Номаи мазкур барои мо дар соли гузашта дастрас шуда буд. Ин нома навори аудиоӣ буд ва онро ба матн баргардондем. Ному насаб ва дигар маълумот, аз ҷумла маҳалли феълии зисти муаллифи он пеши мо маҳфуз аст. Аммо бо далоили барои ҳамагон маълум ифшо накардем. Ному насаб ва маҳалли феълии зисти ин хонум тағйир дода шуд. Худи муаллиф бисёр хост, ки онро чоп карда ба мардум нишон бидиҳем, ки маъмурони мақомоти ҳифзи ҳуқуқи режими Раҳмонов бо мардум чи гуна муомила ва бархурд мекунанд.

Нафар як зиндагии орому маъмулӣ дошт, яке мешунавад ва мефаҳмад, ки ӯ дар шумори ҷинояткорон қарор дода шудааст, ӯро мавриди таъқиб, розиски байналмилалӣ қарор додаанд ва вай дигар ҳиҷ куҷо рафта наметавонад. Ана ҳамин тавр, сарнавишти як инсон ҳаллу фасл мешавад.

Айни ин хонум садҳо, ҳазорҳо нафар аз шаҳрвандони Тоҷикистон имрӯзҳо дар гӯшаҳои гуногуни дунё ба чунин азобу машаққат дастбагиребонанд. Онҳо айби худро намедонанд. Чунки ҳиҷ гуноҳе содир накарданд. Аммо ин ҳукумати Раҳмонов ва режими ҷорикардаи вай навиштани шарҳ дар зери як матн, вокуниш барои як сӯҳбати рӯҳонӣ, ҳатман рӯҳонии мусалмон, сӯҳбат бо як нафар мухолифи режимро гуноҳ ва ҷурм ҳисобида алайҳи чунин нафарон парванда боз карда ва ҳатто ӯро таҳти таъқиб қарор медиҳад.

Дар миёни тамоми понздаҳ кишвари пешини Иттиҳоди шӯравӣ Тоҷикистон аз ҳисоби онки шаҳрвандонаш дар Интерпол дода шудааст, дар ҷои аввал аст.

Ҷаҳони васеъ ва пурвусъат барои як нафар чи гуна тангу тор карда мешавадро аз ҳикояти ин зан мехонед ва сарнавишти ин зан барои достону қисса ва роман ҳам муносиб аст. Ончиро, ки инҷо мехонед, як сари мӯ эҷод нашудааст. Ҳама чиз саргузашт аст. Саргузашти як ҳамватани мо, ки ба рағми майлу иродаи худаш сарсону саргардон шудааст

Аз Хуҷанд то Твер: «зани тоҷик дар гирдоби розиск»

«Ман донишгоҳи Хуҷандро тамом накарда омадам. Интиқол гирифтам Бишкек. Барои онки дипломҳои Хуҷандро дигар карда буданд. Вақте ман дохил шудам ихтисос –спетсиалност тарҷумон буд, баъдан ба омӯзгори забони тоҷикиву арабӣ иваз карданд. Аз ҳамин лиҳоз ман интиқол гирифта Бишкек рафтам. Ҳам дараҷаи донишгоҳ баландтар ва ҳам боқувваттар буд. Хулосаи гап хатм кардаму баргаштаму омадам.

 Қиссаи ман дарозу тӯлонӣ аст. Аммо кӯшиш мекунам, ки мухтасар бошад. Бишкекро тамом кардам. Саршавии соли 2012 омадам Тоҷикистон. Ман дар Тоҷикистон ҳамагӣ чор ё панҷ моҳ истодам.

 Ду ҳафта дар вазорати тандурустӣ ба ҳайси котиба-ёвар ба Салимов кор кардам. Документҳоямро қабул карданд. Аз он ҷиҳат ва сабаб, ки пештар дар давраи мактабиам ҳам яке аз фаъолтарин хонандаҳо будам.

 Дар ҳар як проектҳое, ки пештар дар дохили ноҳияву шаҳр ва вилоят ба иҷро мегузоштанд, мудом иштирок мекардам. Барои ҳамин онҷо шиносҳо буданд. Гуфтанд, биё кор кун.

 Ман шароити кишварамро медонистам ва ба ростӣ курсиро хариданӣ будам. Ман фикр кардам курсиро харидан як кори муқаррарӣ аст. Хуб, дигар барои ҳама маълум, ки инҷо харидуфурӯш ҳатмӣ аст. Лекин ман вақте ҳамин ҳолати харидуфурӯшро ба як шахси баландпоя, дар ҳақиқат он одам имрӯзҳо баландпоя аст, мартабаи баланд дорад дар ватан ба забон гирифтам пешниҳоди бисёр безеб кард, аз ҳамин ҳисоб камтар поямро кандам аз корҳои давлат-пешниҳоди ҳамхобагӣ кард. Барои ҳамин ман аз ҳамаи ин чизҳо даст шустам ва ватанро тарк карда рафтам як сафорати давлати арабӣ, яъне сафорати Тоҷикистон дар давлати арабӣ ва онҷо ҳам кор кардам.

 Онҷо ҳам ба ман маъқул нашуд, аз ҳисоби ҳамингуна пешниҳодҳояшон. Хайрухуш кардам омадам. Албатта номи сафир ва кормандони сафоратро мегуяд вале мо сарфи назар мекунем. Муҳим дар сафорат ҳам ба ӯ пешниҳодҳои бад мекунанд ва тарк мекунаду меояд Тоҷикистон. Вале боз берун баромадам чун Тоҷикистон ҳам  ҳамин гапу қиссаҳо буд дигар.

Баъди як солу чанд моҳи дигараш рафтам меҳмонӣ -барои ҳамагӣ сездаҳ рӯз, боз чапа гаштам омадам ба Русия.

  Вақте ман пешниҳод ё шартҳои онҳоро барои коргирӣ шунидам, ба худам гуфтам, хайр ман меравам фаррошӣ карда 15- 20 ҳазори русӣ маош мегирам ва Худоро шукр кор мекунаму ҳаромӣ намекунам.

Гуфтанд хайр ин қадар лаёқат дорӣ, забон медонӣ, биё кор кун. Буданд одамҳое, ки пешниҳоди ин хел аз рамкаи инсонӣ накарда буданд. Дар ҳамон вақтҳо ҳам ин хел одамҳо дар мақомҳои баланд буданд. Масалан Прокурори транспорти ҷумҳурӣ шахсан маро қабул карда буд. Ягон пешниҳоди безеб накард. Як марди калонсол, аз 50 гузашта буд ному фамилияаш хотирам нест. Лекин ҷонишинаш дар вилояти Суғд бародари калонии Қоҳир Расулзода, сарвазири Тоҷикистон Абдувалӣ буд. Ман аз номи Абдувалӣ рафта будам.

