Номаи аз Конибодом дар бораи дар ҳар кӯчаву паскӯча мисли боевикҳои замони ҷанги шаҳрвандӣ пост ташкил карда даст ба порагирӣ задани кормандони ГАИ-и Конибодом сӯҳбат мекунад.

 Масъалаи дигари ин убури корвони бузурги мошинҳои Қофлонбой-Раҷаббой Аҳмадзода, раиси вилояти Суғд аст ки он ҳам барои ронандаҳо як дарди сари нав дуруст кардааст.

Ҳамкори ҳамешагии мо аз Волгоград дар бораи масъалаи обуна ба нашрияҳои даврии Тоҷикистон, ки СССР дар ин маврид як матлаби муфассал нашр кардааст, навиштааст. Инҷо муаллифи мо таъкид кардааст, ки тамоми масъулини навоҳӣ ҳатман медузданд ва Почтаи Шаҳритус истисно буда наметавонад ва аз тарафи дигар изҳори тааҷҷуб кардааст, ки нашрияи хусусии СССР чаро дар феҳристи нашрияҳои расмӣ ворид карда шудааст?

Нависандаи номаи Исфара аз ҳодисаҳои куштори ҷавонони тоҷик дар ҷанги Русия бар зидди Украина навишта ва аз он изҳори ташвиш кардааст, ки дар ин кор, дар фиристодани ҷавонҳо ба ин ҷанг баъзе аз занҳои руси худи ин ҷавонони тоҷик даст доранд.

                                       Конибодом

Ассалому алейкум бародари ватандӯст Муҳаммадиқболи Садриддин!
Ман як шаҳрванди Тоҷикистон аз шаҳри Конибодом ҳастам. Илтимос номаи маро дар барномаи «Номаҳо аз ноҳияҳо» чоп кунед ва агар хатоӣ бошад пешакӣ маъзарат мехоҳам. Номамро намегӯям, бигзор махфӣ монад. Ман бисёр шикоят дорам.
Якум шикояти ман аз кормандони ГАИ-БДА аст. Ин гаишникҳо моро аз ҷон безор кардаанд. Ҳар рӯз дар ҳама ҷои роҳҳо  истода аз ронандагони бечора хусусан аз камбағалон пул мегиранд. Барои чи инҳоро коррупсия тафтиш намекунад?

Як нафар ГАИ ҳаст, ки ҳар рӯз рейд гузарнида пул мегирад. Номаш Фирӯз,бо лақаби Фирӯзи сиёҳ. Мерседеси сечкаи объёмныйи сиёҳ дорад. Рақами қайди давлатиаш 2888.

 Номи дуюмашро намедонам. Мошинаш опел -астраҷии хокистарранг, рақамҳои қайди давлатиаш 9000.

Сеюмаш Сӯҳроб ном дорад. Мошинаш опел-астра ҷии серебристый, оинаҳояш сиёҳ 0777 номераш, регионаш 02.
Аз роҳбарияти ГАИи Конибодом ва вилояти Суғд хоҳиш мекунем,ки инҳоро назорат кунед.Чунки ҳаррӯз мардуми бечораву камбағалро ғорат мекунанд, хусусан таксиронҳои шаҳри Конибодом ва Газелчиҳоро. Бигзор онҳоро коррупсияи шаҳри Душанбе тафтиш кунад. То ки онҳо ҳаромхуриро бас кунанд.

Дар бозори шаҳри Конибодом, назди чойхонаи «Мавҷ» мошинро мегузорӣ, омада рақамҳои давлатиашро гирифта мераванд ва бар ивази 150 сомонӣ рақамҳояшонро бармегардонанд
Ба ҷуз инҳо боз аз Хуҷанд ҳам бисёр гаишникҳои областной ба Конибодом омада пул «кор» мекунанд. Гӯё инҷо ҷои пулкоркунии онҳо бошад. Инҷо меоянд, гӯё ва  мисле, ки хонаҳояшон меомада бошанд, ҳар ҳафта меоянд.
Дирӯз Раҷаббой Аҳмадзода, раиси вилояти Суғд, машҳур бо лақаби Қофлонбой ва чанде аз одамҳои калоншаванда аз Душанбе ва Хуҷанд ба Конибодом омаданд. Ман худам шоҳидам ва бо чашмонам ин ҳодисаро дидам. Дар назди светофор бо мошин истода будам. ГАИ роҳҳоро баста мошинҳоро манъ кард, то ин ки корвони мошинҳои Қофлонбой гузарад. Дар ҳамонҷо ду бечораи камбағал успет накарданд, ки мошинҳояшонро як бари роҳ гиранд ва кор тавре шуд, ки гӯё онҳо ба мошини Қофлонбой роҳ надод бошанд. Баъди гузаштани мошинҳои Қофлонбой ГАИ назди он ронандаҳои камбағал рафта аз он бечорагон пул гирифт, барои роҳ надоданашон. Оё инро мефаҳмида бошад ҷаноби Қофлончик? Ё худаш фармони чунин корро медода бошад?

Барои чи қонун фақат зидди камбағалон аст? Магар Қофлонбой низ мисли мо инсон нест? Роҳҳои бозори шаҳри Конибодомро ба хотири омадани Қофлонбой бастанд аз ду тараф. Бечора мардуми шаҳри Конибодом сарсон буданд.

Баъд Қофлонбойро дар тарабхонаи Муроду Мақсад зиёфат доданд ва дар толори бинои ҳукумати шаҳри Конибодом маҷлис доир шуда буд. Онҷо низ бисёр гаишникҳову милисаҳо буданд.
Хуллас, гапи ман ин аст ки назорат кунанд гаишникҳои шаҳри Конибодомро ва  гапи дигарам ин аст, ки гаиҳои шаҳри Хуҷанд ба Конибодом барои пул кор кардан ба Конибодом наоянд. Назорат кунанд, мо безор шудем аз ин ҳаромхурҳою порахурҳо.

Бародар, номаи маро нашр кунед. Ман боз нома менависам.
Бо баромадҳои шумо дар Ислоҳ.ТВ мо хушҳол мешавем ва тамошо карда лайк мегузорем.

                                     Волгоград

Ассалому алайкум устоди гиромӣ Муҳаммадиқболи Садриддин! Ман чанд вақт дар берун аз Волгоград будам, барои кор рафта будам. Барои ҳамин буд, ки дигар натавонистам ба шумо номае фиристам. Омадам ва сомонаҳои нашрияҳои чопи Душанберо мутолиа карда як матлаберо аз ҳафтаноми СССР ҷудо намуда гирифтам. Маълум аст ки то нашри барнома фурсат мегузарад ва худи матлаб ҳам рӯзи 6 апрел чоп шудааст, шояд як каме дер бишавад. Вале фикр мекунам,ки хонандаҳои «Ислоҳ», ки хеле зиёданд, аз муҳтавои ин мақола ва масълагузории он огоҳ бишаванд, аз манфиат холӣ нест. 

  Матлаби мазкур таҳти сарлавҳаи «Почтаи Шаҳритус чи гуна пули СССР-ро дуздид???» чоп шудааст. Ин матлаб ба қалами Қосимзода Нуриддин тааллуқ дорад, як каме тӯлонӣ мебошад. Дар ин навишта сухан аз он меравад, ки идораи Почтаи Шаҳритус на ҳама пулҳои барои обуна ба ин нашрия омадаро ба суратҳисоби нашрия гузаронидааст.

Ман инҷо фишурдаи он навиштаро меоварам, яъне бо ихтисор меоварам. Ва сипас, тибқи маъмул баъзе фикру мулоҳизҳоямро дар бораи масъалаи дар миёнгузоштаи он баён медорам.

Почтаи Шаҳритус чигуна пули СССР-ро дуздид???

  06.04.2026

    Обуна ҳаст, рӯзнома нест

…. 1 хонандаи доимии рӯзномаи мардумии «СССР» Фармонов Расул аз ноҳияи Шаҳритус ба идора занг зада, аз 1 мушкили ҷиддӣ шикоят намуд. Ба гуфтаи ӯ ва даҳҳо сокини дигар, онҳо ҳанӯз аз моҳи октябр ба рӯзномаи мардумӣ обуна шуда, маблағро пурра пардохт кардаанд, аммо то имрӯз ягон шумораи нашрия ба дасташон нарасидааст. Ин мавзуъе шуд, ки чанд ҳафта боз пайгирӣ доштем, то барои ту хонандаи азиз аз вазъияти баамаломада гузориш диҳем. Бо мо бош, зеро Мо метавонем!!!

 Боби 2. Обуна ҳаст паҳнкунӣ куҷост?

Маълум аст, ки расонидани рӯзномаҳои даврӣ пеш аз ҳама ба фаъолияти муассисаҳои почта вобаста мебошад. Агар ин занҷир халал ёбад, тамоми низоми обуна маънои худро гум мекунад. Сокинони Шаҳритус мегӯянд, маблағ супурда шудааст, аммо натиҷа нест. Пас савол ба миён меояд, маблағи обуначиён ба куҷо меравад?

Роҳбари почтаи ноҳия Мирзоқулова Дилбар дар суҳбат бо редаксия изҳор доштааст, ки гӯё 40 нафар ба рӯзнома обуна шудаанд ва ҳатто иддао кардааст, ки Фармонов Расул умуман ба «СССР» не, балки ба рӯзномаи Тоҷикистон обуна будааст (ин иддаои апаи Дилбарро ҳатто СССР дар шумораи №8 (907) бо номи «Ба Тоҷикистон обуна шуда, СССР напурсед» нашр ҳам кард). Аммо сокинон ин гуфтаҳоро қатъиян рад мекунанд. Ба таъкиди онҳо, мардум хуб медонад ба кадом нашрия обуна мешавад ва барои чӣ маблағ медиҳад.

Боби 3. Рақамҳо бар зидди воқеият Барои равшан кардани масъала, мо ба почтаи вилоят муроҷиат кардем. Дар он ҷо бланкае пешниҳод гардид, ки тибқи он дар ноҳияи Шаҳритус ба рӯзномаи «СССР» 169 адад обуна сабт шудааст. Аммо тавре роҳбари почтаи тоҷик дар вилоят Бобоев Ш. изҳор дошт, дар асл ягон дона обуна расман ба қайд гирифта нашудааст. Ин танҳо факту рақамҳое ҳаст, ки аз ҷониби намояндаи почтаи ноҳия ирсол гардидааст. Ба забони дигар сардори Почтаи ноҳия, рафиқа Мирзоқулова ба чашми роҳбарияти ноҳия хок пошидаасту бас! Ин ихтилофи ошкор миёни ҳуҷҷат ва воқеият нишон медиҳад, ки дар низоми ҳисобдорӣ ва паҳнкунӣ мушкили ҷиддӣ вуҷуд дорад. Агар обуна дар коғаз ҳасту дар амал нест, ин аллакай нишонаи бетартибӣ, ҳатто қонуншиканист.

 Боби 4. Ревизия шуду натиҷа куҷо?Ба гуфтаи роҳбари почтаи ноҳия, замоне, ки рӯзномаи мардумии СССР хост оид ба обуна шудани сокинон ба рӯзномаҳои  даврӣ ҳамсуҳбат шавад, он замон дар Идораи почта ревизия ва ҳатто санҷиши прокуратура низ гузаронида истода будаанд. Аммо баъди санҷиш, ки хостем шахсан бо худи намояндаи аввали почта дар ноҳия сӯҳбат анҷом диҳем, аз кор рафтани худро Мирзоқулова Дилбар баён дошт. Аммо саволи асосӣ бетағйир мемонад: Агар санҷиш гузашт, директори почта аз кор гирифта шуд, маблағи обунаи газета чӣ шуд ва чаро газета ба дасти деҳқону коргари одӣ, ки барои он пул пардохтаанд, намерасад? Яъне чаро мушкил ҳал нашуд? Чаро роҳбар аз вазифа рафту масъала боқӣ монд?

Боби 5. 32 ҳазорро кӣ дуздид? Тибқи оморе, ки мо дар даст дорему Почтаи ноҳия ба МИҲД Шаҳритус пешниҳод кардааст  мардум аз теъдоди аз раёсати вилояти Хатлон пешниҳодшудаи 200 дона ба 169 адад газетаи СССР обуна шуда, нақшаро 84,5% иҷро кардаанд. Ба арифметикаи оддӣ рӯ меорем:

Х=169х190,9

Х=32262,1 сомонӣ

Пурсида мешавад, рафиқа Дилбар Мирзоқулова беш аз 32000 пули нақди обуначиёни моро куҷо кардааст? Додситонӣ пеш аз оне, ки ин почталёнро парванда кунад, бояд ҳатман пули обуначиёнро баргардонад. Мавзуъро пайгир мемонем. Мо Метавонем!

Боби 7. Беэҳтиромӣ ба хонанда беэҳтиромӣ ба матбуот аст!!! Обуна дар рӯзномаю маҷаллаҳо дар Тоҷикистон то ҳол яке аз роҳҳои асосии дастгирии матбуоти миллӣ мебошад. Агар хонанда маблағ диҳаду нашрияро нагирад, ин на танҳо поймол шудани ҳуқуқи ӯст, балки зарбаи мустақим ба нуфузи матбуот низ мебошад. Хонанда барои интизорӣ маблағ намедиҳад, ӯ барои дониш, хабар ва фарҳанг пул пардохт мекунад. Рӯзнома дар роҳ гум мешавад ё фиристода намешавад? Саволи калидӣ ҳамин аст. Ҳолдонҳо ва мутахассисон бар назаранд, ки 3 ҳолати эҳтимоли ба дасти хонанда нарасидани рӯзномаю маҷаллаҳо вуҷуд дорад:

-рӯзномаҳо умуман фиристода намешаванд;

-фиристода мешаванд, аммо ба дасти хонанда намерасанд;

-дар ҷараёни паҳнкунӣ «гум» мешаванд.

Ҳар 3 ҳолат масъулияти мустақими сохторҳои алоқа ва паҳнкунии матбуотро нишон медиҳад. Аммо ҳолати ба сари обуначиёни СССР омада, мушкили №4 ва асосиро фош намуд:

-Директорони почтаҳо пули обунаро ба кисачаи худ зада, ба роҳбарият рапорти бардурӯғ медиҳанд. Ҳам роҳбарро фиреб мекунанду ҳам мардумро саргардон.

Хулоса: зарурати таҳлили ҷиддӣ

Ҳолати почтаи Шаҳритус танҳо мушкили 1 ноҳия нест. Он метавонад нишонаи мушкилоти амиқтар дар фаъолияти почтаҳои шаҳру ноҳияҳои кишвар бошад. Аз ин рӯ, зарур аст, ки санҷиши мустақили фаъолияти почтаҳо гузаронида шавад, шаффофияти ҳисоботи обуна ба назар гирифта шуда, масъулони аслӣ муайян карда шаванд, инчунин барқарор намудани ҳуқуқи обуначиён низ зери таҳқиқ қарор гирад. Агар имрӯз ба чунин ҳолат чашм пӯшида шавад, фардо эътимоди мардум ба тамоми низоми матбуот аз байн меравад. Матбуоти миллӣ бе хонанда зинда намемонад, хонанда бошад дигар ба матбуоти даврӣ обуна намешавад. Масъулият танҳо гирифтани маблағ нест, расонидани иттилоъ низ вазифаи муқаддас аст. Сокинони Шаҳритус ҷавоб мехоҳанд. Обуна ҳаст,пас рӯзнома куҷост?  Мавзӯъро пайгирӣ мекунем. Мо метавонем!!!»

Ин буд матлаби СССР.

Чуноне аз муҳтавои он  огоҳ шудед, директори почтаи Шаҳритус ва он ҳам як нафар пули обунаи нашрияҳоро ба ҷайби худ задааст.

Мутаассифона дуздии пулу маблағ дар ниҳодҳо давлатии Тоҷикистон ба як амри маъмулӣ ва одати мансабдорон табдил шудааст. Ин раиси ҳамакнун собиқи почтаи Шаҳритус худаш ҳам хуб медонад, бо супориши ҳукумати ноҳия ташкилоту корхона ва ҳатто масҷиду мактабҳоро дар маҳалҳо масъулони идораҳои ҷамоат маҷбур мекунанд, ки ба ин ё он нашрия, ки расмиву давлатианд, обуна шаванд.

Чандин нафарон дар ин бора дар номаҳояшон навишта буданд, ки барои гирифтани иҷозати тӯй онҳоро маҷбуран ба кадом газетае обуна карданд.

Хуб, мо намедонем, ки  аз ин шумораи обунашудаҳо чанд нафарашон барои иҷозаи туй шуда ба СССР обуна шудаанд, яъне пул додаанд, аммо чуноне аз навиштаи худи СССР бармеояд бояд Шаҳритус ба 200 нусха обуна мешудааст.

Ман ҳайронам, ки дар қатори нашрияҳои расмӣ чаро СССРу Тоҷикистон ҳам роҳ ёфтаанд? Ва, онҳоро ҳукуматҳои ноҳия дар феҳристи нашрияҳои расмӣ вориди обунаи маҷбурӣ кардаанд.

Ман тоза мефаҳмам, ки барои чи ин қадар СССР ҳукумат, Раҳмонов ва Рустамро таъриф мекардааст?

                                 Исфара

Ассалому алайкум бародар Муҳаммадиқболи Садриддин.Ман аз Ворухи Исфара ҳастам. Дар аввал дар бораи Сангинов Суҳайлиддин , ки раиси маҳалла мебошад, гуфтаниам.

Сангинов Суҳайлиддин се писар дорад. Писари калониаш дар Русия кор мекунад. Ду писараш студент. 

Аммо ин Суҳайлиддин бо амният кор мекунад. Бузи амният аст. Фарзандони мардумро ба амният месупорад ва онҳоро дошта ба хизмати сарбозӣ мебарнд ё пули калон гирифта сар медиҳанд.

Ин раиси маҳалла на бо мардум, балки бо мақомот аст. Дар ҳоле, ки бо ин мардум зиндагӣ мекунад, хоҳад, нахоҳад зиндашарику мурдашарики ҳамин мардум мебошад. Вале фикр намекунад, ки фардо, пасфардо, ки аз дасту по монд бо ин мардум чи ҷавоб медода бошад?.

Бовар кунед, бародар Муҳаммадиқбол, ки ин хабарҳо, ки нақшаи даъватро аввалин шуда Ворух ё Чоркӯҳ буд кард мегӯянд, ин як дурӯғи маҳз аст. Ягон ҷавон худаш довталабона ба хизмати сарбозӣ намеравад. Чунки дар аскарӣ вазъият бад аст. Падару модарҳо метарсанд. Ҳамин як ҳафта пеш якбора хабари ҳалокат ё куштори ду сарбоз дар тамоми Тоҷикистон овоза шуд. Яке онҳоро маҷбурӣ устухон хуронида ба куштан расониданд, дигариаш отпуска омада нахостааст, ки баргашта ба ҷойи хизматаш равад ва дар пеши чашми мардум худро аз болои пул ба дарёи Кофарниҳон андохта куштааст. Шумо худатон фикр кунед, ки ин ҷавонро то чи ҳад азобу шиканҷа додаанд, ки аз ҷони ҷавонаш даст шуста худро ба дарё андохта ғарқ мекунад, то ки дигар сарбоз набошад.

Домулло, ман дар Русия хизмат кардагиам. Вазифаам «сапëр взвод инженерных разведки» буд. Ман шароити хизмат дар аскариро медонам.

 Гуфтаниам, ки ягон ҷавони ворухӣ ё чоркӯҳӣ бо пойи худаш комиссариати ҳарбӣ намеравад

 Дар ягон артиш, чуноне, ки дар артиши Тоҷикистон ҳаст дедовшина дида намешавад. Дар ҳоле, ки беш аз 90дар 100 қувваҳои мусаллаҳи Тоҷикистон тариқи облава пур карда мешавад, бояд контрол ва интизом дар воҳидҳои ҳарбӣ сахт карда шавад.

Домулло, боз як хабари дигар ҳам дорам. Ин хабари нохуш аз Ворух аст ва инҷо гуфтам ба шумо расонам.

  Дар миёнаҳои марти имсола дар СВО-ҷанги зидди Украина як зодаи Ворух кушта шуд, ки номаш Сарфароз буду 31сол дошт. Вай аз маҳаллаи маъруф ба посëлка аст. Номи падараш Салоҳиддин мебошад.

  Сарфароз яке аз ҷиянҳои муаллими Бафохӯҷа Носиров мебошад. Сарфароз ду ако дорад. Худи вай дар Русия асту зани рус дорад.

Ба шунидаи ман мумкин зани русаш ба СВО равон кардагӣ аст. Чунки чунин ҳолатҳо, ки ҷавонҳои тоҷикро занҳои русашон барои пул шуда ба ҷанг фиристодагианд, кам нестанд. Ҳатто зодаи дигари Ворухро, ки аз маҳаллаи Тидон буд, дар Русия зани русаш бо маводди мухаддир подстава карда ба СВО равон кард.

Ин ҷавони Тидонӣ худаш ятим буд, бепадар калон шуда буд, модараш калон карда буд. Вақте мехоҳад ба Тоҷикистон барои аёдати модараш ояд, бо зани русаш чи баҳсу даъвое мекунанду он зан рус ин ҷавони бечораро бо маводди мухаддир мешинонад ва он ҷавон роҳи наҷот аз зиндонро дар рафтан ба ҷанг мебинад. Ва дар ҷанг кушта мешавад. Бубинед, ки оқибаташ чи шуд?

Сообщение Номаҳо аз ноҳияҳо ба «Ислоҳ.нет» №355 появились сначала на ISLOH.net.

Дар «Номаҳо аз ноҳияҳо»-и №351 дар бораи моҷарои хонахезонӣ дар деҳоти атрофи бозори «Корвон», бузургтарин фурӯшгоҳи Тоҷикистон як номаи сокинони деҳаи Крупскаяро ба нашр расонида будем.

  Дар он нома аз нимбаҳову нимнарх кашида гирифтан ва чапаву валангор кардани хонаҳо, амбору ошхона ва мағозаву ҳавлиҳои ин мардум аз тарафи Нуршед сухан мерафт. Идомаи моҷарои хонахезонии Нуршед ҳолатҳои бисёр ваҳшатнок дорад.

Нуршед, ки такя ба Рустами Эмомлӣ мекунад, ин бор корро то ҳадде барои мардуми ин деҳа сахту сангин кард, ки трактору булдозер оварда хонаҳои мардумро  чапа кардаву канда, кӯрпаву гилеми онҳоро ба камазҳо бор карда бурд ва боиси ба марг расонидани чандин сокини инҷо шуд.

Нуршед рӯирост гуфтаст, ки касе фалонамро  гирифта ва хӯрда наметавонад, чунки «шоҳбача» дар пушти ман аст, доляашро додаам, аз дасти шумо ҳеҷ коре намеояд, равед чор тарафотон қибла.

Давоми моҷароро дар номаи ин мардум, мехонед, ки ба шакли зайл аст:

Фоҷиаи Крупская: хонахезонӣ ва марг дар сояи зӯргӯӣ

  Ба номи Худованди бахшандаи меҳрубон! Бародар Муҳаммадиқбол, шукр, ки «Ислоҳ» ҳаст, кор мекунад ва шукр, ки шумо ҳастед ва арзу доди мардумро нашр мекунед.

Ин номаи навбатии шикоятии мардум ва аҳолии қишлоқи Крупскаяи назди бозори Корвон аст. Дар бораи вазъу ҳоли ин мардум ва бебандуборӣ, зӯргӯӣ дар бозори Корвон, ошкоро ва ғайриқонунӣ мардумро аз хонаҳояшон маҳрум кардан дар барномаи 351-и «Номаҳо аз ноҳияҳо» гуфта будем. Аммо ин Нуршед Машрабови раиси бозори Корвон зулмро сахттар карда истодааст. Ҳатто ду нафар аз таъсири зулми Нуршед Машрабов ҷон ба ҷонофарин супурданд. Ин ду нафар ба қарорҳои ноодилонаи Нуршед Машрабов тоб наоварда сактаи дил ва фишор-давлений шуда мурданд.

  Дар назди масҷиди ба номи домулло Муҳаммаднабии назди Корвон, худо домуллоро раҳмату мағфират кунад, одамҳои Нуршед Машрабов ба хонаи ду нафар омаданд. Ва, гуфтанд «хонаатон дар план ғалтида аст, хонаҳоятонро мехезонем».

Инҳо розӣ шуданд. Гуфтанд маблағи хонаҳоямонро баробар бо арзишаш пардохт кунед, мо мехезем.

  Аммо Нуршед Машрабов маблағи ночизе дар баҳои хонаҳояшон гуфт. Инҳо, соҳибмулкон розӣ нашуда норозигии худро изҳор намуданд ва ба назди Нуршед Машрабов одам фиристоданд. Ин соҳибмулкон одами одӣ набуданд. Аз амният хешу таборҳояшонро равон карданд ба назди Нуршед. Нуршед Машрабов баракс ба инҳо таҳдид карду гуфт:  «шумо одам фиристодед, ба шумо се рӯз муҳлат хонаҳоятонро холӣ кунед!». Вале инҳо мунтазир буданд, ки маблағи хонаҳояшонро пура пардохт мекунанд.

Баъди се рӯз Нуршед Машрабов трактору камазу булдозер дароварда хонаҳояшонро то бегаҳ бо чизу чораашон канда дар камаз бор карда бурд ва то бегаҳ катлавани хонаҳояшонро ҳам канд. Гуфт «аз пайи коратон шавед, шумо ба сари ман одам овардед, ягон чиз намегиред. Шумо медонед дар пушти ман кӣ ҳаст? Рустами Эмомалии шоҳбача». Ин ду оила одамои одӣ набуданд, аз кормандони давлат буданд. Аммо зӯрашон ба Рустами Эмомалӣ намерасад.

Ҳатто шахсоне, ки дар ҳукумат ва дар амният кор мекунанд, ҳеҷ қадре дар назди авлоди Эмомалӣ Шарипович надоранд, чи расад ба мо одамҳои оддӣ

Акнун дар ин қисмати нома дар бораи сарнавишти шахси сеюм, ки дар хонааш ошхона ва амбор (столовоя ва склад) мегӯем. Ба назди ин нафар ҳам одамҳои Нуршед Машрабов  раиси бозори Корвон омаданд ва ҳамон гапро ба ин нафар ҳам гуфтанд:

«хонаи шуморо мехезонем дар план ғалтидааст».

 Ин шахс гуфт маблағи хонаам ва арзиши столовий ва складҳоямро пура пардохт кунед- ман розӣ.

