(бахши дуввум )
Ба унвонии “Ислоҳ” ҳар рӯза садҳо нома мерасад, ки кӯтоҳанд вале аз дарде аз мусибате, ки доранд менависанд. Ин номаҳо аз афроди қишрҳои гуногӯни ҷомеъа мебошанд, ки бархе шикоятӣ ва бархе маълумотӣ ва бархе ҳатто ҳимоятӣ аз ину оне дар мавридашон матолиб ва барномаҳо нашр менамоем. Агарчи дар моҳи августи соли ҷорӣ як чунин матлабе нашр намуда будем вале пас аз он дигар машғули бархе аз корҳои дигаре будем. Натавонистем ба ҳамаи он номаҳои пароканда расидагӣ намоем. Тасмим гирифтем ин номаҳоро дар як матлаб ҷамъоварему тақдим намоем. Чун мо ҳамеша дар мавриди ҳар ноҳия вилоят ва ё афрод,то маълумотамон пурра намешуд ба шакли кутоҳ нашр намекардем. Мақсадамон ин буд, ки ҳар матлабе нашр кунем он пурра ва хеле аз дардҳо ва ё амалҳои бештари ҷиноятии мақомдоронро дар худ дошта бошад. Чун мардуми мо дар навиштан хело заъифанд бо ин шакл мехоҳем корашонро осонтар намоем ва кори худро мушкилтар. Умедворем бештар тавонем ба ин шакл дарҳо ва номаҳои мардумро пахшу нашр намоем.
Кулоб «Облава»
«Облава» сари ду корманди милисаи минтақаи шаҳри Кулобро хурд. Як ҳафта қабл аз хатми он ду милисаи шаҳри Кулоб, ки дар вазифаи «уголовний розиск» кор мекарданд ба облавашикор баромада дар роҳ як бачаи ҷавонро қапида ӯро лату куб карда мегуянд, ки мо туро ба хизмати аскарӣ мебарем. Он ҷавон саркашӣ карда мехоҳад, ки чизеро бифаҳмонад. Аммо ин ду «уголовник» имкон барои «сайд» надода хеле лату кубаш мекунанд. Он ҷавон як илоҷ карда худашро ба милисаҳо шинос мекунад ва ба онҳо мегуяд, ки ман коргари коррупсия дар минтақаи Кулоб ҳастам. Корманди милиса узрхоҳӣ мекунанду бахшиш мепусанд: барвақт худатро шинос накардӣ, моро бубахш гуфта зориву илтиҷо мекунан. Ин ҷавон тамоми моҷароро ба сардори калонашон нақл мекунад. Сардор кормандони коррупсияро маҷлис карда супориш медиҳад, ки фаҳмед он «уголовникҳо» киянд, санксия гиреду ба идора оварда маҳкам кунедашон. Феълан ин ду «уголовник» дар идораи коррупсия минтақаи шаҳри Кулоб дар боздошт қарор доранд ва сделка рафта истодааст бояд бо додани пул халос шаванд.Ва “тафтиш” рафта истодааст.
Ёдатон бошад дар яке аз барномаҳои «Минбари муҳоҷир» нисбати як мошенник-қаллоб бо номи Далер гуфта будед, ки савдогарони бозори «Корвон»-ро фанд кард. Ин Далер дар ҳар ҷо худашро одами Зоир-домоди Эмомалӣ Раҳмонов муаррифӣ мекард. Вай дар ҳақиқат ҳамроҳи Зоир-падари Исмоил будааст. Аммо Зоир аз дасти мошенникии Далер ба дод омада ӯро зада сур кардааст. Ҳар куҷо, ки равад аз номи Зоир храп мезадааст ин Далер . Рамазон Раҳимзода ба Бахтиёр Назарзода, сардори УБНОН фармон додааст, ки ҳамин Далери қаллобро оварда маҳкам кунад.
Бахтиёр Назарзода ӯро кофта ёфта маҳкам кард. Дар вақти тафтишот Далер боз сирҳои зиёдеро ифшо кардааст. Гуфтааст, ки сардори милисаи Бобоҷон Ғафуров ба ӯ 100.000 доллар додааст, ки пеши Рамазон Раҳимзода дарову барои ман вазифаи баландтар гирифта деҳ. Корро, ки буд кардиву фармон баромад, боз садҳазор доллари дигар медиҳам.