   Ба мурури замон зиндагии ман ба ҳамин минвол идома кард. Ман дар он вақтҳо аз шавҳари якумам ҷудо шудам ва инҷо омадам. Баъди ягон чаҳор сол шавҳари дигар кардам. Шавҳарам тоҷик не. Баъди шавҳар карданам боз як бори дигар Тоҷикистон рафта омадам. Вроде ягон хел гапи зиёдатӣ нашуд, ба ғайр аз як писхандзаниву гапҳои ноҷои як коргари гумрук-таможний дар аэропорти Хуҷанд. Ин гумрукӣ нисбати ҳиҷобам як ду гапҳои безеб гуфт. Дигар гапи зиёдатӣ набуд. Хуб ман ватанам рафтам, се моҳ гаштам ва боз пас омадам. Ҳама қонунӣ, ҳама аснод ҳаст, ҳамааш аз рӯи қоидаҳои Русия буд. Ягон документ-асноди тоҷикӣ надорам, документҳои тоҷикӣ дар дастам намондааст. Аз соли 2016 гражданин-шаҳрванди Федератсиони Русия ҳастам. Алҳамдулиллоҳ ҳамааш нағз, сиҳату саломатам ҳаматарафа хуб.

  Лекин баъди 8 декабр дар Шарқи наздик ҳодисае, ки шуду гузашт вазъият дигар гардид. Шавҳари ман аз ҳамон давлати сунимазҳаби қавӣ, аз шаҳри Ҳамо аст. 

Мақомоти Тоҷикистон аз ин вазъияти ман бохабар аст. Дар гирду атрофам як чанд хел ҷосусҳо ҳам дорам, бовар кунед. Аллакай шинохтам ҳамон ҷосусҳоро ва ба чашми худам дидам. Хонаи худам даромаданду баромаданд, нону намакамро ин мардум хурданд, аз тоҷикҳои худамонанд. Акнун ҳамин хел. Маълумотҳоям дар дасти ҳукуматиҳо ҳаст.

Январи соли 2025 зангам заданд. Аз кибернетика гуфтанд-УБОП. Ба ростӣ ман аз ин хел шабакаҳои корӣ хабарам нест. Гуфтанд, ки ман бо моддаи 307, қисми 2-и Кодекси ҷиноятии Ҷумҳурии Тоҷикистон муттаҳам ҳастам. Ва, аллакай бар зидди ман парвандаи ҷиноӣ ифтитоҳ кардаанд. Баъд аз ифтитоҳи парванда падарамро фарёд карданд ва на танҳо падарам, ҳамаи хешу таборамро фарёд карданд. Шавҳарони апаҳоям, ҷиянҳоямро бурданд, духтари холаамро бурданд, хеле нафарони зиёдеро, балки ҳамаро бурдаанд милиса.

Ман инҷо бояд бигӯям, ки бародар, ман дар барномаҳои шумо иштирок мекунам, ман гап задагиам дар барномаҳо, комментҳо навиштагӣ ҳастам.

Ҳоло ҳам ман бисёр мехоҳам бо шумо сӯҳбат кунам. Якчанд барномаатонро паиҳам тамошо кардам. Гуфтам, ки аз шумо машварат намегирам. Лекин, боз дилам пур не. Гуфтам боз фикри шуморо гирам, пурсам, ки чи кор бояд кард? Инҷо ягон тоҷикро бовар карда намешавад. Гирду атрофам ҳама ҷосус, аксарияташон мошоаллоҳ аз Ванҷ ҳастанд. Бисёриҳо ванҷӣ. Чанд нафари дигар аз Истаравшани худамон. Ҳаст зани аз 70 гузаштагӣ, калонсол ҳасту лекин рафторҳои ҷосусӣ дорад. Тоҷикони инҷоро таги даст карда гирифтагӣ. Бародар, шавҳарам ҳам ҳамин ҷо назди ман аст, сӯҳбати мову шуморо гӯш мекунад.

Хулоса, ман барои 19 сентябр аз Маскав билет доштам. Ман бояд мепаридам Туркия. Бояд убури Ливан-Лубнон мекардам ва аз Лубнон Сурия мерафтам, пеши хусуру хуштоманам барои меҳмонӣ ва аёдат. Билетҳоямон харидагӣ буд.

 Ман аэропорти Внуково меравам. Маро фиш мезанад. Мезанад, ки ман «масъала» дорам.  Гуфтанд як тараф биист. Мебарандам ба як кабинет. Ва маро суолу ҷавоб мекунанд. Аммо ҳайратовар ин буд, ки дар бораи ман маълумот доранд. Як акси дар синфҳои ҳафт- ҳашт будаамро дар он дело задаанд. Онро бароварда нишон медиҳанд ва мепурсанд ҳамин ту ҳастӣ ё ту нестӣ?

Ман рости гапро гуфтам, ки ҳа, бале, ман ҳастам. Гуфтанд, ки ту чи кораӣ, чи кор кардӣ нисбати он давлат, яъне давлати Тоҷикистон? Гуфтам, ки ман ягон кор накардаам. Ман дар инҷоям, дар Тоҷҷикистон, ки нестам, ҳаминҷо нишастаам.

Боз суол пурсиданд, ки ба ягон кас сум фиристодӣ ё не?

Ман гуфтам, ки бинед, шумо метавонед, дароед бинед ҳама чизеатон, ки мефорад, бинед тафтиш кунед.

Ҳама чизҳоям, телефонамро гирифтанд, тафтиш карданд. Чанд соат тӯл кашид. Сипас гуфтанд, ки мо нисбати ту ягон хел талаб, ягон хел зиддият, ягон чизамон нест. Вале туро давлати Тоҷикистон таҳти пайгард қарор додааст.

Ва, ҳамин бозрас як маслиҳатам дод. Гуфт, ки аз инҷо набаро, аз Русия набарову баргарду бирав хонаат.

 Гуфтанд, ки ҳозир ту баромадӣ, фишро, ки задем Тоҷикистон бохабар мешавад, ки ту аэропорт омадаӣ. Чунки ба онҳо сигнал меравад. Барои онки туро дар розиск додаанд.

Ман фаҳмиданиам, ки маро чи хел ва чаро ба розиск-таҳти таъқиб қарор медиҳанд? Мебинам, ки бо моддаи 307 қисми 3; банди 3 ё чанд буд фаромуш кардам, муттаҳам ва таҳти ҷустуҷӯи байналмилалӣ қарор додаанд.

Як бачаи тағоияро бо ҳамин хел модда 22 сол задагианд.22 сол гирифт. Ҳамон ҳам қисми 3 бо иловаи 2 ё 3 буд, боз вергул доштааст.

Бори дигар мегӯям, ки ман асноди дутабаиятӣ- душаҳрвандӣ дорам. Аммо, бадбахтона, ягон документи тоҷикиам действуюший нестанд. Не паспорти миллӣ ва не хориҷӣ дорам. Падарамро бурдан ба УБОП –и ноҳия. Мо дар колхози …солагӣ зиндагӣ мекардем, ҳозир номаш иваз шудааст.