 Аммо инҳо дар ҷавоб ба он шахс гуфтанд, ки «факат масоҳати квадрати хона чи қадар бошад, ҳамон қадар хона мегирӣ, тамом. Аммо пули склад, столовий, магазин ё чизе, ки дорӣ, дигар намегирӣ. Агар андозаи масоҳати хонаат 150 мураббаъ бошад, ҳамон қадар мегири халос».

Табиист, ки ин шахс розӣ намешуд. Заминаш хонааш 8 сотих, буд складу мағоза ва столовий дошт. Барои ҳамин ба маблағи пешниҳод додаи Нуршед Машрабов розӣ нашуд.  Хусурбачаи ин нафар дар амният кор мекард. Ба вай муроҷҷиат кард. Гуфт ба ман кумак кун. Ин амниятӣ ба назди Нуршед Машрабов рафт. Гуфт маблағи хонаи язнаи маро пурра бидеҳ.

 Аммо баъди ба назди Нуршед Машрабов рафтан ин амниятӣ аз кор дар амният ронда шуд.  Баъдан ин соҳибмулк таҳти фишори шадиди Нуршед Машрабов қарор гирифт ва дар муддати 2 моҳ аз фишору зулми Нуршед Машрабов ҷон ба ҳақ супурд. Ин шахс ҷавон ва солим буд. Ному фамилияшро бароятон менависам вале бигзор назди  шумо боқӣ монад, бародар Муҳаммалиқбол. Ва ҳамин тавр аз ҷабру зулми Нуршед Машрабов як нафарро аз амният аз кор ронданд, нафари дуюм ҷон ба ҳақ супорид.

Дар аввал Нуршед Машрабов якуякбора манозили зисти беш аз сад нафар мардуми Автосентрро хезонд. Мардум норозӣ шуданд ва эътирози худро баён карданд.

 Он вақт Рустами Эмомалӣ ба Нуршед Машрабов, раиси бозори Корвон тавсия ва маслиҳат дод:-«коре бикун Нуршеду мардумро розӣ бикун, то ки ба назди офиси ман набиёянд.

Албатта, ин гапу ҳарф баъди нашри навори 85 ё 86 –и «Номаҳо аз ноҳияҳо» буд. Чунки ин мардум, ки бар ивзаи хонаҳо пули ночиз гирифта буданд якбора сад оила хест. Аммо баъди нашри он номаҳо дар «Ислоҳ» ҳама хуб шуд.

Вақте сад оила норозӣ буданд ва якбора ҳам эътирозу шикоят карданд,

 Рустам дар эзораш тар кард.

 Вале акнун аз поён хезондани хонаҳоро сар карданд. Ҳозир бошад ду оила, ду оила мехезонанд, то ки мардум норозигии худро дастаҷамъона баён накунанд ва мисли мардуми Автоцентр яке ҳамакаса нахезанд. Боз як ҷои Рустам, яъне бистуякшро нақапанд. Баъд супориш дод ба Нуршед Машрабов-агар ду оила, дуо оила хезонӣ маблағи ночиз диҳӣ ҳам, ду  оила ҳеҷ чиз  намегӯяд.

 Ана ҳамин хел зулм болои мардум карда истода аст Рустами Эмомалӣ бо ҳамроҳии Нуршед Машрабов.  Ҳамин ҳоло ҳам зулми Рустам ва Нуршед Машрабов давом дорад болои мардуми Корвон.

Як нафар номаш фалонӣ, бигзор номаш назди «Ислоҳ» маҳфуз монад ҳама чизаш- амбор, хона, оғили говҳо анҷомхона ва заминашро гирифтанду роҳ карданд. Аммо як сумаш ҳам надоданд. Гуфтанд, ки ҳар вақте хонаатро мехезонем, баъд хисобу китоб мекунем, халос.

Як зани дигарро номаш апайи Б.. мебошад, бигзор номаш назди Ислоҳ маҳфуз монад, гуфтанд, ки хонаат дар генплан ғалтида аст, хонаатро мехезонем ва дар ҷои хонаи ту роҳи давлатӣ.

Ин зан гуфт пули хонаамро диҳед чи коре мекунед, баъди пардохти пул кунед: роҳ мекунед, дом мекунед, дигар кори шумо. Инҳо гуфтанд, ки дом мебардорем, баъдан хона медиҳем. Ин зан гуфт ман аз сексияи шумо рози нестам яке рафтаву шумо муред дом соз нокарда монад шуморо пулис маҳкам кунад, ман аз болоятон шикоят мекунам: «пули хонаамро нақд монед баъд ман мехезам». Азбаски ин апа «шери нар ҳаст», зани боғайрат аст, Нуршед Машрабовро буҷул монд ва Нуршед Машрабов пулро наличий дод ва ин апа рафт. Апа пули гуфтаашро гирифт, пули дилхоҳашро, бовар кунед, ин апа шери нар аст

Вале ҳамин ҳоло ҳам, ки ин маводро барои шумо мефиристем зулми Рустами Эмомалӣ раиси Душанбе ва Нуршед Машрабов, раиси бозори Корвон болои мардуми Корвон, яъне қишлоқи Крупская давом дорад.

 Чанде пеш коргарони Нуршед Машрабов ба хонаи як марде омаданд. Коргарони Нуршед Машрабов ба он мард гуфтанд хонаатро мехезонем, инҷо дом мешавад. Ин шахс мисли дигар одамҳо эътироз ва норозигӣ кард.

Нуршед бо дастури Рустами Эмомалӣ ва бо баҳонаи калон кардани Корвон хонаҳои одамҳоро канду канда истодааст. Аммо ҷуброн ва ё арзиши молу мулки мардумро напардохту намепардозад.

Маълум аст, ки инҷо ҳардуи инҳо Рустами Эмомалӣ ва Нуршед Машрабов манфиатдоранд. Чунки бизнеси «дом» доранд. Худашон дом месозанд.

Албатта дар хотир дореду дорем, ки бозори Ҷалҷамро хароб карданд, бозори Султони Кабирро хароб карданд, Зелённийро хароб карданд. Дар ҷои ҳамаи онҳо «дом»-баландошёнаҳо рост карда истодаанд. Бизнес бар ивази хонахаробу беҷову макон намудани аҳолӣ.

Барои оила ҷамъ карда истодаанд, чашмашон аз пулу моли дунё сер нашуд.

 Худо лаънат кунад Эмомалӣ Шариповичро бо ин авлоди тараканаш. Омин. Омин гӯед мардум.

Чи хеле гуфтам ба хонаи ин мард ҳам коргарони Нуршед Машрабов омаданд ва гуфтанд, ки хонаатон мехезад, ба план ғалтидагӣ.

Ин мард онҳоро гуфт ман розӣ нестам ба ин нархи карда ва маблағи шумо медодагӣ.

 Онҳо рафтанд. Баъдан (зиёд тӯл накашид) фишору таҳдид сари ин мард сар шуд. Ин мардро беҳад ғам доданд ва рӯзе ин мард як арматураро гирифта инҳоро аз хонааш ронд, ҷангу ҷидол сахт шуд. Ин мард сар хам накард. Ин шахс дар гузашта марди сарватманд ва пулдор буд, мақомдор буд. Ҳоло нисфи авлодаш- ҷиянҳояш дар мақомот кор мекунанд. Шахси босаводу чашм сер ва бо молу мулк ва бисёр марди хоксору дастбахайр буд. Ин мард дар зиндагӣ марди боғайрату шуҷоъ, ба обуру буд ва дар назди мардуми Крупская эҳтироми зиёд дошт. Вале ин ҳама фишору таҳдидҳо оқибат корашро кард ва пас аз ин ҳама давлений зад сактаи қалбӣ гирифт.

Хонаи ин мардро ҳам гирифтанд, чунки дар ҷойи он Рустаму Нуршед Машрабов дом-баландошёна месозанд ва мефурӯшанд ва бизнес мекунанд ва пул кор мекунанд..

 «Э, хонатон сузад, то кай ин мардумро фишору зуроварӣ мекунед. Аллоҳ шуморо хору залил гардонад».

Аммо азбаски ин мард марди боғайрат буд ба фишору таҳдидҳои Нуршед Машрабов сар хам накард, тан надод, то охир зад ва пулу молу хонаашро чанде мехост, ҳисобу китоб карду гирифт.

   Аммо оқибат фишори сахти Нуршед Машрабов болои ин мард, ин шахси боиззатро ба касали фишор –давлений, касали дил ва касали қанд гирифтор кард. Баъди чанде ин шахс аз дунё даргузашт.

 Ончуноне мебинем, Нуршед Машрабов айни ҳол дар қатли ду шахс айбдор аст ва аз дасти Нуршед Машрабов ин ду нафар мурданд. Иншоаллоҳ дар қиёмат аз ту дар назди Суди Олӣ яъне Парвардигори оламиён шикоят мекунанд ва онҷо ту роҳи наҷоте надорӣ, ин шо Аллоҳ!

  Дар охир гуфтанӣ ҳастам, ки эй Рустами Эмомалӣ ва Нуршед Машрабов бас кунед ин ҳама ситам ва зулмро сари мардуми Крупская!.

 Эмомалӣ Шарипович Раҳмонов дар дунё набуд, ки падарону бобоҳои мо ин қишлоқи Бешкапаро рост карданд- 90 сол пеш, яъне ҳозира Крупскаяро. Инҷо 90 сол пеш як дарё буд. Акнун шумо омада замин моликияти давлат гуфта, худатонро давлат ва ҳукумат рост карда хонаҳои онҳоро мегиред ва чуноне ба гадо хайр мекарда бошед, як маблағи ночизе медиҳед.

 Эмомалӣ Раҳмонов дар ин дунё набуд, ки ин қишлоқ буд. Гуфти президенти Беларус Александр Лукашенко « в грабу кармани нету сабой деньги не зобирёш». Ва дар охир гуфтанӣ ҳастам, ки Нуршед Машрабов ва Рустами Эмомалӣ худо ҳардуятро лаънат кунад. Омин ё рабул оламин.

  Номи ин марде, ки рӯзи 25 апрел мурд, яъне дирӯз Бурҳон Боронов буд.

Барои онки кори бозори Нуршед Машрабов равнақ гирад, мардум бояд аз хонаву дари меросиву ҳақу ҳалолаш маҳрум бишавад, бехонаву дар шавад ва Нуршед Машрабов доляи Рустамро дода бо ин мардум ҳар чизе дилаш бихоҳад карда истодааст.

Корро то ҳадде чигилу ҷиғел ва килет кард, ки соҳибони хонаҳо таҳти ин фишору таҳдиду тааддӣ ҷон ба ҳақ таслим карданд.

Ҳушдори «Ислоҳ»

Нуршед, фикр накун, ки бо зӯрӣ ва бо такя ба пуштибонии дигарон метавонӣ ҳар кореро анҷом диҳӣ. Ҳеҷ қудрат абадӣ нест ва ҳеҷ ҳимоя то абад намемонад. Имрӯз шояд худро бехатар ҳис кунӣ, аммо фардо вазъ метавонад тамоман дигар шавад.

Ба ин мардум зулм накун. Онҳое, ки имрӯз зери фишорат мондаанд, одамони оддӣ ҳастанд-бо умед, бо орзу ва бо ҳаққи зиндагӣ. Ашк ва нолаи онҳо беҷавоб намемонад. Зулм оқибат дорад-ҳам дар дунё ва ҳам дар назди Худованд.

Бо зӯрӣ ва бо такя ба ҳимояти мансабдорон наметавон ҳамеша бар сари мардум истод. Қудрате, ки бар зулм бино мешавад, дер ё зуд меафтад.

Агар ту имрӯз худро пушти «шоҳбача» мебинӣ ва гумон мекунӣ, ки ин пуштибонӣ туро аз ҷавобгарӣ нигоҳ медорад -иштибоҳ мекунӣ. Таърих борҳо нишон додааст, ки ҳеҷ ҳимоя абадӣ нест. Як бор ончи бо падарат худораҳматии Хол Машраб падари ин «шоҳбача» карду ӯро паралеч ва охирул амр кушт андеша кун!

Ба худ биандеш:
ин ҳама оҳу нола, ин ҳама дарди мардум, ин ҳама ашки мазлумон-беасар намемонад. Он чи имрӯз бар сари дигарон меорӣ, фардо метавонад ба сари худат баргардад.

Он чи имрӯз дар зиндагии худат ва хонаводаат мегузарад, як ишора аст-ки ҳар амал бе таъсир намемонад. Бо пул ва бо нуфуз на ҳама чизро ҳал кардан мумкин аст. Баъзе чизҳо ҳастанд, ки аз ҳар гуна қудрат болотаранд-адолат, ҳақ ва қазои илоҳӣ.

Фаромӯш накун Нуршед:
Рӯзе мерасад, ки ин ҳимояҳо нест мешаванд. Он вақт ту мемонӣ ва ҳамин мардум, ва он чи бар онҳо раво дидаӣ.

Пеш аз он ки дер шавад, аз зулм даст каш ва роҳи одилонаро интихоб кун!.

Сообщение Нуршед Машрабов бо ҳимояти Рустам: «хонахезонӣ бо паёмадҳои марг» появились сначала на ISLOH.net.

Кандани қабристонҳои Душанбе-пойтахти азизи кишварамон аз тарафи Рустами Эмомалӣ боиси нороҳатии сокинони шаҳр шудааст. Муаллифи нома аз Душанбе дар бораи ҳамин масъала навишта гуфтааст, ки Рустам ин қабристонҳоро барои бизнеси домсозии худ канда истодааст.

Номаи расида аз Норак бошад дар бораи сафари Раҳмонов дар 24 апрел ба ин шаҳр мегӯяд. Муаллиф мегӯяд, ки барои онки Раҳмонов нороҳат нашавад, садои азонро дар масҷиди ҷомеъ, дар намози ҷумъа сокит карданд.

Як нома аз Бохтар Қурғонтеппа дорем, ки муаллифи он  бо истинод ба як полковник баъзе аз сиру асрори сӯҳбатҳои Раҳмоновро навиштааст.

Нависандаи нома аз Конибодом дар бораи информатор-бузҳои ҷамоати Лоҳутии ин шаҳр навишта баъзе аз «корномаҳояшон»-ро бо номҳои онҳо зикр намудааст.

                                        Кулоб

Ассалому алайкум бародар Муҳаммадиқболи Садриддин! Раҳмонов дар Данғара боз барои бачааш Рустами наркоман як птитца фабрикаи нави «Мармарӣ»-ро ба сохтан сар кард. Бародар Муҳаммадиқбол. Як чизро мегӯям, бовар кунед, ки аз рӯзе ҳамин Рустам фермаи Мармариро дар Ёвону дар Данғара сохт ва дар Душанбе забҳхона ташкил кард, нархи гӯшту тухми мурғ ва гӯшти гов ҳатто дар шаҳри мо ҳам баланд рафт.

Як бародар дар 33 микрорайон як шиноси ургутӣ дорад, ки қассоб ва гӯштфурӯш аст. Ин бародар аз қавли ҳамон гӯштфурӯш гуфт, ки одамони Рустам ҳар сари чанд вақт омада гӯштфурӯшҳоро таъкид ва таҳдид мекунанд, ки нархи гӯштро поин набаранд.

Ман чи гуфтаниам? Тамоми чизе, ки ин оила гирифт, номер, техталон, техосмотр, билети ҳавопаймо, нӯшобаҳо (Сиёма) справкаи мактаб, лабораторияии беморхонаҳо, ангишт, маводди сӯзишворӣ, ҳатто памперс чандин баробар боло рафт. Роҳкирои таксиҳо ба дараҷае боло бардошта шуд, ки пеш вақте таксиҳо бо бензин мегаштанд ин қадар гарон набуд.

Ин Раҳмонову оилааш ақли сершавӣ надоранд. Наход мурғу гову памперсро ҳам шумо гиред? Имон, ки надоранд. Ҳаёву шарму инсоф рафт, аз ин мамлакат рахт бастанд. Чунки роҳбари давлат дар ин мамлакат дузди калон ва дузди асосӣ асту бачаву набераҳои бешумораш аз худаш ҳам бадтаранд.

То вақте инҳо дар сари қудратанд мардуми тоҷик на рӯи ободӣ мебинад ва на нони ба серӣ пайдо мекунад.

Ин птицасфабрикааш ҳам барои мардуми Данғара, ки дарди сар хоҳд шуд. Чуноне фермаи гови «Мармарӣ» дар Ёвон боиси ранҷу машаққати мардуми онҷо шудааст.

                                     Душанбе 

Ассалому алайкум домулло Муҳаммадиқбол! Ман барномаҳои шуморо мунтазам тамошо мекунам. Дар маҳаллаи Яккачинори Душанбе зиндагӣ мекунам. Гапи зиёд намезанам. Рӯирост мегӯям, ки лаънати Аллоҳ ба Рустам ва аҳлу оилааш бод. Рустам имрӯзҳо аҳолии пойтахтро ҷигархун кардааст. Ва имрӯз на фақат ман, тамоми сокинони пойтахт дар ҳақи Рустам дуъоҳои бад карда истодаанд.

Дар шаҳри Душанбе қабристонҳои мардумро, ки аз замони шуравӣ монда буданд, махсусан қабристонҳоеро, ки дар ҳамвориҳои Душанбе қарор доранд, ҳамаашонро аз як сар канда чапагардон карда истодааст. Ба ҳамаи онҳое, ки наздиконашон дар он қабристонҳо гӯр карда шудаанд, фармон доданд, ки ки омада мурдаҳоятон ё чизе аз онҳо мондаро канда бурда дар дигар қабристон гӯр кунед.

Падари Рустам як барбар мардуми зиндаи Душанберо любой хел қир карду карда истодааст, акнун навбат ба мурдаҳо расид.

Раҳмонов ва Рустам Аллоҳ лаънататон кунад.

Мардуми бечора қабрҳоро канда мурдаҳову устухонҳои наздиконашонро ба суфи сафед печонида ба дигар қабристонҳо бурда истодаанд. Дар ҷойи ин қабристонҳо Рустам дом месохтааст. Боз ин Шӯрои уламои Саидмакаррам фатво содир карда ин амали шанеъи Рустамро сафед карда истодааст. Гуфтааст, ки кандани қабрҳо мумкин аст. Бовар кунед, як хел мурдаҳоро нав гур кардаанд. Ақалан мегуфтанд, ки як сол, ду сол дар ин қабристонҳо дигар гӯр накунед ва сипас ин кори зиштро мекарданд.

Рустам барои нафси бади худаш домҳоро чапа карда истодааст, ҳатто домҳои то 12 ошёнара. Мардуми бехонаву дар монда намедонад куҷо раванд то анҷоми сохтумон. Акнун боз мардумро дар мурдакобӣ заданд. 

 Дар шаҳр бе ист чаппа кардани домҳои то 12 ошёна рафта истодааст. Мардум   барои иҷора квартира наёфта истодаанд. Нархи иҷора дар осмон.

 Дар як кӯчаи марказии шаҳри Душанбе-хиебони Рудакӣ 12 доми баландошёна, ки то 18-20 ошёнаанд, аз Тахминаву Ҳасани Ориёнбонк будаанд. Домҳои хиёбони Рудакӣ 110, 112, 130, 132, 134, 136 боз доми баъди чорроҳаи Фурӯшгоҳи марказӣ,, ки дар умум 4578 квартираро ташкил мекунанд, холӣ ва шахсии онҳост.

 Тахмина дар чорроҳаи гостиницаи Тоҷикистон як доми калон сохтааст, ки танҳо барои худаш мебошад. Бо охрана ва амнияташ.

Чи тавре, ки Воҳиди шогирди Ҳасани Ориёнбонк гуфтааст:     «чашми и Раис сер нашид».

 Аз соли 2010 то соли 2013 ҳамин Воҳид бо Холмирзо, ки ҳарду одамони наздики Ҳасани Ориёнбонканд, аз Ҳасани Ориёнбонк зиеда аз 3 миллион доллар дуздидагианд- бо изофанависиҳо ва фурӯши маҳсулоте, ки барои сохтумонҳои гуногун буданд. Аҷиб.

 Аҳволи мардуми Душанбе вазнин. Тамоми мардум дуъои бад доранд. О, барои чи ин қадар сохтумонҳо? Тамоми домҳои сохташуда, холианд. 

                                       Норак  

Ассалому алайкум бародар Муҳаммадиқбол. Рӯзи бистучоруми апрел рӯзи ҷумъа буд. Президент ба шаҳри Норак омад. Дар деҳоти ҷамоати Тутқавул намози ҷумъаро бе микрофон хонданд. Гуфтанд свет нест. Аммо дар даруни масҷид вентилятор кор карда истодааст. Намози ҷумъаро бе микрофон хондем. Амниятиҳо гуфтаанд, ки имрӯз президент дар даруни боғи анор абед кадестаи, авози азона нафаҳма, настраениш мепара, азона бе микрафон бхонен». Гуфт ҳар ҷумъа ба микрафон мехонданд, аммо ин ҷумъа бе микрофон. Панҷоҳ фоизи мардум намозашро нахонд. Мегӯянд Ҷаноб омадааст, роҳҳоро толпа накунед.

Гуфтаанд, ки агар бо микрофон мехонед масҷидро маҳкам мекунем.  

 Тавба, мегӯянд свет нест вале дар даруни масҷид вентилятор кор карда истодааст. Дар ҳама деҳа свет буд. Ба мардум дурӯғ гуфтанд, мардумро хандааш гирифт.

Аҷаб. Ин Раҳмонов то ба ҳамин дараҷа дини исломро бад медидааст. Вале вай чанд бор ҳаҷ рафт. Ҳамааш дурӯғ будааст. Наход барои мусулмон овози азон нофорам бошад?

Баъд аз онки дар бораи корҳои  Дилшод Асоев видео карда пхш намудед ӯро аз кор гирифтанд ва ҳоло як сол мешавад, ки бекор гаштааст. Дар бораи Орзу прокурор видео мекаден тағоиш Темур бачаи Темур харсеш прокурор дар кор шава хонаи Темур кати хонаи Орзура видео мекнам.

Тағои Орзуои прокурор Темур дуэтажа котеҷ дорад. Хона даруни хона,18 комната ҳавзи оббозӣ-бассейн дорад, бо беваҳо отдих мекунад

Ин масчид дар деҳаи Тутқавул қарор дорад. Пешдарои масҷид ҳоҷӣ Абдулҳай ном дорад. Хонаи Абдулҳай дар наздикии вокзали Норак мебошад. Дар намозҳои ҷумъа ва идҳо пешдарои мсҷиди Тутқавул ҳамин одам аст.

Дирӯз, рӯзи омадани президент рӯзи ҷумъа буд. Роҳҳоро баста буданд. Агар президент халқӣ мешуд меомад бо мардум намоз мехонд….

                                      Бохтар

Асалому алейкум бародари қиёматиям Муҳаммадиқболи Садриддин. Ман ҳамон бародари қиёматии шумо ҳастам, аз Қурғонтеппа.

 Боз як хабари нав ба шумо мерасонам. Ман бо ҳамон полковнике, ки вомехурдам боз вохурдам. Мо шишта дар як сталовий суҳбати бародарона кардем. Сӯҳбати мо аз сарбозон шуруъ шуд. Полковник гуфт, ки инро ҷаноб бо худаш бизнес кардааст.  Ин сарбозоне, ки дар хизмат ҷон аз даст медиҳанд инро ҷаноб худаш мегуяд, ки аз ҳар част дар як сол 2 ё 3 сарбозро кушед, модарони инҳо метарсанд, фарзандони худро бо хизмат равон кунанд. Баъд пули вазнин мегирем, фоидаи калон ба даст меорем. Ин мешавад бизнеси пулкоркунӣ. Ин полковник гуфт дар як ҷо шишта сад грамм задагӣ бо чиновникояш гуфтааст: «диден чи хел ин милата қоқоқоқ фалон кадам, ки чи корешон кунум овоз баланд намекунанд, ана ира меган буқагӣ, чизе хостум кадум дар ҳақи ин милат, любой фарзандамро дар куҷое хостам ба кор мондам, касе чизе гуфта натонист».

   Ман гуфтаниям, ки э, булдок! Ин шо Аллоҳ камат мондааст:

  Чароғи зулми золим то дами маҳшар намесузад,

 Агар сӯзад, шабе сӯзад, шаби дигар намесӯзад.

Чи хеле мегӯӣ ин миллатро ман таҷовуз кардам, ки овозашон намебарояд, метарсанд, сабр кун ин шо Аллаҳ навбати ту ҳам мерасад.

Бародари азиз аз номи дӯсти шумо полковник салом мерасонам. Гуфт ин шо Аллоҳ  ғалаба дар дасти ҳамон аст. Гуфт, ки ин булдокро камаш мондааст. Хандида гуфт, ки «Ислоҳ» ба пеш! 

  Дар охир гуфтаниям салом ба модари азизи меҳрубонам, дуъогу бошед дар ҳақи фарзанди дур аз модар. Зеро дуъои ғарибон тез мустаҷоб мегардад дар назди худованди пок. Ба ҳамаи муборизони шерони нар аз ҷумла Муҳаммад Тағоев саломи моро расонед. Шери нар шуморо ҳам тамошо  мекунам. Худованд ҷойи модари шуморо ҳам ҷаннат гардонад.   

                                     Конибодом

Ассалому алайкум бародари мубориз Муҳаммадиқбол! Аз ҷамоати Лоҳутии шаҳри Конибодом бароятон ин номаро равон мекунам. Номи ин навиштаро «Шағолҳои ҷамоати Лоҳутӣ ё худ информаторҳои амният» гузоштам, ки хоҳед гузоред, нахоҳед ҳам боке нест. Аммо хоҳиш мекунам, ки зудтар нашр намоед.

Хабарҳои бошандагони ҷамоат дар муддати чанд вақт аз бадкорони мансабдори ҷамоат каме бошад ҳам тағироту дигаргунӣ оварда сабаби беҳбудиҳо гашта буд.

 Мо, чанде аз сокинони ин ҷамоат хостем аз кору амали баъзе аз беномусони деҳа ҳам мардуми ҷамоатро огоҳ кунем ва ҳам кордиҳандагони ин беномусонро. Аз дасти ин нафарон чанде аз ҷавонони деҳа зиндонӣ шудаанд. Аммо боз ҳам онҳо амалҳои нангини худро зидди ҷавонони ин деҳа истифода бурда истодаанд.

Ҳар чи мусибатҳое, ки ба ин ҷамоат омада истодааст самараи дасти ин информаторҳо ҳаст. Барои ҳамин бояд ҷамоати Лоҳутӣ «қаҳрамонон»-и худро шиносад ва аз онҳо огоҳ бошад.

