кор дар ин мавсим чунин аст, вой бар ҳоли мардум, ки дар замистону баҳор ба чӣ мушкиле хоҳанд печид.
Аз сӯи дигар ин маҳалла соли 3-ум аст, ки ба ҳудуди шаҳри Душанбе ва ноҳияи Сино ворид шудаст. Дигар ин ҷо ноҳияи дурдасти Рӯдакӣ ё Ҳисор нест, ки бояд лимити шадиди барқ ҷорӣ карда мешуд! Ин мардум, бар умеде буданд, ки баробари мутеъи н. Сино гаштан, аз азияти бебарқӣ ва лимит раҳо мегарданд. Аммо кор баръакс шуд. Мардуми маҳалла пушаймонанд, ки ба ноҳияи Сино ва Шабакаҳои барқи ш. Душанбе гузаштаанд. Ё корро уҳда кунед, муҳтарам раиси Барқи Тоҷики ш. Душанбе, ё моро бозпас ба шабакаҳои барқи н. Рӯдакӣ гузаронед. Зеро масъулини барқи ноҳияи Рӯдакӣ ба ҳар ҳол боинсофтар буданд.
Дар бораи ҷузъиёти ин бебарқӣ дар шумораҳои баъдӣ муфассалтар хоҳем навишт. Мо Метавонем!
С. Достиев,
ш. Душанбе, н. Сино, Арбобхотун,
Турсунзода
Ассалому алайкум бародар Муҳаммадиқбол! Аз Регар бароятон менависам. Яъне аз ноҳияи Турсунзода ва дар бораи раиси ноҳия Акрамзода Парвиз Акрам гуфтаниам. Парвиз дар ноҳия худаш ҳам президент ҳасту ҳам сарвазир. Аз сокинони қишлоқи Ленин барои асфалти роҳ аз 450 сомонӣ то 1200 сомонӣ гирифт. Барои вай фарқ надорад, ки он нафар бой аст ё камбағал. Ин кор-сумҷамъовариро пеш аз омадани Раҳмонов карданд. Дар масъалаи домсозҳо чи бигуям. Инҳо микрорайонҳоро расво карда истодаанд. Парвиз ба онҳо ҳама заминҳои Регарро фурӯхта истодааст. Бисёр ҷиноят карда истодааст. Дар микрорайони якум гаражҳои зиёде барои мошинҳо мавҷуд буданд. Қариб 1000 мошин ҷой мегирифт. Ҳамаи онҳоро фурӯхт. Аз соҳиби гаражҳо тамоман напурсид. Сокинон то Суди олӣ навиштанд, аммо бефоида. Чунки Парвиз суми калон бурда додааст. Парвиз аз домсозҳо барои қарор 60-70 ҳазор доллар пора мегирад. Ҳозир кораш фақат заминфурушӣ барои сохтмони дом. Халқи Регар сахт норозӣ аст. Парвиз барои худаш дар пушти сафорати Амрико дар Душанбе як ҳавлии сеошёна харидааст, ки дорои таҳхона ва замини васеъ аст. Вай ин хонаро ба 2 миллион доллар харидааст. Ана пули халқи Регар ва домсозҳо ба куҷо сарф карда шудааст. Ман ҳайронам, ки ин мақомот прокуратура, амният, милиса куҷоро нигоҳ мекарда бошанд? Ягон нафари бовиҷдон доред? Ҳамаи роҳбарони ин мақомот аз Парвиз пул мегиранд, барои ҳамин муттаҳаманд, ва чизе намегуянду чашм мепушанд.
Ҳозир боз дар Регар гап баромадагӣ, ки Акрамзода Парвиз бо кадоме аз духтарҳои Раҳмонов қудо шудагӣ аст. Парвиз ту кай сер мешавӣ? Аз Аллоҳ битарс. Ягон рӯз Раҳмонов туро аз кор мегирад. Он вақт мебинӣ, ки халқи Регар туро чи кор мекунад.
Ҷамшед архитектори калони Регар якҷо бо Парвиз Акрамзода заминҳоро ба домсозҳо фурӯхта истодаанд. Ҷамшед хуб гуш кун! Вақту соаташ, ки мебиёяд туро виноват эълон мекунад. Ту архитектори Регар ҳастӣ. Лекин ба ҷиноятҳои Акрамзода Парвиз қуш шудаӣ. Ҳама заминҳои обиву лалмиро яксара фурӯхта истодаӣ ба домсозҳо ва дуои бади халқи Регарро гирифта истодаӣ. Инро бидон, ки вақташ меояд Акрамзода Парвиз ҳамаи ҷиноятҳои кардаашро ба калаи ту мезанад. Бас кун, ва аз рӯйи қонун кор кун. Ҳамин хел гап бародар Муҳаммадиқбол. Тамоми ҳарфҳои навиштаам ҳақиқат аст. Чунки ин инсон дар ҳамин литсей кор мекунад. Бахшиш, ки агар хато навишта бошам. Чунки ман узбекзабонам. Аммо аз шумо хоҳиш ва илтимос мекунам, ки навиштаи маро нашр кунед. Ҳаракат карда навиштам. Бигзор халқи Регар ва тамоми халқи Тоҷикистон фаҳмад ин ҷиноятҳои Акрамзода Парвизро..