Падарамро бурданд. Падарам собиқ раиси…ноҳия буданд. Тӯли 25 сол дар ин вазифа кор карданд ва соли 2001 бо сабаби беморӣ ба нафақа баромаданд ва бо ҳамин рафтанд ва дигар аз пайи кор нашуданд.

Бобоям корманди мақомот будааст. Аз мақомоти амният(КГБ) –и Союз бо рутбаи калон бознишаста мешавад. Аз оилаҳои маъруфи таҳҷоии хуҷандиам.

Ман худам пайваста дар миёни таваҷҷӯҳ ва назари мардум будам. Вақтҳои дар Хуҷанд буданам дар Раёсати варзиш ва сайёҳии вилоят кор мекардам. Чор сол фаъолияти корӣ дар онҷо доштам. Аз он пеш дар чанд барномаи ЮНДПИи СММ кор кардаам, рутбаи волонтерӣ ва баъд координатор будам ва як,ду проектҳоро пеш бурда будам.

 Чи қадар зангам заданд намедонам. Он қадар одами бисёр зангам мезанад, ки шуморааш гум. Ман уже ягон даҳ сол шудааст бо мардуми бегона гап намезанам. Умуман ба ягон мард ман занг намезанам.

Ин ҳолати кунуниам ҳоло барои ман як зиндагии одӣ ва маъмулӣ шуда рафтааст. Мисле, ки хӯ гирифтам, одат кардам. Инаш мемонад, дигараш занг мезанад, дигараш мемонад боз онаш занг мезанад. Ба худо безор карданд. Соати чори саҳар ҳам занг мезананду 11-12и шаб ҳам занг мезананд ва худро шинос мекунанд: ман лейтенантам, ман полковникам. Охирон одами гап задагиам полковник буд. Ин нафар гуфт полковники КГБ дар вилояти Суғд аст. Пештар тарсидам ва ба ростӣ чи қадар чизҳоро ба гардан гирифтам. Матни омодашуда, яъне намуна ва ё ҳамон мусаввадаи аризаро фиристонданд. Вақте аризаро хондам, гуфтанд, ки имзо мекунӣ. Формаи ПДФ карда роҳиамон кун. Вале дили ман дур рафт. Накардам.

 Ман инҷо фаҳмидам, ки дар инҷо як чизи дигар пухта истодааст. Як деги калон, ки дар дарунаш номаълум чизе ҳаст. Чизе пухта истодаанд дар онҷо. Ҳозир ҳам ҳамин хел. Рӯзе, ки ман дар аэропорт будам ҳам дар симкортам, ҳам дар ватсапам, дар ҳама ҷо занг заданд. Бовар кунед аз телефонҳои онҳоро дар черний список мондан ман кайҳо хаставу  монда шудам. Чандин касонашро запс кардам, монда шудам. Гапи бефоида мегуянд, ки ту биё имзо кун, аризаатро навис, биё мо туро бахшем. Ман гуфтам, чи чизи маро мебахшед? Пурсидам, ки конкретно чи гуноҳ кардаам?

«Хай, ту дар Ютуб навиштӣ, комментария кардӣ, ин хелин кардӣ, он хелин кардӣ».

 Ман гуфтам, хай, ман навиштам, комментария кардам баъд чӣ? Хуб, акнун ман навиштам, чи кор мекунед, мебареду мекушед, зинон мекунед. Ман фикри шахсиамро гуфтм, ки охир ҳамон вазири таълимат, маорифатон охир бесавод аст. Ман ягон гапи безеб нагуфтам. Фикри шахсии худамро гуфтам. Магар озодии баён мумкин нест?

Рустамро (Рустами Эмомалӣ) гуфтам, ки хуни гарм дар танаш надорад. Дар фейсбук навишта будамаш, ки дар танаш хуни гарм надорад. Ин гапро ягон 8 сол пеш навишта будам.

 Дар ҳаминҷоҳо ҳам аз қафои ман, чи қадар тоҷикҳо нигоҳам доранд, ба ростӣ. Барои ҳамин намедонам, ки ман куҷо равам. Ман инҷо рафтанамро намедонам. Дар СК-следственний комитет духтарҳо буданд, шиносанд. Наздашон даромадам, ҳамроҳашон сӯҳбат кардам. Гуфтанд, ки натарсбирав зиндагиатро бин.

  Як адвокати вобаста ба парвандаҳои ҷиноӣ ёфтам ва рафтам пешаш маслиҳат кардам. Гуфт агар хоҳӣ метавонем нависем ариза ва бо сафорат роҳӣ кунед.

Онҳо як намуди копияи ҳамон қазияҳоро фиристоанд. Гуфтам, ки ҳамон парвандаи қазияи маро фиристонед, то ман хонам, фаҳмам ва шинос шавам, ки ман конкретно чи кор кардам, яъне ба чи айбдор мешавам?

Ман айни замон асосан дар дохили ҷанубиҳо зиндагӣ мекунам. Инҷо, дар ҷойи зиндагии ман дар Твер як хуҷандӣ ҳаст, тамом. Ҳамон ҳам ду кӯдаки майда дорад. Вай маро гуфт агар ту ҳозир берун аз инҷо баромадӣ, туро дар ҳаминҷо меёбанд, ки ҳамин ту ҳастӣ. Вай маро маслиҳат дод, ки «Белорусия рав ва аз онҷо ягон илоҷатро ёбу Аврупо бирав.

Як хуҷандиро ёфтем, ки айнан дар ҳамин ҳолати ман аст:-307 дошт, қисм 2. Вай ҳам қасди рафтан ба аврупоро дошт. Намедонам, ки оқибати кори ман чи хел мешуда бошад.

Мехоҳам равам ҳаркуҷо бошад ва аз онҷо масири зиндагии ояндаамро таъйину ташхис кунам». Охир ман чор тифли хурд дорам инҳо ба модаре тифли ширмак дошта ҳам раҳм намекунанд? Ин чи гуна давлату давлатдорӣ шуд намедонам.

Бароям дуъо кунед. Барои як бонуе, ки намедонад, ки чаро ӯро мақомот дар розиск додаасту маҳруми зиндагии орому осуда на фақат дар ватан, дар тамоми ҷаҳон кардааст.

Пасгуфтори «Ислоҳ»

Ин ҳикоят танҳо саргузашти як зан нест. Ин оинаест, ки чеҳраи воқеии як низоми тарсонданро нишон медиҳад. Вақте барои як фикр, барои як шарҳ, барои як изҳори назар инсонро таҳти таъқиб қарор медиҳанд — ин дигар адолат нест, ин интиқом аст.

Шумо, ки худро ҳомии қонун меномед, то куҷо мехоҳед ин роҳро идома диҳед?

То куҷо мехоҳед бо моддаи 307, бо розиск, бо фишор ба падару модар ва хешу табор зиндагии мардумро ба зиндони бе девор табдил диҳед?