Бахтиёр Назарзода ба сардори милисаи Бобоҷон Ғафуров занг зада мегуяд, ки «э,гузини боз ту вазифахарӣ»? Вай ҷавоб медиҳад, ки не Бахтиёрҷон, ин гапҳо ҳамааш дуруғ аст. Бахтиёр мегуяд чи хел дуруғ аст: «аму мошенник дар дасти ман аст, нисбати ту паказани дода истодааст.” Сипас сардори милисаи Бобоҷон Ғафуров мегуяд, ки «илтимос Бахтиёрҷон ҳамин гапа бкуш, ки гапи ман набарояд, нобути ҳамон сад ҳазор доллар. Гап ба вазира наравад, ки вазир маро аз мақомот дафъ мекунад». Ҳоло бошад тафтишот идома дорад.
Шикоят нисбати Раиси шаҳри Кулоб
Раиси шаҳри Кулоб Назарзода Бахтиёр Худоёр ба одамони худаш дастур додааст, ки дар куҷои шаҳр ягон беҳбудӣ шавад, ба ман дар ҳол хабар дихед. Сипас бо одамонаш рафта ба навор карда дар интернет мепартоянд ва бардуруғ:- «ана раиси шаҳри Кулоб дар инҷои шаҳр бехбудӣ кард» гуфта ӯро таъриф мекунанд. Раис гуфтааст : “ҳами ҷаноби олӣ ҳам худаш ҳеҷоро насохтааст , месозанд ӯ рафта мекушояд, мо ҳам пайравони ҷаноби олием”
Як бародар як роҳи мошинро мумфарш кард. Аз ҳукумати шаҳри Кулоб омада «съемка» карда рафтанд. Он бародар сараш вайрон шуду гуфт, ки ҳоло ин бадбахтҳо овоза мекунанд, ки ана ин роҳро раиси шаҳри Кулоб ободӣ кард. Он бародар гуфт, ки “хайр, чи кор кунем,ҳоло ҳукумат дар дасташон аст. Мо ҳозир ҳиҷчи гуфта наметавонем ва афзуд,ки бало ба пасашон. Ман ин роҳро аз барои худо кардагиам, худо худаш ҳамашро медонад, рӯзи қиёмат ҷавобашро медиҳад.”
Чанде қабл президент Кулоб омад. Шабона ҳар гоҳ, ки биёяд дар резидентсияаш меистад. Бинобар нақли раиси Кулоб Назарзода Бахтиёр Худоёр тақрибан соати яки шаб ҳамаи раисҳоро ҷавоб дод раиси Кулобро манъ мекунад. Раис мегуяд, ки шабона ба мошини ман нишасту Кулобро чарх зад, хеле тамошо карда гуфтааст, ки Кулоб хеле зебо шудааст.
Ҳимоят аз Имомалӣ Мақсудов мулаққаб ба “Имомхуяк”
Дар бораи ҳоҷӣ Имомалӣ шумо хеле аз камбудҳояшро гап задед. Аммо, биёед аз корҳои хубаш ҳам бигуем.
Дар ноҳияи Темурмалик муаллимҳоро аз кисаи худаш маош медод. Китобҳои синфҳои ибтидоӣ -аз 1то синфи 4 умро ба уҳда гирифта буд. Ин корро солҳо анҷом медод.
Ин корҳоро дар мактаби№1 ва мактаби №2-и ноҳия анҷом медод. Вай чандин камбағалҳоро зан дод, чандин фақиронро соҳиби хона кард, чандин одамонро ҳаҷ равон кард. Қуръонхонҳоро то ҳол дастгирӣ мекунад.
Дар ҳукумати мо то доля надиҳӣ ягон корат пеш намеравад. Аммо барои ин «криша»-и хуб даркор, ки дар ин офатҳои Тоҷикистон тобовар бошад. Сухан аз ҳодисаи соли 2005 то 2006 меравад.