1. Сангинов Абдушукур— нафақахӯр, дар гузашта коргари ҷамоат, заминсоз буд. Дар вақти вазифа доштанаш чандин заминҳои наздиҳавлигиро аз соҳибонаш ғасб карда яъне худаш заминро расмӣ карда ба дигарон мефурӯхт. Ҳатто як қитъаи замине дар деҳаи Лоҳутӣ бударо аз соҳибаш махфӣ ба расмият дароварда ба як муаллиме, ки қассоб аст ва духтараш дар амнияти вилоят кор мекунад, фурӯхтааст ва он заминро муаллим ба домодаш, ки аз Лоҳутӣ аст, бахшидааст. Ва албатта бо дасти ин коргарзани амният.

  Сангинов Абдушукур баъди ба нафақа баромадан ба амнияти шаҳри Конибодом ҳамчун информатор дохил шуд ва боз баргашта ба ҷамоат омад. Лек ин дафъа ба вазифаи дигар, ки бо мардуми ҷамоат алоқамандӣ дорад, корро оғоз кард. Ва кори асосии вай иборат аз он аст, ки аз китоби рӯйхати хоҷагиҳои ҷамоат кадом оила чанд писар фарзанд дорад ва ба кадом сину сол расидааст ва айни ҳол дар куҷо қарор дорадро хабар диҳад. Бо дасти ин русиёҳ чандин нафар ҷавонҳо маҷбуран ба хизмати сарбозӣ фиристода шуданд. Чандеи дигарро, ки дар телефонҳояшон ягон сурати мулло ё видеои мусулмонӣ, масалан амри маъруфе дошта бошанд, ба мақомот информатсия медод ва аз тарафи амният бар зидди он ҷавонон парвандаи ҷиноӣ оғоз карда мешуд ва онҳоро бо моддаи 307, қисми 2 гунаҳкор дониста дастгир мекарданд ва баъди тафтишоти ноҳақона ба муассисаҳои ислоҳӣ равон карда мешуданд.

 Агар кӯчаеро аз тарафи худи халқ мумфарш гардонанду аз вилоят ё ҷумҳурӣ ягон журналист омад, албатта Абдушукур баромад карда ин кори Ҷаноби олӣ гуфта рӯирост лаганбардорӣ мекунад. Албатта, ки ин маълум аст- амният одами бовариноки худашро ба ин кор сафарбар мекунад. Инҳо ягона корҳои ин беномус нест. (Абдушукур ту мардуми як ду деҳаро зулм мекуни лекин чи хеле ки хуб медонӣ духтари беномусат туро дар рӯи ҷаҳон шарманда кард. Қиссаи ин барои баъд…). 

2. Ғаниев Абдуманон (Манкашеф)- ин як мурдахури тайёр. Информатори амнияти Конибодом ва қисман амнияти вилоят. Дар даврае, ки Ҷӯраев Зариф раиси кумитаи замнсозии Конибодом буд, шестёрки Зариф буд. Дар тамоми ҳудуди шаҳру ҷамоатҳои Конибодом замини хоҷагиҳои деҳқонӣ, заминҳои наздиҳавлигӣ ва чанд иншоотҳои аз давраи шӯравӣ мондаро соҳиб гаштааст. Ва ҳамаи ин объектҳоро ба номи хоҳару хоҳарарӯс ва хешу табор, зану модараш гузаронида гирифтааст. Ва вақте ки ин амалҳои инро Ҷӯраев Зариф мефаҳмад ба ӯ эътироз мекунад, ки ту хело аз худ рафтаӣ. Ин суханҳо ба вай маъқул намешавад ва Зарифро подстава карда зиндонӣ мекунад ва ронандаи ӯро, ки Абдуазиз Ашуров ном дошт тарсонида ба худкушӣ мерасонад, то ки ба ин корҳои вай ин шахсиятҳо халал нарасонанд. 

Қонуни дузанагӣ барои ҳама дахл дорад вале барои Ғаниев Абдуманони Манкашеф дахл надорад. Барои онки кришаи вай амнияти Конибодом аст. Фақат байни мардум мегардад ва бо ҳама бо як кибру ғурур ва бо пичинг гап мезанад.

  Дар ҷойҳои мо ҳеҷ вақт одами калонсол майдаро «шумо» гуфта хитоб намекунад. Ягона одаме ки дар ҷамоат ҳамаро шумо гӯён муомила мекунад ҳамин мебошад. Зеро бо ин намуд сухангӯйӣ ҳама гапро аз мардум кашида мегирад ва ин як намуди истеҳзо ба мардум аст ва инро ҳама хуб медонанд.

  Кадом инсон намозхон шавад дарав хабар медиҳад, ки вай изоркалта шудааст. Кадом одам пулдор шавад ё шантаж мекунад ё бо ягон чиз ба амният албатта хабар медиҳад. Ҳар инсоне, ки ҳамроҳи ин инсон мегардад ё дӯстӣ мекунад албатта, дар охир ё зиндонӣ мешавад ё мемурад. Ин 100 фоиз ҳақ. Ҳама мардум медонад, лекин ба сабаби инсони ҷангӣ буданаш ҳама аз вай меҳаросанд.

  Як объектро ба чанд кас мефурӯшад, лекин ҳама бе ҳуҷҷат ва бе молу замин мемонад. Чунки шабона рафта ба хонаи ҳамон одам таҳдид ба куштор ё дигар чиз мекунад, ки вай аз тарс аз баҳри ҳама чиз мебарояд. Сабаб онки информатори амният аст ва забони онҳоро низ кӯтоҳ кардааст.

3. Дадаҷонов Шарифдомулло: ин муллои деҳаи Лоҳутӣ аст. Дар гузашта чанд номае дар бораи ин муллои касиф шумо нашр карда будед. Ин муллои зинокор рӯирост дар масҷид мардумро барои ёфтани аскарбача барои хизмат маҷбур мекунад ва агар наёбанд аз онҳо 50 сомонӣ ҷамъ мекунад. Барои онки бо он пул аз дигарҷо аскарбача мехарад. Ана муллою мана мулло.

 Э, мардум чашмҳоятонро кушоед. Аз рӯи қоидаи давлат ҳатто муллоҳо барои аз давлат хориҷ шудан бояд иҷозати амният гиранд. Ва ин одам ҳарсол агар ба Россия равад чанд бачаҳоро рӯйхат карда ба амният оварда мерасонад ва амният ба сари он бачаҳо обиҷӯш мерезад. Ё хизмат мефиристонад ё зиндон. Интихоби сеюме нест. Ин муллои ғарбоз дар ҳама ҷо боз лоф зада амният ин коро кард ман ин корро кардам мегӯяд. Ғарбозии инро ҳатто Ҷалилов Эмин, собиқ коргари ВКД ба рӯяш дар маъракаҳо мегӯяд, боз хандида фахр мекунад.

4.Раҳмонов Алишер:  ӯ камазчӣ аст.Ин як ҷавони беномус, ки дар деҳаи Лоҳутӣ мағозаи хӯрокворӣ дорад. Аз ҳама гап гирифта начаконида ҳам ба амният ва ҳам милиса хабар медиҳад. Аз як тараф ба амнияти Конибодом ва аз тарафи дигар ба шуъбачаи ШКД-и Конибодом дар ҷамоати Лоҳутӣ. Ҳамаи он ба ҳамон сабаб ки мағозаашро кришават мекунанд ва ҳам барои паҳн кардани бангу таблеткаҳои психотропӣ ва қиморбозӣ кришават мекунанд ва дар доля шарик ҳастанд. Ба сабаби ин беномус ҷавонони ҷамоати Лоҳутӣ ё зиндонӣ, ё нашъаманд ё аз молу мулкашон ба сабаби қимор бенасиб мегардад.

5. Ҳама кормандони ҷамоат аз раиси ҷамоат то фарроши он зану мард ҳамеша ва ҳамавақт дар хизмати амният ҳастанд. 

Боқимонда шағолҳо информаторҳои милиса дар номаи дигар маълум мегарданд.

Албатта, мо умедворем, ки сокинони ҷамоат чашмонашон кушода мешавад ва то кадом дараҷа бад будани душманонашонро ҳис мекунанд. Огоҳ бошед, ба ҳама сухани изофӣ нагӯед то бар зидди худатон истифода нашавад. 

Умедворем, ки номаи моро нашр мекунед, то ин нохалафон ислоҳ шаванд!

Сообщение Номаҳо аз ноҳияҳо ба «Ислоҳ.нет»№354 появились сначала на ISLOH.net.

Тибқи раддабандии ҷаҳонии озодии матбуот, ки онро Reporters Without Borders таҳия мекунад, Тоҷикистон дар зинаҳои поёнии ин индекс қарор дорад (дар солҳои ахир- тақрибан дар даҳгонаи охири кишварҳо). Ин нишон медиҳад, ки вазъи озодии баён дар кишвар дар сатҳи «бисёр душвор» арзёбӣ мешавад-сатҳе, ки бо саркӯб, сензура ва таъқиби густурдаи журналистон тавсиф мешавад.

Ин воқеият танҳо рақам нест-он бо сарнавишти одамони воқеӣ чен мешавад. Имрӯз даҳҳо рӯзноманигор, аз ҷумла Рухшона Ҳакимова, Абдусаттор Пирмуҳаммадзода, Абдулло Ғурбатӣ, Далери Имомалӣ, Аҳмади Иброҳим, Завқибек Саидаминӣ, Улфатхонум Мамадшоева, Ҳушом Ғуломов, Хуршед Фозилов ва чандин блогеру озодандеши дигарбо иттиҳомҳои гуногун пушти панҷара қарор доранд.

Бархе аз онҳо ба солҳои тӯлонии зиндон маҳкум шудаанд, танҳо барои он ки ҳақиқатро навиштанд ё аз масъалаҳои иҷтимоӣ ва фасод ҳарф заданд. Ин рӯйхат бо чанд ном маҳдуд намешавад- тибқи маълумоти созмонҳои байналмилалӣ, ҳадди ақал 8–10 хабарнигор дар робита ба фаъолияти касбии худ дар зиндон қарор доранд.

Ҷомеаи ҷаҳонӣ борҳо ба ин вазъ вокуниш нишон додааст. Созмонҳое чун Reporters Without Borders, Human Rights Watch ва дигар ниҳодҳои ҳомии ҳуқуқи башар аз мақомоти Тоҷикистон даъват кардаанд, ки журналистони боздоштшударо озод кунанд ва фишор ба матбуотро қатъ намоянд. Аммо ин муроҷиатҳо, изҳоротҳо ва гузоришҳо то имрӯз натиҷаи воқеӣ надодаанд. Садо баланд шудааст, аммо тағйирот дида намешавад.

Омили асосии ин вазъ, ба гуфтаи таҳлилгарон, сохтори мутамаркази қудрат ва ҳокимияти тӯлонии Эмомалӣ Раҳмонов ва доираи наздики ӯст. Дар чунин низом, ки қудрат, иқтисод ва фазои иттилоотӣ дар дасти як доира ва оилаи маҳдуд қарор дорад, матбуоти мустақил на ҳамчун шарики ҷомеа, балки ҳамчун таҳдид ба қудрат арзёбӣ мешавад.

Дар натиҷа, Тоҷикистон имрӯз ба ҷое расидааст, ки дар он Рӯзи байналмилалии озодии баён на рӯзи ҷашн, балки рӯзи ёдоварии саркӯб, маҳдудият ва мотам аст. Журналистоне, ки бояд садои мардум бошанд, худ ба ҳимоя ниёз доранд-ҳатто адвокатҳо ниёз ба ҳимоят доранд ва ҷомеае, ки аз ҳақиқат маҳрум аст, дар торикии иттилоотӣ боқӣ мемонад.

            Оила месабзад-журналист мемирад

Ҳар қадар, ки Оила зиёд ва зӯр мешавад, матбуоти тоҷик ҳам ба ҳамон андоза залил ва заиф шуда истодааст.

   Фарзонаи Эмомалӣ, духтари хурдии 26 солаи Раҳмонов замоне дар вазорати тандурустӣ ба мақоме даст меёбад, ки Рухшона Ҳакимоваи 30 сола, хабарнигори мустақил барои ҳашт сол маҳкум ба зиндон шуд. Вале Рухшона Ҳакимова ягона журналисте нест, ки зиндонӣ шудааст. Ба ҷуз аз ӯ боз нӯҳ нафари дигар аз журналистони тоҷик пушти милаҳои зиндон ҳамроҳи ҷинояткорон ба сар мебаранд.

 Ин ҳам дар ҳолест, ки Парвинаву Тахмина, ду духтари Раҳмонов машғули бизнесанду фирмаҳои чандинмиллиониро мечархонанд, Озодаву Рухшонаву Зарина, духтарони дигари ин диктотури худкома бошанд дар мақомоти баланди давлатӣ ва дар қасру кӯшкҳои муҷаллал ва сари хони пур аз нуқлу наво дар айшу ишратанд. Аммо, бале, боз ҳам аммо….. Улфатхонум Мамадшоева ин бонуи рӯзноманигори 60учандсола дар ин шабурӯзҳо се сол аз ҳукми 20 сол зиндони худро дар маҳбаси Норак сипарӣ кард.

  Ҳоло шояд бипурсед, ки Оиларо ба матбуот чи рабте? Инро, нагӯем ҳам фаҳмидед, ки Оила чи оила аст ва аз чӣ Оилае гуфта истодаем. Акнун, ки фаҳмидед, инро ҳам бидонед, ки Раҳмонов, саробони ин Оила тӯли ин солҳо на фақат иқтисоду молия ва арсаи сиёсатро ғасбу тасарруф кард, матбуоти тоҷикро ҳам тавре тохт, ки дигар дар он на ҷоневу мондаву на номе. Чунки Раҳмонов на фақат аҳзобу ҳаракат, сиёсатмадорону дигарандешон, балки журналистонеро, ки ҳарфи як каме дигартар мезаданд, чашми дид надорад. Онҳоро ба унвони манобеъи таҳдид мешиносад, агарчи, барои мисол на Далери Имомалӣ ё Абдусаттор Пирмуҳаммадзода ва ё Хуршеди Фозилу Завқибек Аминӣ ҳеҷ гоҳ даъвои сиёсие накарда буданд, ҳатто барои худи Раҳмонов ҳам чизе нанавишта буданд. Навиштаҳои онҳо, мухотабони онҳо мансабдорону масъулони сатҳи васат буд.

Аҳмади Иброҳим, сардабири «Пайк» як нашрияи музофотӣ дар Кулоб барои интиқоди раиси шаҳри Кулоб 10 сол маҳкум ба зиндон шуд. Даҳ соли умри худро ин марди аз шастсола боло бояд дар зиндон бигзаронад. Вай навишт, ки Бахтиёр Назарзода, раиси Кулоб аз пули бюҷети давлат барои модараш ҳайкал гузошт ва роҳи самти қабри модараш дар қабристонро мумфарш кард, ҷойи онки роҳҳои харобу валангорро дар Кулоб ободу нав кунад. Гуноҳи Аҳмади Иброҳим ҳамин ҳақгӯияш буд. Аҳмад Иброҳимро зиндон карданд. Чунки набояд ҳарфе бар болои ҳарфи ҳокимон бизанад.

 Вале баъди чанд вақт маълум гардид, ки Аҳмади Иброҳим ҳоло чизе нагуфта будааст, чун ҳолоҳолоҳост, ки дафтари аъмоли раиси ҳамакнун собиқи Кулоб тавассути мақомот дар тафтишот асту ончики Аҳмади Иброҳим навиштааст аз ҳазорон яке ҳам набудааст.

Ҳаёти ин рӯзноманигор талху шӯр шуд ва муроҷиату шикоёти батакрори бастагони вай ва бастагони ҳамаи ин журналистон, аз ҷумла Абдусаттор Пирмуҳаммадзодаро, ки дар зиндон ҷарроҳӣ шуд Раҳмонов, Озода ва Рустам гӯш накарданд.

 Номаҳои дастҷамъии даҳҳо тан аз фаъолони маданӣ, шахсиятҳои шинохта ба Озода Раҳмон, ки гуманизм нишон диҳад, зан модар аст, то Рухшонаро, ки тифли ширхора дар доман дорад, озод кунанд, дар фазо муаллақ монд. Озода ҳатто эътино накард. Пас, вақте мегӯям, ки Оила зиёдтар ва матбуот заифтар шуда истодааст, беҷиҳат нагуфтам.

Барои раҳоии ин журналистон, ба шумули ду зан созмонҳои байналмилалӣ ҳам ба Раҳмонов муроҷиат карданд аммо аз санг садо ҳасту аз вай нест.

Имрӯз, ки дар кишварҳои мутараққии дунё Рӯзи байналмилалии озодии баён, яъне матбуот таҷлил мешавад, дар Тоҷикистон ин журналистон ба хотири ҳамин озодии баён заҷри завлонаи зиндон мекашанд.

Дар ҳаминҷо тасвиреро аз Жанна Кавелйе, мудири бахши Аврупои Шарқӣ ва Осиёи Марказии созмони Гузоришгарони бидуни марз дар бораи вазъи озодии баён дарТоҷикистон пешниҳодатон мекунам, ки ҳамин ду рӯзи пеш дар «Озодӣ» сӯҳбат кардааст:

Жанна Кавелйе: «Дар аввали соли 2025 дар паи додгоҳҳои сохтакоришуда хабарнигор Рухшона Ҳакимова ва сардабири “Пайк” Аҳмади Иброҳим ба мӯҳлатҳои тӯлонӣ маҳкум шуданд. Дар ҳоли ҳозир 9 хабарнигор дар робита бо фаъолияти кориашон дар зиндон қарор доранд. Дастрасӣ ба иттилои мустақил фавқулода маҳдуд аст, сомонаҳои мунаққиди давлат баста боқӣ мемонанд, хабарнигорон назорат мешаванд ва бо ҳабсу таҳдид рӯбарӯ ҳастанд. Бисёриҳо маҷбур шуданд кишварро тарк кунанд».

Шуморе аз ин журналистони зиндонӣ дар ҳамдастӣ бо мухолифин ва созмонҳои мамнуъа муҷрим шинохта шудаанд, ки ин иттиҳом дар зоту бунёди худ як дурӯғи дигари Раҳмонов ва мақомоти вай аст. Ҳеҷ яке аз ин журналистон, барои мисол бо ман Муҳаммадиқболи Садриддин, мудири пойгоҳи «Ислоҳ», ки Раҳмонов ифротиву даҳшатафкан иттиҳомам задааст, ҳамкорӣ надоштанд.

Иллат ва сабаби асосии саркӯб ва хафақони матбуот, маҳву нобудсозии озодии баён дар Тоҷикистон ин аст ки як Оила ҳокимият меронад. Раҳмонов ба унвони саробони ин Оила фақат дар фикри таъмину таҳкими ҳамин Оила аст. Ҳукумат аз марказ то музофот фақат барои ҳамин Оила хидмат мекунад. Ва, ин Оила фаротар аз қоида ва қонун зиндагӣ дорад. Дору мадори мамлакат дар дасти ҳамин Оила аст. Барои онки мардум ин ҳама дуздиву ғорату шӯру чаповули Оиларо нафаҳмад, Раҳмонов барои матбуот ва озодии баён маҷоли гапзанӣ ва иҷозаи вуҷуд ва будан намедиҳад.

Агар дар Тоҷикистон озодии баён буд, матбуоти мустақил вуҷуд медошт, аз интихоботҳои пур аз мазҳакаву масхараи худи Раҳмонов менавишт, аз он менавишт, ки чаро бояд фарзандони Раҳмонов, масалан Рустам, масалан Озода, Рухшона, Зарина ҳукуматро тасоҳуб кардаанд, аз он менавишт, ки ҳукумати оилавӣ- қабилаӣ -маҳаллии Раҳмонов дуздиву ғоратро ба авҷи аъло расондааст. 

Аз хариди самолёти 100 миллиондолларии Раҳмонов, аз суратҳисобҳои оффшории аъзои ин Оила, аз Авестогрупп, аз Фароз, аз Озода кемикал, аз Сифатфарма аз IRS менавишт, ки чи тавр давлатро, мардумро доранд ғорат мекунанд.

 IRS, як ширкати ҷаъливу дурӯғӣ, ки солона беш аз 40 миллион доллари мардумро дар роҳи Душанбе-Хуҷанд зада мегирад, Фароз, ҳатто права ва техпаспортро аз ГАИ кашиду гирифт, Тахмина фурӯши чиптаҳои ҳавопайморо аз худ кард, конҳои ангишти мамлакатро Фароз соҳиб шуд. Хуллас ин Оила ҳамаро кашиду гирифт.

Бо ин вуҷуд, ки Ҳасани ишкамбаи додарзани Раҳмонов садҳо ширкату корхонаҳои давлатиро шахсӣ карду гирифт, нафсаш қаноат надод, бозори Панҷшанбе дар Хуҷандро ҳам тасарруф кард. Қабл аз вай Муҳиби номард бошаму зинда бошам бозори Ином дар Шаҳритусро аз моликони аслиаш кашиду гирифт. Автозаправкаҳои Умед-88-ро Шамсулло Соҳибови домоди Раҳамнов соҳиб шуд ва молики он Раҷабалӣ Одинаевро дар зиндон куштанд.

Дар мамлакате, ки ҳама чиз ошкор ва дар дастраси мардум қарор дорад, зарурат ба саркӯбу хафақони озодии баён ва фаъолияти матбуот намемонад, чун давлат росту шаффоф аст, аз касе биму ҳарос ва чизе барои аз халқ рустондан ва пӯшонидан надорад.

 Як борон, як барф ё як шамол шуд, Душанбе фалаҷ мешавад, аммо Раҳмонов ба Рустам ҳамчун шаҳрдори пешқадам ордену ҷоиза медиҳад. Дар ҳоле, ки комилан баракс, бояд барои ноуҳдабароӣ ва нолоиқӣ аз кор дураш кунад, ӯро барои президент омода кардан дорад.

Ин гуна давлат, ин гуна ҳукумат, ки ҳамаро дорад мебалъад, ба яғмо мебарад магар озодии баёнро магар таҳаммул мекунад.

Озодии баён як рукни ҳуқуқи башар аст, сиёсат аст. Аммо сиёсат аст дар Тоҷикистон ба моли шахсии Оила бадал шудааст. Сиёсат зайнит шудааст ва фақат бояд Раҳмонов, Рустам ва Озодаву дигар фарзандони ин Оила заниматсия кунанд.

 Давлатсафарҳо, абдуллораҳнамоҳо, саъдимаъдиҳо, атомирхоҷаҳо ва амсолаҳум ҳай бале мегӯянду мегарданд. Инҳо ба мардум чи кор доранд. Ҳиҷ гоҳ аз маргу мири ҷавонҳо дар аскарӣ наменависанд. Ҳиҷ гоҳ аз ноуҳдабароии Рустам, ҳиҷ гоҳ аз хонаводагиву маҳаллӣ кардани ҳукумат наменависанд.

Расонае мисоли «Ислоҳ» метавонад дар дохил бошад? Фикр мекунед «Ислоҳ» дар дохил нашрия дошта бошад? Имкон надорад.

Ҳоло агар Озодагон буд, агар Нигоҳ буд, агар Миллат буд, агар Рӯзи наву Неруи сухан буд чи мешуд? Ҳатмани ҳатман менавиштанд, ки чаро бояд Ҳасан биравад дар Хуҷанд бозори Панҷшанберо бигирад.

Мутаассифона имрӯз ҷомеаи Тоҷикистон дар ҳолати рукуд қарор дорад ва мардум бо ҳам пичир пичир мекунанд, ҳарфу сухани ҳама зери лаб аст. Мардум мебинанд, аммо гӯё надидаанд, мардум мешунаванд вале гӯё намешунаванд

 Агар озодии баён буд журналист аз Фарзона  суол мекард, ки чи тур шуд, ки дар фосилаи чанд моҳ номзади илм шудӣ, аз Рустам мепурсид, ки чи тавр як рӯз дар хизмат набудӣ, ҳоло рутбаи генералӣ дорӣ.

 Оила барои он бо озодии баён ва матбуоти мустақил мушкил дорад, ки аз вай метарсад. Метарсад, ки вуҷуди онҳо, амали онҳо мардумро бедор мекунад, маълумоти сиррии хонаводаро берун мебарорад.

Раҳмонов матбуоти озод ва озодии баёнро таҳдид ба бақои худ, ба ҳукумати худ медонад. Агар чанд соли пеш навиштан дар бораи Раҳмонов табу буд, ҳоло дар бораи кулли Оила навиштан табу аст.

Барои ҳамин мо гуфем, ки ба андозаи зиёд ва зӯр шудани Оила матбуот дар Тоҷикистон заиф ва залил мешавад. Ҳар қадар, ки Оила калон шуда истодааст, ҳамон қадар дуздӣ, ғорат, зиёд шуда истодааст. Оила соҳиби аъзои нав мешавад ва ин узви нав ҳам ба дуздӣ рӯ меоварад, чунки инҷо ҳама ҳаминкораанд, аз худи Раҳмонов гирифта то Анӯшервон. Маълум аст ки дузд мехоҳад ҳама чизаш пинҳон бошад, ба даст наафтад. Аммо матбуоти озод дуздро менависад ва дузд ба даст меафтад.

Ҳукумати халқӣ не, ҳукумати зидихалқӣ аз озодии сухан ва матбуоти озод метарсад. Чунки сиру асрораш гуфта мешавад, чунки расвоиҳояш рӯ мезанад, дурӯғҳояш ошкор мегардад.

Барои ҳамин Раҳмонов душмани озодии баён аст. Агар Раҳмонов софу тоза буд, матбуот-даҳҳо нашрияро намебаст. Озодии баёнро кордор намешуд. Журналистонро зиндонӣ ва фирорӣ намекард.

Озодии баён ва матбуоти мустақил бо ҳукуматҳои оилавии назири ҳукумати Тоҷикистон ҳеҷ гоҳ созиш нахоҳанд кард. Ин ду ду қутби мухолифанд.

PS: Оилае, ки барои зинда мондан матбуотро мекушад, дар асл аз дарун мурдааст. Қудрате, ки ҳақиқатро зиндонӣ мекунад, худро фош мекунад-ҳамчун тарс, на қувват. Онҳо метавонанд журналистро банданд, даҳонҳоро бубанданд, расонаҳоро хомӯш кунанд-аммо ҳақиқатро не. Ҳақиқат дер мекунад, вале меояд. Ва он рӯз, на қалам дар занҷир мемонад балки онҳое, ки аз он метарсиданд.

Сообщение Рӯзи байналмилалии озодии баён: «ҳар қадар Оила қавитар шуд-ҳамон қадар матбуот нобуд гардид» появились сначала на ISLOH.net.