Ин зан — модар аст. Чор фарзанд дорад. Оё дар ин кишвар модар будан дигар ҳеҷ арзише надорад? Оё дар дили шумо заррае раҳм боқӣ намондааст?

Агар шуморо модар зодааст, агар дасти модар шуморо калон кардааст, пас чӣ гуна метавонед нисбати модари дигар чунин бераҳм бошед?

Қонун барои ҳифзи мардум аст, на барои шикастани мардум. Давлат барои таъмини амният аст, на барои таъқиби фикр.

Бас кунед ин таъқибу фишорро.

Бас кунед зангҳои шабона, таҳдидҳои пинҳонӣ, фишор ба падару модар, розиски байналмилалӣ барои як шарҳ.

Бас кунед зиндагии мардумро ба майдони тарс табдил додан.

Ин роҳ ба субот намерасонад. Ин роҳ ба адолат намерасонад. Ин роҳ танҳо захмҳоро амиқтар мекунад.

Агар воқеан худро хизматгори миллат медонед- аз модарон оғоз кунед. Ба занон фишор наоред. Ба тифли ширмак раҳм кунед. Ба оилаҳое, ки ҷинояташон танҳо фикр кардан аст, амният диҳед.

Зеро рӯзе ин фарзандон бузург мешаванд. Ва онҳо хоҳанд пурсид:
Чаро модари моро таъқиб кардед?

Он рӯз посух додан осон нахоҳад буд.

Сообщение Моддаи 307: «чӣ гуна як занро аз зиндагии ором маҳрум карданд» появились сначала на ISLOH.net.

Солҳои 2005 то 2008 дар додгоҳи салтанатии Лондон дар Бритониёи кабир мурофаи миёни ширкати “Ансол”, раиси он Аваз Назаров Саидович , Абдуқодир Эрматов, собиқ директори Талко (ТАДАЗ) ва ҳукумати Тоҷикистон доир шуда буд. Талко бо супориши Раҳмонов Эмомалӣ алайҳи Эрматов ва Назаров даъво мекард, ки 500 миллион доллари заводи алюминийро дуздидаанд. Назаров ва Эрматов ва як ширкати норвеягии “Ҳидро алюминиюм” дар навбати худ бар зидди ҳукумати Тоҷикистон дар ин додгоҳ шикоят оварда буданд, ки 125 миллион доллари ин ширкатро баргардониданӣ нест.

Дар ин мурофиаи додгоҳӣ, киссаҳову маълумотҳои сиррӣ хеле зиёд аст. Ин мурофиа дар Лондон барои он доир шуда буд, ки Аваз Назаров ва Абдуқодир Эрматов дар онҷо зиндагонӣ мекарданд ва Тоҷикистон онҳоро таҳти пайгарди қонунӣ қарор дода буд.

«Дар яке аз мурофиаҳои додгоҳӣ Аваз Назаров асноди бонкиеро ҳамчун далели муътамад ба додрас нишон медиҳад, ки бо дастури шифоҳии Эмомалӣ Раҳмонов аз ҳисоби додуситадҳои тиҷоратии Тадаз- заводи алюминий, ки моликияти  давлат аст (Талкои феълӣ), ҳар се моҳ 5 миллион долларӣ ба суратҳисобҳои оффшории Эмомалӣ Раҳмонов дар ҷазираҳои Вирҷиния  интиқол дода шудааст. Аваз Назаров арқом, суроға ва маълумоти мушаххаси ин суратҳисобҳои оффшорӣ, яъне дуздии Эмомалӣ Раҳмоновро ба додрас нишон ва аснодро таҳвил дода қотеъона талаб мекунад, ки аз он суратҳисобҳо маблағи зарари расонидаи ҳукумати Тоҷикистон ба ӯро бирӯёнад, чунки он пулҳо пулҳои Тадазанд.»

Вақте додрас ин таклифи Назаровро ба эътибор гирифта дар як, ду мурофиа аз ҷумла Ҳасан Асадуллозода, додарарӯси Эмомалӣ Раҳмоновро ба ҳайси ҳамҷавобгар даъват карда Лондон мебарад, Эмомалӣ Раҳмонов мефаҳмад, ки кор шухибардор нест ва зуд роҳи сулҳу оштӣ бо Аваз Назаровро пеш мегирад. Чунки аллакай аз тарафи додгоҳи Лондон “повестка” ба номи Эмомалӣ Раҳмонов дар ҳоли омода шудан буд ва ӯ мебоийст ҳам барои поусх додан ва ҳам барои шоҳидӣ дар ин мурофиа дар Лондон ҳозир мешуд.

Баъди ин талаби “Ансол” Раҳмонов Аваз Назаровро барои  “вохурии деловой” ба Узбекистон даъват мекунад аммо чандин бор талаби ӯ рад карда мешавад.

Баъдан худаш ба Ӯзбекистон рафта Аваз Назаров ва Эрматов Абдуқодирро бо телефон илтиҷову зора карда аст ки онҳо омада бо у вохуранд: “Инҷо мардум ва миллату давлати Тоҷикистон шарманда мешавад. Мо як кори ғалат кардем, ки алайҳи шумо даъво кардем. Сахт пушаймон ҳастем. Чи хоҳише доред, иҷро мекунаму Лекин илтимос хезеду Тошканд биёед. Ман мунтазиратон ҳастам”.

Хуб барои мо фаҳмо ас,ки ин шевои фиреб ва ҳелаҳои хосси Раҳмонов аст. Вақте дид вазъияташ безеб аст ба зора ва маккорӣ мегузарад. Аммо ҳар касе ӯро бовар кард яқинан фиребашро мехурад, ё зиндонӣ мешавад ва ё кушта мегардад.

Аз тарси он ки суратҳисобхояш ошкор мешаванду ҳанӯз ҳамон солҳо зиёда аз ҳафт миллиард доллар дар яке аз суратҳисобаш  мавчуд буданро халқ мефаҳмад маҷбур шуд бо собиқ раиси алюминзавод Эрматов Абдуқодир ва Аваз Назаров дар Узбекистон вохурад.

Вақти вохӯрӣ дар Тошканд Раҳмонов маккорӣ карда мехост ин шахсонро фиреб диҳад. Аммо ин шахсон, ки онхоро «узбекские еврейи» ҳам ном мебаранд  ва сахт гурги борондидаанд бо дастгирӣ ва кафолати бевоситаи Ислом Каримов, президенти Узбекистон  омада бо Раҳмонов вохурӣ гузарониданд. Дар ин вохурӣ Эркин Раҳматуллоев, мушовири Раҳмонов Мурод Сайидови телехи Раҳмонов ва  як тарҷумонаш сабзинаи кал аз як тараф, аз тарафи муқобил  Абдуқодир Эрматов ва аваз назаров ва чанд нафари дигар иштирок карда буданд.