Бачаҳо нақл карданд барои Салихов (Маҳмадназар Солеҳов)-ро вазири дохилӣ таъйин кардан ҳоҷӣ Имом 800.000 доллар ба зани ҷаноб медиҳад. Ҷаноб ин вазифаро ба дигар кас медодааст. Дар набудани ҷаноб шаб рафта янгаро розӣ карда 400.000 долар медиҳанд. Вазифаро гирифтан пас 400.000 доллари боқимондаро. Ҷаноб аз сафар бармегардад ва янга розиаш мекунад, янгаи газитхони босавод. Салеховро вазир монд. Аммо сум -суми Боим буд. Янгаи газет хонакмон «доляаш»-ро постаяний мегирифт. Хуллас, чанд сол давом кард. Дар ин миён Боим ғалтид ва «доля»-и янгаи газетхонакмон кам шуд. Вазъияти Салихов рӯз то рӯз дигар шуд. Омада-омада ба қатл расид. Чаро янгаи газитхонак пушташро нагирифт.«Кришагарӣ» накард ва дар охир вазифаро ба дигар кас фурӯхтанд.
400.000 дар аввали кор буд кардан ва пас аз он 400.000 дигар. Дар умум 800.000 доллар, ки дар он солҳо суми калон буд. Маҳмадназар Солеҳов аз 6 уми ноябри 2006 вазири дохилӣ шуд. Аммо ҳоҷӣ Имом дар «кабелний» сехҳояшро ба иҷора дода қисми ками бачаҳо ҳамроҳаш кор мекарданд. Бо Ҳасани хусурбачаи президент соз нагирифта буд, он солҳо. Ҳасан гуфт заводро ба ман фурӯш. Ҳоҷӣ Имом нафурӯхт ва дойираи кори ӯро танг карданд. Ба заводи алюминий гуфтанд, ки ба ҳоҷӣ Имом алюминий надиҳед. Яъне ашёи хом. Заводи ҳоҷӣ Имомро ҳаматарафа блокада карданд. Ҳоҷӣ заводаро ба номи занаш кард, то бо ягон баҳона аз дасташ нагиранд. Занаш шаҳрванди Русия мебошад, номаш Мавҷигул. Доираи Имомхуякро ин хусурбачаи президент то дараҷае танг кард, ки не ашёяш доданд, не кабелашро гузоштанд, ки бифӯрушад. Ҳоҷӣ Имом ночор Ҳасанро гуфт: “биё як ба як мезанем, задӣ ҳами завода бе сум биги, яъне падарка, Ҳасан ноилоч шуд”. Медонад, ки мардуми Советский чи хел бачаҳои нотарс дорад. Баъд Ҳасан рафта дар даруни заводи алюминий кабелний заводи худашро сохт. Хуллас, бизнеси ҳоҷӣ Имомро кушт ва Ҳасан ҳоло дар тамоми ҷумҳурӣ чанд намуд кабелҳои гуногуни замонавии худро фурӯхта истодааст.
Исматчаро хубтар шиносед
Чанд ҷумла дар бораи Нусратуло Турахонов бо лақаби Исматча. Аз Советский, ҳозира Темурмалик. Дар вақти ҷанг чи хизматҳое, ки накард. Дар байни ду майдон хайма зад, гуруснанишинӣ эълон кард. Гуфт ин миллат бояд ҷанг накунад. Ҳамин қадар кушиш кард, аммо натавонист. Гурӯҳе аз бачаҳои нофаҳми худамон ҳам «вовчик» ҳам гуфтандаш.
Бачаҳо баъди мурданаш мегуянд, ки Исмат рост гуфта буд дар ҳамон соли1992. Исматча ба бачаҳо гуфта будааст, ки ин ҷанг барои чист!!! Ба манфиати кист? Барои ҳамин дар байни ду майдон палатка зада мухолифи ҷанг баромада буд. Дар бораи Исматча китоб баромад, ман хондам. Ман ҳам ҳамсуҳбат шудам,бо ҳамон нафари китобро навиштагӣ. Аз газетаи СССР мисол овардагӣ дар ин китоб Гуфтам намешуд ин хел ё он хел мекардед. Дар вақти суҳбат ба ман гуфт, ки китоб бояд калонтар мешуд. Вақте мо китобро ба чоп бурдем, хонданду диданд. Гуфтанд, ки нимаш ба сиёсати имрӯза рост намеояд. Сипас бояд ҳатман аввали ин китоб таърифу тавсифи Ҷаноби олӣ бошад, «аз боло ба мо амр шудагӣ, ягон мақоларо бе таърифи Ҷаноб чоп накунед». Баъд китобнавис гуфт мо ноилоч розӣ шудем.Чи хеле, ки онҳо хостанд, мо ба гуфтаи онҳо китобро ба чоп додем. Қариб 50% воқеъиятҳое дар бораи Исматча буд аз китоб бардошта шудаанд.