Номаи расида аз ноҳияи Рӯдакӣ аз вазъу ҳоли тоҷикони муҳоҷир дар марзи миёни Қазоқистон ва Русия мегӯяд. Онҷо барои убуру мурури марз навбат меистанд. Муаллиф аз он изҳори нигаронӣ кардааст, ки фақат телефону шиносномаҳои тоҷикиро бофурҷа ва баҳузур тафтиш мекунанд дигарҳо, масалан қазоқу қирғизу узбекҳо зуд мегузаранд.  

 Муаллифи номаи Конибодом нафаре аст ки солҳо пеш ҳиҷратро ихтиёр намуда ва ҳоло дар Қазони Русия ба сар мебарад. Нависандаи нома ҳодисаи бевосита ба сари худаш омада дар Тоҷикистонро ҳикоят кардааст. Писараш, донишҷӯи яке аз донишгоҳҳои Русияро бар ивази маблағи калон аз комиссариати ҳарбии ноҳия мехарад.  

 Номаи Нуробод дар бораи «бузҳо-и ҷамоти Ҳакимӣ» суҳбат мекунад. Муаллиф бо зикри номҳояшон навиштааст, ки инҳо хеле ҳам пасту касифанд, чунки барои мақомот ҳамдеҳаҳои худро мефурӯшанд.

 Муаллифи нома аз Бохтар «бародари қиёматӣ»-и мост. Вай дар бораи як раиси деҳа навиштааст, ки феълан барои мардумфиребӣ дар боздоштгоҳ қарор дорад.

                                          Рӯдакӣ

Ассалому алейкум ва раҳматуллоҳи ва баракотуҳу бародар Муҳаммадиқболи Садриддин. Номаро аз марзи Қазоқистон ва Русия мефиристам. Номи инҷо- Троицк.

 Вақти баромадан ба Русия тамоми дигар миллатҳо:- қирғиз, қазоқ, узбек оби равон барин мегузаранд, телефонҳояшонро ҳам касе  проверка намекунанд, аммо навбати тоҷик расид кор ранги дигар мегирад. Тоҷикро бо ҳар баҳона, як хелашонро дар убури нуқтаи гумрук телефонашонро мегиранду дар дигар ҳуҷра бурда саволҳои таҳқиромез медиҳанд.

  Ман ин телефоне, ки пеш доштам, ки барномаҳои шумову амри маъруфҳои дигар домуллоҳоро дошт, бо худ бурда будам. Ва барои эҳтиёт телефони дигар ҳам доштам, ки бо он телефон фақат кинову дигар роликҳо тамошо мекардам, инро ҳам гирифта будам. Ва дар нақша буд, ки ин телефони куҳнаро низ мебараму агар телефонкобӣ шавад, вазъият муташанниҷ бошад….Ва ин телефони навро ҳатто напурсиданд. Просто одаме, ки шаклаш шубҳаангез ва ришдор аст, проблемаашон мекунанд.

 Дар паси шлагбаум, дар очереди мошинҳо барои ворид шудан ба гумрук як ҳолати ҷангу ҷанҷоли тоҷикҳо сурат гирифта буд. Ними шаб чор мошини тоҷикҳо даромадаанду очередро, ки ин бачаҳо аз рӯи когаз тайер карда буданд- сад мошин зиёд буд-вайрон карданду гуфтанд очераднависро фалон мекунем. Ва дар даруни мошинҳо пассажир ҳам доштанд. Аввал хомушӣ буд ва одамон худ ба худ гуфтанд инҳо, кӣ бошанд, ки омада дар аввали навбат истоданд. Баъд оҳиста-оҳиста соати шаши саҳар он тараф байни тоҷикҳо ҷанг сар шуд.

  Ҳамин одами очерадвайронкун номаш Салим будааст. Ӯ очередро вайрон карда бошад, ҳам бисер одамҳоро гузаронд. Ҳатто аз даруни автобусҳо одамҳоро дар мошинҳо бо перегруз бор карда гузаронд. Қандашро занад. Аввал кораш номаъқул буд. Аммо бо перегруз одам бор карда мушкилии сад нафара осон кард.

 «Салим, аз ман ба шумо салом. Агар ин барномаро гӯш кунӣ мегӯям, ки раҳмати худо бар ту ва падару модарат. Мушкилии садҳо нафарро осон кардӣ. Аллоҳ баракатат диҳад». Агар дар қатор даҳ мошин бошад, панҷоҳ одам бо ронандаҳо бошад, аммо боз панҷоҳ одами дигар болои ҳам бор карду гузаштем

  Ҳамин хел кам каме дуруст кардам бародар смсҳоямро.

Ва аз шеъри дуруст кардаи шумо низ хело хушам омад:- олӣ.

Бародар агар дар ёдатон монд бошад он сол аксу навори каналро  фиристодам бар шумо. Имрӯз бо оилаам суҳбат кардам, мегуяд каналҳоро тоза карданд. Аммо ман худам наёфтам, он барномаеро, ки шумо он видеоҳои маро истифода бурда бошед.

  Навистанӣ будам,ки агар ҳамон видео ва навиштаҳои маро дар барномаи «Номаҳо ….» қабул кунед,нависед,ки ба мардум бигӯям,то бубинанд:

«Ай мардум бинед, ки бародар Муҳаммадиқбол ва тими Ислоҳ гуфти русҳо предател набудаанд. Чандин сол аст, ки дар барномаҳояшон ҳастам ва суҳбат ҳам кардаам ва наворҳо ҳам фиристодаам. Чанд бор гранитсаҳоро убур кардаам ва шукри Аллоҳ, ки дар пайгард нестам. Агар шумо худатон калаатонро кор нафармуда пешдастӣ кунед ва бар ҳар гуна чизҳо даст занед, ошкор мешавед. Фақат чи коре мекунед, оромона ва пинҳонӣ кунед, дар мубориза бошеду хизмат кунед.

                                    Конибодом

Ассалому алайкум бародар Муҳаммадиқболи Садриддин! Ман аз Конибодом  ҳастам. Чанд сол аст ки дар шаҳри Қазони Тотористони Русия ба тиҷорати хушкмева машғул мебошам. Чанд рӯз пеш дар расонаҳои интернетӣ, аз ҷумла радиои Озодӣ хабареро дар бораи боздошт шудани як корманд, афсари комиссариати ҳарбии ноҳияи Ҷаббор Расулов бо иттиҳоми гирифтани ришва аз як нафар даъватшаванда хондам. Тибқи ин хабар ин афсар 15000 сомонӣ гирифтааст. Дар хабар бо такя ба Оҷонсии зидди фасоди Тоҷикистон гуфта мешавад, кӣ Сатторзода. Аафсари Комиссариати ҳарбии ноҳияи Ҷаббор Расулов «барои ба таъхир гузоштани муҳлати даъват» ва нагузаронидани як даъватшаванда аз комиссияи ҳарбӣ-тиббӣ, аз наздикони ӯ 15 ҳазор сомонӣ гирифтааст. Аз вай пештар ҳам ин расона аз боздошти Файзализода. Ф, сардори шӯъбаи сафарбарии Комиссариати ҳарбии шаҳру ноҳияҳои тобеи ҷумҳурӣ хабар дода буд. Файзализода ва наздиконаш ба иттиҳом маълум нест. моҳи октябри соли 2025 аз волидони ду ҷавон барои озод намудан аз артиш дар умум 10 ҳазор доллар «пора» гирифтааст.

Бародар Муҳаммадиқбол! Ман ин мисолҳои равшан ва аниқро барои чи овардам. Гап дар бораи он меравад, ки худи ман ҳам ночор шудам барои раҳоии писарам пора диҳам. Моҳи март писари ман, ки донишҷӯ аст барои аёдати бобову биби ва хешовандонамон ба Конибодом рафт. Ҳамааш хуб буд. Аз фурудгоҳи Хуҷанд пешвозш гирифтанду бурданд ба Конибодом. Аммо ду рӯз нагузашта буд, ки ӯро дастгир карда ба комиссариати ҳарбӣ оварданд. Вай билети студентиашро, ки донишҷӯи донишгоҳи Урал аст  нишон медиҳад. Аммо бовар накарданд. Аз донишгоҳ справка гирифта фиристодам. Вале то пул нагирифтанд ҷавоб надоданд.

Ман ному насаби онҳоро менависам, аммо онҳоро шумо чоп ва эълон накунед. Чунки боз дар оянда пробелма мекунанд. Ман писарамро тавассути яке аз хешовандонам ба 15 000 сомонӣ харидам. Вақти бозгашти барои бидуни проблема гузштан аз аэропорти Хуҷанд боз ҳам пул дода гузаронидам.

Бародар Муҳаммадиқбол! Ман вақте бо ин проблема рӯбарӯ шудам, дидам, ки мақомоти ҳифзи ҳуқуқи мо то чи ҳад фасодзада шудааст. Ман ин 15000ро чи қадар савдо карда, нархро поин овард додам. Вагарна 30 000 сомонӣ талаб карда буданд.

Сонӣ фаҳмидам, ки ин «облава» як навъ бизнеси пурдаромади мақомоти Тоҷикистон шудааст. Ҳисоб кунед, ки дар ҳар як ҷамоат дар ҷойи барои мисол 40 ё 50 нафар ҷавон, ки бояд ба хизмати ҳатмии ҳарбӣ раванд, ба ҳисоби камтарин 400-500 ҷавони сини даъват ва ҳатто зиёдтар аз ин зиндагӣ мекунанд. Аз аксарияти онҳо маблағҳои калон меситонанд. Аз 5000 то 8-10000 сомонӣ.

Ман ба ҳамин ҳукумат ҳайронам, ки чаро дар масъалаи пулакӣ кардани хизмати ҳарбӣ ҷиддӣ машғул намешавад. Ин пулҳоеро, ки аз падару модар ва ё худи ҷавони сини даъват мегиранд як тин ҳам ба ҳисоби давлат намераавад. Ин маблағро аз ҳукумати ноҳия, комиссариати ҳарбӣ, милиса, амният, прокуратура байни ҳам тақсим мкунанд. Албатта, дар инҷо ҳиссаи раиси ҷамоат ҳам ҳаст. Аммо саволи асосӣ ин аст, ки оё ин гуна србоз, ки тариқи облава ва маҷбурӣ ба хизмат ҷалб шудааст, омода аст барои ватан ва давлат биҷангад?

Ман саддарсад бовар дорам, ки не.

Вале ҳоло ин бизнеси облава барои мақомот «круглий год» шудааст. Ин тарзу шеваи ҷалб дар ҳақиқат ба як дарди сари бузург дар ҷумҳурӣ табдил шудааст. Ҳар сол ду маротиба, баҳор ва тирамоҳ мардум, бахусус волидони соҳиби писари синни даъват беҳад ғам дод мешаванд.

Мо, аз инҷо истода диламон ба наздиконамон месӯзад, ки бархеаш ночор мешавад бар ивази пулу пора писарашро аз хизмати ҳарбӣ гурезонад. Чунки онҳо дар ин мулки ғарибӣ бо азобу машаққат пул меёбанд.

                                      Нуробод

Ассалому алейкум бародари роҳи ҳақ Муҳаммадиқболи Садриддин. Худованд аз шумо ва аз аҳли оилаи шумо розӣ бошад.

Мо як гуруҳ ҷавонони ҷамоати Ҳакимӣ арзу шикоятамонро ба шумо мегуем. Барномаи «Номаҳо аз ноҳияҳо»-и № 336 тамошо кардем. Ончики гуфта шуд, ҳамааш аз ҷамоати Ҳакимӣ барои Абдураҳмони буз сад фоиз дуруст аст. Ҳозир «бузӣ» дар авҷи аъло рафта истодааст. Коррупсия сахт кор карда истодааст.

Баъди нашри барномаи «Номаҳо аз ноҳияҳо»-и № 336 ҳар рӯз тафтиш рафта истодааст. Вале амнияти ҳаромхур доляашро мегираду  рафта истодааст. Дар ҷамоати Ҳакимӣ сардухтури беморхонааш аз деҳаи Ҷавчӣ мебошад, ки қапиданш. Пораро дод, кор карда истодааст. Боз он сардухтурро подставит карданд.

  Ҳозир боз аз деҳаи Ҳакимӣ буз бисёр шудааст.

  Якум бузи 6 –ой отдели Нуробод Мирзоев Раҳим, бузи дуввум Ҷабборов Нусурат, бузи сеюм Абдураҳмони танзим, бузи чорум Табаров Сулаймон аст.

Бародари роҳи ҳақ, сардори ҳамаи ин бузҳо Мирзоев Раҳим, аз деҳаи Ҳакимӣ аст. Раҳим дар беморхонаи Ҳакимӣ ғайриқонунӣ 4 ставка гузарондагӣ, қариб 8000 сомонӣ маош мегирад. Вале дар хонааш хоб аст. Суми давлатро гирифта истодааст.

  Барои чи инро коррупсия ҳеҷчӣ намегӯяд. Барои онки кришааш Фарухи началник 6-ой отдели Нуробод аст. Ва ин Фарух ба Раҳим гуфтааст, ки «то вақте ман ҳастум буху бгард».

Ҳама кори ин бузҳоро мардум медонанд. Вале бародар халқро тарсон кардагианд. Дар қишлоқ чизе мешавад бузи якумаш Ҷаборов Нусрат дарҳол меояду мегӯяд ва ин Мирзоев Раҳим дарҳол ба 6-ой отдел занг мезанад ва дарҳол фарёд мекунанд ва ба ҳар баҳона сум мекананд. Чаро ин коррупсия ин Раҳими буза тафтиш намекунад. Тафтиш кунед, ки чи қадар беморхонаро хурда истодааст. Ин Нусрати буз шабу руз ҳамроҳаш аст ва аз ин бузҳо истифода бурда истодааст.

 Бовар кунед, ки Ҷабборов Нусрат ҳозир аз ҳисоби бузӣ хурда истодааст бо ҳамроҳии Табаров Сулаймон. Инҳо доим Русия кор мерафтанд. Аз вақте ки бузӣ мекунанд инҳоро кам -каме сумашон дода истифода бурда истодаанд. Ҷабборов Нусратро язнааш пеш началник поми Ҷамоати Ҳакимӣ буд. Номаш Муродалӣ аз Нуробод. Чанд вақт барои вай бузӣ мекард. Аммо ин Муродалӣ бузиро нағз намебинад, барои ҳамин гашта ба Раҳими буз часпонд.

Бародари роҳи ҳақ. Халқи камбағал хеле ҳам дар азоб аст вале дилёб намешаванд, ки овозашонро баланд кунанд. Сад афсус, ки ҳоло дар ин ҷамоати Ҳакимӣ бузӣ сахт дар авҷ аст.

Эй мардуми ҷамоати Ҳакимӣ то кай ин қадар хап мекунед? Кадом рӯзе занҳоятонро дастдарозӣ мекунанд. Бо ин қадар беномусиатон пеши Аллоҳи меҳрубон чи ҷавоб мегӯед?

То ҷое мо медонем ба наздикӣ ҳамин Раҳими буз бо шогирдонаш Амонов Маҳмадназарро барои кадом кораш фурӯхт.

Бародар Муҳаммадиқбол! Ин шо Аллоҳ боз маълумотҳои дигарро дастрас намуда мефиристем. 

 Мо як гурӯҳ ҷавонони ҷамоати Ҳакимӣ айни ҳол дар муҳоҷирати меҳнатием. Аз дохили ватан ба мо мерасонанд, мо бо шумо мерасонем. Мо бояд пеши роҳи ин бузҳои хабаркашро бигирем. Агар ислоҳ нашаванд, гиларо аз худашон кунанд.

Бохтар (Қурғонтеппа)

Ассалому алейкум бародари қиёматиам Муҳаммадиқболи Садриддин! Ин боз ҳам ман ҳастам. Саломи аз дилу ҷон ба модари азиз бирасонед. Аз ҷогаҳи  бемориям хеста  боз ба шумо дарди милатро мегуям. Чи хеле шумо медонед, ман феълан дар Вахш зиндагӣ мекунам, таксист кор мекунам. Ҳоло бароятон як ҳикояти ҷолиберо нақл мекунам, ки ҳамин чанд рӯз пеш бо ман рӯй дод.

Як рӯз маро заказ доданд аз Вахш бо суи Қурғонтеппа. Як марди муйсафед бо оилааш шиштанд. Мо ба роҳ баромадем. Муйсафед гапро худаш сар карда гуфт, ки аз ҳамсояқишлоқи мо як раиси қишлоқро қапида русташ карданд. Ман пурсидам, ки вай чи ном дорад? Гуфт, ки номаш Илёс. Гуфтам фамилияаш чист? Гуфт, ки Раупов Илёс ном дорад.

  Сипас аз саргузашташ нақл кард, ки вай кист. Маълум шуд, ки Илёс Раупов таваллудаш мутаваллиди 1959 ё 1960  аст. Раиси қишлоқи Сабзавоти ноҳияи Кушониён буда ҷои кораш ҷамоати Садвинсовхоз, қишлоқи Амони Калуш будаасту падараш Имод ном дорад. Дар ҷанги 92 вайро паронида санг баста дар дарё партофтанд. Падараш муйсафед буд. Додараш аз хизмат омада буд. Аҳлиддин ном дошт вайро ҳам куштанд. Акааш Сироҷиддин ном дошт, раис буд. Вайро низ куштаанд. Вале мурдаашро наёфтанд. Бисёр марди хайрхоҳ будааст, гуфт муйсафед. 

Модараш 3 сол пеш аз дунё гузашт. Худо раҳматаш кунад гуфт муйсафед ва афзуд, ки инсонҳои хуб буданд.

 Мӯсафед идома дода гуфт, ки худо хору залил кунад ин Илёси раиси қишлоқашонро, ки ин даюси занғар хуни ин мардуми Сабзавотро макид. Аз замини падари худаш, ки қариб 70 сотих буд нимашро ба 4 нафар фурухт. Хуб, бигзор майлаш аз падараш буд. Аммо гап дар инҷо аст бародари ҷон ки аз мардуми камбағал пул мегирифт, ки заминҳои шуморо документ карда медиҳам вале намекард.

40 нафар зиёдро фанд карда пулҳояшонро гирифта аммо документ накардааст. Хулоса, кадом худотарсе ӯро бо прокуратура додааст, ки ба даст афтид. Ӯро фарёд карда ҷаримааш мекунанд. Як ҳафта вақташ медиҳанд, ки пули ҷаримаро супор. Вай мегардад бе парво. Аз байн ду ҳафта мегузарад. Азбаски ҷаримаро намесупорад қапида маҳкам мекунанд. Мегӯянд, 27 ҳазорро насупоридӣ акнун 34 ҳазор месупорӣ.

 Хулоса, аз тарафи ҷамоатҳо масҷид ба масҷид пул ҷамъ карда доданд. 20 ҳазор сомонӣ шуд ё нашуд, ки ҳоло ҳам вай дар боздоштгоҳ аст. 

 Мӯсафед гуфт, ки хело мардуми қишлоқ нафаси озод кашида истодаанд.

 Бародар, ин Раупов Илёс як тифли инвалид дорад. Аз ҳақи мардумро хурдан худованд ба вай нишон додааст. Боз аз раҳаш нагашт. Вайро нияти баровардан доранд.

 Як чизи дигарро он мӯсафед ба ман гуфт.

 Чор сол пеш дар қишлоқашон барои камбағалҳо ҳамчун кӯмак аз тарафи давлат равған, биринҷ нахӯд ва ғайра доданд. Онҳоро оварда бо ҳамон камбағалҳо фурухт ва бо пули онҳо кайф карда гашт. 

Аз боло  фарёд карда гуфтанаш, ки биё, ку пулро тақсим кунем, маслиҳат чи буд? Ин гуфтааст, ки пулро ман расход кардам.

  Амниятиҳо дароварда ҳамон қадар мезанандаш, ки як ҳафта натавонист аз хона берун барояд.

  Бародар, мардуми қишлоқашон шукр мекунанд, ки нав аз ин Раупов Илёси бадбахт халос шудем.

Бародари қиёматиям Муҳаммдиқбол! Боз як чизи дигарро мехоҳам бигуям. Ҳозир дар тарафи Вахш коркунони барқ пул кор карда истодаанд. Аз пушти хона омада (счетчикҳо бисёриаш дар пушти хона аст) аз тарафи роҳ дарвоза неву аз пушт, пломбаи счетчикро мекананду баъд фарёд мекунанд, ки ку биё пули баркро ҳисоб кунем, чанд сум аст. Вақте ба пешаш меой, мегуяд, ки «ваҳ и пломбаро чида кандай. Ҳози ман ку занг бзнум ай боло биёянд, ту боз баркро медуздӣ» гуфта таҳдид мекунад. Баъд мегуяд, ки 12 ҳазор сомонӣ ҷаримааш мешавад, «хай камбағалӣ 8 ҳазор бтема ҳамаш ҳози туғрӣ мекунм, ягон кас намефаҳмад».

 Хулоса, 4 ё 5 ҳазор мегирад, баъд меравад.

 Як рафиқи маро ҳамин хел карданд. Ба худо қасам 5 ҳазор дод баъд ҷонашро халос кард. Мардум ҳушёр бошед.

Ва вақте мӯсафедро бурда ба ҷойи даркориаш расонидам гуфт, ки Раупов Илёсро 15 ё  18 рамазан буд, бурда маҳкамаш кардаанд. Ҳоло ҳам дар боздоштгоҳ аст.

Бародар Муҳаммадиқбол! Дар охир гуфтаниям,ки худованд забони шуморо бурро гардонад ва модари азизи маро дастонашро аз тани ман бӯса кунед. 

Сообщение Номаҳо аз ноҳияҳо ба «Ислоҳ.нет» №353 появились сначала на ISLOH.net.

  Фарзона номзади илми тиб шуд, корхонаи дуввуми ширкати «Мармарӣ»-и Рустам дар Данғара бунёд мешавад, Ҳасан ҷоизаи аввали бонкири муваффақро дарёфт кард, зиддияти дохили «круг»-и Рустам ва дигар хабарҳо муҳтавои нашри маҷаллаи «Семейканюс»-ро ташкил медиҳанд.

 Аммо тафовути ин маҷалла аз маҷаллаҳои пешинаамон ин аст ки ин бор «қаҳрамон»-и марказӣ ё меҳварии «Семейканюс-28» аз аъзои Оила нест, аз ширкати мансуб ба Оила аст. Аслан гирем худи Тоҷикистон ба ҶДММ ва ё ширкати хусусии ин Оила бадал шудааст. Солҳо пеш буд, ки Раҳмонов бо ҳофизи хосаш Парда Қосим даҳанбадаҳан мемонд: «Тоҷикистон бо ҳама тару хушку бо ҳама суду фоидаҳоят аз манӣ». Ва ҳоло ҳамин корро карда истодааст. 

   Ахбори нав аз «Семейка»

Фарзона номзади нави илм дар Семейка

Фарзонаи Эмомалӣ, духтари кенҷагии Эмомалӣ Раҳмонов (Раҳмонов  ҳафт духтару шаш домоди расмӣ дорад) собиқ келини Юсуф Раҳмон, котиби Шӯрои амният, феълан муҷаррад, тибқи хабарҳо номзади улуми тиб шудааст. Бинобар навиштаи расонаҳо, ки ба вазорати тандурустӣ истинод мекунанд

Фарзонаи Эмомалӣ,  сардори Раёсати ислоҳот, кӯмаки аввалияи тиббиву беҳдоштӣ ва робитаҳои байналмилалии Вазорати тандурустӣ ва ҳифзи иҷтимоии аҳолии Тоҷикистон мебошад, рисолаи номзадии худро дар мавзуи «Ҷанбаҳои муосири хизматрасониҳои тиббӣ-иҷтимоӣ ба кӯдакон ва наврасон дар марказҳои саломатӣ» таҳти роҳбарии доктори илмҳои тиб, профессор Зоир Набиев ҳимоя кардааст. Гуфта мешавад, ки «фаъолияти илмӣ-таҳқиқотии Фарзонаи Эмомалӣ дар 15 мақолаи чопӣ инъикос ёфта, 9-тои онҳо бевосита ба мавзуи рисолаи номзадии ӯ бахшида шудаанд».

  Фарзонаи Эмомалӣ 27 сола аст. Бо Сафари писари Юсуф Раҳмон, ки он вақт Прокурори генералии Тоҷикистон буд, издивоҷ кард. Аммо, агарчи як фарзанд овард, ин оила ҷудо шуд. Моҳи августи соли гузашта вақте Фарзона ба вазифаи сардори Раёсати ислоҳот, кӯмаки аввалияи тиббиву беҳдоштӣ ва робитаҳои байналмилалии Вазорати тандурустӣ ва ҳифзи иҷтимоии аҳолии Тоҷикистон таъин шуд, дар шарҳи ҳолаш ӯро соҳиби фарзанд, аммо «муҷаррад» эълон карда буданд.  

 Фарзона тибқи шарҳи ҳолаш, ки вазорати тандурусти соли гузшта навишт Донишгоҳи давлатии тиббӣ ва Академияи идораи давлатии Тоҷикистонро хатм кардааст. Аммо он вақт дар бораи онки Фарзона рӯ ба илм овардаву мақолаҳо нашр кардаву болои кори илмӣ кор мекунад ва дар аспирантура мехонад, ҳатто ишора ҳам нашуда буд. Маросими ҳимояи номзадии Фарзона, кай, дар куҷо ва чи гуна баргузор шудааст, низ номаълум боқӣ мемонад. Шояд бо дарёфти унвони илмӣ Сафари шавҳари собиқашро дар баробари ингуна бо суръати баланд рушд кардани шахсияташ «сӯзу мур» мегӯяд, инаш ҳам номаълум. Ё гуфтани ҳаст ба домодшавандаҳои оянда,ки маро кӯзапушт набинед ма ғайр аз духтари пешво буданам номзади илм ҳам ҳастам. Аммо як чиз барои ҳар нафари аз илму пажӯҳишу таҳқиқ огоҳ маълум аст ки инҷо таги коса ҳатман нимкоса аст ва имкон надорад, ки Фарзона дар ин як муддати кутоҳ тавониста бошад рисолаи номзадӣ бинависад. Ҳамин қисмати кораш сахт мелангад. Ба эҳтимоли зиёд ҳамчуноне, ки аз тани падарашу ҳоло Рустам дигарҳо китоб менависанд, кори номзадии Фарзонаро ҳам касе навиштааст. Ва, агар боз аз «Диссернет» ҳам имдод наҷуста бошанд. Инчунин инро низ бояд тазаккур бишавем,ки агар бо кӯмаки Чат-ҶПТ чизе навишта бошад он ҳам дар хондани чанд сафҳа ошкору бармало мегардад. Инро ҳам бояд Фарзонабону қабл аз нашри рисолааш диққати ҷиддӣ диҳад!