Раҳмонов суханро бо русӣ сар карда онҳоро барои зиндагӣ ба ватан, ба Тоҷикистон даъват кард. Аваз Назаров ба тарафи Раҳмонов рӯйирост мегуяд:

  » Эмомали Шарипович не надо нас дурить и не надо говорит по русский. Мы все знаем что ты по националности узбек чего стисняешся, давай поговорим на своем языке и начинает говорит по узбекский «.

Ва мегуяд, ки мо медонем,ки отаи шумо қалуғ  буд. Мо медонем, ки худат сад фоиз забони узбекиро медонӣ. Бо Ислом Каримов ду кас бо забони модариатон гап мезанед. Ин одамҳоятро бурор, давай ба узбаки гап мезанем «.

Баъди ин суханҳо Эркин Раҳматуллоев ва тарҷумони Раҳмонов ранги лола мешаванд ва аз онҷо ба берун баромаданд. Танҳо Мурод бо Раҳмонов мемонаду халос. Худи Раҳмонов мисле, ки тарсидааст, ки боз назанандаш мегӯяд, ки Мурод меистад, аз вай гапи баҷоӣ надорам.

Ультиматум ва шантажи Раҳмонов

Аваз Назар ба Раҳмонов ултиматум мемонад, ки ба ягон хешу таборам ,авлодам, ки дар Регар ва дар дигарҷо бошанд ва ба ягон чизу чораам кордор намешавӣ, ба худи мо ҳам дигар кордор намешаваӣ, ин таъқибу розискатро қатъ карда эълон менамоӣ, делоҳои бофтаи ҷиноятиатро муқобили мо қатъ мекунӣ. Ин ҳамаро ба таври фаврӣ анҷом медиҳӣ. Вагарна ана ҳамин суртаҳисобҳоятро дар матбуот чоп карда ин қадар миллиардҳои дуздиатро ифшо месозам. Дар давоми ин даҳ-понздаҳ сол  ин қадар пули халқро намедуздидиву ба ободии халқ сарф мекардӣ ҳоло Душанбе зеботар аз Лондон мешуд.  Моро  дузд гуфта дело кардед лек  худатон сад баробари мо дуздидаги будед!

Ҳамин тавр Аваз Назаров ба Раҳмонов таҳдид мекунад, ки ҳамаи ин “условия”ҳоро бидуни чуну чаро иҷро мекунӣ. Ва, ҳамаи ин суҳбатҳояшро, ки 2 соат тул мекашад бо забони узбекӣ баён мекунад.

Ғаффор Мирзоев қурбонии интригаҳои Раҳмонов

Як масъалаи дигар, ки Аваз Назаров бо Раҳмонов дар борааш сахт гап мезанад ин ба Ғаффор Мирзоев, фармондеҳи собиқи Гвардияи президентӣ дахл дошт. Назаровро мақомот барои он муттаҳам мекарданд,ки гӯиё ба табаддулоти анҷоммедодаи Ғаффор-Седой алайҳи Раҳмонов сарпарастӣ кардааст.

Раҳмонов иқрор мешавад:  “ин дуруғро барои он бофтем, ки туро бишавад дар ягон фурудгоҳи дигар тавассути ИНТЕРПОЛ дастгир кард”

Раҳмонов ва миллаташ

Раҳмонов ба онҳо ваъда медиҳад. “Мо хешу таборем, як миллатем, дигар ҳеҷ кас ба шумо чақа намешавад, делаҳотона қатъ мекунем, розискро бекор мекунем, кай вақте форатона биёен ма худум дар аэропорт встречать мекунумтон, любой вазифара бугуен метиюмтон , фақат ин ҳуҷҷатора чоп накунен” гуфта зораю тавалло мекунад.

Ҳамин тавр Бобоҷон Бобохонов, Прокурори генералии Тоҷикистон  дар январи соли 2009 бо баргузории як конфаронси матбуотии махсус ба хабарнигорон ин хабарро расонид, ки байни ширкати “Ансол” ва мақомоти Тоҷикистон  “миравой соглашение” ба имзо расид. Ҳарду тараф даъвии  худ дар додгоҳи Лондонро пас гирифтанд. Аваз Назаров ва Абдуқодир Эрматов дигар таҳти ҷустуҷӯи байналмилалӣ  қарор надоранд. Парвандаи ҷиноятӣ муқобили онҳо қатъ карда шуд

«Ва, аммо ин моҷарои додгоҳӣ, ки беш аз чор сол давом дошт, аз пурҳазинатарин мурофиаи додгоҳи дар таърихи муҳокимаҳои додгоҳӣ дар Бритониёи Кабир унвон мешавад. Танҳо хароҷоти ширкати адвокатӣ дар Лондон,ки аз ҳукумати Тоҷикистон дар ин мурофиа ҳимоят мекард,90 миллион фунт стерлинг  баробар ба 140 милион доллар буд, ки то ҳамин ҳоло собиқа надорад ва ин маблағ дар он сол 10% бюҷети якуниммиллиарддолларии  Тоҷикистонро ташкил мекард.»

Албатта, барои чунин масрафи миқдори пули бузург дар дилхоҳ давлати дунё муҷозот ҳатто марг пешбинӣ шудааст, аммо чуноне мебинем Эмомалӣ Раҳмонов ва Ҳасан Асадуллозода ҳамоно дар гӯшҳои мардум лапша кашол карда гаштаанд.

Дар охир як нуктаро ҳам бояд ишора бикунем, ки дар вақти ҳамкории “Ансол” бо Тадаз Роҳи Оҳани Узбакистон аз Аваз Назаров як маблағи символӣ мегирифт вале вақте аз соли 2005 ин ширкатро Ҳасан Асадуллозода гирифт то соли 2015, то он соле, ки Талко ҳудуди 300-350.000 тонна алюминийи аввалия истеҳсол мекард ва дегҳояшро насузонида буданд,ба Идораи Роҳи Оҳани Узбакистон 1 миллиард  доллар  роҳпулӣ додааст.

Ҳангоми таҳқиқи ин қазия пеш аз шантажи Аваз Назаров расонаҳо ончунон ҷинояткор баровардаанд Эрматов ва авазовро,ки ҳама фикр мекарданд,ки пас аз боздошти ин ду Тоҷикистон тиллоӣ мешавад. Маблағҳои калонеро инҳо дуздидаанд. Аммо чуноне хондед бо як шантаж Раҳмонов тавассути Додситонӣ ин дуро бегуноҳ бароварданд. Акнун фаҳмидед,ки Раҳмонов чигна як дузд ва ғоратгару маккор аст. Барои бурдани ин қазия чиқадар пул масраф кард вале бо як шантаж қафонишинӣ кард. Шермардони миллат танҳо Раҳмоновро бо ҷиноятҳояш метавон ба зонӯ шинонд,дигар ӯ ҳеҷ забонеро намефаҳмад!