Маънии ПТУ- ро медонед? Як урус бо мо кор мекард гуфт,ки ПТУ –помогите тупого ученика, мо тупой мегуем. Яъне ба шогирди кундзеҳн ёрдам кунед.
Эмомалӣ Раҳмонов –шогирди тупойи ПТУ ақлашро хурдааст. Намедонад, ки чи гуфта истодааст, куҷо рафта истодааст. Халқро фуромӯш кардааст. Ноҳияҳо меравад. Як мох пешакӣ амнияташ рафта районро муҳосира мекунад. Аввал як сол пешакӣ раиси ноҳияро мегуянд, ки соли дигар президент ноҳияи мо меояд. Як соли тамом идораҳо суботник. Аз маошҳояшон 10%мегиранд, хоҳ раис бошӣ ё хоҳ фаррош.
Дар ноҳияи Темурмалик баъди 20 сол омад, қариб 30 минут истод, бо сабтҳои пешина монтаж карда ду соаташ карданд.
Дар як баромадаш мегуяд, ки «хонаҳотона аз хишти пухта яъне кирпичи сурх созед».
Дар як баромадаш мегуяд, ки «Сумтона оварда банкҳода монед. Пасандоз барои ояндаи фарзандон».
Э,шогирди тупойи ПТУ! Мардум имрӯзашро наёфта истодааст, ки бихурад, аз куҷо пасандоз? Ин ПТУшник мода фикри фардо кадесай.
Ин мардак мардум гуфта зиндагии гирду гушаи худашро мебинад. Фикр мекунад ҳама ҳамин хел аст. Гоҳо биҳишт гуфта ном мебарад.
Исмат Абдуллоев “Дулик” ва баъзе аз розҳои нопоки ӯ
Исмати Дулик –Исмат Абдуллоев, раиси фурудгоҳи байналмилалии Душанбе ва аз афроди наздики Ҳасан Асадуллозода, додараруси Эмомалӣ Раҳмонов овозхон Сафаргул Юсуповаро аз шавҳараш ба зурӣ кашида гирифтааст. Ин Сафаргул Юсупова 4 кудаки калон дорад. Падари кудакҳояш яъне шавҳараш Неъмат Асрорӣ навозандаи Зафар Нозим ва Ҷамшед Исмоилов буд.
Сафаргул дар куҷое бо вай муносибат мекунад. Аммо ин кор ҳам бо розигии Сафаргул шудагиаст ҳам бо он мард. Ба шавҳараш таҳдид мекунанд, ки знукатро бигир, аз дастат ҳеҷ коре барнамеояд.
Ин кор дар амал бо розигии Исмати Дулик ва худи Сафаргул шудагӣ аст. Бачаи ин мард бо Сафаргул Юсупова калон аст. 23 24 сола. Бачаҳояш ҳамроҳи падарашон гап намезананд. Ба қарибӣ духтарашро шавҳар дод. Ин Неъмат Асрориро зулми бисёр карданд. Аз хонаву дар маҳрумаш карданд.
Зиндагии нав сар карда зан гирифтааст бечора. Баъди ин ҳодиса ӯ ба Амрико гурехта рафт. Кутоҳи гап Сафаргул Юсупова фарзандонашро гуфт агар соҳиби пулу мошину хона ва зиндаги шудан хоҳед аз падаратон дур кунед , ман падари пулдортон пайдо кардам.