Ба ин тартиб Фарзона духтари дуввуми Раҳмонов аст ки номзади илм мешавад. Қаблан Озода Раҳмон, роҳбари Дастгоҳи иҷрои Президенти Тоҷикистон дар масъалаи ҳуқуқ рисолаи номзадӣ дифоъ карда буд.

Ҳасани «Ориёнбонк» барандаи ҷоиза

Ҳасан Асадуллозода, раиси «Ориёнбонк», додари Азизмои газетхонак, асосгузори ғасбҳои рейдерӣ дар Тоҷикистон, тибқи хабарҳо ба унвони бонкири муваффақ барандаи як ҷоизаи байналмилалӣ шудааст. Як хабаргузории маҳаллӣ навишт:

  Раиси раёсати ҶСК “Ориёнбонк” Ҳасан Асадуллозода сазовори яке аз ҷоизаҳои бонуфузи байналмилалӣ гардид. Бинобр ин навишта:

«Ҳасани ишкамба дар доираи ҷоизаи Global Banking & Finance Review Awards дар номинатсияи «Беҳтарин раиси бонк дар Тоҷикистон дар соли 2026» ғолиб дониста шуд. Ин ҷоиза сатҳи баланди касбият, дидгоҳи стратегӣ ва идоракунии самараноки роҳбарияти бонкро дар шароити бозори босуръат рушдёбанда ифода мекунад. Ин ҷоиза ҳамчун эътирофи байналмилалӣ арзёбӣ шуда, ба таҳкими нуфузи Ориёнбонк, баланд гардидани эътимоди муштариён ва шарикони он мусоидат менамояд. Ҳамзамон, он нишон медиҳад, ки низоми бонкии Тоҷикистон тадриҷан ба меъёрҳои ҷаҳонӣ мутобиқ гардида, дар арсаи байналмилалӣ мавқеи худро тақвият мебахшад».

Ва, аммо мову шумо хуб медонем, ки Ҳасани дар гузашта як чупон, ронандаи боркаш ва ниҳоятан заправшик бо бонку низоми молияву аз ин даст корҳо ҳеҷ сарфаҳм намеравад. Вай ин бонкро дар соли 2002 аз дасти раиси пешини он Ғаффор Идизода бо зӯр кашида гирифт, албатта, бо пуштибонии язнааш, Эмомалӣ Раҳмонов шӯи Азизмои газетхонак. Ва ғасби «Ориёнбонк» яке аз аввалин мавридҳои ғасбҳои рейдерии Ҳасан аст, ки баъдҳо то ба Талко-корхонаи бузурги алюминийи Тоҷикистон ва то ба чандин комбинатҳои орд, заводҳои коркарди пахта-хлопзаводҳо ва то ба бозори Панҷшанбе дар шаҳри Хуҷанд ҳам расиду камокон идома дорад…

Ҳасан чи гуна метавонад бонкири муваффақ бошад, ки корхонаи бузурги истеҳсоли алюминиюмро аз  450.000 тонна ба 60-80 ҳазор тонн поин овард. Ҳамчунин сабабгори асосии дилсардии кишоварзон ва дасткашии онҳо аз парвариши пахта маҳз Ҳасани ишкамба аст, бахусус дар навоҳии вилояти Хатлон. Зеро ин Ҳасан буд, ки ин бозорро аз сармоягузорон ва соҳибкорони хориҷӣ, боз ҳам бо пуштибонии язнааш холӣ кард, яъне нагузошт, ки аз берун омада пахтаи деҳқони тоҷикро бо нархи муносиб бихаранд ва худи Ҳасан бо пасттарин нарх ва инҷо ҳам бо иҷбор пахтаро аз деҳқонон кашида гирифт. Аз инҷо буд, ки имрӯз деҳқони тоҷик аз кишти пахта даст кашидаанд….

Ва, аммо «Ориёнбонк» аввалин корхонаи бузурги молиявии оила аст, ки тавассути он садҳо миллион ба суратҳисобҳои оффшории аъзои оила интиқол дода шудааст. Инчунин аввалин пулҳои ГЭСи Роғун тавассути ин бонк обу лой шудаанд ва маболиғ хело калон ҳаҷму беш аз шаш сифра ҳастанд.

Зиддиятҳои дар «круг»-и Рустам

Дар ҳоле, ки Рустам дастобадаст бо падараш маъракаи интихоботиашро шурӯъ кардааст, аммо на ҳама чиз онгуна, ки ба назар меояд «гладкий» пеш нарафта истодааст.

Дар байни дӯстони Рустами Эмомалӣ пинҳонӣ ва махфиёна зиддиятҳо ва ё ҷангҳои зерибӯрёӣ идома дорад.

Айни замон талошҳои бародарон Ҷураевҳо барои сиёҳ кардани Шорух Саидзода сахт ҷараён дорад.

 Дилшод ва Даврон Ҷураевҳо умед доштанд, ки ин қадар сол Шоҳрухро мимо Рустам «финансовый поддержка» мекарданд, Шорух он нафаронеро, ки оиди Ҷураевҳо маълумотҳо ба Муҳаммадиқболи Садриддин равон мекунанд, меёбад. Аммо ягон гап нест.

  Даврон Ҷураев ба Дилшоди додараш гуфтаст, ки «аз ин Шорух ягон понту толк нест. Мо худамон ҳастем як қуввае, ки гапамонро гузаронем то Президент. Шорух мисле, ки моро фақат истифода мебарад, ҳама ваъдаҳояш дурӯғ, афсус, ки мо дер фаҳмидем».

Ин гапҳоро Хушбахти ҷияни Ҷураевҳо чанд рӯзи пеш дар як толори варзиш гуфтааст.

  Ҳамин тавр Даврону Дилшод Ҷураевҳо кушиш доранд, ки Шорухро аз УВДи шаҳри Душанбе гиранду ба ягон ноҳияҳои дуртар таъин кунанд.

  Дилшод чанд схемаҳои пинҳонии Шорухро аз Рустам, ки аз чанд соҳибкор  доля мегирад, ба Рустам расонданӣ аст.

Барои онки Шорух «хит» накунад Дилшод чандин духтарҳо зеборо, ки алаккай худаш вербоват кардаасту барои Дилшод фидоиянд, бо Шорух шинос кардаасту онҳо гӯё арӯсҳои Шоруханд. Аммо Шорух бедарак арӯсҳо маълумотҳоро барои Ҷураевҳо ҷамъ карда расонида истодаанд.

  Шорух ба наздикӣ ният дорад, ки чанд домсозро парванда карда шиканаду дар бозори пурравнақи сохтмони баландошёнаҳоро ба одамҳои худаш диҳад.

Дар зимн, Абдуфаттоҳ Саид, падари Шорух ҳам ҳоло ба домсозӣ рӯ овардааст. Ва, аз рӯи маълумотҳо чанд домеро дар ҷойи тарабхонаи «Лесная сказка» дар микрорайони 82 фирмаи Абдуфттоҳ Саид сохтааст.

 Ва, аммо Дилшод Ҷураев соли гузашта аз ҳисоби букмекерский конторааш 70 миллион доллар фоида ба даст овардааст. Аммо дар нишондиҳандаҳо андоз ин рақам даҳ баробари кам нишон дода шудааст.

Мухолифат ва бозиҳои пасипарда дар дохили круги Рустам хеле зиеданд. Ҷураевҳо ҷудо, Нуршеди бачаи Хол Машраб ҷудо, Нурҷаҳон Исмоилови ҷонишини худи Рустам ҷудо. Ҳар кадоме талош дорад, ки бо Рустам наздиктар шавад. Чун гӯё ин бор Раҳмонов қатъан Рустамро дар ҷойи худаш меовардааст.

Музаффар Юсуфӣ,Прокурори нақлиёт таги Зайнуллои фурудгоҳро кофта истодааст.

 Ягон ду ҳафта пештар дар бӯстонсарои Варзоб «нишасти наврӯзӣ»-и Прокуратураи Генерали Тоҷикистон гузашт. Музаффар Юсуфӣ, Додситони нақлиёти Тоҷикистон ҳам, албатта, аз ҳуззори он нишаст буд.

 Музаффар Юсуфӣ баъди холӣ кардани чанд пиёла гуфтаст, ки «и к….зани Юсуф Раҳмон ҳамиқа вахт Прокурори Генералӣ буд ягон бор ҳами хел Наврузӣ накад. Фақат корш сумҷамкунӣ буд. Чанд шогирдои мара чанд коршон ғалтида буд, пешуш рафтум, доляша суруп гирифту неки буд накад. 25та телефонои нави я шогирдма гирифту корша буд накард».

  Бинобар иттиллои як манбаъ Музаффар Юсуфӣ баъди нашри чанд барномаи Ислоҳ камтар хапу хомуш ва мунтазири кадом реаксия буд. Акнун бошад через як кормандаш, ки аэропорти Душанберо аз тарафи Прокуратураи нақлиет кураторӣ мекунад, маълумотҳо оиди Зайнулло Шарифзода (Соҳибов), мудири ин фурудгоҳро ҷамъоварӣ дорад.

   Баъди омадани Зайнулло Шарифзода  ба вазифаи мудири  аэропорти Душанбе, барои Музаффар Юсуфӣ ҳама «ход»-ҳо маҳкам шуд. Музаффар Юсуфӣ он кормандашро вазифа гузоштааст, ки бо кормандони аэропорт наздик шаву фақат ва фақат оиди Зайнулло маълумот ҷамъ кун.

 Тибқи маълумоти ҷамъ кардаи корманди Музаффар Юсуфӣ Зайнулло низ чун Исмати Дулик «депутатский выходу вход»-ро барои арусҳояш истифода мекунад. Шабнами Сураё бо авлодаш, Зулайхо, Фируза Ҳафизова ва дигар ҳофизаҳои не намегуфтагӣ, бе сум- через депутатский, ки нархаш аз100 то 200 доллар аст мегузаранд.

 Музаффар Юсуфӣ чи молу маҳсулот контрабанда через аэропорт мешавад низ  номнавис кардаасту бояд через каналхои КДАМ ба Президент пешниҳод кунад. Аҷиб он аст, ки худи Музаффар Юсуфӣ ҳамин корҳоро дар замоне, ки Исмати Дулик роҳбари аэропорт буд, мекард.

  Самолёт аз Дубай нафаромада сару калаи Музаффар Юсуфӣ дар таги взлётный полоса пайдо мешуд. Самолёт мефаромад, Музаффар Юсуфӣ 200 то 500 дона телефонҳои гаронарзиши Айфону Самсунгро бе растаможка, яъне қочоқӣ мебаровард.  

Ҳисоб кунед, ки аз ҳар кадоме аз онҳо 50-100 долларӣ ҳам «доля» мегирифт, чи қадар маблғ мешуд.

                                    «Мармарӣ»

                 Раҳмонов, Рустам,Данғар ва «Мармарӣ»

   Иштирок дар расми ифтитоҳи ин ё он корхона, бино, муассиса, чойхонаву тӯйхона, мурғхонаву говхона, сартарошхонаву ғайраву ҳоказоҳо аз амалҳои дӯстдошта-«хоби»-и Эмомалӣ Раҳмонов аст. Тӯли ин солҳо мардум ба ин навъи «фаъолият»-и Раҳмонов, чун худи вай одат кардаанд. Ва, дигар шабакаҳои  телевизионӣ, дафтари матбуоти раиси ҷумҳурӣ шӯр меангезанд: дар доираи барномаи саноатикунонии роҳбари давлат,….корҳои ободонӣ, сиёсати созанда, нишонаи рушду тараққиёт…Тоҷикистон солбасол ободу шукуфо мешавад, истеҳсоли маҳсулоти ба рақобат тобовар, ба хориҷа содир мешавад… ин ҳама аз заҳматҳои шабонарӯзӣ ва ғамхориҳои Пешвои муаззами миллат.

Хуллас, тавсифу тамҷид ба авҷи фалак дака мезанад. Худи Раҳмонов беш аз ҳар каси дигар «кайф» мекунад, ки чи гуна мамлакатро обод карда истодааст.

Мо медонем, ки аввалҳо қайчӣ дошту лента мебурид, откривашка лақабаш монда буданду ҳолоҳо бошад як арғамчини хари ишқи аввалааш дар дасташ парда аз болои лавҳа мебардорад.

Яъне, ончиро, ки нишон медиҳанду мегӯянд, ба ҳамон бовар мекунад мардум.

Айнан ҳамин саҳнаҳо рӯзи 24 апрел ҳини сафари Раҳмонов ба Данғара ҳам такрор шуд. Ин карду он карду фалон карду беҳмон кард.

Аммо, аммо гап дар инҷост, ки дар ин сафар (зимнан сафарҳои Раҳмонов ба навоҳӣ ҳам фақат ба хотири «ифтитоҳ» Раҳмонов ду ширкати марбути Рустамро «дуъову фотиҳа дод».

Яке ба бахши дигаре аз ширкати «Мармарӣ» ва дуввум ба ширкати «Муосир».  Дар бораи ширкати «Муосир» ҳоло намегӯем. Фақат ёдовар мешавем, ки вай аз ширкатҳои марбути «Авестогрупп» аст.

Дар расми бунёди марҳалаи дуввуми Маҷмааи парандапарварии «Мармарӣ» дар Данғара дар канори Раҳмонов, Рустами Эмомалӣ ва Муҳаммади Мирзо  Файзуллозода, соҳиби Авестогрупп ҳам ҳузур доштанд.

Инро ҳам бояд ёдовар бишавем, ки ҳанӯз моҳи декабри соли 2021 дар расми кушодани фермаи чорвопарварии «Мармарӣ» дар Ёвон, коргоҳи мурғпарварӣ дар Данғара ва забҳгоҳи он дар Душанбе дар канори Эмомалӣ Раҳмон ва писараш Рустами Эмомалӣ, Мирзо Муҳаммад Файзуллозода, молики ширкати «Авестогрупп», низ ширкат дошт. 

 «Мармарӣ« як ширкати бузурге аст дар ҷануби кишвар, ки ба парвариши чорво ва мурғ машғул мебошад. Фермаи мурғи он дар Данғара ва фермаи гови он бошад дар Ёвон қарор дорад. Ва, чуноне фаҳмидед, ҳар гоҳе ягон дигаргунӣ дар кори он пеш меояд, яъне дар ин мурғхонаву говхона ҳатман Раҳмонов ва Рустам иштирок мекунанд. Чаро? Чунки ин мурғхонаву говхона аз они худи ҳаминҳо аст, дурусттараш аз он Рустам.

Ҳоло инҷо хабари Ховарро пешкашатон мекунам, то бифаҳмед, ки ин «Мармарӣ» чи ширкати бузургу калоне аст ва чи қадар заминро забт мекунад:

Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд

Апрель 24, 2026 17:36

ДУШАНБЕ, 24.04.2026. /АМИТ «Ховар»/. 24 апрел дар доираи сафари кории худ ба ноҳияи Данғара Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар деҳаи Гулафшони деҳоти Сафобахш ба оғози сохтмони марҳилаи дуюми Маҷмааи парандапарварии Мармарӣ санги асос гузоштанд.

Иқдоми мазкур бо мақсади амалигардонии нақшаҳои созанда ва расидан ба ҳадафҳои стратегии кишвар роҳандозӣ шуда, аз самтҳои зотпарварӣ, истеҳсоли тухми инкубатсионӣ ва зиёд кардани иқтидори истеҳсолии гӯшти мурғ иборат мебошад. Амалисозии марҳилаи дуюм бо бунёди як силсила иншоот то сентябри соли 2027 ба итмом расида, мавриди истифода қарор мегирад.

Ба Сарвари давлат муҳтарам Эмомалӣ Раҳмон иттилоъ дода шуд, ки татбиқи марҳилаи дуюм дар се самт ба нақша гирифта шуда, ҷойгиршавии он дар 5 мавзеи ноҳияи Данғара роҳандозӣ карда мешавад.

Се самти кор иборат аз парвариши чӯҷаи зотӣ бо сохтмони 5 мурғхона ва инфрасохтор, парвариши мурғи модарӣ- истеҳсоли тухми инкубатсионӣ бо сохтмони 6 мурғхона ва инфрасохтори лозима ва парвариши мурғи гӯштӣ бо сохтмони 12 мурғхона ва инфрасохтор ба нақша гирифта шудааст.

Ҳудуди заминҳое, ки ин иншоот дар он сохта мешавад, зиёда аз 36 гектарро ташкил дода, дар умум 23 фермаи иловагии парвариши паранда бо биноҳои маъмурӣ, санитарӣ, анборҳо, гузаргоҳҳо ва таваққуфгоҳҳои техника бунёд меёбад. Кашидани хатти барқ дар масоҳати беш аз 10 км ҳам пешбинӣ шудааст.

Ба иттилои масъулин, 48 ҳазор сар мурғи модарии парваришшаванда барои истеҳсоли 7,3 млн. дона тухми инкубатсионӣ, омода карда шуда, иловатан ба хоҷагиҳои хурди парандапарварӣ пешкаш мегардад. Таъкид гардид, ки иқдоми таъмини тухми инкубатсионӣ дар вилояти Хатлон бори аввал татбиқ карда мешавад.

Мавзеи парвариши мурғи гуштӣ имкон фароҳам меорад, ки дар ҳар як мурғхона то 40 ҳазор сар паранда парвариш карда шуда, пайвастгари занҷираи истеҳсолоти имрӯзаи ширкат гардад. Тибқи дурнамо, истеҳсоли гӯшти мурғ бояд то 10 ҳазор тонна дар як сол расонда шавад.

Дар иншооти сохташаванда, таҷҳизоти муосири ширкатҳои ҷаҳонӣ насб гардида, хатҳои хӯрок, об, равшанӣ, гармӣ ва поксозии ҳаво бо таҷҳизоти рақамии худкор ба роҳ монда мешаванд.

Таҷҳизоти насбгардида ҳарорати заруриро ҳангоми парвариши паранда аз рӯи талабот ва меъёрҳо танзим намуда, барои парвариши мурғҳои хушзот шароити лозима муҳайё месозад.

Ҳамин тариқ, бо истифода аз иқтидори ҳамаи мурғхонаҳо дар як сол зиёда аз 5,8 миллион сар чӯҷаи мурғи гӯштӣ бо риояи талаботи беҳдоштӣ парвариш карда мешавад.

Инфрасохтори ҳудуди мурғхона бо хатти барқ ва хатти об таъмин гардида, роҳҳои он мутобиқ ба стандартҳои пешбинишуда мумфарш карда мешаванд.

Ҷиҳати амалигардонии сиёсати пешгирифтаи Ҳукумати кишвар оид ба истифодаи сарфакоронаи неруи барқ, ҷамъият тасмим гирифтааст, ки марҳила ба марҳила дар ҳар мавзеъ барои эҳтиёҷоти худ панелҳои офтобӣ насб намояд.

Ҷиҳати мунтазам фаъолият намудани мурғхона зиёда аз 47 техника ва механизмҳои махсус истифода хоҳад шуд.

Дар марҳилаи дуюми Маҷмааи парандапарварии Мармарӣ зиёда аз 200 ҷойи кории доимӣ таъсис хоҳад ёфт.

Дар ин ҷода, маҷмаа тасмим гирифтааст, ки дар заминаи имкониятҳои мавҷудаи амалӣ ҷиҳати омодасозии кадрҳои баландихтисоси соҳа, бахусус дар самти чорводорӣ, парандапарварӣ, растанипарварӣ, механизатору бойтор, технолог ва мутахассисони дигар Академияи Мармариро дар ҳамбастагӣ бо муассисаҳои таҳсилоти олии кишвар ва марказҳои омузишии Аврупо таъсис диҳад.

Пешвои миллат муҳтарам Эмомалӣ Раҳмон маҷмааи иншооти бунёдшавандаро мутобиқ ба ҳадафҳои стратегии давлат дар самти таъмини амнияти озуқаворӣ, саноатикунонии босуръати кишвар ва таъсиси ҷойҳои корӣ арзёбӣ намуда, ҷиҳати саривақт ва бо сифати баланд ба анҷом расонидани корҳои пешбинишуда ба масъулин дастуру тавсияҳо доданд.

Хонанда ва бинандаи азизи «Ислоҳ» ! Мутаваҷҷеҳ шудед, ки инҷо чи ҳарфу хабар аст? Шумо бовр доред, ки ин ҳама аз миёни Раҳмонову Рустаму Муҳаммади Авестогрупп аст? Ман саддарсад мутмаинам, ки ин ҳама масориф аз бюҷет аст.

 «Ислоҳ» чанд соли пеш дар бораи фоҷиа ва фалокату хисороти овардаи «Мармарӣ» ба болои мардуми Ёвон навишта буд. Бо ду ҷумла бигӯям, ки он вақт бар пояи шикояти ёвониҳо маълум шуда буд, ки барои онки ферма ё говхонаи «Мармарӣ»  дар ноҳияи Ёвонро бисозанд, чанд деҳаро кучонида ва дар ҷойи он бинои фермаро сохтанд ва шабакаи обу обрасонӣ, системаи муосири таъмини барқ, роҳҳои асфалтпӯш сохтанд барои ин ферма. Замину мазореъи мардумро дар садҳо гектар гирифтанд. Оби наҳру чашмаҳои атрофро барои ферма «хусусӣ» карданд. Ҳеч дирҳаме ҷуброн барои мардум напардохтанд. Чор фасли сол ин ферма бо свет чароғон, аммо мардум дар торикиву сардӣ.

«Мармарӣ» ба фаъолият пардохту нархи гӯшту тухми мурғ ва гӯшти гов боло рафт. Шикояти мардум дар ин бора беҷиҳат нбуд.

Аммо «Мармарӣ» ҳанӯз коре накарда Раҳмонов ба ҳайси раиси ҳукумат онро бо имтиёзҳои касношунид саршор кард. Масалан дар гузориши Озодӣ аз 17 декабри соли 2021 мехонем, ки «Масалан дар ҳамон соли 2021 расонаҳо навиштанд, ки Раҳмонов ҳамчун раиси ҳукумати Тоҷикистон «Мармарӣ«, ширкати бузург дар ҷануби кишварро, ки ба парвариши чорво ва мурғ машғул аст, ҳафт сол аз пардохти молиёт (андоз) ва боҷи гумрукӣ озод кард.

  Ширкат аз пардохти аксар андозҳо ба муддати 7 сол пурра озод шудааст. Ин гуна имтиёзҳо ширкатро дар баробари рақибонаш дар бозори дохилӣ, ки вазифадоранд, андоз диҳанд, дар мақоми истисноӣ қарор медиҳад.

Тибқи шартнома бо ҳукумат, моликони ширкати “Мармарӣ” аз пардохти

• андоз аз фоида;
• андоз аз истифодабарандагони роҳҳои автомобилгард;
• андози замин;
• андоз аз арзиши иловашуда дар раванди истеҳсол (кор ва хидматрасонӣ) ва таҳвили маҳсулот дар ҳудуди Тоҷикистон озод карда шудааст.

Дар иваз ширкати “Мармарӣ” уҳдадор шудааст, бо харҷи 25 миллион доллар шумораи говҳоро дар фермае дар ноҳияи Ёвон ба 3500 сар расонида, дар як сол 20 ҳазор тонна хӯроки чорво истеҳсол кунад. Дар маҷмааи паррандапарварии ноҳияи Данғара аз 2,7 миллион парранда дар як сол 5 ҳазору 86 тонна гӯшти мурғ омода намояд».

Ва, аммо ин вогузории имтиёз бо ҳамин имтиёзҳо ба поён намерасад. Чанд моҳи пас Раҳмонов боз бо як қарори дигар барои «Мармарӣ» имтиёзҳои нав медиҳад. Боз ҳам дар ин бора расонаҳо он вақт, аз ҷумла «Озодӣ» навишта буд, ки 

«Ҳукумати Тоҷикистон «Мармарӣ», ширкати азими чорво ва парандапарвариро дар ҷануби Тоҷикистон, барои овардани 140 номгӯй молу маҳсулот аз хориҷа аз пардохти боҷи гумрукӣ ва молиёт (андоз) озод кард

 Мувофиқи феҳрасти ҳукумат, «Мармарӣ« метавонад, аз ҷумла 40 трактор, 40 комбайн, 20 мошини борбар, 10 мошини обкашон, 120 ҳазор тонна пунба, ним миллион тонна хӯроки мурғ, 450 ҳазор тонна тухми зағер, 540 ҳазор тонна тухми рапсро бе ҳеч гуна пардохтҳо ба буҷет ба кишвар ворид кунад.

Дар ин санад миқдори пуле, ки буҷети кишвар аз ин қарори «саховатмандона»-и ҳукумат ба ширкати хусусии «Мармарӣ» бой медиҳад, зикр нашудааст. Ба арзёбии чанде аз брокерони гумрук, ки бо ин феҳраст шинос шуданд, боҷи гумрук ва андози ин миқдор молу таҷҳизот беш аз 20 миллион сомонӣ буда метавонад».

Ҳоло дигар фаҳмидед, ки ин ҳама суҳбатҳо аз ободиву сериву пурӣ ва пешрафту рушд дурӯғе беш нестанд ва дар аслу амал ба гуфтаи мусоҳибони ин расонаҳо «то вақте ин ширкатҳо набуданд, гӯшти парандаю чорво ва тухм арзонтар буд… Баъд аз имтиёз гирифтани чунин ширкатҳо, нарх ба осмон расид… Пас, фоидаашон чист?» Ва дар ҳақиқат мардум дуруст ҳам мегӯянд, ки  «Раҳмонов ва Рустам барои кисаи худ ҷон мекананд, на барои пешравии ҷомеа ва давлат.»

Ва инки Раҳмонов вақти таъини Рустам гуфта буд, ки «ту сер» як ҳарфи муфт ва дурӯғи дигари вай аст. Вагарна, мегузошт, ки ҳамин говпарвариву мурғпарвариро худи мардум мекард. Ва нафарон мисли Дости бурутро намешикаст. Агар сер мебуд бо ҳамон пахтаву алюминий иктифо мекард. Вале мебинем,ки «Мармарӣ» бо даҳҳову садҳо миллион доллари бюҷет сохта истодааст, то даромади тухму гӯштро аз мурғхонаву говхона аз они худ кунад. Ана барои чи Раҳмонову Рустам барои бунёди мурғхонаи чандинмиллиондолларии «Мармарӣ»-и семейка Данғара рафтаанд.

Раҳмонов пояш ба лаби гӯр расид, сер нашуд, Рустам, ки тоза аждҳои нафсаш ба чопидану балъидан шурӯъ кардааст, магар сер мешавад?