Ps : “Ислоҳ” омода аст он аснодҳое дар дасти Аваз Назаров ва Абдуқодир Эрматов қарор доранд онҳоро расонаӣ кунад. Ин чунин афроди огоҳе дар ин қазия маълумотҳои дақиқ дошта бошанд ба Ислоҳ фиристед,то рӯяшон кор кунем. Дар мавриди ширкатҳои офшорӣ, моликиятҳои оилаи Раҳмонов, ҳисобҳои бонкӣ дар хориҷ аз кишвар ҳар маълумотҳое дошта бошед лутфан онҳоро ба “Ислоҳ” фиристед. Мо чандин суратҳисоб ва ширкатҳои марбут ба оиларо пайдо кардаем вале мехоҳем ба шакли комилтар онро намуда тақдими миллат ва ….намоем. “Ислоҳ” интизори маълумотҳои шумост.

Сообщение Сирри бо шантаж имзои “миравой”-и Э.Раҳмонов ва“Ансол”пас аз 12 сол ошкор шуд появились сначала на ISLOH.net.

Пеш аз онки номҳои қотилони воқеии Умаралӣ Қувватовро ошкор бисозем, месазад дар бораи худи ӯ чанд ҷумлае бигӯем. Худобиёмурз Қувватов аз муассисони ширкати “Фароз” буд, ки баъдан Шамсулло Соҳибови домоди раиси ҷумҳурӣ ӯро на танҳо аз ин ширкат маҳрум, балки тамоми дороӣ ва моликияташро ҳам тасарруф намуд ва коре кард, ки хусураш бо истифода аз фишанги давлатӣ ӯро ба унвони як ҷинояткор муаррифӣ бикунад. Қисааш тӯлонист. Вале ҳаминро бигӯем, ки вақтҳои ахир Умаралии шаҳид дигар на танҳо ба як мунтақиду ифшосозандаи аъмоли ҷиноякоронаи Раҳмонову хонаводааш, балки ба як сиёсатмадори мардумӣ ва лидери садҳо ҳазор аз муҳоҷирон бадал шуда таҳдиди ҷиддӣ ба пояҳои қудрати Раҳмонов маҳсуб мешуд. Додгоҳи олии Тоҷикистон дар моҳи октябри соли 2014 фаъолияти «Гурӯҳи 24»-и Қувватовро дар кишвар расман манъ ва онро ба рӯйхати сиёҳи созмонҳои ифротӣ шомил кард.

Ҳар гоҳе, ки Қувватов тариқи шабакаҳо ва бахусус шабакаи моҳвораии “К+” суханрониҳо мекард, ҷон аз қолиби Раҳмонов берун мешуд. Шояд даҳҳо миллион доллар масраф карда буд, ки ӯро бо ҳар роҳу восита ба ватан бозгардонад. Чанд навбат тавассути ИНТЕРПОЛ-пулиси байналмилалӣ   ӯро мавриди боздошту бозпурсӣ қарор дод. Аммо ҳеҷ яке аз ин кишварҳо, ба шумули ҳамин Туркия розӣ нашуданд, ки шаҳид Умаралиро ба Тоҷикистон истирдод кунанд. Аз инҷо буд, ки таҳдиду ихтори зиёди ӯ ба Умаралӣ Қувватов камтарин таъсир надошт. Дигар Раҳмонов тасмим гирифт, ки ӯро ҷисман аз байн бибарад. Ва, ҳамин тавр ҳам кард. Ин масъулиятро Раҳмонов бар дӯши Рамазон Раҳимзода, вазири корҳои дохилӣ гузошт. Рамазон Раҳимзода Сулаймон Қаюмови  восеъиро барои иҷрои ин амалиёт ҷалб кард. Манбаъи дигари мо дар ВКД Шоҳрух Саидов,сардори УБОП-ро масъули анҷоми амалиёти қатли Умаралии шаҳид мегӯянд. Бар пояи маълумоти ин манбаъ Шоҳрух Сайид бо дастури Рустами Эмомалӣ ( ҳамсинф ва дӯсти наздик) як гурӯҳи вижаи 32 узвиро созмон додааст, ки дар чунин шароит фармоишоти хосро иҷро мекунад. Гуфта мешавад, ки мақарри ин гурӯҳи аҷир дар Варзоб буда ва фармонҳои қатлу куштори афроди ба онҳо нохушояндро амалӣ мекардаанд. Дар мавриди ин гурӯҳ дар матолиби оянда бештар хоҳем гуфт.

Аммо Сулаймон Қаюмов нақши агенту гумошта ва барномасози амалиёти қатли Умаралиро бар дӯш гирифт. Ӯро чанд муддат дар вазорати дохилӣ омӯзониданд. Тахминан шаш моҳ ӯ нақшеро, ки бояд ифо мекард, машқ кард. Баъде, ки мутмаин шуданд, ӯ аз ӯҳдаи иҷрои нақши бар дӯшаш вогузоршуда баромада метавонад, роҳии Истанбул карданд. Сулаймон Қаюмов дар Туркия худро савдогару тоҷир рост карда,ҳатто корманди назофати масҷиде дар наздикии фурудгоҳ, оҳиста-оҳиста ба марҳум Қувватов ва ёронаш наздик мешавад. ”Наздикшавӣ” аввалин марҳалаи нақшаи куштор буд, ки ӯ муваффақ шуд ва тавонист, ки дар як фурсати кӯтоҳ бо Қувватов ошно ва ҳатто дӯст бишавад. Хонуми шаҳид Умаралӣ аз наздикшавии шавҳараш бо Сулаймон Қайюмов хушбин набудааст,ки баъдан бо хабарнигорон ин нигарониашро изҳор намудааст.

Хабаргузориҳо дар он шабурӯз навишта буданд, ки 5-уми март, Қувватов ҳамроҳи зан ва ду писараш ба хонаи як ҳамватани тоҷикистонӣ бо номи Сулаймон Қайюмов барои зиёфати шомгоҳӣ даъват шуда буданд. Ба оила заҳр хӯронданд, вале онҳо зинда монданд. Дар ин зиёфат бо шаҳид Умаралӣ бархе аз рафиқонаш,аз ҷумла Суҳроби Зафар, Ҳусейн Ашуров ӯро ҳамроҳӣ менамуданд.Ғизои заҳролуда ба ҳамаи инҳо ҳам таъсир карда буд. Ҳама беҳолу бемадор буданд ва бо марҳум натавонистанд аз хона берун шаванд. Умаралӣ аммо исрор меварзад, ки бояд аз хона бадар шуд, чун инҷо “чи гапе” ҳаст. Худи Сулаймон Қаюмов ба баҳонаи онки ғизо аз гӯшти гӯспанд таҳия шудааст, луқмае самти даҳан намекунад. Вақте амалиёти бо заҳр куштан амалӣ намешавад марҳум Қувватовро дар кӯча замоне,ки дар як даст дасти ҳамсар ва дар дасти дигар дастони яке аз кӯдаконашро дошт ва мунтзири таксӣ буданд, аз пушти сараш парронданд. Аз пушти сар ва бо туфанги бесадо.