Конибодом
Ассалому алейкум бародар Муҳаммадиқбол. Аз деҳаи Ҷаҳонзеби Конибодом ин номаро роҳиатон кардам. Ман аз қонуншикании як корманди Рамазон Раҳимзодаи мулаққаб бо Ҷеки Чан, ки дар деҳаи Ҷаҳонзеб ноҳияи Конибодом санаи 4 ноябр ба вуқӯъ пайвастааст менависам.
Баъд аз нисфирузӣ корманди БДА дар роҳ як мардро дошта хеле ғам дода угрожаташ мекунад барои ситонидани маблағ ва ин боиси марги он марди солхурда мешавад. Он мард касали қанд дошта будааст ва ин амали корманди Рамазон Раҳимзодаи Ҷеки Чан боиси ин фоҷиа шуд. Охир инҷо зиёда аз даҳ камераи назорати мондагианд. Аммо ин гургони дупои фурашкабарсар, кормандони БДА ва милиса фақат бадбахтӣ ба мардум меоваранд. То ҳоло иллат ва омилҳои кушторҳои занҷираӣ, ки дар Кониболом имсол руй дод, ошкор ва дастгир нашудаанд. Ранги мошини он гаишник сафед ва тамғааш Мерседес аст. Ман ба он одами аз ҷабри ин гаишник мурдагӣ ягон авлоду хешу табор нестам, танҳо як ҳамдиёри бетарафам. Мо бачаҳои Конибодом чор моҳи ахир ба шумо нома нанавиштем. Вале Раҳмонови номарди аҳдшикан боз ҳамин фурашкадорҳояшро ба суроғи мо равон кард.
Дар ҳоле, ки Шоҳрух Саидзода инҷо 10 камера мондагӣ аст. Ва радиои Озодӣ дар моҳи августи соли ҷорӣ онҳоро нишон дода буд. Саволи мо ин аст ки акнун, ки даҳ камера аз пули бюҷети мамлакат, яъне мардум барои назорати роҳ мондаед, боз ин гаишникҳо дар инҷо чи кор мекунанд? Наход Рамазон Раҳимзода то ҳамин дараҷа аз маоши ГАИшникҳо доля мегирифта бошад, ки онҳо худро ба обу оташ зада дар зери назари камераҳо ҳам аз ронандаҳо пул меситонанд? Ногуфта намонад, ки деҳаи мо ҳамсояи ҳамон деҳаи Санҷидзор аст.
Ин ҳодисаи нохуш аввалин рӯзи кории он гаишник ба амал омадааст. Баъди марги мард деҳа пур аз амниятиҳо шуд. Вале корманди Рамазон Раҳимзода дар назди ягон қонун ҷавоб нагуфтааст.
Акбар Шарифӣ, сухангуи РВКД дар вилояти Суғд дар барномаи телевизиониаш аз ин ҳодиса чизе намегуяд. Мо ба ҷуз аз «Ислоҳ» дар дигар ҷое гуфтаву навишта наметавонем.
Мо мардум мехоҳем, ки ин корманди БДА, ки ба Рамазон Раҳимзодаи Ҷеки Чан итоат мекунад, тибқи қонун ва конститутсияи Тоҷикистон ба ҷавобгарӣ кашида шавад.
Баъд аз ин амали номардонаи Раҳмонови аҳдшикан ва мақомоти дар коррупсия ғутидаи вай мо бачаҳои Конибодом бештар ба шумо нома менависем.
Москва
Ассалому алайкум устод Муҳаммадиқбол! Номаи шикояти ман ба Раҳмонови касиф аст. Охир рӯз ба рӯз ҳоли мо муҳоҷирони корӣ дар Русия бад шуда истодааст. Ҳоламонро аз саг ҳам бадтар карда истодаанд. Мо тоҷикҳо бо ин ҳам дар Русия қадр надоштем, аммо ҳозир аз саг ҳам беқадртар шудем. Худаш чи гап?
Охир мо соҳиб дорем ё не? Худованд хору залил кунад ин Раҳмонови палидро. Миллатро ин қадар хору залил кард. Ҳозир 120 ҳазор муҳоҷири тоҷикро дар «чёрний» гирифтагианд. Маълум нест, ки тақдири онҳо чи мешавад?
Ҳозир пулисҳо хона ба хона гашта истодаанд. Одамҳои бедокументро бурда маҳкам карда истодаанд. Намедонем мо чикор кунем, ба кӣ шикоят кунем?
Охир дар давраи босмачиҳо ҳам ин русҳо аз мо истифода карданд. Дар Ҷанги дуюми ҷаҳонӣ мо тоҷикҳо ёрдам кардем ба русҳо, фашистҳоро ғолиб омаданд. Лекин як бор намегуянд ба тоҷикҳо раҳмат, ки ба мо кумак карданду дар ҷанг ғолиб баромадем. Мо ба инҳо якҷо шуда наметавонистем. То ҳозира мо тоҷикҳоро истифода бурда истодаанд.