Дар мавриди Заводи Қолини Душанбе, ки писари Исмати Дулик Наврӯз Абдуллоев онро рӯзи 20.12.2022 кушод ва дар ифтитоҳаш Президент ва Рустам иштирок доштанд, ҳатто худи Исмати Дулик аз аробача бо зур росташ монданд ҳатман бо тафсил дар мавриди ин завод ва чи гӯна кушода шудани он бароятон маълумоти муфассал мефиристем, то аз асли ин завод ҳам мардум огоҳ гарданд.
Шералӣ Кабиров ва Ҳасан Асадуллозода боҷаанд
Шералӣ Кабир як аруси фоҳиша дорад аз Калинини Душанбе, номаш Умеда-духтари ҳоҷӣ Маҳмуд. Дар ҷодугарӣ бисёр маҳорат дорад. Ҳамин Шералӣ Кабирро хар гардондагӣ аст. Дар хонаи Шералӣ боз дигар бачахоро бурда ҳаромӣ мекунад ва мо ҳамсоя ҳастем ҳамаро мебинем. Барои онки Шералӣ ӯро қаноатманд карда наметавонад. Умеда гуфтааст, ки бо Шералӣ барои пулҳояш мегардам 27-30 сола. Дар баъзе ҷоҳо номашро Зарина гуфтагӣ аст. Инҳо сахт боҳуснанд, барои ҳамин ҳуши мардҳоро мебаранд ва муҳим ҷодугарӣ мекунанд. 10 сол аст ки ҳамроҳаш аст. Ҳатто пеш аз кор дар Талко ҳамроҳаш буд.
Як хонааш дар пеши опера- балет якеи дигараш дар пушти ҳайкали Ибни Сино. Ҳавлӣ тахминан бо ду гектар замин. Апаву хоҳар аруси Ҳасан ва Шералиянд. Ренҷровер доранд.
Ҷага ба никоҳаш гирифта буд ва як хонаи сеҳуҷарӣ дар назди Институти налог дошт. Ин духтар баъди кушта шудани Мирзо Ҷага чанд хонаи Ҷагаро гирифту аз они худ кард. То ҷое мо маълумот дорем Ҳасан Асадуллозода хонаҳои Мирзо Ҷагаро ба номи ӯ гузаронидааст мегӯянд. Мегуянд,ки чор- панҷ хонаашро ҳаминхел гирифтагӣ аст. Таваллуди Парвина, ки худро Холида мешиносонад 88 ё 89 аст.
Таблеткаҳои экстазӣ мезананд ин духтарҳо ва ҳато як бор дар қапи милисаҳо мехуранд ва милисаҳо мефаҳманд, ки масту мадҳушанд. Ренҷроверро меқапанд, мебинанд, ки задагианд.
Апаи Умеда номаш Холида аст. Худашро Парвина муаррифӣ мекунад. Парвина аруси Ҳасан Асадуллозода аст. Пеш зани Мирзо Ҷага буд. Номаълум, ки зани чандумаш буд. Ин аз хоҳараш ҷодугари вазнинтар аст. Инҳо як «круг»-анд. Аз Кашмир ҷодугар меоваранд, харҷи калон мекунанд. Дар вақти зани Мирзо Ҷага буданаш ин Парвина ҷодугарӣ мекард. Мирзо Ҷагаро бисёр шарманда карда буд. Ҳозир чи хеле медонем, Ҳасанро хар гардонидааст. Апаи инҳо яьне апаи Парвина ва Умеда зани Эшони дароз буд. Як духтари беҷогард дорад номаш Миҷгона, аммо худашро бо номи Закия шинос мекунад.
Ман бовар дорам, ки Ҷага инро то охир намедонист, нашинохта буд. Харҷаш зиёд буд. Дубленкаҳои қимат. Шубаҳои гаронбаҳо. Ин зан чуноне гуфтем феълан аруси Ҳасан Асадуллозода аст. Инҳоро авғон мегуянд, як қабилаанд. Духтари калонии ин ҳоҷӣ як вақтҳо зани эшони Дароз буд. Духтар дорад бо номи Закия, овозхон, духтари эшони Дароз аст ё каси дигар номаълум. Инҳо оилаи соқу сиҳат нестанд, нопоканд. Бо як кас никоҳ кунанд ҳам бо даҳ каси дигар мегарданд. Фоҳишаанд.