Таҳқиқи марги Қувватов ошкор кард, ки Сулаймон Қайюмов бо якчанд шарики тоҷик кор мекард, ки аз боздошт гурехтанд ва савори ҳавопаймо ба Маскав фирор карданд. Додгоҳи Истанбул гуфта буд, ки ду гумонбари дигар дар ташкили куштори раҳбари “Гурӯҳи 24” тавонистаанд  феълан аз тариқи Интерпол таҳти таъқиб гузошта шудаанд. Исми ин ду нафар, ки низ шаҳрвандони Тоҷикистон будаанд, ба далоили амниятӣ эълон нашудааст.  Додрас аз Сулаймон Қайюмов мепурсад, ки  аз ғизоҳои шаби 5 март барои меҳмонон таҳиякардааш худи ӯ ҳам чашида буд ё хайр?  Қайюмов посух додааст, ки не. Додситонии Туркия он замон гуфта буд, ки “Ҳарду гумонбари асосӣ шаҳрвандони Тоҷикистонанд”.  Якеи онҳо Баҳодур ном доштааст. Онҳо ба он айбдор мешаванд, ки аз хеле қабл ба Истанбул омада, тайи чанд моҳ нақшаи сӯиқасд ба Умаралӣ Қувватовро кашидаанд.

Додситонии ҷиноятҳои террористӣ ва муташаккили  Истанбул он замон ба матбуоти маҳаллӣ гуфта буд, гумонбарон 6 нафаранд ва аз онҳо ба унвони “гурӯҳи муташаккили ҷиноӣ” ном бурда, аз додгоҳ барои онҳо вобаста ба нақшашон дар қатли раҳбари “Гурӯҳи 24” аз 1,5 то 4,5 соли зиндон ва барои гумонбарони асосӣ ҳукми зиндони умрбод хоста буд. Зоҳиран додситонии ҷиноятҳои террористӣ ва созмонёфтаи Истанбул  барои қотилон татбиқи муҷозот ба таври ғоибонаро талаб карда буд. Зеро 5 гумонбари дигар дар ин парванда тавонистаанд аз Туркия фирор кунанд.

Аз инҷо бармеояд,ки мақомоти тафтишотӣ ва додгоҳии Истанбул ҳуввияти муҷриминро медонистанд, вагарна барои кӣ ва киҳо ҳукми зиндон бурида мешуд? Аммо чаро номи онҳоро эълом накарданд ва то имрӯз, ки аз ин моҷаро 5 сол сипарӣ мешавад,кадом тағйироте дар ин моҷаро пеш наомадааст. Ин ҳолатро ҳам инҷо бояд тазаккур бидиҳам, ки Сулаймон Қайюмов дар ибтидои дастгиршавиаш талош кардааст, ки қатли Умаралиро бори дӯши Сӯҳроб Тӯраев яъне ҳамин Суҳроби Зафар намояд. Мақомоти тафтишоти Туркия Сӯҳробро дастгир ва ду рӯз мавриди бозҷӯӣ қарор медиҳанд ва озод мекунанд.

Сӯҳроб Тӯраев(Суҳроби Зафар) дар сӯҳбате, ки  бо хабарнигорон доштааст аз як ҳолати шубҳаангез ёдовар мешавад. Дар ҷараёни бозпурсӣ тасаввуре ҳосил кардааст, ки мақомоти пулис дар бораи чигуна рӯй додани ҳодиса ва муҷримон иттилои фаровон дар даст доранд. Тӯраев гуфтааст, ки «вақте аз ӯ пурсидам, Сулаймон, дар пушти ин кор кӣ меистад, ақаллан мард барин ҳаминро бигӯй, сарашро хам кард ва ҳарфе назад,»-афзудааст  ӯ.

Дар ҳамин ҳол 6-уми март Вазорати корҳои дохилии Тоҷикистон ба мақомоти Туркия муроҷиат мекунад, ки  хабари марги шаҳрванди Тоҷикистон Умаралӣ Қувватов ва шароити қатли ӯро расман тавзеҳ диҳад. Яъне ин “контролний вистрел” буд, то Рамазон Раҳимзода мутмаин бишавад ва  аз анҷоми бобарори амалиёти қатли Умаралӣ Қувватов, роҳбари Гурӯҳи 24 ба фармоишгари асосӣ Эмомалӣ Раҳмонов мужда расонад.

Дар гузориши Human Rights Watch ва Кумитаи Ҳелсинкии Норвегия дар иртибот ба ин қазия гуфта мешавад, ки қатли раҳбари “Гурӯҳи 24” Умаралӣ Қуватов дар Истанбул бо “дахолат ё ризоияти ҳукумати Тоҷикистон” сурат гирифтааст. Лозим ба ёдоварист, ки Сулаймон Қайюмов ҳам субҳи 6 март-субҳи аввали баъди ҳодисаи куштор ба Алмаатои Қазоқистон парвоз кард. Аммо мақомоти амниятии Қазоқистон ӯро бозпас мефиристанд ва дар фурудгоҳи Отатурки Истанбул дастгир мешавад. Сулаймон Қайюмов ҳангоме аз Туркия ба самти Қазоқистон парвоз мекунад, дар асноди ӯ кадом ишколе ошкор мешавад ва сарҳадбонони Қазоқ ӯро иҷозати вуруд намедиҳанду дубора   ба Туркия бармегардонанд. Дар ин миён ному насаб ва аксҳои Сулаймон Қайюмовро Ҳусейн Ашӯров ва наздикони марҳум ба пулиси турк медиҳанд, чунки ӯ комилан иртиботро қатъ мекунад, аз инҷо буд, ки ӯ боздошт мегардад. Агар, ки ишколи фаннӣ дар шиносномааш набуд, ӯ ҳам мисли дигар қотилон фирор мекард. Ва, дар асл нақша ҳам ҳамин тавр буд.

Ва, акнун инҷо маълумоти фиристодаи манбаи Ислоҳ.нетро бо як каме таҳрир ба нашр мерасонем:

Раҳимзода Рамазон супориш мегирад аз президент ҶТ Эмомали Раҳмон, ки Умаралӣ Қувватовро диверсия карда ба қатл расонанд. Рамазон Раҳимзода ҷосус (агент) тайёр мекунанд. Агент Сулаймон Қаюмов ба Туркия рафта худашро ҳаводор ва пайрави Гуруҳи 24 мегӯяд ва ҳаракат карда ба боварии марҳум Умарали Қувватов медарояд ва ҳамаи гапҳоро (ҷои буду бош, маҳалли зист, схемаи ҳаракат…куҷо рафтану омадан, вазъияти молиявӣ..ю хулоса ҳама маълумот) ба ВКД мерасонад. Аз Душанбе ба Туркия 4 нафар кормандони ВКД барои ба қатл расондани Умаралӣ Қувват ба сафар мебароянд.

