СУРАИ ОЛИ ИМРОН

(Бахши севвум тибқи тиртиби сураҳо дар Қуръон)

Чанд суолу посух аз ин сураи муборака

Ба номи Худованди бахшандаи меҳрубон

Суол: Сабаби Оли Имрон номгузорӣ шудани ин сура дар чист?

Ҷавоб: Ба хотири зикри қиссаи хонадони фазилаи Оли Имрон,падари Марям, модари ҳазрати Исо (а) ва нишон додани қудрат ва азамати Парвардигор.

Суол: Сураи Оли Имрон кай нозил шудааст?

Ҷавоб: Баъди сураи Анфол.

Суол: Ин сура маккӣ аст ё маданӣ?

Ҷавоб: Сураи Оли Имрон куллан маданӣ аст.

Суол: Оё дар сураи Оли Имрон аз номи паёмбарон ёд шудааст?

Ҷавоб: Бале, номи паёмбарони Худо: Одам (а), Нўҳ (а), Иброҳим (а),
Закарё (а), Яҳё (а), Исо (а), Исмоил (а), Исҳоқ (а), Яъқуб (а), Мусо (а) ва Муҳаммад (с) зикр шудааст.

Суол: Чанд оят дорад?

Ҷавоб: 200 (дусад) оят дорад.

Суол: Ҷамъи калимаҳои он чанд аст? Ҷавоб: 2503 (ду ҳазору пансаду се) калима.

Суол: Шумораи ҳарфҳои онро медонед?

Ҷавоб: Оре, 14987 (чаҳордаҳ ҳазору нўҳсаду ҳаштоду ҳафт) ҳарф дорад.

Суол: Яке аз фазилатҳои ин сураро баён кунед?

Ҷавоб: Ҳар ки 200 ояти Оли Имронро ба тамом бихонад 149870 (Яксаду чилу нўҳ ҳазору ҳашсаду ҳафтод) савобро дармеёбад.

Суол: Фазилати дигари сураи Оли Имронро бигўед?

Ҷавоб: Аз Абумома (р) ривоят аст, ки Расули Акрам (с) гуфт: Исми аъзами Аллоҳ (ҷ), ки ҳар касе дуъо кунад, иҷобат мешавад, дар се сура аст: Бақара, Оли Имрон ва Тоҳо.