Формула 55 ё 5555 групп киҳоянд?
Ҷураев Дилшод, Роҳбари 5555 групп. Ҷураев Дилшод Донишгоҳи славяниро дар Душанбе хатм намудааст. Ӯ аввал контораҳои букмекерии 5555-ро кушода мардумро дар ставка ва қимор шинонда ба гадоӣ оварда расонд. Баъдан бо ҳамроҳии бародараш Ҷураев Даврон худро аввал бо Шоҳрух ва сипас бо Рустами Эмомалӣ часпонд. Инҳоро кошелек мегуянд. Тамоми букмекерхонаҳои Формула 55 ба инҳо тааллуқ дорад. Ҳамин тавр Дилшодро ба мансаби муовини Раиси федератсияи футболи Тоҷикистон таъин намуданд. Ӯ бо бародараш як империяи махсуси худашонро доранд, ки дар он ҳама чи медарояд. Ба наздикӣ бизнес- инкубатор кушоданд, ки дар давлати мо ба он умуман ниёзе нест. Дар ҳоле, ки вазорати иқтисод ҳаст, инкубатор чи лозим? Бародараш Даврон клуби ҷанговарони ММА Тоҷикистонро дорад, ки дар он ҷавононро ба бераҳмӣ тарбия мекунанд. Модараш бошад ширкати Мултикидро дорад, ки дар он ҷавононро бо фарҳангҳои бегона ва дидҳои зидидавлатӣ ҷалб мекунанд. Боре аз бародарон Ҷураевҳо пурсиданд, ки ба Шумо ин чизҳо чи даркор? Дар ҷавоб онҳо гуфтанд, ки ин ҳама дар оянда барои ба сари қудрат овардани Роҳбаре аз вилояти Суғд лозим. Чун худи онҳо аз онҷо. Аҷиб инҳо дар бари писари Президент, аммо мақсадҳояшонро нодида мондаанд. Сабаб дар он астки ин нафарҳо Рустамро фақат ба кайфу отдых меандозанд то ин ки вай аҳамияте надиҳад. Замоне буд, ки собиқ вазири фарҳанги Тоҷикистон-Шамсуддин Орумбекзода норозигӣ ба кори ширкати модари Дилшод намуда онро бастанӣ шуд. Дар ҳақиқат асос дошт. Аммо натавонист. Ӯро бародарон Ҷураевҳо ба воситаи Рустам ҷуқиданд.
Даврон гуруҳи бузургеро аз ҳисоби ҷавонони ноогоҳ машку тамрин додааст, ки онҳо танҳо амри ӯро гуш мекунанд. Дилшод ҳар моҳ бо ҷамодончаи махсус маблағи муайянеро бурда ба Исмоили набераи Президент медиҳад. Дилшод мехоҳад байни Рустаму Исмоил ҷангеро роҳ андозад. Бовар кунед мардум қашшоқ шудааст аз дасти ин букмекерхонаҳои Дилшод Ҷураев.
Ноҳияи Абдураҳмони Ҷомӣ (Куйбешеви собиқ)
Дар автобазаи ноҳия фурӯши нашъа ошкоро сурат мегирад. Инҷо ҳоло расман масолеҳи сохтмонӣ фурӯхта мешавад. Нафаре ҳаст бо номи Алии оҳакфурӯш.Б а ин одам Пулод
Раҳимов, замначалники «уголовний розиск» нашъаро таъмин мекунад. Руй рост ошкор дар Афтабазаи строй матрял, Али охак фрӯшда нашаро Раҳимов Пулод угаловник оварда медиҳад ва ӯ фрӯхтай истодааст.
Ҳафтае нест, ки як нафарро «подстава» накунанд. Инҷо аксарият ғармианд. Нафари ба даст афтода ба камияш 600 доллар медиҳад, вагарна аз 1000 доллар кам намегиранд. Музаффар Бойматов, сардори шуъба, Амиршо Ғайратов, сарнозири минтақавӣ ва корманди бахши ҷустуҷуи ҷиноӣ Раҳимов Пулод се нафаре ҳастанд, ки дар тан либоси милиса доранд, аммо аъмоли ҷинояткоронро дар ноҳия ошкоро бе ягон тарс мекунанд. Инҳо мераванд аз Душанбе аз Дӯстов Ҷумъабой корманди пешини милиса «бор»-ро меоранд ва халқро «подстава» карда истодаанд.