1.) Сардори гурӯҳ собиқ сардори милисаи фурудгоҳи ш. Душанбе Исозода Набиҷони Исо фамилияи пешинааш (Грезов Набиҷон Исоевич) соли таваллудаш 07.06.1977  зодаи н.Восеъ. Айни ҳол дар ш. Душанбе истиқомат мекунад.

2.) Маҳмадализода Баҳодур фамилияи пешинааш (Абдусамадов Баҳодур) соли таваллудаш 1979   зодаи ш. Бохтар (Қӯргонтеппа) собиқ сардори шӯъбаи кофтукови ҷиноятии  фурудгоҳи ш. Душанбе 

3.) Суҳроб ном дорад дар бораи ин маълумот камтар аст дар ВКД кор мекардаст. Аз гуфтаҳояшон одами Умаралиро парондагӣ (қотил)ҳамин аст.

4.) шахсе аст,ки исму насабаш маълум нест.Вале 100% корманди вазорати корҳои дохилӣ мебошад ва тибқи маълумотҳои дигари Ислоҳ ӯ зан аст.

Ин 4 нафар соли 2015 4-моҳ зиёдтар дар Туркия ба сар бурдаанд. Дар он ҷо аввал ҳаракат карданд Умаралӣ Қувватовро бо аҳли оилааш заҳр дода ба қатл расонанд. Аммо заҳр қувваташ (дозаш) паст будааст ва онҳо намурданд. Баъд онҳо диданд, ки планашон иҷро нашуд худи Умаралӣ Қувватовро дар берун паронда аз ҷои ҳодиса ғайб мезананд. Сулаймон Қаюмовро полиси Туркия дастгир мекунад, дигарҳо мегурезанд ба Тоҷикистон. Инҷо гумон меравад,ки  “маслиҳат” бо бархе “мақомот”и Туркия буд ва агарна ҳамаашонро дастгир мекарданд. Баъд аз он ки аз Туркия баргаштанд ба қотилҳо  вазифаҳои баланд доданд.

Исозода Набиҷон аз сардори милитсияи фурудгоҳ ба сардори Раёсати кофтукои ҷиноятии  ВКД таъин шуд. Айни ҳол И.Набиҷон бо вазир соз нест барои ҳамин рутбаашро паст карданд ва ба шӯъбаи шаҳрии милитсияи Бохтар собиқ (Қӯргонтеппа) “перевод” шудааст.

Маҳмадализода Баҳодур аз сардори шӯъбаи кофтукоби ҷиноии фурудгоҳ ба сардори шӯъбаи  Раёсати ҷустуҷӯи ҷиноятии ВКД таъин шуд. Айни ҳол М.Баҳодур аз вазифа озод карда шудааст ва дар федерасияи Русия дар муҳоҷират аст.

Дар бораи Сӯҳроб ягон маълумот нест.

Яке аз ин ду нафарро Рамазон Раҳимзода аз чанд вақти пеш барои ҳамчунин рӯзҳо зери чашм карда ҳар аз гоҳе дар феҳристи нафароне ҷой медод, ки барои иҷрои амалиёти махсус тақдир мешаванд ва инъом ба даст меоваранд.  Моҳи июни соли 2014 барои ошкор кардани як ҳодисаи куштор,ки фаъолияти бондҳои мафиозии қочоқчиёни ҳероин марбут буд дар шумори чанд нафари дигар ба подполковники милитсия Грезов Набиҷон Исоевич – ба маблағи 3000 (се ҳазор) сомонӣ ҷоиза супорида шуд.

Аммо тибқи як маълумоти дигари ба мо расида баъди анҷоми куштори  Умаралӣ Қувватов лейтенанти калони милитсия Маҳмадализода Баҳодур Маҳмадалӣ — сардори Шӯъбаи Раёсати кофтукови ҷиноии ВКД Ҷумҳурии Тоҷикистон таъин шуд. Ва дертар бошад подполковник Маҳмадализода Баҳодур (аз авохир исоли 2016)муовини командири қисми ҳарбӣ оид ба корҳои сиёсӣ-тарбиявии қисми ҳарбии 051057 –и Гвардияи миллии Ҷумҳурии Тоҷикистон мебошад.

Ба ин тартиб маълум шуд, ки шаҳид Умаралӣ Қувватов бо фармоиши Эмомалӣ Раҳмон ва бо дастони кормандони вазорати корҳои дохилии Тоҷикистон кушта шудааст. Аммо ҷолиб инҷост ки чаро онҳоро,ки агар Туркия ба ИНТЕРПОЛ супорид, бахши ИНТЕРПОЛ дар Тоҷикистон шиносоӣ ва боздошт намекунад?

Манбаъи мо гуфт,ки онҳо дар асл бо ному насаб ва шиносномаҳои “фалшивий”ба Туркия рафта онҷо чанд муддат бо ҳамин шиносномаҳои сохта зиндагӣ карда ва баъди онки амалиёти кушторро анҷом доданд, боз бо ҳамон шиносномаҳо аз Туркия хориҷ шуданд. Аммо ин сохтакорӣ далел намешавад,ки ашхоси муҷрим аз таъқиб ва боздошти ИНТЕРПОЛ-наҷот ёбанд. Нуктаи дигаре,ки дар ин қазия камтар ҷалби таваҷҷӯҳ кардааст ин аст ки силоҳи мавриди истифода қароргирифтааст. То онҷо маълумот ёфтем ин туфанги сохти русӣ будааст ва ин эҳтимол ҳам вуҷуд дорад,ки он силоҳ мутааллиқ ба вазорати корҳои дохилии Тоҷикистон бошад ва тавассути дипломатҳо вориди Туркия шуда бошад.Албатта ин эҳтимолот аст вале тир сад дар сад сохти Русӣ ҳаст.

Мақомоти Туркия ҳам дар таҳқиқоти анҷом додаи худ таъйид мекунанд, ки гурӯҳи деверсионие, ки аз Тоҷикистон барои анҷоми ин амалиёт омада буд, ҳамагӣ  бо исм ва насаби комилан дигар фиристода шудаанд. Агарчанд қотилон бо табдили ном ин корро анҷом додаанд вале аксҳои дар шиносномаҳояшон буда метавонад онҳоро ифшо созад. Аз ин хотир метавон гуфт, ки ҳоло ҳам дер нашудааст….

Ps: Пойгоҳи “Ислоҳ.нет” боз ҳам дар таҳқиқи ин қазия ва аҳволи феълии шахсони қотил ва боз ба чӣ ҷиноятҳое даст задаанд идома медиҳем.Агар дар ин қазия афсарони содиқи ватан дар мақомот огоҳие дошта бошанд ба “Ислоҳ” нависед, то онро ифшо созем…

Сообщение Фармоишгар ва қотилони Умаралӣ Қувватов ошкор шуданд появились сначала на ISLOH.net.