Агар Раҳмонов бо инҳо «туғрӣ» нагирад, мо «туғрӣ» намегирем. Эй Раҳмонови аблаҳ, намебинӣ, ки ин қадар миллат азоб кашида истодааст. Номусу виҷдон дорӣ ё не? Ту бадбахт чи хел мемирӣ? Яке аз орзуҳои ман дидани мурдани ту аст. 10 миллион милдати тоҷик аз афти хунуки ту безоранд. Барои миллат як бор ягон кори хуб кун охир! Италия рафтӣ чи шуд? Путини хуҷаинат иҷозатат надод, ки рафту омад дошта бошӣ бо Италия? Ранги занҳо гилаву ҷингила кардӣ. Аммо ба гапат намекунад Путин.
Медонам, ки «Номаҳо…» -ро тамошо мекунӣ, фишорат боло мешавад. Аммо мо хуб медонем, ки ту беномус ҳастӣ, беор ҳастӣ, мезанӣ арақрову ҳамаро меолоиву хоб меравӣ. Фикр накун, ки русҳо моро беэҳтиромӣ мекунанд. Балки инҷо туро эҳтиром намекунанд. Мо, барои русҳо мисли ғулому каниз кор мекунем, аз мо онҳо ягон бадӣ надидаанд. Инки мо муҳоҷиронро азобу азият мекунанд, ин туро азобу азият мекунанд. Ту бояд инро дарк кунӣ! Журналистҳои Русия ҳатто номатро дуруст намедонанд.
Мо дар як магазин кор мекардем. Ному фамилияамон дар бейҷик навиштагӣ буд. Ҳар одаме меомад, медид моро, ҳатман мехонд, бейҷикамонро ва вақте мефаҳмид тоҷикем ҳақоратамон мекарду мерафт. Ман бо онҳо ҷанг мекардам. Ҳарчанд директор мегуфт, ки ту дар Русия зиндагӣ дорӣ, ҳамроҳашон ҷанг накун:
«мегуфтам дар Русия кор дорам, аммо ин маънии онро надорад, ки бо ман мисли ғулом рафтор кунанд».
Як зани пир омаду гуфт, ки ту тоҷик будӣ, ман дидам туро, фикр кардам рус ҳастӣ, чунки ман зардинаам ва бо русҳо монанди дорам. Худам ҳам аҳамият намедодам, тоза фаҳмидам. Ин пиразани густох ба ман гуфт, ки дар ин ҷо ягон рус кор намекунад. Ман гуфтам не, ҳама тоҷиканд. Пиразан сари қаҳр гуфт «мурдиян русҳо, ки ин магазини калон ба дасти шумо чуркаҳо ғалтидааст». Инро гуфту рафт. Баъдан ман «файродш кардм, марам қаҳрам омад. Ба тоҷикӣ ва ба русӣ ҳақоратш кардм. Пиразани аблаҳ фаҳмид ҳақоратома. Пешм омад гуфт чи ба ҳақорат мекнӣ? Гуфтм ту чи ба ҳақорат кардӣ, мора? Шумо Русҳо наёе кор накунед, баъд мо гунаҳгорем, ки омада кор дорем ва дар хидмати шумо ҳастем? ».
Ман ба ин пиразани рус гуфтам: «бирав шавҳартаи, бачатай, домодтай, касе набоша биёрш да ҷой ма кор куна ман ҳозир кора бас мекунам мерам ватанам. Лекин шумо кор намекнед дар он корҳое мо Тоҷикҳо кор мекунем. Пиваву арақа мезаневу ранги Раҳмонов рақс мекунед. Шумо агар ба Раҳмонов туғрӣ бигирен мо ба шумо туғрӣ намегирем»
Як ҳамкори рус доштем мегуфт: «Президенти шумо дар ҳақиқат шуморо дар капека ҳисоб намекардай. Иқа рейдҳо, ин қадар азоб, мо дар ҷои шумо мардум мебудем, Раҳмоновро дар кунш антен мезадем. Гуфт,ки президенти шумо на самом деле сучка будаст. Ман аввал тоҷикора шум медидм барои онки дар ТВ ва интернетҳо ҳарчи мегуфтанд шуморо. Аз рӯзе ҳамин магазин кор омадум, насам деле фаҳмидм шумо тоҷико великий народ будаед, добрий буден, кор мекнед, аз Тоҷикистон барои кор меоед оилаҳотона таъмин мекнен. Маладиёжои мо на падарошона нигоҳ мекнанд на модарошона».
Э, мардум барои ҳамин ин қадар хомӯш наистед. Раҳмонови алайҳи лаънатро то аз қудрат дур накунем,мо ҳеҷ маҳал соҳиби обру намешавем, на дар дохил ва на дар хориҷи кишварамон ва ҳамеша дар азобем. Нест бод Раҳмонов. Нест бод диктатор!