Пасгуфтори Ислоҳ

Хонанда ва бинандаи азизи «Ислоҳ»!
Ин шумораи «Семейка news» бори дигар нишон медиҳад, ки дар Тоҷикистон дигар танҳо мансабу мақом нест, ки байни як доираи маҳдуд тақсим шудааст; илм, бонк, тиҷорат, замин, фурудгоҳ, корхона ва ҳатто номи «пешрафт» ҳам ба моликияти як оила ва атрофиёнаш табдил ёфтааст.

Он чи имрӯз бо номи «ободонӣ», «саноатикунонӣ» ва «рушд» ба мардум нишон медиҳанд, дар асл бештар ба тақсими кишвар миёни фарзандон, домодҳо, хешон ва дӯстони наздик мемонад. Як тараф унвонҳои илмӣ бо суръати ғайритабиӣ пайдо мешаванд, тарафи дигар ширкатҳои хусусӣ аз имтиёзҳои давлатӣ сер мешаванд, тарафе ҷоизаҳои байналмилалӣ «муваффақият» эълон мешаванд, тарафи дигар дар дохили «круг» барои наздик шудан ба қудрат якдигарро мекобанду месӯзонанд.

Аммо ҳақиқат ин аст: кишвар моликияти шахсии ҳеҷ кас нест. Тоҷикистон на ширкати хусусии як оила аст, на фермаи меросии як гурӯҳ ва на саҳми бозии атрофиёни қудрат. Ин сарзамин ҳаққи мардум аст; ҳаққи ҳамон мардуме, ки имрӯз аз андоз, муҳоҷират, бекорӣ, гаронӣ ва беадолатӣ зери фишор қарор доранд.

Фиреби шиорҳои болохонадори Раҳмон ва чоплусонашро нахуред. «Тоҷикистон ба пеш» мегӯянд-аммо ба кадом пеш? Пеш ба тарафи адолат, рушди воқеӣ ва зиндагии шоистаи мардум, ё пеш ба тарафи тақсими бештари сарват миёни як доираи маҳдуд? Ин саволест, ки ҳар як шаҳрванди бедор бояд аз худ бипурсад.

«Семейка news» барои ҳамин аст: то пушти пардаи ин намоишҳои сохта рӯшан шавад, то мардум бидонанд, ки дар паси шиорҳои зебо чӣ гуна манфиатҳои шахсӣ пинҳон аст. Мо мегӯем, менависем ва нишон медиҳем, зеро хомӯшӣ дар баробари ғасби кишвар, худ шарикӣ дар он аст.

Сообщение         Семейка news №28 появились сначала на ISLOH.net.

Номае, ки дар ин шумора пешкашатон намудем як номаи оддӣ нест. Ҳам дард дорад ва ҳам мусибат ва ҳам шармандагӣ ва ҳам ҷиняти ошкоро.

Сухан аз он ҳодисае меравад, ки ин шаҳрро ба даҳшат ва таҳлукаву тарс андохтааст.  Се ҷавонмарди 19-24 сола як духтари ноболиғи русро ба ҳадде ва усуле таҷовуз мекунанд, ки он духтарбача тоб намеоварад ва ба ҳалокат мерасад.

Мақомот ин се ҷавони тоҷикро дастгир кардаанд ва ҳоло падару модари онҳоро ҳам дар милисахонаи ин шаҳр таҳти саволу пурсиш қарор додаанд.

Ин ҳодиса дар яке аз шаҳрҳои вилояти Самара рух додааст.  

Номаи зер аз ҷараёни ин ҳодиса ривоят мекунад. Аслан ин сӯҳбатҳои яке аз масъулони диаспораи тоҷикӣ дар ин шаҳр аст, ки ба дасти мо навори аудиоии он расид ва мо онро ба матн гардонида пешниҳоди шумо кардем.

Ин нафари масъул бо хитоб ба Группаи вотсапии бачаҳои ин шаҳр, муҳоҷирони кории тоҷик аз онҳо даъват карда истодааст, ки аз содир кардани чунин ҷиноятҳо худдорӣ ва иҷтиноб варзанд. Чунки чунин ҷиноятҳо муносибати мардуми маҳаллӣ-русҳоро ба муҳоҷирони тоҷик бисёр ҳам бад мекунад. Дар ҳоле, ки ҳазорҳо нафар аз тоҷикҳо дар худи ҳамин шаҳр кору зиндагӣ карда истодаанд. Ва ҳоло матни ин навори аудиоиро пешкашатон мекунем, ки ба тарзи зайл аст:

«Садои диаспора: ҳушдори сахт ба ҷавонони тоҷик»

Ассалому алайкум бачаҳои аҳли гурӯҳ. Он қадар мегӯем, ки ғаматон надиҳем, вақтатонро нагирем, намешавад. Як ҳафта шуд хапед, чи кор мекунед?

Як воқеа шудааст дар ин шаҳр. Ду рӯз шуд моро милисахона мекашанд, инҷо мекашанд, онҷо мекашанд, разбор мекунанд.

Ду рӯз пеш се бачаи тоҷик якеаш 18-19сола, дигариаш 23 ва сеюминаш номаълум, ки чандсола аст, духтарбачаи сездаҳсоларо аз шаҳри кӯҳна ба хонаашон меоранд. Дору-таблетка медиҳанд ба духтари ноболиғ ва секаса вайро таҷовуз мекунанд. Боз дубора дору медиҳанд ва боз такроран секаса изнасиловат мекунанд. Бечора, духтари сездаҳсола передозировка мешавад ва ба ҳалокат мерасад. Пареррӯз то соати 11 шаб милисаҳо кофтанд, ҳарсеяшро ёфтанд, хона бурданд, съемка карданд. Вазъият безеб аст.

Бародарҳо, ҳар як кадомамон духтар ва фарзанд дорем. Худатон ҳисоб кунед. Бачаҳои тоҷик се каса аз 19 то25 сола, духтари ноболиғи сездаҳсоларо аз бегаҳӣ то қариби саҳар пивову  дору-таблетка дода по очереду изнасиловат кардаанд. Ҳарсеяшон. Сездаҳсола, кӯдакро!  Се тоҷик, дар мулки ғарибӣ. Дар мулке, ки миллионҳо тоҷик, зану мард, оилавӣ, барои пайдо кардани як луқма нон ва рӯзгори беҳтар омадаанд.

Ту донӣ худо, ҳар як кадомамон фарзанд-духтар дорем. Чаро проблема фақат ба сари тоҷик аст?

Ҳамин саҳарӣ мо дар сентри экстремизм будем. Бовар кунед, мо сарамон хам, намедонем чи кор кунем, чи гӯем, ман открито гуфтам, ки зӯри мо намерасад ба ин бачаҳои ҷавон.

Намедонам инҳо падар доранд надоранд. 90 дар 100и онҳоро худатон медонед, дар кадом пеши мегазини, пархавз, парк куҷое меравед, мебинед. Бачаҳои тоҷикро 15 сола 25 то 30соларо.

Ҳамон рӯз боз ду бачаи тоҷик, дар шаҳри нав, бачаҳои 26-27 сола кокс медиҳанд дар мошин авария мекунанд. Дар даруни мошини ду бачаи тоҷик боз ду духтараки 14 солаи урус. Аз барои худо боз барои инҳо администратсияи район телефон карда фамилия, имя, отчество мепурсад. Хай, то кадом рӯз, то кадом маҳал ин корҳо давом мекунад.

Бачаҳои 26 сола, 27 сола духтарҳои сенздаҳ-чордаҳсола дар мошинашон. Дар шаҳринав дар шаҳри куҳна. Ин бачаҳои ҷавонро ҳеҷ сарфарояшон нарафтам.

 Мо фарзанд калон кардем, ки дар ин шаҳри ғарибӣ, дар инҷои мусофирӣ ҳамин гуна кор кунанд инҳо. Ва обрӯи миллатро то ҳаминдараҷа паст кунанд, ин падарлаънатҳои беимон. Хайр то ба кай ман бачаҳои ёшро  гап занам? Ман ё ки ҳукумат, ё ки кормандони милиса.  Охир калонҳо, мардҳои мусафед, гӯшҳоятонро таги тоқӣ нагиред, нагардед шумо ҳам. Шумо ҳам дар ҳар куҷое дидед бачаи ёшро насиҳаташ кунед. Бахудо, худам ду рӯз пеш аз пархавз баромадам, панҷ-шаш кас дар рӯбарӯи пархавз чухтанд, мӯҳои сарҳояшон хиёле мекунӣ, ки тоҷи мурғобӣ аст. Дар тори сарашон мурғобӣ ҳеҷа кардааст. Причоскаҳояшонро бин-ёжик. Сигаретҳо дар параи даҳан, агарчанде, ки дар тарафи дасти рост ҳам аз тарфи дасти чап ҳам ҷойи курилка дорад. Ана маданияти бачаҳои тоҷик. Аз барои худо шармандаамон кардагиянд ҳамин бачаҳои ёш.

 90% бачаҳои Хуросону бачаҳои Ёвонанд. Маҳаллачигӣ накунем, тоҷиканд ҳамаашон. Се бачаи бузбала. Духтари сездаҳсоларо, кудакро, то саҳара по очереду….  Кӯдак ба он дараҷае шудааст, ки дар ҷояш мурдааст. Бахудо инҳоро пожизненний тюрма мекунанд. Пожизненний.

 Ҳозир падару модарҳояшон ҳам, ки ҳамаи ин моҷароро медонанд, дар  милисахонаанд. Ба фикрам гражданствояшонро оилавӣ қатъ мекунанд.

Хайр, мемонед мо дар ҳамин мамлакат мо зиндагӣ кунем? Мо обрӯи миллатро бардоштан мехоҳем шумо баракс карда истодаед. Шумо лаънатиҳо бачаҳои ёши ҳозира худо хонаатонро бисузад. Наход шумо духтари сенздаҳсолаи ноболиғро то саҳар секаса ба навбат таҷовуз кунед. Агар ин кор бо хоҳари шумо шавад чи гуна қабул мекунед? Дар падаратон лаънат. Номи миллатро шумо паст кардед.

Илтимос, мардум, илтимос, камкам бачаҳои ёшро насиҳат кунед.

Ҳамин ҳоло дар милисахона будем. Мегӯянд, ки «Ато Олимович, вот представьте: если бы трое русских парней так поступили с таджикской девушкой в Таджикистане — что бы вы с ними сделали? Поймите, это ведь ребёнок, девочка. До каких пор вы будете закрывать на это глаза?» Рост мегӯяд. Э, бача рост мегӯянд.

Ҳамаамон падарем. Хуб кӯдак аст он духтар. Вай беақл аст. Ақл дорад надорад, наркоман аст ё нест, аммо фарзанди як инсон аст. Наход се ҷавон, 23 сола мард кудаки сездаҳсоларо шаб то саҳара боз бо очеред – «иш мекардаст ваяш мекардаст, ваяш мекардаст боз иш мекардаст.

 Ҳозир падару модарҳояшон дар мо баромаданд, ки «раис мо чи кор кунем?» Бимиред. Шумо чи кор мекунед, мурданатон беҳ. Мо ёрдам намекунем шуморо. Мо ёрдам ҳам карда наметавонем».

Ҷавони 23 сола, ҷавони 19 сола. Дигариаш ҳам 23-24 сол аст. Ҳоло мегӯянд, ки чаҳорумашро кофта истодаанд.

Э, мардум дар ҳамин шаҳр, аз барои худо безорамон кардед. Аз дасти ин бачаҳои ёш тамоман ҳолу рӯз надорем. Чи дар шаҳри нав ва чи дар шаҳри кӯҳна. Проблема фақат аз тарафи тоҷикҳо ва фақат бачаҳои ёш.

Агар дар ин шаҳр 5000 тоҷик бошад 10000 узбек ҳаст. Чаро узбекбачаҳо ҳамин хел проблема намекунанд? Чаро дигар миллатҳо ин тавр проблема намекунанду фақат тоҷикҳо?

Ман бачаҳои Хуросону Ёвонро ягон корашон надорам, ягон против нестам. Ҳамаи мо тоҷикем. Вале илтимос бачаҳои Хуросону Ёвон фарзандҳоятонро нигоҳ кунед. Охир айб аст. Ба худо 90%ашон бачаҳои Ёвону бачаҳои Хуросонанд. Падару модарҳоятон дар бозор дар стройкаҳо кор мекунанд. Онҳо шуморо бихуронанд ё ки аз қафои шумо шаванд. Пеши пархавз, пеши парк, дар пеши казино, дар пеши Капитал! Магар дар инҷоҷ ғайр аз тоҷик дигар миллат нест. Айб аст. Бас кунед, аз шумо хоҳиш дорем бачаҳо. Одамон калонсол, мардҳое, ки бист сол, сӣ сол шуд дар инҷоед, гушҳоятонро дар таги тоқӣ накунед, нагардед. Барои ин рафторҳои

ин молодёж як мо тоқа гунаҳкор нестем. Шумо ҳам гунаҳгоред. Калонтаронатон дар куҷое ҳастед, дар кӯчаед, дар бозоред, фарзанди тоҷикро, фарқ надорад фарзанди кӣ аст, сигарет дар даҳанаш дидед замечанияаш кунед, носкашро дидед замечанияаш кунед, ришро дидед, замечанияаш кунед, ки тоза бигардад. Инҳо ҳамаашон ояндаи моянд, инҳо ҳамааш нишонаи миллати моянд. Ақлашон ёд бидиҳед, одоб ёд диҳед.

Сӣ сол шуд мо дар ҳамин шаҳрем. Аммо интавр ва ин гуна гапу хабар набуд. Дар инҷо аз ҳамаи миллатҳо ҳаст, ҳаминҷо зиндагӣ мекунанд. Лекин ягон миллат чени тоҷик проблема создават намекунад.

Мо аз Ҷумҳурии Тоҷикистон омадем инҷо, ки зиндагӣ кунем, ватанро поддержка кунем. Пул кор мекунем ба падару модарамон, ба зану фарзандонамон, ба хешу таборонамон роҳӣ мекунем.

 Мо Тоҷикистон меравем, ки фахр мекунем, ки мо аз Русия омадем ку. Лекин мо бояд дар инҷо фахр кунем, ки мо аз Тоҷикистон омадагием. Мо тоҷикем, мо мусулмонем.

Мардум, илтимос, инро дар ҳамаи группаҳоятон партоед. Бачаҳои шаҳри нав бас кунед беадабиатонро.

Дар даруни мошини бачаи 26-27 сола духтар сездаҳ чордаҳсола чи кор мекунад. Пожизненно -як ҳаёт, якумра тюрмаатон мекунанд.

Медонед дар даруни тюрма барои ин кор чи коратон мекунанд. Шумо мегӯед, ки хайр чи корамон мекунанд, ҷанг роҳӣ мекунанд. Не, бо ин статя не. Шуморо ҷанг роҳӣ намекунанд. Шуморо як ҳаёт дар тюрма меқапанд, ҳиҷчи надиҳанд 10 -15 сол тюрма мекунанд. Медонед дар он тюрма чи коратон мекунанд?

 Барои ҳамин бародарҳо, илтимос фарзандонатонро насиҳат кунед. Одамони калонсол ҳар кадомеат бачаҳои ёшро дар куҷое дидед, огоҳашон кунед, замечани кунед, хатоияшро ислоҳ кунад. Насиҳаташон кунед, фарзанди худатон аст

 Ҳар кадоматон фарзанд доред, ҳар кадоматон навасаву набера доред.

Илтимос, бачаҳои тоҷик, илтимос бас кунед. Бачаҳои ёш обрӯямонро дар ин шаҳр резонидед.

 Мо миллати тоҷикем, мо миллати бообурӯем, мо миллати бономусем, мо миллат қонуну шариатро риоят ва эҳтиром мекунем. Ҳамин қонуни давлат ҳам ранги қонуни шариат аст. Вақте болои шумо қонун татбиқ мешавад он гоҳ дер шудааст.

Бахудо тоҷикҳоро чунин бачаҳои ёш шарманда, збонкутоҳ ва муттаҳам карданд. Баъд боз хафа  мешавӣ ки тоҷикҳоро депортатсия карданд, «моро ита ута мекунанд».

Бахудо моро кам карда истодаанд. Ба гуфти ҳамон корманди отдели милисаи шаҳр се урус як духтари ноболиғи сездаҳсолаи тоҷҷикро дар Душанбе ё Хуҷнд ё Қурған ё Кулоб ҳамин тавр кунанд, мо чи гуна ҷавоб медиҳем?

Ман рафтам морг. Ман мебинам мурдаи бачаҳои тоҷикро. Ман рафтагиам милисахона, ман рафтам моргу ҷасади он духтар урусро дидам: кӯдаки сездаҳсола.

Мард ҳастед? Биёяд як касатон, барам бинад ҳамон кӯдаки тика порашудаи сипсиёҳу кабкабуд шударо, бинанд, ки бачаҳои тоҷик чи кор кардаанд?

Э, худо занадатон. Аз пушти шумо ношустаҳои ношунавидаҳои номард халқи муҳоҷир дар азоб мемонад. Худи таҷовуз як ҷинояти вазнин аст. Аммо шумо боз ин корро бо ноболиғ-несовершеннолетка анҷоҷм додаед. Шумо инсон нестед, шумо аз ҳайвон бадтаред. Беҳуда намегӯянд, ки аз пушти як ношушта гӯристон дар азоб аст.

Бародарҳо, ҳаммилатони азиз! Мо фарзанд дорем. Ман худам 7 духтарча дорам, ки калониаш сездаҳ сола аст. Ман чи хел духтарамро ҳозир дар кӯча сар диҳам, чи фикр мекунам? Ҳозир меқапанд ягон бало мекунанд

Ман ба мусулмонии ин бачаҳои ёш шубҳа дорам. Шумо мусулмон нестед.

Мусулмон ин тавр намекунад, мусулмон ин корро намекунад. Зино дар ислом ҷинояти вазнин ва гуноҳи кабира ҳисоб мешавад. Одаме, ки имон дорад ин корро намекунад. Як грамм дар танат номуси тоҷикӣ бошад, номуси мусулмонӣ бошад, бояд ин корро накунӣ

 Илтимос худатонро ислоҳ кунед.

Инҳо ҷазояшонро мебинанд, ҷазояшонро то охир мебинанд. Худо инҳоро хорашон кунад, ки ҳам хору залиламон карданд, ҳам шарманда ва ҳам зиндагӣ дар ин мулки ғурбатро бароямон душвор ва ғайриимкон гардонданд. Ин хелиҳоро қонуни давлат ҷазои сазовр медиҳад, фардо дар он дунё ҳам хору забун хоҳанд буд.

Касе нисбати духтари ноболиғ ҳамин корҳоро мекунад, ин ша Аллоҳ ба кайфари аъмолаш мерасад.

Дар мошинҳояшон савор мекунанд, нисфи шаб дар авария меғалтанд, сездаҳ-чордаҳсола  духтарҳо дар мошинашон.

Парлаънатҳоро мо калонатон кардем барои ҳамин рӯз?

Ман дигар ба ин бачаҳои ёш ва ба падару модари онҳо гап надорам. Калонсолҳо насиҳаташон кунед.

 Пагоҳ қапиданд, депортатсия карданд, тюрма карданд, гражданстваатро лишат карданд, ВНЖятро, хафа нашавед аз ин давлат. Аз худатон хафа шавед, хатоӣ не, ҷиноят содир кардед.  

Барои ман гап задан дар ин масъала бисёр ҳам неприятно аст, аммо маҷбур шудам…

Пасгуфтори Ислоҳ: «Агар намехоҳед ба шумо чунин кунанд-шумо ҳам накунед!»

Нидо ба виҷдони ҷавонон ва падару модарон!

Имрӯз мо дар мулки бегона зиндагӣ мекунем. Дар байни миллатҳои дигар. Ҳар як амали мо на танҳо ба худи мо, балки ба номи миллат, ба обрӯи тоҷик, ба шарафи ислом таъсир мерасонад.

Имрӯз мо дар як имтиҳони сахт қарор дорем-имтиҳони виҷдон, имтиҳони инсоният ва имтиҳони номуси миллӣ.

Як лаҳза фикр кунед:
Агар дар Русия ё дигар кишварҳо духтарону занони тоҷикро таҷовуз кунанд-шумо чӣ ҳолат мегиред? Оё тоқат мекунед? Оё ором менишинед?
Албатта не!

Пас чаро худи шумо даст ба чунин ҷиноятҳои ваҳшиёна мезанед?

Ин ҷиноят аст!
Ин нобуд кардани обрӯи миллат аст!
Ин хиёнат ба дини Ислом аст!

Қуръони карим равшан мегӯяд:

«ولا تقربوا الزنا إنه كان فاحشة وساء سبيلا»
«Ба зино ҳатто наздик нашавед, зеро он кори фаҳшо ва роҳи бисёр бад аст» (Сураи Исро, 32)

Паёмбари акрам (с) фармудаанд:

«لا يؤمن أحدكم حتى يحب لأخيه ما يحب لنفسه»
«Ҳеҷ кас мӯъмин намешавад, то он чиро, ки барои худ мехоҳад, барои дигарон низ нахоҳад»

Агар ту намехоҳӣ хоҳарат, духтарат, модарат қурбонӣ шавад
пас ба духтари дигарон даст нарасон!

Ин гуна ҷиноятҳо нишонаи чист?
Нишонаи дур шудан аз дин, аз тарбия, аз инсонгарӣ.

Ин натиҷаи тарбияи нодуруст аст
Ин натиҷаи бепарвоии падару модар аст
Ва ин натиҷаи сиёсати нодурустест, ки насли ҷавонро бе роҳбарӣ гузоштааст

Падару модарон!

Фарзандро танҳо калон кардан кофӣ нест-ӯро инсон тарбия кардан лозим аст.

Паёмбари акрам (с) фармуданд:

«كلكم راع وكلكم مسؤول عن رعيته»
«Ҳамаи шумо масъул ҳастед барои онҳое, ки зери ихтиёри шумо ҳастанд»

Агар фарзандатон ба ҷиноят даст занад
 ин танҳо гуноҳи ӯ нест,
 ин гуноҳи шумост!

Ҷавонон!

Мардӣ дар таҷовуз нест.
Мардӣ дар ҳифзи номус аст.
Қувват дар зулм нест-қувват дар назорати нафс аст.

Имрӯз шумо фикр мекунед, ки ҷавон ҳастед ва аз ҷазо мегурезед.
Аммо:

 Қонуни давлат шуморо сахт ҷазо медиҳад
Ҷомеа шуморо рад мекунад
Ва дар назди Худо ҷавоб медиҳед

Ба худ биёед!

Номи тоҷикро паст накунед
Номи мусулмонро шарманда накунед
Ояндаи худро вайрону  табоҳу кунҷи зиндон накунед

Зеро як ҷинояти шумо метавонад сарнавишти як миллатро сиёҳ кунад.

Сообщение Фоҷиа дар Русия: «ҷавонони тоҷик даст ба таҷовуз заданд»    появились сначала на ISLOH.net.

  Нӯҳ сол барои як расона умри зиёд ба ҳисоб намеравад. Вале барои расонае, ки дар хориҷа, дар дуриҳои дур фаъолият хоҳад кард, бозтобу инъикоси ҳаводису рӯйдодҳои дохилро ҳадаф қарор медиҳад, навиштан аз ватан ангеза ва асоси ҳузур ва вуҷуди вай аст, тоб овардан дар таййи ин солҳо, пеш рафтан ва пешрав шудан заҳмати зиёд металабад. Бидуни онки кадом ташкилоту созмоне кӯмак карда бошад, бидуни онки манбаъу сарчашмаи дастрас ва ҳамкороне дошта бошад, коре саҳлу сода нест. Ва, ин ҳама дар шароиту ҳолате, ки макони зисти муайян надорем, ҷомадонҳоямон ҳамеша пеши дастамон аст, ҳар лаҳза метавонанд кафшамонро пеши поямон монанд, по дароз кардан аз кӯрпа пайомадҳои сангин ба ҳамроҳ дошт ва дорад.

Аммо, чун ҳамеша такя ва таваккул бар Худо кардем, натарсидем, риск кардем ва чуноне мебинед, шукри Аллоҳи пок, ки ҷойи по пайдо кардем, мақому манзалат ёфтем ва ба як нашрияи маҳбуб ва мақбули мардумамон бадал шудем.

Аммо…

Пойгоҳи «Ислоҳ»: оғози роҳ ва идомаи мубориза

Пойгоҳи «Ислоҳ» санаи 27.04.2017 дар шаҳри Варшаваи Лаҳистон таъсис ёфт.

Мо санаи 12.02.2016 аз Украина ба Лаҳистон гузаштем ва дар он ҷо барои дарёфти мақоми паноҳандаи сиёсӣ муроҷиат кардем. Моро дар лагери муҳоҷирони маъруфи ин кишвар бо номи Безвола, ки дар минтақае бо номи Радзин Подляска қарор дорад ва дар наздикии марзи Белорус воқеъ аст (тақрибан 60 километр фосила дорад), ҷойгир карданд. Ин лагер дар дохили ҷангал ҷойгир буд.

Аз моҳи феврали соли 2016 то моҳи июли соли 2017 мо дар ҳамин лагер қарор доштем, яъне 16 моҳ дар он ҷо зиндагӣ кардем. Ман ҳатто дар ҳамин шароити лагер низ менавиштам ва фаъолиятҳои худро идома медодам.

Бо вуҷуди дурӣ, мо дар тазоҳуротҳои мухолифин дар шаҳри Варшава, ки аз маҳалли сукунати мо наздики 250 километр фосила дошт, иштирок мекардем. Ҳамчунин дар конфронсҳои САҲА дар солҳои 2016 ва 2017 фаолона ширкат варзидем.

Моҳи июли соли 2017 мо ба шаҳрчаи Прушков (наздикии Варшава) кӯчидем ва дар он ҷо тақрибан 5 моҳ зиндагӣ кардем. Пас аз он ба Фаронса ҳиҷрат намудем.

Дар инҷо мехоҳам аз ин қарори худ зикри хос кунам. Аз ин қарор, ки дигар ҷоро неву Фаронсаро интихоб кардам, дар ҳақиқат хеле розӣ ҳастам, зеро аз ҳама ҷиҳат барои оилаи мо беҳтарин буд: фарзандон таҳсил карданд, забон омӯхтанд, ба донишгоҳ роҳ ёфтанд. Ин, воқеан, яке аз қарорҳои дуруст дар зиндагии мо буд.

Инҳо қисме аз зиндагии ман дар Лаҳистон буд, ки баён кардам.

Замоне дар Лаҳистон будам, соли 2017, пайваста мегуфтам, ки мехоҳам як сомона таъсис диҳам ва хоҳиш мекардам, ки дастгирӣ шавад, то онро фаъол гардонем. Аммо, мутаассифона, садое баланд нашуд ва дастгирие низ сурат нагирифт. Пайваста ба ман мегуфтанд: агар мехоҳӣ чизе нависӣ, дар «Паём» бинавис.