«Криша»-и инҳо Дӯстов Ҷамшед корманди Оҷонсии коррупсия ва рафиқи наздики Рустами Эмомалӣ мебошад.
Бойматов Музаффар, Ғайратов Амиршо, Пулод Раҳимов ва Дӯстов Ҷумъабой ҳамагӣ аз Ғарманд. Аммо бадии кор дар ин аст ки инҳо, ки як мафияро ташкил медиҳанд, фақат ватасосан ғамиҳоро «подстава» карда истодаанд.
Ноҳияи Абдураҳмони Ҷомиро ба фасоду нашъамандӣ олуданд. Ин Алии оҳакфурӯш, ки баригаашон мебошад, ҳафтае нест, ки як нафарро туъмаи онҳо насозад. Дар кадом маҷлисе ба Пулод Раҳимов Ҷаноб медал дода будааст. Вай ҳамонро ба мардум воҳима карда нишон дода метарсонад, ки ҳар куҷое шикоят мекунед фоидаатон надорад. Мегуяд, ки «ма қати худи Ҷаноби олӣ мешинуму мехезум». Бовар кунед ин мафияи милисаҳо ҳамаро наркоман кардаанд. Ин мафияи милисаҳои ғармӣ на танҳо нашъафурушӣ, ҳамчунин дуздӣ ҳам карда истодаанд. Гапи хубашон ин аст ки «мо ғармиёи худмонем бачай ача, кор ба болора нарава, 600 доллара бте ака, хапи ту хапи мо ғармиёем».
Алии оҳак фурӯш пеш аз подстава кардан пешакӣ хабарат мекунад, ки «бо номи мна Нагирӣ ҳатиёт кун». Клент-харидораш аз пешаш 20 метр меравад, дарҳол зангашон мезанад, ки «рафт бардореша». Ҳарсеяшон, ки мунтазири ин занганд, меоянду медоранду мебарандаш отдел. Бачаи ача 600 –ро медиҳиву мебароӣ. Бовар кунед Алии оҳак фурӯш ҳам ғармӣ аст, аз Куйбеши пешина, колхози Ленин. Вақте бо Пулоди уголовник «спорит» мекунӣ рӯйирост мегуяд: «мара кришам Дӯстов Ҷамшед коргари коррупсия ҷураи Рустами Эмомалӣ киҷое мерай бра жаловат кун».
Як рафиқи наздикам дар шуъбаи муҳофизат-отдел охрана кор мекард, басаш кард. Гуфт бо луқмаи ҳаром фарзандонамро тарбият намекунам.
Аммо як чизро бигуям, ки ин милисаҳои ғармӣ дар инҷо ҳамаро нарокоман мекунанд ояндаашонро месӯзонанд. Ҳоло ҳудуди 73 нафар ҷавононро медонам муътоданду метавон гуфт аслан ояндае надоранд. Ин идораи назорати зидди маводи нашъаовар куҷоро нигоҳ мекунанд? Ман ҳеҷ шакку шубҳае надорам, ки ин ниҳодҳо худашон дар интишори маводи мухаддир ва доруҳои мадҳушкунанда саҳм доранду пул кор мекунанд.
Ps: Ислоҳ омодааст дар чунин шакл ҳар рӯз то панҷ чунин номаҳо аз ҳар ноҳия ва вилоятҳоро нашр намояд. Аммо имкони инкорро феълан надорем бо чанд далел. Умедворем дар ояндаи наздик ба он ҳам даст ёбем ва ё як рубрикаи махсӯсе дар мавриди ин шакл номаҳои мардумӣ ташкил намоем, ки он аз иртиботи қавии мардумӣ бо “Ислоҳ” ро бозгӯ менамояд. Аллоҳ муваффақамон гардонад, дар ончӣ ба хотири некӯ аҳволии мардуми азизи кишварамон анҷом медиҳем….