Пештар,вақте дар дохил будам, мо сомонае бо номи «Васатият» доштем, ки хусусияти илмӣ, фарҳангӣ, таърихӣ ва динӣ дошт ва аз соли 2007 то соли 2015 фаъолият мекард. Он ҳеҷ гуна ангеза ва масоили сиёсӣ надошт-танҳо фарҳангӣ, маърифатӣ ва таълимӣ буд. Бо вуҷуди ин, онро КДАМ баст ва моро ҳатто ҷарима ҳам карданд. Пас аз он дигар танҳо дар Facebook ва гурӯҳҳои он менавиштам.

Ман чунин хислат дорам: агар ба анҷом додани коре тасмим бигирам ва бубинам, ки бо мушкилот рӯ ба рӯ аст, вале муҳим аст-ҳатман онро то анҷом пайгирӣ мекунам.

Ҳоло мехоҳам як нуктаи дигарро тазаккур диҳам. Дар таъсиси «Ислоҳ» ду бародар саҳми бисёр арзанда гузоштанд: яке дар Русия ва дигаре дар Олмон. Ҳар ду шахсони одӣ буданд, бо маош кор мекарданд. Ман дигар тафсил намедиҳам-муҳим он аст ки бо дастгирии ҳамин ду бародар пойгоҳи «Ислоҳ» фаъолияти худро оғоз кард.

 Ҳамон вақт ба баъзе сомонаҳои маъруфи он замон муроҷиат кардам, ки моро муаррифӣ кунанд, аммо бо баҳонаҳои гуногун рад ё дурпартоӣ карданд. Хуб, муаррифӣ кори осон нест-заҳмати шабонарӯзӣ мехоҳад. Ман ҳам омода будам ва ҳастам.

Платформаи «Ислоҳ» аз оғоз бо рӯйкарди комилан дигар-на фарҳангӣ ва илмӣ, балки маҳз сиёсӣ ва таҳлилӣ— фаъолиятро оғоз кард.  Дар муддати ҳамагӣ 4 моҳ, сомонаи Isloh.net бо матолиби худ худро муаррифӣ кард.

Аз он замон то имрӯз беш аз 9 сол мешавад, ки «Ислоҳ» пайваста ва устувор фаъолияти худро идома медиҳад. Он сомонаҳое, ки ҳатто барои муаррифии «Ислоҳ» як хабар нашр накарданд, кайҳост, ки аз фаъолият бозмондаанд. Аммо «Ислоҳ», бо фазлу карами Илоҳӣ ва талошҳои пайвастаи кормандонаш, ҳамоно фаъол аст.

Дар тӯли фаъолият «Ислоҳ» зарбаҳои зиёдеро паси сар кардааст: аз ҳамлаҳои ҳакерӣ то иттиҳомоти бардурӯғ алайҳи фаъолияти устувори он. Бо вуҷуди ин, ҳеҷ гоҳ дар роҳ наистодаасту аз кору фаолият боз намондааст.

Ҳатто кӯшиш карданд, ки бо маблағ «Ислоҳ»-ро хомӯш кунанд. Аммо як чизро фаромӯш карданд:

«Ислоҳ»-иён на харида мешаванд ва на фурӯхта.

Мо аз ҷониби афроди сиёсӣ-сафирон, вазирон ва роҳбарони ниҳодҳо-номаҳо дарёфт кардем: гоҳе таҳдид, гоҳе даъват ба музокира. Аммо то имрӯз, чуноне будем, ҳамон гуна боқӣ мондаем ва роҳи худро идома медиҳем.

Борҳо шудааст, ки тими «Ислоҳ» барои чанд моҳ бе маош монд, аммо ҳатто ба андозаи як мӯй ҳам аз кор ва талош даст накашид. Ин ҳама аз эътиқод, садоқат ва ҳадафмандии ин тими бошараф шаҳодат медиҳад.

Ман дасти ҳамаи кормандони тимҳои «Ислоҳ»-ро-чи дар дохил ва чи дар хориҷ мефишорам. Шумо беҳтарин муборизон ва баргузидагони Худованд ва ин миллати мазлум ҳастед.

Бидонед ва огоҳ бошед:

ин миллат ҳаргиз заҳматҳои шуморо фаромӯш нахоҳад кард.
Номҳои ҳар яки шумо дар таърихи ин миллат сабт хоҳанд шуд.

Чанд ҷумлаи дигар…

Маъмулан санаҳои ба истилоҳ «круглий» -ҳодисаву рӯйдоде зикри хос мешавад, ки 9 солагӣ шомили он сана намешавад. Чун як сол пас 10солагӣ аст. Аммо ман ёдоварӣ ва ёдрас кардам.

Бигзор ҳар касе чизе бигӯяд. Аммо ман ба унвони муассис ва роҳбари «Ислоҳ» бо сароҳат эълон медорам, ки мо комёб ва муваффақ шудем ва бидуни таоруф ва худситоӣ гуфтаниам, ки ҳоло танҳо «Ислоҳ» аст. Мо рисолат ва масъулият як расонаи озоду мустақил ва мардумиро ба иҷро расонидем ва боз ҳам ба иҷро хоҳем расонд ва низ ба ҳайси минбар ва майдони муборизаи неруҳои оппозитсионӣ хобу хур ва осоиши ин режими золимро  ба мухотара андохтаем.

 Ҳар касе холисона ва бидуни ғараз кори нӯҳсолаи моро арзёбӣ мекунад, мутмаинам ба ин ҳарфҳои мо розӣ мешавад. Боз ҳам барои ҳисоботу гузориши муфассал ва мудаллал омодаем, аммо зарурате намебинам.

Ислоҳ бо нашри мақолаҳои таҳлилӣ ва интиқодӣ корро шурӯъ кард. Хонанда, манбаъ, муаллиф, ҳамкорон ва мухлисону ҳаводорону тарафдорони  худро ёфт.

Барномаҳои он амсоли «Минбари муҳоҷир», «Номаҳо аз ноҳияҳо» ,«Семейканюс»  ва «Номаи маро алоҳида нашр кунед» ҷойгоҳи Ислоҳро таҳким ва тақвият бахшид, хонанда ва тамошобинони онро ба даҳҳову садҳо ҳазор ва то ба миллион расонд. Моро «блогер» унвон доданд. Аммо ҳоло ба блогерӣ рӯ оварданд. Мо дар шароити фавқулода ва ғайриодӣ фъолият мекунем. Мо, хуб медонем, ки чаро моро бад мебинанд. Чун дар даҳани ҳама муму сурб рехтанд, аммо дар навбати мо дасташон кӯтоҳ аст.

«Ислоҳ» дар навишти матолибу мақола мушкил надошт ва надорад. Мо дар дарёфти хабар дасти дароз надорем, ки табиист. Аммо дар ин самт ҳам ноком нестем.

Чандин нафарҳо барои «Ислоҳ» зиндон шуданд. Аммо ин мубориза аст. Мубориза идома мекунад. Ва, мубориза огоҳона идома хоҳад кард.

 Ҳаройина, бо лутфу инояти Илоҳӣ пешрафт дорем. «Ислоҳ» бо русӣ ва англисӣ ҳам маводҳои худро мунташир мекунад. Муассисаҳои байналмилаллии таҳлилӣ ва бунгоҳҳои маъруфи хабарпароканӣ расман муроҷиат ва иҷозаи истифода аз маводу матолиби «Ислоҳ»-ро мекунанд.

 Ҳар коре Раҳмонов ва дастгоҳи идеологии он тӯли ин солҳо бар алайҳи «Ислоҳ» кард, мисли лойи хушк, ки ба девор намечаспад, дар кору пайкори мо асар нагузошт. Ҷилд-ҷилд парванда сохта ба кишварҳои урупоӣ, аз ҷумла кишваре, ки муассиси «Ислоҳ» зиндагӣ мекунад, фиристод. Тавассути фабрикаи ҷавоб тӯҳмату бӯҳтони зиёд зад, ҳатто филм сохту аз тариқи шабакаҳои телевизионӣ пахш кард, кариктураҳо қариб ҳаррӯз дар шабакаҳои иҷтимоӣ дарҷ мекунад, аммо камтарин таъсир надорад. Баракс, шумори ҳавохоҳону дӯстдорону дӯстони «Ислоҳ», ҳамасола рӯ ба афзоиш аст.

Дар ниҳоят «Ислоҳ», худи маро ҳам ба як марди сиёсат бадал кард. Ин шо Аллоҳ, дар сиёсат ҳам комёб ва муваффақ хоҳем шуд, чун сидқамон ва диламон ба Худо ва халқи худо рост аст. Мо, аз оғоз ростиро пеша кардаем. Ростонро Худо ва халқи Худо хуш дорад.

 Дар охир ба тамоми кормандони «Ислоҳ» ва мардуми шарифи Тоҷикистон нӯҳумин солгарди таъсиси Ислоҳро муборак мегӯям.

Муҳаммадиқболи Садриддин, муассис ва сардабири пойгоҳи таҳлилӣ ва сиёсии «Ислоҳ».

27.04.2026

Сообщение Бидуни худситоӣ: Ҳоло танҳо «Ислоҳ» аст! появились сначала на ISLOH.net.

Аз Душанбе як номаи ғайриодӣ омад. Фарзанди як баландмақоми Кумити амният аз бадмастии падараш ва баъзе аз сиру асрори дигари ин идора парда мебардорад 

Номаи расида аз Кулоб ҳам аз он мегӯяд, ки Исмати Дулик (Исматулло Абдуллозода, раиси собиқи фурудгоҳи Душанбе) муовини мудири ширкати Талко таъин шудааст. Исмате, ки ҳамагӣ чанд моҳи пеш бо пардохти қисмате аз зарари расонидааш, ки гуфта мешавад ба чандин миллион доллар (ҳудуди якуниммиллиард сомонӣ) аз зиндон озод шуда ва подписка о не виезде дорад, чи гуна метавонад муовини раиси бузургтарин корхонаи саноатии Тоҷикистон шавад?

Муаллифи нома аз Истаравшан ҳам як розеро ошкор кардааст. Ин роз марбут аст ба бинои нави СИЗОи Истаравшан, ки чанде пеш хабари мавриди баҳрабардорӣ қарор гирифтани онро чанде аз расонаҳо дода буданд. Фарқи ин хабар он аст ки сабаб ва иллати асосии сохтмони СИЗОи нави ин шаҳр аз тарафи як домсозро ошкор мекунад.

Аз Исфара дар бораи ба Хитой супоридани шахтаи Шӯроб навиштаанд. Муаллиф мегӯяд, ки замину замони Шӯробро хитоиҳо ғасб  ва пахш карданд. 1500 хитоӣ бештар ба ин корхона оварда шудааст.

                                          Душанбе

Салом бародар Муҳаммадиқболи Садриддин. Ман як ҷавони 16 сола аз шаҳри Душанбе ҳастам. Падари ман як корманди баландрутбаи Амният мебошад. Бародар, ман аз рӯзе худамро мешиносам ягон маротиба падарамро ҳушёр надидаам, ҳамеша менӯшад. Вале модарам намозхон аст. Як рӯз ба деҳа рафтем- хонаи бобову бибиам. Бобоям ҳамон вақт аз ҳаҷ омада буданд. Дар он маърака як мулло насиҳату суханҳои  хуб карда, гуфт фарзанду авлодатонро бо луқмаи ҳалол таъмин кунед. Баъдтар қариб, ки ҳама рафтанд ман аз мулло кунҷкобӣ карда пурсидам, луқмаи ҳалол чист, чи хел оилаву фарзандҳоро таъмин кунем. Мулло зиёда аз як соат гуфту ман гӯш кардам.
Чандин рӯзҳо  гуфтаҳои муллоро бо зиндагонии имрӯза муқоиса карда мегаштам. Чи тавре ман бо чашмони сари худам мебинам, фикр мекунам, падарам моро бо як нола ҳам луқмаи ҳалол надодааст.

 Хонаи мо ҳамеша ҳамкорони падарам меоянд, корашон ҳамеша арақ нушӣ. Падари ман гӯё дар хориҷа кор мекарда бошад, дар як моҳ, ду моҳ мебинемаш. Дар болои ин ҳама ҳамеша маст мошин меронад. Намедонам ин кормандони амният чи хел кор мекарда бошанд?

Вақте падарам аз сарҳад хона меояд ҳамкоронаш то рафтани падарам дар хонаи мо, мегӯӣ штабашон хонаи мо бошад. Ману модарам ба худо безор шудаем. Ин генерал Ятимов куҷоро нигоҳ мекарда бошад? Ҷамъ кунад ин алкашҳояшро аз ҳарҷо. Бародар натиҷаҳои луқмаи ҳаромро дида истодаам. Ҳамеша проблема дорем:- касалӣ, беморӣ. Модарам ҳамеша мегӯяд ин ҳамааш аз корҳои ҳароми падарат аст. Як рӯз падарам сахт маст буд. Бо телефони тағоям бо кадом ҳамкораш гап зада гуфт, ки мо ин қадар солҳо кор мекунем, ҳоло ҳам моро аз пойтахту шаҳрҳо дур мепартоянд, ин ҳама корҳои Ятимов аст. Дар гирду атрофи пойтахту шаҳрҳо ҷойҳои равғани бехатарриро ба ҳамшаҳриҳои худаш додагӣ. Мо гаштем сарҳад ба сарҳад, дар кӯҳу пуштаҳо, ҷонамон дар кафи даст, аз зану фарзанд ҷудо. Боз каме истод. Аз он тараф ҳамкораш чизе гуфт, ки падарам гуфт Ятимов худаш бо қудояш ҳамин корро ташкил кардаанд. Ҳама ҳамшаҳриҳо ва одамони худашонро дар дохили пойтахту ноҳияҳои тобеъ ҷой карда буданд.

 Аз кадом барномаи «Ислоҳ» шуниданд, ки Генерал президент шуниаст.  Ятимов ҳамон замон бо қудояш занг зада гуфт, ки гапу корҳоямон баромад, метавонӣ аз ватан бароӣ. Ятимов бо қудояш ин суханро мегӯяду боз фармон медиҳад, ки равед бардоредаш.

 Бародар Муҳаммадиқбол, падарам ҳамеша мегӯяд, ки оқибати ин ҳама зулм  пош хурдани авлодҳои пешво мешавад ва ҳамаи мо кунҷи зиндон меравем. Ҳукумат ба  мардум аз ҳад зиёд зулм карда истодааст. Гуфтаниҳои зиёд дорам аммо вақт надорам. Модарам намозхонӣ хестанду ман бо шумо нависонавис дорам. Боз набинад. Мегӯяд ҳоло ҳам телефонбозӣ дорӣ ва аз дастам мегирад.

 Барномаҳои шуморо падарам бо ҳамкоронаш тамошо мекунанд. Ба онҳо ҳамон барномаи Ҷорубқул маъқул ва гапҳои шумо. Пешво мегӯяд, ку  «эээ ма перепутит кадесам». Баъд шумо мегӯед, «и паданалат як ҳаётай перепутит кадесай».  Гапҳои шуморо гуфта механданд. Боз бо якдигарашон қили асп, чоплус, сабзибадаст, пинвинг, Шоҳрих, ҳамин суханҳоро бо якдигарашон бачаҳои амният гуфта механданд.

                                         Кулоб

Ассалому алайкум бародар Муҳаммадиқболи Садриддин. Боз ҳам аз Музаффар Юсуфӣ, Прокурори нақлёти Тоҷикистон мегӯям. Як шиносам ин ҳарфҳоро зад. Гап дар бораи он аст Музаффар Юсуфӣ дар ҳузури яке аз шогирдонаш гуфтааст, ки « и паати Исмати Дулика я чи хотир дидан. (Исмат Абдуллозода, раиси собиқи фурудгоҳи байналмилалии Душанбе) Паата ҳам ай тырма бровардан ҳам бо вазифаш додан. Ҳаромира бурдан дар Алюминзавод муовинш мондан. Оли агар ягон каси дига мебуд, говсудуш мекардан Исмати Дулик, ки тамоми сиру асрори беваи Азизмора кати Ҳасан медона, ранги гули хонагӣ эҳтиётш мекнан. Оли бади Алюминзавод миёранша бо ягон вазифаш метан».

Дар идома Музаффар Юсуфӣ гуфтааст, ки «неки ку и Комили Рохи охан я чи рид, ки Исмати Дулик нафурушаш. Ма и ҳаромора ҳамаи сиру асророшона медонм. Ма бояд кати Исмати Дулик вохрм. Ҳисобу китобомон ай чанд чиз мондагияй. Агар паат отказ кна, ма медонм чира дар ёдш биёрм».

Вале афзудааст Музаффар Юсуфӣ, ки «Паати Исмата номш дар Алюминзавод муовин рафтестай, хдш боша гумай. Неки қандоша зана бачаи Исмат Кароматулло. Ҳамара ба по хезонд. То Рустама ридан. Кароматулло гуфт, ки агар отама наброран ҳамаи записои Азизмора кати Ҳасану зани Рустам меброрм. Паат иқаи дига Исмати Дулика намебровардан, медидем ку чи записора Кароматуллои бачаи Исмати Дулик нишон медод. Марам иқа запис ҷам кадагийм ай вақти Прокуратураи Генерали бданм дар бораи и оилаи Раҳмон, медодмша, нишон медод».

                                       Истаравшан

Ассалому алейкум бародари гиромӣ Муҳаммадиқболи Садриддин! Аз шаҳри Истаравшан бароятон менависам. Дар чанде аз расонаҳо ва шабакаҳои иҷтимоӣ хабар дар бораи аз тарафи як соҳибкори маҳаллӣ сохта ва ба истифода дода шудани бинои СИЗОи нав дар Истаравшан чоп шуд. Дар ҳақиқат ҳамин тавр аст. Бинои нави СИЗО ё боздоштгоҳи муваққатии Сарраёсати иҷрои ҷазои ҷиноятии вазорати адлияи Тоҷикистонро дар шаҳри Истаравшан ифтитоҳ карданд.

Дар ин хабарҳо гуфта мешуд, ки соҳибкор ин биноро ба хотири писари зиндониаш сохтааст. Аммо, то онҷо, ки ман медонам ин бизнесмени домсози истаравшаниро маҷбур карданд, ки дар ин шаҳр бинои нав барои боздоштгоҳи муваққатӣ-СИЗО бисозад.

Ҳукумат маҷбур кард. Бечора сохт. Дирӯз Қофлонбой-Раҷаббой Аҳмадзода, раиси вилояти Суғд омада як маърака баргузор карда онро ба истифода дод. Ман ҳайронам, ки ин давлат чи кор мекунад? Мардуми бечора тюрмахона созад, роҳ асфалт кунад болнитса созад. Пас, барои мо раиси шаҳру вилоят ва президент чи даркор бошад, ба ростӣ, ки ман ҳайрон. Ин боздоштгоҳ дар Лакати Истаравшан, дар бари автодром ҷойгир аст. Номи ин соҳибкор Аскар Эшонов, ки бо номи Аскари домсоз машҳур аст. Писари Аскар  як бачаро се сол пеш кушта буд. Ин бача набераи хола мебошад.

17 июни соли 2024  Аминҷон Аскарзода Садриддин Ҷалоловро бо қайчӣ ба ҳалокат расонида буд. Ҷангҷол аз чи сар зад?

  Садриддин Ҷалолов ҷияни Шукуров Мазбут Ваҳҳобович мебошад. Ин Шукуров Мазбут худаш муаллими таеквандо аст. Шукуров Мазбут Ваҳҳобович чанд нафар шогирди обрӯманд дорад. Худи Мазбут ҳам хело бачаи вазнин мебошад. Ман инҳоро хело хуб мешиносам. Номи падари Мазбут Ваҳҳоб Шукуров, номи модараш Исломова Мавлуда Ҷамоловна аст. Апаи Мавлуда муаллима дар мактаб-гимназия,  дар Фабричний мебошад. Набераи ҳамин шахсро 17 июни соли 2024 дар сартарошхона фарзанди Аскар Эшонов кушт. Дар асл Аскар Эшонов инсони хуб аст. Ман ӯро аз хурдиям мешиносам. Пеш запчастфурӯш буд. Ҳоло ба домсозӣ гузаштагӣ аст. Аскар трактор оварда мефурӯшад. Ба одамони зиёд фоидааш  расидагӣ аст.

Одами нағзро нағз гуфтан даркор. Хеле аз иншооти таъиноти иҷтимоӣ барои мардум сохта дод. Чанд сол пеш детдомро пурра навсозӣ кард. Баъдтар бинои прокуратураро дар даромадгоҳи домотдих, дар ҷойи таъмири телевизор сохт.

Дар он ҷо ду шахс кор мекард, Акбар ном дошт, бо лақаби Акбарча. Ин шахс дар ҳақиқат қадпаст буд ва шарикаш Бахтиёр ном дошт. Аскар Эшонов бо ҳардуи онҳо ҳам кор мекард. Онҳо бо таъмири телевизор машғул буданд, ки барои онҳо алоҳида дар дигарҷо дӯкон сохта дод.

Аскар Эшонов баъдан бинои ҳукумати шаҳрро пурра обод карда дод. Боз дар маркази шаҳри Истаравшан дом сохт бо номи Истаравшан плаза. Боз дар рӯбарӯи онҷо доми дигар сохт. Дар онҷо боғи адибон ҷойгир буд, дар бари масҷиди ҳазрати Шоҳ валӣ. Аскар Эшонов дар посёлкаи шаҳри Истаравшан барои кӯдакон як боғчаи замонавӣ сохт.

Вале ин шахс беҳад маҳзун ва ғамгин аст. Чунки айни ҳол писараш дар тюрма мебошад. Чанд вақт пеш ба дидори писараш рафта аҳволи онҷоро дида ба маҳбусон раҳмаш омад. Вай қасд кард, ки ин СИЗОро нав созад.

 Чунки ин СИЗОи Истаравшанро хато накунам 80-90 сол пеш сохтагианд. Аскар Эшонов хело одами раҳмдил мебошад. Худи ҳамон рӯз сохтумони СИЗОро оғоз  ва ба зудӣ ба анҷом расонд. Қофлонбой санаи 11 апрели соли равон омада онро ба истифода дод ва қарор аст маҳбусҳоро ҳамин шабурӯзҳо ба ин бинои нав кӯчонанд. Мегуфта бошӣ, ки ин мардум аз ин кормандони давлат қарздор бошанд. Чаро ин корҳоро бизнесменҳо кунанд? Модоме бизнесмен ин корҳоро кунанд ба мо раиси шаҳр, раиси вилоят, президент барои чи даркор? Маҳон задагӣ нестем ин мансабдорҳоро? Як бизнесмен ҳамин қадар корро анҷом дод. Аммо ин ҳаромхурҳоро як бор як кори хайрашонр надидем ва аниқ ки намебинем. Чунки ин малъуни гарданбалонигазии бачаи Майрами гӯрсӯхтаи валадиззино дар сари ин мардуми камбағал ҳарчиро бор мекунад. Ин Қофлонбой ҳам боз шарм нокарда бо ишками дамаш бо қайчии нохунгиракаш ин биноро кушод. Боз таъриф доранд, ки раиси вилоят омада ба корҳои сохтумонии СИЗО баҳои баланд дод. Ин шо Аллоҳ,   насиб бошад, ту Қофлонбой ва валадиззинои Раҳмонов дар ҳаминҷо ҷойгир мешавед. Ҷойи тоза, бинои нав.

 Аммо ин бино ба хотири фарзанди Аскар Эшонов бунёд шуд. Ин шахс ба хотири фарзандаш сохт. Ҷойи шумоҳоро бошад бародар Муҳаммад иқбола медонад дар куҷо буданашро. Кирпичний?! Чи гуфтӣ, бародар Муҳаммадиқбол ба ҳамин гапи ман? Рост мегӯям?

  Ин Аскар Эшоновро ман то ҳатто шофёрҳояшро мешиносам, ки беҳад одамони хуб мебошанд. Чунки Эшонов худаш одами хуб аст. Ин шахс ҳамаҷоро обод мекунад. Ман боварӣ дорам ин ҳоло як корҳое мекунад, ки ин пешоби миллат ва ин Қофлонбой дар ҳаёташон карда наметавонанд. Ин Қофлонбой фақат бо дуздӣ овора. Ногуфта намонад, ки Аскар Эшонов роҳи хонаи кӯдакони бе падару модарро ҳам аз ҳисоби худаш мумфарш кард. Боз ният дорд, ки хонаи пиронсолҳоро ҳам ба наздикӣ нав карда диҳад. 

Ҳозир боз як хабари нав омад. Раҷаббой Аҳмадзода-Қофлонбой, раиси вилояти Суғд Аскар Эшоновро фармон додааст, ки боз барои маризони бемориҳои рӯҳӣ- бемористон-яъне девона хона созад. Қофлонбой ба Аскар Эшонов гуфтааст, ки «барои савоб» . Эшонов майлаш гуфта розӣ шудааст.

Аммо ман гуфтаниам ба Қофлонбой, ки ин девонахонаро бояд ту созӣ, чунки ту раиси вилоят ҳастӣ. Аз пулҳои дуздидаат. Чаро аз ҷойи ту мардуми одӣ созад?

Боз шунидам, ки бо каладам-пешоби миллат ба наздикӣ ба Истаравшан омаданӣ будааст. Ва бо қайчиаш мебиёяду мекушояд ин беимон.

Лаънатӣ,чаро як бор худаш намесозад? Чаро ин қадар биноҳои боҳашаматро барои Данғара сохта метавонаду дар инҷо не. Эй, Қофлонбой  охир як бор худат соз, то мо ҳам бинем, ки ҳукумату давлат ҳама минтақаҳоро бо як чашм мебинад.

Шумоҳо фақат аз ҳисоби мардум кайф  карда мегардед. Дар инҷо мардум азоб кашида мегардад?!  Бас акнун зулм кардан.

  Аскар ту насозӣ ҳеҷчӣ. Налогатро дода гаштӣ шуд. Ту тюрма созӣ, девонахона созӣ, бинои ҳукумати шаҳрро созӣ, пас ин тайёрхӯрҳои дузд чи кор мекунанд?  Муҳаммадиқбол, бародари гиромӣ! Ин номаи маро ҳатман чоп кунед, то ин ҳукуматиҳои кару кӯр фаҳманд, ки мардум дар азоб аст. Боқӣ,саломат бошед.

                                         Исфара

Ассалому алайкум домулло Муҳаммадиқбол! Умедворам хубу хуш бошед. Ман аз Шуроби Исфара бароятон ин номаро равон мекунам. Ин ҳукумат, мо мардуми Исфараро ба бозӣ гирифтааст. Хеле аз заминҳои моро бо қирғизҳо дод ва ба иваз, бар ивази замину ҳавлиҳои хуб, ба мо хонаҳои похсагӣ ва заминҳои корношоям гирифт.

Чанд рӯзи пеш ба баҳонаи марафони ободии Исфара тамоми халқро маҷбур карданд, пул ҷамъ карда ба сандуқи хайрияи онҳо бурда супорем. Ин ягон хел бо хоҳиши мардум набуд, ин маҷбурӣ буд. Аз  мактабу масҷиду магазинҳову чойхонаҳову таксиҳои микроавтобусҳову аз ҳамаҷо, бозору савдогарҳо, то гӯштфурӯшу мӯзадӯзу сартарошҳо пул ҷамъоварӣ карданд барои ин марафон. Аз бизнесмеҳои дохил, аз муҳоҷирҳои мо дар шаҳрҳои Русия ҳам пул ситониданд. Бовар кунед, ки инҷо ин маблағ аз даҳ миллион сомонӣ ҳам зиёд шудагӣ аст. Аммо мо намедонем, ки ин маблағро раиси Исфара ба куҷо сарф мекунад. Аз рӯи баъзе маълумотҳо гӯё ба ҳамин қарибиҳо Раҳмонов Исфара меомадааст ва ин маблағро асосан барои тайёрии сафари вай ҷамъ кардаанд.

Ҳолату ҳодисаи дигар ин масъала ё маъракаи облава, сарбозҷамъкунӣ аст. Ин маърака ҳам назар ба солҳои пешина бисёр ҳам сахт гузашт. Чунки облавапулӣ хеле боло рафт. Дар хабарҳо гуфтанд, ки Исфара дар рӯзи аввал нақшаро буд кард. Бовар кунед, ки дар ҳамин маърака ҳам аз падару модарҳо беҳад пули калон гирифтанд.

Ва хабари дигарам ин аст шахтаи Шӯробро ҳам аз дасти мардуми Исфара гирифтанд. Шахта-кони ангиши машҳури Шӯробро, ки ҳанӯз дар ҳукумати подшоҳии Николай ва амирони манғит истифодаашро мардум сар карда буд ба хитоиҳо доданд. Ҳозир дар ин шахта аз Хитой 1500 коргар зиёдтар овардаанд. Барои инҳо ҳама шароитро фароҳам карда истодаанд, хона бо тамоми шароит. Ман дар инҷо аз соли 2012 аст ки кор мекунам, аммо хонаи худро надорам. Вале ба хитоиҳо хонаҳоро тақсим карда доданд.

Тибқи маълумотҳо гӯё хитоиҳо барои 20 сол контракт бастаанд. Шумо худатон як фикр кунед, ки хитоӣ аз Хитой барои чӣ меояд? Барои пайдо кардани кор. Аммо мо барои пайдо кардани кор Русияву Қазоқистон меравем. Чаро? Магар худи мо мардуми Шуроб дар шахта кор карда наметавонем? Беш аз 100 сол кор карда тавонистем, чаро ҳоло наметавонистаем?

Директори генералии шахта як нафар бо номи Насимҷон Каримов аз ноҳияи Восеъи вилояти собиқи Кулоб аст. Ин шахта дар асл пурра захватит шудагӣ аст. Онро чанд пора кардагианд ва аксарияти директорон аз ҳамон ноҳияҳои ба ҳамаи мову шумо маълум.

Солҳои пеш, вақте дар ихтиёри давлат буд, яъне давлатӣ буд инҷо хайру баракат дошт. Аммо ин бизнесменҳои омада фақат дар фикри кисса ва фоидаи худ ҳастанд. Частний кардагианд, чи хеле форад маош таъин мекунанд.

Пеш рӯзи корӣ 200 сомонӣ меафтид, ҳоло то 150 сомонӣ аст.

Коргарони хитоӣ маоши калон мегиранд, шароити хобу хурду хурокашон ҳам бамаротибаҳо аз мо беҳтар аст.

Кас ҳайрон мешавад ба корҳои ин ҳукуматдорҳо, ки мо мардум худамон муҳоҷири кории мулкҳои ғарибӣ мешавем, аммо инҷо ҳатто коргари одиро аз Хитой овардаанд.

Сообщение  Номаҳо аз ноҳияҳо ба «Ислоҳ.нет» №352 появились сначала на ISLOH.net.

Нависандаи нома аз Душанбе дар бораи бозори калонтарини Тоҷикистон Корвон ва раиси он Нуршед Машрабов навиштааст. Муаллиф аз тахриби манзилҳояш тавассути раиси бозори Корвон ба шиддат интиқод карда ва ӯро ба адлу  инсоф даъват намудааст.

Муаллифи ҳамешагии мо аз Волгоград ин бор дар бораи Душанбе сити як матлаберо интихоб ва бо шарҳу тафсири худаш фиристодааст.

Як нафар аз муштариҳои мо аз Андархони Узбакистон аз фаъолияти ниҳоди гумруки Тоҷикистон ва мушаххасан аз як корманди он шикоят кардааст, ки то дар ҷайби худ пул наситонад, иҷозаи ворид кардани колоро намедиҳад.

                                      Душанбе

 Салому дуруд ба тими Ислоҳ ва Ислоҳотхоҳон. Ман ба тими Ислоҳ ду нома аз бозори Корвон, қишлоқи Крупскаяи Автосентр фтотстода будам ба номи Нуршеди писари Хол Машраб, раиси бозори Корвон. Ман дар Автосентр, қишлоқи Крупская хона доштам. Ду сол пеш омаданд хонаҳои моро хезониданд ва сари квадрат хона ваъда ва таъин карданд. Аммо мо розӣ набудем. Баъд ман нома ба «Ислоҳ» фиристодам. Нома дар «Ислоҳ» чоп шуд. Он вақт Нуршед дар Ҳиндустон буд. Модарашро ба табобат бурда буд. Баъдан аз Ҳиндустон омад ва ба ҳамаи одмҳое, ки хонаҳояшонро хезониданд хонаҳои хуб дод. Ба ҳама аз ду то 12 хона ҳам дод. Ана ин хонаҳо, ки айни ҳол мо зиндагӣ дорем.

 Раҳмати Аллоҳ ба тими «Ислоҳ».

Кадом одаме, ки дар хонааш склад дошт сари квадрат 3500 сомонӣ дод, кадоме мағоза дошт, пули мағозаро дод. Ҳоло мо дар ин домҳо зиндгӣ дорем.

 Худо аз шумо розӣ бошад тими «Ислоҳ». Ин номаи шукргузории мо ба «Ислоҳ» буд.

 Акнун боз шикояти навбатӣ аз Нуршед. Аз поёни бозори Корвон, аз назди масҷиди домулло Муҳаммаднабӣ, худо раҳматаш кунад.

Мо сокинони қишлоқи Крупская аз Нуршед мехоҳем, ки мисли саршавии Автосентр одамҳоро хона додӣ ба мо ҳам хона деҳ.

Мо сокинони қишлоқи Крупская аз домсози ту норозӣ ҳастем. Ҳозир аз қисмати поёни Корвон хона сохта истодааст. Мо розӣ нестем. Мо магазин дорем, столовя дорем, склад дорем. Ин магазинҳо, столовийҳо, складҳо ҳазорҳо ҳазор оиларо мехуронад. Аммо ту барои бизнеси бозорат моро аз хонаҳоямон, аз ризқу рӯзиямон монда истодаӣ.

Боз мегӯӣ, ки «ман аз тарси Худо ба шумо ҳаминқадарӣ хона дода истодаам. Аз Худо метарсам, барои ҳамин, вагарна ягонтоатро хона намедиҳам. Гуфтӣ, ки ман аз қишлоқи Крупская нафрат дорам, ки хокашро мебезам». Нуршед, ин қишлоқ ба ту чи бадӣ кардааст? Ин қишлоқи Крупская падари раҳматии туро нону об дод. Падари ту ба мақомаш расид, раис шуд, аз дасти кӣ? Аз дасти ана ҳамин

мардуми Крупская.

Падарат нону намаки ин қишлоқро хӯрд. Падарат шахси мард буд, мисли ту тарсончак набуд. Шахсан мо чанд нафар ба назди Хол Машраб рафтем сӣ нафар ва гуфтем раис ба мо замин лозим. Гуфт гап нест ва пурсид, ки чи қадар. Гуфтем 2 гектар. Падарат он қадар мард буд, ки гуфт ду тонна сӯзишворӣ биёред-солярка. Дар заминҳои поён кишту кор карда истодаем. Ду тонна солярка овардем, раҳматии Хол Машраб ду гектар замин дод.

Нуршед падарат мард буд. Мисли ту ҳариси молу пул, ранги Қорун набуд. Ту бо ин домҳоят чандин хонаро вайрон мекунӣ. Онҳо норозиянд. Оҳи дилу дуъои мардуми мазлум мегирад. Як занро хонааш дар ҳашт сотих буд, як сехонаӣ додӣ. Аммо Ҷалолиддин Назаров муллоимоми қишлоқро як хонаи сагӣ дошт дар хонааш склад дошт аз ин зани одӣ бисёртар додӣ. Муллои қишлоқ Ҷалолиддин Назаровро 600 квадрат хона додӣ. Куҷост адолат Нуршед? Мисли падарат мард бошӣ, то аз пушти ту ҳам мардум ҳарфи хуб зананд ва ба некӣ ёдат кунанд.

Нуршед, ту медонӣ падаратро Раҳмонов занг зад. Баъди занги телефони Раҳмонов падарат дар дачаи Дарёбодатон давлений зад. Фаромуш  кардӣ, ки Раҳмонов сари падаратро хӯрд, Рустам сари туро мехурад, аз пушти бозорат, аз пушти домсозиат. Мардум ҳаргиз золимро намебахшад. Ин режим ҳатман сарнагун мешавад, лекин туро намебахшем, дониста гир.

Нуршед мисли саршавии Корвон, Автосентр чи хеле мардуми болоро пули складҳо, пули магазинҳо ва пули столовийҳояшонро додӣ, хонаҳои хуб додӣ, ки аз ин навъи муомила ва муносибат мардуми боло розӣ ҳастанд, моро ҳам пули магазин, склад, столовийҳоямонро мардона деҳ. Мард шав, кадоме розӣ нест, розӣ намо.

Замин моликияти давлат мегӯӣ. Суду прокурор равон мекунӣ.

Раҳмонови ҳаромӣ набуд, ки 90 сол пеш бобоҳои мо ин қишлоқро ташкил карданд.

Ман чаҳор писар дорам. Метавонам ҳамаашонро дар ин ҳашт сотих заминам зан бидиҳам, акнун хонаи маро мегирӣ ва ду сексия медиҳӣ. Ман дар ин ду сексия бо12 нафар чи хел зиндагӣ мекунам?

Ин писарҳоямро зан диҳам чаҳор хона лозим аст, ин ду хонаи туро дар сарам мезанам? Аз Қорун ҳам бойтар шудӣ, вале мард набудаӣ.

Гапро бисёр намекунам. Боз мегӯям, ки пули замин, магазинҳо, складҳо ва сталовийҳоро пурра бидеҳ.

Баъзе одамҳоро то чаҳорсад ҳазор доллар додӣ, одамҳои авторитетдоштаро дар бозор магазин додӣ. Аз Худо тарс Нуршед:

Дил ба даст овар, ки ҳаҷи акбар аст,

Аз ҳазорон Каъба як дил беҳтар аст.

 Ман соли  2010 ҳамин хонаамро бо нархи 150 ҳзор доллар нафурӯхта ба миқдори 90 ҳазор доллар хона сохтам. Коттеҷ. Акнун Нуршед бизнес карда истодааст, дом ва магазин сохт истодааст, ба ивази маблағи ночиз моликияти маро мегирад. Дар замини ман дом месозаду бизнес-пул кор мекунад.

Моро мегӯяд, ки замин моликияти давлат аст. Ту дом бардошта истодаӣ барои бозори Корвонат. Агар замин моликияти давлат аст, магар бозори ту моликияти давлат аст?

 Нуршед ин режим сарнагун мешавад, вале ту бо авлодат бо ин мардум мемонӣ, баъд, он гоҳ мебинӣ ин мардум авлодатро, ин бозорро чи кор мекунанд

Бародар Муҳаммадиқбо! Ин сеюмин номаи ман ба «Ислоҳ» мебошд. Дутои пешинашро чоп кардед. Номи сеюмамро низ хоҳиш мекунам чоп кунед.

                                   Волгоград

Ассалому алайкум устод Муҳаммадиқболи Садриддин! Ман ин бор аз сомонаи нашрия як мақолаеро дар бораи фаъолияти бонки Душанбе-сити барои барномаи навбатии «Номҳо аз ноҳияҳо» гирифтам.

Фаъолияти ин бонк на як бору ду бор аст ки боиси нороҳатӣ ва хашму ғазаби муштриёнаш мешавад. Ман аз расонаҳо, аз ҷумла аз «Ислоҳ» нет дар бораи ин бонк хонда будам, ки Иттиҳоди Аврупо онро дар қатори ду бонки Спитаменбонк ва Коммерсбонк таҳти санксия қарор дод.

Аммо масъулони Душанбе-сити гуфта буданд, ки ин бонк дар амалиётҳои дохиликишврӣ ягон мушкил надорад ва муштариҳо метавонанд бемалол тавассути он доду гирифт намоянд. Аммо ин мақолаи СССР нишон медиҳад, ки фаъолияти Душанбе сити он тавре, ки роҳбарияташ мегӯяд нест ва барои мардум проблемаҳо сохтааст. Мақолаи мазкур таҳти унвони «Мавҷи шикоятҳо аз Душанбе сити» чоп шуда ва ба қалами Омиронаи Сайёф тааллуқ дорад:

« Мавҷи шикоятҳо аз «Dushanbe Citу»

 Чанд рӯз пеш дар сомонаи иҷтимоии Фейсбук сардабири газетаи мардумии СССР «посте» монданд, ки то ҳол аз ҷониби истифодабаран­дагони шабакаҳои иҷтимоӣ сару садо бардош­тан дорад ва аз ин маълум мешавад, ки «Dushanbe City Bank» ба хотири рафъи камбудиҳо ва беҳтар намудани хизматрасонӣ аз болои худ кор намекунад.

«Ин бонк роҳбару танзимгаре дошта бошад, ки ба доди мардум бирасад? Имрӯзҳо мардуми зиёде аз бесалоҳиятии ДС дар вазъи ногувор мондаанд. Пардохти маблағи хидматрасониҳо мисли парковка, сӯзишвории нафту барқӣ, хариду фурӯш, ки бо ин бонк анҷом мепазиранд, ба ҷои осону сабук шудан, баръакс, душвор шудааст. Барои мисол 3 сомонӣ пули истгоҳ ё парковкаро медиҳеду намегузарад ва бо айби бонки мазкур 78 сомонӣ ҷарима медиҳед. Пул мегузаронед, намегузарад, 2-3 бор кӯшиш мекунед ва яку якбора 3 бор пулатонро кашида мефиристад. Дар асри 21 чунин хизматрасониро ягон давлати дигар ёд надорад! Ҳоло вазъ дар шаҳру навоҳии дигар хеле баду батар аст, ки беҳтар на! Бонки миллии Тоҷикистон ё ин бонкро зери назорат бигирад ва ё хизматрасониҳояшро маҳдуду масдуд ва ҳатто қатъ фармояд. Мардумро озор надиҳед, бонкирҳо!!!,- чунин омадааст дар ин пост.

Баъд аз паҳн шудан ин нигошта-пост ҳаводорони сомонаҳои иҷтимоиро ба шӯр оварду онҳо аз гум шудани маблағҳои ҳамёни худ аз ин бонк гиламандӣ намуда, фикру андешаҳои худро нисбати мушкилиҳои бонк баён карданд.  Чаро “Душанбе Сити” нисбати муштариёни худ бепарвоӣ, бетарафӣ намуда, нисбати рабуда шудани маблағҳои кортии одамон чораҷуӣ кардан намехоҳанд? Мо дар зер андешаҳои чанде аз ҷабрдидагони “Душанбе Сити” – ро меорем, ки воқеъан онҳо аз тарафи ин бонк ҷабр дидаанд.

Абдулқодир Талбаков, яке аз рӯзноманигорони шинохтаест, ки мутаассифона маблағи ӯро низ ситонидаанд.

Сайёра Маҳмадова мегӯяд, ки дирӯз маблағи роҳкирои таксиро бо воситаи корти “Душанбе Сити” пардохт кардам, аммо дар асл ба ронанда маблағ нагузаштааст. То ҳол умуман ин бонк кор накарда истодааст, акнун намедонам, ки маблағи таксист куҷо шуд. Ҳоло вай таксист фикр мекунад, ки ман ягон дузди гузаро, фиребгаре ҳастам, ки дар моҳи мубораки Рамазон ӯро фиреб додаам. Ба ҳамин монанд огоҳномаи пардохти ҳақи хизматрасонии барқ омадааст, ки намедонем, чӣ тавр пардохт кунем. Ба қавле тарсон шудем. Хулоса, 1 бенизомӣ ва беэҳтиромии маҳз аз тарафи бонки мазкур нисбати мардум!

Саъдӣ Маҳдӣ низ бобати ин мушкил гуфт, ки аз ҷабри “Душанбе Сити” гирифторему намедонем, ки ба куҷо муроҷиат кунем?

Муҳаммадалӣ Мақсадулло, журналисти саршинос ба доми “Душанбе Сити” гирифтор шудаву шарҳ гузоштааст, ки «Ман маблағи барқро ба суратҳисоб гузарондам, 2 рӯз мешавад, иттилооте намерасад, пули ман аз картаам ғайб заду куҷо гуму нест шуда рафт???»

Нуралӣ Шоев бошад, иброз намуд, ки субҳи дирӯз барои таъмири мошин ба корти усто 1000 сомонӣ гузаронидам. Аз суратҳисоби ман пул гирифта шуд, вале то ба ҳол ба корти усто нарасидааст. Ҳуҷҷатҳои мошин дар дасти усто мондаанд. Имрӯз писарам барои ташхиси хун ба маркази тиббие рафта, ҳақашонро аз корти «Душанбе Сити» 3 маротиба гузаронд, пул аз корташ гирифта шуд, аммо ба суратҳисоби маркази тиббӣ нарасидааст.

Аҳмадхуҷа Давлатов мегӯяд, ба фикрам, 1 сол пеш ё зиёдтар буд, 1 зани миёнасол чанд банкомати ДС меравад, ки пул надоранд.  Аз асабонияти зиёд охирон банкоматро ба санг зада мешиканад. Мана, мардумро ба чӣ аҳволе овардаанд!!!

Фаромузи Фирӯз:

-220 сомонӣ аз картаам дуздиданду ягон кас ба додам намерасад. Ба ширкати «Душанбе Сити» занг мезанем, телефонашон кор намекунад!

Нисо Тимурова пешниҳод кардааст, ки Бонки Милли Тоҷикистонро зарур аст, ки барои уҳдадорияшро иҷро накардани «Душанбе Сити» дар назди мизоҷонаш, иҷозатномаи додаашро бозпас гирад.

Ҳамза Т. дар бораи рабуда шудани корти «Душанбе Сити» ибрози назар карда, гуфтааст, ки «Ҳамин бонки «Душанбе Сити» бо Мегафон амакбача бошанд?»

Фозилҷон Бозоров бобати ин мавзӯъ рӯшанӣ андохта, шикоят кардааст, ки барои телефон тариқи «Душанбе Сити» пул гузаронидам. Даракаш нест!!!»

Муҳаммадвалӣ Орзуев, ғижжакнавози моҳир мегӯяд, ки «Ин бонк ягон соҳибдарак дорад ё не? Ба «Душанбе Сити» умуман пул гузаронида намешавад…»

 Фаррухруз Шарифов пешниҳод кардааст, ки – Барои гум нашудани пулҳоятону дар ҷойи амн будани ҳамёнҳо ҳатман ба бонки мардумии Амонатбонк гузаред, бе ягон мамоният кор карда истодааст. Хубиаш дар он аст, ки кафолаташро 100 фоиз Ҳукумат медиҳад.

Дилшод Саидзода низ андешаи худро баён карда мегӯяд: «Гуфтаи роҳбари хадамоти алоқаи Тоҷикистон, ки набудани связ ин зиёд шудани муштариҳои алоқаҳои мобилист, шояд дар ин бонки DS мушкил ҳамин бошад?».

Нуралӣ Саидов қайд кардааст, ки «Душанбе Сити» аз дигар бонкҳо дида, тезтар пулро мегузаронд, қулай буд. Чӣ бало зада бошад, ки бонк ин қадар бемасъулият гаштааст?

Рустами Абдуллоҳ гуфт, ки «Аз инаш ба онаш, аз онаш ба инаш ҳавола кардан қатӣ масъала ҳал шуда наметавонад!!! Масъулони «Душанбе Сити» ҳатман шарм надошта барои худ баҳонае пешниҳод мекунанд»

Пули худатро бо азобе мегирӣ…

Чаро масъулоне, ки ба ин корхона вобаста ҳастанд, масъулиятро ҳис намекунанд? Ман шахсан худам чандин маротиба бо воситаи корти «Душанбе Сити» ба дигар кас пул интиқол кардам, бебарор. 1 бор вақти гузаронидан пули кортам нагузашту 2 юм бор аз сари нав пешпардохт кардаму 2 баробар пулам аз корт кам шуд. Ҳоло ин 1 масъала, мушкили дигар ин аст, ки телефонам дар дасти худаму аз корти «Душанбе Сити» ба ягон кас пул нагузаронидам, вале худ ба худ шумораи пулҳоям кам шуд. Худи ҳамон рӯз ба ин бонк занг задам, муддати ним соат мунтазир шудам, ки оператори «Душанбе Сити» телефонамро бардошт. Ҳанӯз суханамро нагуфта, якбора телефон қатъ гардид. Чанд маротибаи дигар ба бонк бо рақамҳои  сомонаи Телеграмми бонк муроҷиат кардам, бе натиҷа. Сабаби ғайбзании пуламро дар сомонаи Телеграмми бонки Душанбе Сити навиштам посухашон чунин буд: Ба бонки «Душанбе Сити» Соҳилӣ, яъне офиси асосӣ равед!

Рафтам ва баъди саргардониҳои зиёд, ки намедонистам, аз кӣ қарзи роҳкиро гирам, пуламро доданд. Пули худамро бо 1 азобу азият гирифтам ва мисли ман ун ҷо мардум фавҷ-фавҷ навбат мепоист…

Магар чунин муносибат зидди супориши роҳбарияти давлат мавриди гузаштан ба пардохти ғайринақдии маблағ, ба ибораи дигар алорағми сиёсати пешгирифта дар кишвар нест?

Омиронаи Сайёф, СССР»

Шикояти муштариёни Душанбе сити ва нашри ин матлаб дар ҳоле аст, ки бинобар маълумоти чопшуда дар нашрияҳо Душанбе сити феълан аз мумтозтарин бонкҳои кишвар ба ҳисоб мерафтааст. Ин бонк тибқи ин маълумотҳо дар соли гузашта дар муқоиса бо дигар бонкҳо ҳам даромди беҳтар ва ҳам муштариҳои зиёд доштааст.

Аммо чуноне аз ин мақолаи СССР бармеояд дар асл ин тавр нест ва кори Душанбе сити ба ҳарду по мелангад.

Ба эҳтимоли зиёд сабаби «пешравӣ»-и ин бонк ва тасвири мусбати  он ин аст ки ин бонк ба Авестогрупп тааллуқ дорад ва Авестогруппро чуноне мову шумо медонем бародарон Мирзоевҳо, мечархонанд. Роҳбари асосӣ ва дар пушти пардаи он Рустами Эмомалӣ аст.

Аммо СССР ҳам, ки ин фактро медонад, роҳбари асосии он Рустами Эмомалиро натавонистааст дар ин мақола интиқод кунад, ки аз уҳдаи идора ва назорати бонк набаромада истодаст. Он нафарҳое, ки дар ин мақолаи СССР ҳам роҷеъ ба фаъолияти Душанбе-сити изҳори нигаронӣ кардаанд, ҳамин тавр дар мавриди соҳиби асосӣӣ ин бонк чизе нагуфтаанд.

                                     Андархон

 Ассалому алейкум бародар Муҳамадиқболи Садриддин! Ман ба шумо аз шаҳри Андархони Ҷумҳурии Узбекистон менависам. Пештар ҳам ман ба шумо нома навишта будам, ки дар шумораи 334- «Номаҳо..» нашр кардед. Аммо баъди нашри он номаи ман ягон дигаргунӣ нашуд.

Куратори прокуратура дар самти таможний нав шудааст ва доляро баланд кард гуфта кормандони таможний борҳоро якчанд рӯз тамоман намонданд, ки гузаранд. Баъдтар ставкаҳояшонро баланд карданд ва борҳоро монданд, ки гузаранд.

 Рӯзи 15 март худи куратори прокуратураи вилоят бо номи Манучеҳр ба шаҳри Исфара омада дар ҳудуди деҳаи Зархоки шаҳри Исфара панҷ мошини бордорро дошта ғам додааст ва пул гирифтааст.

 Президенти Тоҷикистон дар минбари баланд аз пешгирии молҳои қочоқӣ мегуяду лекин ягон намояндаи мақомоти прокуратура, коррупсия, амният, таможний ва милисаҳо ба гапи ӯ гуш намекунанд.

 Пешвои миллат мегуянд, лекин пешвои миллат не пасвои миллат мебошӣ. Ҷавонон ояндаи мо мегӯӣ. Пас, ба ҷавонон роҳ деҳ. Нафақа баромада дам гир. Ту акнун пир шудаӣ. Касе ба гапи ту гӯш намекунад. Агар туро ҳамчун пешво медонистанд, гапҳои туро ба як пули пучак намефурӯхтанд. Туро ҳамчун як замбар ахлот донистанд.

 Муроҷиати ман ба президенти Тоҷикистон

  Агар ту пешво бошӣ, хизматчиҳои давлататро назорат кун. Мисли Манучеҳру Исмоил назди гузаргоҳҳо мисли гадоҳо омада наистанд ва вазифаҳои худро ирҷо кунанд. Агар зурат ба онҳо нарасад чаро сарвари давлатӣ. Ба гуфтаи худат мегӯям, ки «наметонӣ курсира холӣ кун».

Бародар ман аз натиҷаи номаи навбатиам боз ба шумо менависам.

Ман видеоҳои чи гуна дар роҳ боздошт намудани борҳоро аз тарафи Манучеҳр мефиристам. Илтимос  дар барнома онҳоро ҷой диҳед.

Сообщение Номаҳо аз ноҳияҳо ба «Ислоҳ.нет»№ 351 появились сначала на ISLOH.net.